Book List

<h2 style="text-align: center;">အခန်း ( ၁၄၇၂ )</h2> <h2 style="text-align: center;">ထိပ်တန်းအဆင့် အင်မော်တယ်သွေးကြော ခြောက်ခု</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ကျွင်းရှောင်ယောက်က သူတို့ကို ဘာကြောင့်ခေါ်နေခြင်းဖြစ်မှန်း သူတို့ သဘာဝအတိုင်း သိကြသည်။</p> <p>သို့သော်လည်း လူအများရှေ့တွင် ဤသို့လုပ်ရခြင်းက အနည်းငယ် ရှက်စရာပင်။</p> <p>နောက်ဆုံးတွင်၊ သူတို့က ထူးချွန်ပြီး အဆင့်အတန်းမြင့်မားသည့် ပြန်လည်ဝင်စားခြင်းပင်လယ်၏ သခင်လေးသုံးယောက် ဖြစ်သည်။</p> <p>"ဘာလဲ၊ မလာကြဘူးလား"<br /> ကျွင်းရှောင်ယောက်က ခေါင်းကို အနည်းငယ်စောင်းငဲ့ကြည့်လိုက်၏။</p> <p>"မဟုတ်ပါဘူး"<br /> လူငယ်လေး သုံးယောက်လည်း မျက်နှာမသာမယာဖြင့် လျှောက်လာခဲ့ကြသည်။</p> <p>"ကျောက်သွားတူးကြ"<br /> ကျွင်းရှောင်ယောက်က တည်ငြိမ်စွာ ပြောလိုက်သည်။</p> <p>ရွှမ်မီတို့ ညီအစ်ကိုမှာ ဒေါသထွက်နေသော်လည်း ဘာမှမတတ်နိုင်ဘဲ ကျောက်တူးရန် ထွက်သွားကြလေသည်။</p> <p>"ဒါ... မဖြစ်နိုင်တာ၊ ပြန်လည်ဝင်စားခြင်းပင်လယ်ရဲ့ သခင်လေးသုံးပါးက သတ္တုတွင်းလုပ်သားတွေ ဖြစ်လာကြပြီလား"<br /> ဤမြင်ကွင်းက လူတိုင်းကို အံ့အားသင့်သွားစေခဲ့သည်။</p> <p>ဒါက ဆန်းကြယ်လွန်းပြီး အစစ်အမှန်ဟု ထင်စရာမရှိပေ။</p> <p>ထိပ်တန်း ပါရမီရှင်တချို့၏ မျက်လုံးများက အနည်းငယ် အရောင်ပြောင်းသွားကြသည်။ သူတို့က တိတ်တိတ်လေး ထွက်ပြေးရန် ခြေလှမ်းပြင်လိုက်ကြ၏။</p> <p>"ခဏနေကြဦး၊ ရှိနေသူအားလုံး မင်းတို့စုဆောင်းထားတဲ့ အင်မော်တယ်သွေးကြောတွေကို ထားခဲ့လိုက်ပါ"</p> <p>ကျွင်းရှောင်ယောက်၏ စကားများက လူတိုင်းကို မျက်နှာပျက်သွားစေခဲ့သည်။</p> <p>သူတို့က တစ်ခုခုပြောချင်ကြသော်လည်း ကျွင်းရှောင်ယောက်၏ မျက်နှာပေါ်မှ မှိန်ဖျော့ဖျော့အပြုံးကို မြင်သောအခါ... စကားလုံးများကို တစ်ဖန် မျိုချလိုက်ကြလေသည်။</p> <p>ကျွင်းရှောင်ယောက်၏ သေမင်းအပြုံးက