Book List

<h2 style="text-align: center;">Chapter 3</h2> <h2 style="text-align: center;">ဒါက ဂိုဏ်းတူအစ်ကိုကြီး ရှင်းဟီ ဆိုလိုတဲ့ အဓိပ္ပာယ်ကိုး</h2> <h2 style="text-align: center;">*</h2> <p> </p> <p> </p> <p>ရှေ့လကစပြီး လူတိုင်းရဲ့ လစာကို နှစ်ဆတိုးပေးမယ်ဆိုတဲ့ ဂိုဏ်းတူအစ်ကိုကြီး ချူရှင်းဟီ ရဲ့ ကတိစကားဟာ ဥက္ကာခဲသံတွင်း တစ်ခုလုံးကို တခဏချင်းအတွင်း ပျံ့နှံ့သွားပါတယ်။</p> <p>ဒီသတင်း ထွက်လာတဲ့အခါမှာတော့ သံတွင်းတစ်ခုလုံးဟာ ပျော်ရွှင်သွားခဲ့ပါပြီ။။</p> <p>တာဝန်ခံတွေရော သာမန်တပည့်တွေပါ ဒီသတင်းကို ကြားရတဲ့အခါ အရမ်းကို စိတ်လှုပ်ရှားလွန်းလို့ ခုန်တောင် ပေါက်မိမတတ်ပါပဲ။</p> <p>"ဂိုဏ်းတူအစ်ကိုကြီး ချူရှင်းဟီ ရောက်လေရာမှာ ရတနာပုံ ဆိုက်ရမယ်" ဆိုတာကို အရင်က ကြားဖူးရုံပဲ ရှိပေမဲ့၊ အခုတော့ အဲဒီရတနာပုံကြီးက သူတို့အပေါ်ကို တည့်တည့်ကြီး ကျလာခဲ့ပြီလေ။</p> <p>မဟာမိုးကောင်းကင်ဂိုဏ်းရဲ့ လုပ်ငန်းတွေဟာ အရင်ကတည်းက ခံစားခွင့်တွေ ကောင်းပြီးသားပါ။ အခုတော့ ဘာမှမပြောဘဲ နှစ်ဆတိုးပေးလိုက်တယ်ဆိုတော့... ခံစားခွင့်တွေက ကောင်းကင်ဘုံကို ရောက်သွားသလို ဖြစ်မနေဘူးလား။</p> <p>တချို့လူနည်းစုကတော့ ဒါက လေထဲက တိုက်အိမ်ဆောက်နေတာ များလားဆိုပြီး သံသယဝင်ကြပါသေးတယ်။</p> <p>ဒါပေမဲ့ အဲဒီမေးခွန်းဟာ ချက်ချင်းပဲ အပယ်ခံလိုက်ရပြီး ဝိုင်းဝန်း လှောင်ပြောင်တာ ခံလိုက်ရပါပြီ။</p> <p>"လေထဲက တိုက်အိမ် ဟုတ်လား။ ဂိုဏ်းတူအစ်ကိုကြီး ချူရှင်းဟီက ဘယ်တုန်းက အလကားကတိ ပေးခဲ့တာ မြင်ဖူးလို့လဲ။"</p> <p>"ဂိုဏ်းတူအစ်ကိုကြီးက သတ္ထုတွင်း တပည့်တွေရဲ့ အခြေအနေကို မြှင့်တင်ပေးမယ်လို့ ပြောခဲ့တုန်းက ဘာဖြစ်သွားလဲ။ အခု သတ္ထုတွင်း တပည့်ဆိုတာ လူတိုင်း အလုအယက် ဖြစ်ချင်နေကြတဲ့ အလုပ် ဖြစ်နေပြီလေ။"</p> <p>"ဂုဏ်သရေရှိ မိသားစုကြီးတွေ ဘယ်လောက်တောင်မှ သူတို့ရဲ့ သားသမီးတွေကို မဟာမိုးကောင်းကင်ဂိုဏ်းမှာ သတ္ထုတွင်း တပည့် အဖြစ်နဲ့ ထည့်ချင်နေကြလဲဆိုတာ မင်း သိရဲ့လား။"</p> <p>"ဂိုဏ်းတူအစ်ကိုကြီး ချူရှင်းဟီ့ရဲ့ စကားက ဘယ်တုန်းကမှ ကတိပျက်ခဲ့တာ မရှိဘူး။"</p> <p>"ဂိုဏ်းတူအစ်ကိုကြီးက လစာ နှစ်ဆတိုးပေးမယ်လို့ ပြောရင် အဲဒါက အမှန်တကယ် နှစ်ဆပဲ၊ တစ်ပြားမှ လျော့မှာ မဟုတ်ဘူး၊ သဘောပေါက်လား။"</p> <p>"မင်းက