Book List

<h2 style="text-align: center;">အခန်း ( ၁၄၇၃ )</h2> <h2 style="text-align: center;">အင်မော်တယ်ယဇ်ပလ္လင်သို့ ရောက်ရှိပြီ</h2> <h2 style="text-align: center;">*</h2> <h2 style="text-align: center;"> </h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ကျွင်းရှောင်ယောက်သည် ဆန်းကြယ်ကောင်းကင်အဓိပတိနယ်ပယ်သို့ အစောကြီးကပင် ချိုးဖြတ်နိုင်သည်။</p> <p>သို့သော်လည်း သူက ထိုသို့မလုပ်ခဲ့ပေ။</p> <p>အကြောင်းမှာ ရှေ့တွင် ပိုကြီးမားသော အခွင့်အလမ်းများ ရှိနေနိုင်ကြောင်း သူ ခံစားမိသောကြောင့် ဖြစ်သည်။</p> <p>ယခုတော့ ကြီးမားသော အခွင့်အလမ်းတစ်ခုက အမှန်တကယ် ရောက်ရှိလာခဲ့ပြီ။</p> <p>သို့သော်လည်း ကျွင်းရှောင်ယောက်က အဆင့်များစွာကို ဖောက်ထွက်ရန် မရည်ရွယ်ခဲ့ပေ။</p> <p>နောက်ဆုံးတွင်... နောက်ဆုံးအကြိမ် သူ အဆင့်တက်ခဲ့ခြင်းက မကြာသေးပါ။</p> <p>ထို့ကြောင့် ယခုတစ်ကြိမ်တွင် ဆန်းကြယ်ကောင်းကင်အဓိပတိအဆင့်သို့ တက်လှမ်းနိုင်လျှင် လုံလောက်ပြီ ဖြစ်သည်။</p> <p>ထိုအချိန်တွင် သက်ရှည်ခြင်းဧကရာဇ်၏သားတော်နှင့် အခြားသူများကို ကိုင်တွယ်ရန် အများကြီး ပိုလွယ်သွားလိမ့်မည်။</p> <p>ထို့နောက် ကျွင်းရှောင်ယောက်က လေထဲတွင် တင်ပျဉ်ခွေထိုင်ကာ စတင်လေ့ကျင့်လိုက်သည်။</p> <p>သူ့ခန္ဓာကိုယ်တစ်ခုလုံးက ဧရာမ မီးပြင်းဖိုကြီးတစ်ခုကဲ့သို့ဖြစ်ပြီး နိယာမမီးလျှံများ ပေါက်ကွဲထွက်လာခဲ့၏။</p> <p>ပတ်ဝန်းကျင်ရှိ အင်မော်တယ်သွေးကြောများကို ဤ "မီးဖို" ထဲသို့ ပစ်ချပြီး အသန့်စင်ဆုံး အင်မော်တယ်ဓာတ်စွမ်းအင်များအဖြစ် သန့်စင်လိုက်တော့သည်။</p> <p>ကောင်းကင်ကိုးပါး တားမြစ်နယ်မြေတစ်ခုလုံးရှိ လူငယ်မျိုးဆက်များတွင်၊ ကျွင်းရှောင်ယောက်ကဲ့သို့ ကျင့်ကြံရန်အတွက် အင်မော်တယ်ဓာတ်စွမ်းအင်များကို အလွန်အကျွံ သုံးစွဲနိုင်သူ များများမရှိပေ။</p> <p>ထိုအခါမှသာ သက်ရှည်ခြင်းနတ်ဘုရားမ၏ ထုံကျင်နေသော မျက်ဝန်းများက ကျွင်းရှောင်ယောက်ဆီသို့ ဖြည်းဖြည်းချင်း လှည့်လာကြသည်။</p> <p>သို့သော်လည်း သူ၏ ကျင့်ကြံမှုအခြေခံက ပိတ်ဆို့ခံထားရသည်။</p> <p>ထို့ပြင်၊ သူသည် စိတ်ပိုင်းဆိုင်ရာ ထိုးနှက်ချက်တစ်ခုကိုလည်း ခံစားခဲ့ရ၏။</p> <p>ထို့ကြောင့် သူဟာ ကျွင်းရှောင်ယောက်၏ ကျင့်ကြံမှုကို နှောင့်ယှက်ရန် မဖြစ်နိုင်ပေ။</p> <p>သို့သော်လည်း ယခုအချိန်တွင် ကျွင်းရှောင်ယောက်၏ အရှိန်အဝါက သက်ရှည်ခြင်းဧကရာဇ်၏သားတော်ထက်ပင် ပိုမိုကြီးကျယ်ခမ်းနားသည်ဟု သူ ခံစားမိသည်။</p> <p>၎င်းက ရှေးဟောင်းနတ်ဘုရားတစ်ပါး အသွင်ပြောင်းခြင်းကို ခံယူနေသကဲ့သို့ပင်။</p> <p>သက်ရှည်ခြင်း နတ်ဘုရားမက ယခုအခါ စိတ်ပျက်အားငယ်ပြီး အရှုံးပေးလုနီး ဖြစ်သည်။</p> <p>သို့သော်လည်း သက်ရှည်ခြင်းဧကရာဇ်၏သားတော် တကယ်မကျဆုံးသေးသရွေ့ သူ့မှာ မျှော်လင့်ချက်အနည်းငယ် ရှိနေသေးသည်။</p> <p>ကျွင်းရှောင်ယောက်က အင်မော်တယ်ဓာတ်စွမ်းအင်များကို သန့်စင်ပြီး အဆင့်တက်ရန် ပြင်ဆင်နေချိန်...</p> <p>အခြားသော ထိပ်တန်း ပါရမီရှင်များက အင်မော်တယ်ယဇ်ပလ္လင်သို့ တက်လှမ်းနိုင်ရန် ကြိုးစားနေကြသည်။</p> <p>သို့သော်လည်း ထိုနေရာမှ ဖိအားက အလွန်ကြောက်စရာကောင်းပြီး ရှေးဟောင်းတားမြစ်နယ်မြေတစ်ခု ဖြစ်၏။</p> <p>ပါရမီရှင် အများစုအတွက် ထိုနေရာနှင့် နီးစပ်နိုင်ရန်ပင် မလွယ်ပေ။</p> <p>နောက်ဆုံးတွင်၊ မမြင်နိုင်သော ဖိအားများကို ကြံ့ကြံ့ခံပြီး ရှေ့ဆက်တိုးနေသူက အနည်းငယ်သာ ရှိသည်။</p> <p>သူတို့က သက်ရှည်ခြင်းဧကရာဇ်၏သားတော်၊ တောက်ဝမ်နှင့် ဝမ့်ယန်ကဲ့သို့ လူအနည်းစုပင်။</p> <p>သို့သော်လည်း ဖိအားများကို ခံနိုင်လျှင်ပင် ရှေ့ကို တက်လှမ်းမှုနှုန်းက အလွန်နှေးကွေးခဲ့သည်။</p> <p>အင်မော်တယ်ယဇ်ပလ္လင်နှင့် နီးကပ်လာလေလေ၊ နွံအိုင်ထဲတွင် ရုန်းကန်နေရသကဲ့သို့ ခံစားချက်များက ပို၍ ပြင်းထန်လာလေပင်။</p> <p>သို့ရာတွင်၊ သူတို့က ခြေလှမ်းတိုင်းကို တည်ငြိမ်စွာ လျှောက်လှမ်းခဲ့ကြသည်။</p> <p>အကြောင်းမှာ၊ ထိုနေရာတွင် ကြီးမားသော အခွင့်အလမ်းတစ်ခု ရှိနေနိုင်သောကြောင့်ပင်။</p> <p>အချိန်များ တဖြည်းဖြည်း ကုန်လွန်လာခဲ့သည်။</p> <p>ဤသို့ဖြင့် ရက်အနည်းငယ်ကြာသွားပြီ။</p> <p>ဒါက အထူးအင်မော်တယ်ကျောက်တွင်းမှာ ဖြစ်သည်။</p> <p>လေထဲတွင် တင်ပျဉ်ခွေထိုင်နေသော ကျွင်းရှောင်ယောက်ကို အင်မော်တယ်ဓာတ်စွမ်းအင် အလွှာတစ်ခုက ဖုံးအုပ်ထား၏။</p> <p>သူက အင်မော်တယ်သွေးကြောများစွာကို