Book List

<h2 style="text-align: center;">အခန်း ၄၉၅</h2> <h2 style="text-align: center;">မျိုးနွယ်စုခေါင်းဆောင် ဖြစ်လာစေရန် လေ့ကျင့်ပေးခြင်း</h2> <h2 style="text-align: center;">*</h2> <p> </p> <p> </p> <p>နောက်ရက်များတွင် ပိုင်ကျီဟန်သည် အေးချမ်းလှသော နေ့စဉ်ဘဝထဲသို့  ပြန်လည်ရောက်ရှိသွားခဲ့ရချေပြီ။ နံနက်တိုင်းတွင် သူသည် ဓားသိုင်းကို လေ့ကျင့်နေလေ၏</p> <p>ပိုင်မျိုးနွယ်စု၏ လေ့ကျင့်ရေးကွင်းအတွင်း တစ်ဦးတည်း ရပ်တည်လျက်၊ သူ၏ ဓားချက်များမှာ တိကျပြတ်သားစွာ လှုပ်ရှားနေသည်။ </p> <p>ဓားတစ်ချက် ဝှေ့ယမ်းလိုက်တိုင်း လေထုကို သန့်စင်စွာ ဖြတ်တောက်သွားခဲ့၏ ဓားရည်ရွယ်ချက် အလတ်စားအဆင့်သို့ ရောက်ရှိထားသူဖြစ်၍ ပိုင်ကျီဟန်ကို အင်ပါယာအတွင်း အတော်ဆုံး ဓားသမားတစ်ဦးဟု ဆိုလျှင်လည်း မှားမည်မဟုတ်ချေ။</p> <p>သို့သော်လည်း...ကျွမ်းကျင်မှုဟူသည် အလေ့အကျင့်မှ လာသည်ပင်</p> <p>သူ၏ ကျင့်ကြံမှုအဆင့်သည် ဗလာသန့်စင်ခြင်းအဆင့်သို့ ရောက်ရှိနေပြီဖြစ်သော်လည်း ပိုင်ကျီဟန်သည် အရှိန်လျှော့ရန် အစီအစဉ်မရှိပေ။ တစ်ခုခုဆိုလျှင် သူသည် မိမိကိုယ်ကို ပိုမိုတင်းကြပ်စွာ တွန်းအားပေးလေ့ရှိသည်။</p> <p>ဓားသိုင်းလေ့ကျင့်ခြင်း၊ </p> <p>ကျင့်ကြံခြင်း</p> <p> ကြားထဲတွင် ခဏတာ အနားယူခြင်း။</p> <p>နေ့စဉ်နှင့်အမျှ သူ၏ ဘဝမှာ တစ်သမတ်တည်းပင် ရှိနေခဲ့သည်။ </p> <p>သို့သော် တစ်နေ့သော နေ့လယ်ခင်းတွင် ပိုင်ကျီဟန် ဓားသိုင်းလေ့ကျင့်ပြီး၍ ကျင့်ကြံရန် ပြင်ဆင်နေစဉ်  အစေခံတစ်ဦး ရောက်ရှိလာခဲ့၏။</p> <p>"သခင်လေး... မျိုးနွယ်စုခေါင်းဆောင်က သခင်လေးကို တွေ့ချင်နေပါတယ်ခင်ဗျာ။"</p> <p>ပိုင်ကျီဟန်သည် ရုတ်တရက် ဆင့်ခေါ်မှုကြောင့် အနည်းငယ် ဇဝေဇဝါ ဖြစ်သွားခဲ့သည်။</p> <p>မျိုးနွယ်စု၏ ခန်းမဆောင်ကြီးအတွင်းဝယ် ပိုင်ထျန်းဟမ်သည် စာရွက်စာတမ်းများနှင့် ဝိညာဉ်ကျောက်စာလွှာများ ပြည့်နှက်နေသော စားပွဲကြီးနောက်တွင် ထိုင်နေသည်။ ပိုင်ကျီဟန် ဝင်လာသောအခါတွင် သူသည် ခေါင်းကိုပင် မော့မကြည့်နိုင်သေးချေ။</p> <p> "မင်း ရောက်လာပြီလား..."