Book List

<h2 style="text-align: center;">အခန်း(၂၅၂၀)</h2> <h2 style="text-align: center;">*</h2> <p style="text-align:center"> </p> <p> </p> <p>“ကောင်လေး သေဖို့သာ ပြင်ထားပေတော့”</p> <p> </p> <p> </p> <p>ရွှယ်ကျိုးမင်က ကျယ်လောင်စွာ ကြုံးဝါးလိုက်သည်။</p> <p> </p> <p> </p> <p>သူ၏ လက်ထဲတွင် သွေးနီရောင် အလင်းတန်းများ တောက်ပနေသော သွေးရောင်ဓားရှည်တစ်လက် ထွက်ပေါ်လာခဲ့၏။</p> <p> </p> <p> </p> <p>နောက်ထပ် တစ်ခဏမှာပင် သူ၏ ခန္ဓာကိုယ် တစ်ခုလုံးသည် လူနှင့်ဓား တစ်သားတည်း ကျသွားခဲ့ပြီး ကောင်းကင်နှင့် မြေကြီးကိုပင် ပိုင်းဖြတ်နိုင်လောက်သည့် သွေးရောင်ဓားအလင်း အဖြစ်သို့ ပြောင်းလဲကာ ကျန်းချန်ကို တိုက်ရိုက်ပင်  ခုတ်ပိုင်းချလိုက်သည်။</p> <p> </p> <p> </p> <p>ကျန်းချန်က ခံစားချက်ကင်းမဲ့သော အမူအရာဖြင့် ရှေးဟောင်းရွှေရောင်ဓားကို ထုတ်ဖော်၍ ရွှယ်ကျိုးမင်၏ ဓားချက်ကို ထိပ်တိုက် ရင်ဆိုင်လိုက်သည်။</p> <p> </p> <p> </p> <p>“ထန်း..”</p> <p> </p> <p> </p> <p>ဓားချင်း ထိပ်တိုက် ဆုံတွေ့သွားပြီးနောက်တွင် မီးပွားများသည် နေရာအနှံ့သို့ လွင့်စင်သွားခဲ့၏။</p> <p> </p> <p> </p> <p>သတ္တုချင်း ပြင်းပြင်းထန်ထန် ထိရိုက်သံသည် လေထုထဲတွင် ချက်ချင်းဆိုသလို ပဲ့တင်ထပ်သွားခဲ့သည်။</p> <p> </p> <p> </p> <p>ရွှေရောင်နှင့် အနီရောင် စွမ်းအင်မုန်တိုင်း တစ်ခုသည် ဓားချင်းထိပ်တိုက် ဆုံတွေ့သည့် နေရာကနေ ပျံ့နှံ့သွားခဲ့ပြီး ပတ်ဝန်းကျင် တစ်ခုလုံးကို ဘာမှမကျန်ရှိတော့သည် အထိ  ချေမှုန်းပစ်လိုက်သည်။</p> <p> </p> <p> </p> <p>အဖျက်စွမ်းအင် မုန်တိုင်းများ တိုက်ခတ်နေသည့် လေထုထဲတွင် ကျန်းချန်သည် ခြေဆယ်လှမ်းကျော်ခန့် နောက်သို့ ဆုတ်သွားခဲ့ရ၏။</p> <p> </p> <p> </p> <p>သူ၏ ခန္ဓာကိုယ်ထဲမှ မတည်မငြိမ် ဖြစ်နေသော စွမ်းအားများကို ဖိနှိပ်လိုက်ပြီးနောက်တွင် ကျန်းချန်၏ မျက်နှာအမူအရာက အနည်းငယ် ပြောင်းလဲသွားခဲ့သည်။</p> <p> </p> <p> </p> <p>မဟာယာနအဆင့် ကျင့်ကြံသူ ဆိုသည်မှာ မဟာယာန တစ်ပိုင်းအဆင့် ကျင့်ကြံသူများနှင့် ယှဥ်လျှင် များစွာကွာခြား၏။</p> <p> </p> <p> </p> <p>ရွှယ်ကျိုးမင်သည် ယခုအခါတွင် သူ၏ အထွတ်အထိပ်အခြေအနေကို ပြန်လည် မရောက်ရှိသေးသည့်တိုင် ကျန်းချန်၏ လက်ရှိခွန်အားဖြင့် ရွှယ်ကျိုးမင်ကို အသာစီးရယူရန် မလွယ်ကူပေ။</p> <p> </p> <p> </p> <p>“ဒီကောင်လေးက တကယ်ကို သန်မာတာပဲ”</p> <p> </p> <p> </p> <p>ရွှယ်ကျိုးမင်ကလည်း လေထဲတွင် ခြေလှမ်းအနည်းငယ် နောက်ဆုတ်သွားခဲ့ရသည်။</p> <p> </p> <p> </p> <p>ကျန်းချန်ကို ကြည့်နေသည့် သူ၏ အကြည့်တွင် လေးနက်သော အမူအရာများ ပါဝင်နေခဲ့၏။</p> <p> </p> <p> </p> <p>“ဒီကောင်က မဟာယာန တစ်ပိုင်းအဆင့် ကျင့်ကြံသူ ဖြစ်ပေမဲ့ တိုက်ခိုက်ရေးစွမ်းရည်က‌တော့ မဟာယာနအဆင့် ကျင့်ကြံသူတွေထက် လုံးဝမနိမ့်ဘူး.. ဒါကြောင့် တိုက်ပွဲကို အမြန်အဆုံးသတ်မှ ဖြစ်လိမ့်မယ်”</p> <p> </p> <p> </p> <p>မဟာယာနအဆင့် ကျင့်ကြံသူနှစ်ယောက် ဖြစ်သည့် ရေခဲမြစ်မိစ္ဆာကြီးနှင့် လီထျန်းယွမ် တို့ကို ရင်ဆိုင်ရစဥ်က ရွှယ်ကျိုးမင်သည် အစွမ်းကုန် ကြိုးစားခဲ့ရပြီး သွေးနတ်ဆိုးဂိုဏ်း၏ လျှို့ဝှက်နည်းစနစ်ကို အသုံးပြုမှသာ မနည်းလွတ်အောင် ထွက်ပြေးနိုင်ခဲ့သည်။</p> <p> </p> <p> </p> <p>လွန်ခဲ့သော ရက်အနည်းငယ်အတွင်း သူ၏ ခွန်အားသည် အနည်းငယ် ပြန်လည် ကောင်းမွန်လာသော်လည်း အထွတ်အထိပ် အခြေအနေကို ရောက်ရှိရန် များစွာ လိုအပ်နေသေး၏။</p> <p> </p> <p> </p> <p>ထို့ကြောင့် တိုက်ပွဲကို အချိန်ဆွဲရန် မသင့်တော်ပေ။</p> <p> </p> <p> </p> <p>အကယ်၍ အချိန်များစွာ ကြန့်ကြာသွားခဲ့လျှင် အခြေအနေသည် သူ့အတွက် ပို၍ ဆိုးရွားလာပေလိမ့်မည် မဟုတ်ပါလော။</p> <p> </p> <p> </p> <p>ထိုသို့ တွေးမိပြီးနောက်တွင် ရွှယ်ကျိုးမင်၏ သွေးရောင်ဓားရှည် ထံကနေ ဆန်းကြယ်သော သွေးရောင်ဓားအလင်းများ  ထပ်မံ ထွက်ပေါ်လာခဲ့သည်။</p> <p> </p> <p> </p> <p>“သွေးမိစ္ဆာနတ်ဆိုးဓား”</p> <p> </p> <p> </p> <p>ရွှယ်ကျိုးမင်က ကျယ်လောင်စွာ ကြုံးဝါးလိုက်သည်။</p> <p> </p> <p> </p> <p>သွေးရောင်ဓားရှည် ထံကနေ ထွက်ပေါ်လာသည့် သွေးရောင်ဓားအလင်းများသည် ဆူပွက်နေသော သွေးအငွေ့အသက်များအဖြစ် ပြောင်းလဲသွားခဲ့ပြီး ကျန်းချန်၏ ခေါင်းပေါ်ရှိ မိုင်ထောင်ချီ ဧရိယာကို ချက်ချင်းဆိုသလို