Book List

<h2 style="text-align: center;">Chapter 2</h2> <h2 style="text-align: center;">ချူရှင်းဟီ ရောက်လေရာ အရပ်မှာ ရတနာပုံ ဆိုက်ရမယ်</h2> <h2 style="text-align: center;">*</h2> <p> </p> <p> </p> <p>မန်နေဂျာ ရွှီဟာ ဆရာဘိုးဘိုးကိုယ်တိုင် ရာထူးတိုးပေးထားတဲ့သူ ဖြစ်တာကြောင့် မန်နေဂျာတွေ အများကြီးထဲမှာတောင် သူ့ရဲ့ အဆင့်အတန်းက အတော်လေး မြင့်မားပါတယ်။</p> <p>ဒါပေမဲ့ ဒီနေ့မှာတော့ မန်နေဂျာရွှီ တစ်ယောက် တကယ်ကို စိတ်မသက်မသာ ဖြစ်နေရပါပြီ။</p> <p>ဥက္ကာခဲသံတွင်းရဲ့ အထွေထွေမန်နေဂျာ ဖြစ်တာကြောင့် သံတွင်းရဲ့ အခြေအနေမှန်ကို သူ အသိဆုံးပါ။</p> <p>သံတွင်းက စည်ကားလှတဲ့ ရုံမြို့တော်မှာ တည်ရှိတယ်ဆိုပေမဲ့ သံတွင်းက အလုပ်တွေက အရမ်းပင်ပန်းပြီး လူတိုင်းဟာ မနားမနေ အလုပ်လုပ်ကြရပါတယ်။</p> <p>ဒါကြောင့်လည်း မန်နေဂျာရွှီဟာ လူတိုင်း နည်းနည်းပါးပါး ခိုးစားတာမျိုးကို သိလျက်နဲ့ ခွင့်ပြုထားခဲ့တာပါ။</p> <p>လွန်ခဲ့တဲ့ တစ်နှစ်က ဂိုဏ်းချုပ်ကြီး ကိုယ်တိုင် တောင်ဘက်ပိုင်းကို လာစစ်တုန်းကလည်း ဥက္ကာခဲသံတွင်းကို လာခဲ့ပါသေးတယ်။ ဂိုဏ်းချုပ်ကြီးလို လူစားမျိုးက သံတွင်းမှာ ဒီလိုကိစ္စတွေ ရှိနေတာကို မသိဘဲ နေပါ့မလား။</p> <p>ဒါပေမဲ့ အဲဒီတုန်းက ဂိုဏ်းချုပ်ကြီးဟာ ဘာမှ အများကြီး မပြောခဲ့ဘဲ မှာကြားသွားခဲ့ပါတယ်။</p> <p> "အတိုင်းအတာတစ်ခုအထိပဲ ထိန်းထိန်းသိမ်းသိမ်း လုပ်ကြချေ"</p> <p>တကယ်လို့ ဒီနေ့ လာစစ်တဲ့သူက ဆရာဘိုးဘိုး ဒါမှမဟုတ် ဂိုဏ်းချုပ်ကြီးသာ ဆိုရင် မန်နေဂျာရွှီအနေနဲ့ ဘာမှ စိုးရိမ်စရာ ရှိမှာမဟုတ်ပါဘူး။</p> <p>ဘာလို့လဲဆိုတော့ မဟာမိုးကောင်းကင်ဂိုဏ်းထဲမှာ ဘာကိုလုပ်လို့ရတယ်၊ ဘာကို မလုပ်သင့်ဘူးဆိုတာကို သူ ကောင်းကောင်း နားလည်ထားလို့ပါ။</p> <p>ဆရာဘိုးဘိုး ဒါမှမဟုတ် ဂိုဏ်းချုပ်ကြီးသာ ဆိုရင် စာရင်းအင်းစာအုပ်တွေထဲမှာ ပြဿနာတချို့ကို တွေ့ရင်တောင်မှ၊ ဒီလုပ်ငန်းရဲ့ နောက်ကွယ်က ခက်ခဲနက်နဲမှုတွေကို သူတို့ နားလည်ပေးကြမှာ အသေအချာပါပဲ။</p> <p>တကယ်လို့ သူတို့မှာ အမြင်မတော်တာ တစ်ခုခု ရှိခဲ့ရင်တောင်မှ မန်နေဂျာရွှီကို အလွန်ဆုံး ဆူပူကြိမ်းမောင်းရုံနဲ့တင် ကိစ္စက ပြတ်သွားမှာပါ။</p> <p>ဒါပေမဲ့ ပြဿနာက... အခုလာတာက ဂိုဏ်းချုပ်ကြီးလည်း မဟုတ်၊ ဆရာဘိုးဘိုးလည်း မဟုတ်ဘဲ ချူရှင်းဟီ ဖြစ်နေတာပါပဲ။</p> <p>ဒါဟာ မန်နေဂျာရွှီကို ထိတ်လန့်သွားစေတဲ့ အချက်ပါပဲ။</p> <p>မန်နေဂျာတစ်ယောက်အနေနဲ့ ရှင်းဟီဟာ မဟာမိုးကောင်းကင်ဂိုဏ်းအတွက် ဘာကို ကိုယ်စားပြုသလဲဆိုတာ သူ ကောင်းကောင်း သိပါတယ်။</p> <p>အဲဒါကတော့ ဂိုဏ်းရဲ့ "အနာဂတ်" ပါပဲ။</p> <p>ဂိုဏ်းထဲမှာ အကြီးအကဲတစ်ယောက်၊ ဒါမှမဟုတ် ဆရာဘိုးဘိုးကိုတောင် သွားပြီး ပြစ်မှားမိရင် နည်းလမ်းတစ်ခုခုနဲ့ ဖြေရှင်းလို့ ရနိုင်ပါသေးတယ်။</p> <p>ဒါပေမဲ့ ရှင်းဟီကို သွားပြီး ပြစ်မှားမိရင်တော့... မင်းဘဝကတော့ သွားပြီလို့သာ မှတ်လိုက်ရတော့မှာပါ။</p> <p>မန်နေဂျာရွှီရဲ့ စိုးရိမ်နေမှုကတော့ ဒါပါပဲ။ ဂိုဏ်းချုပ်ကြီးနဲ့ ဆရာဘိုးဘိုးတို့လို ပုဂ္ဂိုလ်ကြီးတွေက သံတွင်းရဲ့ အရှုပ်အထွေးတွေကို နားလည်ပြီး ဘယ်လိုကိုင်တွယ်ရမလဲဆိုတာ သိကြပေမဲ့၊ ရှင်းဟီကတော့ ငယ်သေးတယ် မဟုတ်လား။</p> <p>စကားပုံတစ်ခု ရှိတယ်မလား။ "လူငယ်တွေက အလုပ်လုပ်တဲ့အခါ စိတ်လိုက်မာန်ပါ ရှိတတ်ကြတယ်" ဆိုတာလေ။</p> <p>အစတုန်းက ဂိုဏ်းတစ်ခုလုံး အတိုင်းအတာနဲ့ဆိုရင် သံတွင်းက ပြဿနာတချို့က ဘာမှ မဟုတ်ပေမဲ့၊ အင်အားအပြည့်ရှိနေတဲ့ လူငယ်လေး ရှင်းဟီကသာ တကယ်တမ်း အကြီးအကျယ် ပြဿနာရှာတော့မယ်ဆိုရင်တော့ ဥက္ကာခဲသံတွင်း တစ်ခုလုံး တကယ်ကို ဒုက္ခရောက်တော့မှာပါ။</p> <p>တကယ်လို့သာ ရှင်းဟီအနေနဲ့ သံတွင်းက လက်သိပ်ထိုးမှုတွေကို အမိအရ ဆုပ်ကိုင်ပြီး အလျှော့မပေးဘဲ အထက်ကို တင်ပြလိုက်မယ်ဆိုရင်တော့... မန်နေဂျာရွှီဟာ ဆရာဘိုးဘိုးရဲ့ လူယုံဖြစ်နေရင်တောင်မှ၊ ဆရာဘိုးဘိုးကလည်း ရှင်းဟီ့မျက်နှာကြောင့် တွန့်ဆုတ်မနေဘဲ ပြင်းပြင်းထန်ထန် အရေးယူလိမ့်မယ်လို့ မန်နေဂျာရွှီ ယုံကြည်နေပါတယ်။</p> <p>ဘာပဲဖြစ်ဖြစ် ဒါက ရှင်းဟီ ဂိုဏ်းချုပ်ကြီးကိုယ်စား ပထမဆုံးအကြိမ် နယ်လှည့်စစ်ဆေးတာလေ။ ဒါက ရှင်းဟီရဲ့ ဂုဏ်သိက္ခာနဲ့ ပတ်သက်နေတာမို့၊ ရှင်းဟီ တင်ပြလာတဲ့ ပြဿနာမှန်သမျှဟာ သေးသည်ဖြစ်စေ၊ ကြီးသည်ဖြစ်စေ အကြီးမားဆုံး ပြဿနာအဖြစ် သတ်မှတ်ခံရမှာပါ။</p> <p>သာမန်အချိန်မှာ ဘာမှမဟုတ်တဲ့ ပြဿနာတွေတောင်မှ အခုအချိန်မှာ တင်ပြခံရရင်တော့ ကံဆိုးမိုးမှောင်ကျပြီး အထိနာသွားမှာ အသေအချာပါပဲ။</p> <p>ဒါပေမဲ့... အင်အားအပြည့်နဲ့ ရှင်းဟီက သံတွင်းက ပြဿနာအားလုံးကို