Book List

<h2 style="text-align: center;">အခန်း (၁၉၈)</h2> <h2 style="text-align: center;">ကောင်းကင်ယံထက်တွင် လောင်ကျွမ်းနေသော စစ်မီးလျှံများ၊ တပ်ဖွဲ့သုံးဖွဲ့၏ အစွမ်းကုန်တိုက်ခိုက်မှု (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>သူ၏ကိုယ်ပေါ်ရှိ မှောင်မိုက်သော ရွှေရောင်အဆင်းနှင့် ချော်ရည်စီးကြောင်းပုံစံများက ပြင်းထန်စွာ တဖျတ်ဖျတ်လက်နေပြီး နှင်းမုန်တိုင်းတိုက်ပွဲဝိညာဉ်၏ တိုက်ပွဲဝင်လိုစိတ်က ပေါက်ကွဲထွက်တော့မည့်အလား ဖြစ်နေသည်။</p> <p>ယခုလေးတင် အဆင့်တက်ပြီးထားသူဖြစ်ရာ သူ၏စွမ်းအားများကို သက်သေပြရန် ကျေနပ်ဖွယ်ကောင်းသော တိုက်ပွဲတစ်ခုကို တောင်းတနေခဲ့သည်။</p> <p>“မိုက်မဲလွန်းတယ်” ရန့်မြဲ့၏အသံက ရေခဲတုံးများ အချင်းချင်း ရိုက်ခတ်သွားသကဲ့သို့ အေးစက်စက် ထွက်ပေါ်လာ၏။</p> <p>“ရန်သူ့တပ်ဖွဲ့က ကျစ်လျစ်ပြီး သူတို့ရဲ့ စိတ်ဓာတ်ကလည်း တက်ကြွနေတယ်။ အလျင်စလို တိုက်ခိုက်တာက သူတို့ရဲ့ဆန္ဒကို ဖြည့်ဆည်းပေးလိုက်သလိုပဲ ဖြစ်သွားလိမ့်မယ်”</p> <p>“ကျွန်တော်တို့အနေနဲ့ သူတို့ရဲ့ဖွဲ့စည်းပုံ အားပျော့သွားအောင် အကာအကွယ်နဲ့ ခံတပ်တွေကို အားကိုးပြီး အားနည်းချက်တွေကို ရှာဖွေရမယ်”</p> <p>ရန့်မြဲ့၏ ခန္ဓာကိုယ်ပတ်လည်တွင် ရေခဲကြေးခွံချပ်ဝတ်တန်ဆာမှ ခပ်ဖျော့ဖျော့အလင်းရောင်များက လှည့်ပတ်စီးဆင်းနေသည်။</p> <p>ထိုအလင်းရောင်များမှာ အကောင်းဆုံးခံစစ်အနေအထားသို့ ရောက်ရှိနေပြီဖြစ်သော သူ့နောက်ရှိ မဟာနှင်းအစောင့်အရှောက်နှင့် ရေပြာကြေးခွံအစောင့်အရှောက်တို့၏ ကာကွယ်ရေးအလင်းရောင်များနှင့် မသိမသာ ပဲ့တင်ထပ်နေသည်။</p> <p>လင်းထျန်းလုံ၏ အကြည့်က အသင့်စောင့်ဆိုင်းနေသော ဝံပုလွေအုပ်စုကြီးအပေါ်သို့ ဖြတ်ပြေးသွားပြီးနောက် ဘေးရှိ မိခင်သစ်ပင်ဆီသို့ တစ်ချက်ကြည့်လိုက်၏။ မိခင်သစ်ပင်သည်လည်း စွမ်းအားများကို စုစည်းနေသည့်အလား ပို၍တောက်ပလာနေသည်။</p> <p>“ရန့်မြဲ့ ပြောတာမှန်တယ်" သူက ဆုံးဖြတ်ချက်ချလိုက်ပြီး တိုက်ခိုက်ရေးအဖွဲ့တိုင်းဆီသို့ ရှင်းလင်းသော