အတော်လေး နာမည်ကြီးသည်။</p> <p>အင်မော်တယ်နယ်မြေကြီးမှာဆိုလျှင်၊ သူ ဤအပြုံးမျိုးပြုံးလိုက်တိုင်း တစ်စုံတစ်ယောက်က ကံဆိုးရတော့မည်ဟု ဆိုလိုသည်။</p> <p>ထို့ကြောင့် ရှိနေကြသော ပါရမီရှင် လူငယ်လေးများလည်း သူတို့၏ အင်မော်တယ်သွေးကြောများကို နာခံမှုရှိရှိ လွှဲပေးရန်မှတပါး အခြား ရွေးချယ်စရာမရှိတော့ပါ။</p> <p>ကျွင်းရှောင်ယောက်က ဤပါရမီရှင်တွေကို မကြိုက်ပေ။</p> <p>သူတို့ကို မသတ်သော်လည်း သူတို့၏ ဂုဏ်သိက္ခာကို ထိခိုက်စေမည် ဖြစ်သည်။</p> <p>ဟုတ်သည်၊ နောက်ထပ် အကြောင်းပြချက်တစ်ခုလည်း ရှိသေးသည်။ ဤလူများ၏ အရည်အချင်းက သိပ်မြင့်မားခြင်း မရှိပေ။ ထို့ကြောင့် သူတို့ အသက်ရှင်သည်ဖြစ်စေ၊ သေသည်ဖြစ်စေ အရေးမကြီးပါ။</p> <p>သို့ရာတွင်...</p> <p>သက်ရှည်ခြင်းဧကရာဇ်၏သားတော် သို့မဟုတ် တောက်ဝမ်ကဲ့သို့ ပါရမီရှင်တစ်ဦးသာ အသက်ရှင်နေပါက အနာဂတ်တွင် ကြီးမားသော ခြိမ်းခြောက်မှုတစ်ခု ဖြစ်လာနိုင်သည်။</p> <p>'ဝမ့်ယန် မလာသေးပါလား'<br /> ကျွင်းရှောင်ယောက်က သူ့စိတ်ထဲမှ တွေးလိုက်သည်။</p> <p>ကောင်းကင်ကိုးပါး၏ ပါရမီရှင်များလည်း သူတို့၏ အင်မော်တယ်သွေးကြော အားလုံးကို လွှဲပြောင်းပေးပြီးနောက် ကျွင်းရှောင်ယောက်ကို စိတ်ထဲမှ မေတ္တာပို့သကာ ထွက်သွားကြတော့သည်။</p> <p>"တောင်းပန်ပါတယ် ညီနောင်ကျွင်း၊  ခင်ဗျားရဲ့တိုက်ပွဲမှာ ကျုပ် မကူညီနိုင်ခဲ့ဘူး"<br /> ခွန်းရွှီကျစ်က အားတုံ့အားနာ အမူအရာဖြင့် အနားသို့လျှောက်လာသည်။</p> <p>"ကိစ္စမရှိပါဘူး၊ ဒီအင်မော်တယ်သွေးကြောတွေကို ခင်ဗျား ယူလိုက်"<br /> ကျွင်းရှောင်ယောက်က သူစုဆောင်းထားသော အင်မော်တယ်သွေးကြော အနည်းငယ်ကို ခွန်းရွှီကျစ်နှင့် အခြားသူများထံ လွှဲပြောင်းပေးလိုက်သည်။</p> <p>၎င်းတို့ထဲတွင် ပထမတန်းစား အင်မော်တယ်သွေးကြောများပင် ပါဝင်သည်။</p> <p>"ညီနောင်ကျွင်း၊ ဒါက..."