Book List

<h2 style="text-align: center;">အခန်း (၂၀၀)</h2> <h2 style="text-align: center;">ဘုရင်အဆင့်များ၏ အားပြိုင်မှု၊ လုပ်ကြံသတ်ဖြတ်သူနှင့် မီးလျှံဘုရင်တို့၏တိုက်ပွဲ (၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>နားကွဲမတတ် ဆူညံလှသော ပေါက်ကွဲသံကြီးများ တဖြည်းဖြည်း ငြိမ်သက်သွားချိန်တွင် စစ်မြေပြင်တစ်ခွင်၌ ပြင်းထန်သော စွမ်းအင်လှိုင်းရိုက်ခတ်မှုများကြောင့် ထွက်ပေါ်လာသည့် မြေကြီးရနံ့နှင့် ရေခဲနံ့တို့ ထူးဆန်းစွာ ရောယှက်ပျံ့နှံ့နေသည်။</p> <p>အပြင်းထန်ဆုံးသော ပထမအကြိမ်ထိုးစစ်ကြီးကို ဝံပုလွေအသိုက်က ခိုင်မာကြံ့ခိုင်စွာဖြင့် တောင့်ခံထားနိုင်ခဲ့ချေပြီ။</p> <p>ကြယ်တာရာအကာအကွယ်နှင့် ဝိညာဉ်သစ်ပင်အစောင့်အရှောက်တို့ ဖန်တီးထားသော အလင်းတံတိုင်းမှာ အနည်းငယ် မှေးမှိန်သွားသော်လည်း အတွင်းပိုင်းကို မယိမ်းမယိုင် ဆက်လက်ကာကွယ်ပေးထားဆဲပင်။</p> <p>သို့သော်လည်း အင်အားစမ်းသပ်မှု ပြီးဆုံးသွားပြီဖြစ်ကြောင်း အားလုံးက ကောင်းစွာနားလည်ထားကြ၏။ စစ်မှန်သော မုန်တိုင်းကြီးက ယခုမှ စတင်အုံ့ဆိုင်းလာခြင်းသာ ဖြစ်သည်။</p> <p>“အသုံးမကျတဲ့ အမှိုက်ကောင်တွေ၊ လိပ်ခွံတစ်ခုကိုတောင် မချိုးဖျက်နိုင်ကြဘူးလား” လောင်ကျွမ်းမီးလျှံဂိုဏ်း၏ တပ်စခန်းအတွင်းမှ ဟော်ကျန်း၏ ဒေါသတကြီး ဟိန်းဟောက်သံက ပဲ့တင်ထပ် ထွက်ပေါ်လာခဲ့၏။</p> <p>မီးတောက်များက သူ၏ မီးလျှံကိုယ်ထည်ပတ်လည်တွင် တဟုန်းဟုန်းတောက်လောင်နေပြီး ဒဏ်ရာများကို လျှို့ဝှက်နည်းလမ်းတစ်ခုခုဖြင့် ထိန်းချုပ်ထားပုံရကာ အငွေ့အသက်က ယခင်ကထက်ပင် ပို၍အန္တရာယ်ကြီးမား ကြမ်းတမ်းနေတော့သည်။</p> <p>“ငါကိုယ်တိုင် ဝင်လှုပ်ရှားမှရတော့မယ့်ပုံပဲ”</p> <p>စကားမဆုံးမီမှာပင် လူသားမီးလုံးကြီးတစ်ခုအသွင် ပြောင်းလဲကာ ကောင်းကင်ယံသို့ ထိုးတက်သွားလေပြီ။</p> <p>ပြင်းထန်သော မီးတောက်များက သူ၏ကျောဘက်တွင် ဧရာမမီးလျှံတောင်ပံကြီးတစ်စုံအဖြစ် စုစည်းသွားပြီး လောင်ကျွမ်းလုမတတ် ပူပြင်းလွန်းသော