Book List

<h2 style="text-align: center;">အခန်း ၄၈၈</h2> <h2 style="text-align: center;">ဘိုးဘေး၏ ဝန်ခံချက်</h2> <h2 style="text-align: center;">*</h2> <p> </p> <p> </p> <p>ပလ္လင်တော်ကို ရိုသေလေးစားမှု မရှိသည့် နောက်ထပ် ပိုင်မျိုးနွယ်စုဝင် တစ်ယောက်</p> <p>သို့သော်လည်း  ပိုင်ရမ်သည် ဤနေရာတွင် ရှိနေသူအားလုံး စုပေါင်းတိုက်ခိုက်လျှင်ပင် တားဆီးနိုင်မည့် ခြိမ်းခြောက်မှုမျိုး မဟုတ်ပေ။</p> <p>ပိုင်ရမ်သည် အဘယ်ကြောင့် ဤနေရာသို့ ရောက်လာရသနည်းဟု လူတိုင်းက သိချင်နေကြသည်။ ပိုင်ကျီဟန်ကို ကာကွယ်ရန်နှင့် ထောက်ခံရန်အတွက်လော?</p> <p>ထိုအချက်က အဖြစ်နိုင်ဆုံးပင်။</p> <p>ထို့နောက်ပိုင်ရမ်၏ နောက်တွင် နောက်ထပ် လူတစ်ယောက် ပါလာခဲ့သည်။</p> <p>နန်းတွင်းတစ်ခုလုံး အံ့အားသင့်တုန်လှုပ်သွားကြ၏</p> <p>"အဲဒါ”</p> <p>"မြစိမ်းရောင်နေမင်းဂိုဏ်းရဲ့ မြေကမ္ဘာ အင်မော်တယ် ဘိုးဘေး”</p> <p>ပိုင်ရမ်၏ နောက်တွင် ပါလာသူမှာ </p> <p>မြစိမ်းရောင်နေမင်းဂိုဏ်း၏ မြေကမ္ဘာ အင်မော်တယ် ဘိုးဘေးပင် ဖြစ်သည်။</p> <p>သူ၏ ဝတ်ရုံရှည်များမှာ ဖရိုဖရဲ ဖြစ်နေသည်။</p> <p>သူ၏ မျက်နှာသည် ဖြူလျော့နေ၏</p> <p>တစ်ချိန်က အင်ပါယာတစ်ခုလုံးကို လွှမ်းမိုးခဲ့သော သူ၏ ဂုဏ်သိက္ခာရှိသည့် အရှိန်အဝါမှာ ယခုအခါ အားနည်းနေသကဲ့သို့ ခံစားရသည်။</p> <p>ဝမ်ဟောင်ယု၏ သူငယ်အိမ်များမှာ ပြင်းထန်စွာ ကျုံ့သွားခဲ့သည်။</p> <p>"ဘိုးဘေး?”</p> <p>သူ့အသံမှာ တုန်ရီနေသည်။</p> <p>(သူက ဘာလို့ ဒီကို ရောက်နေတာလဲ?)</p> <p>ဝမ်ဟောင်ယုမှာ ပျာပျာသလဲ စဉ်းစားနေမိသည်။</p> <p>ဝမ်ဟောင်ယုသည် အသက်ရှင်သန်နိုင်ရန်အတွက်ဆိုလျှင် မြစိမ်းရောင်နေမင်းဂိုဏ်းကို ဖုံးကွယ်ရန်အထိ အရာအားလုံးကို လုပ်ဆောင်ရန် ပြင်ဆင်ထားသူဖြစ်သည်။</p> <p>သို့သော် ဘိုးဘေးကိုယ်တိုင် ဤနေရာတွင် ရှိနေသဖြင့် ထိုသို့လုပ်ဆောင်ရန် ခက်ခဲသွားပေလိမ့်မည်။</p> <p>ဧကရာဇ်မင်း၏ ထောက်ခံမှုဖြင့် သူသည် ထိုသို့လုပ်ဆောင်ရန် မလိုအပ်တော့ဘဲ မြစိမ်းရောင်နေမင်းဂိုဏ်းမှ တစ်စုံတစ်ဦးကို အစားထိုး အပြစ်ပုံချရန်သာ လိုတော့သည်။</p> <p>ဘိုးဘေးလည်း သဘောတူမည်ဟု သူခံစားရသည်။</p> <p>သူ အပါအဝင် အားလုံး