Book List

<h2 style="text-align: center;">အခန်း ၄၈၉</h2> <h2 style="text-align: center;">ဝမ်ဟောင်ယု၏ အသုဘကျင်း၌ နောက်ဆုံးသံမှိုရိုက်ခတ်ခြင်း</h2> <h2 style="text-align: center;">*</h2> <p> </p> <p> </p> <p>မြေကမ္ဘာအင်မော်တယ် ဘိုးဘေးသည် မျက်လုံးများကို ဖြည်းညှင်းစွာ ဖွင့်လိုက်သည်။</p> <p>"စမ်းသပ်မှုတွေကို လွန်ခဲ့တဲ့ ဆယ်စုနှစ်ပေါင်းများစွာကတည်းက စတင်ခဲ့တာပါ”</p> <p>ထိုစကားကြောင့် လူအုပ်ကြားတွင် တုန်လှုပ်ချောက်ချားမှုများ ဖြစ်ပေါ်သွားသည်။</p> <p>"အဲဒီစမ်းသပ်မှုတွေကို လက်ရှိဂိုဏ်းချုပ် ဝမ်ဟောင်ယုရဲ့ အဆိုပြုချက်နဲ့ စတင်ခဲ့တာပဲ"</p> <p>ထိုစကားလုံးများသည် တူနှင့်ထုလိုက်သကဲ့သို့ ပြင်းထန်လှသည်။</p> <p>ဝမ်ဟောင်ယုသည် ခေါင်းကို ဆတ်ခနဲ မော့လိုက်၏</p> <p>"ဘိုးဘေး၊ ဘယ်လိုပေါက်ကရတွေ လျှောက်ပြောနေတာလဲ?”</p> <p>သို့သော် ဘိုးဘေးက တည်ငြိမ်စွာပင် ဆက်ပြောလေသည်။</p> <p>"အဲဒီအချိန်တုန်းက  ကျွန်တော်မျိုးတို့ဂိုဏ်းက တန့်နေခဲ့တယ်။ ပါရမီရှင်တွေ ရှားပါးလာပြီး ထိပ်တန်းဂိုဏ်းတစ်ခုအဖြစ် ရပ်တည်မှု လျော့ရဲလာခဲ့တယ်"</p> <p>သူ့အသံမှာ တည်ငြိမ်သော်လည်း လေးနက်မှုရှိနေသည်။</p> <p>"ဒါပေမဲ့ နေမင်းတာအိုဆိုတဲ့ ရတနာကို ရှာတွေ့ခဲ့တယ်။ ဒါက ဂိုဏ်းကို ပြောင်းလဲပေးနိုင်မယ်လို့ ယုံကြည်ခဲ့ကြပါတယ်"</p> <p>ဂိုဏ်းတစ်ခုလုံးကို ကူညီနိုင်လောက်အောင် မည်သို့သော ရတနာမျိုးဖြစ်သနည်းဟု လူအုပ်ကြားတွင် တီးတိုးရေရွတ်သံများ ထွက်ပေါ်လာသည်။ </p> <p>အချို့သည် ထိုရတနာကို လိုချင်တပ်မက်သော အကြည့်များဖြင့် ကြည့်နေကြပြီး အချို့ကမူ ထိုရတနာသည် ပိုင်မျိုးနွယ်စု လက်ထဲသို့ ရောက်ရှိနေပြီလားဟု ရိပ်စားမိနေကြသည်။</p> <p>"ဒါပေမဲ့ ကျွန်တော်မျိုးတို့ရဲ့ ကျင့်စဉ်နဲ့တောင် နေမင်းတာအိုကို စုပ်ယူဖို့က မတတ်နိုင်တဲ့ကိစ္စဖြစ်နေတာကို မကြာခင်မှာပဲ သိလိုက်ရပါတယ်။ အဲဒီအချိန်မှာ ဝမ်ဟောင်ယုက ဒီစမ်းသပ်မှုကို အဆိုပြုခဲ့တာပဲ"</p> <p>ခန်းမတစ်ခုလုံး အေးစိမ့်သွားသည်။</p> <p>"တကယ်လို့ အဲဒီစွမ်းအင်အပိုင်းအစတွေကို ခန္ဓာကိုယ်ထဲ ပေါင်းစပ်နိုင်ရင် နေမင်းတာအိုရဲ့ စွမ်းအင်ကို လက်ခံနိုင်ဖို့ ဖြစ်နိုင်ခြေရှိလာမယ်။ အထက်လူကြီး အားလုံးနီးပါးရဲ့ သဘောတူညီချက်နဲ့ အဲဒီစမ်းသပ်မှုကို စတင်ခဲ့တာပဲ"</p> <p>လူအုပ်ကြီးမှာ အသက်ရှူပင် မှားသွားကြသည်။</p> <p>"မြေအောက်ခန်းတွေကို သူ့ရဲ့ခွင့်ပြုချက်နဲ့ တည်ဆောက်ခဲ့တာပါ”</p> <p>ဘိုးဘေး၏ အကြည့်က အနည်းငယ် ရွေ့လျားသွား၏</p> <p>"စမ်းသပ်မှု အဆင့်တိုင်းရဲ့ တိုးတက်မှု အစီရင်ခံစာကို သူ့ဆီ တိုက်ရိုက် တင်ပြရတယ်"</p> <p>ဝမ်ဟောင်ယုသည် နောက်သို့ ယိုင်နဲ့စွာ ဆုတ်ခွါသွား၏</p> <p>"မုသားတွေ၊ ဒါတွေအကုန် လိမ်ညာနေတာ”</p> <p>သူက တုန်ရီနေသော လက်ညှိုးဖြင့် ထိုးလိုက်၏</p> <p>"ခင်ဗျားကို တစ်ယောက်ယောက်က ခြိမ်းခြောက်ထားတာပဲ၊ ပိုင်ကျီဟန်က ခင်ဗျားရဲ့ စိတ်ကို ထိန်းချုပ်ထားတာ”</p> <p>"ဟုတ်တယ်၊ အဲဒါပဲ ဖြစ်ရမယ်” </p> <p>သူ၏အသံမှာ စူးရှလာသည်</p> <p> "သူ့ကို ပိုင်မျိုးနွယ်စုက ခြယ်လှယ်ထားတာ”</p> <p>သို့သော် မြေကမ္ဘာအင်မော်တယ် ဘိုးဘေးက မည်သို့မျှ တုံ့ပြန်ခြင်းမရှိပေ။</p> <p>ယင်းအစား</p> <p>သူက လက်ကို ဖြည်းညှင်းစွာ မြှောက်လိုက်သည်။</p> <p>သူ၏  သိုလှောင်လက်စွပ်ထဲမှ ကျောက်စိမ်းပြားများနှင့် လိပ်စာမူများစွာ ထွက်ပေါ်လာပြီး လေထဲတွင် ဝဲပျံနေသည်။</p> <p>"ဒါတွေက တရားဝင် ခွင့်ပြုချက် ပေးထားတဲ့ စာလွှာတွေပဲ" </p> <p>သူက မည်သည့် ခံစားချက်မျှ မပါဘဲ ပြောလိုက်သည်။ </p> <p>"ဂိုဏ်းချုပ် ဝမ်ဟောင်ယု ကိုယ်တိုင် လက်မှတ်ရေးထိုးထားတာပါ”</p> <p>စာလွှာများသည် လေထဲတွင် ပွင့်ဟသွားသည်။ </p> <p>ဧကရာဇ်မင်းမြတ်က အချက်ပြလိုက်၏</p> <p> အထိန်းတော်တစ်ဦးက ၎င်းတို့ကို ဖမ်းယူ၍ အထက်သို့ ဆက်သလိုက်သည်။</p> <p>ခန်းမတစ်ခုလုံး တိတ်ဆိတ်စွာ စောင့်ဆိုင်းနေသည်။</p> <p>ဧကရာဇ်မင်းမြတ်က တစ်စောင်ပြီးတစ်စောင် စစ်ဆေးကြည့်ရှုသည်။</p> <p> အချိန်ကြာလာသည်နှင့်အမျှ သူ၏ မျက်နှာမှာ ပို၍ မှောင်မှောင်မည်းမည်း