<br /> ခွန်းရွှီကျစ်က လက်မခံပေ။</p> <p>သူက ကြိုးစားအားထုတ်မှုမရှိဘဲ ဤအကျိုးကျေးဇူးများကို အလကားရယူရန် အနည်းငယ် ရှက်ရွံ့မိသည်။</p> <p>"ဒီလောက်ယဉ်ကျေးစရာမလိုပါဘူး၊ ကျေးဇူးပြုပြီး လက်ခံလိုက်ပါ"<br /> ကျွင်းရှောင်ယောက်က ပြုံးလျက် ပြောလိုက်၏။</p> <p>သူ၏ လုပ်ရပ်များက အကြောင်းမဲ့ မဟုတ်ပါ။</p> <p>ခွန်းလွန်းတောင်နှင့် ကျွင်းမိသားစုက ရေစက်ရှိသော်လည်း...</p> <p>ကျွင်းရှောင်ယောက်က ဤရေစက်ကြိုးကို ပို၍ ခိုင်မာစေချင်သည်။</p> <p>"အစ်ကို၊ ကျွင်းသခင်လေးက ဒီလောက်ပြောနေမှတော့ လက်ခံလိုက်ပါ"<br /> ခွန်းလင်ယုကတော့ အနည်းငယ်မျှ မတုံ့ဆိုင်းဘဲ ချက်ချင်း လက်ခံယူလေသည်။</p> <p>"ဒါဆို ကျေးဇူးအများကြီးတင်ပါတယ် ညီနောင်ကျွင်း"<br /> ခွန်းရွှီကျစ်က လက်ယှက်ပြလိုက်သည်။</p> <p>တစ်ဖက်မှာတော့ ပြန်လည်ဝင်စားခြင်းပင်လယ်၏ ညီအစ်ကိုသုံးယောက်က ကြိုးကြိုးစားစားဖြင့် ကျောက်တူးနေကြသည်။</p> <p>သက်ရှည်ခြင်းနတ်ဘုရားမကမူ အသိစိတ်ပျောက်ကွယ်သွားသူပမာ တစ်စုံတစ်ရာကို တတွတ်တွတ် ပြောဆိုနေ၏။</p> <p>ကျွင်းရှောင်ယောက်က သူ့ကို တစ်ချက်သာလှမ်းကြည့်ပြီး ထပ်မကြည့်တော့ပေ။</p> <p>သူက သက်ရှည်ခြင်းဧကရာဇ်၏သားတော်နှင့် သက်ရှည်ခြင်းနတ်ဘုရားမကို သေတာထက် ပိုနာကျင်ရသော ဝေဒနာကို ခံစားစေဦးမည် ဖြစ်သည်။</p> <p>ထိုအချိန်၊ အခြားတစ်ဖက်တွင်...</p> <p>ခရမ်းရောင်မြူခိုးများက လေထဲတွင် ဖုံးလွှမ်းနေသည်။</p> <p>ခရမ်းရောင်မြူခိုးများကြားတွင်၊ ဝမ့်ယန်က ခရမ်းရောင်‌နေတစ်စင်းကဲ့သို့ ငြိမ်သက်စွာ ထိုင်နေ၏။</p> <p>သူ့ပတ်ဝန်းကျင်မှာတော့ သိပ်သည်းသော အင်မော်တယ်စွမ်းအင်အလွှာတစ်ခုက လှည့်ပတ်နေသည်။</p> <p>သို့ရာတွင်၊ အထူးခြားဆုံးက ဝမ့်ယန်၏ မျက်ခုံးနှစ်ခုကြားမှ နေရာပင်။</p> <p>သူ၏ အာဒိကပ္ပခရမ်းရောင်ချီမျိုးစေ့က အမှန်တကယ် ကွဲထွက်သွားခဲ့ပြီ ဖြစ်သည်။</p> <p>ရှေးဦးပျက်စီးခြင်းကဲ့သို့ ထူးခြားဆန်းကြယ်သော အငွေ့အသက်များဖြင့် ခရမ်းရောင်အဖူးလေးတစ်ခု ပွင့်ဖူးလာ၏။</p> <p>ထို့နောက် ဝမ့်ယန်၏ အရှိန်အဝါများက မီးတောင်တစ်လုံးပေါက်ကွဲထွက်လာတော့သည်။</p> <p>သူ၏ ကျင့်ကြံမှုအဆင့်က ဆန်းကြယ်ကောင်းကင်အဓိပတိ နယ်ပယ်တွင် နောက်ထပ်အဆင့်တစ်ခုကို ရောက်ရှိသွားခဲ့ပြီ ဖြစ်သည်။</p> <p>"အောင်မြင်ပြီ"<br /> ဝမ့်ယန်က သူ့ခန္ဓာကိုယ်အတွင်းရှိ ကြီးမားသော စွမ်းအားများကို ခံစားမိသောအခါ ကျေနပ်စွာ ပြုံးလိုက်သည်။</p> <p>"သက်ရှည်ခြင်းဧကရာဇ်သားတော်၊ ကျွင်းရှောင်ယောက်နဲ့ အခြားသူတွေက အဲဒီအင်မော်တယ်ကျောက်တွင်းမှာ တိုက်ခိုက်နေကြတုန်းလား မသိဘူး"</p> <p>"ဒါပေမဲ့ ငါက အရှုပ်ထွေးဆုံးတိုက်ပွဲတစ်ခုကို ရှောင်လွှဲခဲ့ပြီး အာဒိကပ္ပခရမ်းရောင်ချီမျိုးစေ့ကို အညှောက်ပေါက်စေဖို့ လုံလောက်တဲ့ အင်မော်တယ်ဓာတ်စွမ်းအင်ကို ရှာဖွေနိုင်ခဲ့တယ်"<br /> ဤအခိုက်တွင် ဝမ့်ယန်က ဒဏ္ဍာရီလာ အာဒိကပ္ပတာအိုခန္ဓာကဲ့သို့ ခရမ်းရောင်အလင်းများ ဝန်းရံခံထားရသည်။</p> <p>ဒဏ္ဍာရီများအရ အာဒိကပ္ပခရမ်းရောင်ချီမျိုးစေ့သာ နောက်ဆုံးအသွင်သို့ ဆင့်ကဲပြောင်းလဲသွားပါက အာဒိကပ္ပသစ်ပင်အဖြစ်သို့ ပြောင်းလဲသွားနိုင်သည်ဟု ဆိုသည်။</p> <p>၎င်းက ကမ္ဘာ့သစ်ပင်နှင့် အဆင့်တူသော ကောင်းကင်နှင့် မြေပြင်၏ နတ်ဘုရားရတနာ တစ်မျိုးပင်။</p> <p>လက်ရှိတွင်၊ ၎င်းက အပင်ပေါက်စဖြစ်သော်လည်း ဝမ့်ယန်၏ ခွန်အားကို အရည်အသွေးပြောင်းလဲမှုတစ်ခု ဖြစ်လာစေခဲ့ပြီ ဖြစ်သည်။</p> <p>"ငါ့ရဲ့လက်ရှိခွန်အားနဲ့ဆိုရင် သက်ရှည်ခြင်းဧကရာဇ်သားတော်ကို စိန်ခေါ်နိုင်ပြီး ပထမဆိုတဲ့ သူ့ရဲ့နေရာကို လှုပ်ခါနိုင်တယ်"</p> <p>"နောက်ပြီးတော့ ကျွင်းရှောင်ယောက်..."</p> <p>ယခုအချိန်တွင်၊ ဝမ့်ယန် ကိုင်တွယ်ချင်ဆုံးသူက ကျွင်းရှောင်ယောက် ဖြစ်သည်။</p> <p>သို့သော်လည်း သူ့အကြည့်က ကွေ့ရှအပျက်အယွင်း၏ နက်နဲရာအရပ်သို့ လှည့်သွား၏။</p> <p>"အင်မော်တယ်ယဇ်ပလ္လင်မှာ ပုံမှန်မဟုတ်တဲ့ လှုပ်ရှားမှုတွေ ရှိခဲ့တာလား။ တခြားလူတွေ အဲဒီကို မရောက်ခင် ငါ အမြန်ဆုံးသွားရမယ်"<br /> ဝမ့်ယန်က