အပူရှိန်ကြောင့် လေထုပင် ကောက်ကွေးရှုံ့တွသွားရသည်။</p> <p>လေထဲတွင် ဝဲပျံနေရင်း အောက်ဘက်ရှိ ဝံပုလွေအသိုက်ကို အထက်စီးမှငုံ့ကြည့်ကာ လင်းထျန်းလုံကို မျက်တောင်မခတ်တမ်း စိုက်ကြည့်နေခဲ့၏။</p> <p>“နှင်းဝံပုလွေဘုရင်၊ ထွက်လာပြီး အသေခံစမ်”။ ဟော်ကျန်းက ဟိန်းဟောက်လိုက်ပြီး လက်ထဲတွင် မီးလျှံများဖြင့် ဖန်တီးထားသော လှံရှည်ကြီးတစ်ချောင်းပေါ်လာကာ လှံသွားက လင်းထျန်းလုံဆီသို့ တည့်တည့်ချိန်ရွယ်ထားသည်။</p> <p>“အရင်တစ်ခေါက်က ကံကောင်းလို့ နိုင်သွားတာ၊ ဒီတစ်ခါတော့ မင်းကို ပြာကျသွားတဲ့အထိ လောင်ကျွမ်းပစ်မယ်” သူ၏ မျက်ဝန်းများထဲတွင် မောက်မာသော အရိပ်အယောင်များက မီးတောက်များအလား တောက်လောင်နေလေသည်။</p> <p>တစ်ချိန်တည်းမှာပင် သံမဏိဒိုင်းကာ ကင်းစခန်း တပ်ဖွဲ့ဆီမှ တောင်ကုန်းကြီးတစ်ခုပမာ တည်ငြိမ်လေးလံသော လိန့်ဟောင်၏ပုံရိပ်က အရှေ့သို့ တစ်လှမ်းတိုးလာ၏။</p> <p>ခြေချလိုက်တိုင်း မြေပြင်က အနည်းငယ်တုန်ခါသွားပြီး မြေဝါရောင်စွမ်းအင်များက ကိုယ်ပေါ်တွင် ခိုင်ခံ့သော ကျောက်သားချပ်ဝတ်တစ်ခုအဖြစ် စုစည်းသွားရာ မယိမ်းယိုင်သော ကျောက်ဆောင်ဘုရင်ဟူသည့် ဂုဏ်ပုဒ်နှင့် အမှန်တကယ်ပင် လိုက်ဖက်နေခဲ့ပေသည်။</p> <p>သူက ဟော်ကျန်းကဲ့သို့ အော်ဟစ်ကြိမ်းဝါးခြင်းမပြုဘဲ အကာအကွယ်ဆီသို့ လက်တစ်ဖက်ကို တိတ်ဆိတ်စွာ မြှောက်ပြလိုက်၏။ ရည်ရွယ်ချက်က ရှင်းလင်းလှသည်။</p> <p>အစီအရင်ကို ဖျက်ဆီးပစ်ရန်ပင်။</p> <p>အနောက်တောင်အရပ်ရှိ မီးပွားသုသေသနပညာရှင်အသင်း၏ စက်ယန္တရားတပ်ဖွဲ့ နောက်ကွယ်တွင်မူ ယန်ချင်းယွမ်က ထူးခြားသော ပုံစံရှိသည့် ရွေ့လျားကွပ်ကဲရေးစင်မြင့်ပေါ်တွင် မတ်တတ်ရပ်နေ၏။</p> <p>မျက်မှန်ကို ပင့်တင်လိုက်ရာ မှန်ဘီလူးပေါ်တွင် စစ်မြေပြင်အချက်အလက်များ စီးဆင်းသွားပြီး သူ၏အသံက အသံချဲ့စက်မှတစ်ဆင့် တည်ငြိမ်စွာ ထွက်ပေါ်လာသည်။</p> <p>“ပစ်မှတ်က နှင်းဝံပုလွေဘုရင်၊ အသက်စွမ်းအင်အရ အဆင့် ၃၂၊ အန္တရာယ်ပြုနိုင်စွမ်းက အလွန်မြင့်မားတယ် ‘ဘုရင်ကို ခေါင်းဖြတ်ခြင်း’ အစီအစဉ်ကို အကောင်အထည်ဖော်”</p> <p>“တပ်ဖွဲ့အားလုံး ဟော်ကျန်း၊ လိန့်ဟောင်တို့နဲ့ ပူးပေါင်းပြီး စစ်မြေပြင်ကို ဖိနှိပ်နှောင့်ယှက်မှုတွေလုပ်ကြ” သူ၏လေသံထဲတွင် အေးစက်စက် တွက်ချက်မှုများနှင့် အနာဂတ်သိပ္ပံပညာထွန်းကားရေး အောင်ပွဲအတွက် ရေခဲသဖွယ် အေးစက်သော ဆန္ဒများသာ ကိန်းအောင်းနေသည်။</p> <p>နောက်ဆုံးတွင်တော့ ခေါင်းဆောင်သုံးဦးလုံး စစ်မြေပြင်သို့ ကိုယ်တိုင်ကိုယ်ကျ ဝင်ရောက်လာကြပြီဖြစ်သည်။</p> <p>အရင်က တစ်ခါမှမကြုံဖူးသေးသော ဤဖိအားကြီးကို ရင်ဆိုင်ရချိန်တွင် လင်းထျန်းလုံ၏မျက်ဝန်းများထဲ၌ ကြောက်ရွံ့ခြင်းအလျဉ်းမရှိဘဲ ပြင်းထန်လွန်းသော တိုက်ပွဲဝင်လိုစိတ်များသာ တောက်လောင်လာခဲ့၏။ </p> <p>သူသည် အလင်းရောင်များ လှည့်ပတ်စီးဆင်းနေပြီး ၈၅ ရာခိုင်နှုန်းအထိ အသွင်ပြောင်းလဲမှု ပြီးမြောက်နေပြီဖြစ်ကာ၊ နောက်ဆုံးခြေလှမ်းတစ်ခုသာ လိုတော့သည့် မိခင်သစ်ပင်ကို လှည့်ကြည့်လိုက်သည်။</p> <p>“ရန့်မြဲ့၊ ယင်းဖုန်း” စိတ်ချင်းဆက်သွယ်ခြင်းမှတစ်ဆင့် သူ၏အမိန့်က ထွက်ပေါ်လာ၏။ </p> <p>“အကာအကွယ်နဲ့ အလုံးစုံကွပ်ကဲမှုအပိုင်းကို မင်းတို့ဆီ ခဏလွှဲပေးထားမယ်၊ ဟို စက်ယန္တရားကောင်နဲ့ သူ့ရဲ့ သံမဏိလိပ်တပ်ဖွဲ့ကို မျက်ခြည်မပြတ် စောင့်ကြည့်ထားကြ”</p> <p>“အမိန့်အတိုင်းပါ ဘုရင်ကြီး” ရန့်မြဲ့၏အသံက နှစ်တစ်ထောင် ရေခဲတုံးပမာ အေးစက်နေပြီး အစောင့်အရှောက်များက တစ်ခဲနက်ဟိန်းဟောက်လိုက်ကြရာ နှင်းခဲအကာအကွယ်၏ အလင်းရောင်များမှာ ပို၍ပင်ခိုင်မာလာတော့သည်။</p> <p>“နားလည်ပါပြီ” ယင်းဖုန်း၏ ပုံရိပ်က အရိပ်များကြားတွင် တဖျတ်ဖျတ် ပေါ်လာလိုက် ပျောက်သွားလိုက်ဖြစ်နေပြီး အမဲလိုက်သမားများက တစ္ဆေများပမာ လူစုခွဲကာ မီးပွားသုသေသနပညာရှင်အသင်း၏ အစီအရင်တွင်းမှ အားနည်းချက်များကို ရှာဖွေလေတော့သည်။</p> <p>“ထျန်းပင်း” လင်းထျန်းလုံက ဆက်လက်၍ သည်းခံနိုင်စွမ်းမရှိတော့ဟန်ရသော ဘေးရှိ မည်းမှောင်နေသည့် မျက်နှာထားနှင့် ရွှေရောင်ဝံပုလွေကြီးကို ကြည့်လိုက်၏။</p> <p>“ဘုရင်ကြီး၊ ကျွန်တော် အသင့်ပါပဲ” ထျန်းပင်းက