သန့်စင်ပြီးဖြစ်သည်။</p> <p>ထိပ်တန်းအဆင့် အင်မော်တယ်သွေးကြောတစ်ခုကိုပင် သန့်စင်ခဲ့သေးသည်။</p> <p>ဤထိပ်တန်းအဆင့် အင်မော်တယ်သွေးကြောက အင်အားစုတစ်ခုအတွက် အချိန်အတော်ကြာ ကျင့်ကြံရန် လုံလောက်ကြောင်း သိရှိထားသင့်သည်။</p> <p>ရလဒ်အနေဖြင့်၊ ကျွင်းရှောင်ယောက်က ရက်အနည်းငယ်အတွင်းမှာပင် ၎င်းအားလုံးကို သူ့ခန္ဓာကိုယ်ထဲသို့ သန့်စင်နိုင်ခဲ့ပြီ။</p> <p>ဤအခြေအနေက သာမန်ပါရမီရှင်များအတွက် ခန္ဓာကိုယ်များ ပေါက်ကွဲသွားစေနိုင်လောက်သည်။</p> <p>သို့သော်လည်း၊ ကျွင်းရှောင်ယောက်၏ ခန္ဓာကိုယ်ကြံ့ခိုင်မှုက သမိုင်းတစ်လျှောက်မှ အဆင့်တူ နယ်ပယ်တူတိုင်းမှာ အသန်မာဆုံးဟု ဆိုနိုင်သည်။</p> <p>ဤမျှများပြားလှသော အင်မော်တယ်ဓာတ်စွမ်းအင်များကိုပင် သူ့ခန္ဓာကိုယ်က အပြည့်အဝ ချေဖျက်ပြီး စုပ်ယူနိုင်သေးသည်။</p> <p>ကျယ်လောင်သော ပေါက်ကွဲသံများ ဆက်တိုက် ထွက်ပေါ်လာခဲ့သည်။</p> <p>ကျွင်းရှောင်ယောက်၏ အရှိန်အဝါက နောက်တစ်ဖန် မြင့်တက်လာ၏။</p> <p>သူ့ခန္ဓာကိုယ်အတွင်းမှ တစ်စုံတစ်ခု ကွဲအက်သလို အသံကြားရသည်။</p> <p>၎င်းက အချုပ်အနှောင် ကျိုးပေါက်သွားသည့် အသံပင်။</p> <p>ကျွင်းရှောင်ယောက်၏ ကျင့်ကြံမှုအဆင့်က ဆန်းကြယ်ကောင်းကင်အဓိပတိနယ်ပယ်သို့ ချက်ချင်း ရောက်ရှိသွားခဲ့သည်။</p> <p>သို့သော်... ဒါက မပြီးသေးပါ။</p> <p>ဆန်းကြယ်ကောင်းကင်အဓိပတိနယ်ပယ် အစောပိုင်းအဆင့်...</p> <p>ဆန်းကြယ်ကောင်းကင်အဓိပတိနယ်ပယ် အလယ်အဆင့်...</p> <p>ဆန်းကြယ်ကောင်းကင်အဓိပတိနယ်ပယ် နှောင်းပိုင်းအဆင့်...</p> <p>ဆန်းကြယ်ကောင်းကင်အဓိပတိနယ်ပယ် သေးငယ်သော ပြီးပြည့်စုံခြင်း အဆင့်...</p> <p>ဆန်းကြယ်ကောင်းကင်အဓိပတိနယ်ပယ် ကြီးမားသော ပြီးပြည့်စုံခြင်း အဆင့်...</p> <p>ကျွင်းရှောင်ယောက်၏ ကျင့်ကြံမှုက စီးဆင်းနေသောရေပမာ ချောမွေ့နေပြီး ဆန်းကြယ်ကောင်းကင်အဓိပတိနယ်ပယ် ကြီးမားသော ပြီးပြည့်စုံမှုအဆင့်သို့ ရောက်ရှိသွားခဲ့ပြီ။</p> <p>ဘေးတွင်ရပ်နေသော သက်ရှည်ခြင်းနတ်ဘုရားမလည်း အံ့အားသင့်သွားသည်။</p> <p>လူတစ်ယောက်က ကျင့်ကြံမှုအဆင့်ကို အဘယ်ကြောင့် ဤမျှမြန်ဆန်စွာ ချိုးဖြတ်နိုင်သနည်း။</p> <p>သက်ရှည်ခြင်းနတ်ဘုရားမ မယုံနိုင်ပေ။</p> <p>သူသာမကဘဲ ကျွင်းရှောင်ယောက်ကိုယ်တိုင်ပင် အတန်ငယ် ဇဝေဇဝါဖြစ်မိသည်။</p> <p>သူ၏ ကနဦးရည်မှန်းချကအထိဆန်းကြယ်ကောင်းကင်အဓိပတိတစ်ပိုင်းအဆင့်မှ ဆန်းကြယ်ကောင်းကင်အဓိပတိနယ်ပယ်သို့ အပြည့်အဝ ချိုးဖြတ်နိုင်စေရန်သာ ဖြစ်သည်။</p> <p>တစ်ချီတည်းဖြင့် ဆန်းကြယ်ကောင်းကင်အဓိပတိနယ်ပယ် ကြီးမားသော ပြီးပြည့်စုံမှုအဆင့်သို့ တိုက်ရိုက်ရောက်ရှိလိမ့်မည်ဟု မည်သူထင်မှတ်ခဲ့မည်နည်း။</p> <p>သူက အဆင့်တက်ချင်ရုံသာဖြစ်သော်လည်း နောက်ဆုံးမတောတော့ မချိမဆန့် တိုးတက်သွားခဲ့သည်။</p> <p>"ဘာဖြစ်လို့ ဒီလိုဖြစ်ရတာလဲ။ ငါ့ရဲ့ ကိုယ်ပိုင်ကျင့်ကြံမှုအဆင့် ချိုးဖြတ်တာကိုတောင် ငါက မထိန်းချုပ်နိုင်တော့ဘူးလား"<br /> ကျွင်းရှောင်ယောက်က တည်ကြည်သော မျက်နှာထားဖြင့် လေးလေးနက်နက် စဉ်းစားလိုက်မိသည်။</p> <p>သို့သော်လည်း သူ့စကားကြောင့် သက်ရှည်ခြင်းနတ်ဘုရားမ သွေးအန်လုနီးပါး ဖြစ်သွား၏။</p> <p>ဒါက ဈေးသက်သက်သာသာနဲ့ ပစ္စည်းကောင်းကို ရလိုက်တာမျိုး မဟုတ်ဘူးလား။</p> <p>သူ့ဘဝမှာ ဤကဲ့သို့ တိုးတက်မှုမျိုး တစ်ခါမှ မမြင်ဖူးပေ။</p> <p>သူကိုယ်တိုင် နတ်ဘုရားတစ်ပါးအဖြစ် ရိုသေလေးစားရသော သက်ရှည်ခြင်းဧကရာဇ်၏သားတော်ပင်လျှင် အများဆုံး တစ်ကြိမ်မှာ အဆင့်ငယ် နှစ်ခုကိုသာ ဖြတ်ကျော်နိုင်သည်။</p> <p>သို့တိုင် သက်ရှည်ခြင်းနတ်ဘုရားမက အလွန်လေးစားမိချေပြီ။</p> <p>သို့ဆိုလျှင်၊ ကျွင်းရှောင်ယောက်၏ အခြေအနေကို မည်သို့ရည်ညွှန်းရမည်နည်း။</p> <p>နတ်ဆိုးလား။ မကောင်းဆိုးရွားလား။</p> <p>ဒါက စကားလုံးဖြင့် ဖော်ပြရန် မဖြစ်နိုင်တော့ပေ။</p> <p>ခဏမျှစဉ်းစားပြီးနောက် ကျွင်းရှောင်ယောက်က ခေါင်းကိုအနည်းငယ်ခါယမ်းလိုက်သည်။<br /> "ရှိပါစေတော့လေ၊ နောက်တစ်ခါမှ ငါ့ကိုယ်ငါထိန်းထားလိုက်မယ်"</p> <p>ကျွင်းရှောင်ယောက်က ဂရုမစိုက်တော့ပေ။</p> <p>တိုးတက်မှု မြန်ဆန်လွန်းခြင်း၊ အခြေခံ မတည်မငြိမ်ဖြစ်ခြင်း...