တိုင်တောပြီး လူတိုင်းကို ဒုက္ခပေးတော့မယ်လို့ မန်နေဂျာရွှီ စိုးရိမ်နေတုန်းမှာပဲ၊ ရှင်းဟီက စာရင်းစာအုပ်တစ်အုပ်ကို အမှတ်မထင် ကောက်ယူလိုက်တာကို မြင်လိုက်ရပါပြီ။ နောက်တစ်ခဏမှာတော့ ရှင်းဟီရဲ့ လက်ထဲကနေ မီးတောက်တစ်ခု ထွက်ပေါ်လာပြီး စာရင်းစာအုပ်ကို ပြာဖြစ်သွားအောင် မီးရှို့လိုက်ပါတော့တယ်။</p> <p>ဒီမြင်ကွင်းကို ကြည့်ပြီး မန်နေဂျာရွှီတင် ကြောင်အသွားတာ မဟုတ်ဘဲ တာဝန်ခံအားလုံးပါ ဆွံ့အကုန်ကြပါပြီ။</p> <p>အခုနတုန်းက စာရင်းစာအုပ်တွေ တောင်ပုံရာပုံ ရှိနေတာကို မြင်လိုက်ရတဲ့အခါ လူတိုင်းရဲ့ ပထမဆုံးအတွေးကတော့ ရှင်းဟီဟာ ဒီစာရင်းစာအုပ်တွေကို အသုံးချပြီး ပြဿနာရှာတော့မယ်ဆိုတာပါပဲ။</p> <p>လူတိုင်း ဒုက္ခရောက်တော့မယ်လို့ ထင်နေကြတာပါ။</p> <p>ဒါပေမဲ့ ဘယ်သူက ထင်မှာလဲ... ရှင်းဟီက စာရင်းစာအုပ်တွေကို သေသေချာချာတောင် မကြည့်ဘဲ လူတိုင်းရဲ့ ရှေ့တင် မီးရှို့ပစ်လိုက်လိမ့်မယ်လို့။</p> <p>ဥက္ကာခဲသံတွင်းကလူတွေ နေနေသာသာ မာလင်း တောင်မှ မှင်သက်သွားခဲ့ပါတယ်။</p> <p>မာလင်းက ဂိုဏ်းတူအစ်ကိုကြီး ရှင်းဟီအနေနဲ့ ဥက္ကာခဲသံတွင်းရဲ့ ကိစ္စတွေကို ဘယ်လိုကိုင်တွယ်မလဲဆိုတာကိုပဲ စဉ်းစားနေခဲ့တာပါ။</p> <p>မာလင်းရဲ့ အမြင်မှာတော့ အုပ်စုတစ်စုကို အရေးယူပြီး နောက်အုပ်စုတစ်စုကို သတိပေးတာမျိုးက ပိုပြီး သင့်တော်တဲ့ နည်းလမ်းလို့ ထင်ခဲ့ပေမဲ့၊ အခုတော့ ဂိုဏ်းတူအစ်ကိုကြီး ရှင်းဟီက ဘာတစ်ခွန်းမှ မပြောဘဲ အကုန်လုံးကို မီးရှို့လိုက်ပြီလား။ ဒါက ဘာကို ဆိုလိုတာလဲ။</p> <p>"မန်နေဂျာရွှီ... သံတွင်းမှာ အလုပ်တွေ အများကြီး ရှိနေတာပဲ။ လူတိုင်းလည်း ပင်ပင်ပန်းပန်း အလုပ်လုပ်ခဲ့ကြရပါတယ်။ ဒီတစ်ခါ ဂိုဏ်းချုပ်ကြီးက ကြီးမားလှတဲ့ မေတ္တာကရုဏာနဲ့ ငါ့ကို နေရာအနှံ့ စစ်ဆေးဖို့ လွှတ်လိုက်တာပါ။ စစ်ဆေးရေးလို့ ဆိုပေမဲ့ ငါချူရှင်းဟီက ငယ်သေးသလို အတွေ့အကြုံလည်း မရှိသေးပါဘူး။ တကယ်တော့ ဒါက ဂိုဏ်းချုပ်ကြီးက ငါ့ကို နေရာအနှံ့ကနေ သင်ခန်းစာတွေ ယူစေချင်တဲ့ အခွင့်အရေးတစ်ခုပါပဲ။"</p> <p>"ဥက္ကာခဲသံတွင်းဟာ ငါတို့ မဟာမိုးကောင်းကင်ဂိုဏ်းရဲ့ အရေးပါတဲ့ လုပ်ငန်းတစ်ခုပါ။ မန်နေဂျာရွှီရဲ့ ဦးဆောင်မှုအောက်မှာ ဥက္ကာခဲသံတွင်းဟာ နှစ်စဉ် အကဲဖြတ်မှုတွေမှာ အကောင်းဆုံးတွေထဲက တစ်ခုအဖြစ် ရပ်တည်နိုင်ခဲ့ပါတယ်။ လူတိုင်းရဲ့ ကြိုးစားအားထုတ်မှုနဲ့ ပေးဆပ်မှုတွေကို ဂိုဏ်းက မြင်ပါတယ်။"</p> <p>"ဒီစာရင်းစာအုပ်တွေနဲ့ ပတ်သက်လို့တော့... ငါဒါတွေကို နားမလည်ပါဘူး၊ ဒါကြောင့် ဆက်ပြီး မကြည့်တော့ပါဘူး။ ဒီနေ့မှာ မတော်တဆ ဒီစာရင်းစာအုပ်တွေကို မီးရှို့မိသွားတယ်၊ ဒါကြောင့် လူတိုင်းကို ဒုက္ခပေးပြီးတော့ စာရင်းသစ်တွေ ပြန်လုပ်ခိုင်းရပါလိမ့်မယ်။"</p> <p>"စကားပုံ ရှိတယ်မလား... 'ကောင်းရင် ဆုပေး၊ မှားရင် အပြစ်ပေး' ရမယ်ဆိုတာလေ။ လွန်ခဲ့တဲ့ နှစ်နှစ်အတွင်းမှာ ဂိုဏ်းရဲ့ အခြေအနေတွေ တိုးတက်လာခဲ့ပြီး ဂိုဏ်းသားတွေအတွက် အရင်းအမြစ်တွေကလည်း တောက်လျှောက် တိုးပွားလာခဲ့တယ်"</p> <p> </p> <p> </p> <p>"ဒါပေမဲ့ အရင်တုန်းကတော့ ငါ့ရဲ့စဉ်းစားဆင်ခြင်မှုက မပြည့်စုံခဲ့ပါဘူး။ ငါတို့မဟာမိုးကောင်းကင်ဂိုဏ်းမှာ အတွင်းစည်း တပည့်၊ အပြင်စည်းတပည့်နဲ့ သတ္ထုတူးဖော်ရေးတပည့်တွေတင်မကဘဲ၊ နယ်ပယ်အသီးသီးမှာ ပင်ပင်ပန်းပန်း လုပ်ကိုင်နေကြတဲ့ မရေမတွက်နိုင်တဲ့ တာဝန်ခံတွေ၊ မန်နေဂျာတွေနဲ့ တပည့်တွေလည်း ရှိနေတာပဲ။ အားလုံး စိတ်ချပါ... ဒီတစ်ခါ ဂိုဏ်းကိုပြန်ရောက်ရင် အားလုံးအတွက် ငါဂုဏ်ပြုဆုတွေ တောင်းပေးပါ့မယ်။"</p> <p>"ရှေ့လကစပြီး မန်နေဂျာတွေ၊ တာဝန်ခံတွေအပါအဝင် မဟာမိုးကောင်းကင်ဂိုဏ်းအတွက် အကျိုးပြုနေတဲ့သူတိုင်းရဲ့ ရပိုင်ခွင့်တွေကို နှစ်ဆ တိုးပေးပါ့မယ်။"</p> <p>ချူရှင်းဟီ စကားပြောလို့လည်း အဆုံး၊ အခန်းတစ်ခုလုံး လုံး၀ ငြိမ်သက် တိတ်ဆိတ်သွားပါတော့တယ်။</p> <p>တာဝန်ခံတွေရော မန်နေဂျာရွှီ ပါ မျက်လုံးပြူးပြီး ချူရှင်းဟီ့ကို ကြည့်နေကြပါတယ်။</p> <p>ခုနတုန်းက အခန်းထဲ မဝင်ခင်အထိတော့ လူတိုင်းဟာ မုန်တိုင်းထန်တဲ့ ပြဿနာတွေနဲ့ ရင်ဆိုင်ရတော့မယ် ဆိုပြီး ပြင်ဆင်ထားခဲ့တာပါ။ ဒါပေမဲ့ သူတို့ကို စောင့်ကြိုနေတာက မုန်တိုင်းမဟုတ်ဘဲ အကြီးအကျယ် ချမ်းသာမယ့် အခွင့်အရေးကြီး ဖြစ်နေလိမ့်မယ်လို့ အိပ်မက်တောင် မမက်ခဲ့ကြပါဘူး။</p> <p>မန်နေဂျာရွှီရဲ့ မျက်လုံးတွေကတော့ အခုချိန်မှာ နွားမျက်လုံးလောက်ရှိအောင် ပြူးထွက်နေပါပြီ။</p> <p>တကယ်တော့ ဒီထဲမဝင်ခင်တုန်းက ရှင်းဟီဟာ လူငယ်ပီပီ စိတ်လိုက်မာန်ပါ လုပ်မလားဆိုပြီး သူ စိုးရိမ်နေခဲ့တာလေ။</p> <p>ဘာပဲဖြစ်ဖြစ် လျိုကျန့် ရဲ့ ကိစ္စကို