Book List

<h2 style="text-align: center;">အခန်း(၂၅၁၆)</h2> <h2 style="text-align: center;">*</h2> <p style="text-align:center"> </p> <p> </p> <p>စိမ်းလန်းသောမြစ်မြို့၏ အရှေ့ဘက် မိုင်ပေါင်းထောင်ချီ အကွာရှိ တောအုပ်လေးတစ်ခု အတွင်းမှ မြင့်မားသော သစ်ပင်အိုကြီးပေါ်တွင် လူရိပ်နှစ်ခု တိတ်တဆိတ် ပေါ်လာခဲ့သည်။</p> <p> </p> <p> </p> <p>ထိုပုံရိပ်နှစ်ခုမှာ စိမ်းလန်းသောမြစ်မြို့ကနေ ထွက်ခွာလာကြသည့် ကျန်းချန်တို့ နှစ်ယောက်ပင် ဖြစ်သည်။</p> <p> </p> <p> </p> <p>စိမ်းလန်းသောမြစ် မြို့ကနေ လေအေးအင်မော်တယ်ဂိုဏ်း ထွက်ခွာသွားပြီးနောက်တွင် ကျန်းချန်နှင့် ရွှယ်ချန်ကျဲ တို့သည် သူတို့၏ အရှိန်အဝါများကို ဖုံးကွယ်ကာ လေအေးအင်မော်တယ်ဂိုဏ်း၏ လှုပ်ရှားမှုတိုင်းကို တိတ်တဆိတ် စောင့်ကြည့်နေခဲ့ကြသည်။</p> <p> </p> <p> </p> <p>အဘယ်ကြောင့်ဆိုသော် သွေးနတ်ဆိုးဂိုဏ်းဖြစ်စေ၊ ကျိုလီ အင်မော်တယ်ဂိုဏ်းဖြစ်စေ ကပ်ဘေးဆေးလုံးနှင့် ပတ်သက်၍ အလွယ်တကူ လက်လျှော့ကြလိမ့်မည် မဟုတ်သည်ကို ကျန်းချန် ‌ကောင်းစွာ သိရှိထားသောကြောင့်ပင်။</p> <p> </p> <p> </p> <p>နောက်ထပ် ဖြစ်ပေါ်လာမည့် တိုက်ပွဲသည် လေအေးအင်မော်တယ်ဂိုဏ်း၏ ပတ်ဝန်းကျင်တွင်သာ ဖြစ်ပေါ်ပေလိမ့်မည်။</p> <p> </p> <p> </p> <p>ထို့ကြောင့် သူတို့ အနေဖြင့် အမှောင်ထဲတွင် ပုန်းကွယ်ကာ လေအေးအင်မော်တယ်ဂိုဏ်းကို စောင့်ကြည့်နေသရွေ့ ရေနောက်သောအခါတွင် ငါးဖမ်းနိုင်ဖွယ် ရှိသည် မဟုတ်ပါလော။</p> <p> </p> <p> </p> <p>‌သွေးနတ်ဆိုးဂိုဏ်းမှ ရွှယ်ဝူရှနှင့် အခြားသူများသာ လေအေးအင်မော်တယ်ဂိုဏ်းနှင့် တိုက်ခိုက်ပြီး နှစ်ဦးနှစ်ဖက် အထိနာသွားသည်နှင့် သူတို့က ကြားကနေ အမြတ်ထုတ်နိုင်ပြီး ရွှယ်ဝူရှ တို့ကို သတ်ဖြတ်ရန် အခွင့်အရေးပင် ရရှိကောင်း ရရှိနိုင်ပေသည်။</p> <p> </p> <p> </p> <p>အရှိန်အဝါကို မည်သူမှ မရိပ်မိစေရန် ဖုံးကွယ်ထားနိုင်ရန်အတွက် ကျန်းချန်သည် ရွှယ်ချန်ကျဲကို အရှိန်အဝါ ဖုံးကွယ်သည့် နည်းစနစ်အား သင်ကြားပေးထားခဲ့သည်။</p> <p> </p> <p> </p> <p>သူတို့ နှစ်ဦး၏ စွမ်းရည်ဖြင့် အရှိန်အဝါ ဖုံးကွယ်သည့်နည်းစနစ်ကို အသုံးပြုထားလျှင် မဟာယာနအဆင့် ကျင့်ကြံသူ တစ်ဦးပင်လျှင် သူတို့ ရှိနေသည်ကို အလွယ်တကူ သိရှိနိုင်ရန် ခက်ခဲလိမ့်မည် ဖြစ်သည်။</p> <p> </p> <p> </p> <p>“ငါတို့ နောက်ကနေ ခြေရာခံလိုက်လာတဲ့ လူတွေကို ရှင်းပစ်ပြီးပြီလား”</p> <p> </p> <p> </p> <p>ကျန်းချန်သည် သစ်ကိုင်းကြားကနေ မိုင်ရာချီ အကွာတွင်  အနားယူနေသော လူရိပ်များကို ကြည့်ရင်း ခပ်တိုးတိုးမေးလိုက်သည်။</p> <p> </p> <p> </p> <p>ရွှယ်ဝူရှနှင့် လီရှောင် တို့သည် သူတို့၏ အာရုံအများစုကို ကပ်ဘေးဆေးလုံး အပေါ်တွင် စုပုံထားသော်လည်း ကျန်းချန် တို့၏ လှုပ်ရှားမှုများကို စောင့်ကြည့်ရန် လူလွှတ်ထားဆဲ ဖြစ်သည်။</p> <p> </p> <p> </p> <p>ထို့ကြောင့် စိမ်းလန်းသောမြစ်မြို့ကနေ ထွက်လာပြီးနောက်တွင် ကျန်းချန်သည် တမင်တကာပင် အဝေးသို့ ပတ်သွားခဲ့ပြီး ရွှယ်ချန်ကျဲကို သူတို့ နောက်သို့ နောက်ယောင်ခံ လိုက်လာသည့် သူများကို ရှင်းခိုင်းလိုက်ခြင်း ဖြစ်၏။</p> <p> </p> <p> </p> <p>“သခင်ကြီး စိတ်မပူပါနဲ့.. ကျွန်တော် အားလုံးရှင်းလိုက်ပါပြီ.. အခုဆိုရင် ကျွန်တော်တို့ ဘယ်မှာ ရှိနေလဲ ဆိုတာ ဘယ်သူမှ သိတော့မှာ မဟုတ်ဘူး”</p> <p> </p> <p> </p> <p>ထိုစကားကိုပြောရင်း ရွှယ်ချန်ကျဲသည် လေအေးအင်မော်တယ်ဂိုဏ်း၏ အဖွဲ့ကို အဝေးကနေ လှမ်းကြည့်ကာ နားမလည်နိုင်သော အမူအရာဖြင့် ပြောလိုက်သည်။</p> <p> </p> <p> </p> <p>“သခင်ကြီး နည်းနည်းတော့ ထူးဆန်းနေသလိုပဲ.. လေအေးအင်မော်တယ်ဂိုဏ်းက စိမ်းလန်းသောမြစ်မြို့ကနေ ထွက်လာတာ မကြာသေးဘူး.. လေအေးအင်မော်တယ်ဂိုဏ်းက စိမ်းလန်းသောမြစ်မြို့ကနေ ထွက်လာတာ မကြာသေးဘဲ ဘာလို့ ဒီနေရာမှာ အနားယူနေရတာလဲ”</p> <p> </p> <p> </p> <p>လေအေးအင်မော်တယ်ဂိုဏ်းသည် သူတို့ကို အကူအညီပေးရန် အတွက် မဟာယာနအဆင့် ကျင့်ကြံသူကိုပင် ဖိတ်ခေါ်ထားသည် ဖြစ်ရာ သွေးနတ်ဆိုးဂိုဏ်းနှင့် ကျိုလီအင်မော်တယ်ဂိုဏ်း တို့က ကပ်ဘေးဆေးလုံးကို အလွယ်တကူ လက်လျှော့မည် မဟုတ်မှန်း ရိပ်စားမိလောက်သည်။</p> <p> </p> <p> </p> <p>သို့ဆိုလျှင် လေအေးအင်မော်တယ်ဂိုဏ်း အနေဖြင့် သူတို့၏ ဌာနေသို့ အမြန်ဆုံး ပြန်ရောက်အောင် သွားသင့်သည် မဟုတ်ပါလော။</p> <p> </p> <p> </p> <p>သို့ရာတွင် ယခုအခါတွင်မူ လေအေးအင်မော်တယ်ဂိုဏ်းသည် စိမ်းလန်းသောမြစ် မြို့ကနေ ထွက်လာသည်မှာ မကြာသေးသော်လည်း ရပ်နားကာ အနားယူနေခဲ့သည်။</p> <p> </p> <p> </p> <p>ယင်းမှာ အမှန်တကယ်ပင် ပုံမှန်မဟုတ်ပေ။</p> <p> </p> <p> </p> <p>“ရှေ့က တောအုပ်ထဲမှာ ပုန်းကွယ်နေတဲ့ အရှိန်အဝါတွေ အများကြီးရှိနေတယ်.. ဒီထဲမှာ မဟာယာနအဆင့် ကျင့်ကြံသူတွေတောင် ပါနေတယ်.. လေအေးအင်မော်တယ်ဂိုဏ်းက လူတွေက အဲဒါကို သတိထားမိသွားလို့ ဖြစ်မယ်”</p> <p> </p> <p> </p> <p>လေအေးအင်မော်တယ်ဂိုဏ်း၏ အရှေ့မှ တောအုပ်ကို လှမ်းကြည့်ရင်း ကျန်းချန်၏ မျက်ဝန်းများက အနည်းငယ် ကျဥ်းမြောင်းသွားခဲ့သည်။</p> <p> </p> <p> </p> <p>အုပ်စိုးသူအဆင့်နှင့် အလွန်တရာ နီးစပ်နေပြီ ဖြစ်၍ ကျန်းချန်၏ လက်ရှိ အာရုံခံနိုင်စွမ်းသည် အလွန်တရာပင်  အားကောင်းနေခဲ့သည်။</p> <p> </p> <p> </p> <p>ကျန်းချန်သည် သူ့ရှေ့ရှိ‌ တောင်တန်းဆီကနေ မဟာယာန တစ်ပိုင်းအဆင့် ကျင့်ကြံသူများထက် အဆပေါင်းများစွာ သာလွန်သည့် အရှိန်အဝါ နှစ်ခုကို ခံစားမိခဲ့သည်။</p> <p> </p> <p> </p> <p>ထိုအရှိန်အဝါ နှစ်ခုသည် မဟာယာနအဆင့် ကျင့်ကြံသူနှစ်ယောက်၏ အရှိန်အဝါ ဆိုသည်မှာ သေချာသလောက်ပင်။</p> <p> </p> <p> </p> <p>မဟာယာနအဆင့် ကျင့်ကြံသူနှစ်ဦးသည် သူတို့၏ အရှိန်အဝါကို အတော်လေး ကောင်းမွန်စွာ ဖုံးကွယ်ထားသော်လည်း ကျန်းချန် ကဲ့သို့ အရှိန်အဝါကို ဖုံးကွယ်သည့် အဆင့်မြင့်လျှို့ဝှက်နည်းစနစ်ကို မတတ်မြောက်ထားသောကြောင့် ကျန်းချန်က အာရုံခံမိခဲ့ခြင်း ဖြစ်သည်။</p> <p> </p> <p> </p> <p>ထိုမဟာယာနအဆင့် ကျင့်ကြံသူနှစ်ဦး၏ ဘေးတွင် ကျန်းချန်နှင့် အလွန်ရင်းနှီးသော အရှိန်အဝါ တချို့ ရှိနေခဲ့၏။</p> <p> </p> <p> </p> <p>သံသယဖြစ်စရာ မလိုလောက်အောင်ပင် ထိုတောအုပ်ထဲတွင် ပုန်းကွယ်နေသော အုပ်စုနှစ်စုမှာ သွေးနတ်ဆိုးဂိုဏ်းနှင့် ကျိုလီ အင်မော်တယ်ဂိုဏ်းမှ လူများသာ ဖြစ်နိုင်လောက်၏။</p> <p> </p> <p> </p> <p>“ဒီနှစ်ကောင်က ကပ်ဘေးဆေးလုံးကို အပိုင်သိမ်းဖို့ အသေအလဲ ကြိုးစားနေတာပဲ”</p> <p> </p> <p> </p> <p>တောအုပ်အတွင်းရှိ အခြေအနေကို ခံစားမိပြီးနောက်တွင် ကျန်းချန်သည် စိတ်ထဲကနေ ခပ်တိုးတိုး ရေရွတ်လိုက်သည်။</p> <p> </p> <p> </p> <p>ကျန်းချန်နှင့် ရွှယ်ချန်ကျဲ တို့သည် မြင့်မားသော သစ်ပင်အိုကြီးပေါ်တွင် တိတ်တဆိတ် ပုန်းကွယ်နေရသည့် အကြောင်းအရင်းမှာ သူတို့ရှေ့ရှိ တောအုပ် အခြေအနေကို အပေါ်စီးကနေ ကြည့်ရှုနိုင်သောကြောင့် ဖြစ်သည်။</p> <p> </p> <p> </p> <p>မည်သည့်အသံမှ မထွက်ဘဲ ငြိမ်သက် တိတ်ဆိတ်နေသော တောအုပ်ကို လှမ်းကြည့်ရင်း ကျန်းချန်၏ နှုတ်ခမ်းထောင့်တွင် အပြုံးတစ်ခု ဖြစ်ပေါ်လာခဲ့သည်။</p> <p> </p> <p> </p> <p>ယခုအခါတွင် လေအေးအင်မော်တယ်ဂိုဏ်းသည် တစ်စုံတစ်ရာကို သတိထားမိသွားပြီ ဖြစ်ရာ တောအုပ်အတွင်းသို့ အလွယ်တကူ ဝင်တော့မည် မဟုတ်ပေ။</p> <p> </p> <p> </p> <p>သွေးနတ်ဆိုးဂိုဏ်းနှင့် ကျယိုလီအင်မော်တယ်ဂိုဏ်းမှ လူများသည်လည်း တစ်ဖက်ဖက်က အရင်ဆုံး စတင်လှုပ်ရှားရန် စောင့်ဆိုင်းနေကြပုံ ရ၏။</p> <p> </p> <p> </p> <p>သူတို့နှစ်ဖွဲ့သည် တစ်ဖက်အဖွဲ့က လေအေးအင်မော်တယ်ဂိုဏ်းနှင့် တိုက်ခိုက်ပြီး နှစ်ဦးနှစ်ဖက် အထိနာသွားသည် အထိ စောင့်ကာ ကြားထဲကနေ တံငါသည် ကဲ့သို့ အကျိုးအမြတ်ရယူလိုနေကြခြင်း ဖြစ်သည်။</p> <p> </p> <p> </p> <p>ယခုအခါ အဖွဲ့သုံးဖွဲ့ကြားတွင် အခြေအနေတင်းမာနေပြီ ဖြစ်ရာ မည်သည့်အဖွဲ့က အရင်ဆုံး စိတ်မရှည်ဖြစ်မလဲ ဆိုသည့်အပေါ်တွင်သာ မူတည်တော့သည်။</p> <p> </p> <p> </p> <p>ဤကဲ့သို့ စောင့်ဆိုင်းရင်းဖြင့် အချိန်များက တဖြည်းဖြည်း  ကုန်ဆုံးသွားခဲ့ပြီး တိတ်ဆိတ်သော အငွေ့အသက်သည် ပတ်ဝန်းကျင်တွင် အချိန်အတော်ကြာ လွှမ်းမိုးနေခဲ့သည်။</p> <p> </p> <p> </p> <p>အချိန်မည်မျှ ကြာသွားမှန်းပင် မသိရပေ။</p> <p> </p> <p> </p> <p>မျက်စိမှိတ်ကာ အနားယူရင်း သစ်ပင်၏ ပင်စည်ကို မှီနေခဲ့သော ကျန်းချန်သည် အဆုံးသတ်တွင် တစ်စုံတစ်ရာကို အာရုံခံမိသွားခဲ့ပြီး ရုတ်တရက် လှမ်းကြည့်လိုက်သည်။</p> <p> </p> <p> </p> <p>အနားယူနေကြသော လေအေးအင်မော်တယ်ဂိုဏ်းအဖွဲ့သည် အဆုံးသတ်တွင် စတင် လှုပ်ရှားလာခဲ့ချေပြီ။</p> <p> </p> <p> </p> <p>သို့သော်လည်း သူတို့သည် အရှေ့ရှိ တောအုပ် ဆီသို့ ဦးတည်၍ မသွားဘဲ ဘေးဘက်ကနေ ကွေ့ပတ်၍ သွားခဲ့ကြသည်။</p> <p> </p> <p> </p> <p>လေအေးအင်မော်တယ်ဂိုဏ်းသည် တောအုပ်အတွင်းရှိ အန္တရာယ်ကို သတိထားမိသွားပုံရပြီး ဤနေရာတွင်လည်း ဆက်လက် အချိန်မဖြုန်းလိုတော့သဖြင့် လမ်းလွှဲကနေ သွားရန် စီစဥ်ခဲ့ခြင်း ဖြစ်သည်။</p> <p> </p> <p> </p> <p>လေအေးအင်မော်တယ်ဂိုဏ်းက လမ်းလွှဲကနေ ထွက်ခွာရန်  ပြင်ဆင်လိုက်သောအချိန်မှာပင် တောအုပ်အတွင်းရှိ အဖွဲ့တစ်ဖွဲ့သည် အဆုံးသတ်တွင် ငြိမ်သက် မနေနိုင်တော့ပေ။</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>“ဝုန်း..”