</p> <p>ဒါမျိုးက ကျွင်းရှောင်ယောက်အတွက် လုံးဝ မရှိနိုင်ပါ။</p> <p>သူ၏ ခန္ဓာကိုယ်ကြံ့ခိုင်မှုက အခိုင်မာဆုံး အုတ်မြစ်အဖြစ် ရှိ‌နိုင်သည်။</p> <p>ယခုတစ်ကြိမ်တွင် ကျွင်းရှောင်ယောက်၏ တိုးတက်မှုက ကျင့်ကြံမှုအခြေခံ တိုးတက်ခြင်းမျှသာ မဟုတ်ပါ။</p> <p>သူ့ခန္ဓာကိုယ်ကလည်း အင်မော်တယ်ဓာတ်စွမ်းအင်ဖြင့် သန့်စင်ခြင်းခံခဲ့ရသည်။</p> <p>ထို့ကြောင့် သူ၏ခန္ဓာကိုယ်အတွင်းရှိ ဆဲလ်များက မေယုကမ္ဘာအဖြစ်သို့ ထပ်မံပြောင်းလဲသွားကြ၏။</p> <p>အင်မော်တယ်ဓာတ်စွမ်းအင်များက ကျင့်ကြံမှုအတွက် ရွှေဆေးဖြစ်ကြောင်း အမှန်တကယ် ဆိုထိုက်သည်။</p> <p>ကျွင်းရှောင်ယောက်၏ မေယုကမ္ဘာက ခြောက်ထောင်ပြည့်အထိ တိုးတက်ခဲ့ပြီ။</p> <p>ယခင်လေးထောင်ကို ထည့်ပေါင်းလိုက်လျှင် မေယုကမ္ဘာတစ်သောင်း ဖြစ်သည်။</p> <p>ကျွင်းရှောင်ယောက်၏ ခန္ဓာကိုယ်တွင်းမှ မေယုကမ္ဘာက တစ်သောင်းပြည့်ခဲ့ပြီ။</p> <p>သို့ရာတွင်...</p> <p>ဤအရေအတွက်က အံ့မခန်းဖြစ်သော်လည်း၊ ကျွင်းရှောင်ယောက်၏ ရည်မှန်းချက်က သူ့ခန္ဓာကိုယ်အတွင်းမှ ဆဲလ်အားလုံးကို မေယုကမ္ဘာအဖြစ် ပြောင်းလဲရန် ဖြစ်သည်။</p> <p>သို့တိုင်၊ ဒါက ကျွင်းရှောင်ယောက်၏ လက်ရှိအဆင့်အတွက် အလွန်ကြောက်စရာကောင်းသော အင်အားတစ်ခု ဖြစ်နေပြီ။</p> <p>မေယုကမ္ဘာတစ်သောင်း၏ စွမ်းအားကို ထုတ်ဖော်လိုက်ပါက ဖြစ်ပေါ်လာမည့် အဖျက်စွမ်းအားမှာ ကြောက်စရာကောင်းလွန်းသည်။</p> <p>မည်သို့ပင်ဖြစ်စေ၊ ကျွင်းရှောင်ယောက်က နောက်ထပ်ကြီးမားသော ခြေလှမ်းတစ်ခုကို လှမ်းလိုက်နိုင်ခဲ့ပြီ။</p> <p>သူ၏ ကျင့်ကြံမှု ပြီးဆုံးပြီးနောက်၊ ကျွင်းရှောင်ယောက်က ထွက်ခွာရန် ပြင်ဆင်လိုက်သည်။</p> <p>"အင်မော်တယ်ယဇ်ပလ္လင်ကိုသွားဖို့ အချိန်ကျပြီ"<br /> ကျွင်းရှောင်ယောက်က သက်ရှည်ခြင်းနတ်ဘုရားမကို နိယာမသံကြိုးဖြင့် ပြန်လည်ချည်နှောင်လိုက်၏။</p> <p>သက်ရှည်ခြင်းနတ်ဘုရားမ၏ မျက်နှာက အံ့အားသင့်မှုတို့မှ ပြန်လည်မကောင်းမွန်သေးပါ။</p> <p>သို့ရာတွင်... သူ့အတွက် စစ်မှန်သော အံ့ဩစရာက ‌မရောက်လာသေးကြောင်း သူ မသိခဲ့ပေ။</p> <p>ကျွင်းရှောင်ယောက်က သက်ရှည်ခြင်းနတ်ဘုရားမကို ခေါ်ဆောင်ကာ အင်မော်တယ်ယဇ်ပလ္လင်ဆီသို့ ဦးတည်သွားခဲ့သည်။</p> <p>ထို့ပြင်၊ ကျွင်းရှောင်ယောက်တွင် လက်မှတ်ထိုးဝင်ရန် တာဝန်တစ်ခု ရှိသေးသည်။</p> <p>ဒါက ကွေ့ရှအပျက်အယွင်း၏ နက်နဲရာအရပ်သို့ရောက်မှ လက်မှတ်ထိုးဝင်နိုင်မည့်ပုံရသည်။</p> <p>ကျွင်းရှောင်ယောက်က တည်နေရာရွှေ့ပြောင်းသကဲ့သို့ မယုံနိုင်စရာ အမြန်နှုန်းဖြင့် ဟင်းလင်းပြင်ကို