Book List

<h2 style="text-align: center;">အခန်း(၂၅၁၉)</h2> <h2 style="text-align: center;">*</h2> <p style="text-align:center"> </p> <p> </p> <p>ကျန်းချန်တို့နှစ်ဦး၏ စူးစိုက်ကြည့်မှုအောက်တွင် သွေးရောင်ပုံရိပ်နှစ်ခုသည် လေထုကို နင်းလျှောက်ကာ သူတို့ရှိနေသည့် နေရာ ဆီသို့ လျင်မြန်စွာ ရောက်ရှိလာကြသည်။</p> <p> </p> <p> </p> <p>ထိုသွေးပုံရိပ်နှစ်ခုသည် ဒဏ်ရာ အပြင်းအထန် ရရှိနေသော ရွှယ်ကျိုးမင်နှင့် ရွှယ်ဝူရှတို့ ဖြစ်၏။</p> <p> </p> <p> </p> <p>“သိပ်မကြာခင် ဆိတ်ငြိမ်သွေးလွင်ပြင် ဆီကို ရောက်တော့မှာပဲ”</p> <p> </p> <p> </p> <p>သူ့ရှေ့မှ ဆိတ်ငြိမ်သွေးလွင်ပြင်ကို ကြည့်ရင်း ရွှယ်ကျိုးမင် အနည်းငယ် စိတ်သက်သာရာ ရသွားခဲ့သည်။</p> <p> </p> <p> </p> <p>လေအေးအင်မော်တယ်ဂိုဏ်းနှင့် ကျိုလီအင်မော်တယ်ဂိုဏ်းတို့၏ ပူးပေါင်း တိုက်ခိုက်မှုအောက်တွင် ရှုံးနိမ့်သွားပြီးနောက်တွင် ရွှယ်ကျိုးမင်နှင့် ရွှယ်ဝူရှ တို့သည် ခွေးပြေးဝက်ပြေး ထွက်ပြေးခဲ့ရပြီး ဒဏ်ရာကုသရန်အ တွက် နေရာတစ်ခုကို ရှာကာ အနားယူခဲ့ရသည်။</p> <p> </p> <p> </p> <p>ရက်အနည်းငယ် ကုသပြီးနောက် အတွင်းဒဏ်ရာများ ပြန်လည် သက်သာလာသည်နှင့် ဆိတ်ငြိမ် သွေးကောင်းကင် နယ်​မြေသို့ ပြန်ရန် ပြင်ဆင်ခဲ့ကြခြင်း ဖြစ်သည်။</p> <p> </p> <p> </p> <p>ဤအတောအတွင်း လေအေးအင်မော်တယ်ဂိုဏ်းနှင့် ကျိုလီအင်မော်တယ်ဂိုဏ်း တို့သည် သူတို့ကို အပြတ်ရှင်းပစ်လိမ့်မည်အား စိုးရိမ်နေခဲ့ကြသော်လည်း ယခု ဆိတ်ငြိမ်သွေးလွင်ပြင်ဆီသို့ ရောက်ခါနီးအထိ မည်သည့် ပြဿနာမှ မရှိသောကြောင့် အဆုံးသတ်တွင် သက်ပြင်းချနိုင်ခဲ့ကြသည်။</p> <p> </p> <p> </p> <p>ရွှယ်ဝူရှက ခါးသီးစွာ ပြောလိုက်သည်။</p> <p> </p> <p> </p> <p>“စိမ်လန်းသောမြစ် ကောင်းကင်နယ်မြေ ခရီးစဥ်က ဒီလိုမျိုး အဆုံးသတ်သွားလိမ့်မယ်လို့ မထင်ထားခဲ့ဘူး.. ကျွန်တော် အတော်လေး ပေါ့ဆမိသွားတယ်”</p> <p> </p> <p> </p> <p>ဤတစ်ကြိမ် စိမ်းလန်းသောမြစ် ကောင်းကင်နယ်မြေသို့ လာခဲ့ရာတွင် ကပ်ဘေးဆေးလုံးကို မရရှိခဲ့ရုံသာမက မဟာယာန တစ်ပိုင်းအဆင့် ကျင့်ကြံသူ နှစ်ဦးကိုပါ ဆုံးရှုံးခဲ့ရသည်။</p> <p> </p> <p> </p> <p>သူနှင့် ရွှယ်ကျိုးမင်တို့ပင် စိမ်းလန်းသောမြစ် ကောင်းကင်နယ်မြေတွင် ကျဆုံးရမည့် အခြေအနေနှင့် အတော်လေး နီးစပ်ခဲ့၏။</p> <p> </p> <p> </p> <p>“ဒါက မင်းရဲ့အပြစ်မဟုတ်ပါဘူး.. လေအေးအင်မော်တယ်ဂိုဏ်းက ကပ်ဘေးဆေးလုံးကို ကျိုလီအင်မော်တယ်ဂိုဏ်း စွန့်လွှတ်အောင် လုပ်ဆောင်နိုင်လိမ့်မယ်လို့ ငါတောင် မထင်ထားခဲ့ဘူး”</p> <p> </p> <p> </p> <p>ရွှယ်ကျိုးမင်၏ မျက်နှာက အလွန်တရာပင် သုန်မှုန်နေခဲ့သည်။</p> <p> </p> <p> </p> <p>“လေအေးအင်မော်တယ်ဂိုဏ်းနဲ့ ကျိုလီအင်မော်တယ်ဂိုဏ်း.. အနှေးနဲ့အမြန် ငါ အခုခံစားခဲ့ရတဲ့ အရှက်တရားအတွက် မင်းတို့တွေ ဆယ်ဆ ပြန်လည် ပေးဆပ်စေရမယ်”</p> <p> </p> <p> </p> <p>ထိုအချိန်မှာပင် ရွှယ်ကျိုးမင်သည် ရုတ်တရက် တစ်စုံတစ်ရာကို အာရုံခံမိသွားခဲ့ပြီး လေထဲတွင် ရပ်တန့်လိုက်သည်။</p> <p> </p> <p> </p> <p>ထိုအချင်းအရာကိုမြင်လျှင် ရွှယ်ဝူရှသည် ထိတ်လန့်သွားခဲ့ပြီး အလျင်အမြန်ပင် မေးလိုက်၏။</p> <p> </p> <p> </p> <p>“လက်ယာကိုယ်ရံတော် ဘာဖြစ်လို့လဲ”</p> <p> </p> <p> </p> <p>ရွှယ်ကျိုးမင်က လေးနက်စွာ ပြောလိုက်သည်။</p> <p> </p> <p> </p> <p>“ဆိတ်ငြိမ်သွေးကောင်းကင် နယ်မြေကနေ လာတဲ့ လျှို့ဝှက်ဆန်းကြယ်တဲ့ ကျင့်ကြံသူ နှစ်ယောက် ရှိတယ်လို့ မင်းပြောခဲ့တာ ငါမှတ်မိသေးတယ်.. အဲဒီနှစ်ယောက်က ရွှယ်ချန်ကျဲ တို့ နှစ်ယောက် ဖြစ်နိုင်ခြေရှိလား”</p> <p> </p> <p> </p> <p>“သိပ်ရှိတာပေါ့ လက်ယာကိုယ်ရံတော်”</p> <p> </p> <p> </p> <p>ရွှယ်ဝူရှက ခေါင်းညိတ်လိုက်ပြီး လေးနက်စွာ ပြောလိုက်သည်။</p> <p> </p> <p> </p> <p>“အဲဒီနှစ်ယောက်ကလွဲရင် ဆိတ်ငြိမ်သွေးကောင်းကင် နယ်မြေမှာ လီရှောင်နဲ့ ယှဥ်နိုင်တဲ့ ပါရမီရှင်ကို ကျွန်‌တော် တကယ်စဥ်းစားလို့မရဘူး”</p> <p> </p> <p> </p> <p>ထိုနေ့က ကုန်သွယ်ရေးစျေးတွင် ဖြစ်ပျက်ခဲ့သည့် ကိစ္စများပြီးနောက်တွင် ရွှယ်ဝူရှသည် ထိုနှစ်ဦး၏ အချက်အလက်များကို စုံစမ်းခဲ့သည်။</p> <p> </p> <p> </p> <p>ထိုနှစ်ဦးက ဆိတ်ငြိမ်သွေးကောင်းကင် နယ်မြေမှ လာကြောင်း ရွှယ်ဝူရှ သိလိုက်ရလျှင် ထိုနှစ်ဦးသည် ရွှယ်ချန်ကျဲတို့ နှစ်ဦး ဖြစ်မည်ဟု သံသယဝင်ခဲ့သည်။</p> <p> </p> <p> </p> <p>သို့သော်လည်း