လွှမ်းခြုံသွားခဲ့သည်။</p> <p> </p> <p> </p> <p>“အင်‌မော်တယ်ဖျက်ဆီးခြင်းဓားသိုင်း.. အင်မော်တယ်များကို ခုတ်ပိုင်းခြင်း”</p> <p> </p> <p> </p> <p>ရွှယ်ကျိုးမင်၏ ဆန်းကြယ်သော ဓားကွက်ကို ရင်ဆိုင်ရသော အချိန်တွင် ကျန်းချန်သည် တုံ့ဆိုင်းမနေတော့ဘဲ ထာဝရရှင်သန်ခြင်း အင်‌မော်တယ်ဘုရင် သင်ပေးခဲ့သည့် အင်‌မော်တယ် ဖျက်ဆီးခြင်းဓားသိုင်းကို ထုတ်ဖော်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>‌လေထုထဲတွင် သွေးရောင်ဓားအလင်းနှင့် ရွှေရောင်ဓားအလင်းတို့သည် ထိပ်တိုက် ဆုံတွေ့သွားခဲ့ပြီး ကောင်းကင်နှင့်မြေကြီးကိုပင် တုန်ခါသွားစေခဲ့သည်။</p> <p> </p> <p> </p> <p>သူတို့နှစ်ဦး၏ ထိပ်တိုက်ရင်ဆိုင်မှုကနေ ကြောက်မက်ဖွယ်ရာကောင်းသော အဖျက်စွမ်းအင် မုန်တိုင်း ပျံ့နှံ့သွားခဲ့ပြီး ပတ်ဝန်းကျင်ရှိ နေရာလွတ်ကိုပင် ပရမ်းပတာ ဖြစ်သွားစေခဲ့သည်။</p> <p> </p> <p> </p> <p>ခဏအကြာတွင် ပုံရိပ်နှစ်ခုသည် တစ်ချိန်တည်းမှာပင် နောက်ပြန် လွင့်စင်လာခဲ့ကြသည်။</p> <p> </p> <p> </p> <p>[ဒါ.. ဒါက ဘယ်လိုဓားသိုင်းလဲဟ.. ဘာလို့ ဒီလောက်‌တောင် အစွမ်းထက်နေရတာလဲ]</p> <p> </p> <p> </p> <p>သူ၏ ခန္ဓာကိုယ်ဟန်ချက်ကို ပြန်လည် ထိန်းချုပ်လိုက်ပြီးနောက်တွင် ရွှယ်ကျိုးမင်၏ ကျန်းချန်ကို ကြည့်နေသည့် အကြည့်ထဲတွင်  ထိတ်လန့်သော အရိပ်အယောင်များ ဖုံးဖိမရစွာ ဖြစ်ပေါ်နေခဲ့သည်။</p> <p> </p> <p> </p> <p>ထိုကောင်လေး ယခုလေးတင် ထုတ်ဖော်လိုက်သော ဓားသိုင်း၏ စွမ်းအားသည် အမှန်တကယ်ပင် ကြောက်မက်ဖွယ်ရာ ကောင်းလှ၏။</p> <p> </p> <p> </p> <p>သွေးဓားအင်မော်တယ်ဂိုဏ်းမှ ထိပ်တန်း ဓားသိုင်းများပင် ထိုဓားသိုင်းကို ယှဥ်နိုင်မည် မဟုတ်ဟု သူထင်မြင်မိသည်။</p> <p> </p> <p> </p> <p>ရွှယ်ကျိုးမင်ကို ပို၍ အံ့ဩထိတ်လန့်စေသည်မှာ ထိုကောင်လေး၏ ခန္ဓာကိုယ်ထဲမှ စွမ်းအားများသည် အင်မော်တယ်ကျင့်ကြံခြင်း စကြဝဠာထဲရှိ အင်မော်တယ် ကျင့်ကြံသူများ၏ စွမ်းအားများနှင့် မသိမသာ ကွဲပြားနေခြင်းပင်။</p> <p> </p> <p> </p> <p>သို့သော်လည်း ထိုကောင်လေး၏ အရှိန်အဝါ ဖုံးကွယ်သော နည်းစနစ်သည် အလွန်ပင် ထူးခြားလွန်းပြီး အကယ်၍  ထိပ်တိုက်သာ ရင်ဆိုင် မတိုက်ခိုက်ခဲ့လျှင် သူ၏ ခွန်အားဖြင့်ပင် သတိထားမိရန် ခဲယဥ်းလိမ့်မည် ဖြစ်၏။</p> <p> </p> <p> </p> <p>ရွှယ်ကျိုးမင်က အသက်ကို ခပ်ပြင်းပြင်း ရှူရှိက်လိုက်ပြီး ကျန်းချန်ကို စူးစိုက်ကြည့်ကာ မေးလိုက်သည်။</p> <p> </p> <p> </p> <p>“မင်းက အင်မော်တယ် ကျင့်ကြံခြင်း စကြဝဠာထဲက ကျင့်ကြံသူ မဟုတ်ဘူး.. မင်းဘယ်သူလဲ”</p> <p> </p> <p> </p> <p>“အင်‌‌မော်တယ်ဖျက်ဆီးခြင်းဓားသိုင်း.. အင်မော်တယ်များကို သုတ်သင်ခြင်း”</p> <p> </p> <p> </p> <p>ကျန်းချန်က ရွှယ်ကျိုးမင်၏ မေးခွန်းကို လုံးဝ ဂရုစိုက်မနေခဲ့ပေ။</p> <p> </p> <p> </p> <p>သူက လက်ထဲရှိ ရှေးဟောင်းရွှေရောင်ဓားကို အသုံးပြုကာ အင်မော်တယ်ဖျက်ဆီးခြင်းဓားသိုင်း၏ ဒုတိယမြောက် တိုက်ကွက်ကို ထုတ်ဖော်၍ ရွှယ်ကျိုးမင်ကို တိုက်ခိုက်လိုက်သည်။</p> <p> </p> <p> </p> <p>ယခင်ထက် ပို၍ အစွမ်းထက်သည့် ကျန်းချန်၏ ဓားကွက်ကို ကြည့်ပြီး ရွှယ်ကျိုးမင်၏ မျက်နှာထက်တွင် လေးနက်သောအမူအရာများ ဖြစ်ပေါ်လာခဲ့သည်။</p> <p> </p> <p> </p> <p>သူက အနည်းငယ်မျှပင် တုံ့ဆိုင်းမနေရဲဘဲ သူ၏ခန္ဓာကိုယ်ထဲမှ အနှစ်သာရ စွမ်းအားများကို အစွမ်းကုန် မြှင့်တင်လိုက်သည်။</p> <p> </p> <p> </p> <p>ယင်းနောက်တွင် သူ၏ ခန္ဓာကိုယ်ကနေ ကြောက်မက်ဖွယ်ရာကောင်းသည့် သွေးရောင်မြူခိုးများ ထွက်ပေါ်လာခဲ့ပြီး အဆုံးသတ်တွင် သူ၏ ဦးခေါင်းအထက်၌ ကြီးမားသော သွေးတိမ်တိုက်ကြီး တစ်ခု ဖြစ်သွားခဲ့သည်။</p> <p> </p> <p> </p> <p>ရွှယ်ကျိုးမင်က ချက်ချင်းဆိုသလိုပင် သူ၏ ပါးစပ်ကို ဖွင့်လိုက်ရာ သွေးမြားတစ်စင်း ထွက်ပေါ်လာခဲ့ပြီး သူ၏ ဦးခေါင်းအထက်ရှိ သွေးတိမ်တိုက် ထဲကို တိုက်ရိုက်ပင် ဝင်ရောက်သွားခဲ့သည်။</p> <p> </p> <p> </p> <p>တစ်ခဏအကြာတွင် သွေးတိမ်တိုက်သည် ပြင်းပြင်းထန်ထန်လှုပ်ခါသွားခဲ့ပြီး ရုတ်တရက် ကွဲထွက်သွားကာ ပေတစ်ထောင်နီးပါး ရှိသည့် ကြီးမားသော သွေးရောင်ဓားအလင်း တစ်ခုသည် သွေးတိမ်တိုက်ထဲကနေ ထွက်ပေါ်လာခဲ့ပြီး ကျန်းချန်၏  ဓားအလင်းနှင့် ထိပ်တိုက် ရင်ဆိုင်လိုက်သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ကြောက်မက်ဖွယ်ရာ စွမ်းအားနှစ်ခုသည် ထပ်မံ၍ ထိပ်တိုက် ဆုံတွေ့သွားခဲ့သည်။</p> <p> </p> <p> </p> <p>ထိတ်လန့်ဖွယ် ဓားအရှိန်အဝါနှင့် ဓားအလင်းများသည် တစ်ခဏအတွင်းမှာပင် ကောင်းကင်ယံ၌ ပျံ့နှံ့သွားခဲ့၏။</p> <p> </p> <p> </p> <p>နေရာလွတ်များက ပြိုကျသွားခဲ့ပြီး ကမ္ဘာကြီးပင် ပျက်စီးတော့မလို ဖြစ်ပျက်သွားကာ လောက၏ နိဂုံးကို ရောက်ရှိလာသကဲ့သို့ပင်။</p> <p> </p> <p> </p> <p>ရွှယ်ကျိုးမင် ဆီကနေ ညည်းညူသံ ခပ်သဲ့သဲ့ ထွက်ပေါ်လာခဲ့ပြီးနောက် ရွှယ်ကျိုးမင်၏ ခန္ဓာကိုယ် တစ်ခုလုံးသည် ပေရာချီ လွင့်စင်သွားခဲ့ကာ မျက်နှာတစ်ခုလုံး အလွန်အမင်း ဖြူဖျော့သွားခဲ့၏။</p> <p> </p> <p> </p> <p>သို့ရာတွင် သူ၏ ခန္ဓာကိုယ်ဟန်ချက်ကို မထိန်းချုပ်နိုင်ခင်မှာပင် ရွှယ်ကျိုးမင်သည် သူ၏ ကျောဘက်ကနေ အေးစက်စက် အငွေ့အသက် တစ်ခုကို ရုတ်တရက် ခံစားလိုက်ရ၏။</p> <p> </p> <p> </p> <p>ရွှယ်ကျိုးမင်က နောက်သို့ လှည့်ကြည့်လိုက်ရာ တောက်ပသော ရွှေရောင်ဓားအလင်း တစ်ခုသည် သူ့ထံသို့ တန်းတန်းမတ်မတ် လျင်မြန်စွာ ဦးတည်လာသည်ကို တွေ့လိုက်ရသည်။</p> <p> </p> <p> </p> <p>ထိုရွှေရောင်ဓားအလင်း ထံကနေ ရွှယ်ကျိုးမင်သည် အလွန်အမင်း အန္တရာယ်ရှိသော အငွေ့အသက်ကို ပင်ကိုသိစိတ်အရ ခံစားမိလိုက်၏။</p> <p> </p> <p> </p> <p>“သွေးနတ်ဆိုးကောင်းကင်ဒိုင်းကာ”</p> <p> </p> <p> </p> <p>လောကကြီးတစ်ခုလုံးကိုပင် အဆုံးသတ်ပစ်နိုင်လောက်သည့် ကျန်းချန်၏ ဓားချက်ကို ရင်ဆိုင်ရသည့်အခါတွင် ရွှယ်ကျိုးမင် ထိတ်လန့်သွားခဲ့သည်။</p> <p> </p> <p> </p> <p>သို့သော်လည်း မဟာယာနအဆင့် ကျင့်ကြံသူ တစ်ယောက်အနေဖြင့် ရွှယ်ကျိုးမင်သည် သာမန် မဟုတ်ပေ။</p> <p> </p> <p> </p> <p>သူက လက်ဟန်များကို လျင်မြန်စွာ ပြုလုပ်လိုက်ရာ သွေးရောင်အလင်းဒိုင်းကာ တစ်ခုသည် လေထဲတွင် ထွက်ပေါ်လာခဲ့ပြီး သူ၏ ခန္ဓာကိုယ် တစ်ခုလုံးကို လွှမ်းခြုံသွားခဲ့သည်။</p> <p> </p> <p> </p> <p>“ဝုန်း..”