ဟိန်းဟောက်လိုက်ရာ ကိုယ်ပေါ်ရှိ ချော်ရည်စီးကြောင်းပုံစံများက တဖျတ်ဖျတ်လက်လာပြီး အစွမ်းပြချင်စိတ်များ ပြင်းပြနေခဲ့သည်။</p> <p>နောက်ဆုံးအမိန့်မပေးမီ လင်းထျန်းလုံ၏ ငွေပြာဘုရင်မျက်ဝန်းက ရန်သူ့တပ်ဖွဲ့ထဲသို့ တစ်ဖန် ပြေးလွှားသွားပြီး သူသိပြီးသားဖြစ်သော ဟော်ကျန်းကို ချက်ချင်းကျော်ဖြတ်ကာ ကျန်လူသားခေါင်းဆောင်နှစ်ဦးဆီသို့ အာရုံစိုက်လိုက်ရာ သူတို့၏ အချက်အလက်မျက်နှာပြင်များက ရှင်းလင်းစွာ ပေါ်လာတော့သည်။</p> <p>[စနစ်အသိပေးချက်]</p> <p>[လိန့်ဟောင်]။  ။သံမဏိဒိုင်းကာ ကင်းစခန်းမှူး</p> <p>[အဆင့်]။  ။အဆင့် ၂၉ (ခြေလှမ်း၀က်ဘုရင်အဆင့်)</p> <p>[ပင်ကိုစွမ်းရည်]။  ။ကျောက်နှလုံးသား (ရွှေရောင် အဆင့်မြင့်) ၊ မြေကမ္ဘာသွေးကြော (ခရမ်းရောင် အဆင့်မြင့်)</p> <p>[စွမ်းရည်လက္ခဏာရပ်]။  ။မယိမ်းယိုင်သောခံတပ် (ရွှေရောင် အဆင့်မြင့်) ၊ တောင်ပြိုခြင်း (ခရမ်းရောင် အဆင့်မြင့်) ၊ မြေကမ္ဘာတုန်ခါလှိုင်း (ခရမ်းရောင် အဆင့်မြင့်) ၊ ကျောက်သားချပ်ဝတ်ပေါင်းစပ်ခြင်း (ခရမ်းရောင် အဆင့်မြင့်)</p> <p>ကျောက်နှလုံးသား - အတုမရှိသော ကာကွယ်ရေးစွမ်းအားနှင့် ရုပ်ပိုင်းဆိုင်ရာခံနိုင်ရည်ကို ပေးစွမ်းပြီး ရုပ်ပိုင်းဆိုင်ရာ ထိခိုက်မှုများနှင့် စိတ်ပိုင်းဆိုင်ရာ နှောင့်ယှက်မှုများကို ကြီးမားစွာ လျော့ကျစေသည်။</p> <p>မြေကမ္ဘာသွေးကြော - မြေပြင်ပေါ်တွင် ခြေချထားချိန်၌ ကမ္ဘာမြေကြီးထဲမှသွေးကြောစွမ်းအင်များကို အဆက်မပြတ်စုပ်ယူကာ မိမိကိုယ်ကိုယ် ပြန်လည်ကုစားနိုင်ပြီး ခွန်အားနှင့် ကာကွယ်ရေးကို အနည်းငယ် တိုးတက်စေသည်။</p> <p>မယိမ်းယိုင်သောခံတပ် - ပင်မအကာအကွယ်စွမ်းရည်ဖြစ်ပြီး အချိန်တိုအတွင်း မိမိ၏အကာအကွယ် တောင်ကုန်းကြီးတစ်ခုပမာ အဆမတန် မြှင့်တင်ပေးကာ လှုပ်ရှားရန် ခက်ခဲစေသည်။</p> <p>တောင်ပြိုခြင်း - စွမ်းအားများကို နေရာတစ်ခုတည်းတွင် စုစည်းကာ တောင်ထွတ်များပြိုကျသည့်အလား ပြင်းထန်သည့် အဟုန်ဖြင့် ပြင်းထန်လွန်းသော တိုက်ကွက်ကို ဖော်ဆောင်နိုင်ပြီး