ဘာမို့လို့ ဂိုဏ်းတူအစ်ကိုကြီးရဲ့ ဆုံးဖြတ်ချက်ကို သံသယဝင်ရဲရတာလဲ။"</p> <p>အဲဒီညမှာပဲ ဥက္ကာခဲသံတွင်းမှာ ဂိုဏ်းတူအစ်ကိုကြီး ချူရှင်းဟီကို ဂုဏ်ပြုတဲ့ အနေနဲ့ ခမ်းနားထည်ဝါတဲ့ ကြိုဆိုပွဲ ညစာစားပွဲကြီး တစ်ခုကို ကျင်းပခဲ့ပါတယ်။</p> <p>ညစာစားပွဲ ပြီးတဲ့နောက်မှာတော့ ရွှီဝေဟာ ချူရှင်းဟီကို သံတွင်းမှာ အကောင်းဆုံးနဲ့ အခမ်းနားဆုံး အိမ်တော်ကြီးဆီ ကိုယ်တိုင် လိုက်ပို့ပေးလိုက်ပါပြီ။ အရာအားလုံး အဆင်ပြေအောင် စီစဉ်ပေးပြီးတဲ့နောက်မှာတော့ ရွှီဝေဟာ အနားယူဖို့ မပြန်ဘဲ ဥက္ကာခဲသံတွင်းက အဆင့်မြင့် တာဝန်ခံအားလုံးကို ချက်ချင်းပဲ အစည်းအဝေး ခေါ်လိုက်ပါတော့တယ်။</p> <p>သံတွင်းရဲ့ တာဝန်ခံအားလုံး ဒီအစည်းအဝေးကို တက်ရောက်ကြပါပြီ။</p> <p>ဆွေးနွေးမယ့် ကိစ္စကတော့ ရိုးရိုးလေးပါ။ "စာရင်းစာအုပ်တွေကို ဘယ်လိုကိုင်တွယ်မလဲ" ဆိုတာပါပဲ။</p> <p>ပုံမှန်အားဖြင့် စာရင်းအင်းအမှားတွေ လုပ်ပေးရတဲ့ တာဝန်ခံ လီက ချက်ချင်းပဲ ပြောလိုက်ပါတယ်။</p> <p> "စိတ်ချပါ မန်နေဂျာရွှီ။ ကျွန်တော့်ရဲ့ စွမ်းဆောင်ရည်နဲ့ဆိုရင် စာရင်းစာအုပ်တွေကို ဘာပြဿနာမှ မရှိအောင် သန့်သန့်ရှင်းရှင်း ပြန်လုပ်ပြပါ့မယ်။"</p> <p>ဒါပေမဲ့ တာဝန်ခံလီရဲ့ စကားအဆုံးမှာ လူတိုင်းက သူ့ကို ဉာဏ်တိမ်သူတစ်ယောက်လို ကြည့်နေကြတာကို သူ သတိထားမိလိုက်ပါပြီ။</p> <p>"လီကြီးရာ... မင်းလည်း အသက်ကြီးပြီ၊ ဘာလို့ ဒီလောက်တောင် နုံအ နေရတာလဲ။" ရွှီဝေက စိတ်ပျက်လက်ပျက် အမူအရာနဲ့ ပြောလိုက်ပါတယ်။</p> <p>တခြားတာဝန်ခံတွေကလည်း ထောက်ခံတဲ့အနေနဲ့ ခေါင်းညိတ်ကြပါတယ်။</p> <p>ချူရှင်းဟီက ဒီတစ်ခါ စာရင်းစာအုပ်တွေကို ဘာမှမပြောဘဲ မီးရှို့လိုက်တာက သူ နားမလည်ဘူးလို့ ထင်နေတာလား။ ဒါမှမဟုတ် မင်းက ငါတို့ ဥက္ကာခဲသံတွင်းက ကိစ္စတွေကို သူ မသိဘူးလို့ ထင်နေတာလား။</p> <p>တကယ်လို့ ချူရှင်းဟီက စာရင်းစာအုပ်တွေကို မီးရှို့ရုံပဲ ဆိုရင်တော့ လူတိုင်းကို ခွင့်လွှတ်ပေးလိုက်တယ်လို့ ယူဆလို့ ရပါတယ်။ ဒါပေမဲ့ စာရင်းစာအုပ်တွေကို မီးရှို့ပြီး လစာကိုပါ နှစ်ဆတိုးပေးလိုက်တာကတော့ အဓိပ္ပာယ် လုံးဝ ပြောင်းသွားပါပြီ။</p> <p>ဘာလို့ လစာ နှစ်ဆတိုးပေးတာလဲ။</p> <p>ငါတို့တွေက လောဘကြီးလို့လား။ ငါတို့က ဂိုဏ်းကို ဖျက်ဆီးနေတဲ့ ပိုးကောင်တွေ မို့လို့လား။</p> <p>မဟုတ်ဘူး။ အဲဒါက ချူရှင်းဟီက ငါတို့ကို "အမှားပြင်ပြီး အသစ်ကစဖို့" အခွင့်အရေး ပေးလိုက်တာ။</p> <p>"အသစ်ကစတယ်" ဆိုတာက ဘာကို ဆိုလိုတာလဲ။</p> <p>“လီကြီး... မင်းက စာရင်းအမှားတွေ ထပ်လုပ်ပြီး တင်ပြတာကို ဆိုလိုတာလား။ အဲဒါက သေတွင်းကို သွားနေတာလေ။ မင်း နားမလည်ဘူးလား။ မင်း သေချင်ရင်လည်း လူတိုင်းကို ဆွဲမချပါနဲ့ဦး။”</p> <p>“ချူရှင်းဟီက "စာရင်းတွေကို ပြန်ပြင်ပါ" လို့ ပြောတာက မင်းကို စာရင်းအမှားအသစ်တွေ လုပ်ခိုင်းတာ မဟုတ်ဘူး။ စာရင်းစာအုပ်တွေကို ပုံမှန်အတိုင်း ပြန်ဖြစ်အောင် လုပ်ခိုင်းတာ။ ဆိုလိုတာက အရင်တုန်းက ငါတို့ ဘယ်လောက်ပဲ ယူခဲ့ယူခဲ့၊ အဲဒါတွေကို အမှန်အတိုင်း ပြန်ပေးရမယ်။ ငါတို့သာ အဲဒါတွေကို ပြန်ပေးဖို့ ဆန္ဒရှိမယ်ဆိုရင် ချူရှင်းဟီက ငါတို့ရဲ့ အရင်အမှားတွေကို ဆက်ပြီး အရေးယူမှာ မဟုတ်တော့ဘူး။”</p> <p>“သူက ငါတို့ကို လစာ နှစ်ဆတောင် ပေးဦးမှာလေ။”</p> <p>“လစာ နှစ်ဆတိုးပေးတာက ငါတို့က ဂိုဏ်းအတွက် အလုပ်လုပ်နေလို့၊ ပင်ပင်ပန်းပန်း ကြိုးစားနေလို့ ပေးတာ၊ ငါတို့ လောဘကြီးလို့ ပေးတာ မဟုတ်ဘူး။”</p> <p>“လီကြီး... မင်းက ဘာလို့ ဒီသဘောတရားကို နားမလည်ရတာလဲ။”</p> <p>ရွှီဝေရဲ့ စကားကို ကြားပြီးတဲ့နောက်မှာတော့ လီကြီး တစ်ယောက် ကြောင်အမ်းသွားပါတယ်။ သူက တစ်သက်လုံး စာရင်းအမှားတွေပဲ လုပ်လာခဲ့တာဆိုတော့ ဦးနှောက်က ထုံထိုင်းနေပြီး ချူရှင်းဟီရဲ့ ဆိုလိုရင်းကို လုံးဝ အတွက်မှားသွားခဲ့တာပါ။</p> <p>အခုမှ တာဝန်ခံလီတစ်ယောက် ဒီအကြောင်းကို တွေးပြီး ချွေးစေးတွေ ပြန်လာပါတော့တယ်။</p> <p>မန်နေဂျာရွှီ ပြောတာ မှန်ပါတယ်။ တကယ်လို့ သူကသာ စာရင်းအမှားတွေ ထပ်လုပ်ပြီး တင်ပြလိုက်မယ်ဆိုရင် ချူရှင်းဟီက ဒါကို မြင်တာနဲ့ ဒီလို ပြောလိုက်မှာ အသေအချာပါပဲ။</p> <p>"ငါ မင်းတို့ကို အခွင့်အရေး ပေးခဲ့တယ်၊ ဒါပေမဲ့ မင်းတို့က မယူခဲ့ဘူးပေါ့။"</p> <p>“အဲဒီကျရင်တော့... မင်းတို့က ဒီလောက်တောင် အရှက်မရှိမှတော့ ငါလည်း ဥပဒေအတိုင်း မျက်နှာမထောက်ဘဲ စီရင်ရတော့မှာပေါ့။”</p> <p>ချူရှင်းဟီရဲ့ အခုအကွက်ရွှေ့မှုက တကယ်တော့ ဆုတ်ခွာခြင်းဖြင့် တိုက်စစ်ဆင်ခြင်းပါပဲ။</p> <p>"အရင်က ယူထားတာတွေ အကုန်ပြန်ပေးရင် ငါ ချူရှင်းဟီက ဘာမှမဖြစ်ခဲ့သလို နေပေးမယ်။ လစာတောင် နှစ်ဆတိုးပေးဦးမယ်။ ဒါပေမဲ့ မင်းတို့က မပြန်ပေးဘူးဆိုရင်တော့ ငါ့ကို အပြစ်မတင်နဲ့တော့။"</p> <p>ဒါက ချူရှင်းဟီရဲ့ အစစ်အမှန် ဆိုလိုရင်းပါပဲ။</p> <p>“မဟုတ်ရင် စဉ်းစားကြည့်ပါဦး။ ဘာလို့လဲ။ ဂိုဏ်းပစ္စည်းတွေကို ခိုးယူထားတဲ့ ငါတို့လို လူတစ်စုကို အပြစ်မပေးတဲ့အပြင် လစာပါ နှစ်ဆတိုးပေးရအောင် ချူရှင်းဟီက ရူးနေလို့လား။ ဒါမှမဟုတ် မဟာမိုးကောင်းကင်ဂိုဏ်းက ပိုက်ဆံတွေကို မီးရှို့ချင်နေလို့လား။”</p> <p> </p> <p>"ချူရှင်းဟီရဲ့ ဒီလုပ်ရပ်က ငါတို့ ဥက္ကာခဲသံတွင်း ကို အခြေပြုပြီး မဟာမိုးကောင်းကင်ဂိုဏ်းရဲ့ လုပ်ငန်းအားလုံးကို သတင်းစကားပါးလိုက်တာပဲ။ 'မင်းတို့ အရင်က ဘာတွေပဲလုပ်ခဲ့လုပ်ခဲ့၊ ပြန်ပေးမယ်ဆိုရင် အကုန်လုံးကို အာဃာတမထားဘဲ ကျေအေးပေးမယ်၊ ပြီးတော့ လစာကိုတောင် နှစ်ဆတိုးပေးဦးမယ်' ဆိုတာမျိုးလေ။ ငါ ချူရှင်းဟီက တစ်လှမ်းဆုတ်ပေးလိုက်ပြီ၊ မင်းတို့အားလုံးလည်း တစ်လှမ်းဆုတ်ကြဖို့ မျှော်လင့်တယ် ဆိုတဲ့သဘောပဲ။"</p> <p>"ချူရှင်းဟီတစ်ယောက်ပဲ ငါတို့ကို ဒီလိုအခွင့်အရေးမျိုး ပေးနိုင်တာ။ ဒါဟာ ဂိုဏ်းတူအစ်ကိုကြီး ချူရှင်းဟီက တကယ့်ကို သဘောထားကြီးပြီး ကြင်နာတတ်လို့ပဲ။"</p> <p>"ဒီလိုအခြေအနေမျိုးမှာတောင် ငါတို့က စာရင်းအမှားတွေ ထပ်လုပ်နေဦးမှာလား။ ငါတို့က အသက်ရှင်ရတာ ငြီးငွေ့နေပြီလား။"</p> <p>"မင်းတို့ ချူရှင်းဟီရဲ့ 'အကြွေးတောင်းတဲ့ဖြစ်ရပ်' ကို မေ့နေကြပြီလား။ ချူရှင်းဟီက အကြွေးတောင်းတာကို အကြောင်းပြပြီး ဂိုဏ်းပစ္စည်းတွေကို ခိုးယူထားတဲ့ လက်အောက်ခံဂိုဏ်းတွေကို ဘယ်လိုတောင် ပညာပေးခဲ့သလဲဆိုတာ မင်းတို့အသိပဲ မဟုတ်လား။"</p> <p>"ဒီတစ်ခါလည်း ချူရှင်းဟီက အဲဒီနည်းလမ်းကိုပဲ သုံးနေတာ။ လက်အောက်ခံဂိုဏ်းတွေတောင် ဒါကို နားလည်နိုင်ရင် ငါတို့က ဘာလို့ နားမလည်နိုင်ရမှာလဲ။"</p> <p>ရွှီဝေ ရဲ့ စကားတွေကို ကြားပြီးတဲ့နောက်မှာတော့ တာဝန်ခံလီ ရော၊ အရင်က နားမလည်ခဲ့တဲ့ တခြားတာဝန်ခံတွေပါ တစ်ကိုယ်လုံး ချွေးစေးတွေ ပြန်လာပါတော့တယ်။</p> <p>"တော်သေးတာပေါ့... ငါတို့မှာ မန်နေဂျာရွှီလို အမြင်ကြည်လင်တဲ့သူ ရှိနေလို့။"</p> <p>"ငါတို့တော့ လမ်းမှားတော့မလို့ပဲ။"</p> <p>ချူရှင်းဟီက စာရင်းစာအုပ်တွေကို မီးရှို့လိုက်တာက အတိတ်ကို မီးရှို့ဖျက်ဆီးလိုက်တာဖြစ်ပြီး၊ အားလုံးကို ပြန်ပြင်ခိုင်းတာကတော့ အရင်က လိုအပ်ချက်မှန်သမျှကို ဖြည့်ဆည်းပြီး ယူထားတာတွေကို အကုန်ပြန်ပေးဖို့ ပြောတာပါပဲ။</p> <p>နောက်ဆုံး လစာနှစ်ဆတိုးပေးတာကတော့  ချူရှင်းဟီက သတိပေးလိုက်တာပါ။</p> <p>"မင်းတို့ ပင်ပန်းနေတာကို ဂိုဏ်းက သိတယ်၊ မင်းတို့ လိုအပ်တာကို ဂိုဏ်းက ပေးမယ်၊ ဒါကြောင့် စွန့်စားပြီး (မခိုးဘဲ) မလုပ်ကြနဲ့တော့"</p> <p>အရင်က ယူထားတာတွေကို အကုန်ပြန်ပေးဖို့ဆိုတာ လက်ခံရခက်ပေမဲ့၊ နှစ်ဆတိုးလာမယ့် လစာကို တွေးပြီး တာဝန်ခံအတော်များများဟာ ဆုံးဖြတ်ချက် ချလိုက်ကြပါပြီ။</p> <p>ဘာလို့ ငါတို့ အရင်က လောဘတက်ခဲ့ကြတာလဲ။</p> <p>ဘာလို့လဲဆိုတော့ နေ့စဉ် ဧည့်ခံကျွေးမွေးစရိတ်တွေနဲ့ တခြားကုန်ကျစရိတ်တွေက အရမ်းများလွန်းလို့လေ။ တစ်ခါတလေ လစာက ကုန်ကျစရိတ်ကို မမီတော့ အန္တရာယ်ရှိမှန်းသိရက်နဲ့ လုပ်မိကြတာပေါ့။</p> <p>ဒါပေမဲ့ အခုတော့ လစာက နှစ်ဆဖြစ်သွားပြီဆိုတော့ ကုန်ကျစရိတ် မလောက်ငတဲ့ ပြဿနာ ရှိတော့မှာ မဟုတ်ပါဘူး။ တကယ်တော့ လစာနှစ်ဆဆိုတာ လူတိုင်းကို အတော်လေး သောင့်သောင့်သာသာ နေထိုင်ခွင့် ပေးနိုင်တာပါ။</p> <p>တည်တည်ငြိမ်ငြိမ် အေးအေးဆေးဆေး နေလို့ရမယ်ဆိုရင် ဘယ်သူကများ ထိတ်ထိတ်လန့်လန့်နဲ့ နေချင်မှာလဲ။</p> <p>ရွှီဝေက တာဝန်ခံအားလုံးကို ကြည့်ပြီး အေးအေးဆေးဆေးပဲ ပြောလိုက်ပါတယ်။</p> <p>"ငါ ပြောသင့်တာတွေ ပြောပြီးပြီ။ ဒါက ချူရှင်းဟီက မင်းတို့ကို ပေးတဲ့ အခွင့်အရေး၊ ပြီးတော့ ဒါဟာ နောက်ဆုံးအခွင့်အရေးပဲ။ ဘယ်လိုရွေးချယ်မလဲဆိုတာကတော့ မင်းတို့အပေါ်မှာပဲ မူတည်တယ်။"</p> <p>လူတိုင်းကတော့ ရွှီဝေရဲ့ စကားကို နားလည်ခဲ့ပါတယ်။ ချူရှင်းဟီက မင်းတို့ကို သိက္ခာရှိရှိ နေခွင့်ပေးချင်တယ်၊ ဒါပေမဲ့ မင်းတို့က သိက္ခာရှိရှိ မနေချင်ဘူးဆိုရင်တော့ ချူရှင်းဟီက မင်းတို့ကို သိက္ခာရှိသွားအောင် စီရင်ဖို့ ကူညီပေးရလိမ့်မယ်။</p> <p>"မန်နေဂျာရွှီ... ကျွန်တော် အရင်က ယူထားတာတွေ အကုန်ပြန်ပေးဖို့ သဘောတူပါတယ်။"</p> <p>"ကျွန်တော်လည်း သဘောတူပါတယ်..."</p> <p>"လစာနှစ်ဆဆိုရင် ဘာမှထပ်မယူဘဲနဲ့တောင် ငါတို့ ကောင်းကောင်း နေနိုင်တာပဲ..."