ပါဝင်ပတ်သက်သွားမည့်အစား အစားထိုး အပြစ်ခံမည့်သူတစ်ဦးကို ရှာဖွေရန် ဘိုးဘေးကလည်း သဘောတူလိမ့်မည်ဟု ဝမ်ဟောင်ယုက ထင်မှတ်နေသည်</p> <p>သို့သော် ထိုအစီအစဉ်ကို မြစိမ်းရောင်နေမင်းဂိုဏ်း၏ မြေကမ္ဘာ အင်မော်တယ် ဘိုးဘေးအား ပြောပြဖို့ လိုအပ်သည်။</p> <p> (ဘိုးဘေး)</p> <p>သူသည် စိတ်ချင်းဆက်သွယ်ကာ သတင်းစကား ပေးပို့လိုက်သည်။</p> <p>မြေကမ္ဘာ အင်မော်တယ် ဘိုးဘေးသည် သူ့ကို ကြည့်ပင်မကြည့်ပေ။</p> <p>သူ၏ အကြည့်များသည် အောက်သို့သာ စိုက်ကျနေသည်။</p> <p>သို့သော်လည်း ဝမ်ဟောင်ယုက ဘိုးဘေးသည် သတင်းစကားကို ရရှိကြောင်း မသိစေရန် ဟန်ဆောင်နေခြင်းသာ ဖြစ်လိမ့်မည်ဟု ထင်နေသည်။</p> <p>(ဘိုးဘေး၊ နားထောင်ပါ)</p> <p>သူကဆက်ပြော၏</p> <p>(ဧကရာဇ်က ကျွန်တော်တို့ကို ထောက်ခံနေပါတယ်။ ကျွန်တော်တို့ အသုံးမလိုတဲ့ အကြီးအကဲအချို့ကို အပြစ်ပုံချပြီး လွတ်အောင် ရုန်းလို့ရပါတယ်။ ကျေးဇူးပြုပြီး ကျွန်တော့်ကို ထောက်ခံပေးပါ။ ဧကရာဇ်နဲ့ဆိုရင် ဘယ်လောက်ပဲ မယုံနိုင်စရာ ဖြစ်နေပါစေ၊ ထိခိုက်မှု အနည်းဆုံးနဲ့ ကျွန်တော်တို့ လွတ်မြောက်နိုင်မှာပါ)</p> <p>မြေကမ္ဘာ အင်မော်တယ် ဘိုးဘေးသည် သက်ပြင်းချသလို အားကိုးရာမဲ့သည့် အပြုံးမျိုး ပြုံးလိုက်ရာ ဝမ်ဟောင်ယုက ၎င်းကို သူ၏ သတင်းစကားကို နားလည်သွားသည့် လက္ခဏာအဖြစ် ယူဆလိုက်သည်။</p> <p>သူ၏ ခုန်ပေါက်နေသော နှလုံးသားမှာ အနည်းငယ် ပြန်လည် တည်ငြိမ်သွားသည်။</p> <p>ဘိုးဘေးသာ လိုက်လျောပေးလျှင် အရာအားလုံးကို ပြန်လည် ကုစားနိုင်ပါသေးသည်။</p> <p>ထိုစဉ်</p> <p>ပိုင်ရမ်သည် ရှေ့သို့ တက်လာပြီး ပိုင်ကျီဟန်ကို ပုံမှန်အတိုင်း လက်အုပ်ချီ နှုတ်ဆက်လိုက်သည်။</p> <p>"သခင်လေး၊ ကျွန်တော် သူ့ကို ခေါ်လာခဲ့ပါပြီ။"</p> <p>ပိုင်ကျီဟန်က ခေါင်းညိတ်ပြလိုက်သည်။</p> <p>ထို့နောက် သူသည် နဂါးပလ္လင်တော်ဘက်သို့ လှည့်လိုက်သည်။</p> <p>"မြစိမ်းရောင်နေမင်းရဲ့ ဘိုးဘေး ဒီမှာ ရှိနေပြီဆိုတော့၊ နောက်ထပ် စုံစမ်းစစ်ဆေးမှုတွေ မလိုတော့ဘူးလို့ ကျွန်တော် ထင်ပါတယ်။" </p> <p>သူက တည်ငြိမ်စွာ ပြောလိုက်သည်။</p> <p>သူ၏ အကြည့်သည် နန်းတွင်းတစ်ခုလုံးကို ဝေ့ကြည့်လိုက်သည်။</p> <p>"ကျွန်တော်တို့ သိချင်တာတွေကို သူ့ကို