Book List

<h2 style="text-align: center;">အခန်း ၄၉၀</h2> <h2 style="text-align: center;">ဝမ်ဟောင်ယုအား ကွပ်မျက်ခြင်း</h2> <h2 style="text-align: center;">*</h2> <p> </p> <p> </p> <p>နန်းတွင်း၌ ဖြစ်ပျက်ခဲ့သော သတင်းများသည် စိတ်ကူးထားသည်ထက်ပင် ပိုမိုမြန်ဆန်စွာ ပျံ့နှံ့သွားခဲ့သည်။</p> <p>အမှန်စင်စစ် လူအများစုမှာ ဤဖြစ်ရပ်အပြီးတွင် ပိုင်မျိုးနွယ်စု၏ ကံကြမ္မာ မည်သို့ဖြစ်လာမည်ကို စောင့်ကြည့်နေကြခြင်းဖြစ်သည်။</p> <p>သို့သော် သူတို့ရရှိလိုက်သော သတင်းမှာ မျှော်လင့်ထားသည်နှင့် လုံးဝတခြားစီ ဖြစ်နေခဲ့သည်။</p> <p> ပိုင်ကျီဟန်သည် မြစိမ်းရောင်နေမင်းဂိုဏ်းကို အကြောင်းမဲ့ တိုက်ခိုက်ခဲ့ခြင်းမဟုတ်ဘဲ ထိုဂိုဏ်းသည် ကလေးသူငယ်များအပေါ် အန္တရာယ်ရှိပြီး တရားမဝင်သော စမ်းသပ်မှုများ ပြုလုပ်နေသောကြောင့်သာ တိုက်ခိုက်ခဲ့ခြင်းဖြစ်သည်။</p> <p>ထို့အပြင် မြစိမ်းရောင်နေမင်းဂိုဏ်းသည် ကလေးများကို ပြန်ပေးဆွဲခြင်းနှင့် ပိုင်ကျီဟန်ကို လုပ်ကြံရန် ကြိုးပမ်းခြင်း အကြောင်း သတင်းများပါ ထွက်ပေါ်လာခဲ့သည်။</p> <p>တစ်ရက်အတွင်းမှာပင်</p> <p>ကောင်းကင်အင်ပါယာတစ်ခုလုံး သိရှိသွားကြတော့သည်။</p> <p>အစပိုင်းတွင် မယုံကြည်နိုင်မှုများ </p> <p>ထို့နောက် အံ့အားသင့်မှုများနှင့် </p> <p>နောက်ဆုံးတွင် ဒေါသတကြီး ဖြစ်ကုန်ကြသည်။</p> <p>"မြစိမ်းရောင်နေမင်းဂိုဏ်းက ကလေးတွေကို စမ်းသပ်မှုတွေ လုပ်ရဲတယ် ဟုတ်လား?"</p> <p>"ဆယ်စုနှစ်နဲ့ချီပြီးတော့လား? ဒီလိုလုပ်ပြီးမှ သူတို့ကိုယ်သူတို့ သူတော်စင်တွေလို့ ခေါ်ရဲသေးတယ်”</p> <p>"သူတို့ ငရဲမှာပဲ ပြာဖြစ်သင့်တာ။"</p> <p>တစ်ချိန်က ပိုင်ကျီဟန်ကို ပြစ်တင်ရှုတ်ချခဲ့ကြသော လမ်းမထက်မှ အသံများသည် ယခုအခါ လုံးဝပြောင်းလဲသွားခဲ့သည်။</p> <p>သူက မောက်မာတာ မဟုတ်ဘူးလား?</p> <p>သူက ဥပဒေမဲ့တာ မဟုတ်ဘူးလား?</p> <p>သူက နန်းတွင်းကို အန်တုခဲ့တာ မဟုတ်ဘူးလား?