Book List

<h2 style="text-align: center;">အခန်း (၁၉၇)</h2> <h2 style="text-align: center;">ကောင်းကင်ယံထက်တွင် လောင်ကျွမ်းနေသော စစ်မီးလျှံများ၊ တပ်ဖွဲ့သုံးဖွဲ့၏ အစွမ်းကုန်တိုက်ခိုက်မှု (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>သူတို့၏ အဓိကယုံကြည်ချက်မှာ ဘယ်သောအခါမှ မယိမ်းယိုင်ခဲ့ပေ။</p> <p>ဝံပုလွေအဖေကို ယုံကြည်ရမည်၊ ဝံပုလွေအုပ်နှင့် ပခုံးချင်းယှဉ်ရပ်တည်နိုင်ရမည်၊ ပြီးနောက် သူတို့အား ဘဝသစ်နှင့် နွေးထွေးမှုပေးစွမ်းနိုင်သော ဤအိမ်ကို ကာကွယ်နိုင်ရမည်။</p> <p>ထိုအချိန်မှာပင်။</p> <p>ဘုန်း…။</p> <p>အရာခပ်သိမ်းဆုတ်ဖြဲနိုင်ပစ်မည့် အရှိန်အဟုန်များ ပါဝင်သော ပူလောင်ကြမ်းတမ်းသည့် စွမ်းအင်လှိုင်းတစ်ခု ဝံပုလွေအသိုက်၏ အနောက်ဘက်ရှိ လုပ်ကြံသတ်ဖြတ်သူများ လေ့ကျင့်ရေးကွင်းမှ ရုတ်တရက် ပေါက်ကွဲထွက်လာသည်။</p> <p>ရွှေရောင်ရင့်ရင့် အလင်းနှင့် အနီရင့်ရောင် ချော်ရည်ပုံစံများ ရောယှက်ကာ ကောင်းကင်သို့ ထိုးတက်သွားသော ထူထဲသည့် အလင်းတိုင်ကြီးတစ်ခုအဖြစ် ပြောင်းလဲသွားပြီး ထိုဧရိယာအထက်ရှိ ညကောင်းကင်ယံကို လုံးဝ လောင်ကျွမ်းသွားစေသည်။</p> <p>ယခင်ထက် များစွာ သာလွန်သော ကြမ်းတမ်းသည့် အငွေ့အသက်တစ်ခုက ဟာရီကိန်းမုန်တိုင်းတစ်ခုပမာ ပြန့်နှံ့သွားပြီး ပတ်ဝန်းကျင်ရှိ လေဟာနယ်ပင် သိမ်မွေ့သော လှိုင်းဂယက်များ ဖြစ်ပေါ်သွားသည်။</p> <p>ကန့်နံ့နှင့် ပြင်းထန်သော မီးတောက်များ၏အနံ့က လေထုထဲတွင် ပြန့်နှံ့နေသော်လည်း ဝံပုလွေအသိုက်၏ ကိုယ်ပိုင် အေးစက်စက် စွမ်းအင်ကြောင့် ချေဖျက်ခံလိုက်ရကာ ထူးဆန်းသော မျှခြေတစ်ခု ဖြစ်ပေါ်လာခဲ့သည်။</p> <p>“ဘုရင်ကြီး ကျွန်တော် အောင်မြင်သွားပြီ။” ထျန်းပင်း၏ အလွန်အမင်း စိတ်လှုပ်ရှားနေသော ဟိန်းဟောက်သံက အတွေးထဲမှတစ်ဆင့် ရောက်ရှိလာပြီး လင်းထျန်းလုံ၏ အသိစိတ်ကို အနည်းငယ် လှုပ်ခတ်သွားစေသည်။</p> <p>“မြေအောက်မီးလျှံနှလုံးသား နဲ့ အဲဒီအမြုတေရဲ့ စွမ်းအားကို ကျွန်တော် အပြည့်အဝ စုပ်ယူပြီးသွားပြီ၊ ဟားဟားဟား အခု