Book List

<h2 style="text-align: center;">အခန်း ၄၈၅</h2> <h2 style="text-align: center;">သန့်စင်သောဂိုဏ်း၏ အရှိန်အဝါအောက်ဝယ်</h2> <h2 style="text-align: center;">*</h2> <p> </p> <p> </p> <p>"ဒါဆို... ပိုင်မျိုးနွယ်စုဖြစ်နေလို့ ဘာအကြောင်းပြချက်မှ မလိုဘူးဆိုတဲ့ သဘောလား?"</p> <p>ပိုင်ကျီဟန်က လှောင်ပြောင်သရော်သော လေသံဖြင့် မေးလိုက်သည်။ </p> <p>ခန်းမဆောင်ကြီးတစ်ခုလုံး တိတ်ဆိတ်ခြင်းက ဝါးမြိုသွားသည်။ </p> <p>အချို့က အကြည့်လွှဲသွားကြ၏ အချို့မှာမူ ကိုယ်ဟန်များ တောင့်တင်းသွားကြသည်။ </p> <p>အကြောင်းမှာ ပိုင်ကျီဟန် ပြောနေသည်မှာ အမှန်တရားဖြစ်ကြောင်း လူတိုင်း သိနေကြသောကြောင့် ဖြစ်သည်။</p> <p>လီမျိုးနွယ်စုနှင့် ကျောက်မျိုးနွယ်စုတို့သည် ပိုင်မျိုးနွယ်စုအပေါ် ပို၍ကြီးမားသော ကျူးကျော်မှုများ ပြုလုပ်ခဲ့ဖူးသော်လည်း ထိုစဉ်က မည်သည့်အကျိုးဆက်မျှ ကြီးကြီးမားမား မရှိခဲ့ပေ။</p> <p>တိတ်ဆိတ်မှုက ရှည်လျားနေ၏</p> <p>ထိုစဉ်</p> <p>ကျောက်ဝူထျန်းက မတ်တပ်ရပ်လိုက်သည်။ </p> <p>သူ၏ အမူအရာက တည်ငြိမ်နေပြီး အသံမှာလည်း ခိုင်မာနေသည်။</p> <p>"အတိတ်ကကိစ္စတွေက အတိတ်မှာပဲ ထားခဲ့ပါ" သူက အေးဆေးစွာ ပြောလိုက်သည်။ "အခု ငါတို့ ဆွေးနွေးနေတာက လက်ရှိကိစ္စကိုပါ။"</p> <p>ကျောက်ဝူထျန်းသည် အကြောင်းအရာကို ချက်ချင်း လွှဲပြောင်းလိုက်ပြီး လူတိုင်း၏ အာရုံကို လက်ရှိပြဿနာထံသို့ ပြန်လည်ရောက်ရှိအောင် ကြိုးပမ်းလိုက်သည်။</p> <p>"အခု မင်းပေးနေတဲ့ အကြောင်းပြချက်က အရမ်းကို ရယ်စရာကောင်းလွန်းတယ်။ တကယ်လို့  မြစိမ်းရောင်နေမင်း ဂိုဏ်းကို ကျူးကျော်ဖို့အတွက် မင်းရဲ့ တစ်ခုတည်းသော အကြောင်းပြချက်ဆိုရင်တော့ ငါတို့အနေနဲ့ ပိုင်မျိုးနွယ်စုကို အပြစ်ပေးဖို့ပဲ ဆက်လုပ်ရတော့မယ်။"</p> <p>အခြားသူများကလည်း ထိုစကားကို ထောက်ခံသည့်အနေဖြင့် ခေါင်းညိတ်ကြသည်။</p> <p>မှန်ပါသည်။ ပြီးခဲ့သည့်ကိစ္စကို ပြန်ပြောနေ၍ ဘာထူးမည်နည်း? </p> <p>ထိုအချက်က ပိုင်မျိုးနွယ်စုအနေဖြင့်  မြစိမ်းရောင်နေမင်း ဂိုဏ်းအား ကျူးကျော်ရန် ခိုင်လုံသော အကြောင်းပြချက် ဖြစ်မလာနိုင်ပေ။</p> <p>"ဟဲဟဲ။" </p> <p>ပိုင်ကျီဟန်က ခပ်တိုးတိုး