နယ်စပ်ကိုဖြတ်ကျော်လာသော နတ်ဘုရားဘုရင်တစ်ပါးကဲ့သို့ နေရာမှထပြီး လျှောက်လှမ်းသွားတော့သည်။</p> <p>အချိန်များ ကုန်လွန်လာခဲ့သည်။</p> <p>အင်မော်တယ်ကျောက်တွင်းမှ ကျွင်းရှောင်ယောက်ကတော့ ဝမ့်ယန်၏ လက်ရှိအခြေအနေကို မသိရသေးပေ။</p> <p>လုံးဝ ဂရုမစိုက်တာဟုလည်း ဆိုနိုင်သည်။</p> <p>အာဒိကပ္ပခရမ်းရောင်ချီမျိုးစေ့ အညှောက်ပေါက်ခြင်းကို မဆိုးထားဘိ... အာဒိကပ္ပသစ်ပင်နှင့် ရောက်ရှိလာလျှင်ပင် သူက ဂရုမစိုက်ပေ။</p> <p>နောက်ဆုံးတွင်၊ သူ၏ အတွင်းစကြာဝဠာ၌ ကမ္ဘာ့သစ်ပင် ရှိသည်။</p> <p>ယခုအချိန်တွင်၊ ရွှမ်ညီနောင်သုံးယောက်၏ တူးဖော်မှုက အတော်ပင် ခရီးပေါက်နေပြီ ဖြစ်သည်။</p> <p>မျှော်လင့်ထားသည့်အတိုင်း၊ မိုင်ပေါင်းသောင်းချီရှည်လျားသော ထိပ်တန်းအဆင့် အင်မော်တယ်သွေးကြောကို ဤအင်မော်တယ်ကျောက်တွင်းမှာ မြှုပ်နှံထာစ၏။</p> <p>ထို့ပြင်၊ တစ်ခုတည်း မဟုတ်ဘဲ ခြောက်ခုအတိ ဖြစ်သည်။</p> <p>အဖြူရောင်ကျောက်စိမ်းမှ ထွင်းထုထားသော ကျောက်စိမ်းနဂါးခြောက်ကောင်ကဲ့သို့ ထိပ်တန်းအဆင့် အင်မော်တယ်သွေးကြော ခြောက်ခုက အကန့်အသတ်မဲ့ ကြွယ်ဝခြင်း အငွေ့အသက်တို့ကို ထုတ်လွှတ်လျက်ရှိ၏။</p> <p>ဒါက ဧကရာဇ်များပင် မနာလိုဖြစ်မည့်ရတနာ ဖြစ်သည်။</p> <p>ရွှမ်ညီနောင်သုံးယောက်တို့၏ မျက်လုံးများမှာလည်း အရောင်တဖိတ်ဖိတ်တောက်နေတော့သည်။</p> <p>သူတို့သာ ဤအင်မော်တယ်သွေးကြောတစ်ခုစီ ရရှိနိုင်ပါက သူတို့သုံးယောက်၏ ကျင့်ကြံမှုမှာ မည်သည့်အဆင့်သို့ ရောက်ရှိနိုင်မည်နည်း။</p> <p>ထိပ်တန်းအဆင့် အင်မော်တယ်သွေးကြောတစ်ခုသည်ပင် တော်ရုံအဆင့် ကျင့်ကြံသူ အများစုအတွက် လေ့ကျင့်ရန် လုံလောက်ဟည်ဟု ဆိုနိုင်သည်။</p> <p>ယခုဆိုလျှင်၊ ခြောက်ခုအထိ ရှိ၏။</p> <p>ဒါက မယုံနိုင်စရာ ကံကောင်းခြင်း အခွင့်အလမ်းတစ်ခုပင်။</p> <p>ထို့ပြင်၊ ပထမတန်းစား အင်မော်တယ်သွေးကြော ဒါဇင်ပေါင်းများစွာလည်း ရှိသည်။</p> <p>ဒုတိယတန်းစားနှင့် တတိယတန်းစား အင်‌မော်တယ်သွေးကြောများဆိုပါက အများအပြား ဖြစ်၏။</p> <p>ယခုတော့ ဒါတွေအားလုံးက ကျွင်းရှောင်ယောက်အပိုင် ဖြစ်ခဲ့ပြီ။</p> <p>ယခုအခါ ကျွင်းရှောင်ယောက်က ကွေ့ရှအပျက်အယွင်းရှိ အင်မော်တယ်သွေးကြော ရှစ်ဆယ် ရာခိုင်နှုန်းခန့်ကို တစ်ယောက်တည်း သိမ်းပိုက်နိုင်ခဲ့ပြီဟု ဆိုနိုင်သည်။</p> <p>အကြောင်းမှာ၊ သူက ကောင်းကင်ကိုးပါး၏ ပါရမီရှင် အများစုကို ဓားပြတိုက်ခဲ့သောကြောင့်ပင်။</p> <p>"ကောင်းပြီ၊ အခုသွားလို့ရပြီ"<br /> ကျွင်းရှောင်ယောက်က သူ့လက်ကို ဝှေ့ယမ်းလိုက်သည်။</p> <p>ရွှမ်ညီနောင်သုံးယောက်က သူ၏ အနိုင်ကျင့်မှုကြောင့် စိတ်ဒဏ်ရာများ ရရှိနေကြပြီ။ အနာဂတ်တွင် ကြီးကျယ်သော အရာများကို အောင်မြင်မှုရရန် မလွယ်ကူတော့ပေ။</p> <p>ထို့ကြောင့် ကျွင်းရှောင်ယောက်ဟာ သူတို့ကို တစ်စုံတစ်ရာ ထပ်မံပြုလုပ်ရန် ပျင်းရိသည်။</p> <p>ရွှမ်ညီနောင်သုံးယောက်တို့မှာလည်း အလွန်မနာလိုဖြစ်ကြသည့်တိုင် ထွက်သွားရန် မငြင်းဆန်ခဲ့ကြပေ။</p> <p>ကျွင်းရှောင်ယောက်က မိုင်တစ်သောင်းရှည်လျားသော ထိပ်တန်းအဆင့် အင်မော်တယ်သွေးကြောတစ်ခုကို ရဲ့ကူချန်အား ပေါ့ပေါ့တန်တန် ပေးလိုက်သည်။</p> <p>"ညီနောင်ကျွင်း..."<br /> ရဲ့ကူချန် အံ့အားသင့်သွား၏။</p> <p>ဒါက ထိပ်တန်းအဆင့် အင်မော်တယ်သွေးကြောတစ်ခုဖြစ်ပြီး သူ့တန်ဖိုးက တိုင်းတာလို့မရပေ။</p> <p>"ခင်ဗျားနဲ့ ကျွန်တော်ကြားမှာ အားနာစရာ လိုလို့လား"<br /> ကျွင်းရှောင်ယောက်က ပြုံးလျက် ပြောလိုက်၏။</p> <p>ရဲ့ကူချန်လည်း မငြင်းဆန်တော့ဘဲ တိုက်ရိုက်လက်ခံလိုက်တော့သည်။</p> <p>တစ်ဖက်တွင်၊ ခွန်းရွှီကျစ်နှင့် အခြားသူများက မနာလိုမှု အရိပ်အယောင်ပင်မပြဘဲ တည်ငြိမ်စွာ ရှိခဲ့သည်။</p> <p>နောက်ဆုံးမှာတော့ သူတို့ဟာ ခြေမထိ လက်မထိဖြင့် အင်မော်တယ်သွေးကြောတချို့ကို ရရှိခဲ့ကြပြီးပြီ မဟုတ်လော။</p> <p>ကျွင်းရှောင်ယောက်က အလွန်ရက်ရောပြီးပြီဖြစ်၍ နောက်ထပ် မတောင်းဆိုနိုင်ပေ။</p> <p>"ညီနောင်ကျွင်း၊ ကျုပ်က ကွေ့ရှအပျက်အယွင်းရဲ့ အခြားနေရာတွေကို စူးစမ်းဖို့ စီစဉ်ထားတယ်။ ခင်ဗျားကရော..."