</p> <p> </p> <p> </p> <p>တောအုပ်အတွင်းကနေ သွေးရောင်လွှမ်းသော ပုံရိပ်လေးခုသည် ထွက်ပေါ်လာခဲ့ပြီး သွေးရောင် အလင်းတန်းလေးခုအဖြစ်သို့ ပြောင်းလဲကာ လေအေးအင်မော်တယ်ဂိုဏ်း အဖွဲ့၏ အရှေ့တွင် ဆင်းသက်လိုက်ကြသည်။</p> <p> </p> <p> </p> <p>တစ်ချိန်တည်းမှာပင် ခနဲ့တဲ့တဲ့ လေသံတစ်သံသည် ပတ်ဝန်းကျင်တွင် ချက်ချင်းဆိုသလို ပဲ့တင်ထပ်သွားခဲ့၏။</p> <p> </p> <p> </p> <p>“ရေခဲမြစ်မိစ္ဆာကြီး.. မတွေ့ရတာ နှစ်ပေါင်းများစွာ ကြာသွားခဲ့ပြီ.. မင်းဒီလောက်အထိ သတိကြီးမယ်လို့  ငါမထင်ထားခဲ့ဘူး”</p> <p> </p> <p> </p> <p>လေအေးအင်မော်တယ်ဂိုဏ်းမှ နှစ်ပေါင်းသောင်းချီ ကြာမြင့်သည့် ‌ရေခဲပြင်ကဲ့သို့ အေးစက်စက် အရှိန်အဝါရှိသည့်  အပြာရောင်ဝတ်ရုံဝတ် အဘိုးအိုသည် သူ၏ ရှေ့မှ သွေးရောင်ဝတ်ရုံဝတ် လူထွားကြီးကို အေးစက်စက် စိုက်ကြည့်လိုက်သည်။</p> <p> </p> <p> </p> <p>“ရွှယ်ကျိုးမင်.. နောက်ဆုံးတော့ မင်းလည်း ဝင်ပါလာရပြီပေါ့”</p> <p> </p> <p> </p> <p>သွေးရောင် ဝတ်ရုံဝတ်လူမှာ သွေးနတ်ဆိုးဂိုဏ်း၏ လက်ယာကိုယ်ရံတော် ဖြစ်သည့် ရွှယ်ကျိုးမင် ဖြစ်သည်။</p> <p> </p> <p> </p> <p>“ရေခဲမြစ်မိစ္ဆာကြီး.. မင်းက လေအေးအင်မော်တယ်ဂိုဏ်းရဲ့ အဖွဲ့ဝင်လည်း မဟုတ်ဘဲနဲ့ ဘာလို့ ငါတို့ နှစ်ဂိုဏ်းရဲ့ ပြဿနာကြားမှာ ဝင်ပါချင်ရတာလဲ.. ဘာမှမဟုတ်တဲ့ လေအေးအင်မော်တယ်ဂိုဏ်း အတွက်နဲ့ ငါတို့ သွေးနတ်ဆိုးဂိုဏ်းကို ပြစ်မှားတာက ဥာဏ်ရှိတဲ့ရွေးချယ်မှု မဟုတ်ဘူး”</p> <p> </p> <p> </p> <p>ရွှယ်ကျိုးမင်က ရေခဲမြစ်မိစ္ဆာကြီးကို ကြည့်ကာ ပြုံး၍ ပြောလိုက်သည်။</p> <p> </p> <p> </p> <p>“မင်း အခုနေ ထွက်သွားမယ်ဆိုရင် အချိန်မီပါသေးတယ်”</p> <p> </p> <p> </p> <p>ရေခဲမြစ်မိစ္ဆာကြီးက နှာခေါင်းရှုံ့ကာ အေးစက်စက် ပြောလိုက်သည်။</p> <p> </p> <p> </p> <p>“ရွှယ်ကျိုးမင်.. သွေးနတ်ဆိုးဂိုဏ်းရဲ့ နာမည်ကိုသုံးပြီး ငါ့ကို ခြိမ်းခြောက်ဖို့ မကြိုးစားနဲ့.. ငါက သူတို့ဆီက အကျိုးအမြတ်ကို လက်ခံထားပြီးမှတော့ သူတို့ရဲ့ အကျိုးကို ဆောင်ရွက်ပေးရမှာပဲ.. မင်းက ကပ်ဘေးဆေးလုံးကို လုယူချင်တယ် ဆိုရင် မင်းမှာ အဲဒီစွမ်းရည်ရှိ၊မရှိ ကြည့်ရသေးတာပေါ့”</p> <p> </p> <p> </p> <p>“စကားကောင်း ပြောနေတာကို နားမထောင်ချင်ဘူးကိုး.. မင်းဒီလောက်တောင် ခေါင်းမာနေမှတော့ ငါ့ဘက်ကလည်း အားနာမနေတော့ဘူး”</p> <p> </p> <p> </p> <p>ထိုစကားကို ပြောပြီးနောက်တွင် ရွှယ်ကျိုးမင်သည် သူ၏ အနောက်ဘက်ရှိ တောအုပ်၏တစ်နေရာ ဆီသို့ လှမ်းကြည့်ကာ ပြောလိုက်သည်။</p> <p> </p> <p> </p> <p>“လီထျန်းယွမ် ထွက်လာခဲ့တော့.. အခြေအနေက ဒီအထိ ရောက်နေပြီကို မင်းက ဘာလို့ အမှောင်ထဲမှာ ပုန်းနေသေးတာလဲ”</p> <p> </p> <p> </p> <p>သူက လေအေးအင်မော်တယ်ဂိုဏ်းကို အရင်ဆုံး တားဆီးလိုက်သော်လည်း ငတုံးတစ်ယောက် မဟုတ်ပေ။</p> <p> </p> <p> </p> <p>သူသာ လေအေးအင်မော်တယ်ဂိုဏ်းနှင့် တိုက်ခိုက်မည်ဆိုလျှင် အမှောင်ထဲတွင် ပုန်းအောင်းနေသော ကျိုလီအင်မော်တယ်ဂိုဏ်းမှ လူများကို အခွင့်အရေးပေးလိုက်သလို ဖြစ်သွားပေလိမ့်မည် မဟုတ်ပါ‌လား။</p> <p> </p> <p> </p> <p>သူ့အနေဖြင့် ယခုလုပ်ဆောင်ရမည့် အကောင်းဆုံးနည်းလမ်းမှာ ကျိုလီအင်မော်တယ်ဂိုဏ်းမှ လူများကို အရင်ဆုံး ခေါ်ထုတ်ပြီး ၎င်းတို့နှင့် ပူးပေါင်း၍ လေအေးအင်မော်တယ်ဂိုဏ်းကို ရင်ဆိုင်ရန် ဖြစ်သည်။</p> <p> </p> <p> </p> <p>သို့မှသာ မျှမျှတတ ယှဥ်ပြိုင်နိုင်ပေလိမ့်မည် မဟုတ်ပါလား။</p> <p> </p> <p> </p> <p>“ဝှစ်..”</p> <p> </p> <p> </p> <p>“ဝှစ်..”</p> <p> </p> <p> </p> <p>ရွှယ်ကျိုးမင်၏ စကားအဆုံးတွင် တောအုပ်အတွင်းကနေ  လေတိုးသံတချို့ ထပ်မံ ထွက်ပေါ်လာခဲ့သည်။</p> <p> </p> <p> </p> <p>မကြာမီမှာပင်  လူရိပ်လေးခုသည် တောအုပ်အတွင်းကနေ  ထွက်လာခဲ့ကြသည်။</p> <p> </p> <p> </p> <p>ထိုလေးဦးအနက် သုံးဦးမှာ လီရှောင်တို့ သုံးဦးပင် ဖြစ်သည်။</p> <p> </p> <p> </p> <p>လီရှောင်တို့ သုံးဦး၏ ရှေ့တွင်မူ အလွန်တရာ လျှို့ဝှက်ဆန်းကြယ်ပုံရသော အနက်ရောင်ဝတ်စုံဝတ် အဘိုးအိုတစ်ဦး  ရှိနေခဲ့သည်။</p> <p> </p> <p> </p> <p>ယင်းအနက်ရောင်ဝတ်စုံဝတ် အဘိုးအို၏ အရှိန်အဝါသည် အလွန်တရာပင် နက်ရှိုင်းပြီး သွေးနတ်ဆိုးဂိုဏ်းမှ ရွှယ်ကျိုးမင်ထက်ပင် အနည်းငယ်မျှ မနိမ့်ကျပေ။</p> <p> </p> <p> </p> <p> </p> <p style="text-align: center;">အခန်း(၂၅၁၆)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save