</p> <p>ပိုင်ကျီဟန်သည် ပုံနေသော အလုပ်အပုံကြီးကို ကြည့်ကာ မျက်ခုံးအစုံ အနည်းငယ် လှုပ်ခတ်သွားခဲ့၏။</p> <p>"...ဘာကိစ္စရှိလို့လဲ အဖေ”</p> <p>နောက်ဆုံးတွင် ပိုင်ထျန်းဟမ် မော့ကြည့်လာသည်။ သူသည် သားဖြစ်သူကို ခဏတာ စူးစမ်းကြည့်ပြီးနောက် တည်ငြိမ်စွာ စကားဆိုလိုက်၏။</p> <p>"မင်းရဲ့ ကျင့်ကြံမှုအဆင့်က အခုလောလောဆယ်အတွက် လုံလောက်နေပြီ..."</p> <p>ပိုင်ကျီဟန်သည် မျက်ခုံးတစ်ဖက်ကို ပင့်ကာ နားထောင်နေမိလေတော့သည်။</p> <p>"ပြီးတော့ကော...?"</p> <p>ပိုင်ထျန်းဟမ်က  နောက်မှီကို အနည်းငယ် မှီချလိုက်၏</p> <p>"ပိုင်မျိုးနွယ်စုကို ဘယ်လိုစီမံခန့်ခွဲရမလဲဆိုတာ မင်း စတင်လေ့လာရမဲ့ အချိန်ရောက်</p> <p>ပြီ။"</p> <p>ထိုစကားကို ကြားလိုက်ရသည်နှင့် ပိုင်ကျီဟန်၏ မျက်မှောင်များ ချက်ချင်း ကြုတ်သွားတော့သည်။</p> <p>"ကျွန်တော် စိတ်မဝင်စားဘူး။"</p> <p>သူသည် မျိုးနွယ်စု၏ အမွေဆက်ခံသူဖြစ်၍ တစ်နေ့တွင် ဤတာဝန်ကို ထမ်းဆောင်ရမည်မှန်သော်လည်း ယခုအချိန်ကား မဟုတ်သေးချေ။  မျိုးနွယ်စုကို စီမံခန့်ခွဲခြင်းဆိုသည်မှာ အခြားသူများကို လွှဲအပ်ထား၍ရသော အလုပ်မဟုတ်ပါလော </p> <p>အမှန်အတိုင်းဆိုရလျှင် သူကိုယ်တိုင်လည်း မျိုးနွယ်စုခေါင်းဆောင် ဖြစ်ချင်၊ မဖြစ်ချင်ဆိုသည်ကို သေချာမသိသေးပေ။</p> <p>သို့သော်လည်း... ပိုင်ထျန်းဟမ်က ထိုငြင်းဆိုမှုကို လက်ခံရန် အစီအစဉ်မရှိပေ။</p> <p>"မင်းမှာ ရွေးချယ်စရာမရှိဘူး။"</p> <p>သူ၏ လေသံသည် တည်ငြိမ်သော်လည်း ပြတ်သားလှသည်။</p> <p>"ပိုင်မျိုးနွယ်စုရဲ့ အနာဂတ်ခေါင်းဆောင်တစ်ဦးအနေနဲ့ မင်းကြိုက်သည်ဖြစ်စေ၊ မကြိုက်သည်ဖြစ်စေ ကိုယ့်ရဲ့ တာဝန်ဝတ္တရားတွေကို နားလည်ထားရမယ်။ ဒါမှမဟုတ်ရင် အနာဂတ်မှာ ပိုင်မျိုးနွယ်စုကို မင်း ဘယ်လိုဦးဆောင်မလဲ?"