ကိုင်တွယ်ပုံကိုကြည့်ရင် ချုရှင်းဟီဟာ အမှားအယွင်း အစွန်းအထင်းကို လုံးဝ လက်မခံတဲ့သူဆိုတာ သိသာနေတာပဲ မဟုတ်လား။</p> <p>အဲဒီတော့ ဒီလောက်အထိ စည်းကမ်းကြီးတဲ့ ချူရှင်းဟီက ဒီစာရင်းတွေကိုရော စည်းမျဉ်းအတိုင်း တိတိကျကျ ကိုင်တွယ်တော့မလားလို့ ထင်မိခဲ့ပါတယ်။</p> <p>တကယ်လို့သာ အဲဒီအတိုင်းဆိုရင်တော့ ဥက္ကာခဲသံတွင်းကလူတွေ ကံဆိုးမိုးမှောင်ကျပြီလို့သာ မှတ်လိုက်ရတော့မှာပါ။</p> <p>ဒါပေမဲ့ ရှင်းဟီက သံတွင်းရဲ့ ပြဿနာတွေကို အရေးမယူရုံတင်မကဘဲ၊ လူတိုင်းရဲ့ ရပိုင်ခွင့်တွေကို နှစ်ဆတိုးပေးဖို့ပါ ကိုယ်တိုင် အဆိုပြုလာလိမ့်မယ်လို့ မန်နေဂျာရွှီ ဘယ်တုန်းကမှ မထင်ထားခဲ့ပါဘူး။</p> <p>သိကြတဲ့အတိုင်း မဟာမိုးကောင်းကင်ဂိုဏ်းမှာ လုပ်ငန်းတွေ အများကြီးရှိသလို၊ အဲဒီအောက်မှာ အလုပ်လုပ်နေတဲ့သူတွေကလည်း မရေမတွက်နိုင်အောင်ပါပဲ။ ဒါပေမဲ့ သူတို့ရဲ့ အခြေအနေနဲ့ ခံစားခွင့်တွေက ဂိုဏ်းရဲ့ အတွင်းစည်း တပည့်တွေကို မပြောနဲ့၊ အပြင်စည်းတပည့်တွေကိုတောင် မမီပါဘူး။</p> <p>အရင်တုန်းက ရှင်းဟီက သတ္ထုတူးဖော်ရေး တပည့်တွေရဲ့ ခံစားခွင့်ကို အကြီးအကျယ် တိုးပေးလိုက်ပြီးတဲ့နောက်မှာတောင်မှ တာဝန်ခံအတော်များများရဲ့ ရပိုင်ခွင့်တွေက သတ္ထုတူးဖော်ရေး တပည့်တွေထက်တောင် နည်းနေတာကို တွေ့ခဲ့ကြရပါတယ်။</p> <p>တာဝန်ခံတွေလည်း လူသားတွေပဲ မဟုတ်ပါလား။ သူတို့လည်း ခံစားခွင့်တွေ တိုးပေးဖို့ မန်နေဂျာရွှီဆီကို ခဏခဏ တောင်းဆိုခဲ့ကြဖူးပါတယ်။</p> <p>မန်နေဂျာရွှီလည်း ဂိုဏ်းကို တင်ပြပေးခဲ့ဖူးပေမဲ့ ဘာမှ ထူးခြားမလာခဲ့ပါဘူး။</p> <p>ဒါပေမဲ့ ဒီနေ့မှာတော့ ရှင်းဟီက သူတို့ရဲ့ အရှုပ်အထွေးတွေကို အပြစ်မပေးရုံတင်မကဘဲ၊ ရှေ့လကစပြီး အားလုံးရဲ့ ခံစားခွင့်ကို နှစ်ဆတိုးပေးမယ်လို့ တွန့်ဆုတ်မနေဘဲ ပြောလိုက်လိမ့်မယ်လို့ ဘယ်သူက မျှော်လင့်ထားမှာလဲ။</p> <p>တကယ်လို့ ဒီစကားကို အကြီးအကဲတစ်ယောက်ကသာ ပြောတာဆိုရင် မန်နေဂျာရွှီအနေနဲ့ ဖြစ်နိုင်ပါ့မလားလို့ သံသယဝင်မိမှာပါ။ ဒါပေမဲ့ ဒါက ရှင်းဟီ ပြောတာလေ... ဘယ်သူက သံသယဝင်ရဲမှာလဲ။</p> <p>ဂိုဏ်းသားတွေရဲ့ ခံစားခွင့် တိုးပေးတိုင်းမှာ ရှင်းဟီပဲ အဆိုပြုခဲ့တာဖြစ်ပြီး ဘယ်တုန်းကများ အဟန့်အတား ရှိခဲ့ဖူးလို့လဲ။</p> <p>ဒါကြောင့် ရှင်းဟီက တိုးပေးမယ်လို့ ပြောရင်တော့ သေချာပေါက် နှစ်ဆ တိုးလာတော့မှာပါပဲ။</p> <p>တာဝန်ခံတွေအားလုံး အခုတော့ မျက်လုံးပြူးကျယ်နေကြပါပြီ။</p> <p>တာဝန်ခံဖြစ်လာသူ အများစုရဲ့ တန်ခိုးကျင့်စဉ်အခြေခံက သိပ်မကောင်းတာကြောင့်ရယ် ဂိုဏ်းအတွင်း ရှေ့ဆက်ဖို့ တက်လမ်းမမြင်တော့ဘူးလို့ ကောက်ချက်ချခံရပြီး နေရာအနှံ့မှာ တာဝန်ခံတွေအဖြစ် ခန့်အပ်ခံရသူတွေပါ။</p> <p>အရင်တုန်းကတော့ မဟာမိုးကောင်းကင်ဂိုဏ်းရဲ့ တာဝန်ခံတစ်ယောက်ဖြစ်ရတာ မဆိုးလှပါဘူး။ အတွင်းစည်း တပည့်ကို မမီပေမဲ့ အပြင်စည်းတပည့်တွေထက်တော့ အများကြီး သာလွန်ပါသေးတယ်။</p> <p>ဒါပေမဲ့ လွန်ခဲ့တဲ့ နှစ်နှစ်အတွင်းမှာတော့ အပြင်စည်းတပည့်တွေရဲ့ ခံစားခွင့်က အရင်က အတွင်းစည်း တပည့်တွေရဲ့ အဆင့်ကို ကျော်လွန်သွားသလို၊ သတ္ထုတူးဖော်ရေး တပည့်တွေရဲ့ ရပိုင်ခွင့်ကတောင် တာဝန်ခံတွေထက် သာသွားခဲ့ပါတယ်။</p> <p>တာဝန်ခံတွေဟာ မေ့လျော့ခံထားရတဲ့ အုပ်စုတစ်ခုလို ဖြစ်နေလို့ သူတို့လည်း စိတ်မကောင်း ဖြစ်နေခဲ့ကြတာပါ။</p> <p>"ငါတို့လည်း မဟာမိုးကောင်းကင်ဂိုဏ်းသားတွေပဲလေ။ ဂိုဏ်းထဲမှာ မရှိပေမဲ့ ဂိုဏ်းအတွက် အလုပ်အကျွေး ပြုနေတာပဲ၊ ဘာလို့ ငါတို့ကို ဘယ်သူမှ ဂရုမစိုက်ကြတာလဲ။"</p> <p>ဒါပေမဲ့ ဒီနေ့ ရှင်းဟီ ရောက်လာတဲ့အခါမှာတော့ အားလုံးက ပြဿနာရှာဖို့ လာတာလို့ ထင်ခဲ့ကြပေမဲ့၊ ရှင်းဟီက ပြဿနာမှန်သမျှကို မီးရှို့ဖျောက်ပစ်လိုက်ရုံတင်မကဘဲ လူတိုင်းရဲ့ ခံစားခွင့်ကိုပါ ချက်ချင်း နှစ်ဆတိုးပေးလိုက်ပါတယ်။</p> <p>"ရှင်းဟီ ရောက်လေရာ အရပ်မှာ ရတနာပုံ ဆိုက်ရမယ်" ဆိုတဲ့ စကားကို အရင်က တာဝန်ခံတွေ မယုံခဲ့ကြပါဘူး။ ဒါပေမဲ့ အခုချိန်မှာတော့ ဒါက ကောလာဟလ မဟုတ်ဘဲ အမှန်တရားဆိုတာ သူတို့ လက်ခံသွားကြပါပြီ။</p> <p>စိတ်လှုပ်ရှားမှုကြောင့် မျက်လုံးတွေ နီရဲနေတဲ့ တာဝန်ခံတွေကို ကြည့်ပြီး မန်နေဂျာရွှီလည်း မှင်သက်နေမိပါတယ်။ ခုနတုန်းက သူ စိုးရိမ်ခဲ့တာတွေဟာ လုံးဝ မှားယွင်းနေပြီဆိုတာကို သဘောပေါက်သွားပါပြီ။</p> <p>ရှင်းဟီက ငယ်တာတော့ မှန်ပေမဲ့၊ သူ့ရဲ့ လုပ်ပုံ ကိုင်ပုံ နည်းလမ်းတွေကိုတော့ မန်နေဂျာရွှီ တကယ့်ကို အထင်ကြီးမိခဲ့ပါတယ်။</p> <p>ဒီနေ့မှာ ရှင်းဟီက သံတွင်းက အရှုပ်အထွေးတွေကို တစ်ခွန်းမှ မဟခဲ့ပါဘူး။ ဒါပေမဲ့ ရှင်းဟီ မသိလို့ မဟုတ်ဘဲ သူတို့ကို ခွင့်လွှတ်ပေးလိုက်တာဆိုတာ လူတိုင်း