အလွန်တရာထိုးဖောက်နိုင်စွမ်းနှင့် ဖျက်ဆီးနိုင်စွမ်းရှိသည်။</p> <p>မြေကမ္ဘာတုန်ခါလှိုင်း - ဧရိယာထိန်းချုပ်မှုစွမ်းရည်ဖြစ်ပြီး မြေပြင်ကို ဆောင့်နင်းခြင်းဖြင့် တုန်ခါလှိုင်းများကို ဖန်တီးကာ ရန်သူ၏ဟန်ချက်နှင့် ဖွဲ့စည်းပုံကို နှောင့်ယှက်နိုင်သည်။</p> <p>ကျောက်သားချပ်ဝတ်ပေါင်းစပ်ခြင်း - အလိုအလျောက်စွမ်းရည်ဖြစ်ပြီး အချိန်တိုင်း မာကျောသော ကျောက်သားစွမ်းအင်ချပ်ဝတ်တန်ဆာတစ်ထပ် ဖုံးလွှမ်းထားကာ စဉ်ဆက်မပြတ်ကာကွယ်ပေးသည်။</p> <p>[ယန်ချင်းယွမ်]။  ။မီးပွားသုသေသနပညာရှင်အသင်း ခေါင်းဆောင်</p> <p>[အဆင့်]။  ။ အဆင့် ၂၉ (ခြေလှမ်း၀က်ဘုရင်အဆင့်)</p> <p>[ပင်ကိုစွမ်းရည်]။  ။ စက်ယန္တရားပေါင်းစုံဆက်နွယ်ခြင်း (ရွှေရောင်  အဆင့်မြင့်) ၊ အဆင့်မြင့် ဉာဏ်အလင်း (ခရမ်းရောင် · အဆင့်မြင့်)</p> <p>[စွမ်းရည်လက္ခဏာရပ် - အသိဉာဏ်တုစက်ယန္တရားစက်ရုံ (ရွှေရောင် အဆင့်မြင့်) ၊ အဏုစိတ်ပြန်လည်တည်ဆောက်ခြင်း (ခရမ်းရောင် အဆင့်မြင့်) ၊ စွမ်းအင်စက်ကွင်း ထိန်းချုပ်ခြင်း (ခရမ်းရောင် အဆင့်မြင့်) ၊ ဒေတာခွဲခြမ်းစိတ်ဖြာတွေးခေါ်မှု (ခရမ်းရောင် အဆင့်မြင့်)</p> <p>စက်ယန္တရားပေါင်းစုံဆက်နွယ်ခြင်း - စက်ယန္တရားဖန်တီးမှုအားလုံးအပေါ် မွေးရာပါ ထိန်းချုပ်နိုင်မှုနှင့် နားလည်နိုင်စွမ်းရှိပြီး စက်ယန္တရားများကို လျင်မြန်စွာ ခွဲခြမ်းစိတ်ဖြာခြင်း၊ ပြုပြင်ခြင်း၊ အဆင့်မြှင့်တင်ခြင်းနှင့် အသစ်ဖန်တီးခြင်းများပင် ပြုလုပ်နိုင်သည်။</p> <p>အဆင့်မြင့် ဉာဏ်အလင်း - တွေးခေါ်မှုအမြန်နှုန်းနှင့် တွက်ချက်နိုင်စွမ်းသည် သာမန်လူများထက် များစွာသာလွန်ပြီး ဆန်းသစ်တီထွင်မှုနှင့် သုတေသနစွမ်းရည် အလွန်အားကောင်းသည်။</p> <p>အသိဉာဏ်တုစက်ယန္တရားစက်ရုံ - ပင်မစွမ်းရည်ဖြစ်ပြီး လုပ်ဆောင်ချက်အမျိုးမျိုးရှိသော အလတ်စားနှင့် အသေးစား စက်ယန္တရားတပ်ဖွဲ့များကို ကိုယ်ပိုင်နေရာလွတ် သို့မဟုတ် အဝေးမှနေ၍ တိုက်ခိုက်ရန်၊ ဘေးမှကူညီရန် သို့မဟုတ် ကာကွယ်ရန် အချိန်မရွေး ဆင့်ခေါ်နိုင်သည်။</p> <p>အဏုစိတ်ပြန်လည်တည်ဆောက်ခြင်း - စက်ယန္တရားများ သို့မဟုတ် တစ်စိတ်တစ်ပိုင်း စွမ်းအင်ဖွဲ့စည်းပုံများကို လျင်မြန်စွာ ဖြုတ်ချခြင်း၊ ခွဲခြမ်းစိတ်ဖြာခြင်းနှင့် ယာယီပြန်လည်တည်ဆောက်ခြင်းများ ပြုလုပ်နိုင်ပြီး ချိုးဖျက်ရန်၊ ပြုပြင်ရန် သို့မဟုတ် ယာယီကိရိယာများ ဖန်တီးရန် အသုံးပြုသည်။</p> <p>စွမ်းအင်စက်ကွင်း ထိန်းချုပ်ခြင်း - လမ်းကြောင်းလွှဲစက်ကွင်း (ကာကွယ်ရေး)၊ ချုပ်နှောင်စက်ကွင်း (ထိန်းချုပ်ရေး) နှင့် ဖိအားမြှင့်စက်ကွင်း (စက်ယန္တရားတိုက်ခိုက်မှုများကို အားဖြည့်ခြင်း) ကဲ့သို့သော စွမ်းအင်စက်ကွင်းအမျိုးမျိုးကို ဖန်တီးနိုင်သည်။</p> <p>ဒေတာခွဲခြမ်းစိတ်ဖြာတွေးခေါ်မှု - အလိုအလျောက်စွမ်းရည်ဖြစ်ပြီး တိုက်ပွဲအတွင်း စစ်မြေပြင်အချက်အလက်များကို လျင်မြန်စွာ ခွဲခြမ်းစိတ်ဖြာကာ ပြိုင်ဘက်၏လှုပ်ရှားမှုများကို ကြိုတင်ခန့်မှန်းပြီး အကောင်းဆုံးဖြေရှင်းနည်းများကို ရှာဖွေနိုင်သည်။</p> <p>မျက်တောင်တစ်ခတ်အတွင်းမှာပင် ဤအမည်မသိ ပြိုင်ဘက်နှစ်ဦး၏ စွမ်းရည်များကို လင်းထျန်းလုံ ရှင်းလင်းစွာ နားလည်သွား၏။ </p> <p>တစ်ဦးက တောင်ကြီးတစ်လုံးပမာ ခိုင်မာတောင့်တင်းပြီး နောက်တစ်ဦးက ခန့်မှန်းရခက်ကာ နည်းဗျူဟာ ကြွယ်ဝလှသည်။</p> <p>“ဟို မီးသုံးတဲ့ကောင်က ငါ့အတွက်ပဲ” လင်းထျန်းလုံ၏ အသံထဲတွင် အကြွင်းမဲ့ယုံကြည်ချက်များ ပါဝင်နေပြီး သူ၏အကြည့်များက လေထဲရှိ ဟော်ကျန်းထံသို့ ရောက်ရှိနေပြီဖြစ်သည်။ </p> <p>“မင်းနဲ့ လုပ်ကြံသတ်ဖြတ်သူအဖွဲ့က ဟိုအခွံမာတွေ ဖုံးနေတဲ့ကောင်ကို ထိန်းထား၊ သူက ‘မယိမ်းယိုင်ဘူး’ လို့ ကြွေးကြော်ထားတယ်မဟုတ်လား၊ သူ့ဒိုင်းက ပိုမာသလား၊ ငါတို့လက်သည်းက ပိုထက်သလားဆိုတာ သိရတာပေါ့”</p> <p>“ဟားဟား... အဲဒီစကားကိုပဲ စောင့်နေတာ” ထျန်းပင်းက စိတ်လှုပ်ရှားစွာ ဟိန်းဟောက်လိုက်ပြီး သူ၏အကြည့်များက ရှေ့သို့ချဉ်းကပ်လာနေသော လိန့်ဟောင်ထံသို့ ချက်ချင်း ရောက်ရှိသွားတော့သည်။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save