</p> <p>ယခင်က လူများ ပြောခဲ့ကြသည့် စကားများဖြစ်သည်။ </p> <p>သို့သော် </p> <p>ယခုမူ ဇာတ်လမ်းမှာ ပြောင်းပြန်ဖြစ်သွားခဲ့ချေပြီ။</p> <p>"ဒါကြောင့်မို့လို့ သခင်လေးပိုင်က မြစိမ်းရောင်နေမင်းဂိုဏ်းကို တိုက်ခိုက်ခဲ့တာကိုး၊ မျှော်လင့်ထားတဲ့အတိုင်းပဲ၊ သူက မြင့်မြတ်တဲ့ အကြောင်းပြချက်ရှိခဲ့တာပဲ”</p> <p>"သူက မဆင်မခြင် လုပ်ခဲ့တာမဟုတ်ဘူး၊ အဲဒီကလေးတွေကို ကယ်တင်ခဲ့တာ”</p> <p>"နန်းတွင်းက ဘာတွေလုပ်နေတာလဲ? ဒါမျိုးတွေကို သူတို့အရင် သိသင့်တာလေ။ အခုတော့ သခင်လေးပိုင်က သူတို့အလုပ်ကို ဝင်လုပ်ပေးလိုက်ရပြီ။"</p> <p>"အကယ်၍ ပိုင်ကျီဟန်သာ မရှိရင် ငါတို့တွေ အမှောင်ထဲမှာပဲ ရှိနေဦးမှာပဲ”</p> <p>ပိုင်ကျီဟန်၏ နာမည်နောက်ကွယ်မှ ကဲ့ရဲ့ရှုတ်ချသံများ ပျောက်ကွယ်သွား၏</p> <p> ထိုနေရာတွင် </p> <p>အထင်ကြီး လေးစားမှုနှင့် ကျေးဇူးတင်မှုများ အစားထိုးဝင်ရောက်လာသည်။</p> <p>"ဖြောင့်မတ်ခြင်းရဲ့ သူရဲကောင်း”</p> <p>"သူက မိစ္ဆာသားရဲတွေနဲ့ မိစ္ဆာကျင့်ကြံသူတွေကို သတ်ပေးရုံတင်မကဘဲ အင်ပါယာထဲက မကောင်းဆိုးဝါးတွေကိုပါ ရှင်းလင်းပေးနေတာ။ ဒါမှ စစ်မှန်တဲ့ သူရဲကောင်းပဲ”</p> <p>တစ်ဖက်တွင်မူ မြစိမ်းရောင်နေမင်းဂိုဏ်းအပေါ် ကျိန်ဆဲသံများသည် မုန်တိုင်းအလား မရပ်မနား ကျရောက်လာတော့သည်။</p> <p>"လူ့အရေခွံခြုံထားတဲ့ တိရစ္ဆာန်တွေ”</p> <p>"သူတော်စင်ယောင်ဆောင်ထားတဲ့ မိစ္ဆာဂိုဏ်း”</p> <p>"ငါတို့ သူတို့ကို လေးစားခဲ့မိတာကို တွေးကြည့်စမ်း၊ သူတို့အားလုံး အပြစ်ပေးခံရမယ်”</p> <p>မြစိမ်းရောင်နေမင်းဂိုဏ်းကို ဆန့်ကျင်သောအသံများ ပေါ်ထွက်လာ၏</p> <p>ထိပ်သီးဂိုဏ်းကြီး ဖြစ်နေရင်ကော ဘာဖြစ်လဲ? သူတို့ စိတ်ကြိုက် လျှောက်လုပ်လို့ရသလား? </p> <p>လူတိုင်း ညီညွတ်သွားကြသည့်အခါ မြစိမ်းရောင်နေမင်းဂိုဏ်းကဲ့သို့ အင်အားကြီးသူကိုပင် မကြောက်တော့ပေ။</p> <p>ပိုင်မျိုးနွယ်စုအတွက်မူ</p> <p>သူတို့၏ ဂုဏ်သတင်းမှာ အထူးမြင့်မားလာပြီး