ကျွန်တော့်မှာ စွမ်းအားတွေ အရမ်းပြည့်လျှံနေတာကို ခံစားနေရတယ်၊ လက်သီးတစ်ချက်တည်းနဲ့တင် တောင်တစ်တောင်ကို ခွဲပစ်နိုင်လောက်တယ်”</p> <p>လင်းထျန်းလုံသည် ငွေပြာဘုရင်မျက်၀န်းဖြင့် ထျန်းပင်းကို ချက်ချင်း စစ်ဆေးကြည့်လိုက်သည်။</p> <p>ထျန်းပင်းသည် အဆင့် ၂၅ (ပါရမီရှင်အဆင့်) ကို အပြည့်အဝ တည်ငြိမ်အောင် လုပ်နိုင်ခဲ့ရုံသာမက သူ၏ ထာ၀ရဗာဂျရာခန္ဓာမှာလည်း နက်ရှိုင်းသောအဆင့် မျိုးဗီဇပြောင်းလဲမှု တစ်ခုခု ဖြစ်ပေါ်ခဲ့သည်ကို သူ ရှင်းလင်းစွာ မြင်နေရသည်။</p> <p>ရွှေရောင်ရင့်ရင့် အမွေးများအောက်ရှိ သွေးကြောများထဲ၌ ချော်ရည်များ စီးဆင်းနေသကဲ့သို့ ဖြစ်နေပြီး အစွန်းရောက် ရုပ်ပိုင်းဆိုင်ရာခံစစ်နှင့် ရုပ်တရက်ပေါက်ကွဲထွက်နိုင်သော တန်ပြန်ပျက်စီးမှု လက္ခဏာရပ် နှစ်မျိုးလုံးကို ပိုင်ဆိုင်ထားသည်။</p> <p>သူ၏ ခန္ဓာကိုယ်ပေါ်ရှိ ချော်ရည်ပုံစံများမှာ အလှဆင်ထားရုံသက်သက် မဟုတ်တော့ဘဲ ကြောက်မက်ဖွယ်ကောင်းသော မီးစွမ်းအင်များ ပါဝင်သည့် အစစ်အမှန် ရုပ်ပိုင်းဆိုင်ရာ ဂမ္ဘီရစာလုံးများ ဖြစ်လာသည်။ </p> <p>နှင်းမုန်တိုင်းတိုက်ပွဲဝိညာဉ်၏ တိုက်ပွဲဝင်လိုစိတ်ကလည်း ဤစွမ်းအားအသစ်နှင့် ပေါင်းစပ်သွားကာ ပိုမိုကြမ်းတမ်းရက်စက်လာသည်။</p> <p>ဤရုတ်တရက် အစွမ်းထက်သော အဆင့်တိုးတက်လာမှုသည် တင်းကြပ်နေသော လေးကြိုးကို ကြီးမားသော ခွန်အားတစ်ခုဖြင့် ဆွဲဆန့်လိုက်သကဲ့သို့ဖြစ်သွားပြီး ဝံပုလွေအသိုက်တစ်ခုလုံး၏ တိုက်ပွဲဝင်လိုစိတ်များ ချက်ချင်း ဆူပွက်သွားခဲ့သည်။</p> <p>သူ၏ အတွေးက ဝံပုလွေအသိုက်တစ်ခုလုံး ပြန့်နှံ့သွားပြီး ပြတ်သားသော ဆုံးဖြတ်ချက်များ ပါဝင်နေသည်။</p> <p>“အားလုံး မြင်တဲ့အတိုင်းပဲ၊ မိခင်သစ်ပင်က အရေးကြီးတဲ့ အဆင့်ကို ကျော်ဖြတ်ပြီးသွားပြီ၊ သူ့ရဲ့ ခံစစ်က ဖျက်ဆီးလို့မရနိုင်ဘူး၊ ထျန်းပင်းရဲ့ စွမ်းအားကလည်း အများကြီး တိုးတက်လာတယ်၊ သူ့ရဲ့ အစွယ်တွေက အရင်ကထက် ပိုထက်ရှနေပြီ”</p> <p>“ဒါ ငါတို့ ဝံပုလွေအသိုက်ရဲ့ စွမ်းအားပဲ”</p> <p>သူ့အသံက နှင်းဝံပုလွေတိုင်း၏ နှလုံးသားထဲတွင် ပဲ့တင်ထပ်သွားပြီး