ထိုအချိန်က ရွှယ်ဝူရှသည် ကပ်ဘေးဆေးလုံးကိုသာ အဓိကအာရုံစိုက်နေသဖြင့် ထိုနှစ်ဦးကို အရေးယူရန် မလောခဲ့ခြင်း ဖြစ်၏။</p> <p> </p> <p> </p> <p>သို့သော်လည်း သူက ထိုနှစ်ဦး၏ လှုပ်ရှားမှုများကို တိတ်တဆိတ် စောင့်ကြည့်ရန် လူလွှတ်ထားခဲ့ပြီး ကပ်ဘေးဆေးလုံးကို ရယူပြီးမှသာ ၎င်းတို့၏ အထောက်အထားကို စမ်းသပ်ရန် စီစဥ်ထားခဲ့သည်။</p> <p> </p> <p> </p> <p>သို့သော်လည်း အထောက်အထားကို စမ်းသပ်သည်အထိ မရောက်ရှိလိုက်ဘဲ ကပ်ဘေးဆေးလုံးအတွက် ယှဥ်ပြိုင်ရာတွင် သူတို့ဘက်က မမျှော်လင့်ဘဲ ရှုံးနိမ့်သွားလိမ့်မည်ဟု မထင်ထားခဲ့ပေ။</p> <p> </p> <p> </p> <p>သူနှင့် ရွှယ်ကျိုးမင်တို့၏ လက်ရှိအခြေအနေအရ ထိုနှစ်ဦးအတွက် စိုးရိမ်ပူပန်နေရန် အချိန်မရှိ၍ ယခုအချိန်တွင် ရွှယ်ကျိုးမင်က ထိုနှစ်ဦးအကြောင်းကို ပြောလာလိမ့်မည်ဟု ရွှယ်ဝူရှ လုံးဝမထင်ထားခဲ့ပေ။</p> <p> </p> <p> </p> <p>ထိုအခိုက်အတန့်တွင် ရွှယ်ဝူရှသည် တစ်စုံတစ်ရာကို ချက်ချင်းဆိုသလို စဥ်းစားမိသွားခဲ့ပြီး ရွှယ်ကျိုးမင်ကို ကြည့်နေသည့် သူ၏ မျက်နှာသည်လည်း အလွန်တရာပင် သုန်မှုန်သွားခဲ့သည်။</p> <p> </p> <p> </p> <p>“ရွှယ်ချန်ကျဲတို့နှစ်ယောက်က ငါတို့စိုးမိုးထားတဲ့ ဆိတ်ငြိမ်သွေးကောင်းကင်နယ်မြေမှာတောင် ငါတို့ သွေးနတ်ဆိုးဂိုဏ်းက ပါရမီရှင်တွေကို သတ်ဖြတ်ခဲ့ကြတယ်.. အခု ငါတို့ ဒဏ်ရာရနေတော့ ဒီလို အခွင့်အရေးကောင်းကို သူတို့တွေ လက်လွှတ်ခံလိမ့်မယ်လို့ မင်းထင်လား”</p> <p> </p> <p> </p> <p>စကားဆုံးသည်နှင့် ရွှယ်ကျိုးမင်သည် သွေးရောင်လွှမ်းသောမျက်ဝန်းများဖြင့် အောက်ဘက်ရှိ တောအုပ် ဆီသို့ ကြည့်လိုက်သည်။</p> <p> </p> <p> </p> <p>သူ၏ အေးစက်စက် စကားသံသည် ကောင်းကင်နှင့်မြေကြီးကြားတွင် ပဲ့တင်ထပ်သွားခဲ့၏။</p> <p> </p> <p> </p> <p>“ရွှယ်ချန်ကျဲ မင်းတို့ ရှိနေတာ ငါသိတယ်.. အပြင်ကို ထွက်လာခဲ့ပါ”</p> <p> </p> <p> </p> <p>ရွှယ်ကျိုးမင်၏ စကားကိုကြားလျှင် တောအုပ်ထဲတွင် ပုန်းအောင်းနေသည့် ကျန်းချန်သည် တိတ်တဆိတ် ခေါင်းခါရမ်းလိုက်သည်။</p> <p> </p> <p> </p> <p>မဟာယာနအဆင့် ကျင့်ကြံသူ၏ အာရုံခံစားမှုသည် အလွန်တရာပင် အစွမ်းထက်၍ သူတို့နှစ်ယောက်ကို အလစ်အငိုက် တိုက်ခိုက်ဖို့ ဆိုသည်မှာ မဖြစ်နိုင်တော့ပေ။</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ ရွှယ်ချန်ကျဲကို ပြောလိုက်သည်။</p> <p> </p> <p> </p> <p>“ငါတို့ကို သတိပြုမိသွားပြီ ဆိုမှတော့ သူတို့နဲ့ သွားတွေ့ကြတာပေါ့”</p> <p> </p> <p> </p> <p>ထိုစကားကို ပြောပြီးသည်နှင့် ကျန်းချန်၏ ပုံရိပ်သည် လက်ခနဲ ဖြစ်သွားခဲ့ပြီး ရွှယ်ကျိုးမင်တို့ နှစ်ဦး၏ ရှေ့တွင် တိုက်ရိုက်ဆိုသလို ပေါ်လာခဲ့သည်။</p> <p> </p> <p> </p> <p>သူတို့နှစ်ဦး၏ ရှေ့တွင် ရုတ်တရက် ပေါ်လာသော ကျန်းချန်တို့နှစ်ဦးကို ကြည့်ကာ ရွှယ်ကျိုးမင်သည် အနည်းငယ်မျက်မှောင်ကြုတ်သွားခဲ့ပြီး သူ၏ အေးစက်စက် အကြည့်သည် ရွှယ်ချန်ကျဲ၏ ကိုယ်ပေါ်သို့ ကျရောက်သွားခဲ့သည်။</p> <p> </p> <p> </p> <p>“ရွှယ်ချန်ကျဲ.. မင်းလိုသစ္စာဖောက်က အင်မော်တယ်ကျင့်ကြံခြင်းစကြဝဠာဆီ ပြန်လာရဲလိမ့်မယ်လို့ မထင်ထားခဲ့ဘူး”</p> <p> </p> <p> </p> <p>ရွှယ်ချန်ကျဲက တည်ငြိမ်စွာပင် ပြန်ပြောလိုက်သည်။</p> <p> </p> <p> </p> <p>“အဲဒီတုန်းက မင်းတို့တွေ ငါ့ကို အကြောင်းပြချက် မယ်မယ်ရရမရှိဘဲ သွေးနတ်ဆိုးဂိုဏ်းရဲ့သစ္စာဖောက်အဖြစ် သတ်မှတ်ခဲ့ကြတယ်.. အဲဒီအချိန်ကတည်းက အနှေးနဲ့အမြန် မင်းတို့ကို ကြီးမားတဲ့ အဖိုးအခ ပေးဆပ်စေရမယ်လို့  ငါရွှယ်ချန်ကျဲ ကောင်းကင်ကို တိုင်တည်ပြီး ကျိန်ဆိုခဲ့တယ်.. ငါက မင်းတို့ကို လက်စားချေဖို့ ဘာလို့ ပြန်မလာဘဲ နေရမှာလဲ”</p> <p> </p> <p> </p> <p>“မင်းလို မလောက်လေး မလောက်စားက ငါတို့ကို လက်စားချေနိုင်မယ်လို့များ ထင်နေလား”</p> <p> </p> <p> </p> <p>ရွှယ်ကျိုးမင်က မထီမဲ့မြင် ပြုံးလိုက်ပြီးနောက်တွင် ကျန်းချန်ဆီသို့ အကြည့်လွှဲကာ လေးနက်စွာ ပြောလိုက်သည်။</p> <p> </p> <p> </p> <p>“ဒီကမိတ်ဆွေက ထူးခြားတဲ့ ပါရမီရှင် တစ်ယောက်ပဲ.. ဒါပေမဲ့ ငါတို့‌ သွေးနတ်ဆိုးဂိုဏ်းက  သစ္စာဖောက်နဲ့ အတူ ရှိနေတာက ဥာဏ်ရှိတဲ့ ရွေးချယ်မှုတော့ မဟုတ်ဘူး”</p> <p> </p> <p> </p> <p>ကျန်းချန်က ခပ်ယဲ့ယဲ့ ပြုံးလိုက်သည်။</p> <p> </p> <p> </p> <p>“ငါ့ဘာသာ ဘယ်သူနဲ့ အတူရှိချင်လဲ ဆိုတာက ငါ့ရဲ့ကိစ္စပဲ.. အဲဒါက ဥာဏ်ရှိတဲ့ ရွေးချယ်မှု ဟုတ်မဟုတ် မင်းစိုးရိမ်ပေးနေစရာမလိုဘူး”</p> <p> </p> <p> </p> <p>“မိတ်ဆွေရဲ့ပါရမီက အနှိုင်းမဲ့ပဲ.  