Book List

<h2 style="text-align: center;">အခန်း ( ၁၄၇၆ )</h2> <h2 style="text-align: center;">ပဉ္စမမြောက် ယဇ်ဆရာသခင်ကို ကိုယ်တိုင်ဖန်တီးခြင်း</h2> <h2 style="text-align: center;">*</h2> <h2 style="text-align: center;"> </h2> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ဤအတွက် တုန်လှုပ်မှုများက မြင်ယောင်ကြည့်ရန် ခက်ခဲသည်။</p> <p>ရွှေရောင် နတ်ဘုရားဓမ္မခန္ဓာတွင် ကောင်းကင်ဘုံနှင့် စကြဝဠာတစ်ခုလုံးကို ဖိနှိပ်နိုင်သည့် စွမ်းအားတစ်ခု ရှိ၏။</p> <p>သူ့ပတ်ဝန်းကျင်တွင် အဆုံးမဲ့ စွမ်းအင်များနှင့် အငွေ့အသက်တို့က လည်ပတ်နေကာ သူ့မျက်နှာကို အနည်းငယ် မှုန်ဝါးစေသည်။</p> <p>သို့သော်လည်း ၎င်းက ကျွင်းရှောင်ယောက်နှင့် ဆင်တူကြောင်း ဝေဝါးဝါး မြင်နိုင်သေးသည်။</p> <p>မရေမတွက်နိုင်သော သတ္တဝါများက သူ့ခြေရင်းတွင် ဝတ်ပြုနေကြသည်။</p> <p>နတ်ဘုရားများကလည်း သူ့ပတ်ဝန်းကျင်၌ ဂါထာမန္တာန်များကို ရွတ်ဖတ်နေကြ၏။</p> <p>နတ်ဘုရားဓမ္မခန္ဓာ ပေါ်လာသည်နှင့် တပြိုင်နက်၊ နေရာတစ်ခုလုံးရှိ တုန်ခါမှုများမှာ ပိုမိုပြင်းထန်လာတော့သည်။</p> <p>ဒါက ကွေ့ရှအပျက်အယွင်းကို သက်ရောက်မှုရှိခဲ့ပုံရသည်။</p> <p>နောက်ဆုံးတွင်၊ နတ်ဘုရားဓမ္မခန္ဓာက အလွန်စွမ်းအားကြီးပြီး ကျွင်းရှောင်ယောက်၏ နယ်ပယ်ကန့်သတ်ချက်ထက် အဆများစွာ သာလွန်သည်။</p> <p>ထိုအချိန်က နတ်ဘုရားဓမ္မခန္ဓာသည် ကြေးခေါင်းတလားကို ဦးခေါင်းထက်တွင် ဆိုင်းငံ့စေပြီး အင်မော်တယ်သတ်ဓားဖြင့် အန္တိမကပ်ဘေးကြီးကို တိုက်ခိုက်ခဲ့သည်။</p> <p>ယင်းက အလွန် တုန်လှုပ်ဖွယ်ကောင်းသော မြင်ကွင်းမျိုး ဖြစ်၏။</p> <p>ယခုမူကား နတ်ဘုရားဓမ္မခန္ဓာမှာ ဤလောကတွင် ပြန်ပေါ်လာခဲ့ပြီ။</p> <p>ယုံကြည်မှုစွမ်းအားများ အ‌မြောက်အမြား ရရှိလာခြင်းကြောင့်လားမသိ...</p> <p>နတ်ဘုရားဓမ္မခန္ဓာမှ ဖြာထွက်နေသော အရှိန်အဝါများက ယခင်ကထက် များစွာပို၍ နက်နဲလာကာ ခန့်မှန်းမရနိုင်တော့ပေ။</p> <p>"ဒါ...ဒါ...ဒါက..."<br /> သက်ရှည်ခြင်းနတ်ဘုရားမ လွန်စွာတုန်လှုပ်သွားသည်။</p> <p>ဖိအားအနည်းငယ်ဖြင့်ပင် သူသည် မြေပေါ်သို့ ပစ်လဲကျသွား၏။ </p> <p>သူ့အရိုးများပင် ကျိုးကြေလုနီးပါး ဖြစ်နေတော့သည်။</p> <p>"ဒါက နင့်ရဲ့ တကယ့် လျှို့ဝှက်ချက်ပဲ..."