</p> <p>"ဟုတ်တယ်၊ ဟုတ်တယ်... ကျွန်တော်လည်း သဘောတူတယ်။"</p> <p>"မန်နေဂျာရွှီ... ကျွန်တော့်မှာတော့ နေ့စဉ်ကုန်ကျစရိတ်တွေ များလို့ အရင်က ယူထားတာတွေ အကုန်ကုန်သွားပြီ။ ကျွန်တော့်ရဲ့ လိုငွေကို အရင်စိုက်ထုတ်ပေးပါဦးနော်။ အခု လစာနှစ်ဆ ရပြီဆိုတော့ ကျွန်တော် ချက်ချင်း ပြန်ဆပ်နိုင်မှာပါ။"</p> <p>အစည်းအဝေးကတော့ အတော်လေးကို အဆင်ပြေချောမွေ့သွားပါတယ်။ လစာနှစ်ဆရဲ့ ကောင်းချီးမင်္ဂလာအောက်မှာ ဘယ်သူမှ လူမိုက်မလုပ်ချင်ကြတော့ပါဘူး။ တစ်ဆက်တည်းမှာပဲ ရွှီဝေက နောက်နောင်မှာ ငါတို့အားလုံး လက်စလက်နတွေကို သိမ်းကြဖို့ ထပ်လောင်း သတိပေးလိုက်ပါသေးတယ်။</p> <p>"အရင်ကတော့ လစာနည်းလို့ မင်းတို့ ညည်းကြတယ်။ အခု နှစ်ဆရပြီ၊ အဲဒီတော့ တစ်ယောက်ယောက်ကများ ထပ်ပြီး လက်ရဲဇက်ရဲ လုပ်ဦးမယ်ဆိုရင်တော့ ငါ ရွှီဝေက မင်းတို့ကို လမ်းမပြပေးတော့ဘူးလို့ အပြစ်မတင်နဲ့တော့။"</p> <p>တာဝန်ခံအားလုံးဟာ ရွှီဝေရဲ့ စကားကို တညီတညွတ်တည်း ထောက်ခံကြပါတယ်။</p> <p>အဲဒီညမှာပဲ တာဝန်ခံလီရဲ့ ဦးဆောင်မှုနဲ့ လူတိုင်းဟာ စာရင်းစာအုပ်အားလုံးကို အမြန်ဆုံး ပြန်ပြင်လိုက်ကြပြီး၊ တာဝန်ခံအားလုံးလည်း အရင်က လိုငွေတွေကို အကုန်ပြန်ဖြည့်လိုက်ကြပါတယ်။ လက်ငင်း ငွေမထုတ်နိုင်တဲ့ သူအနည်းငယ်ကိုတော့ ရွှီဝေကပဲ အရင် စိုက်ထုတ်ပေးလိုက်ပါပြီ။</p> <p>ဒါကြောင့် နောက်တစ်နေ့ မနက်မှာ မာလင်း တစ်ယောက် အခန်းထဲက ထွက်လာတဲ့အခါ ရွှီဝေဟာ စာရင်းစာအုပ်တွေကို မာလင်းဆီ အရောက်လာပို့ပေးလိုက်ပါတယ်။</p> <p>"မာလင်း... ငါတို့ စာရင်းစာအုပ်တွေကို တစ်ညလုံး မအိပ်ဘဲ ပြန်ပြင်ထားတယ်။ ဒါကို ချူရှင်းဟီဆီကို လက်ဆင့်ကမ်းပေးဖို့ အတွက် ဒုက္ခပေးပါရစေဦး။"</p> <p>မာလင်းလည်း တစ်ညလုံး မအိပ်ထားပုံရတဲ့ ရွှီဝေကို ကြည့်ပြီး ကြောင်နေမိပေမဲ့၊ စာရင်းစာအုပ်ကို ဖွင့်ကြည့်လိုက်တဲ့ အခါမှာတော့ ပိုလို့တောင် အံ့ဩသွားရပါပြီ။</p> <p>"ဟာ... ဒါ ဘာကြီးလဲ။ မနေ့က ငါ စာရင်းတွေကို ကြည့်တုန်းက ကိန်းဂဏန်းတွေက ဒီလောက်မများပါဘူး။ ဘယ်လိုလုပ်ပြီး တစ်ညတည်းနဲ့ ဒီလောက်တောင် တိုးလာရတာလဲ။"</p> <p>မကြာခင်မှာပဲ မာလင်းဟာ ဘာဖြစ်ခဲ့သလဲဆိုတာကို သဘောပေါက်သွားပါတော့တယ်။ ဘာလို့လဲဆိုတော့ စာရင်းစာအုပ်ရဲ့ နောက်ဆုံးမှာ ရွှီဝေက စာရင်းတစ်ခုကို တိုက်ရိုက် ထည့်သွင်းထားလို့ပါ။ အဲဒီစာရင်းမှာတော့ တာဝန်ခံ တစ်ယောက်ချင်းစီက နှစ်တွေတစ်လျှောက် ဘယ်လောက်ယူခဲ့သလဲဆိုတာကို အသေးစိတ် မှတ်တမ်းတင်ထားပြီး၊ အခုတော့ တာဝန်ခံအားလုံးက အဲဒါတွေကို အကုန်ပြန်ပေးလိုက်ပြီလို့ မှတ်ချက်ရေးထားလို့ပါပဲ။</p> <p>ဒါကို မြင်လိုက်ရတဲ့အခါ မာလင်းရဲ့ ဦးနှောက်ထဲမှာ ဝုန်းခနဲ ခံစားလိုက်ရပြီး ဉာဏ်အလင်း ပွင့်သွားခဲ့ပါပြီ။</p> <p>အခုမှ မာလင်း တစ်ယောက် တကယ်ကို နားလည်သွားပါတော့တယ်။ ဒါက ဂိုဏ်းတူအစ်ကိုကြီး ချူရှင်းဟီ ဆိုလိုတဲ့ အဓိပ္ပာယ်ကိုး။</p> <p>(မနေ့ကတော့ ငါ "ဂိုဏ်းတူအစ်ကိုကြီး ရူးသွားပြီလား" လို့ တွေးနေမိသေးတယ်။)</p> <p>“လက်ဝါးကြီးအုပ်နေတဲ့သူတွေကို မနှိမ်နင်းတာက တစ်ကြောင်းပေါ့၊ ဘာပဲဖြစ်ဖြစ် ဥက္ကာခဲသံတွင်း တည်ငြိမ်ဖို့အတွက် ဂိုဏ်းတူအစ်ကိုကြီးက လုပ်တာလို့ တွေးလို့ရတယ်။ ဒါပေမဲ့ အပြစ်မပေးရုံတင်မကဘဲ လစာကိုပါ နှစ်ဆတိုးပေးတာက ဘာသဘောလဲလို့ တွေးနေခဲ့တာ။”</p> <p>ဒါပေမဲ့ အခုတော့ ငါသိပြီ...</p> <p>(ဂိုဏ်းတူအစ်ကိုကြီး ချူရှင်းဟီရဲ့ ဒီလုပ်ရပ်က "ဆုတ်ခွာခြင်းဖြင့် တိုက်စစ်ဆင်ခြင်း"၊ "ခံစစ်ဖြင့် တိုက်စစ်ဖွင့်ခြင်း"၊ "မလှုပ်မယှက်ဘဲ အခွင့်အရေးကို စောင့်ဆိုင်းခြင်း"၊ "နူးညံ့မှုဖြင့် မာကျောမှုကို တုံ့ပြန်ခြင်း" နဲ့ "မပြောင်းလဲဘဲ ပြောင်းလဲမှုအားလုံးကို ရင်ဆိုင်ခြင်း" ဆိုတဲ့ အဆင့်မြင့် နည်းဗျူဟာတွေပဲကိုး။)</p> <p> </p> <p>စာရင်းစာအုပ်တွေကို မီးရှို့လိုက်တာက ဂိုဏ်းတူအစ်ကိုကြီး ချူရှင်းဟီ ရဲ့ မကျေနပ်မှုကို ဖော်ပြလိုက်တာဖြစ်ပြီး သူတို့ကို အလွယ်တကူ လွှတ်ပေးလိုက်ဖို့ ရည်ရွယ်တာ မဟုတ်ပါဘူး။ စာရင်းတွေကို ပြန်ပြင်ခိုင်းတာက သူတို့ကို အမှားပြင်ပြီး အသစ်ကစဖို့ အခွင့်အရေး ပေးလိုက်တာပါ။</p> <p>နောက်ဆုံးမှာ လစာ နှစ်ဆတိုးပေးလိုက်တာကတော့... မင်းတို့သာ မှန်ကန်တဲ့ ရွေးချယ်မှုမျိုး လုပ်မယ်ဆိုရင် ဂိုဏ်းရဲ့ ဆုလာဘ်တွေကို ဆက်ပြီး ရရှိနိုင်ဦးမယ်ဆိုတာကို သတိပေးလိုက်တာပဲ ဖြစ်ပါတယ်။</p> <p>(မနေ့ကတော့ ဂိုဏ်းတူအစ်ကိုကြီး ချူရှင်းဟီ ပေးလိုက်တဲ့ လစာနှစ်ဆဆိုတာ ဂိုဏ်းအတွက် အသုံးစရိတ် အရမ်းများလွန်းနေမလားလို့ ငါ သံသယဝင်ခဲ့မိသေးတယ်။)</p> <p>ဒါပေမဲ့ ဒီနေ့ သူတို့ တင်ပြလာတဲ့ စာရင်းတွေကို မြင်လိုက်ရတဲ့အခါမှာတော့ ဂိုဏ်းတူအစ်ကိုကြီး ချူရှင်းဟီဟာ ဘယ်လောက်တောင် ထက်မြက်သလဲဆိုတာ မာလင်း တစ်ယောက် သဘောပေါက်သွားပါပြီ။</p> <p>(အရင်တုန်းက လစာနှစ်ဆ မရခင်အချိန်မှာ သူတို့တွေဟာ ကိုယ်ကျိုးအတွက် ဂိုဏ်းပစ္စည်းတွေကို ခိုးယူခဲ့ကြတာ ပိုတောင် များဦးမယ်။ အခု လစာနှစ်ဆ ပေးလိုက်တဲ့အခါမှာတော့ သူတို့က အရင်ယူထားတာတွေကို