တိုက်ရိုက် မေးလို့ရပါပြီ”</p> <p>တိုးတိုးတိတ်တိတ် ပြောဆိုသံများ ချက်ချင်း ပျံ့နှံ့သွားသည်။</p> <p>၎င်းမှာ အဓိပ္ပာယ်ရှိသော်လည်း ဘိုးဘေးကို အပြည့်အဝ ယုံကြည်ရန်တော့ ခက်ခဲလှသည်။ သူသည် မြစိမ်းရောင်နေမင်းဂိုဏ်း၏ ဘိုးဘေး ဖြစ်နေသဖြင့် သူ၏ ဂိုဏ်းကို အသာစီးရစေမည့် စကားများကိုသာ ပြောဆိုပေလိမ့်မည်။</p> <p>သို့သော် ပိုင်မျိုးနွယ်စုက ခေါ်ဆောင်လာခြင်း ဖြစ်သဖြင့် မည်သို့ပင်ဆိုစေ သူ ပြောသည်ကို နားထောင်ခြင်းက ပိုကောင်းပေသည်။</p> <p>ဧကရာဇ်၏ မျက်လုံးများသည် ပိုင်ကျီဟန်ထံသို့ ခဏတာ စိုက်ကြည့်နေသည်။</p> <p>ထို့နောက် သူက ခေါင်းကို အနည်းငယ် ညိတ်လိုက်သည်။</p> <p>"ကောင်းပြီ”</p> <p>သူ၏ အကြည့်သည်  မြေကမ္ဘာ အင်မော်တယ် ဘိုးဘေးထံသို့ ရောက်ရှိသွားသည်။</p> <p>"မင်းတို့ရဲ့ ဂိုဏ်းအတွင်းမှာ လုပ်ဆောင်နေတဲ့ စမ်းသပ်မှုတွေအကြောင်း မင်း သိခဲ့သလား?"</p> <p>နန်းတွင်းတစ်ခုလုံး အသက်ရှူပင် မဝကြတော့ပေ။</p> <p>ဝမ်ဟောင်ယု၏ နှုတ်ခမ်းများသည် အနည်းငယ် ပြုံးယောင်သန်းသွားသည်။</p> <p>ဘိုးဘေးက ငြင်းဆိုမည်မှာ သေချာလှသည်။</p> <p>သူတို့သည် အကြီးအကဲ အချို့ကိုသာ အပြစ်တင်နိုင်မည် ဖြစ်သည်။</p> <p>နယ်ရုပ် အချို့ကို စတေးလိုက်ရုံပင်။</p> <p>ဂိုဏ်းတစ်ခုလုံး ပျက်စီးသွားနိုင်သည့် အမှန်တရားကို ဘိုးဘေးက အဘယ်ကြောင့် ပြောပြရမည်နည်း?</p> <p>မြေကမ္ဘာ အင်မော်တယ် ဘိုးဘေးသည် ခေါင်းကို ဖြည်းညှင်းစွာ မော့လိုက်သည်။</p> <p>သူ၏ မျက်လုံးများမှာ တည်ငြိမ်နေသည်။</p> <p>ပင်ပန်းနွမ်းနယ်နေသော်လည်း </p> <p>ရှင်းလင်းနေ၏။</p> <p>သူက ခေါင်းညိတ်လိုက်သည်။</p> <p>"ဟုတ်ကဲ့”</p> <p>ထိုစကားလုံးတစ်လုံးတည်းမှာ မိုးကြိုးပစ်လိုက်သကဲ့သို့ပင်။</p> <p>ဝမ်ဟောင်ယု၏ အပြုံးသည် ခဲသွားသည်။</p> <p>နန်းတွင်းတစ်ခုလုံး အံ့အားသင့်တုန်လှုပ်သွားကြ၏။</p> <p>ဧကရာဇ်၏ မျက်မှောင်များမှာလည်း ပြင်းထန်စွာ တွန့်သွားသည်။</p> <p>"ဘာ? သူ အခုပဲ ဝန်ခံလိုက်တာလား?"</p> <p>"တကယ်လား? သူတို့ ဘိုးဘေးကိုယ်တိုင် ပြောတာဆိုရင်တော့ အမှန်ပဲ ဖြစ်ရမယ်။"</p> <p>"ဘာလို့ ဝန်ခံလိုက်ရတာလဲ? ဒါပေမဲ့ အချိန်ကုန် သက်သာသွားတာပဲ၊ ငါတော့ မကန့်ကွက်ပါဘူး။"</p> <p>ဘိုးဘေးက ထိုသို့ လွယ်လွယ်ကူကူ ဝန်ခံလိမ့်မည်ဟု မည်သူမျှ မထင်ထားခဲ့ကြပေ။</p> <p>"မင်း ဘာပြောနေတယ်ဆိုတာကို သိရဲ့လား?" </p> <p>ဧကရာဇ်က အခွင့်အရေး ထပ်ပေးသည့်သဘောဖြင့် မေးလိုက်သည်။</p> <p>"သိပါတယ်။ ဒါတွေက ဆယ်စုနှစ်ပေါင်းများစွာ ဖြစ်ပျက်နေခဲ့တာပါ။" </p> <p>ဘိုးဘေးက သံသယဖြစ်စရာမရှိအောင် ဖြေကြားလိုက်သည်။</p> <p>တိတ်ဆိတ်သွား၏</p> <p>အရာအားလုံးသည် လုံးဝ တိတ်ဆိတ်သွားသည်။</p> <p>ဝမ်ဟောင်ယုမှာ ကျောရိုးတစ်လျှောက် ရေခဲရေဖြင့် လောင်းချခံလိုက်ရသကဲ့သို့ ခံစားလိုက်ရသည်။</p> <p>(ဘာတွေ လုပ်နေတာလဲ?)</p> <p>သူသည် အသည်းအသန် နောက်ထပ် စိတ်ချင်းဆက်သွယ် သတင်းပို့လိုက်ပြန်သည်။</p> <p>(ဘိုးဘေး၊ငြင်းလိုက်ပါ..ကျွန်တော်တို့ သဘောတူထားပြီးသားလေ)</p> <p>အကြောင်းပြန်ချက် မရှိပေ</p> <p>မြေကမ္ဘာ အင်မော်တယ် ဘိုးဘေးသည် သူ့ကို လှည့်ပင် မကြည့်ခဲ့ပေ။</p> <p>သူသည် ပြန်ပြင်၍မရတော့သည့် အရာတစ်ခုနှင့် ငြိမ်းချမ်းမှု ရယူထားပြီးသား လူတစ်ယောက်ကဲ့သို့ ရပ်နေသည်။</p> <p>ဧကရာဇ်၏ မျက်နှာမှာ မှောင်ကျသွားသည်။</p> <p>သူသည် အခွင့်အရေး ပေးခဲ့၏</p> <p>သို့သော်လည်း ယခုအခါ ဂိုဏ်း၏ ကိုယ်ပိုင် မြေကမ္ဘာ အင်မော်တယ် ဘိုးဘေးသည် ရာဇဝတ်မှုများကို ပွင့်ပွင့်လင်းလင်း အတည်ပြုလိုက်ပြီဖြစ်သည်။</p> <p>သူသည် မြစိမ်းရောင်နေမင်းဂိုဏ်းအား မည်သို့ ဆက်လက် ကာကွယ်ပေးနိုင်မည်နည်း?</p> <p>မည်သို့ ဖုံးကွယ်ထားရပါမည်နည်း</p> <p>အကယ်၍ သူသည် ဆက်လက် ကာကွယ်ပေးနေမည်ဆိုလျှင်</p> <p>သူသည် အကြောင်းပြချက်မရှိဘဲ ဝမ်ဟောင်ယုကို ကူညီနေသည်ဟု လူတိုင်း သိသွားပေလိမ့်မည်။</p> <p>၎င်းသည် လုံးဝ ကုစားလို့ မရတော့ပေ။</p> <p>ဝမ်ဟောင်ယု၏ စိတ်ထဲတွင် ရှုပ်ထွေးသွားသည်။</p> <p>(ဘာလို့လဲ?၊ ဘာလို့ ဝန်ခံလိုက်တာလဲ?)</p> <p>သူက သတင်းစကား ထပ်ပို့သည်။</p> <p>(ဘိုးဘေး၊ ဘာတွေ လုပ်နေတာလဲ? ဂိုဏ်းအကြောင်း စဉ်းစားပါဦး၊ ကိုယ့်ကိုယ်ကိုယ်လည်း စဉ်းစားပါဦး)</p> <p>သို့သော်လည်း</p> <p>ဘာမှ မထူးခြားလာပေ။</p> <p>ဧကရာဇ်သည် နဂါးပလ္လင်တော်ပေါ်တွင် အနည်းငယ် နောက်သို့ မှီလိုက်သည်။</p> <p>သူ၏ အစောပိုင်း တွက်ချက်မှုများ အားလုံး ပျက်စီးသွားပြီ ဖြစ်သည်။</p> <p>သူသည် ဇာတ်လမ်းကို