လှောင်ရယ်လိုက်သည်။ </p> <p>"ပြောလို့မပြီးသေးဘူးလေ။"</p> <p>သူ၏လေသံမှာ တစ်ခုခုကို သဘောကျနေသယောင် ရှိနေသည်။</p> <p>"မြစိမ်းရောင်နေမင်း ဂိုဏ်းကို ကျူးကျော်ခဲ့တဲ့ အကြီးမားဆုံး အကြောင်းပြချက်ကိုပဲ ပြောရသေးတာ။"</p> <p>သူက တမင်တကာ စကားကို ရပ်လိုက်သည်။</p> <p>"တခြား အကြောင်းပြချက်တွေလည်း ရှိပါသေးတယ်။"</p> <p>ပိုင်ကျီဟန်၏ မျက်လုံးများ အနည်းငယ် မဲမှောင်သွား၏</p> <p>"ဒုတိယအချက်အနေနဲ့..." သူက တည်ငြိမ်စွာ ဆက်ပြောသည်။ "...သူတို့က ကျွန်တော်ကို လုပ်ကြံဖို့ ကြိုးစားခဲ့ကြတယ်။"</p> <p>နန်းရင်ပြင်တစ်ခုလုံး ဆူညံပွက်လောရိုက်သွားသည်။</p> <p>"ဘာ”</p> <p>"လုပ်ကြံတာလား? မြစိမ်းရောင်နေမင်း ဂိုဏ်းကလား?"</p> <p>တီးတိုးပြောဆိုသံများ ထွက်ပေါ်လာပြီး တင်းမာမှုများ ချက်ချင်း မြင့်တက်လာသည်။</p> <p>ဝမ်ဟောင်ယု၏ မျက်နှာပျက်သွားရ၏</p> <p>"ဒါက မဟုတ်မတရား စွပ်စွဲတာပဲ”ဟု သူက အော်ဟစ်လိုက်သည်။ "ငါတို့က မင်းကို ဘာလို့ လုပ်ကြံရမှာလဲ? မင်းနဲ့ ငါတို့ကြားမှာ ဘာရန်ငြိုးမှ မရှိဘူး”</p> <p>သူက အတင်းအကျပ် လှောင်ရယ်လိုက်၏</p> <p>"မြစိမ်းရောင်နေမင်း ဂိုဏ်းက မင်းလိုကောင်ကို ဘာလို့ ပစ်မှတ်ထားနေမှာလဲ?"</p> <p>ဝမ်ဟောင်ယု၏ စကားကို ကြားရသောအခါ အခြားသူများလည်း ထိုအတိုင်းပင် ခံစားလိုက်ရသည်။ </p> <p>ပိုင်ကျီဟန် မြစိမ်းရောင်နေမင်း ဂိုဏ်းကို ကျူးကျော်ခဲ့သည့် အချိန်မှလွဲ၍ ထိုနှစ်ဖက်ကြားတွင် မည်သည့် ထိပ်တိုက်ရင်ဆိုင်မှု သို့မဟုတ် ပဋိပက္ခမျှ ရှိခဲ့ပုံမပေါ်ပေ။</p> <p>ထို့ကြောင့် ပိုင်ကျီဟန်ကို လုပ်ကြံရန် ကြိုးစားသည်ဟူသော ကိစ္စမှာ ခိုင်လုံသော အကြောင်းပြချက် ဖြစ်နိုင်သော်လည်း လက်တွေ့တွင် ဖြစ်နိုင်ခြေ အလွန်နည်းပါးသည်ဟု ထင်ရသည်။ </p> <p>ပိုင်ကျီဟန်က သူ၏လုပ်ရပ်ကို ဖြောင့်မတ်အောင် လိမ်ညာနေခြင်းလော? သို့မဟုတ် ဝမ်ဟောင်ယုက တစ်ခုခုကို ဖုံးကွယ်ထားခြင်းလော?</p> <p>မည်သို့ပင်ဆိုစေ အကယ်၍ ဝမ်ဟောင်ယုက သူ့ကို အရင်သတ်ရန် ကြိုးစားခဲ့ကြောင်း ပိုင်ကျီဟန် သက်သေပြနိုင်ပါက ဤနန်းရင်ပြင်၏ ဆုံးဖြတ်ချက် ရလဒ်သည် ပြောင်းလဲသွားနိုင်ပေသည်။</p> <p>ပိုင်ကျီဟန်က ရယ်မောလိုက်သည်။</p> <p> "ရန်ငြိုးမရှိဘူး ဟုတ်လား?"