အကုန်ပြန်ပေးရုံတင်မကဘဲ၊ နောင်အနာဂတ်မှာလည်း လစာနှစ်ဆ ရနေမှာဖြစ်လို့ ဂိုဏ်းပစ္စည်းတွေကို ထပ်ပြီး လက်ရဲဇက်ရဲ နှိုက်ဖို့ မလိုအပ်တော့သလို၊ မနှိုက်ရဲကြတော့ဘူး။)</p> <p> </p> <p>(ဘာလို့လဲဆိုတော့ ဂိုဏ်းတူအစ်ကိုကြီး ချူရှင်းဟီက သူတို့ အားလုံးကို အမှားပြင်ဖို့ အခွင့်အရေး ပေးထားပြီးပြီလေ။ တကယ်လို့ သူတို့က ဆက်ပြီး လက်ရဲဇက်ရဲ လုပ်နေဦးမယ်ဆိုရင်တော့ ငါတို့ မဟာမိုးကောင်းကင်ဂိုဏ်းရဲ့ ပြင်းထန်တဲ့ အပြစ်ပေးမှုကို ခံပေရော့ပဲ။)</p> <p>(ဂိုဏ်းတူအစ်ကိုကြီး ချူရှင်းဟီဟာ နောင်ဖြစ်လာမယ့် ပြဿနာတွေကို အမြစ်ကနေ လှန်ထုတ်ပစ်လိုက်တာပါပဲ။)</p> <p>မာလင်းဟာ ဂိုဏ်းတူအစ်ကိုကြီး ချူရှင်းဟီရဲ့ ယုံကြည်ရဆုံး လက်ရုံးတစ်ယောက်ဖြစ်ဖို့ မထိုက်တန်သေးဘူးလို့ ကိုယ့်ကိုယ်ကိုယ် ခံစားလိုက်ရပါတယ်။</p> <p>ဂိုဏ်းတူအစ်ကိုကြီးရဲ့ အတွေးတွေကို သူ ချက်ချင်း မသိခဲ့ဘူးလေ။</p> <p>သူက လစာနှစ်ဆကြောင့် ကုန်ကျမယ့် အသုံးစရိတ်ကိုပဲ တွေးနေခဲ့တာ၊ တကယ်တော့ လစာနှစ်ဆ တိုးပေးလိုက်လို့ ဘယ်သူမှ ဂိုဏ်းရဲ့ အရင်းအမြစ်တွေကို မခိုးရဲကြတော့ဘူးဆိုရင် အဲဒီအရင်းအမြစ်တွေကနေ ရလာမယ့် ဝင်ငွေက တိုးပေးလိုက်ရတဲ့ လစာအသုံးစရိတ်ထက်တောင် အများကြီး ပိုများသွားဦးမှာပါ။</p> <p>ဒါကြောင့်လည်း ဂိုဏ်းတူအစ်ကိုကြီး ချူရှင်းဟီက ဥက္ကာခဲသံတွင်းရဲ့ ကိစ္စတွေကို စောစောစီးစီး ကြေညာခိုင်းခဲ့တာကိုး။ ဒါက ဂိုဏ်းတူအစ်ကိုကြီး ဆိုလိုတဲ့ အဓိပ္ပာယ်ကိုး။</p> <p>မာလင်းဟာ ဂိုဏ်းတူအစ်ကိုကြီး ချူရှင်းဟီရဲ့ တစ်နေ့ထက်တစ်နေ့ ပိုပြီး နက်နဲလာတဲ့ ပညာဉာဏ်ကြီးမားမှုကို အံ့ဩကြည်ညိုနေရင်းနဲ့ပဲ၊ ဂိုဏ်းတူအစ်ကိုကြီးရဲ့ အမိန့်အတိုင်း ဥက္ကာခဲသံတွင်းက ကိစ္စရပ်အားလုံးကို ဂိုဏ်းတွင်းက အဖွဲ့အစည်းအားလုံး သိအောင် ချက်ချင်း ကြေညာခိုင်းလိုက်ပါပြီ။</p> <p>တစ်ဆက်တည်းမှာပဲ ဂိုဏ်းရဲ့ လုပ်ငန်းခွဲအားလုံးကိုလည်း ဂိုဏ်းတူအစ်ကိုကြီး ချူရှင်းဟီက သူတို့ကို အခွင့်အရေးကြီးတစ်ခု ပေးလိုက်ပြီဖြစ်ကြောင်း၊ ဒါကို ကျေးဇူးကန်းတာမျိုး မလုပ်ကြဖို့ သတိပေးလိုက်ပါသေးတယ်။</p> <p>"ဒီအခွင့်အရေးက တစ်ခါပဲ ရမှာနော်။"</p> <p>"ဒီအခွင့်အရေးကိုသာ လက်လွတ်ခံလိုက်မယ်ဆိုရင်တော့ တစ်သက်လုံး နောင်တရနေရလိမ့်မယ်။"</p> <p> </p> <p style="text-align: center;">***</p>


Save