Book List

<h2 style="text-align: center;">အပိုင်း ၁၃၇</h2> <h2 style="text-align: center;">ပန်ကူးကို ကျုပ်တို့ဖုန်းမှာပဲ သုံးမယ်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>"မစ္စတာယွီ.. ပန်ကူး စမတ်ဖုန်းလက်ထောက်က ဘယ်လိုလဲဗျ"</p> <p> </p> <p>​မိမိရှေ့၌ တည်ကြည်လေးနက်တဲ့ မျက်နှာထားဖြင့် ရှိနေသည့် ယွီလီကို ကြည့်၍ ကျန်းဖန်တစ်ယောက် ရင်တထိတ်ထိတ်ဖြင့် မယုံကြည်နိုင်စွာ မေးလိုက်သည်၊၊</p> <p> </p> <p>​"ဟူး..."</p> <p> </p> <p>​ထိုအချိန် ယွီလီက အသက်ကို ပြင်းပြင်းရှူလိုက်ပြီး ဖြည်းညှင်းစွာ ပြောလာသည်။</p> <p> </p> <p>"ပန်ကူး စမတ်ဖုန်းလက်ထောက်ဟာ အခုထက်ထိတော့ လူသားနဲ့ အတူဆုံး စမတ်လက်ထောက်ပါပဲ"</p> <p> </p> <p>​"လူနဲ့ စက်ပစ္စည်း အပြန်အလှန် ဆက်သွယ်မှုမှာ ဖြစ်စေ၊ ဘာသာစကား နားလည်သဘောပေါက်မှုမှာ ဖြစ်စေ လက်ရှိ မိုဘိုင်းလက်ထောက်အားလုံးထက် အပြတ်အသတ် သာလွန်နေတယ် ဒါ့အပြင် ပိုင်ရှင်ရဲ့ စိတ်ခံစားချက်အပေါ် မူတည်ပြီး ဘာလုပ်သင့်တယ်ဆိုတာကိုလည်း သူက ဆုံးဖြတ်ပေးနိုင်သေးတယ်"</p> <p> </p> <p>​"AI လုပ်ငန်းနယ်ပယ်ရဲ့ သတ်မှတ်ချက်အရ ဆိုရင်တော့ ပန်ကူးဟာ စမတ်လက်ထောက်တစ်ခု မဟုတ်တော့ဘဲ စစ်မှန်တဲ့ အခြေခံအဆင့် ဉာဏ်ရည်တု တစ်ခုပဲ ဖြစ်နေပြီ"</p> <p> </p> <p>​သူ့စကားအဆုံး၌ ကျန်းဖန်မှာ ခဏမျှ မှင်တက်သွားပြီးနောက် အကျယ်ကြီး ရယ်မောလိုက်သည်။</p> <p> </p> <p>"ဟားဟားဟား ကောင်းကင်ဘုံက ငါတို့ရဲ့ နဂါးကိုပျံသန်းဖို့ ဖန်တီးပေးလိုက်တာပဲ၊ ထာဝရအမှောင်ထုထဲမှာ ဆီမီးအိမ်တစ်ဆောင် ရလိုက်သလိုပဲ"</p> <p> </p> <p>​ဤစမတ်ဖုန်းလက်ထောက်ရှိနေလျှင် Apple၊ Samsung နှင့် အခြားကုမ္ပဏီများက နည်းပညာပိုင်းဆိုင်ရာ ထပ်မံကျော်ဖြတ်နိုင်ခဲ့လျှင်တောင် လုံထန်လုပ်ငန်းစု၏ အရှိန်အဟုန်ကို တားဆီးနိုင်တော့မည် မဟုတ်တော့ချေ။</p> <p> </p> <p>​မိနစ်အနည်းငယ်အကြာ ကျန်းဖန်စိတ်အေးသွားသည့်အခါ မေးခွန်းအချို့ မေးလိုက်သည်။</p> <p> </p> <p>"အထွေထွေမန်နေဂျာယွီ... နီဗားနားဖုန်းမှာ ပန်ကူးစနစ် တက်လာဖို့က အချိန်အကြာကြီး ပေးရမှာလား"</p> <p> </p> <p>​"ပြီးတော့ ပန်ကူးစမတ်လက်ထောက်ကို ပန်ကူး အမှတ် (၁)၊ (၂)၊ (၃)၊ (၄) လို့ပဲ အမြဲ ခေါ်နေလို့ မရဘူး မဟုတ်လား"</p> <p> </p> <p>​ကောင်းမွန်သော ထုတ်ကုန်တစ်ခုသည် ထိုခေတ်၏ နည်းပညာကို ကျော်လွန်နေရုံဖြင့် မလုံလောက်ဘဲ အသေးစိတ်အချက်အလက်အားလုံး ပြည့်စုံနေဖို့က ပို၍ အရေးကြီးသည်၊၊</p> <p> </p> <p>​"မစ္စတာကျန်း စိတ်ချပါ၊ ပန်ကူးစနစ် စက်ရုံက ထွက်လာပြီးရင် အသုံးပြုသူတွေက သူတို့စိတ်ကြိုက် အမည်ပေးလို့ ရမှာပါ စနစ်တက်ချိန် ကြာနေတာကတော့ တန်ရွမ်စနစ်ရဲ့ ပလပ်အင်တချို့နဲ့ အပြည့်အဝ အဆင်မပြေသေးလို့ပါ"</p> <p> </p> <p>လုံထန်လုပ်ငန်းစု သုတေသနစင်တာ၏ အဓိက အင်ဂျင်နီယာ ယွီလီက အလျင်အမြန် ရှင်းပြလာသည်၊၊</p> <p> </p> <p>​"အင်း"</p> <p> </p> <p>ကျန်းဖန်က ခေါင်းညှိမ့်ကာ လေသံကို မြှင့်လိုက်ပြီး တိုက်ရိုက် အမိန့်ပေးလိုက်ပါသည်။</p> <p> </p> <p>"နီဗားနား အက်စ်ရဲ့ ဒီဇိုင်းပုံစံကို ခင်ဗျားတို့ သုတေသနစင်တာဆီ လွှဲပေးထားပြီးပြီ၊ တတ်နိုင်သမျှ အမြန်ဆုံး စမ်းသပ်ထုတ်ကုန် ထွက်လာဖို့ မျှော်လင့်ပါတယ်"</p> <p> </p> <p>​"ဒါ့အပြင် ပန်ကူးရဲ့ မူရင်းကုဒ်တွေကလည်း ခင်ဗျားလက်ထဲမှာပဲ ရှိနေတယ် ဒီမိုဘိုင်းလက်ထောက်ကို ပိုကောင်းအောင် လုပ်ပြီး စနစ်တက်တဲ့ အားနည်းချက်တွေကို ပြင်ဆင်ပေးပါ၊ တန်ရွမ်စနစ်နဲ့ အပြည့်အဝ ကိုက်ညီသွားအောင်လို့ပါ"</p> <p> </p> <p>​"မူပိုင်ခွင့်ဌာနက လူတွေကို ဒါတွေအားလုံးအတွက် ပြည်တွင်းမူပိုင်ခွင့် လျှောက်ထားဖို့ ကျွန်တော် အမိန့်ပေးလိုက်ပါ့မယ် နိုင်ငံခြားမူပိုင်ခွင့်တွေအတွက်တော့ ဥက္ကဋ္ဌက ကြိုတင်ပြင်ဆင်ထားပြီးသားပါ"</p> <p> </p> <p>​ထိုစကားကို ကြားသောအခါ ယွီလီက မဆိုင်းမတွပင် ပြန်ဖြေလိုက်သည်။</p> <p> </p> <p>"ပြဿနာမရှိပါဘူး"</p> <p> </p> <p>​နီဗားနား အက်စ်အတွက် ကုန်ကြမ်းများမှာ ပြင်ဆင်ပြီးသား ဖြစ်သည်၊၊ ယခုအခါ အစိတ်အပိုင်းများ ထုတ်လုပ်ပြီး တပ်ဆင်ရန်သာ လိုတော့သဖြင့် ပထမဆုံး စမ်းသပ်ထုတ်ကုန်မှာ မကြာမီ ပြီးစီးတော့မည် ဖြစ်သည်၊၊</p> <p> </p> <p>​ပန်ကူးစနစ်နှင့် ပတ်သက်၍မူ ၎င်းကိုယ်တိုင်က အလွန်ပင် ပြည့်စုံသော ထုတ်ကုန်တစ်ခု ဖြစ်ပါသည်၊၊ တန်ရွမ်စနစ်နှင့် ချိန်ညှိရန်သာ လိုအပ်သဖြင့် ဖိအားပေးစရာ မရှိပေ။</p> <p> </p> <p>​စကားအဆုံးတွင် ကျန်းဖန်က ခေါင်းညှိမ့်ပြကာ သုတေသနစင်တာမှ ထွက်ခွာသွားသည်၊၊</p> <p> </p> <p>​နောက်ထပ် သူလုပ်စရာတွေ များစွာရှိနေပြီး ခိုင်ထျန်းတက်ဘလက် ကွန်ပျူတာများကို ကြော်ငြာရန်မှာ ပြဿနာကြီးတစ်ခု ဖြစ်နေသည့်အပြင် ယခုအခါ နီဗားနား အက်စ်နှင့် ပန်ကူးစနစ်တို့ပါ ရှိနေပြီ ဖြစ်သည်၊၊</p> <p> </p> <p>​ဤသုံးမျိုးလုံးကို မိတ်ဆက်ပွဲ တစ်ခုတည်းမှာ လုပ်၍ မရပေ။ ထိုသို့လုပ်ပါက ထုတ်ကုန်သုံးခုစလုံး၏ လူကြိုက်များမှုကို ထိခိုက်စေနိုင်သည်၊၊ ထို့ကြောင့် အချိန်ကို ခွဲခြားပြီး မိတ်ဆက်ပွဲများကို အစီအစဉ်တကျ ပြုလုပ်ရမည် ဖြစ်သည်၊၊</p> <p> </p> <p>​ကျန်းဖန်ရုံးခန်းသို့ ပြန်ရောက်သည်နှင့် လင်းဖန် ထံမှ ဖုန်းဝင်လာပါသည်။</p> <p> </p> <p>"ဟယ်လို သူဌေး"</p> <p> </p> <p>​ယနေ့ သူ အတော်ပင် တုန်လှုပ်ခဲ့ရသည်ဟု ဆိုရမည်၊၊ အသက် ၂၀ မျှသာ ရှိသေးသော လင်းဖန်က ရုတ်တရက်ဆိုသလို နည်းပညာအသစ်များကို တစ်ခုပြီးတစ်ခု ထုတ်ပြလာလိမ့်မည်ဟု သူ မထင်ထားခဲ့ပေ၊၊ ပန်ကူးစမတ်လက်ထောက်၏ အခန်းကဏ္ဍမှာ လုန့်ထန်းလုပ်ငန်းစုသစ် တစ်ခုကို ပြန်လည်တည်ထောင်လိုက်သကဲ့သို့ပင် အရေးပါသည်၊၊</p> <p> </p> <p>​"အဲဒီအရာကို စမ်းသပ်တာ ဘယ်လိုလဲ"</p> <p> </p> <p>​ဖုန်းဝင်လာသည်နှင့် လင်းဖန်က ချက်ချင်း မေးလိုက်သည်၊၊</p> <p> </p> <p>​ကျန်းဖန်က တည်ကြည်စွာဖြင့် ပြန်ဖြေသည်။</p> <p> </p> <p>"သူဌေး... ပန်ကူးစနစ်ကို ယွီလီဆီ လွှဲပေးလိုက်ပါပြီ၊ စမ်းသပ်ချက်တွေအရ စွမ်းဆောင်ရည်က အထူးကောင်းမွန်ပြီး မကြာခင်မှာပဲ ဈေးကွက်ထဲ တင်ပို့နိုင်မှာ ဖြစ်ပါတယ်၊"</p> <p> </p> <p>​"ပန်ကူးရဲ့ အကြီးမားဆုံး အခန်းကဏ္ဍက စမတ်ဖုန်းလက်ထောက်အနေနဲ့တင် မဟုတ်ဘဲ အခြေခံဉာဏ်ရည်တု အနေနဲ့ပါ ဖုန်းတွေမှာတင် မဟုတ်ဘဲ ကွန်ပျူတာတွေမှာလည်း အသုံးပြုနိုင်တယ်"</p> <p> </p> <p>​လင်းဖန်က အေးအေးဆေးဆေးပင် ပြောလိုက်ပါသည်။</p> <p> </p> <p>"နီဗားနား ကနေစပြီး..."</p> <p> </p> <p>​"ကျုပ်တို့ရဲ့ နီဗားနား အက်စ်ထွက်လာပြီးရင် 'ပန်ကူး' ကို ဈေးကွက်မှာ ထပ်မရနိုင်တော့ဘူး ကျုပ်တို့လုပ်ငန်းစု ထုတ်ကုန်တွေကလွဲရင် တခြား ဘယ်ပစ္စည်းမှာမှ ပန်ကူးစနစ်ကို ထည့်သွင်းခွင့် မရှိစေရဘူး"</p> <p> </p> <p>​"ဟုတ်ကဲ့ပါ၊ ကျွန်တော် ချက်ချင်း စီစဉ်လိုက်ပါ့မယ်၊၊"</p> <p> </p> <p>ကျန်းဖန်က ကျယ်လောင်စွာ တုန့်ပြန်လိုက်သည်၊၊</p> <p> </p> <p>​တစ်ချိန်တည်းမှာပင် ကျန်းခန်ယွမ်ရှိ အမှတ် (၁) ဗီလာ၏ စာကြည့်ခန်းထဲတွင် လင်းဖန်သည် ပြတင်းပေါက်အပြင်ဘက်က ရှုခင်းကို ကြည့်နေသည်၊၊ သူ၏ မျက်ဝန်းများမှာ နက်မှောင်နေပြီး ဘာတွေ တွေးနေသည်ကို မည်သူမှ မသိနိုင်ပေ၊၊</p> <p> </p> <p>​ခဏအကြာတွင် သူသည် ရုတ်တရက် လှည့်လာပြီး ရှေ့ရှိ ဆာဗာကို ကြည့်ကာ ခပ်တိုးတိုး ခေါ်လိုက်သည်။</p> <p> </p> <p>"ရှုံ့တာ... ထွက်ခဲ့"</p> <p> </p> <p>​"ဆရာ... ကျွန်တော် လာပါပြီ"</p> <p> </p> <p>​စကားအဆုံးတွင် ကွန်ပျူတာမျက်နှာပြင်ပေါ်၌ ချစ်စရာကောင်းသော ပန်ဒါဝက်ဝံလေးတစ်ကောင် ပေါ်လာသည်၊၊ ထိုကောင်လေး၏ မျက်လုံးထဲတွင် လူသားတစ်ယောက်ကဲ့သို့ပင် ပါးနပ်သော အရိပ်အယောင်များ ရှိနေသည်၊၊</p> <p> </p> <p>​လင်းဖန်က ခွင့်ပြုပေးထားသဖြင့် ရှုံ့တာသည် အင်တာနက်အတွင်းသို့ စိတ်ကြိုက် ဝင်ထွက်နိုင်ပြီး အသိပညာများကို လေ့လာသင်ယူနေသည်၊၊ သူ၏ ကြီးထွားနှုန်းမှာ ဒုံးပျံကဲ့သို့ မြန်ဆန်သည်၊၊</p> <p> </p> <p>​တစ်လအတွင်းမှာတင် သူ၏ ဉာဏ်ရည်မှာ ၆ နှစ်အရွယ် ကလေးဘဝမှ ၁၈၊ ၁၉ နှစ်အရွယ်သို့ ရောက်ရှိသွားချေပြီ၊၊ ယခုအခါ သူက လူကြီးတစ်ယောက်ကဲ့သို့ ဖြစ်နေလေပြီ။</p> <p> </p> <p>​ကံကောင်းထောက်မစွာဖြင့် လင်းဖန်က သူ့ကို အမေရိကန် သို့မဟုတ် ဂျပန်နိုင်ငံတို့ဆီ သွားရောက် ဆော့ကစားရန် ပြောထားသည်၊၊ တရုတ်ပိုင်နက်ထဲမှာ မဟုတ်သရွေ့ ကျန်သည့်နေရာတွင် ဘာလုပ်လုပ်ရနိုင်ပြီး မဟုတ်ပါက တရုတ်အင်တာနက်လောကမှာ ဇောက်ထိုးမိုးမျှော် ဖြစ်သွားနိုင်သည်၊၊</p> <p> </p> <p>​ထို့ကြောင့် လွန်ခဲ့သော တစ်လအတွင်း ဂျပန်နှင့် အမေရိကန်တို့မှာ အမည်မသိ ဆိုင်ဘာတိုက်ခိုက်မှုများကို ဆက်တိုက် ကြုံတွေ့ခဲ့ရသည်၊၊ ကြီးမားသော ဆုံးရှုံးမှု မရှိသော်လည်း ၎င်းတို့မှာ အတော်ပင် စိတ်အနှောင့်အယှက် ဖြစ်နေကြသည်၊၊ ကမ္ဘာ့အင်အားကြီးနိုင်ငံများ ဖြစ်သော်လည်း ဟက်ကာတစ်ယောက်ကိုပင် ဖမ်းမမိနိုင်ကြ၊၊ အမှန်စင်စစ်တွင် ထိုနှစ်နိုင်ငံ၏ ဂြိုဟ်တုကွန်ရက်များကို ရှုံ့တာက ထိန်းချုပ်ထားခြင်း ဖြစ်သော်လည်း ၎င်းတို့မှာ မသိရှိကြပါ၊၊</p> <p> </p> <p>​"ရှုံ့တာ... ဒီနေ့ကစပြီး လုံထန်လုပ်ငန်းစုရဲ့ ကွန်ပျူတာအားလုံး၊ ဘဏ္ဍာရေးစနစ်နဲ့ ဘဏ်အကောင့်တွေကို စောင့်ကြည့်ဖို့ မင်းရဲ့ စွမ်းအင်တချို့ကို သုံးပါ ထူးခြားတာတစ်ခုခု ရှိရင် ငါ့ကို ချက်ချင်း အကြောင်းကြားပါ"</p> <p> </p> <p>​လင်းဖန်သည် စီအီးအို ကျန်းဖန်၊ ဘဏ္ဍာရေးမှူး မင်ကျန့်ရှင်းနှင့် အခြားသူများကို ယုံကြည်သော်လည်း သူကိုယ်တိုင် လုပ်ငန်းလည်ပတ်မှုတွင် ပါဝင်လေ့ မရှိပေ၊၊</p> <p> </p> <p>​သို့သော် ၎င်းမှာ လုံထန်လုပ်ငန်းစုအပေါ် သူ စိတ်မဝင်စားခြင်း မဟုတ် ကုမ္ပဏီကြီးများတွင် ဖောက်ပြန်တတ်သူများ ရှိလာနိုင်သည်မှာ ရှောင်လွှဲမရနိုင်သော အချက် ဖြစ်သည်၊၊</p> <p> </p> <p>​အထူးသဖြင့် ဘဏ္ဍာရေးပိုင်းတွင် ငွေကြေးမှာ စိတ်လှုပ်ရှားစရာ ကောင်းလှသည်၊၊ လုံထန်လုပ်ငန်းစု၏ စာရင်းများတွင် ငွေလွှဲပြောင်းမှု ပမာဏများစွာ ပါဝင်နေသဖြင့် မည်သူက မျက်စိမှိတ်နေနိုင်ပါမည်နည်း၊၊</p> <p> </p> <p>​ထို့ကြောင့် သူက ရှုံ့တာကို လုံထန်လုပ်ငန်းစု၏ ကွန်ပျူတာအားလုံးကို စောင့်ကြည့်ခိုင်းပြီး လုပ်ငန်းစု၏ အခြေခံအုတ်မြစ်ကို ဖျက်ဆီးမည့်သူ တစ်ဦးတစ်ယောက်မှ မပေါ်ပေါက်လာအောင် စီစဉ်လိုက်ခြင်း ဖြစ်သည်၊၊</p> <p> </p> <p>​"ဟုတ်ကဲ့ပါ ဆရာ၊၊"</p> <p> </p> <p>​တစ်မိနစ်မပြည့်မီမှာပင် ရှုံ့တာ၏ အသံ ထွက်ပေါ်လာသည်။</p> <p> </p> <p>"လုံထန်လုပ်ငန်းစုရဲ့ ကွန်ပျူတာအားလုံးကို စောင့်ကြည့်နေပါပြီ၊ အချက်အလက်တွေကို စုစည်းနေပါတယ် အခုထက်ထိတော့ ဘာပြဿနာမှ မတွေ့ရသေးပါဘူး၊"</p> <p> </p> <p>​"အင်း"</p> <p> </p> <p>​လင်းဖန်က ခေါင်းညှိမ့်ပြပြီး ဘာမှထပ်မပြောတော့ချေ၊၊</p> <p>......................................................</p> <p>​</p> <p> </p> <p> </p> <p style="text-align: center;">***</p>


Save