ဖြတ်သန်းသွားလေသည်။</p> <p>ယုတ္တိဗေဒအရ၊ အင်မော်တယ် ယဇ်ပလ္လင်၏ ဖိအားက လူတိုင်းအပေါ် တူညီစွာ သက်ရောက်သင့်သည်။</p> <p>ဥပမာအားဖြင့် သက်ရှည်ခြင်းဧကရာဇ်၏သားတော်၊ တောက်ဝမ်နှင့် ဝမ့်ယန်တို့က အင်မော်တယ် ယဇ်ပလ္လင်မှ အတန်ငယ် ဝေးကွာနေသေးသည်။</p> <p>တစ်ဖက်တွင်မူ၊ ကျွင်းရှောင်ယောက်က အလွန်လျင်မြန်သော အရှိန်ဖြင့် သူတို့ကို ကျော်တက်သွားခဲ့သည်။</p> <p>သူ့အပေါ် ဤဖိအားကို အဘယ်ကြောင့် အဘယ်ကြောင့်မသက်ရသလဲဆိုလျှင်တော့...</p> <p>ကျွင်းရှောင်ယောက်ဟာ ယဇ်ဆရာသခင်၏အမိန့်တော်ကို ပိုင်ဆိုင်ထားခြင်းကြောင့်ဟု ဆိုရမည် ဖြစ်သည်။</p> <p>သူ့ခန္ဓာကိုယ်ပေါ်တွင် နံပါတ်"ငါး" စာလုံးထွင်းထားသော ယဇ်ဆရာသခင်၏ အမိန့်တော် ရှိ၏။</p> <p>သူ့အနီးတွင် ရှိနေခြင်းကြောင့်လားမသိ၊ သက်ရှည်ခြင်းနတ်ဘုရားမမှာလည်း ဖိအားများမှ ကင်းလွတ်ခွင့်ရခဲ့သည်။</p> <p>မသိလိုက်ခင်မှာပင် ကျွင်းရှောင်ယောက်က သက်ရှည်ခြင်းဧကရာဇ်၏သားတော်၊ တောက်ဝမ်နှင့် ဝမ့်ယန်တို့ထက် သာလွန်သွားခဲ့ပြီ။</p> <p>သို့သော်လည်း သူတို့က လမ်းကြောင်းတစ်ခုတည်းပေါ်တွင် မရှိသောကြောင့် တစ်ဦးနှင့်တစ်ဦး မတွေ့ခဲ့ကြပေ။</p> <p>အချိန်အနည်းငယ်ကြာပြီးနောက်...</p> <p>ကျွင်းရှောင်ယောက် မြင်နိုင်သမျှ ပတ်ဝန်းကျင် တစ်ခုလုံးမှာ လုံးဝ ဆိတ်သုဉ်း၍ ခြောက်ကပ်နေသည်။</p> <p>မြေပြင်ကလည်း အက်ကြောင်းများ၊ ကျင်းကြီးများဖြင့် ပြည့်နှက်နေ၏။</p> <p>ထိုအချိန်တွင် လေပြင်းတစ်ချက် တိုက်ခတ်သွားပြီး အနီရောင်ဖုန်မှုန့်များ လွင့်တက်လာသည်။</p> <p>ဒါက နှစ်ပေါင်းများစွာ စုပုံနေခဲ့သော သွေးရောင်ဖုန်မှုန့်များဖြစ်ပြီး၊ ဤမြေပြင်တွင် သွေးများ မည်မျှသွန်ကျခဲ့ရပြီမှန်း မည်သူမျှ မသိနိုင်တော့ပေ။</p> <p>ပတ်ဝန်းကျင်ကိုကြည့်လိုက်လျှင် ဤကွေ့ရှအပျက်အယွင်း၏ အနက်ရှိုင်းဆုံးအရပ်က သွေးရောင်လွင်ပြင်ကျယ်ကြီးတစ်ခုနှင့် တူသည်။</p> <p>ဤနေရာ၏ အနက်ရှိုင်းဆုံးအရပ်မှာတော့ ကောင်းကင်နှင့်မြေပြင်ကို ထောက်ပံ့ထားသည့် တိုင်လုံးတစ်ခုအလား မြင့်မားပြီး ရှေးကျ၍ လျှို့ဝှက်ဆန်းကြယ်ခြင်း အငွေ့အသက်များ ထွက်ပေါ်နေသော အဆောက်အဦကြီးတစ်ခု ရှိနေခဲ့သည်။</p> <p>"အဲဒါက... အင်မော်တယ် ယဇ်ပလ္လင်ပဲ"</p>


Save