<br /> သက်ရှည်ခြင်းနတ်ဘုရားမ၏ မျက်နှာထက်တွင် သွေးပျက်ခြောက်ခြားခြင်း၊ စိတ်ပျက်အားငယ်ခြင်း အရိပ်အယောင်တို့ ပေါ်လာခဲ့သည်။</p> <p>သူက လောကစည်းမျဉ်းများကို လုံးဝ မလိုက်နာပေ။</p> <p>သက်ရှည်ခြင်းဧကရာဇ်၏သားတော်ကို မဆိုထားဘိ...</p> <p>သက်ရှည်ခြင်းဧကရာဇ်၏သားတော် အယောက်တစ်သောင်းကို ပေါင်းလိုက်လျှင်ပင် ဤနတ်ဘုရားဓမ္မခန္ဓာနှင့် ယှဉ်နိုင်စရာ မရှိပါ။</p> <p>သက်ရှည်ခြင်းနတ်ဘုရားမ၏ မျက်ဝန်းအိမ်မှ မျက်ရည်များ စီးကျလာသည်။ </p> <p>သူမ ကြောက်လွန်းသဖြင့် ငိုခဲ့ပြီ။</p> <p>တစ်ချိန်တည်းမှာပင် သူ နားလည်သွားခဲ့သည်။</p> <p>ကျွင်းရှောင်ယောက်က ကောင်းကင်ကိုးပါးမှာ အဘယ်ကြောင့် ဤမျှမောက်မာဝံ့သနည်း။</p> <p>သူက တားမြစ်နယ်မြေများ၏ ပါရမီရှင်များကိုပင် သတ်ဝံ့သည်။</p> <p>ဒါက ကျွင်းမိသားစု၏ ကျောထောက်နောက်ခံပေးထားခြင်းကြောင့်သာ မကပေ။</p> <p>သူကိုယ်တိုင်က ယုံကြည်မှုရှိသည်။</p> <p>ဤနတ်ဘုရားဓမ္မခန္ဓာက သူ့ယုံကြည်မှု၏ အရင်းအမြစ်ပင်။</p> <p>ကျွင်းမိသားစု၏ ဒေါသကို လျစ်လျူရှုပြီး ရူးသွပ်စွာ တိုက်ခိုက်လိုသူတစ်ဦး ရှိလာလျှင်ပင် ကျွင်းရှောင်ယောက်က ပြန်လည်တိုက်ခိုက်ရန် ယုံကြည်မှုအပြည့်ရှိသည်။</p> <p>"ငါက ဒီနတ်ဘုရားဓမ္မခန္ဓာကိုသုံးပြီး သက်ရှည်ခြင်းဧကရာဇ်သားတော်ကို တိုက်ခိုက်မယ်လို့ မင်းထင်နေတာလား။ မင်း အတွေးလွန်နေတာပဲ"</p> <p>"သူက... မထိုက်တန်ဘူး"<br /> ကျွင်းရှောင်ယောက်က ခေါင်းကို အနည်းငယ်ခါယမ်းလိုက်သည်။</p> <p>အန္တိမကပ်ဘေးကြီးကို တိုက်ခိုက်ခြင်းမှလွဲ၍ သူသည် သူ၏ နတ်ဘုရားဓ္မခန္ဓာကို ဘယ်သောအခါမှ အသုံးမပြုခဲ့ပါ။</p> <p>ပထမအချက်က နတ်ဘုရားဓမ္မခန္ဓာကို အသုံးပြုရန် ယုံကြည်မှုစွမ်းအား အများအပြား လိုအပ်သောကြောင့် ဖြစ်သည်။</p> <p>ကျွင်းရှောင်ယောက်က ကံကြမ္မာနတ်ဘုရားဂိုဏ်းကို လျှို့ဝှက်စွာ တည်ထောင်ခဲ့လျှင်ပင် ဤကဲ့သို့သော သုံးစွဲမှုကို မခံနိုင်ပါ။</p> <p>ဒုတိယအနေဖြင့် ကျွင်းရှောင်ယောက်က နတ်ဘုရားဓမ္မခန္ဓာကို မှီခိုအားထားလိုခြင်း မရှိပေ။</p> <p>နောင်အနာဂတ်တွင်၊ ကျွင်းရှောင်ယောက်၏ နယ်ပယ်က လုံလောက်အောင် အားကောင်းလာလျှင် ၎င်းကိုသန့်စင်ပြီး သူ့အတွက် မွေးရာပါ ယုံကြည်ခြင်းခန္ဓာအဖြစ် ပြောင်းလဲစေနိုင်သည်။</p> <p>အချုပ်ဆိုရလျှင်၊ မဖြစ်မနေမဟုတ်ပါက ကျွင်းရှောင်ယောက်သည် နတ်ဘုရားဓမ္မခန္ဓာကို အသုံးပြုမည် မဟုတ်ပါ။</p> <p>"ဒါဆို... နင်က ဘာလုပ်ချင်လို့လဲ"<br /> သက်ရှည်ခြင်းနတ်ဘုရားမက မသိစိတ်မှ မေးလိုက်သည်။</p> <p>ထို့နောက်တွင်၊ သူက ကျွင်းရှောင်ယောက်၏ လက်ထဲမှ ယဇ်ဆရာသခင်အမိန့်တော်ကို ကြည့်လိုက်၏။</p> <p>သူက တွန့်ဆုတ်စွာ ပြောလိုက်သည်။<br /> "ဒါ... ဒါက တကယ်တော့ မဟုတ်ဘူးမို့လား"</p> <p>"မင်းဘယ်လိုထင်လဲ"<br /> ကျွင်းရှောင်ယောက်၏ မျက်နှာပေါ်တွင် အပြုံးတစ်ခု ပေါ်လာသည်။</p> <p>သက်ရှည်ခြင်းနတ်ဘုရားမ၏ စိတ်ထဲတွင် မိုးကြိုးမုန်တိုင်းများ တိုက်ခတ်သွားပုံရသည်။</p> <p>လွန်စွာ တုန်လှုပ်သွား၏။</p> <p>ကျွင်းရှောင်ယောက်က ပဉ္စမမြောက် ယဇ်ဆရာသခင်လား။</p> <p>ယင်းက မည်သို့ဖြစ်နိုင်မည်နည်း။</p> <p>ကောင်းကင်ကိုးပါးမှ လူတစ်ဦးက ယဇ်ဆရာသခင်တစ်ပါး မည်သို့ဖြစ်နိုင်ပါမည်နည်း။</p> <p>သက်ရှည်ခြင်းနတ်ဘုရားမက ငြင်းဆိုချင်သော်လည်း ရုတ်တရက် တစ်စုံတစ်ခုကို သတိရသွားသည်။</p> <p>ယဇ်ဆရာသခင်အမိန့်ကို ရှေးခေတ်ကတည်းက ဘယ်သောအခါမှ တုပနိုင်ခြင်း မရှိခဲ့ပါ။</p> <p>၎င်းက ကြီးမားသော အကြောင်းအကျိုးသက်ရောက်မှုများရှိသောကြောင့် ၎င်းကို အတုအယောင်လုပ်ခြင်းမှာ သေမင်းနားရွက်ကို တံတွေးဆွတ်လိုက်ခြင်း ဖြစ်သည်။</p> <p>အရေးကြီးဆုံးအချက်က၊ ယဇ်ဆရာသခင်အမိန့်တော်ကို အထူးပစ္စည်းတစ်မျိုးဖြင့် ပြုလုပ်ထားတာဖြစ်ပြီး မည်သူမျှ တုပပြုလုပ်ရန် မဖြစ်နိုင်ပေ။</p> <p>ဤအခိုက်တွင် သက်ရှည်ခြင်းနတ်ဘုရားမ၏ နှလုံးသားက လှိုင်းလုံးကြီးများဖြင့် ပြည့်နှက်နေသည်။</p> <p>အင်မော်တယ်နယ်မြေကြီးမှ ကျင့်ကြံသူ... ကျွင်းမိသားစု၏ နတ်ဘုရားသားတော်...</p> <p>သူက ယဇ်ဆရာသခင်အမိန့်တော်ကို အမှန်တကယ် လက်ခံရရှိထားခဲ့ပြီ။</p> <p>ဒါက မည်သို့သောအဓိပ္ပာယ် ဖြစ်သနည်း။</p> <p>ယဇ်ဆရာသခင်များထဲတွင် သစ္စာဖောက်တစ်ဦး ရှိလိမ့်မည်။</p> <p>ကျွင်းရှောင်ယောက်က အခြားယဇ်ဆရာသခင်များကဲ့သို့ အင်မော်တယ်နယ်မြေကြီးကို ရှင်းလင်းမည့်သူ မဖြစ်နိုင်ပေ။</p> <p>ဒါက အလွန်ကြီးမားသော အဖြစ်အပျက်တစ်ခု ဖြစ်သည်။</p> <p>ဤတစ်ကြိမ် သုတ်သင်ရှင်းလင်းမှုက အထူးဆန်းဆုံး ဖြစ်လာလိမ့်မည်။</p> <p>ယဇ်ဆရာသခင်ငါးပါးက တစ်ပြိုင်နက်တည်း ပေါ်လာကြမည် ဖြစ်သော်လည်း...</p> <p>ကျွင်းရှောင်ယောက်က ပဉ္စမမြောက် ယဇ်ဆရာသခင် ဖြစ်လာခြင်းမှာ အဆုံးမရှိ အကျိုးဆက်များကို ဖြစ်ပေါ်စေမည် ဖြစ်သည်။</p> <p>ယခုတော့ သက်ရှည်ခြင်းနတ်ဘုရားမက ကျွင်းရှောင်ယောက်၏ ရည်ရွယ်ချက်ကို နားလည်သွားပြီ။</p> <p>သူက နတ်ဘုရားဓမ္မခန္ဓာဖြင့် ပဉ္စမမြောက် ယဇ်ဆရာသခင် ဖြစ်ချင်သည်။</p> <p>သက်ရှည်ခြင်းနတ်ဘုရားမသည် ကျွင်းရှောင်ယောက်၏ အကြံအစည်နှင့် တွက်ချက်မှုများက ဤမျှနက်ရှိုင်းခြင်းကို မယုံနိုင်ပါ။</p> <p>ထို့ပြင်၊ သူက ယဇ်ဆရာသခင်အမိန့်တော်ကို မည်သို့ရရှိခဲ့သနည်း။</p> <p>သက်ရှည်ခြင်းနတ်ဘုရားမ လုံးဝ မင်သက်သွားသည်။</p> <p>ယခုအချိန်တွင်၊ သူ၏ တစ်ခုတည်းသောအတွေးက ဤနေရာမှ ထွက်သွားပြီး သက်ရှည်ခြင်းဧကရာဇ်သားတော်နှင့် ကောင်းကင်ကိုးပါးမှ သတ္တဝါအားလုံးကို ဤအမှန်တရား ပြောပြပေးရန်ပင်။</p> <p>သို့သော်လည်း ကျွင်းရှောင်ယောက်၏ လက်ထဲမှ လွတ်မြောက်ရန် အခွင့်အလမ်း လုံးဝ မရှိခဲ့ပါ။</p> <p>သက်ရှည်ခြင်းနတ်ဘုရားမကလည်း ဒါကိုသိသည်။</p> <p>ကျွင်းရှောင်ယောက်က သူမကို ဒါတွေအားလုံး မြင်ခွင့်ပေးထားခြင်းမှာ၊ သူမ လွတ်မြောက်ရန် အခွင့်အလမ်းမရှိကြောင်း ထင်ရှားသည်။</p> <p>သူမကို ဤသွေးနီရောင်လွင်ပြင်မှာ ထာဝရမြှုပ်နှံထားလိမ့်မည်။</p> <p>အင်မော်တယ်နယ်မြေကြီး၏ မရေမတွက်နိုင်သော အသက်များနှင့်အတူ သူ့ကို မြှုပ်နှံလိမ့်မည်။</p> <p>"မဟုတ်ဘူး..."<br /> သက်ရှည်ခြင်းနတ်ဘုရားမက စိတ်ပျက်လက်ပျက်ဖြင့် အော်ဟစ်လိုက်သည်။</p> <p>ကျွင်းရှောင်ယောက်က စိတ်အစဥ်ပြိုလဲသွားသော သက်ရှည်ခြင်းနတ်ဘုရားမကို လျစ်လျူရှုလိုက်၏။</p> <p>ဤအခိုက်တွင်၊ သူက ယုံကြည်ခြင်းနတ်ဘုရားဓမ္မခန္ဓာကို ကြည့်လိုက်သည်။</p> <p>ဒါက တစ်ခုခုလွဲနေသလို သူ ခံစားရ၏။</p> <p>နောက်ဆုံးတွင် ကျွင်းရှောင်ယောက်က ထူးခြားမှုကို နားလည်သွားသည်။</p> <p>"ဒါက ယဇ်ဆရာသခင်တွေရဲ့ အငွေ့အသက်နဲ့ မတူညီသေးဘူး"</p> <p>သက်ရှည်ခြင်းနတ်ဘုရားမ ခန့်မှန်းထားသည့်အတိုင်း...