</p> <p> </p> <p> </p> <p>ထိုအချိန်မှာပင် အင်မော်တယ် ဖျက်ဆီးခြင်းဓားသိုင်း၏ တတိယတိုက်ကွက် ဖြစ်သော အင်မော်တယ်များ သတ်ဖြတ်ခြင်း တိုက်ကွက်သည် ရွှယ်ကျိုးမင် ဆီသို့  ပြင်းပြင်းထန်ထန်ပင် ကျရောက်လာခဲ့ပြီး ရွှယ်ကျိုးမင်၏ ခန္ဓာကိုယ်ပတ်ပတ်လည်မှ သွေးရောင်အလင်းဒိုင်းကာကို တိုက်ရိုက်ပင် ချေမှုန်းပစ်လိုက်သည်။</p> <p> </p> <p> </p> <p>သွေးရောင်အလင်းဒိုင်းကာ ကွဲထွက်သွားပြီးနောက်တွင် ကျန်ရှိနေသော ဓားစွမ်းအားသည် ရွှယ်ကျိုးမင်၏ ခန္ဓာကိုယ်ကို ပြင်းထန်စွာ ထိမှန်သွားသောကြောင့် ရွှယ်ကျိုးမင်သည် သွေးတစ်လုတ်ကို အန်ထုတ်လိုက်ရပြီး ကြိုးပြတ်သွားသော စွန်တစ်ကောင်နှယ် လွင့်စင်သွားခဲ့သည်။</p> <p> </p> <p> </p> <p>သူက သူ့ရှေ့မှ ဝင့်ကြွားသော ပုံရိပ်ကို ကြည့်ကာ အလွန်အမင်း ထိတ်လန့်နေခဲ့သည်။</p> <p> </p> <p> </p> <p>ထို‌ကောင်လေး၏ အဆင့်သည် မဟာယာန တစ်ပိုင်းအဆင့်နှင့် တူသော်လည်း ခန္ဓာကိုယ်ထဲမှ ခွန်အားကမူ အလွန်အမင်း အားကောင်းပြီး မဟာယာနအဆင့် ကျင့်ကြံသူနှင့် အတော်လေး နီးစပ်နေခဲ့သည်။</p> <p> </p> <p> </p> <p>ယင်းအပြင် ထိုကောင်လေး ထုတ်ဖော်လိုက်သည့် ဓားသိုင်းသည် ရွှယ်ကျိုးမင် မြင်တွေ့ဖူးသမျှ မည်သည့် ဓားသိုင်းထက်မဆို အဆများစွာ ပို၍ ကြောက်မက်ဖွယ်ကောင်း၏။</p> <p> </p> <p> </p> <p>ယခုအချိန်တွင် သူ၏ တိုက်ခိုက်ရေးစွမ်းရည်သည် အထွတ်အထိပ် အခြေအနေ၏ ခုနစ်ဆယ် ရာခိုင်နှုန်းပင် မရှိသည်ကို မပြောနှင့်၊ သူ၏ အထွတ်အထိပ် အခြေအနေတွင် ရှိနေလျှင်ပင် ဤမျှ ကြောက်မက်ဖွယ်ရာကောင်းသော ဓားသိုင်းကို ခုခံရန် ဆိုသည်မှာ လွယ်ကူသောကိစ္စ မဟုတ်ပေ။</p> <p> </p> <p> </p> <p>ရွှယ်ကျိုးမင်က ဤနေရာကနေ ထွက်ပြေးရန် ဆုံးဖြတ်လိုက်သည်။</p> <p> </p> <p> </p> <p>သူက ရွှယ်ချန်ကျဲနှင့် ရင်ဆိုင်နေရသည့် ရွှယ်ဝူရှကိုပင် ဂရုစိုက်ရန် အချိန်မရှိတော့ပေ။</p> <p> </p> <p> </p> <p>သို့သော်လည်း ရွှယ်ကျိုးမင် ထွက်ပြေးသွားသည်နှင့် ကျန်းချန်၏ မျက်ဝန်းထဲတွင် အေးစက်စက် အလင်းတန်းတစ်ခု  လက်ခနဲ ဖြစ်သွားခဲ့သည်။</p> <p> </p> <p> </p> <p>“ထွက်ပြေးချင်တယ်လား.. ဒီနေရာက မင်းတို့နှစ်ယောက်ကို မြှုပ်နှံမဲ့နေရာလို့ ငါပြောခဲ့ပြီးသားပဲ”</p> <p> </p> <p> </p> <p> </p> <p style="text-align: center;">အခန်း(၂၅၂၀)ပြီး၏။</p> <p style="text-align: center;"> </p> <p style="text-align: center;">***</p> <p> </p>


Save