ရင်ထဲမှာ သိနေကြပါတယ်။</p> <p>ပြီးတော့ ခံစားခွင့်ကိုပါ တိုက်ရိုက် နှစ်ဆတိုးပေးလိုက်သေးတယ်လေ။</p> <p>ဒါကိုပဲ မေတ္တာနဲ့ အာဏာကို ပေါင်းစပ် ကိုင်တွယ်ခြင်းလို့ ခေါ်တာ မဟုတ်လား။</p> <p>အခုတော့ မန်နေဂျာရွှီတစ်ယောက် လုံးဝကို ကျေနပ် အားရသွားပါတော့တယ်။</p> <p>ရှင်းဟီက ငယ်ပေမဲ့ သူ့ရဲ့ လုပ်ပုံကိုင်ပုံတွေက တကယ်ကို ပါးနပ်လွန်းလှတယ် မဟုတ်ပါလား။</p> <p> </p> <p>ဒါကြောင့်လည်း ရှင်းဟီက ဂိုဏ်းထဲမှာ ဒီလိုအဆင့်အတန်းမျိုး ရှိနေတာကိုး။ မဆန်းတော့ပါဘူး။ မေးကြည့်လိုက်ပါဦး... ဒီလိုရှင်းဟီကို ဘယ်သူက မချစ်ဘဲ နေနိုင်မှာလဲ။</p> <p>တာဝန်ခံတစ်စုလုံးဟာ တစ်ယောက်ပြီးတစ်ယောက် ဒူးထောက်လိုက်ကြပြီး ဂိုဏ်းတူအစ်ကိုကြီး ရှင်းဟီ ကို အလုအယက် ကျေးဇူးတင်စကား ဆိုကြပါတော့တယ်။</p> <p>ချူရှင်းဟီ ကလည်း လူတိုင်းကို အမြန်ပဲ ထူပေးလိုက်ပါပြီ။ တစ်ဆက်တည်းမှာပဲ တာဝန်ခံတွေကို မှာကြားလိုက်ပါတယ်။</p> <p>“စာရင်းစာအုပ်တွေ မီးလောင်သွားပြီဆိုပေမဲ့ နှစ်ကုန်ရင်တော့ ဂိုဏ်းကို အစီရင်ခံစာ တင်ရဦးမှာပဲ”</p> <p>“ဒါကြောင့် စာရင်းစာအုပ်တွေကို ဘာအမှားအယွင်းမှမရှိဘဲ သန့်သန့်ရှင်းရှင်း သပ်သပ်ရပ်ရပ် ဖြစ်နေအောင် ပြန်လုပ်ဖို့ အားစိုက်ကြပါ”</p> <p>စာနာပေးသလိုနဲ့ မှာကြားနေတဲ့ ရှင်းဟီ့ကို ကြည့်ပြီး တာဝန်ခံတွေကတော့ ဆန်စပါးကောက်နေတဲ့ ကြက်ပေါက်စလေးတွေလို ခေါင်းညိတ်နေကြပါပြီ။ ဒါကို ကြည့်ရင်း ရှင်းဟီ့မျက်နှာမှာ ကျေနပ်တဲ့အရိပ်အယောင်တွေ ပေါ်လာပါတယ်။</p> <p>(ဂိုဏ်းရဲ့ အရင်းအမြစ် တချို့တလေကို ယူမိတာပဲ မဟုတ်လား။ မင်းတို့မလဲ ကြောက်နေလိုက်ကြတာ။ ဂိုဏ်းတူအစ်ကိုကြီး ရှင်းဟီက မင်းတို့ ဂိုဏ်းရဲ့ အရင်းအမြစ်တွေကို သုံးစွဲပစ်တာကို စိတ်ထဲထားမယ် ထင်နေလား။)</p> <p>(ဂိုဏ်းတူအစ်ကိုကြီး ရှင်းဟီက စိတ်မရှိရုံတင်မကဘူး၊ နောက်နှစ်မှာလည်း မင်းတို့ ဒီထက်ပိုပြီး ကြိုးစား (ဖြုန်းတီး) ပေးကြဖို့တောင် မျှော်လင့်နေတာပါ။)</p> <p>ဒါ့အပြင် ဒီတစ်ခါ တောင်ဘက်စစ်ဆေးရေး ခရီးစဉ်မှာ ချူရှင်းဟီ သဘောပေါက်သွားတာကတော့ သူအရင်တုန်းက ဘယ်လောက်တောင် မိုက်မဲခဲ့သလဲဆိုတာပါပဲ။</p> <p>(ငါက အတွင်းစည်း တပည့်၊ အပြင်စည်းတပည့်နဲ့ သတ္ထုတူးဖော်ရေး တပည့်တွေရဲ့ ခံစားခွင့်တွေကို အကြီးအကျယ် တိုးပေးဖို့ပဲ စဉ်းစားခဲ့မိပြီး၊ ဂိုဏ်းအောက်က မရေမတွက်နိုင်တဲ့ လုပ်ငန်းတွေမှာ ပင်ပင်ပန်းပန်း လုပ်ကိုင်နေကြတဲ့ တာဝန်ခံတွေနဲ့ ဂိုဏ်းသားတွေကို လုံးဝ မေ့လျော့နေခဲ့တာကိုး။)</p> <p>(သူတို့တွေက ဂိုဏ်းထဲမှာ မရှိကြပေမဲ့ အားလုံးဟာ ဂိုဏ်းအတွက် ပင်ပင်ပန်းပန်းနဲ့ အလုပ်အကျွေး ပြုနေကြတာပဲ။ တစ်ခါတလေ ဂိုဏ်းရဲ့ အရင်းအမြစ်လေးတွေ ယူတာကလွဲရင် သူတို့တွေ ကြိုးကြိုးစားစား အလုပ်လုပ်နေကြတာ မဟုတ်လား။)</p> <p>(တခြားတပည့်တွေ အားလုံးက ခံစားခွင့်တွေ တိုးရနေကြတာပဲ၊ အဲဒီတော့ သူတို့ရဲ့ ရပိုင်ခွင့်ကို နှစ်ဆတိုးပေးတာက တကယ်ကို သဘာ၀ကျတာပေါ့။)</p> <p>ဒါတင်မကသေးဘူး။ သူတို့ရဲ့ အရေအတွက်က အတွင်းစည်း တပည့်နဲ့ အပြင်စည်းတပည့် စုစုပေါင်းထက်တောင် အများကြီး ပိုများပါတယ်။ တစ်လောကလုံးမှာရှိတဲ့ မဟာမိုးကောင်းကင်ဂိုဏ်းရဲ့ လုပ်ငန်းတွေအောက်မှာ လူဦးရေ ဘယ်လောက်တောင် များပြားမလဲဆိုတာ ချူရှင်းဟီတောင် ခန့်မှန်းလို့ မရပါဘူး။</p> <p>လူတိုင်းရဲ့ ခံစားခွင့်ကို နှစ်ဆတိုးပေးလိုက်မယ်ဆိုရင် ဒီတစ်ချီတော့ ဂိုဏ်းအနေနဲ့ ဘယ်လောက်တောင် ဆုံးရှုံးသွားမလဲဆိုတာ တွေးကြည့်ရုံနဲ့တင် သိနိုင်ပါတယ်။</p> <p>ဘေးမှာရပ်နေတဲ့ မာလင်း ကတော့ မျက်လုံးတွေ ပြူးကျယ်နေပါပြီ။</p> <p>"ဂိုဏ်းတူအစ်ကိုကြီး ရှင်းဟီ... ဘာတွေ လုပ်နေတာလဲဟင်။ ကျွန်တော် မာလင်းကတော့ လုံးဝကို နားမလည်တော့ဘူး။"</p> <p>(သူတို့က ဂိုဏ်းပစ္စည်းတွေကို ခိုးယူထားတာလေ၊ အဲဒါကို အစ်ကိုကြီးက အပြစ်မပေးတဲ့အပြင် ဘာတစ်ခွန်းမှ မပြောဘဲ ခံစားခွင့်ကိုပါ နှစ်ဆတိုးပေးလိုက်တယ် ဟုတ်လား။ ဒါက သူတို့ကို ပိုပြီးတော့ လက်ရဲဇက်ရဲ လုပ်လာအောင် အားပေးနေတာ မဟုတ်ဘူးလား။)</p> <p>ပြီးတော့ ဂိုဏ်းတူအစ်ကိုကြီး... တစ်ကမ္ဘာလုံးမှာရှိတဲ့ ဂိုဏ်းရဲ့ လုပ်ငန်းခွဲတွေက လူအားလုံးကို ခံစားခွင့် နှစ်ဆတိုးပေးဖို့ဆိုတာ ဘယ်လောက်တောင် ကုန်ကျစားရိတ် များသွားမလဲ။ တွက်ကြည့်ပြီးပြီလား။</p> <p>မာလင်းဟာ ဂိုဏ်းတူအစ်ကိုကြီး ရှင်းဟီရဲ့ ရည်ရွယ်ချက်က ဘာလဲဆိုတာကို ဦးနှောက်ခြောက်မတတ် စဉ်းစားနေမိပါပြီ။</p> <p>ဒါပေမဲ့ မာလင်း အသည်းအသန် စဉ်းစားနေတုန်းမှာပဲ... သူ့ကို ပိုပြီးတော့ အံ့ဩသွားစေမယ့် ကိစ္စတစ်ခု ထပ်ဖြစ်လာပါတော့တယ်။</p> <p> </p> <p style="text-align: center;">***</p>


Save