</p> <p>ပိုင်ကျီဟန်က ကန့်ကွက်ရန် ပါးစပ်ပြင်လိုက်သော်လည်း ပိုင်ထျန်းဟမ်သည် စာရွက်စာတမ်းများကို ပြန်လည်ဖတ်ရှုနေပြီဖြစ်သည်။</p> <p>"ဒီနေ့ကစပြီး မင်း ငါ့နောက်ကို လိုက်ခဲ့ရမယ်" ဟု သူက ဆိုသည်။ "ငါလုပ်သမျှကို ကြည့်ပြီး လေ့လာပါ။ ငါလည်း ဒီလိုပဲ သင်ယူခဲ့တာ။</p> <p>ထိုလေသံမှာ ဆွေးနွေးငြင်းခုံရန် အခွင့်အရေး အလျှဉ်းမရှိပေ။ ပိုင်ကျီဟန်သည် သူ၏ဖခင်ကို ခဏတာ စိုက်ကြည့်နေမိသည်။ ဤတစ်ကြိမ်တွင်မူ ငြင်းဆန်ရန် လုံးဝမဖြစ်နိုင်တော့ချေ။</p> <p>"...ဒုက္ခပဲ" ဟု သူ အသံတိုးတိုးဖြင့် ရေရွတ်</p> <p>လိုက်မိသည်။</p> <p>ထိုနေ့မှစ၍ ပိုင်ကျီဟန်၏ အေးချမ်းလှသော နေ့စဉ်ဘဝသည် ပျောက်ကွယ်သွားခဲ့ရလေသည်။ ယင်းအစား သူသည် မျိုးနွယ်စု၏ ကိစ္စရပ်များတွင် ပိုင်ထျန်းဟမ် နောက်သို့ လိုက်ပါဆောင်ရွက်ရတော့သည်။</p> <p>အစပိုင်းတွင် ပိုင်ကျီဟန်သည် ဘေးမှကြည့်ရုံသာ ကြည့်နေခဲ့သည်။ သူ၏ဖခင်နှင့် မျိုးနွယ်စုအကြီးအကဲများ၏ အစည်းအဝေးများကို သူ စောင့်ကြည့်ခဲ့ရသည်။ ၎င်းတို့သည် အောက်ပါကိစ္စရပ်များကို ဆွေးနွေးကြသည် </p> <p> ကျင့်ကြံခြင်း အရင်းအမြစ်များကို ခွဲဝေချထားပေးခြင်း။</p> <p>မျိုးနွယ်စုပိုင် နယ်မြေဒေသများကို အုပ်ချုပ်စီမံခြင်း။</p> <p>အခြားသော အဖွဲ့အစည်းအသီးသီးနှင့် စေ့စပ်ညှိနှိုင်းမှုများ ပြုလုပ်ခြင်း။</p> <p> မြစိမ်းရောင်နေမင်းဂိုဏ်းထံမှ မကြာသေးမီက သိမ်းယူခဲ့သော မြေယာများကို စနစ်တကျ ပေါင်းစည်းခြင်း။</p> <p>တစ်ခါတစ်ရံတွင် ပိုင်ထျန်းဟမ်က သူ့ကို ရုတ်တရက် မေးခွန်းထုတ်တတ်သည်။</p> <p>"ဒီလိုအခြေအနေမျိုးမှာ မင်းဆိုရင် ဘယ်လိုလုပ်မလဲ?"