<br /> ရဲ့ကူချန်က ပြောလိုက်သည်။ သူက အင်မော်တယ်ယဇ်ပလ္လင်သို့ သွားရန် ရည်ရွယ်ချက်မရှိပေ။</p> <p>နောက်ဆုံးတွင်၊ တုကူးဓားနတ်ဘုရား၏ ဝိညာဉ်တစ်မျှင်အနေဖြင့် သူက ထိုသို့သောနေရာမျိုးကို အလိုလို စက်ဆုပ်ရွံရှာမိသည်။</p> <p>"ကျုပ်ကတော့ ဒီမှာ ခဏလောက် လေ့ကျင့်ချင်သေးတယ်။ ဒါကြောင့် ခင်ဗျားတို့ သွားချင်တဲ့နေရာရှိရင် သွားကြပါ"<br /> ကျွင်းရှောင်ယောက်က ပြောလိုက်၏။</p> <p>"ကောင်းပြီ၊ ကွေ့ရှအပျက်အယွင်း အပြင်ဘက်မှာ ပြန်ဆုံကြတာပေါ့"<br /> ရဲ့ကူချန်နှင့် ခွန်းရွှီကျစ်တို့က အနည်းငယ် ခေါင်းညိတ်လိုက်ပြီး အားလုံး ထွက်သွားကြတော့သည်။</p> <p>စိတ်ကစဉ့်ကလျားဖြစ်နေပုံရသော သက်ရှည်ခြင်းနတ်ဘုရားမနှင့် ကျွင်းရှောင်ယောက်တို့သာ ဤနေရာတွင် ကျန်ခဲ့သည်။</p> <p>"ကိုင်း၊ အခု အစီအစဉ်ကို အကောင်အထည်ဖော်ဖို့ အချိန်တန်ပြီ"<br /> ကျွင်းရှောင်ယောက်က ခပ်တိုးတိုး ရေရွတ်လိုက်သည်။</p> <p>ရဲ့ကူချန်နှင့် အခြားသူများ ထွက်သွားခြင်းက သူ့အစီအစဉ်များကို အကောင်အထည်ဖော်ရန် ပို၍လွယ်ကူစေခဲ့သည်။</p> <p>နောက်ဆုံးမှာတော့၊ ကျွင်းရှောင်ယောက်တွင် ယဇ်ဆရာသခင်၏အမိန့်တော် ရှိနေခြင်းအကြောင်းကို အပြင်လူများ မသိရှိခြင်းက အကောင်းဆုံးပင်။</p> <p>ကျွင်းရှောင်ယောက်က ယဇ်ဆရာသခင်၏အမိန့်တော်ဖြင့် အင်မော်တယ် ယဇ်ပလ္လင်တွင် မည်သို့သော အခွင့်အရေးမျိုး ရရှိနိုင်မည်ကို အလွန်သိချင်နေခဲ့သည်။</p> <p>ထို့ထက်၊ အရေးကြီးဆုံးအချက်က သူဟာ အကြံတစ်ခု ရှိနေပြီ။</p> <p>သူက သက်ရှည်ခြင်းဧကရာဇ်၏သားတော်နှင့် အခြားသူများကို လှည့်စားရန် စဉ်းစားထားသည်။</p> <p>သို့သော်လည်း ဤမတိုင်မီမှာတော့...</p> <p>ကျွင်းရှောင်ယောက်က အင်မော်တယ်သွေးကြောများ အများကြီး ရလာပြီးနောက် ဆန်းကြယ်ကောင်းကင်အဓိပတိနယ်ပယ်သို့ အပြည့်အဝ တက်လှမ်းရန် ပြင်ဆင်ထားသည်။</p>


Save