လူတိုင်းက ချီးမွမ်းနေကြသည်။ ယခင်က ဆဲဆိုခဲ့သူများသည်လည်း သတင်းအမှားများကြောင့် ဖြစ်ရပါသည်ဟု တောင်းပန်ခဲ့ကြသည်။</p> <p>သုံးရက်အကြာတွင်</p> <p>မြို့တော်၏ ဗဟိုရင်ပြင်ကြီးသည် လူများဖြင့် ပြည့်လျှံနေသည်။</p> <p> အိမ်ခေါင်မိုးများပေါ်တွင်ပင် လူများ ပြည့်နေသည်ဟု ဆိုကြသည်။</p> <p> ဈေးသည်များ စောစီးစွာ ဆိုင်ပိတ်ကြ၏ အနီးနားရှိ ကျင့်ကြံသူများသည်လည်း သမိုင်းဝင်ဖြစ်ရပ်ကို မျက်မြင်တွေ့ရှိရန် အပြေးအလွှား ရောက်ရှိလာကြသည်။</p> <p>ရင်ပြင်၏အလယ်တွ မြင့်မားသော ကွပ်မျက်စင်ကြီး တစ်ခုရှိနေသည်။</p> <p>အင်ပါယာ၏ အလံတော်များမှာ လေထဲတွင် တလွင့်လွင့် ဖြစ်နေပြီး သံခြေကျင်းများ၏ အသံများ မြည်ဟည်းနေသည်။</p> <p>ဝမ်ဟောင်ယုအား ခေါ်ဆောင်လာခဲ့သည်။ </p> <p>တစ်ချိန်က သန့်ရှင်းသပ်ရပ်ခဲ့သော ဝတ်စုံများမရှိတော့ဘဲ ရိုးရှင်းသော အဖြူရောင် အကျဉ်းသားဝတ်စုံနှင့် ဖြစ်နေသည်။</p> <p> သူ၏ ကျင့်စဉ်အဆင့်မှာ ချိပ်ပိတ်ခံထားရသည်။</p> <p>စွမ်းအားဝိညာဉ်မရှိပေ။</p> <p>အရှိန်အဝါမရှိပေ။</p> <p>ဂိုဏ်းချုပ်တစ်ယောက်မဟုတ်တော့ပေ။</p> <p>သာမန်လူတစ်ယောက်သာ။ မဟုတ်သေး... လူတစ်ယောက်အနေဖြင့် ရသင့်သော အခွင့်အရေးများနှင့်ပင် မထိုက်တန်သည့် ညစ်ပတ်သော ရာဇဝတ်ကောင် တစ်ဦးသာဖြစ်သည်။</p> <p>လူအုပ်ကြီးက သူ့ကို မြင်လိုက်သည်နှင့် ဟိန်းဟောက်ကြတော့သည်။</p> <p>"ဒါ သူပဲ၊ မြစိမ်းရောင်နေမင်းဂိုဏ်းရဲ့ ဂိုဏ်းချုပ်ဟောင်း၊ အဲဒီစမ်းသပ်မှုတွေကို စခဲ့တဲ့သူ”</p> <p>"သတ်ပစ်၊ ကွပ်မျက်ပစ်”</p> <p>ဝမ်ဟောင်ယု၏ မျက်နှာသည် ဖြူလျော်နေပြီး ကိုယ်ပေါ်တွင်လည်း ဒဏ်ရာဒဏ်ချက်များ ရှိနေသည်။ </p> <p>လွန်ခဲ့သော သုံးရက်မှာ သူ၏အတွက် ငြိမ်းချမ်းသော နေ့ရက်များ မဟုတ်ခဲ့ဘဲ နှိပ်စက်ညှဉ်းပန်းမှုများကို ခံခဲ့ရသည်မှာ သေချာသည်။</p> <p>သို့သော် သူ၏ မျက်လုံးများထဲတွင်</p> <p>နာကျည်းမှုနှင့် မုန်းတီးမှုများ တောက်လောင်နေသည်။ </p> <p>သူသည် လူအုပ်ထဲတွင် တစ်စုံတစ်ယောက်ကို ရှာဖွေနေသကဲ့သို့ ကြည့်နေသော်လည်း ကျင့်စဉ်ချိပ်ပိတ်ခံထားရသဖြင့် ထိုသူကို ရှာမတွေ့နိုင်ပေ။</p> <p>ပိုင်ကျီဟန်</p> <p>အကယ်၍ သူ့ကို မနှောင့်ယှက်ခဲ့လျှင်</p> <p>အကယ်၍သာ သူ့ကို လုပ်ကြံဖို့ အမိန့်မပေးခဲ့လျှင် </p> <p>ထိုသို့ လုပ်ခဲ့မိတောင် အခွင့်အရေးရတုန်းက သူ ထွက်ပြေးခဲ့သင့်သည်။</p> <p> လီကျန်းဟုန်နှင့် ကျောက်ဝူထျန်းတို့၏ ထောက်ပံ့မှုဖြင့် ပိုင်မျိုးနွယ်စုကို ဖြိုလဲပြီး ဂိုဏ်းကို ပြန်ရနိုင်မည်ဟု သူ ဘာကြောင့်များ ယုံကြည်ခဲ့မိသနည်း</p> <p>ကွပ်မျက်စင်ပေါ်တွင် အင်ပါယာ၏ ကွပ်မျက်ရေးအရာရှိသည် အမိန့်တော်စာလိပ်ကို ကိုင်ဆောင်ကာ ရပ်နေသည်။ </p> <p>သူ၏အသံသည် ရင်ပြင်တစ်ခုလုံး ဟိန်းထွက်သွားသည်။</p> <p>"ဝမ်ဟောင်ယု မြစိမ်းရောင်နေမင်းဂိုဏ်းရဲ့ ဂိုဏ်းချုပ်ဟောင်း..."</p> <p>"မင်းဟာ တားမြစ်ထားတဲ့ လူသားစမ်းသပ်မှုတွေကို ဆယ်စုနှစ်နဲ့ချီပြီး လုပ်ဆောင်ခဲ့တယ်။ နန်းတွင်းကို လှည့်စားခဲ့တယ်။ အင်ပါယာရဲ့ ကိုယ်ကျင့်တရားဥပဒေတွေကို ဖောက်ဖျက်ခဲ့တယ်။"</p> <p>"ဧကရာဇ်မင်းမြတ်ရဲ့ အမိန့်တော်အရ... မင်းကို လူအများရှေ့မှာ ကွပ်မျက်ဖို့ စီရင်ချက်ချမှတ်လိုက်တယ်”</p> <p>လူအုပ်ကြီးမှာ ဆူညံသွားကြသည်။</p> <p>"သတ်ပစ်”</p> <p>"တရားမျှတမှုအတွက်”</p> <p>"ဒါကို သတိပေးချက်တစ်ခုအဖြစ် မှတ်ထားပါစေ”</p> <p>"မင်းမှာ နောက်ဆုံးပြောချင်တဲ့ စကားရှိလား?" </p> <p>ကွပ်မျက်ရေးအရာရှိက မေးလိုက်သည်။</p> <p>ဝမ်ဟောင်ယုသည် ရုတ်တရက် ရူးသွပ်စွာ ရယ်မောလိုက်သည်။</p> <p>"ဟဲဟဲ... ဟားဟားဟား..."</p> <p>ထိုရယ်သံမှာ ပိုမိုကျယ်လောင်လာပြီး ရူးသွပ်နေသူတစ်ယောက်၏ အော်ဟစ်သံကဲ့သို့ ရင်ပြင်တစ်ခုလုံး ပဲ့တင်ထပ်သွားသည်။ </p> <p>သွေးဆာနေသော သူ၏မျက်လုံးများက လူအုပ်ကြီးကို ကြည့်လိုက်သည်။</p> <p>ထို့နောက် သူ၏အသံသည် စူးရှစွာ ထွက်ပေါ်လာသည်။</p> <p>"ပိုင်ကျီဟန်”</p> <p>ထိုအမည်မှာ လူအုပ်ကြားထဲတွင် ဟိန်းထွက်သွားသည်။</p> <p>"မင်းက ဖြောင့်မတ်တဲ့ လူသားယောင်ဆောင်နေရုံနဲ့ ငါနဲ့ မတူဘူးလို့ ထင်နေတာလား?”