</p> <p>အစပိုင်းတွင် ပိုင်ကျီဟန်က ပုခုံးတွန့်ရုံသာ တုံ့ပြန်ခဲ့သော်လည်း အချိန်ကြာလာသည်နှင့်အမျှ သူသည် ပိုမိုအလေးအနက်ထားကာ ဖြေကြားလာခဲ့သည်။ တစ်ခါတစ်ရံ သူ၏ အကြံပြုချက်များသည် ပွင့်လင်းလွန်းလှသလိုအကြင်နာတရား ကင်းမဲ့လှပေသည်။ သို့သော် အံ့ဩစရာကောင်းသည်မှာ ထိုအကြံပြုချက် အများစုသည် အလွန်ပင် ထိရောက်မှု ရှိနေခြင်းပင် ဖြစ်သည်။</p> <p>သူသည် ဤအလုပ်များကို သိသိသာသာပင် မနှစ်သက်သော်လည်း သူ၏ ဆုံးဖြတ်ချက်များမှာမူ ထက်မြက်ပြီး ပြတ်သားလှပေသည်။</p> <p>ထို့ပြင် သူသည် သေးငယ်သော တာဝန်များကိုလည်း ထမ်းဆောင်ခဲ့ရသေးသည်။၎င်းတို့မှာ - စာရွက်စာတမ်းငယ်များကို စစ်ဆေးခြင်း၊ တပည့်များ ကျင့်ကြံရမည့်နေရာကို သတ်မှတ်ပေးခြင်း၊ အစောင့်အရှောက်များ တာဝန်ချထားပေးခြင်း၊ အသုံးစရိတ်များကို ခွင့်ပြုပေးခြင်းနှင့် မျိုးနွယ်စုခွဲများမှ တင်ပြလာသော အစီရင်ခံစာများကို စီမံခန့်ခွဲခြင်းတို့ ဖြစ်ကြသည်။</p> <p>ဓမ္မတာအတိုင်းပင် ပိုင်ကျီဟန်သည် ဤလုပ်ငန်းစဉ်တစ်ခုလုံးကို အလွန်အမင်း စိတ်ပျက်ငြီးငွေ့နေခဲ့သည်။ သို့သော်လည်း... မည်သို့ပင်ဖြစ်စေ သူသည် ထိုတာဝန်များကို အောင်မြင်စွာ ကိုင်တွယ်နိုင်ခဲ့လေသည်။</p> <p>ပိုင်ထျန်းဟမ် ကိုယ်တိုင်တက်ရောက်ရန် လိုအပ်သော အစည်းအဝေးများသို့လည်း ပိုင်ကျီဟန်ကိုသာ စေလွှတ်ခဲ့သည်။</p> <p>အခြားသူများသာဆိုလျှင် ကန့်ကွက်ပြောဆိုမှုများ ရှိနိုင်သော်လည်း၊ ယခုမူ ရောက်ရှိလာသူမှာ ပိုင်ကျီဟန် ဖြစ်နေသည်မဟုတ်ပါလော</p> <p>မည်သူက ကန့်ကွက်ရန် ဝံ့မည်နည်း?</p> <p>မည်သူကများ ပိုင်ကျီဟန်ကို လျှော့တွက်ရဲကြသေးသနည်း?</p> <p>လူအများက ဤအပြောင်းအလဲကို သတိထားမိလာကြသော်လည်း ထူးဆန်းသည်ဟု မယူဆကြချေ။ </p> <p>အကြောင်းမှာ ပိုင်ကျီဟန်သည် ပိုင်မျိုးနွယ်စု၏ နောက်တက်မည့် ခေါင်းဆောင်ဖြစ်ကြောင်း မည်သူမျှ ငြင်းချက်မထုတ်</p> <p>နိုင်သောကြောင့် ဖြစ်သည်။ </p> <p>သူနှင့် ယှဉ်ပြိုင်နိုင်မည့်သူလည်း အမှန်တကယ် မရှိခဲ့ပေ။</p> <p>လွန်ခဲ့သော အချိန်များစွာက သူသည် မသန်မစွမ်းဖြစ်နေသည်ဟု ယူဆခဲ့ကြစဉ်ကမူ တိုးတိုးတိတ်တိတ် ဝေဖန်သံများ ရှိခဲ့ဖူးသည်။ </p> <p>မျိုးနွယ်စု၏ အမွေဆက်ခံမှုမှာ ပြောင်းလဲသွားနိုင်သလား၊ သို့မဟုတ် အခြားတစ်ဦးဦးက ပိုင်ကျီဟန်၏နေရာကို အစားထိုးဝင်</p> <p>ရောက်လာနိုင်သည်ဟူသော သံသယများပင် </p> <p> သူသည် မသန်မစွမ်းမဟုတ်တော့ကြောင်း အားလုံးက သိမြင်သွားချိန်တွင် နှင်းကဲ့သို့ အရည်ပျော် ပျောက်ကွယ်သွားခဲ့လေပြီ။ သူ၏ ခန္ဓာကိုယ်မှာ အလုံးစုံ ပြန်လည်ကျန်းမာလာရုံမျှမက သူ၏ ကျင့်ကြံမှုအဆင့်သည်လည်း လူအများ၏ ခန့်မှန်းချက်ထက် များစွာ ကျော်လွန်သွားခဲ့သည်။</p> <p>သာမန်အားဖြင့် မျိုးနွယ်စုခေါင်းဆောင်သည် မိမိ၏ အရိုက်အရာကို ဆက်ခံမည့်သူအား မျိုးနွယ်စုစီမံခန့်ခွဲပုံ၊ ရှုပ်ထွေးသော အခြေအနေများတွင် ဆုံးဖြတ်ချက်ချပုံနှင့် ပြင်ပဆက်ဆံရေးများကို ကိုင်တွယ်ပုံတို့အား ကိုယ်တိုင်ကိုယ်ကျ လေ့ကျင့်ပေးလေ့ရှိသည်။ </p> <p>ဤသည်မှာ ရှေးရိုးစဉ်လာ တစ်ခုဖြစ်ပြီး လက်ရှိခေါင်းဆောင်သည် အင်မော်တယ်နယ်ပယ်သို့ တက်လှမ်းရန် နီးကပ်လာချိန်တွင်မှသာ ပြုလုပ်လေ့ရှိခြင်းဖြစ်သည်။</p> <p>ပိုင်မျိုးနွယ်စု၏ လက်ရှိ တိုးတက်မှုအရှိန်အဟုန်အရ ပိုင်ထျန်းဟမ်သည် လူအများ ခန့်မှန်းထားသည်ထက် စောစီးစွာပင် ထိုအဆင့်သို့ ရောက်ရှိနိုင်ပေသည်။ </p> <p>များသောအားဖြင့် ခေါင်းဆောင်၏ သားဖြစ်သူ အသက် (၃၀) ဝန်းကျင် သို့မဟုတ် ထိုထက်ကျော်မှသာ ဤကဲ့သို့ လေ့ကျင့်ပေးလေ့ရှိ၏</p> <p>သို့သော်လည်း အကြီးအကဲများအကြား တိုးတိုးတိတ်တိတ် ဆွေးနွေးနေကြ၏</p> <p> "ပိုင်ထျန်းဟမ်က သူ့ရဲ့ အမွေကို လွှဲပေးဖို့ ပြင်ဆင်နေတာပဲ ဖြစ်ရမယ်။"</p> <p> "မှန်တာပေါ့၊ မျိုးနွယ်စုခေါင်းဆောင်က အင်မော်တယ်အဆင့်ကို တက်လှမ်းတော့မယ်။ အဲဒီအချိန်ကျရင် သူက အချိန်အကြာကြီး တံခါးပိတ်ကျင့်ကြံရတော့မှာ။ အဲဒီအချိန်မှာ မျိုးနွယ်စုကို ဦးဆောင်နိုင်မဲ့ အရည်အချင်းရှိတဲ့သူ တစ်ယောက်ရှိဖို့ လိုတယ်။ ပိုင်ကျီဟန်ထက် သင့်တော်တဲ့သူ ဘယ်သူရှိဦးမှာလဲ?"