ရွှယ်ချန်ကျဲနဲ့ ရှိနေတာက ကိုယ့်ရဲ့ အနာဂတ်ကို ကိုယ်တိုင် ဖျက်ဆီးနေတာနဲ့ အတူတူပဲ”</p> <p> </p> <p> </p> <p>ရွှယ်ကျိုးမင်က ခေါင်းခါရမ်းလိုက်ပြီး တည်ငြိမ်စွာ ပြောလိုက်သည်။</p> <p> </p> <p> </p> <p>“မင်းသာ ငါတို့ သွေးနတ်ဆိုးဂိုဏ်းထဲ ဝင်မယ်ဆိုရင် မင်းကို  နောက်တက်မဲ့ ဂိုဏ်းချုပ်အဖြစ် ငါထောက်ခံပေးမယ်.. အရင်က ရန်ငြိုးတွေကိုလည်း အကုန် ပယ်ဖျက်ပေးမယ်.. ငါတို့ သွေးနတ်ဆိုးဂိုဏ်းရဲ့ ထောက်ပံ့မှုနဲ့သာ ဆိုရင် အင်မော်တယ် ကျင့်ကြံခြင်း စကြဝဠာထဲက ထိပ်တန်း ကျင့်ကြံသူ ဆယ်ဦးစာရင်းမှာ မင်းအတွက် နေရာတစ်နေရာ ကျိန်းသေ ရှိလာလိမ့်မယ်”</p> <p> </p> <p> </p> <p>သူ့ရှေ့မှ လူငယ်လေးသည် ထိပ်တန်း အင်မော်တယ်ဂိုဏ်းကြီးဆယ်ဂိုဏ်းမှ မဟာယာန တစ်ပိုင်းအဆင့် ပါရမီရှင်များထက်ပင် ပို၍ ပါရမီ ရှိနေခဲ့သည်။</p> <p> </p> <p> </p> <p>ထိုကောင်လေးသာ သွေးနတ်ဆိုးဂိုဏ်းထဲသို့ ဝင်လာမည်ဆိုလျှင် သွေးနတ်ဆိုးဂိုဏ်းသည် အကျိုးယုတ်စရာ အကြောင်းမရှိပေ။</p> <p> </p> <p> </p> <p>သွေးနတ်ဆိုးဂိုဏ်းထဲကို ဝင်လာသည်နှင့် သွေးနတ်ဆိုးဂိုဏ်း၏ သစ္စာဖောက် ဖြစ်သည့် ရွှယ်ချန်ကျဲကို အလွယ်တကူပင် ရှင်းပစ်နိုင်လိမ့်မည် ဖြစ်သည်။</p> <p> </p> <p> </p> <p>ယင်းအပြင် ထိုကောင်လေးသာ သွေးနတ်ဆိုးဂိုဏ်းထဲသို့ ဝင်ခဲ့လျှင် သွေးနတ်ဆိုးဂိုဏ်းတွင် အစွမ်းထက် ပါရမီရှင် တစ်ဦး တိုးလာလိမ့်မည် ဖြစ်ပြီး ဤကာလအတွင်း ဆုံးရှုံးခဲ့ရသမျှကို ထည့်တွက်နေစရာပင် မလိုတော့ပေ။</p> <p> </p> <p> </p> <p>ရွှယ်ကျိုးမင်က ထိုစကားကို ပြောလိုက်သည်နှင့် သူ၏ အနောက်မှ ရွှယ်ဝူရှနှင့် ကျန်းချန်၏ နံဘေးမှ ရွှယ်ချန်ကျဲတို့သည် မျက်နှာအနည်းငယ် ပျက်သွားခဲ့သည်။</p> <p> </p> <p>သွေးနတ်ဆိုးဂိုဏ်း၏ နံပါတ်တစ် ပါရမီရှင် ဖြစ်သည့် ရွှယ်ဝူရှသည် ကျန်းချန်က သွေးနတ်ဆိုးဂိုဏ်းသို့ ဝင်လာပြီး သူ၏  နေရာအား ခြိမ်းခြောက်လာမည်ကို သဘာဝကျစွာပင် မလိုလားခဲ့ပေ။</p> <p> </p> <p>ရွှယ်ချန်ကျဲသည်လည်း ထိုကဲ့သို့ မြင်ကွင်းမျိုးကို ပို၍ပင် မမြင်ချင်ခဲ့ပေ။</p> <p> </p> <p> </p> <p>အကြောင်းရင်းမှာ သူ၏ အသက်က ကျန်းချန်၏ လက်ထဲတွင် ရှိနေခြင်းကြောင့်ပင်။</p> <p> </p> <p> </p> <p>ကျန်းချန်သာ ရွှယ်ကျိုးမင်၏ ကမ်းလှမ်းချက်ကို လက်ခံလိုက်လျှင် ယနေ့တွင် သူ့အနေဖြင့် မုချ သေရလိမ့်မည် မဟုတ်ပါလော။</p> <p> </p> <p> </p> <p>“ဟားဟား သွေးနတ်ဆိုးဂိုဏ်းရဲ့ လက်ယာကိုယ်ရံတော် ပီသပါပေတယ်.. ကမ်းလှမ်းချက်က တကယ်ကို မက်လောက်စရာပဲ”</p> <p> </p> <p> </p> <p>ကျန်းချန်က ခပ်ယဲ့ယဲ့ ပြုံးလိုက်ပြီး နှုတ်ခမ်းထောင့်တွင် လှောင်ပြုံးတစ်ခု ဖြစ်ပေါ်လာခဲ့သည်။</p> <p> </p> <p> </p> <p>“ဒါနဲ့ စိတ်မကောင်းစရာက ငါ မင်းတို့ သွေးနတ်ဆိုးဂိုဏ်းကို စိတ်မဝင်စားတာပဲ.. ဒီနေ့ ငါ့ရဲ့  တစ်ခုတည်းသော ရည်ရွယ်ချက်က သွေးနတ်ဆိုးဂိုဏ်းရဲ့ လက်ယာ ကိုယ်ရံတော် ဖြစ်တဲ့ မင်းကို ဒီနေရာမှာ မြှုပ်နှံပေးဖို့ပဲ”</p> <p> </p> <p> </p> <p>“ဟက်.. လေလုံးထွားလှချည်လား ကောင်လေး”</p> <p> </p> <p> </p> <p>ကျန်းချန်က သွေးနတ်ဆိုးဂိုဏ်း၏ ရန်သူအဖြစ် ဆက်လက်ရှိနေရန် ဆုံးဖြတ်လိုက်သည်အား မြင်လျှင် ရွှယ်ကျိုးမင်သည် မထီမဲ့မြင် ရယ်မောလိုက်သည်။</p> <p> </p> <p> </p> <p>သူ၏ မျက်ဝန်းထဲတွင် ဆန်းကြယ်သော သွေးရောင်အလင်းများ လင်းလက်နေခဲ့၏။</p> <p> </p> <p> </p> <p>“ကောင်လေး.. ပါရမီအနည်းငယ် ရှိရုံလောက်နဲ့ ထင်တိုင်းကြဲလို့ရမယ် မထင်နဲ့.. သွေးနတ်ဆိုးဂိုဏ်းရဲ့ လက်ယာကိုယ်ရံတော် ဖြစ်တဲ့ ငါက အထွတ်အထိပ် အခြေအနေမှာ ရှိမနေရင်တောင် မင်းသတ်ချင်တိုင်း သတ်လို့ရတဲ့သူ မဟုတ်ဘူး.. မင်းက ကိုယ့်သေလမ်း ကိုယ်ရှာနေမှတော့ ငါမင်းဆန္ဒကို ဖြည့်ဆည်းပေးရသေးတာပေါ့”</p> <p> </p> <p> </p> <p>စကားဆုံးသည်နှင့် ရွှယ်ကျိုးမင်သည် ရှေ့သို့ တိုက်ရိုက်ပင် ခြေလှမ်းလိုက်ရာ သူ၏ ခန္ဓာကိုယ် တစ်ခုလုံးသည် ပြင်းထန်သော လှိုင်းလုံးကြီးသဖွယ် ဖြစ်သွားခဲ့ပြီး မဟာယာနအဆင့် ကျင့်ကြံသူ၏ အစွမ်းထက် အရှိန်အဝါသည် ပတ်ဝန်းကျင်တွင် ပျံ့နှံ့သွားခဲ့သည်။</p> <p> </p> <p> </p> <p> </p> <p style="text-align: center;">အခန်း(၂၅၁၉)ပြီး၏။</p> <p style="text-align: center;"> </p> <p style="text-align: center;">***</p> <p> </p> <p> </p>


Save