Book List

<h2 style="text-align: center;">အခန်း(၂၅၁၇)</h2> <h2 style="text-align: center;">*</h2> <p style="text-align:center"> </p> <p> </p> <p>“လီထျန်းယွမ်.. အခုအခြေအနေကို မင်းနဲ့ငါ နှစ်ယောက်လုံး သိကြတာပဲ.. မင်းနဲ့ငါလက်တွဲပြီး ခပ်မြန်မြန် ရှင်းပစ်လိုက်ကြစို့”</p> <p> </p> <p> </p> <p>ရွှယ်ကျိုးမင်က လေအေးအင်မော်တယ်ဂိုဏ်းကို လျစ်လျူရှုထားလိုက်ပြီး လီထျန်းယွမ်ကို ကြည့်ကာ တိုက်ရိုက်ပင် ပြောလိုက်သည်။</p> <p> </p> <p> </p> <p>လီထျန်းယွမ်၏ မျက်ခုံးများက အနည်းငယ် မြင့်တက်သွားခဲ့သည်။</p> <p> </p> <p> </p> <p>“ပြီးရင်ရော ကပ်ဘေး‌ဆေးလုံး အတွက် ဘယ်လို ဆုံးဖြတ်ကြမလဲ”</p> <p> </p> <p> </p> <p>ထိုမေးခွန်းကို ကြားလျှင် ရွှယ်ကျိုးမင်သည် တည်ငြိမ်စွာ ပြန်ဖြေလိုက်သည်။</p> <p> </p> <p> </p> <p>“ဒီတစ်ခေါက် မင်းနဲ့ငါ့ရဲ့ ရည်ရွယ်ချက်က တစ်ခုတည်းပဲရှိတယ်.. အဲဒါက ကပ်ဘေးဆေးလုံးအတွက်ပဲ.. ကပ်ဘေးဆေးလုံးကို ရတာနဲ့ ငါတို့တွေ တရားမျှမျှတတ ယှဥ်ပြိုင်ကြတာပေါ့”</p> <p> </p> <p> </p> <p>“ရွှယ်ကျိုးမင်.. မင်းတို့ သွေးနတ်ဆိုးဂိုဏ်းက အင်မော်တယ် ကျင့်ကြံခြင်း စကြဝဠာရဲ့ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲမှာ တစ်ဂိုဏ်း အပါအဝင် ဖြစ်ပေမဲ့ ဒီလောက်အထိ အောက်တန်းကျလိမ့်မယ်လို့ ငါမထင်ထားခဲ့ဘူး”</p> <p> </p> <p> </p> <p>လေအေးအင်မော်တယ်ဂိုဏ်းမှ မဟာယာန တစ်ပိုင်းအဆင့် ကျင့်ကြံသူက ရွှယ်ကျိုးမင်ကို စိုက်ကြည့်ကာ ပြောလိုက်သည်။</p> <p> </p> <p> </p> <p>“မင်းတို့က ငါတို့ကို အနိုင်ကျင့်လို့ လွယ်မယ်များ ထင်နေလား”</p> <p> </p> <p> </p> <p>“ပွင့်ပွင့်လင်းလင်း ပြောရရင် မင်းတို့ဆီမှာ ‌ရေခဲမြစ်မိစ္ဆာကြီးရဲ့ အကူအညီသာ မရှိရင် မင်းတို့ လေအေးအင်မော်တယ်ဂိုဏ်း ဆိုတာ ငါ့မျက်လုံးထဲမှာ ပုရွက်ဆိတ်နဲ့ မခြားဘူး”</p> <p> </p> <p> </p> <p>ရွှယ်ကျိုးမင်က မထီမဲ့မြင် အကြည့်ဖြင့် ကြည့်လိုက်ပြီး လီထျန်းယွမ် ဘက်သို့ ပြန်ကြည့်ကာ ပြောလိုက်သည်။</p> <p> </p> <p> </p> <p>“လီထျန်းယွမ်.. မင်း ဒီလိုမျိုး အချိန်ဆွဲနေမယ်ဆိုရင် မင်းအတွက်ရော၊ ငါ့အတွက်ရော ဘာအကျိုးမှ ရှိမှာမဟုတ်ဘူး”</p> <p> </p> <p> </p> <p>“သခင်ကြီး.. သွေးနတ်ဆိုးဂိုဏ်းက လေအေးအင်မော်တယ်ဂိုဏ်းကို ရင်ဆိုင်ဖို့ အတွက် ကျိုလီအင်မော်တယ်ဂိုဏ်းနဲ့ ပူးပေါင်းဖို့ ကြံရွယ်နေတာပဲ.. ဒီအတိုင်းဆို လေအေးအင်မော်တယ်ဂိုဏ်းက အတော်လေး အန္တရာယ်ရှိနေခဲ့ပြီ”</p> <p> </p> <p> </p> <p>ထိုမြင်ကွင်းကို ကြည့်ရင်း ရွှယ်ချန်ကျဲသည် မျက်နှာ အနည်းငယ် ပျက်သွားခဲ့သည်။</p> <p> </p> <p> </p> <p>လေအေးအင်မော်တယ်ဂိုဏ်းသည် မဟာယာနအဆင့် ကျင့်ကြံသူ ဖြစ်သည့် ရေခဲမြစ်မိစ္ဆာကြီးကို ဖိတ်ခေါ်ထားသော်လည်း ရွှယ်ကျိုးမင်နှင့် လီထျန်းယွမ် တို့သာ ပူးပေါင်းသွားခဲ့လျှင် ရေခဲမြစ်မိစ္ဆာကြီးသည် ခုခံနိုင်တော့မည်မဟုတ်ပေ။</p> <p> </p> <p> </p> <p>“ငါတို့ ဆက်ပြီး စောင့်ကြည့်ကြတာပေါ့.. သူတို့တွေ အတူတူပူးပေါင်းပြီး လေအေးအင်မော်တယ်ဂိုဏ်းကို ရှင်းပစ်လိုက်ရင်တောင် ကပ်ဘေးဆေးလုံး အတွက် တိုက်ပွဲ ဆက်ဖြစ်ကြဦးမှာပဲ”</p> <p> </p> <p> </p> <p>ကျန်းချန်၏ မျက်ဝန်းများက အနည်းငယ် ကျဥ်းမြောင်းသွားခဲ့သည်။</p> <p> </p> <p> </p> <p>“ဒါ့အပြင် အခြေအနေတွေက မျှော်လင့်ထားသလို ဖြစ်မလာနိုင်ဘူးလို့ ငါခံစားနေမိတယ်”</p> <p> </p> <p> </p> <p>ထိုစကားကိုကြားလျှင် ရွှယ်ချန်ကျဲသည် အနည်းငယ် အံ့အားသင့်သွားခဲ့သည်။</p> <p> </p> <p> </p> <p>“လီထျန်းယွမ်က ရွှယ်ကျိုးမင်နဲ့ ပူးပေါင်းမှာ မဟုတ်ဘူးလို့ ဆိုလိုချင်တာလား”</p> <p> </p> <p> </p> <p>“ရွှယ်ကျိုးမင်က လီထျန်းယွမ်ကို ပူးပေါင်းဖို့ ပွင့်ပွင့်လင်းလင်း ကမ်းလှမ်းနေတာတောင် လေအေးအင်မော်တယ်ဂိုဏ်းနဲ့  ရေခဲမြစ်မိစ္ဆာကြီးက တုန်လှုပ်မှု မရှိတာကို မင်းသတိထားမိလား”</p> <p> </p> <p> </p> <p>ထိုစကားကို ပြောနေစဥ် ကျန်းချန်၏ မျက်ဝန်းထဲတွင် စူးရှသော အလင်းတန်း တစ်ခု လင်းလက်သွားခဲ့သည်။</p> <p> </p> <p> </p> <p>ကျန်းချန်၏ စကားကိုကြားလျှင် ရွှယ်ချန်ကျဲသည်  အံ့အားသင့်သွားခဲ့သည်။</p> <p> </p> <p> </p> <p>သွေးနတ်ဆိုးဂိုဏ်းနှင့် ကျိုလီအင်‌မော်တယ်ဂိုဏ်းမှ မဟာယာနအဆင့် ကျင့်ကြံသူနှစ်ဦး၏ ပူးပေါင်း တိုက်ခိုက်မှုကို ရင်ဆိုင်ရတော့မည် ဖြစ်သော်လည်း လေအေးအင်မော်တယ်ဂိုဏ်းသည် အနည်းငယ်မျှပင် စိုးရိမ်ပူပန်မှု ရှိမနေသည်မှာ အမှန်တကယ် ထူးဆန်းနေခဲ့သည်။</p> <p> </p> <p> </p> <p>ဤအချက်ကို ထောက်၍ လေအေးအင်မော်တယ်ဂိုဏ်းတွင်  ရေခဲမြစ်မိစ္ဆာကြီး အပြင် တခြားသော ပြင်ဆင်မှုများ ရှိနေနိုင်၏။</p> <p> </p> <p> </p> <p>ကျန်းချန်တို့ နှစ်ဦး တိတ်တဆိတ် ဆွေးနွေးပြောဆိုနေသော အချိန်မှာပင် လီထျန်းယွမ်က သူ၏ မေးခွန်းကို ပြန်မဖြေသည်အား မြင်လျှင် ရွှယ်ကျိုးမင် မျက်မှောင်ကြုတ်သွားခဲ့သည်။</p> <p> </p> <p> </p> <p>“လီထျန်းယွမ်.. မင်း ငါနဲ့ မပူးပေါင်းဘူးလား”</p> <p> </p> <p> </p> <p>“ရွှယ်ကျိုးမင် မင်းအားကုန်ခံမနေနဲ့တော့.. ကျူလီအင်မော်တယ်ဂိုဏ်းက မိတ်ဆွေကြီးလီက မင်းနဲ့ လက်တွဲမှာမဟုတ်ဘူး”</p> <p> </p> <p> </p> <p>ထိုအချိန်မှာပင် ရေခဲမြစ်မိစ္ဆာကြီး၏ အေးစက်စက် စကားသံက ရွှယ်ကျိုးမင်၏ နားထဲသို့ တိုက်ရိုက်ပင် ဝင်ရောက်လာခဲ့သည်။</p> <p> </p> <p> </p> <p>ထိုစကားကိုကြားလျှင် ရွှယ်ကျိုးမင် အံ့ဩထိတ်လန့်သွားခဲ့သည်။</p> <p> </p> <p> </p> <p>သူက တည်ငြိမ်မှု ရှိနေသည့်‌ ရေခဲမြစ်မိစ္ဆာကြီးတို့ အဖွဲ့ကို ကြည့်လိုက်ပြီး လီထျန်းယွမ်ကို တစ်ချက် လှမ်းကြည့်လိုက်ရာ သူ၏ နှလုံးသားထဲတွင် မကောင်းသော ခံစားချက်တစ်ခု ဖြစ်ပေါ်လာခဲ့သည်။</p> <p> </p> <p> </p> <p>“ရွှယ်ကျိုးမင်.. ကျိုလီအင်‌မော်တယ်ဂိုဏ်းနဲ့ လက်တွဲဖို့ မင်းတစ်ယောက်တည်းပဲ သိတယ်လို့ ထင်နေလား”</p> <p> </p> <p> </p> <p>လေအေးအင်မော်တယ်ဂိုဏ်းက မဟာယာန တစ်ပိုင်းအဆင့် ကျင့်ကြံသူက လှောင်ပြုံး ပြုံးကာ ပြောလိုက်သည်။</p> <p> </p> <p> </p> <p>“ဒီတစ်ကြိမ် ကပ်ဘေးဆေးလုံးကို လေလံလာဆွဲတယ် ဆိုကတည်းက ငါတို့ လေအေးအင်မော်တယ်ဂိုဏ်းမှာ အပြည့်အဝ ပြင်ဆင်မှုတွေ ရှိပြီးသားမို့လို့ပဲ.. စိမ်းလန်းသောမြစ်မြို့ကနေ မထွက်ခွာခင်ကတည်းက ကျိုလီအင်မော်တယ်ဂိုဏ်းနဲ့ ငါတို့ ပူးပေါင်းပြီးသွားပြီ”</p> <p> </p> <p> </p> <p>ထိုစကားကိုကြားလျှင် ရွှယ်ကျိုးမင်၏ မျက်နှာထက်တွင် အံ့ဩထိတ်လန့်သော အမူအရာများ ဖြစ်ပေါ်လာခဲ့သည်။</p> <p> </p> <p> </p> <p>လေအေးအင်မော်တယ်ဂိုဏ်းသည် ကျိုလီအင်မော်တယ်ဂိုဏ်းနှင့် ပူးပေါင်းခဲ့ပြီး ကျိုလီအင်မော်တယ်ဂိုဏ်းကို ကပ်ဘေးဆေးလုံး ယှဥ်ပြိုင်မှုကနေ စွန့်လွှတ်အောင် လုပ်ဆောင်နိုင်လိမ့်မည်ဟု သူ မထင်ထားခဲ့ပေ။</p> <p> </p> <p> </p> <p>လီထျန်းယွမ်က ပြုံး၍ ပြောလိုက်သည်။</p> <p> </p> <p> </p> <p>“စိတ်မကောင်းပါဘူး ရွှယ်ကျိုးမင်.. လေအေးအင်မော်တယ်ဂိုဏ်းက ငါတို့ ကျိုလီအင်မော်တယ်ဂိုဏ်း မငြင်းနိုင်တဲ့ ကမ်းလှမ်းချက်ကို ပေးခဲ့တာကြောင့် ငါ သူတို့နဲ့ ပူးပေါင်းလိုက်ပြီ”</p> <p> </p> <p> </p> <p>လီထျန်းယွမ်၏ စကားကိုကြားလျှင် ရွှယ်ကျိုးမင်၏ စိတ်နှလုံးထဲဝယ် စိုးရိမ်စိတ်များ ပြည့်နှက်သွားခဲ့သည်။</p> <p> </p> <p> </p> <p>လေအေးအင်မော်တယ်ဂိုဏ်းသည် ကျိုလီအင်မော်တယ်ဂိုဏ်းနှင့် ပူးပေါင်းသွားပြီ ဖြစ်ရာ သူတို့အနေဖြင့် ‌ရေခဲမြစ်မိစ္ဆာကြီးနှင့် လီထျန်းယွမ်တို့  မဟာယာနအဆင့် ကျင့်ကြံသူ နှစ်ယောက်ကို ရင်ဆိုင်ဖို့ အခွင့်အရေး မရှိတော့ပေ။</p> <p> </p> <p> </p> <p>အနည်းငယ် ပေါ့ဆမိသည်နှင့် ယနေ့တွင် သူတို့အားလုံးသည် ဤနေရာမှာပင် အသက်ဆုံးရှုံးသွားနိုင်ခြေ ရှိ၏။</p> <p> </p> <p> </p> <p>“ဆုတ်ကြစို့”</p> <p> </p> <p> </p> <p>ထို့ကြောင့် ရွှယ်ကျိုးမင်သည် နောက်ထပ် တုံ့ဆိုင်းမနေတော့ဘဲ ရွှယ်ဝူရှတို့နှင့် အတူ ချက်ချင်းဆိုသလို လှည့်ထွက်ကာ  ထွက်ပြေးသွားခဲ့သည်။</p> <p> </p> <p> </p> <p>“သတ်ကြ”</p> <p> </p> <p> </p> <p>လေအေးအင်မော်တယ်ဂိုဏ်းဘက်မှ ရေခဲမြစ်မိစ္ဆာအိုကြီး ဦးဆောင်ကာ ရွှယ်ကျိုးမင် တို့ကို ပြေးဝင်၍ တိုက်ခိုက်လိုက်သည်။</p> <p> </p> <p> </p> <p>လီထျန်းယွမ်ကလည်း တုံ့ဆိုင်းမနေဘဲ ပြတ်ပြတ်သားသားပင် ဝင်ရောက် တိုက်ခိုက်လိုက်၏။</p> <p> </p> <p> </p> <p>လေအေးအင်မော်တယ်ဂိုဏ်းမှ ကျင့်ကြံသူများနှင့် ကျိုလီအင်မော်တယ်ဂိုဏ်းမှ လီရှောင် တို့သည်လည်း သွေးနတ်ဆိုးဂိုဏ်းမှ လူများကို ဝိုင်းရံကာ တိုက်ခိုက်လိုက်ကြသည်။</p> <p> </p> <p> </p> <p>ရွှယ်ဝူရှတို့ သုံးယောက်သည် အလွန်တရာ သန်မာသော်လည်း အရေအတွက်နှင့် အရည်အသွေးပိုင်းတွင် လေအေးအင်မော်တယ်ဂိုဏ်းနှင့် ကျိုလီအင်မော်တယ်ဂိုဏ်းကို မယှဥ်နိုင်ခဲ့ပေ။</p> <p> </p> <p> </p> <p>ထို့ကြောင့် တစ်ခဏအတွင်းမှာပင် ရွှယ်ဝူရှတို့ သုံးယောက်သည် လေအေးအင်မော်တယ်ဂိုဏ်းနှင့် ကျိုလီအင်မော်တယ်ဂိုဏ်း၏ ဝိုင်းရံတိုက်ခိုက်မှုအောက်တွင် ဒဏ်ရာအပြင်းအထန်ရရှိသွားခဲ့ပြီး