</p> <p>သူ၏ နှုတ်ခမ်းများက အမုန်းတရားများဖြင့် တွန့်ကွေးသွားသည်။</p> <p>"မင်းနဲ့ငါက အတူတူပဲ”</p> <p>သူ၏ အသံသည် လူအုပ်ကြီးဘက်သို့ အော်ဟစ်လိုက်သဖြင့် အသံများ တုန်ယင်နေသည်။</p> <p>"တစ်နေ့ကျရင် မင်းရဲ့ မျက်နှာဖုံးလည်း ကွာကျလာမှာပါ။"</p> <p>"အဲဒီအချိန်ကျရင်... မင်းလည်း ငါ့လိုကံကြမ္မာမျိုးနဲ့ ကြုံရလိမ့်မယ်”</p> <p>ခဏတာအကြာတွင်</p> <p>တိတ်ဆိတ်မှုများ လွှမ်းမိုးသွားသည်။ </p> <p>ထို့နောက် လူအုပ်ကြီးသည် ဒေါသတကြီး ပေါက်ကွဲကုန်သည်။</p> <p>"ပါးစပ်ပိတ်ထားစမ်း”</p> <p>"မင်းက ဘယ်လိုလုပ် သခင်လေးပိုင်နဲ့ နှိုင်းရဲတာလဲ”</p> <p>"မိစ္ဆာကောင်”</p> <p>"မင်းလိုကောင်က သူ့နာမည်ကိုတောင် ခေါ်ဖို့ မထိုက်တန်ဘူး”</p> <p>"အင်ပါယာက ငါတို့သူရဲကောင်းကို ဘယ်တော့မှ အထိခိုက်ခံမှာ မဟုတ်ဘူး”</p> <p>"ဟုတ်တယ်”</p> <p>"သူ့ကို မင်းနဲ့အတူ ဆွဲမချနဲ့”</p> <p>လူအုပ်ကြီး၏ ကျိန်ဆဲသံများသည် ဝမ်ဟောင်ယု အသံကို ဖုံးလွှမ်းသွားသည်။ </p> <p>သို့သော် </p> <p>ဝမ်ဟောင်ယုက ပို၍ပင် ပြင်းထန်စွာ ရယ်မောနေဆဲဖြစ်သည်။</p> <p>“ဟားဟား”</p> <p>အသံက ခြောက်ကပ်ကပ်နှင့်ပင်။</p> <p>"မင်းတို့ လူအတွေ..."</p> <p>"ဒီအင်ပါယာက တရားမျှတတယ်လို့ ထင်နေတာလား? သူတို့က လူတိုင်းကို ကာကွယ်ပေးမယ်တဲ့လား? ဟဲဟဲ... နန်းတွင်းကတောင်-"</p> <p>"တိတ်စမ်း”</p> <p>ကွပ်မျက်ရေးအရာရှိက ဝမ်ဟောင်ယု၏ စကားကို အဆုံးမသတ်မီ ဖြတ်ပြောလိုက်</p> <p>သည်။</p> <p>"ဧကရာဇ်မင်းမြတ်ရဲ့ အမိန့်တော်အရ... တရားမျှတမှုကို အခုပဲ အကောင်အထည်ဖော်မယ်။"</p> <p>အရာရှိက သူ၏လက်ကို နှိမ့်ချလိုက်သည်။</p> <p>"ကွပ်မျက်စေ”</p> <p>ထိုအချိန်တွင် နေရောင်အောက်၌ ဝင်းလက်နေသော ဓားကြီးသည် အောက်သို့ ကျဆင်းလာခဲ့သည်။</p> <p>ခဏတာမျှ</p> <p>ငြိမ်သက်သွားသည်။</p> <p>ဝမ်ဟောင်ယု၏ ရယ်သံများ ပျောက်ကွယ်သွားသည်။</p> <p>ထို့နောက်တွင်မူ</p> <p>မိုးခြိမ်းသံကဲ့သို့ ကျယ်လောင်သော လက်ခုပ်သံများ ထွက်ပေါ်လာသည်။</p> <p>ဖြောင်း ဖြောင်း ဖြောင်း</p> <p>အားလုံး ပြီးဆုံးသွားလေပြီ။</p> <p>ကျောက်တုံးကို ပိုင်းဖြတ်သကဲ့သို့ လှိမ့်ထွက်သွားချေ၏</p> <p>"တရားမျှတမှု အောင်နိုင်ပြီ”</p> <p>"ကောင်းကောင်းသေသွားတာပဲ”</p> <p>"သူ့ဝိညာဉ် ဘယ်တော့မှ လူပြန်မဖြစ်ပါစေနဲ့”</p> <p>အားပေးသံများ ဆူညံသွား၏</p> <p>လူအချို့က ကွပ်မျက်စင်ဆီသို့ တံတွေးနှင့် ထွေးကြသည်။ </p> <p>အချို့ကမူ ဝမ်ဟောင်ယုအတွက် မဟုတ်ဘဲ၊ ထိုညှဉ်းပန်းခံခဲ့ရသော ကလေးငယ်များအတွက် ဝမ်းသာမျက်ရည် ကျကြသည်။ </p> <p>အချို့က လက်သီးများကို လေထဲသို့ မြှောက်ကာ အော်ဟစ်ကြသည်။</p> <p>"ဒါက ဖြောင့်မတ်ခြင်းခေါင်းစဉ်အောက်မှာ မကောင်းမှုလုပ်တဲ့သူတွေရဲ့ အဆုံးသတ်ပဲ”</p> <p>"ဒါကို ဂိုဏ်းတိုင်းအတွက် သတိပေးချက်အဖြစ် မှတ်ထားကြ”</p> <p>ကွပ်မျက်သူသည် နောက်သို့ဆုတ်လိုက်ပြီး  ဓားကို ပုခုံးပေါ်မှချကာ အစောင့်များက ကွပ်မျက်စင်ကို အမြန်ရှင်းလင်းလိုက်ကြသည်။ နီညိုရောင်အလံများက တလူလူလွင့်နေ၏</p> <p>ကွပ်မျက်ရေးအရာရှိသည် လူအုပ်ကို တိတ်ဆိတ်စေရန် လက်မြှောက်ပြလိုက်၏</p> <p> သူ၏အသံကို ထပ်မံ ထုတ်ဖော်လိုက်သည်။</p> <p>"ကောင်းကင်အင်ပါယာ တစ်ခုလုံး သိပါစေ၊ တားမြစ်ထားတဲ့ ပညာရပ်တွေကို ကျင့်ကြံသူ၊ အပြစ်မဲ့သူတွေကို နှိပ်စက်သူ ဒါမှမဟုတ် ဖြောင့်မတ်ခြင်းအမည်ခံပြီး မကောင်းမှုကို ဖုံးကွယ်ထားသူ ဘယ်သူမဆို  ဒီလိုကံကြမ္မာမျိုးနဲ့  ကြုံတွေ့ရမှာပါ”</p> <p>"အင်ပါယာက  ဒီလို ရာဇဝတ်မှုတွေကို ဘယ်တော့မှ သည်းခံမှာ မဟုတ်ဘူး”အမိန့်တော်သည် မိုးခြိမ်းသံအလားပဲ့တင်ထပ်သွား၏</p> <p>ဧက္ကရာဇ်မင်းမြတ်က ပြောဆိုလေ၏</p> <p> ပြည်သူများကလည်း တစ်ခဲနက် ထောက်ခံခဲ့ကြလေသည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save