</p> <p>အချို့က ပိုင်ကျီဟန်သည် ဆယ်ကျော်သက်အရွယ်သာ ရှိသေးသဖြင့် သူ၏ ရင့်ကျက်မှုမှာ ပါရမီထက် နောက်ကျနေမည်ကို စိုးရိမ်ခဲ့ကြသေးသည်။ </p> <p>တစ်ခါတစ်ရံတွင် သူသည် မျိုးနွယ်စု၏ အမြင်ထက် မိမိ၏ ကိုယ်ပိုင်ဆန္ဒအတိုင်းသာ လုပ်ဆောင်တတ်သော်လည်း၊ သူဆောင်ကြဉ်းပေးသည့် အကျိုးအမြတ်များက အားနည်းချက်များကို ဖုံးလွှမ်းသွားခဲ့သည်။</p> <p>သူ၏ ကျင့်ကြံမှုသာမက၊ သူ၏ ဉာဏ်ရည်၊ ဝေဖန်ပိုင်းခြားနိုင်မှုနှင့် ပြတ်သားသော ရက်စက်မှုတို့က သူ့ကို သဘာဝအတိုင်း ခေါင်းဆောင်ဖြစ်လာစေရန် ဖန်တီးပေးနေသကဲ့သို့ပင်။</p> <p>မျိုးနွယ်စုအတွင်း၌သာမက အင်ပါယာတစ်ခုလုံးတွင်ပင် သူ့ထက် သင့်တော်သူ မရှိနိုင်တော့ချေ။</p> <p>အချိန်ကြာလာသည်နှင့်အမျှ ဤအချက်သည် ပိုမိုထင်ရှားလာခဲ့ပြီး မျိုးနွယ်စု၏ မျိုးဆက်သစ်များပင်လျှင် မည်သည့်ကန့်ကွက်သံမျှ မထွက်ပေါ်ခဲ့ကြချေ။</p> <p> ပိုင်ထျန်းဟမ်သည် အင်မော်တယ်အဆင့်အတွက် တံခါးပိတ်ကျင့်ကြံရန် ပြင်ဆင်နေချိန်ဖြစ်၍ မျိုးနွယ်စု၏ တည်ငြိမ်မှုမှာ အလွန်အရေးကြီးသည်။ </p> <p>ထို့ကြောင့် နောက်တက်မည့် ခေါင်းဆောင်သည် လေ့ကျင့်မှုပြည့်ဝပြီး ယုံကြည်ချက်ရှိရှိ ဆုံးဖြတ်ချက်ချနိုင်သူ ဖြစ်</p> <p>ရန် လိုအပ်ပေသည်။</p> <p>ပိုင်ကျီဟန်သည် ထိုအရည်အချင်းများနှင့် ကွက်တိကိုက်ညီနေခဲ့သည်။ မည်သူမျှ သံသယမရှိ၊ မည်သူမျှ မေးခွန်းမထုတ်ခဲ့ကြချေ။ </p> <p>မျိုးနွယ်စု၏ အစဉ်အလာအရ ဆက်ခံမှုမှာ ပိုမိုခိုင်မာသွားခဲ့ချေပြီ</p> <p> ဤသည်မှာ ရှောင်လွှဲ၍မရသော ကံကြမ္မာတစ်ခုကဲ့သို့ ဖြစ်လာခဲ့သည်။</p> <p>အကြီးအကဲများနှင့် မျိုးနွယ်စုခွဲ ခေါင်းဆောင်များ၏ ရင်ထဲတွင် တူညီသော အတွေးတစ်ခုသာ ရှိနေခဲ့သည် -သူ့ထက် ပိုပြီး သင့်တော်သောသူ တစ်ယောက်မှ ရှိလာတော့မည် မဟုတ်ဘူး ဟူ၍ပင်</p> <p>ဤသည်မှာ ပိုင်မျိုးနွယ်စုအနေဖြင့်  အသင့်တော်ဆုံးနှင့် အမှန်ကန်ဆုံးသော ရွေးချယ်မှုဖြစ်သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save