စိတ်အာရုံအမိန့်ပေးချက်များကို ထုတ်ပြန်လိုက်၏။</p> <p>“အားလုံးပဲ ကြိုတင်သတ်မှတ်ထားတဲ့ ကာကွယ်ရေးအစီအစဉ်အတိုင်း ကိုယ့်နေရာကိုယ်ယူကြ”</p> <p>“ထျန်းပင်း မင်းရဲ့ လုပ်ကြံသတ်ဖြတ်သူအဖွဲ့က အဓိကအင်အားစုအဖြစ် တာဝန်ယူရမယ်။ ငါ့အမိန့်ကိုစောင့်ပါ၊ အတွင်းပိုင်းလမ်းကြောင်းတွေကနေ အချိန်မရွေး တန်ပြန်တိုက်ခိုက်ဖို့ အသင့်ပြင်ထား”</p> <p>“ရန့်မြဲ့၊ အစောင့်အရှောက်အဖွဲ့က အကာအကွယ်အချိတ်အဆက် နေရာတိုင်းနဲ့ ရှေ့တန်းခံတပ်တွေကို ခိုင်ခိုင်မာမာ ထိန်းထားရမယ်။ ငါ့အမိန့်မရှိဘဲ ခြေတစ်လှမ်းတောင် နောက်ဆုတ်ခွင့်မရှိဘူး”</p> <p>“ယင်းဖုန်း… အမဲလိုက်သမားအဖွဲ့ကို အုပ်စုငယ်လေးတွေခွဲလိုက်။ ဝံပုလွေအသိုက်အပြင်ဘက်က ရှုပ်ထွေးတဲ့ ပတ်ဝန်းကျင်ကို အသုံးချပြီး ပြောက်ကျားစနစ်နဲ့ နှောင့်ယှက်တိုက်ခိုက်ရမယ်”</p> <p>“ရန်သူ့အထောက်အကူပြုတပ်ဖွဲ့တွေနဲ့ စွမ်းအင်အချိတ်အဆက် နေရာတွေကို အဓိကထား တိုက်ခိုက်ပြီး သူတို့ရဲ့စစ်ချီတက်မှုကို နှေးကွေးအောင်လုပ်၊ ကစဉ့်ကလျားဖြစ်အောင် ဖန်တီး”</p> <p>“ပိုင်လင်း၊ ဝံပုလွေမတွေနဲ့ သားပေါက်လေးတွေကို ဦးဆောင်ပြီး မိခင်သစ်ပင်ရဲ့ အမြစ်တွေအောက်က အဓိကခိုလှုံရာနေရာဆီကိုသွားကြ”</p> <p>ညွှန်ကြားချက်များက မမြင်ရသော ကွန်ရက်တစ်ခုပမာ ပြန့်နှံ့သွားပြီး ဝံပုလွေအသိုက်တစ်ခုလုံးကို မြင့်မားသော စွမ်းဆောင်ရည်ဖြင့် လှုပ်ရှားစေလိုက်၏။</p> <p>ဆူညံသံများ မရှိဘဲ ဝံပုလွေများ ရွေ့လျားသွားရာမှ ဖြစ်ပေါ်လာသော လေတိုးသံများနှင့် ကြေးခွံချပ်ဝတ်တန်ဆာများ၏ ခပ်သဲ့သဲ့ပွတ်တိုက်သံများသာ ထွက်ပေါ်နေသည်။ မုန်တိုင်းမလာမီ တိတ်ဆိတ်ခြင်းပမာ ဖိစီးမှုအပြည့်ပါသော တိတ်ဆိတ်မှုတစ်ခုက ပျံ့နှံ့သွား၏။</p> <p>ထိုအချိန်မှာပင် သစ်ပင်အိမ်လေးထဲမှ ပုံရိပ်လေးနှစ်ခု ပြေးထွက်လာ၏။ ထိုပုံရိပ်များကား ရှောင်လန်နှင့် ရှောင်ယင်းတို့ပင် ဖြစ်သည်။</p> <p>အပြင်ဘက်မှ ရုတ်တရက်ထွက်ပေါ်လာသော ပြင်းထန်လှသည့် သတ်ဖြတ်လိုစိတ်များကြောင့် သူတို့ နိုးလာခဲ့ခြင်းဖြစ်သည်။</p> <p>သူတို့၏ မျက်နှာငယ်လေးများပေါ်တွင် အိပ်ရာနိုးကာစ အိပ်ချင်မူးတူးဖြစ်နေသည့် အရိပ်အယောင်များ အနည်းငယ် ကျန်ရှိနေသေးသော်လည်း ပို၍သိသာနေသည်က သူတို့၏အရွယ်နှင့် မလိုက်ဖက်အောင် တည်ကြည်လေးနက်နေခြင်းပင်။</p> <p>“ဖေဖေ...” ရှောင်ယင်းက လင်းထျန်းလုံ၏ အမွေးများကို ဆုပ်ကိုင်ရင်း တိုးတိုးလေး ခေါ်လိုက်၏။</p> <p>ရှောင်လန်ကလည်း ဘေးသို့ကပ်လာပြီး အဝေးမှ တဖြည်းဖြည်းနီးကပ်လာနေသော မီးရောင်များနှင့် ဖုန်မှုန့်များကို ကြည့်ကာ နှုတ်ခမ်းလေးကို တင်းတင်းစေ့ထားမိသည်။</p> <p>လင်းထျန်းလုံက ခေါင်းငုံ့ကာ သူတို့ကို နှာခေါင်းဖြင့် ညင်သာစွာ ပွတ်သပ်ပေးလိုက်ပြီးနောက် စိတ်အေးချမ်းနွေးထွေးစေသော အတွေးများကို ပေးပို့လိုက်၏။</p> <p>“မကြောက်ပါနဲ့၊ နောက်ပိုင်း ဘာတွေပဲကြားရ ကြားရ၊ ဘာတွေပဲမြင်ရ မြင်ရ အဒေါ်ပိုင်လင်းနဲ့အတူ ဒီအောက်မှာပဲ နေခဲ့နော်”</p> <p>“အပြင်ကို ထွက်မလာနဲ့” သူ၏အသံက စိတ်အာရုံဆက်သွယ်မှုမှတစ်ဆင့် ထွက်ပေါ်လာပြီး တည်ငြိမ်‌နေလေသည်။ “ဖေဖေ့ကို ယုံကြည်ပါ။ ဦးလေးတွေကို ယုံကြည်ပါ”</p> <p>“သမီးတို့ မကြောက်ပါဘူး” ရှောင်လန်က သူမ၏ရင်ဘတ်လေးကို ကော့လိုက်၏။ အသံလေးက အနည်းငယ် တုန်ယင်နေဆဲဖြစ်သော်လည်း သူမ၏အကြည့်များကမူ အလွန်တရာ ခိုင်မာနေပေသည်။</p> <p>ရှောင်ယင်းကလည်း ခေါင်းကို အားရပါးရ ငြိမ့်ပြလိုက်၏။ “သမီးတို့ လိမ္မာပါ့မယ်။ ဖေဖေနဲ့ ဦးလေးတို့လည်း သတိထားကြနော်”</p> <p>“ဝံပုလွေဖေဖေနဲ့ ဦးလေးတို့က အားလုံး ပြင်ဆင်ထားပြီးသားပါ၊ ဒီတိုက်ပွဲမှာ ငါတို့ နိုင်ကိုနိုင်ရမယ်” ရှောင်လန်က ရှောင်ယင်းကို ကြည့်ရင်း ပြောလိုက်သည်။</p> <p>“အင်း။ ဖေဖေရှိနေသရွေ့၊ အားလုံးရှိနေသရွေ့ ငါတို့အိမ်လေကို သေချာပေါက် ကာကွယ်နိုင်မှာ” ရှောင်ယင်းကလည်း အကြည့်ချင်း ဖလှယ်လိုက်၏။</p> <p>သူ့သမီးနှစ်ယောက်အား ပိုင်လင်းမှ တိုတမ်မိခင်သစ်ပင်၏ အမြစ်များအောက်ရှိ အလုံခြုံဆုံးသော ခိုလှုံရာဆီသို့ ဂရုတစိုက် ခေါ်ဆောင်သွားသည်ကို ကြည့်ရင်း……</p> <p>လင်းထျန်းလုံ၏ မျက်ဝန်းထဲမှ နောက်ဆုံးကျန်ရစ်နေသော