ဖြစ်လာသည်။</p> <p>ထိုလက်မှတ်သည် ငြင်းမရသော လက်မှတ်</p> <p>ဖြစ်၏</p> <p> ဂိုဏ်းချုပ်၏ တံဆိပ်တုံးမှာလည်း ထင်ရှားစွာ ရိုက်နှိပ်ထားသည်။</p> <p> ထို့ပြင် စာရွက်များအတွင်း၌ ကိန်းဝပ်နေသော ဝိညာဉ်စွမ်းအင်များကလည်း ၎င်းတို့သည် အစစ်အမှန်ဖြစ်ကြောင်း သက်သေပြနေသည်။</p> <p>အတုအယောင်မဟုတ်ပေ</p> <p> ခြယ်လှယ်ထားခြင်းလည်း မဟုတ်ပေ။ </p> <p>အားလုံးမှာ အမှန်တရားများသာ။</p> <p>ဧကရာဇ်မင်းမြတ်က စာလွှာကို ဖြည်းညှင်းစွာ ချလိုက်သည်။</p> <p> သူ၏ အေးစက်သော အကြည့်များသည် ဝမ်ဟောင်ယုပေါ်သို့ ကျရောက်သွားသည်။ </p> <p>ယခုအချိန်တွင် ဝမ်ဟောင်ယုသည် အသုံးမဝင်တော့သဖြင့် ကရုဏာသက်နေရန် မလိုတော့ပေ။</p> <p>(ဒါက မင်းရဲ့ မိုက်မဲမှုကြောင့် ရတဲ့ရလဒ်ပဲ)</p> <p>ဧကရာဇ်က တွေးလိုက်သည်။</p> <p>မြစိမ်းရောင်နေမင်းဂိုဏ်း၏ ဘိုးဘေးကိုယ်တိုင်က ပိုင်မျိုးနွယ်စုဘက်တွင် ရပ်တည်နေသဖြင့် ဝမ်ဟောင်ယုအတွက် လွတ်လမ်းမရှိတော့ပေ။ </p> <p>ဧကရာဇ်အနေဖြင့် သူ့ကို ကူညီပေးနိုင်သော်လည်း ရရှိလာမည့် အကျိုးအမြတ်ထက် ပြန်လည်ရိုက်ခတ်လာမည့် ဆိုးကျိုးက ပို၍ ကြီးမားနေမည်ဖြစ်သည်။</p> <p>ဝမ်ဟောင်ယု နှုတ်ခမ်းများ တဆတ်ဆတ် တုန်ယင်နေသည်။</p> <p>"ဒါ... ဒါတွေက အတုလုပ်လို့ ရပါတယ်”</p> <p>သူက မျှော်လင့်ချက်မဲ့စွာဖြင့် ဘေးပတ်ဝန်းကျင်ကို ကြည့်လိုက်၏</p> <p>"လီကျန်းဟုန်၊ ကျောက်ဝူထျန်း၊ တစ်ခုခု ပြောကြဦးလေ”</p> <p>လီကျန်းဟုန်သည် ဘာမှမပြောဘဲ နှုတ်</p> <p>ဆိတ်နေသည်။</p> <p>"ဝမ်ဟောင်ယု မင်းကိုယ်တိုင် ဆုံးဖြတ်ခဲ့တာပဲ၊ ဒါကြောင့် မင်းပဲ တာဝန်ယူသင့်တယ်”</p> <p> ကျောက်ဝူထျန်းက ဆိုလိုက်သည်။</p> <p>ဝမ်ဟောင်ယုနှင့် မြစိမ်းရောင်နေမင်းဂိုဏ်းတို့ ပြီးသွားပြီဖြစ်ကြောင်း သူလည်း သိလိုက်သည်။ ထို့ကြောင့် ဝမ်ဟောင်ယုနှင့် အမြန်ဆုံး အဆက်အသွယ်ဖြတ်ကာ ကိုယ့်ကိုကိုယ် ဂုဏ်သိက္ခာပြန်ဆယ်ရန်သာ ဆုံးဖြတ်လိုက်ခြင်းဖြစ်သည်။ </p> <p>စကားအရ သူသည် ဝမ်ဟောင်ယု၏ စမ်းသပ်မှုများနှင့် မည်သို့မျှ မသက်ဆိုင်ကြောင်း ဖော်ပြရာရောက်သည်။</p> <p>နောက်ဆုံးသံမှိုမှာ ရိုက်နှက်ခြင်း ခံလိုက်ရပြီဖြစ်သည်။</p> <p>လွတ်ပေါက်မရှိတော့ပေ</p> <p> လှည့်ဖျားရန်လည်း မတတ်နိုင်တော့ပေ။</p> <p> ဘိုးဘေးကိုယ်တိုင်က အပြစ်ကို ဝန်ခံကာ သူ့အမည်ကို တိုက်ရိုက်ညွှန်းဆိုထားသဖြင့် အစားထိုးခံရှာရန်လည်း မဖြစ်နိုင်တော့ပေ။</p> <p>မြေကမ္ဘာအင်မော်တယ်ကြီးဘိုးဘေးက နောက်ဆုံးစကားတစ်ခွန်းကို ပြောလိုက်သည်။</p> <p>"ဒီကိစ္စအတွက် အကြီးအကဲတွေ၊ မဟာအကြီးအကဲတွေ အကုန်လုံးမှာ တာဝန်ရှိတယ်၊ အထူးသဖြင့် ဂိုဏ်းချုပ် ဝမ်ဟောင်ယုမှာပေါ့။ ဒီမှာ ပါဝင်ပတ်သက်သူတွေရဲ့ အမည်စာရင်းရှိတယ်"</p> <p>ထိုစကားနှင့်အတူ </p> <p>ဝမ်ဟောင်ယု၏ နောက်ဆုံးလွတ်လမ်းသည်လည်း ပျောက်ကွယ်သွားခဲ့သည်။</p> <p>စာရင်းထဲတွင် မြစိမ်းရောင်နေမင်းဂိုဏ်းမှ အကြီးအကဲ အားလုံးနီးပါး ပါဝင်နေသည်ကို လူတိုင်း မြင်တွေ့လိုက်ရသည်</p> <p> ဟုတ်ပါသည်၊ အသစ်ခန့်ထားသော အကြီးအကဲ အနည်းငယ်ကမူ ထိုကိစ္စကို မသိသေးသဖြင့် ချွင်းချက်ဖြစ်နေသည်။</p> <p>ထို့ပြင် ထိုကိစ္စကို သိရှိသော တပည့်များ၏ စာရင်း ပါဝင်နေသော်လည်း ၎င်းတို့သည် စမ်းသပ်မှုအတွင်းမှ အသက်ရှင်ကျန်ရစ်သူများ ဖြစ်နေ၏</p> <p> ပြစ်မှုကျူးလွန်သူများထက်စာလျှင် သားကောင်များအဖြစ်သာ သတ်မှတ်နိုင်သည်။</p> <p>အမှန်တရား ပေါ်ပေါက်လာပြီးနောက် အသက်ရှူကျပ်မတတ် တိတ်ဆိတ်သွားခဲ့ရာမှ</p> <p>ရုတ်တရက် ပေါက်ကွဲထွက်လာသည်။</p> <p>"ဘယ်လောက်တောင် ယုတ်မာလိုက်သလဲ”</p> <p>"အသက်ရှိတဲ့ ကျင့်ကြံသူတွေကို စမ်းသပ်မှုတွေ လုပ်တယ်ပေါ့လေ”</p> <p>"ဒါက မိစ္ဆာကျင့်စဉ်တွေနဲ့ ဘာမှမခြားတော့ဘူး”</p> <p>ဒေါသတကြီး အော်ဟစ်သံများ တစ်ခုပြီးတစ်ခု ထွက်ပေါ်လာသည်။ </p> <p>အချို့ခေါင်းဆောင်များသည် ဒေါသထွက်လွန်းသဖြင့် ထိုင်ခုံလက်တန်းများကို လက်ဝါးဖြင့် ရိုက်ချလိုက်ကြသည်။ </p> <p>အချို့ကမူ ထိုစာရင်းကို မယုံနိုင်သလို ကြည့်နေပြီးနောက် စက်ဆုပ်ရွံ့ရှာသွားကြသည်။</p> <p>"ဆယ်စုနှစ်တွေတောင် ကြာခဲ့တာလား...?"