သူတို့၏သွေးထဲရှိ ရိုင်းစိုင်းမှုနှင့် တိုက်ပွဲဝင်လိုစိတ်ကို လောင်ကျွမ်းစေခဲ့သည်။</p> <p>“ရန်သူတွေက ငါတို့ကို ကြောက်ပြီးထွက်ပြေးမယ်လို့ ထင်နေတယ်၊ ငါတို့ကို ပိတ်လှောင်ပြီးသတ်လို့ရမယ်လို့ ထင်နေတယ်။”</p> <p>“ဒါပေမယ့် သူတို့မှားသွားပြီ”</p> <p>“သူတို့ ရင်ဆိုင်ရမှာက သတ်ဖို့စောင့်နေတဲ့ သိုးငယ်လေးတွေ မဟုတ်ဘဲ သူတို့ကို အပိုင်းပိုင်းအစစ ဆွဲဆုတ်ပစ်နိုင်တဲ့ ဝံပုလွေအုပ်ပဲဆိုတာ သူတို့ မကြာခင် နားလည်လာလိမ့်မယ်”</p> <p>“အားလုံးပဲ၊ အကောင်းဆုံး အခြေအနေကို ပြင်ဆင်ထားကြ၊ မင်းတို့ရဲ့ လက်သည်းတွေကို သွေး၊ သွားတွေကို သွေးထား”</p> <p>“နောက်ပိုင်း ဆက်ဖြစ်မယ့်တိုက်ပွဲက သွေးထွက်သံယို ဖြစ်လိမ့်မယ် ဒါပေမယ့် ငါ လင်းထျန်းလုံက မင်းတို့နဲ့အတူ ရပ်တည်ပြီး ဒီအောင်ပွဲကို အရယူမယ်”</p> <p>“အာ၀ူးးး”</p> <p>“အာ၀ူး…”</p> <p>နားကွဲမတတ် ဝံပုလွေအူသံများက သာမန်မျက်စိဖြင့် မမြင်ရသော ရေစီးကြောင်းကြီးတစ်ခုအဖြစ် ပေါင်းစပ်သွားပြီး ကောင်းကင်သို့ ထိုးတက်သွားကာ အဝေးရှိ တိမ်တိုက်များကိုပင် လွင့်စင်သွားစေသည်</p> <p>တုံ့ဆိုင်းမှုများ၊ ကြောက်ရွံ့မှုများအားလုံး ဤအခိုက်အတန့်တွင် ‌ကြက်ပျောက်ငှက်ပျောက် ပျောက်ကွယ်ကုန်လေပြီ။ နှင်းဝံပုလွေတိုင်း၏ မျက်လုံးများထဲတွင် တိုက်ပွဲဝင်လိုစိတ်နှင့် အောင်ပွဲအတွက် တောင့်တမှုသာ ကျန်ရှိတော့သည်။</p> <p>ဓားအိမ်ထဲမှ ဆွဲထုတ်လိုက်ပြီဖြစ်သော ထက်ရှသည့် ဓားတစ်လက်ဖြစ်သည့် ဝံပုလွေအသိုက်အတွင်း အေးစက်စက်အလင်းရောင်များ လင်းလက်နေပြီး သွေးသောက်ရမည့် အချိန်ကို စောင့်ကြိုနေလေတော့သည်။</p> <p>……..</p> <p>အရုဏ်မတက်မီ အမှောင်မိုက်ဆုံးအချိန်က ထျန်းစန်းသစ်တောကြီးအပေါ်သို့ ပျစ်ချွဲသောမှင်ရည်များပမာ လွှမ်းခြုံထား၏။</p> <p>စဉ်ဆက်မပြတ် သတိထားစောင့်ကြည့်မှုများကြောင့် ဝံပုလွေအသိုက်အတွင်းရှိ တင်းမာမှုများ အနည်းငယ်မျှပင် ပြေလျော့သွားခြင်းမရှိချေ။</p> <p>တင်းမာလွန်းသော အခြေအနေကား အဆုံးစွန်ထိ ဆွဲဆန့်ထားသည့် လေးကြိုးတစ်ချောင်းနှင့်ပင် တူနေတော့သည်။</p> <p>လင်းထျန်းလုံသည် တိုတမ်မိခင်သစ်ပင်အောက်၌ တိတ်ဆိတ်ငြိမ်သက်စွာ လှဲလျောင်းနေ၏။ မျက်ဝန်းများ မှိတ်ထားသော်လည်း အိပ်မောကျနေခြင်းမဟုတ်ပေ။</p> <p>အသိစိတ်အနက်ရှိုင်းဆုံးနေရာ၌ ငွေပြာဘုရင်မျက်ဝန်းစွမ်းရည်ဖြင့် အတိကျဆုံးသော ရေဒါတစ်ခုပမာ မိုင်တစ်ဆယ်အတွင်းရှိ စွမ်းအင်လှုပ်ခတ်မှုများကို အာရုံခံစောင့်ကြည့်လျက်ရှိသည်။</p> <p>၈၅ ရာခိုင်နှုန်း အသွင်ပြောင်းလဲပြီးနောက် မိခင်သစ်ပင်ထံမှ ဖြာထွက်နေသော ကြီးမားလှသည့် အသက်စွမ်းအင်နှင့် ဝိညာဉ်အနှစ်သာရများက အမှောင်ထုထဲမှ မီးပြတိုက်တစ်ခုပမာ နွေးထွေးမှုနှင့် စွမ်းအားများကို ဆောင်ကြဉ်းပေးနေသည်။</p> <p>သို့သော်ငြား တစ်ဖက်တွင်လည်း လောဘတကြီး ငမ်းငမ်းတက်လိုချင်နေကြသည့် အကြည့်များကို မလွဲမသွေ ဆွဲဆောင်နေခဲ့သည်။</p> <p>ရုတ်တရက် အလွန်တရာသိမ်မွေ့သော်လည်း ထက်ရှလွန်းသော အန္တရာယ်အငွေ့အသက်တစ်ခုက ရေခဲအပ်တစ်ချောင်းပမာ ဝိညာဉ်အနက်ရှိုင်းဆုံးနေရာထိ ထိုးဖောက်ဝင်ရောက်လာ၏။</p> <p>ယင်းက စနစ်၏အသိပေးချက်မဟုတ်ဘဲ ရေတွက်မရနိုင်သော သေရေးရှင်ရေးတိုက်ပွဲများကြားမှ ရရှိလာသည့် သားရဲပင်ကိုဗီဇနှင့် သတ်ဖြတ်လိုစိတ်အပေါ် တုံ့ပြန်တတ်သည့် အလိုအလျောက်ကြိုတင်သိမြင်နိုင်စွမ်းပင် ဖြစ်သည်။</p> <p>ထိုအချိန်နှင့် တစ်ပြိုင်နက်တည်းမှာပင်။</p> <p>“အာဝူး...”</p> <p>အလွန်ဝေးကွာသော ဝံပုလွေအသိုက်၏ အနောက်မြောက်အရပ်မှ သတိပေးချက်အပြည့်ပါဝင်နေသော စူးရှတိုတောင်းလှသည့် ဟိန်းဟောက်သံတစ်ခုက တိတ်ဆိတ်မှုကို ထိုးခွင်းထွက်ပေါ်လာ၏။</p> <p>သို့သော် စက္ကန့်ဝက်မျှအကြာတွင် ထိုအသံက ရုတ်တရက် ရပ်တန့်သွားခဲ့သည်။</p> <p>လင်းထျန်းလုံ၏ ရေခဲသဖွယ်အေးစက်နေသော မျက်ဝန်းပြာများ ရုတ်တရက်ပွင့်လာပြီး မျက်၀န်းထဲမှ အေးစက်စက် အလင်းတန်းများ ထွက်ပေါ်လာ၏။</p> <p>ထိုအသံသည် သာမန်သတိပေးသံမဟုတ်ဘဲ အင်အားကြီးမားလွန်းသော ရန်သူ့နှင့် ရင်ဆိုင်ရချိန်တွင် အမဲလိုက်သမား ကင်းထောက်များက အသက်နှင့်ရင်း၍ ပေးပို့လိုက်သည့် နောက်ဆုံးအချက်ပေးသံပင် ဖြစ်သည်။</p> <p>“ရန်သူလာပြီ”</p> <p>ရေခဲပမာအေးစက်လှသော အသိအာရုံက ဝံပုလွေအသိုက်ရှိ အဓိကအဖွဲ့ဝင်တိုင်း၏ စိတ်ထဲ၌ မိုးကြိုးပစ်ချလိုက်သကဲ့သို့ ပေါက်ကွဲသွား၏။ နှင်းဝံပုလွေများမှာ ထိတ်လန့်တုန်လှုပ်ခြင်းအလျဉ်းမရှိဘဲ တိုက်ပွဲဝင်လိုစိတ်များသာ အလိုအလျောက် ထကြွလာကြသည်။</p> <p>နောက်တစ်ခဏတွင် တစ္ဆေတစ်ကောင်ပမာ မြေပြင်နှင့်တစ်သားတည်းဖြစ်နေသော အရိပ်တစ်ခုက လျှပ်တစ်ပြက် ပြေးလွှားလာပြီး လင်းထျန်းလုံ၏ရှေ့၌ ရပ်တန့်သွား၏။</p> <p>ယင်းကား ယင်းဖုန်းပင် ဖြစ်သည်။</p> <p>ရှေ့လက်သည်းတစ်ဖက်တွင် ခြောက်သွေ့ခြင်းမရှိသေးသော တခြားသက်ရှိတစ်ကောင်ကောင်၏ အနီရင့်ရောင်သွေးများ ပေကျံနေပြီး နက်ရှိုင်းသော မျက်ဝန်းများထဲတွင် အေးစက်စက် ဒေါသတရားများနှင့်အတူ မသိမသာ ကိုယ့်ကိုယ်ကိုယ် အပြစ်တင်နေသည့် အရိပ်အယောင်များ ကိန်းအောင်းနေသည်။</p> <p>“ဘုရင်ကြီး” ယင်းဖုန်း၏ စိတ်အာရုံ ပေးပို့မှုက အရေးတကြီးဖြစ်နေသော်လည်း တိကျလှ၏။</p> <p>“အနောက်မြောက်၊ အနောက်တည့်တည့်နဲ့ အနောက်တောင်အရပ်... အရပ်သုံးမျက်နှာစလုံးကနေ ကြီးမားတဲ့ ရန်သူ့အင်အားတွေ တစ်ပြိုင်နက်တည်း ချဉ်းကပ်လာနေပါပြီ။ သားရဲတွေမဟုတ်ဘဲ လူသားတွေပါ”</p> <p>“အင်အားက... အရမ်းများပြားလွန်းပါတယ်၊ ကျွန်တော်တို့ရဲ့ အပြင်စည်း ကင်းထောက်အဖွဲ့ သုံးဖွဲ့စလုံး... အဆက်အသွယ် ပြတ်တောက်သွားပါပြီ”</p> <p>ယင်းဖုန်း၏စကားများကြောင့် နေရာယူရန် အလျင်အမြန်ရောက်ရှိလာကြသော ထျန်းပင်း၊ ရန့်မြဲ့နှင့် မဟာနှင်းအစောင့်အရှောက်တို့၏ အငွေ့အသက်များက ချက်ချင်းပင် ဒေါသအငွေ့အသက်အများအဖြစ် ပြောင်းလဲသွားကြသည်။</p> <p>“လူသားတွေ၊ အရပ်သုံးမျက်နှာကနေ တစ်ပြိုင်နက်တည်း တိုက်ခိုက်လာတာလား” လင်းထျန်းလုံ၏ အသံထဲတွင် မည်သည့်ခံစားချက်မျှ ပါဝင်မနေသော်လည်း ပတ်ဝန်းကျင်ရှိလေထုက သူ၏ဖိအားအောက်တွင် အေးခဲသွားတော့မည့်အလား ထင်မှတ်ရ၏။</p> <p>သူသည် မတ်တတ်ရပ်လိုက်ပြီး ငွေပြာဘုရင်မျက်ဝန်းကို အပြည့်အဝဖွင့်လှစ်ကာ အဝေးဆီသို့ ထိုးဖောက်ကြည့်ရှုလိုက်သည်။</p> <p>အနောက်မြောက်အရပ်ရှိ မိုးကုတ်စက်ဝိုင်းတွင် တောမီးလောင်ကျွမ်းနေသည့်အလား ထူထပ်လှသော မီးအလင်းရောင်များက ထိန်လင်းနေ၏။</p> <p>ပြင်းထန်ပြီး ကြမ်းတန်းလွန်းသော စွမ်းအင်လှုပ်ခတ်မှုများကို ဤအကွာအဝေးမှပင် ရှင်းလင်းစွာ ခံစားသိရှိနိုင်ပေသည်။ ယင်းက လောင်ကျွမ်းမီးလျှံဂိုဏ်း၏ ထင်ရှားသော အငွေ့အသက်ပင် ဖြစ်သည်။</p> <p>အနောက်တည့်တည့်အရပ်မှ တစ်ပြေးညီဖြစ်နေသော ကြီးမားလှသည့် ခြေသံကြီးများက မိုးချိန်းသံပမာ ထွက်ပေါ်လာ၏။</p> <p>မြေဝါရောင်အလင်းတန်းများ ဖြာထွက်နေသည့် ဧရာမစွမ်းအင်ဒိုင်းကာကြီးများက အရုဏ်မတက်မီ အလင်းရောင်အောက်တွင် မှိတ်တုတ်မှိတ်တုတ်ဖြစ်နေပြီး ခိုင်မာတောင့်တင်းလှသော ရွေ့လျားတံတိုင်းကြီးတစ်ခုအဖြစ် ဖွဲ့စည်းထားသည်။</p> <p>ယင်းကား သံမဏိဒိုင်းကာ ကင်းစခန်းမှ ချီတက်လာသော တပ်မကြီးပင်။</p> <p>အနောက်တောင်အရပ်မှမူ စက်ယန္တရားများ လည်ပတ်နေသည့်အသံများ ထွက်ပေါ်လာ၏။</p> <p>သံချပ်ကာများ ဖုံးအုပ်ထားပြီး စွမ်းအင်လှိုင်းများ တဖျပ်ဖျပ်လက်နေသည့် ထူးဆန်းသောပုံစံရှိ စစ်ပွဲစက်ယန္တရားဒါဇင်ပေါင်းများစွာသည် ချီတက်လာသော သံမဏိဒီရေလှိုင်းကြီးတစ်ခုအလား သစ်တောကြီးကို ဖြည်းညင်းစွာ ဖျက်ဆီးချေမွလာကြသည်။</p> <p>ယင်းတို့ကား မီးပွားသုသေသနပညာရှင်အသင်း၏ လက်ပါးစေများပင် ဖြစ်ပေသည်။</p> <p>ရှင်းလင်းသော ရည်မှန်းချက်များရှိကြသည့် ထိုတပ်ကြောင်းကြီးသုံးခုသည် တားဆီးမရနိုင်သော အင်အားများဖြင့် အရပ်သုံးမျက်နှာမှ ဝံပုလွေအသိုက်ဆီသို့ ချဉ်းကပ်လာနေကြ၏။</p> <p>သူတို့သည် လှုပ်ရှားမှုများကို ဖုံးကွယ်ထားရန်ပင် မကြိုးစားတော့ဘဲ အကြွင်းမဲ့ယုံကြည်ချက်၊ ဖျက်ဆီးပစ်လိုသော ဆန္ဒအပြည့်ဖြင့် ပေါ်ပေါ်ထင်ထင်ပင် ချီတက်လာကြသည်။</p> <p>“ဘုရင်ကြီး၊ လုပ်ကြံသတ်ဖြတ်သူအဖွဲ့ကို ဦးဆောင်ပြီး ကျွန်တော့်ကို ထွက်ခွင့်ပြုပါ” တစ်ဖက်ဖက်ကို အရင်ဆုံး ချေမှုန်းပစ်ပါ့မယ်” ထျန်းပင်းက ဟိန်းဟောက်လိုက်၏။</p> <p> </p> <p> </p> <p> </p> <p style="text-align: center;">***</p>


Save