</p> <p>သူသည် ဝမ်ဟောင်ယုကို သနားစဖွယ် သတ္တဝါတစ်ခုကို ကြည့်သကဲ့သို့ ကြည့်လိုက်၏</p> <p>"အကြောင်းပြချက်ကတော့..." ပိုင်ကျီဟန်က ခပ်ပေါ့ပေါ့ ပြောလိုက်သည်။ "...မင်းတို့ ကြောက်နေလို့ပဲ။"</p> <p>ဝမ်ဟောင်ယု၏ လက်ချောင်းများ တုန်ခါသွားသည်။</p> <p>"ဘာကို ကြောက်တာလဲ? မင်း ဘာတွေ လျှောက်ပြောနေတာလဲ?" </p> <p>သူက အနည်းငယ် ပျာယာခတ်နေသော လေသံဖြင့် ချက်ချင်း ပြန်ပြောသည်။</p> <p>"မင်းတို့ ကြောက်တာက..." ပိုင်ကျီဟန်က သူ့ကို ဂရုမစိုက်ဘဲ ဆက်ပြောသည်။ "...ငါက မင်းတို့ဂိုဏ်းရဲ့ လျှို့ဝှက်ချက်ကို ဖော်ထုတ်လိုက်မှာကိုပဲ။ ငါ့ကို အစွမ်းအစမရှိတဲ့ လူဖျင်းတစ်ယောက်လို့ ထင်ပြီး ငါ့ကိုသတ်ဖို့ မင်းတို့ရဲ့ ကောင်းကင်ဓားပြတွေကို လွှတ်ခဲ့တာ မလား။"</p> <p>ဝမ်ဟောင်ယု၏ တည်ငြိမ်မှုများ ခဏမျှ ပြိုကွဲသွားသည်။</p> <p>"လိမ်ညာနေတာ၊ မင်းလုပ်ခဲ့တဲ့ မကောင်းမှုတွေကို အကြောင်းပြဖို့ ကြိုးစားနေတာပဲ”</p> <p>ဝမ်ဟောင်ယုက သူ့ကိုယ်သူ ချက်ချင်း ခုခံကာကွယ်ပြီး အပြစ်အားလုံးကို ပိုင်ကျီဟန် အပေါ် ပုံချကာ သူအား လူလိမ်တစ်ယောက်ဖြစ်အောင် ကြိုးစားလိုက်သည်။</p> <p>ကြားနေအဖွဲ့အစည်း အများစုမှာမူ မည်သူ့ကို ယုံကြည်ရမည်မှန်း မသိဖြစ်နေကြသည်။ </p> <p>ဝမ်ဟောင်ယုဘက်မှ လူများသည် သူ့ဘက်က ရပ်တည်နေကြသော်လည်း ပိုင်ကျီဟန်ဘက်က လူများမှာမူ သူ၏ ရှင်းပြချက်ကို စိတ်ရှည်လက်ရှည် စောင့်ဆိုင်းနေကြသည်။</p> <p>"ဟွန့်၊ ဘာတွေလုပ်ခဲ့သလဲဆိုတာ ခင်ဗျား အသိဆုံးဖြစ်မှာပါ။"</p> <p>ပိုင်ကျီဟန်က စိုက်ကြည့်လျက် ပြောလိုက်ရာ ဝမ်ဟောင်ယုသည် စိုးရိမ်စိတ်နှင့် ကြောက်ရွံ့မှုတို့ကြောင့် တံတွေးကို ခက်ခဲစွာ မျိုချလိုက်ရသည်။</p> <p>ယခုအခါ ပိုင်ကျီဟန်၏ အသံတွင် မောက်မာမှုများ မရှိတော့ပေ။</p> <p>"မြစိမ်းရောင်နေမင်း ဂိုဏ်းက” သူက စကားလုံး တစ်လုံးချင်းစီကို ပြတ်သားစွာ ပြောလိုက်သည်။ "...