</p> <p>ကျွင်းရှောင်ယောက်က နတ်ဘုရားဓမ္မခန္ဓာကို ပဉ္စမမြောက် ယဇ်ဆရာသခင်အဖြစ် ပြုလုပ်ရန် ရည်ရွယ်ထားခဲ့သည်။</p> <p>အဆုံးတွင်၊ သူ၏ကိုယ်ပိုင်အင်အားဖြင့် ယဇ်ဆရာသခင်အဖြစ် ဟန်ဆောင်ရန် မဖြစ်နိုင်ပေ။</p> <p>နတ်ဘုရားဓမ္မခန္ဓာဖြင့်သာ အရည်အချင်းပြည့်မီသည်။</p> <p>ထို့ထက် အရေးကြီးတာက ကျွင်းရှောင်ယောက်ဟာ ဗလာနယ်ကံကြမ္မာ ဖြစ်သည်။</p> <p>ထို့ကြောင့် နတ်ဘုရားဓမ္မခန္ဓာကိုယ်ကို အခြားသူများက စောင့်ကြည့်၍မရပါ။</p> <p>ယဇ်ဆရာသခင်များပင်လျှင် သူ၏ အချက်အလက်များကို မစူးစမ်းနိုင်ပေ။</p> <p>သူတို့ တွေ့ရှိနိုင်သမျှ အရာအားလုံးက ဗလာနတ္ထိသာ ဖြစ်သည်။</p> <p>ဒါက နတ်ဘုရားဓမ္မခန္ဓာကို ပို၍ လျှို့ဝှက်ဆန်းကြယ်စေလိမ့်မည်။</p> <p>သို့သော်လည်း ယခုအချိန်တွင် အရေးကြီးဆုံးက နတ်ဘုရားဓမ္မခန္ဓာကို ဖုံးကွယ်ရန် ဖြစ်သည်။</p> <p>ဤအတွက် ကောင်းကင်၏ အနက်ရောင်သွေးကို စဉ်းစားခဲ့သော်လည်း ချက်ချင်း ငြင်းပယ်ခဲ့၏။</p> <p>ကျွင်းရှောင်ယောက်က ၎င်းကို အန္တိမကပ်ဘေးကြီးကိုတိုက်ခိုက်ရာတွင် အသုံးပြုခဲ့ပြီး လူအများစု မြင်တွေ့ခဲ့ဖူးသည်။</p> <p>ကျွင်းရှောင်ယောက်က ဆက်လက်စဉ်းစားနေလေသည်။</p> <p>ရုတ်တရက်၊ တစ်စုံတစ်ခုကို တွေးမိသွားသည့်အလား သူ့မျက်လုံးများ တောက်ပသွားသည်။</p> <p>ဒါက မင်းသမီးယွမ်ချယ်ထံမှ စုပ်ယူထားသော မဟာအပြစ်စွမ်းအားပင်။</p> <p>မင်းသမီးယွမ်ချယ်သည် ခေတ်အဆက်ဆက်မှ ကောင်းကင်ဘုံခုံရုံး၏ အပြစ်များကို ခံယူထားရပြီး ကြီးမားသော အပြစ်များဖြင့် မွေးဖွားလာခဲ့သူ ဖြစ်သည်။ </p> <p>နောက်ပိုင်းမှာတော့ ကျွင်းရှောင်ယောက်က ယွမ်ချယ်၏ အပြစ်စွမ်းအားများကို ဖြေရှင်းရန် ကူညီပေးခဲ့ကာ ထိုအပြစ်စွမ်းအားတချို့ကိုလည်း စုပ်ယူခဲ့ပေသည်။</p> <p>ဤအပြစ်သားစွမ်းအားကို နတ်ဘုရားဓမ္မခန္ဓာထဲသို့ ပေါင်းစပ်လိုက်ပါက ၎င်း၏သဘောသဘာဝကို လုံးဝပြောင်းလဲစေနိုင်မည် ဖြစ်သည်။</p> <p>ဤနည်းဖြင့် ကျွင်းရှောင်ယောက်၏ နတ်ဘုရားဓမ္မခန္ဓာဟု မည်သူမျှ မသိနိုင်တော့ပါ။</p> <p>ထို့ပြင်၊ အပြစ်စွမ်းအားက ယွမ်ချယ်တစ်ဦးတည်း ပိုင်ဆိုင်ထားသောအရာ မဟုတ်ပေ။</p> <p>ရှေးဟောင်းနတ်ဆိုးများနှင့် မြေအောက်မ္ဘာရှိ ပုဂ္ဂိုလ်တချို့မှာလည်း