</p> <p>"ပြီးတော့ သူတို့ကိုယ်သူတို့ သူတော်စင်ဂိုဏ်း လို့ ခေါ်ရဲသေးတယ်”</p> <p>ရှုတ်ချသံများသည် တောမီးကဲ့သို့ ပျံ့နှံ့သွားသည်။</p> <p>"သူတို့ရဲ့ ကိုယ်ပိုင်တပည့်တွေကိုတောင် အသုံးချခဲ့ကြတာပဲ”</p> <p>“ သူတို့လူတွေကိုတောင် အသုံးချတာပဲ”</p> <p>"ဂိုဏ်းချုပ်ကတော့ ဘာမှမသိသလို ဟန်ဆောင်နေနိုင်တယ်ပေါ့လေ?"</p> <p>ဝမ်ဟောင်ယု၏ မျက်နှာမှာ ပြာနှမ်းသွားသည်။</p> <p>သူ စကားပြောရန် ကြိုးစားသော်လည်း ဆူညံသံများကြားတွင် နစ်မြုပ်သွားသည်။</p> <p>"ခင်ဗျားကိုယ်တိုင် စတင်ခဲ့ပြီးတော့ သူများတွေကို အပြစ်ပုံချဖို့ ကြိုးစားနေတာပဲ”</p> <p>"မျက်နှာပြောင်တိုက်ပြီး လိမ်ညာနေတာ၊သခင်လေးပိုင်က လိမ်နေတယ်လို့ စွပ်စွဲရဲသေးတယ်”</p> <p>"ဒီလိုလူမျိုးဟာ သေသင့်တယ်”</p> <p>လီ-ကျောက် မဟာမိတ်အဖွဲ့ဝင်များပင်လျှင် ဝမ်ဟောင်ယုကို ပွင့်ပွင့်လင်းလင်း ရှုတ်ချလာကြသည်။</p> <p> တရားမျှတမှုအမည်ခံကာ ကျင့်ကြံသူအချင်းချင်း စမ်းသပ်မှုလုပ်ခြင်းသည် မိစ္ဆာဂိုဏ်းများသာ လုပ်ဆောင်သည့် အပြုအမူဖြစ်သည်။</p> <p>သူတော်စင် ကျင့်ကြံသူများအနေဖြင့် ထိုသို့သောကိစ္စကို မည်သို့ သည်းခံနိုင်မည်နည်း?</p> <p>သို့သော် အဓိကအချက်မှာ ၎င်းတို့သည် ထိုယုတ်မာမှုများနှင့် မပတ်သက်လိုခြင်းပင် ဖြစ်သည်။ </p> <p>အကယ်၍ ယခုအချိန်တွင် ဝမ်ဟောင်ယုဘက်မှ ခုခံကာကွယ်ပေးပါက သူတို့လည်း အတူတူပင်ဖြစ်ကြောင်း သတ်မှတ်ခံရမည်</p> <p>ဖြစ်သည်။ </p> <p>မည်သူမျှ ထိုကဲ့သို့သော အမည်းစက်ကို မခံယူလိုကြပေ။</p> <p>အသံများမှာ တစ်သံတည်း ဖြစ်သွားသည်။</p> <p>"သူ့ကို ခေါင်းဖြတ်သတ်”</p> <p>"စံနမူနာဖြစ်အောင် လုပ်ပြလိုက်”</p> <p>"ပါဝင်ပတ်သက်သူ အားလုံးကို ကွပ်မျက်”</p> <p>“အမြစ်ပြတ်ရှင်း”</p> <p>တစ်ချိန်က ပိုင်မျိုးနွယ်စုကို ဆန့်ကျင်ခဲ့သော ခန်းမကြီးသည် ယခုအခါတွင်မူ မြစိမ်းရောင်နေမင်းဂိုဏ်းအပေါ် ဒေါသတရားများဖြင့် တောက်လောင်နေပြီဖြစ်သည်။</p> <p>ဝမ်ဟောင်ယုသည် ထိုးနှက်ချက်များစွာ ခံလိုက်ရသကဲ့သို့ နောက်သို့ ယိုင်နဲ့သွားသည်။</p> <p>"မင်းတို့... မင်းတို့ အယောင်ဆောင်တွေ”</p> <p>သူက လူအုပ်ကြီးကို လက်ညှိုးထိုးကာ ရူးသွပ်စွာ အော်ဟစ်လိုက်သည်။</p> <p>"မင်းတို့အားလုံးလည်း အာဏာကို မက်မောကြတာပဲ။ ရတနာတွေကို လိုချင်ကြတာပဲ။ တကယ်လို့ နေမင်းတာအိုကို မင်းတို့အရင်တွေ့ရင်လည်း ငါ့လိုပဲ လုပ်ကြမှာပဲ”</p> <p>သူ၏စကားများက အခြေအနေကို ပို၍ ဆိုးရွားသွားစေသည်။</p> <p>"ရှက်စရာကောင်းလိုက်တာ”</p> <p>"သူက အခုထိ နောင်တမရသေးဘူး”</p> <p>"သူ့ကို ပါးစပ်ပိတ်ခိုင်းလိုက်”</p> <p>ပလ္လင်ပေါ်တွင် ငြိမ်သက်စွာ ထိုင်နေသော ဧကရာဇ်မင်းမြတ်က နောက်ဆုံးတွင် လက်ကို မြှောက်လိုက်သည်။</p> <p>ချက်ချင်းပင်</p> <p>ခန်းမတစ်ခုလုံး တိတ်ဆိတ်သွားသည်။</p> <p>"ဝမ်ဟောင်ယု”</p> <p>သူ၏အသံသည် အာဏာစက်များဖြင့် ဟိန်းထွက်လာသည်။</p> <p>"မင်းဟာ မင်းရဲ့ဂိုဏ်းသားတွေအပေါ် တားမြစ်ထားတဲ့ စမ်းသပ်မှုတွေကို ဆယ်စုနှစ်ပေါင်းများစွာ ခွင့်ပြုခဲ့တယ်။”</p> <p>"မင်းက ငါတို့ရဲ့ တရားရုံးကို လှည့်စားဖို့ ကြိုးစားခဲ့သလို စီရင်ချက်ကိုလည်း ခြယ်လှယ်ဖို့ ကြိုးစားခဲ့တယ်"</p> <p>စွပ်စွဲချက် တစ်ခုချင်းစီသည် ကောင်းကင်ဘုံ၏ အမိန့်တော်ကဲ့သို့ ပြင်းထန်လှသည်။</p> <p> ဝမ်ဟောင်ယု ဒူးများ တုန်ယင်လာသည်။ ယခုအခါ ဧကရာဇ်ကပင် သူ့ကို စွန့်ပစ်လိုက်ပြီဖြစ်ကြောင်း သူ သိလိုက်ရပြီ။</p> <p>"ငါကိုယ်တော်မြတ်က ကောင်းကင်အင်ပါယာ ကို တရားမျှတမှုနဲ့ စည်းစနစ်တွေအောက်မှာ အုပ်ချုပ်နေတာဖြစ်တယ်။"</p> <p>သူက ခေတ္တရပ်လေ၏</p> <p>"တကယ်လို့ ဒီလိုလုပ်ရပ်မျိုးတွေကို သည်းခံနေမယ်ဆိုရင် ငါတို့နဲ့ မိစ္ဆာအင်အားစုတွေ ဘာကွာခြားတော့မှာလဲ?"</p> <p>ဧကရာဇ်၏ အသံမှာ ပို၍ ခိုင်မာလာသည်။</p> <p>"အင်ပါယာအနေနဲ့ ဒီလိုယုတ်မာမှုတွေကို လက်မခံဘူးဆိုတာ ပြသတဲ့အနေနဲ့”</p> <p>"ဝမ်ဟောင်ယုကို လူအများရှေ့မှာ ကွပ်မျက်စေရမယ်"</p> <p>ထိုစကားများသည် နောက်ဆုံးစီရင်ချက်အဖြစ် ပဲ့တင်ထပ်သွားသည်။</p> <p>"သူ့ကို မြို့တော်ရဲ့ အဓိကရင်ပြင်မှာ ကွပ်မျက်စေ။"</p> <p>"ကောင်းကင်အောက်က လူသားအားလုံး သိပါစေ—"</p> <p>"ဘယ်လောက်ပဲ အစွမ်းထက်တဲ့ ဂိုဏ်းဖြစ်ပါစေ၊ အင်ပါယာရဲ့ ကျင့်ဝတ်စည်းကမ်းတွေကို ချိုးဖောက်ခွင့်မရှိဘူးဆိုတာကိုပေါ့"</p> <p>ခန်းမအတွင်းရှိ လူအားလုံးသည် သက်ပြင်းချလိုက်ကြသည်။</p> <p>"ပြီးတော့ စာရင်းထဲမှာပါတဲ့ အကြီးအကဲတွေ အကုန်လုံး—" </p> <p>"သူတို့ကို ချက်ချင်း ဖမ်းဆီးချုပ်နှောင်ထားပြီး နောက်ထပ် စီရင်ချက်ကို စောင့်ဆိုင်းစေရမယ်"</p> <p>ချပ်ဝတ်တန်ဆာ ဝတ်ဆင်ထားသော အင်ပါယာ အစောင့်တပ်သားများ ရှေ့သို့ တိုးလာကြသည်။ </p> <p>သူတို့၏ ဖိနပ်သံများသည် စကျင်ကျောက်ကြမ်းပြင်ပေါ်တွင် တဖုန်းဖုန်း မြည်ဟည်းနေသည်။</p> <p>ဝမ်ဟောင်ယု၏ မျက်နှာသည် သွေးမရှိတော့သလို ဖြူလျော့နေသည်။</p> <p>"မလုပ်ပါနဲ့... မဟုတ်ဘူး..."</p> <p>သူက လီကျန်းဟုန်ကိုကြည့်၏</p> <p>ထို့နောက်ကျောက်ဝူထျန်းနှင့် </p> <p>တခြားသူများကို မျှော်လင့်ချက်မဲ့စွာ ကြည့်နေ၏</p> <p>သို့သော်လည်း မည်သူမျှ သူ့ကို မကူညီလိုကြပေ။ </p> <p>သူ၏ အစွမ်းထက်လှသော ကျင့်ကြံခြင်းမှာလည်း အင်ပါယာ၏ အာဏာနှင့် လူအများ၏ ရှုတ်ချမှုအောက်တွင် အဓိပ္ပာယ်မဲ့သွားခဲ့သည်။</p> <p>အစောင့်နှစ်ဦးက သူ့ကို ဖမ်းချုပ်လိုက်သည်။ </p> <p>သူ ရုန်းကန်နေ၏</p> <p>"ဘိုးဘေး၊ တစ်ခုခု ပြောပါဦး”</p> <p>သို့သော် မြေကမ္ဘာအင်မော်တယ်ကြီးဘိုးဘေးမှာမူ မလှုပ်မယှက် တည်ငြိမ်နေဆဲသာ</p> <p> မျက်လုံးများကို အောက်သို့ ချထားသည်။ </p> <p>ပျက်စီးတော့မည့် ဂိုဏ်းအတွက် ကြိုတင် ဝမ်းနည်းနေသည့်အလား။</p> <p>ဝမ်ဟောင်ယု၏ နောက်ဆုံး အော်ဟစ်သံမှာ ခန်းမအပြင်ဘက်သို့ ဆွဲထုတ်ခံရစဉ် ထွက်ပေါ်လာသည်။</p> <p> တံခါးကြီးများသည် အသံကျယ်ကြီးဖြင့် ပိတ်သွားခဲ့ပြီး ပြန်လည်တိတ်ဆိတ်သွားသည်။</p> <p>ထိုတိတ်ဆိတ်မှုအတွင်း</p> <p>လူအများအပြားမှာ ပိုင်ကျီဟန်ကို ကြည့်</p> <p>လိုက်ကြသည်။</p> <p>မုန်တိုင်းသည် သူနှင့်အတူ စတင်ခဲ့သည်။</p> <p>ပြီးတော့ သူ ဖြစ်စေချင်သည့်အတိုင်း အတိအကျပင် ပြီးဆုံးသွားခဲ့လေပြီ။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save