အရေးနိမ့်လာခဲ့ကြသည်။</p> <p> </p> <p> </p> <p>အခြားတစ်ဖက်တွင်လည်း ရွှယ်ကျိုးမင်သည် နှစ်ယောက် တစ်ယောက် ရင်ဆိုင်နေရ၏။</p> <p> </p> <p> </p> <p>မဟာယာနအဆင့် ကျင့်ကြံသူ နှစ်ယောက်၏ ပူးပေါင်းတိုက်ခိုက်မှုအောက်တွင် သူ၏ ပုံရိပ်သည် အတော်လေးအရှက်ရစရာ ဖြစ်နေခဲ့ပြီး မျက်နှာတစ်ခုလုံး ဖြူဖျော့နေခဲ့သည်။</p> <p> </p> <p> </p> <p>ဤအတိုင်း ဆက်သွားနေ၍ မဖြစ်မှန်း ရွှယ်ကျိုးမင် ကောင်းစွာ သိထားခဲ့သည်။</p> <p> </p> <p> </p> <p>သူက ခန္ဓာကိုယ်ထဲမှ သွေးစွမ်းအားများကို အစွမ်းကုန်  ထုတ်ဖော်လိုက်ပြီး သွေးနတ်ဆိုးဂိုဏ်း၏ အဆင့်မြင့် သွေးလျှို့ဝှက်နည်းစနစ်ကို တိုက်ရိုက်ပင် အသုံးပြုလိုက်သည်။</p> <p> </p> <p> </p> <p>“ကောင်းကင်သွေး ဖောက်ခွဲခြင်း နည်းစနစ်”</p> <p> </p> <p> </p> <p>ရွှယ်ကျိုးမင်က ကျယ်လောင်စွာ ကြုံးဝါးလိုက်ပြီး သူ၏ ခန္ဓာကိုယ်ထဲမှ သွေးစွမ်းအားများကို သွေးမြစ်ကြီး တစ်စင်းအဖြစ် ချက်ချင်းဆိုသလို ပြောင်းလဲလိုက်ကာ ရေခဲမြစ်မိစ္ဆာကြီးနှင့် လီထျန်းယန် တို့ကို အတင်းအကျပ်ပင် တွန်းထုတ်လိုက်သည်။</p> <p> </p> <p> </p> <p>ထို့နောက်တွင် သူ၏ ပုံရိပ်သည် ရွှယ်ဝူရှ၏ ရှေ့တွင် ပေါ်လာခဲ့ပြီး ရွှယ်ဝူရှကို ခေါ်ကာ ထွက်ပြေးသွားခဲ့၏။</p> <p> </p> <p> </p> <p>ကောင်းကင်နှင့်မြေကြီး ကြားတွင် ရွှယ်ကျိုးမင်၏ အေးစက်စက် စကားသံ တစ်သံသာ ပဲ့တင်ထပ်၍ ကျန်ရစ်ခဲ့သည်။</p> <p> </p> <p> </p> <p>“လေအေးအင်မော်တယ်ဂိုဏ်း.. ဒီနေ့ကိစ္စကို ငါကောင်းကောင်းကြီး မှတ်ထားမယ်”</p> <p> </p> <p> </p> <p>ရွှယ်ကျိုးမင်က ထွက်ပြေးသွားနိုင်သော်လည်း သွေးနတ်ဆိုးဂိုဏ်းမှ ကျန်ရှိသည့် မဟာယာန တစ်ပိုင်းအဆင့် ကျင့်ကြံသူ နှစ်ယောက်သည် ရွှယ်ကျိုးမင် တို့​လောက် ကံမကောင်းခဲ့ပေ။</p> <p> </p> <p> </p> <p>ဒဏ်ရာ အပြင်းအထန် ရရှိနေသည့် ထိုနှစ်ယောက်သည် လေအေးအင်မော်တယ်ဂိုဏ်းနှင့် ကျိုလီအင်မော်တယ်ဂိုဏ်းမှ အင်မော်တယ် ကျင့်ကြံသူ အများအပြားကို မည်ကဲ့သို့ ရင်ဆိုင်နိုင်ပါမည်နည်း။</p> <p> </p> <p> </p> <p>အားလုံး၏ ဝိုင်းရံတိုက်ခိုက်မှုအောက်တွင် ထိုနှစ်ယောက်သည် လျင်မြန်စွာပင် အသက် ဆုံးရှုံးသွားကြသည်။</p> <p> </p> <p> </p> <p>“ငါတို့နှစ်ယောက် ပူးပေါင်းပြီး တိုက်တာတောင် ရွှယ်ကျိုးမင်က လွတ်သွားသေးတယ်”</p> <p> </p> <p> </p> <p>ခြေရာလက်ရာပင် မကျန်ဘဲ ပျောက်ကွယ်သွားသော ရွှယ်ကျိုးမင်ကြောင့် ရေခဲမြစ်မိစ္ဆာကြီးက အနည်းငယ်  မျက်မှောင်ကြုတ်သွားခဲ့သည်။</p> <p> </p> <p> </p> <p>သွေးနတ်ဆိုးဂိုဏ်းမှ နည်းလမ်းများသည် ဆန်းကြယ်ပြီး ခန့်မှန်းရခက်ခဲ၏။</p> <p> </p> <p> </p> <p>“ရွှယ်ကျိုးမင်လို မဟာယာနအဆင့် ကျင့်ကြံသူ တစ်ယောက်က အသက်ကို ရင်းပြီး တိုက်ခိုက်မယ် ဆိုရင် သူ့ကို ဖမ်းဖို့အတွက် ငါတို့တွေ အများကြီး ရင်းနှီးရလိမ့်မယ်”</p> <p> </p> <p> </p> <p>လီထျန်းယွမ်က တည်ငြိမ်စွာ ပြောလိုက်သည်။</p> <p> </p> <p> </p> <p>ရေခဲမြစ်မိစ္ဆာကြီးက ခေါင်းခါရမ်းလိုက်ပြီး လီထျန်းယွမ်ကို ဂါဝရပြုကာ ပြောလိုက်၏။</p> <p> </p> <p> </p> <p>“ဘာပဲဖြစ်ဖြစ် ဒီတစ်ခေါက် အကူအညီပေးတဲ့ အတွက် မိတ်ဆွေကြီးလီကို ကျေးဇူးတင်ပါတယ်”</p> <p> </p> <p> </p> <p>လီထျန်းယွမ်က ခပ်ယဲ့ယဲ့ ပြုံးလိုက်သည်။</p> <p> </p> <p> </p> <p>“အားနာနေစရာမလိုပါဘူး.. လေအေးအင်မော်တယ်ဂိုဏ်းအနေနဲ့ ငါ့ရဲ့ကမ်းလှမ်းချက်ကို သဘောတူဖို့ပဲ လိုအပ်ပါတယ်”</p> <p> </p> <p> </p> <p>“မိတ်ဆွေကြီးလီ စိတ်ချပါ.. ငါက လေအေးအင်မော်တယ်ဂိုဏ်းရဲ့ အဖွဲ့ဝင်တစ်ယောက် မဟုတ်ပေမဲ့ လေအေးအင်မော်တယ်ဂိုဏ်းရဲ့ ကိုယ်စား ငါအဆုံးအဖြတ် ပေးလို့ရပါတယ်”</p> <p> </p> <p> </p> <p>‌ရေခဲမြစ်မိစ္ဆာကြီးက ခေါင်းညိတ်ပြလိုက်ပြီး လေအေးအင်မော်တယ်ဂိုဏ်းမှ လူများကို ပြောလိုက်သည်။</p> <p> </p> <p> </p> <p>“သွားစို့.. ငါမင်းတို့ကို စောင့်‌ရှောက်ပြီး လေအေးအင်မော်တယ်ဂိုဏ်း အထိ လိုက်ပို့ပေးမယ်”</p> <p> </p> <p> </p> <p>ထိုစကားကို ပြောပြီးသည်နှင့် သူတို့အဖွဲ့သည် လီထျန်းယွမ်ကို  နှုတ်ဆက်ကာ တောအုပ်ထဲကနေ လျင်မြန်စွာ ပျောက်ကွယ်သွားကြသည်။</p> <p> </p> <p> </p> <p>ရေခဲမြစ်မိစ္ဆာကြီးတို့ ထွက်ခွာသွားပြီးနောက်တွင် လီထျန်းယွမ်သည်လည်း လီရှောင်တို့နှင့် အတူ ထိုနေရာကနေ ပျောက်ကွယ်သွားခဲ့သည်။</p> <p> </p> <p> </p> <p style="text-align: center;">အခန်း(၂၅၁၇)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save