ကလေးသူငယ်တွေအပေါ်မှာ စမ်းသပ်မှုတွေ လုပ်ဆောင်နေခဲ့တာပါပဲ။"</p> <p>တစ်ခန်းမလုံး သေလုမတတ် တိတ်ဆိတ်သွားတော့သည်။</p> <p>"သူတို့က ကလေးတွေကို ပြန်ပေးဆွဲနေခဲ့ကြတာ" ပိုင်ကျီဟန်က နန်းရင်ပြင်တစ်ခုလုံးကို ဝေ့ကြည့်ရင်း ဆက်ပြောသည်။</p> <p> "တားမြစ်ထားတဲ့ ကျင့်စဉ်စမ်းသပ်မှုတွေအတွက် အဲဒီကလေးတွေကို အသုံးပြုခဲ့ကြတာပဲ။"</p> <p>တုံ့ပြန်မှုများက ပေါက်ကွဲထွက်လာသည်။</p> <p>"မဖြစ်နိုင်တာ”</p> <p>"ဒါက မဖြစ်နိုင်တဲ့ စွပ်စွဲချက်ပဲ”</p> <p>"ဒါက အရမ်းပြင်းထန်တဲ့ စွပ်စွဲချက်ပဲနော်”</p> <p>အမတ်အချို့ ရုတ်တရက် မတ်တပ်ရပ်လိုက်ကြသည်။ </p> <p>အကယ်၍ ပိုင်ကျီဟန် ပြောသည်မှာ အမှန်ဖြစ်ပါက ၎င်းသည် ပိုင်ကျီဟန်၏ လုပ်ရပ်ကို တရားမျှတစေရုံသာမက မြစိမ်းရောင်နေမင်း ဂိုဏ်းကိုပါ သေချာစုံစမ်းစစ်ဆေးပြီး အပြင်းအထန် အပြစ်ပေးရတော့မည်</p> <p>ဖြစ်သည်။</p> <p>ကျောက်ဝူထျန်း၏ မျက်နှာထားပင် ပြောင်းလဲသွားသည်။ </p> <p>ဝမ်ဟောင်ယု၏ မျက်နှာမှာမူ သွေးမရှိသကဲ့သို့ ဖြူလျော်သွား၏</p> <p>"မင်း လူလိမ်”သူက အော်ဟစ်လိုက်သည်။ "မင်းမှာ ဘာသက်သေရှိလို့လဲ? မင်းက မြစိမ်းရောင်နေမင်း ဂိုဏ်းကို ဒီလိုရာဇဝတ်မှုမျိုးနဲ့ စွပ်စွဲရဲတယ်ပေါ့လေ”</p> <p>ပိုင်ကျီဟန်က အသံကို မြှင့်မပြောပေ။</p> <p> "သက်သေလိုချင်တာလား?"</p> <p>သူ၏ အကြည့်က ဧကရာဇ်ထံသို့ ခဏမျှ ရောက်ရှိသွားသည်။ </p> <p>"ကျုပ်ဆီမှာ ကယ်တင်ထားတဲ့ အသက်ရှင်ကျန်ရစ်သူတွေ ရှိတယ်။"</p> <p>တစ်ခန်းမလုံး လှုပ်လှုပ်ရှားရှား ဖြစ်သွားသည်။</p> <p>"မြစိမ်းရောင်နေမင်း ဂိုဏ်းမှာရှိတဲ့  ခင်ဗျားတို့ရဲ့ စမ်းသပ်ခန်းကိုလည်း တူတူသွားကြည့်ပြီး အတည်ပြုလို့ရတာပဲ။"</p> <p>လူတိုင်းက ထိုနှစ်ယောက်ကို ကြည့်ပြီး မည်သူ့ကို ယုံရမည်မှန်း မသိဘဲ ဇဝေဇဝါ ဖြစ်နေကြသည်။</p> <p> သို့သော် ပိုင်ကျီဟန်၏ ယုံကြည်ချက်အပြည့်ရှိသော အမူအရာကို ကြည့်ရသည်မှာ လိမ်နေပုံမရပေ။ အကယ်၍ သူပြောသည်ကို အတည်ပြုလိုက်လျှင် အမှန်တရားက ပေါ်လာမည် မဟုတ်ပါလော</p> <p>အလွယ်တကူ အတည်ပြုနိုင်မည့် အရာမျိုးကို ပိုင်ကျီဟန်က ဘာကြောင့် </p> <p>လိမ်ပြောရမည်နည်း?</p> <p>ယခုအခါ ဝမ်ဟောင်ယုကို သနားသလို ကြည့်နေသည့် အကြည့်များက စတင်ပြောင်းလဲလာသည်။ </p> <p>အကယ်၍ ပိုင်ကျီဟန် ပြောသည်မှာ အမှန်ဆိုလျှင် ဝမ်ဟောင်ယုနှင့် မြစိမ်းရောင်နေမင်း ဂိုဏ်းတို့သာ အပြစ်ပေးခံရမည်ဖြစ်သည်။ </p> <p>သို့သော် ဝမ်ဟောင်ယုကမူ ထိုစွပ်စွဲချက်အားလုံးကို ဆက်လက်ငြင်းဆိုနေဆဲပင်။</p> <p>"ပိုင်ကျီဟန်က သူလုပ်ခဲ့တာတွေကို လူတွေ အာရုံလွဲသွားအောင် လုပ်နေတာပဲ။ စောစောက ပြောသလိုပဲ... မင်းရဲ့ စကားကလွဲရင် အခုတင်ပြနိုင်တဲ့ တခြားဘာသက်သေ ရှိသေးလို့လဲ?"