အပြစ်စွမ်းအားများ ရှိသည်။</p> <p>ထို့ပြင်၊ အခြား ယဇ်ဆရာသခင်လေးပါးက အင်မော်တယ်နယ်မြေကြီးမှ သတ္တဝါများစွာကို သတ်ဖြတ်ခဲ့၏။</p> <p>၎င်းတို့ကိုလည်း ကြီးမားသော အပြစ်သား အငွေ့အသက်များက ဖုံးလွှမ်းနေလိမ့်မည်။</p> <p>ဒါက တကယ်ကို ဖုံးကွယ်ရန် အကောင်းဆုံးနည်းလမ်းပင်။</p> <p>ကျွင်းရှောင်ယောက်၏ ဗလာနယ်ကံကြမ္မာ တာအိုခန္ဓာနှင့် ပေါင်းစပ်လိုက်လျှင် အပြစ်စွမ်းအားများ ပြည့်နှက်နေသော လျှို့ဝှက်ဆန်းကြယ်ပြီး အစွမ်းထက်သည့် ပဉ္စမမြောက် ယဇ်ဆရာသခင်အဖြစ် ပေါ်ထွက်လာမည် ဖြစ်သည်။</p> <p>"ငါက အရမ်းတော်တဲ့ ပါရမီရှင်ပဲ"<br /> ကျွင်းရှောင်ယောက်က ကိုယ့်ကိုယ်ကိုယ် အထင်ကြီးသွားမိသည်။</p> <p>သူ၏လက်ဖြင့် ယဇ်ဆရာသခင်တစ်ပါးကို ကိုယ်တိုင် ဖန်တီးတော့မည်။</p> <p>"ဝုန်း..."<br /> တွန့်ဆုတ်ခြင်းမရှိဘဲ၊ ကျွင်းရှောင်ယောက်က အပြစ်စွမ်းအားများကို ရွှေရောင် တောက်ပနေသော နတ်ဘုရားဓမ္မခန္ဓာကိုယ်ထဲသို့ ပေါင်းစပ်လိုက်သည်။</p> <p>ရုတ်တရက်၊ ရွှေရောင်ခန္ဓာကိုယ်ကြီးကို အပြစ်စွမ်းအား အလွှာများက ရစ်ပတ်လာ၏။</p> <p>နောက်ဆုံးတွင်... အနီနှင့်အနက် အပြစ်စွမ်းအားများက နတ်ဘုရားဓမ္မခန္ဓာ၏ ဦးခေါင်းအနောက်ဘက်တွင် အပြစ်သား နတ်ဆိုးလက်စွပ်ကွင်းများအဖြစ် ပြောင်းလဲသွားသည်။</p> <p>နတ်ဘုရားဓမ္မခန္ဓာ၏ ဦးခေါင်းနောက်တွင် အပြစ်သား နတ်ဆိုးလက်စွပ်တစ်ရာကျော် ပေါ်လာခဲ့၏။</p> <p>၎င်း၏ အရှိန်အဝါသည်လည်း အပြစ်သား နတ်ဆိုးစွမ်းအင်များဖြင့် ဖုံးလွှမ်းနေပြီး သူ့မျက်နှာကို အစစ်အမှန်နှင့် အတုအယောင် မခွဲနိုင်တော့ပေ။</p> <p>လျှို့ဝှက်ဆန်းကြယ်ပြီး တန်ခိုးကြီးမားကာ ခန့်မှန်းမရနိုင်သော ပဉ္စမမြောက် ယဇ်ဆရာသခင်တစ်ပါးက နောက်ဆုံးတွင် ဤလောက၌ ပေါ်လာခဲ့ပြီ ဖြစ်သည်။</p> <p>ဤအရာအားလုံးကို မျက်မြင်တွေ့ရှိခဲ့သော သက်ရှည်ခြင်းနတ်ဘုရားမလည်း နောက်ဆုံးတွင် မျက်လုံးများ မှိတ်ကျသွားကာ မြေပြင်ပေါ်သို့ လဲကျသွားသည်။</p> <p>ငယ်စဉ်ကတည်းက သူမ နတ်ဘုရားတစ်ပါးလို ရိုသေလေးစားခဲ့ရသော ယဇ်ဆရာသခင်တစ်ပါးကို ကျွင်းရှောင်ယောက်က ကိုယ်တိုင်ဖန်တီးပြလိုက်၏။</p> <p>ယင်းက သက်ရှည်ခြင်းနတ်ဘုရား၏ ယုံကြည်မှုကို လုံးဝ ပြိုလဲသွားစေခဲ့တော့သည်။</p>


Save