ပြောင်းလဲရန် ဆန္ဒရှိခဲ့သော်လည်း</p> <p>အင်ပါယာနန်းတွင်းတစ်ခုလုံး ရှေ့တွင် ပြောကြားလိုက်သော ဝန်ခံချက်ကိုတော့ သူ မပြင်ဆင်နိုင်ပေ။</p> <p>တိတ်ဆိတ်နေသော လေထုထဲတွင် ပိုင်ကျီဟန်၏ ပေါ့ပါးသော အသံမှာ ပဲ့တင်ထပ်သွားသည်။</p> <p>"ဟေ့" သူက ပျင်းရိစွာဖြင့် ပြောလိုက်သည်။ "ဇာတ်လမ်းအပြည့်အစုံကို ဘာလို့ မပြောပြတာလဲ?"</p> <p>သူ၏ မျက်လုံးများမှာ အနည်းငယ် ကွေးသွားသည်။ "ဒါကို သိနေတဲ့ လူတိုင်းအကြောင်း ပါအောင် ပြောလိုက်ပါ။ အထူးသဖြင့် ဂိုဏ်းချုပ်ကြီး ပါဝင်ပတ်သက်နေသလား ဆိုတာကိုပါ..."</p> <p>အားလုံး၏ အကြည့်သည် မြေကမ္ဘာ အင်မော်တယ် ဘိုးဘေးထံသို့ ပြန်လည် ရောက်ရှိသွားသည်။</p> <p>သူ၏ မျက်နှာတွင် ရုန်းကန်နေရသည့် အရိပ်အယောင် အနည်းငယ် ဖြတ်ပြေးသွားသည်။</p> <p>သူသည် မျက်လုံးများကို ဖြည်းဖြည်းချင်း မှိတ်လိုက်သည်။</p> <p>တစ်ခါ ပြောပြီးသွားလျှင်</p> <p>နောက်ကြောင်းပြန်လှည့်ရန် မရှိတော့ပေ။</p> <p>သို့သော် ရွေးချယ်စရာ မရှိပေ။ အင်ပါယာနန်းတွင်းသို့ မလာမီတွင် ပိုင်မျိုးနွယ်စုသည် သူတို့၏ သဘောထားကို ရှင်းလင်းစွာ ပြောထား</p> <p>ပြီးသား ဖြစ်သည်။</p> <p>၎င်းမှာ ပြင်းထန်သော သတိပေးချက်ပင်။</p> <p>အကယ်၍ သူ လိမ်ညာခဲ့မည်ဆိုလျှင်</p> <p>အကယ်၍ သူ တစ်စုံတစ်ရာကို ဖုံးကွယ်ရန် ကြိုးစားခဲ့မည်ဆိုလျှင်</p> <p>ပိုင်မျိုးနွယ်စုသည် မြစိမ်းရောင်နေမင်း ဂိုဏ်းကို အင်အားအပြည့်ဖြင့် တိုက်ခိုက်လိမ့်မည်။</p> <p>ထိပ်တန်း လူအနည်းငယ်ကပင်  မြစိမ်းရောင်နေမင်းဂိုဏ်းကို ဘာလုပ်နိုင်သည်ကို သူတို့ သက်သေပြခဲ့ပြီးသား ဖြစ်သည်။</p> <p>အကယ်၍ သူတို့၏ တပ်ဖွဲ့တစ်ခုလုံး လှုပ်ရှားလာမည်ဆိုလျှင်</p> <p>ပြာမှတစ်ပါး ဘာမှ ကျန်ရစ်မည် မဟုတ်ပေ။</p> <p>ထိုသတိပေးချက်ကို အပြောသက်သက်ဟု မှတ်ယူလျှင်</p> <p>ကြီးလေးသော အမှားတစ်ခု ဖြစ်ပေလိမ့်မည်။ </p> <p>ပိုင်မျိုးနွယ်စုသည် အပြောသက်သက် ခြိမ်းခြောက်လေ့ရှိသည့် အမျိုးအစား မဟုတ်ပေ။</p> <p>သူတို့သည် အတိတ်ကလည်း ထိုကဲ့သို့ လုပ်ဆောင်ခဲ့ဖူးသည်။ ၎င်းနှင့် ယှဉ်လိုက်လျှင်</p> <p>အင်ပါယာနန်းတွင်း၏ ပြစ်ဒဏ်မှာ ပို၍ပင် သနားညှာတာမှု ရှိနေဦးမည် ဖြစ်သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save