</p> <p>ဝမ်ဟောင်ယုက ချွေးများ စီးကျနေသော်လည်း ပြုံးလျက် မေးလိုက်သည်။</p> <p>"မင်းစကားကို လူတိုင်းက အလွယ်တကူ ယုံလိမ့်မယ်လို့ မထင်နဲ့လေ။ ဒါမှမဟုတ် တစ်ယောက်ယောက် သွားစစ်ဆေးတဲ့အထိ ငါတို့အားလုံး စောင့်နေရမှာလား?"</p> <p>ဝမ်ဟောင်ယုက ယုံကြည်မှုရှိရှိ မေးလိုက်ခြင်းဖြစ်သည်။ </p> <p>သိသာသည်မှာ သူ၏ဘက်တော်သား တစ်ဦးဦးကသာ သွားရောက်စစ်ဆေးမည်ဆိုလျှင် အမှန်တရားဖြစ်နေပါစေဦးတော့ ရိုးရိုးသားသား တင်ပြပါမည်လော? </p> <p>မတင်ပြသည်မှာ သေချာသည်။ </p> <p>ထို့ပြင် လူတိုင်းကလည်း ထိုနေရာသို့ အတူတူ သွားရောက်ရန်မှာ မဖြစ်နိုင်ပေ။ </p> <p>ထို့ကြောင့် ဝမ်ဟောင်ယုသည် သူ ဘေးကင်းသေးသည်ဟု ယူဆထားသည်။ </p> <p>ဧကရာဇ်က လူလွှတ်မည်ဆိုလျှင်ပင် အမှန်တရားကို သိသွားသည့်တိုင် သူ့ကို ကူညီလိမ့်မည်ဟု သူက ယုံကြည်နေသည်။</p> <p>နန်းရင်ပြင်တစ်ခုလုံး သံသယစိတ်များဖြင့် ဆူပွက်နေသည်။ </p> <p>ဝမ်ဟောင်ယုက သူ၏ ယုံကြည်မှုကို အတင်းအကျပ် ဟန်ဆောင်လျက် မတ်တပ်ရပ်နေသည်။ </p> <p>သူသည် ပိုင်ကျီဟန်ကို "မင်း နောက်ထပ် ဘာလုပ်နိုင်ဦးမှာလဲ?" ဟု မေးနေသည့်အလား စိုက်ကြည့်နေသည်။</p> <p>သို့သော် ထိုအချိန်တွင်</p> <p>ပိုင်ကျီဟန်က ပြုံးလိုက်သည်။</p> <p>"ခင်ဗျားက တော်တော် ယုံကြည်မှုရှိနေတာပဲ" ဟု သူက ခပ်ပေါ့ပေါ့ ပြောလိုက်သည်။</p> <p>" သက်သေတောင်းနေတာလား? ကျုပ်ပြောတာတွေကို အတည်ပြုဖို့က အချိန်တွေ အများကြီး လိုလိမ့်မယ်။ ဒါကြောင့် သိပ်မြင်ချင်နေတဲ့ သက်သေကို အခုပဲ ပြပေးမယ်။"</p> <p>ပိုင်ကျီဟန်၏ လက်ချောင်းများက သူ၏ ဝိညာဉ်လက်စွပ်ကို ထိလိုက်သည်။</p> <p>"မှတ်ဉာဏ်ပုံရိပ်လွှာကြေးမုံရှိတာ ခင်ဗျားတစ်ယောက်တည်း မဟုတ်ဘူးဗျ။"</p> <p>ထိုစကားက မိုးကြိုးပစ်ချလိုက်သကဲ့သို့ပင်။ </p> <p>ပိုင်ကျီဟန်သည် သူ၏ သိုလှောင်လက်စွပ်ထဲမှ ထိုပစ္စည်းကို ထုတ်ယူလိုက်သည်။ </p> <p>တစ်ခန်းမလုံး ရုတ်ရုတ်သဲသဲ ဖြစ်သွားသည်။ </p> <p>ဝမ်ဟောင်ယု၏ သူငယ်အိမ်များ ကျုံ့သွား၏</p> <p> ထိုပစ္စည်းထဲတွင် ဘာတွေ ရှိနေနိုင်သည်ကို သူ စတင် စိတ်ကူးကြည့်မိသွားသည်။</p> <p>ပိုင်ကျီဟန်က ၎င်းအတွင်းသို့ ချီစွမ်းအင်များ ထည့်သွင်းလိုက်သည်။</p> <p> အလင်းတန်းများ ပွင့်ထွက်လာ၏</p> <p> နန်းရင်ပြင်ပေါ်ရှိ လေထုက တစ်ဖန် တုန်ခါသွားပြန်သည်။ </p> <p>ပုံရိပ်လွှာတစ်ခု ထွက်ပေါ်လာသည်။</p> <p>ဤတစ်ကြိမ်တွင်မူ</p> <p>ပထမဆုံး ပုံရိပ်သည် ပိုင်ကျီဟန် ဂိုဏ်းအတွင်းသို့ တိတ်တဆိတ် ဝင်ရောက်သွားသည့် ပုံစံဖြစ်သည်။ ထို့နောက် မှောင်အတိ ကျသွားသည်။ </p> <p>မြစိမ်းရောင်နေမင်း ဂိုဏ်း၏ နက်ရှိုင်းသော မြေအောက် လျှို့ဝှက်စင်္ကြံလမ်းတစ်ခု။</p> <p>ပိုင်ကျီဟန်က လျှို့ဝှက်အခန်း တံခါးများကို ရိုက်ချိုးပြီး ဝင်သွားသည့် ပုံရိပ်က ပေါ်လာသည်။</p> <p>ထို့နောက်တွင်မူ</p> <p>မှတ်တမ်းထဲ၌ အရာအားလုံး ပါဝင်နေသည်။</p> <p>သံလှောင်အိမ်တန်းကြီးများ။</p> <p>၎င်းတို့အတွင်းရှိ သေးငယ်သော အရိပ်အယောင်များ</p> <p>ကလေးငယ်များ။</p> <p>အချို့မှာ သတိမေ့မြောနေကြ၏</p> <p> အချို့မှာမူ ကြောင်တောင်တောင် ငေးကြည့်နေကြသည်။ </p> <p>အချို့ကမူ အားနည်းစွာ ရုန်းကန်နေကြသည်။</p> <p>နန်းရင်ပြင်တစ်ခုလုံးမှ အသက်ရှူသံများ အောင့်ထားကြရသည်။</p> <p> ပုံရိပ်လွှာက ဆက်လက် ပြသနေသည်။ အခင်းအကျင်းက ထပ်မံ ပြောင်းလဲသွားပြန်သည်။</p> <p>ကြမ်းပြင်ပေါ်တွင် ထွင်းထုထားသော ထူးဆန်းသည့် စက်ဝိုင်းများ </p> <p>သွေးရောင်စာသားများ</p> <p>လှောင်အိမ်များ၊ စမ်းသပ်မှုများ။</p> <p>ထိတ်လန့်နေသော ကလေးငယ်များ။</p> <p>ဝိညာဉ်စွမ်းအင်များကို အတင်းအကျပ် ထုတ်ယူရန် ဒီဇိုင်းထုတ်ထားသော စွမ်းအင်ခင်းကျင်းမှုများ</p> <p>စမ်းသပ်မှုအကြောင်း အလုံးစုံကို ပြောပြနေသော အကြီးအကဲ၏ ဝန်ခံချက်အထိ ပုံရိပ်များက ဆက်လက်ပြသသွားသည်။</p> <p>ပုံရိပ်လွှာ ပြသမှု ပြီးဆုံးသွားသည့်အခါ</p> <p>မည်သူမျှ စကားမပြောနိုင်ကြတော့ပေ။ </p> <p>ဝမ်ဟောင်ယု၏ မျက်နှာမှာ သေလူကဲ့သို့ ဖြူလျော်သွားသည်။</p> <p>"ဒါ... ဒါက လုပ်ကြံဖန်တီးထားတာပဲ” သူက အသံဗလုံးဗထွေးဖြင့် အော်ဟစ်လိုက်သည်။ "မင်း တစ်နေရာရာက ပုံတွေကို ရိုက်ကူးပြီး ငါတို့အပေါ် အပြစ်ပုံချနေတာ”</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save