နူးညံ့မှုများ အငွေ့ပျံပျောက်ကွယ်သွားပြီး ရေခဲပမာ အေးစက်သော တည်ငြိမ်မှုနှင့် သတ်ဖြတ်လိုစိတ်များကသာ အစားထိုးနေရာယူလာတော့သည်။</p> <p>သူက အဝေးဆီသို့ အကြည့်ကို ပြန်ရွှေ့လိုက်၏။ လူသားစစ်တပ်သည် ဆယ်မိုင်အကွာအဝေးအတွင်းသို့ ဝင်ရောက်လာပြီဖြစ်သည်။ ထူးချွန်အဆင့်အထက် သက်ရှိများအတွက် ဤအကွာအဝေးမှာ မျက်တောင်တစ်ခတ်အတွင်း ရောက်ရှိနိုင်သည်ဟု ဆိုလိုခြင်းပင်။</p> <p>ပထမဆုံး စတင်တိုက်ခိုက်လာသည်က အနောက်တောင်အရပ်မှ မီးပွားသုသေသနပညာရှင်အသင်းပင် ဖြစ်သည်။</p> <p>ထိုစစ်ပွဲဝင်စက်ယန္တရားများထံမှ မျက်စိကျိန်းမတတ် တောက်ပနေသော စွမ်းအင်ရောင်ခြည်တန်းများက ရုတ်တရက် ရွာသွန်းလာသော မိုးပေါက်များပမာ ပေါက်ကွဲထွက်ပေါ်လာပြီး လေထုကို ဆုတ်ဖြဲကာ ဝံပုလွေအသိုက်၏ အပြင်ဘက် ကြယ်တာရာအကာအကွယ်ဆီသို့ ပြင်းထန်စွာ ကျရောက်လာလေတော့သည်။</p> <p>ကျယ်လောင်လှသော ပေါက်ကွဲသံကြီးများက ကောင်းကင်နှင့်မြေကြီးကြားရှိ တစ်ခုတည်းသော ပင်မသံစဉ်ကြီးအဖြစ် ချက်ချင်း ပြောင်းလဲသွားပြီး အကာအကွယ် မျက်နှာပြင်ပေါ်တွင် ဧရာမကျောက်တုံးကြီးတစ်ခု ပစ်ချလိုက်သော ရေကန်တစ်ခုပမာ ကြမ်းတမ်းသော လှိုင်းဂယက်များထလာ၏။</p> <p>တစ်ချိန်တည်းမှာပင် မျက်စိဖြင့်မမြင်နိုင်သော အနှောင့်အယှက်ပေးနိုင်သည့် စွမ်းအင်စက်ကွင်းတစ်ခုက ပျံ့နှံ့ထွက်ပေါ်လာပြီး အကာအကွယ်ကို ထိုးဖောက်ကာ အတွင်းပိုင်းရှိ စွမ်းအင်လှည့်ပတ်မှုနှင့် အဆက်အသွယ်များကို ဖြတ်တောက်နှောက်ယှက်ရန် ကြိုးပမ်းလာသည်။</p> <p>ထိုနောက်တွင်တော့ အနောက်မြောက်အရပ်မှ လောင်ကျွမ်းမီးလျှံဂိုဏ်းကပါ ဝင်ရောက်လှုပ်ရှားလာတော့သည်။</p> <p>ရာနှင့်ချီသော မီးလုံးများ၊ မီးလျှံလှံတံများနှင့် ပေါက်ကွဲစေတတ်သော မှော်အက္ခရာများက ဥက္ကာပျံမိုးများရွာကျသည့်အလား ကောင်းကင်ယံကို ဖုံးလွှမ်းသွား၏။</p> <p>ဟော်ကျန်း၏ ပုံရိပ်က မီးတောက်များကြားတွင် တဖျတ်ဖျတ် ပေါ်လာလိုက် ပျောက်သွားလိုက် ဖြစ်နေသည်။</p> <p>သူသည် အပြည့်အဝ ပြန်မသက်သာသေးသည့်ပုံ ပေါ်သော်လည်း သူထိန်းချုပ်ထားသော မီးလျှံများ၏ စွမ်းအားက ယခင်ကထက်ပင် ပိုမိုအားကောင်းနေပြီး လျှို့ဝှက်စွမ်းရည် သို့မဟုတ် အစီအရင်စွမ်းအားအချို့ကို အသုံးပြုထားကြောင်း သိသာထင်ရှားလှသည်။</p> <p>လောင်ကျွမ်းလုမတတ် ပူပြင်းလှသော အပူရှိန်ကြောင့် အကာအကွယ်အပြင်ဘက်ရှိ လေထုက ကောက်ကွေးရှုံ့တွသွားပြီး မီးပွားသုသေသနပညာရှင်အသင်း၏ စွမ်းအင်တိုက်ခိုက်မှုများနှင့် ရောယှက်ကာ အကာအကွယ်အပေါ်သို့ ပေါင်းစပ်ရိုက်ခတ်မှုတစ်ရပ်ကို ဖြစ်ပေါ်လာစေတော့သည်။</p> <p>နောက်ဆုံးမှ တိုးဝင်လာသည်က အနောက်တည့်တည့်မှ သံမဏိဒိုင်းကာ ကင်းစခန်းပင်။</p> <p>သူတို့သည် အဝေးမှ တိုက်ခိုက်ခြင်းမပြုဘဲ ဧရာမစွမ်းအင်ဒိုင်းကာကြီးများကို အကာအကွယ်ယူကာ ရွေ့လျားနေသော တောင်ကုန်းကြီးများအလား ညီညာလေးလံလှသော ခြေသံများနှင့်အတူ ရှေ့သို့ ချီတက်လာကြပြီး အကာအကွယ်ဆီသို့ အကြောက်အလန့်ကင်းစွာ အပြင်းအထန် ဝင်တိုက်ကြတော့သည်။</p> <p>သူတို့၏ ရည်မှန်းချက်က ရှင်းလင်းလှ၏။</p> <p>အကာအကွယ်နှင့် အနီးကပ်ဆုံးအကွာအဝေးသို့ ချဉ်းကပ်ကာ သန့်စင်ဆုံး ရုပ်ပိုင်းဆိုင်ရာ ခွန်အားကိုအသုံးပြု၍ ဆက်တိုက်ဝင်တိုက်ရန်ပင်။</p> <p>ထို့ပြင် အခြားအရပ်နှစ်ခုမှ စွမ်းအင်ပေါက်ကွဲတိုက်ခိုက်မှုများနှင့် ပေါင်းစပ်ကာ ဤအခွံမာကြီးကို ကြိတ်ချေဖျက်ဆီးပစ်ရန်ပင် ဖြစ်သည်။</p> <p>ရေခဲ၊ နှင်းနှင့် ကြယ်ရောင်စင်များဖြင့် တည်ဆောက်ထားသော ဤအထွတ်အမြတ်ထားရာ ဝံပုလွေအသိုက်သည် ယခုအချိန်တွင် စစ်မီးလျှံများနှင့် သံမဏိဒီရေလှိုင်းကြီးများ၏ အပြည့်အဝ ဝန်းရံခြင်းကို ခံနေရပြီဖြစ်သည်။</p> <p>ပေါက်ကွဲမှုများ၊ မီးပွားများ၊ စွမ်းအင်များ တိုက်မိကြရာမှ ထွက်ပေါ်လာသော အလင်းတန်းများ၊ စက်ယန္တရားများထံမှ ကျယ်လောင်သောအသံများ၊ လူသားများ၏ ကြွေးကြော်သံများနှင့် ဝံပုလွေအုပ်စုကြီး၏ ခပ်သြသြ ဟိန်းဟောက်သံများ ရောယှက်ကာ စစ်‌မြေပြင်တွင် ပျက်စီးခြင်းသံစဉ်တစ်ခုအဖြစ် ပုံဖော်နေတော့သည်။</p> <p>လင်းထျန်းလုံသည် တိုတမ်မိခင်သစ်ပင်အောက်၌ မတ်တတ်ရပ်လျက် သူ၏ငွေပြာဘုရင်မျက်ဝန်းနှင့် တိုက်ခိုက်မှုသုံးခု၏ ပြင်းထန်မှု၊ ကြိမ်နှုန်းနှင့် အားနည်းချက်များကို တည်ငြိမ်စွာ ခွဲခြမ်းစိတ်ဖြာနေ၏။</p> <p>ပြင်းထန်သော ဗုံးကြဲတိုက်ခိုက်မှုအောက်တွင် အကာအကွယ်က ပြင်းထန်စွာ တဖျတ်ဖျတ်တုန်ခါနေသော်လည်း ဝိညာဉ်သစ်ပင်အစောင့်အရှောက် စွမ်းရည်နှင့် ပေါင်းစပ်ထားသောကြောင့် ၎င်း၏ခိုင်ခံ့မှုမှာ ယခင်ကထက် များစွာသာလွန်နေပြီး အတွင်းပိုင်းကို ခိုင်မာစွာ ကာကွယ်ပေးထားနိုင်ပေသည်။</p> <p>“ယင်းဖုန်း၊ အနောက်တောင်အရပ်က စက်ယန္တရားတပ်ဖွဲ့ နံပါတ်သုံးနဲ့ ခုနစ်ကို ပစ်မှတ်ထား၊ သူတို့ရဲ့ စွမ်းအင်လှုပ်ခတ်မှုတွေက မကြာခဏ အနှောင့်အယှက်ဖြစ်နေတယ်၊ ဖျက်ဆီးပစ်ဖို့ ဦးစားပေး”</p> <p>“ရန့်မြဲ့၊ အနောက်ဘက်က တတိယမြောက် အချိတ်အဆက်နေရာကို အင်အားဖြည့်ပေး၊ အဲဒီမှာ ဖိအားအများဆုံးပဲ”</p> <p>“ထျန်းပင်း…. အသင့်ပြင်ထား၊ ရန်သူရဲ့ ပထမလှိုင်း အင်အားစမ်းသပ်မှုက ပြီးတော့မယ်၊ နောက်တစ်ခုက... တကယ့် သေစေလောက်တဲ့ တိုက်ကွက်ဖြစ်နိုင်တယ်”</p> <p>အမြောက်ဆန်များ ပေါက်ကွဲနေသည့်တိုင် သူ၏အမိန့်များက တိုက်ခိုက်ရေးအဖွဲ့တိုင်းထံသို့ တိကျစွာ ရောက်ရှိသွား၏။ </p> <p>အိပ်မောကျနေသော သားရဲကြီးနှင့်တူသည့် ဝံပုလွေအသိုက်သည် အရူးအမူးတိုက်ခိုက်ခံနေရစဉ်မှာပင် သူ၏ထက်ရှလှသော အစွယ်များကို ထုတ်ဖော်ကာ ကျူးကျော်သူများကို အသေအကြေတန်ပြန်တိုက်ခိုက်ခွင့်ရမည့် အချိန်ကို စောင့်ဆိုင်းနေတော့သည်။</p> <p>နားကွဲမတတ် ပေါက်ကွဲသံများနှင့် အကာအကွယ်မှ တုန်ခါမြည်ဟည်းသံများက အဆက်မပြတ် ထွက်ပေါ်နေ၏။</p> <p> </p> <p>ကြယ်တာရာအကာအကွယ်နှင့် ဝိညာဉ်သစ်ပင်အစောင့်အရှောက်တို့ ပေါင်းစပ်ဖွဲ့စည်းထားသော နှစ်ထပ်အကာအကွယ်သည် အင်အားစုသုံးခု၏ အညှာအတာမဲ့ ဗုံးကြဲတိုက်ခိုက်မှုအောက်တွင် မုန်တိုင်းထံမှ ကြံ့ကြံ့ခံနေသော ကျောက်ဆောင်ကြီးများနှင့် တူနေပေတော့သည်။ </p> <p>ပြိုကျတော့မည်ဟု ထင်ရသော်လည်း မယိမ်းမယိုင် ရပ်တည်နေဆဲပင်။</p> <p> </p> <p> </p> <p> </p> <p style="text-align: center;">***</p>


Save