Book List

<h2 style="text-align: center;">အခန်း ( ၁၄၇၇ )</h2> <h2 style="text-align: center;">အင်မော်တယ်ယဇ်ပလ္လင် ပွင့်လာပြီ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ဤအခိုက်တွင်၊ ရွှေရောင် နတ်ဘုရားဓမ္မခန္ဓာကို ထူထပ်သေည အနီနှင့်အနက် အပြစ်တရား အငွေ့အသက်များက ဖုံးလွှမ်းထားခဲ့ပြီ။</p> <p>သူ့မျက်နှာကတော့ ဝေဝါးနေ‌ဆဲ ဖြစ်သည်။</p> <p>သူ၏ ဦးခေါင်းနောက်မှာတော့ အပြစ်တရား နတ်ဆိုးစက်ဝန်းရာချီက လက်ကနဲ လက်ကနဲ ဖြစ်နေပြီး အဆုံးမဲ့ ကျိန်စာနှင့် အငြိုးအတေး စွမ်းအားများကို ထုတ်လွှတ်လျက်ရှိ၏။</p> <p>ယခုအခါ နတ်ဘုရားဓမ္မခန္ဓာတစ်ခုလုံးက အပြစ်များ ပြည့်နှက်နေသော နတ်ဆိုးဧကရာဇ်တစ်ပါး လူလောကကို ဆင်းသက်လာသကဲ့သို့ ဖြစ်နေပြီ။</p> <p>တစ်ချိန်တည်းမှာပင်၊ ထွက်ပေါ်နေသော အရှိန်အဝါများက ကြောက်မက်ဖွယ်ကောင်းပြီး လူများကို စိတ်နှလုံး တုန်လှုပ်စေသော ခံစားချက်တို့ ပေးစွမ်းသည်။</p> <p>"ဟုတ်ပြီ၊ ဒါကမှ အသက်တွေကို ယဇ်ပူဇော်တတ်တဲ့ ယဇ်ဆရာသခင်တစ်ပါးရဲ့ ပုံစံပဲ"<br />  <br /> "ရုပ်ဖျက်ခြင်း" အောင်မြင်သွားပြီဖြစ်သော နတ်ဘုရားဓမ္မခန္ဓာကို ကြည့်လိုက်ရင်း ကျွင်းရှောင်ယောက်က ကျေနပ်အားရစွာ ခေါင်းညိတ်လိုက်သည်။</p> <p>ထို့ပြင်၊ သူ၏ ဗလာနယ်ကံကြမ္မာကြောင့် နတ်ဘုရားဓမ္မခန္ဓာကို စူးစမ်းစစ်ဆေးလိုသူတိုင်းက ခန့်မှန်းရခက်သော ဟာလာဟင်းလင်း ဖြစ်နေမှုကိုသာ ခံစားရလိမ့်မည်။</p> <p>အများအားဖြင့်၊ မသိနားမလည်မှုက ကြောက်စရာအကောင်းဆုံး ဖြစ်သည်။</p> <p>"နောက်တစ်ဆင့်ကတော့ ယဇ်ဆရာသခင် အမိန့်တော်ကို အသက်သွင်းရမဲ့ အချိန်ပဲ"</p> <p>ကျွင်းရှောင်ယောက် ယဇ်ဆရာသခင်အမိန့်တော်ကို ထုတ်ယူပြီး နတ်ဘုရားဓမ္မခန္ဓာထံ ပေးအပ်လိုက်သည်။</p> <p>ထို့နောက်၊ နတ်ဘုရားဓမ္မခန္ဓာ၏ စွမ်းအားဖြင့် ယဇ်ဆရာသခင်အမိန့်တော်ကို အသက်သွင်းလိုက်၏။</p> <p>နတ်ဘုရားဓမ္မခန္ဓာကို အသုံးပြုခြင်းက ယုံကြည်ခြင်းစွမ်းအား အမြောက်အမြား ကုန်ဆုံးစေမည်မှာ သေချာသည်။</p> <p>သို့သော်၊ ကျွင်းရှောင်ယောက်က အင်မော်တယ်ယဇ်ပလ္လင်မှရမည့် အခွင့်အလမ်းဟာ သူ့အတွက် ပိုပြီး အရေးကြီးလိမ့်မည်ဟု ခံစားမိခဲ့ပေသည်။</p> <p>ကျွင်းရှောင်ယောက်၏ အတွေးတစ်ခုဖြင့် လေထဲတွင် ငြိမ်သက်စွာ ထိုင်နေသော နတ်ဘုရားဓမ္မခန္ဓာက ရုတ်တရက် လှုပ်ရှားလာသည်။</p> <p>ဒါဟာ အိပ်မောကျနေတဲ့ ရှေးဟောင်းနတ်ဘုရားတစ်ပါး နိုးထလာသကဲ့သို့ဖြစ်ပြီး သူ၏ လှုပ်ရှားမှုတိုင်းက ကမ္ဘာကြီးကို အက်ကွဲသွားစေလုနီးပင်။</p> <p>ကံကောင်းထောက်မစွာဖြင့်၊ ဤပျက်စီးခြင်းနယ်မြေ၏  သဘာဝ စည်းမျဉ်းများက ထူးခြားသည်။</p> <p>မဟုတ်လျှင်၊ နတ်ဘုရားဓမ္မခန္ဓာ၏ စွမ်းအားကို တောင့်ခံနိုင်မှာ မဟုတ်ပါ။</p> <p>နတ်ဘုရားဓမ္မခန္ဓာက လှုပ်ရှားလိုက်သည်နှင့် တပြိုင်နက် ကြီးမားလှသော ယုံကြည်မှုစွမ်းအားများက ချက်ချင်း  လောင်ကျွမ်းသွားခဲ့သည်။</p> <p>တစ်ချိန်တည်းမှာပင် အတိုင်းအဆမရှိသော စွမ်းအားများလည်း ပေါက်ကွဲထွက်လာခဲ့၏။</p> <p>ထိုစွမ်းအားများက ယဇ်ဆရာသခင်အမိန့်တော်အတွင်းသို့ စီးဝင်သွားတော့သည်။</p> <p>စွမ်းအင်များ စီးဝင်သွားသည်နှင့်တပြိုင်နက်၊ ယဇ်ဆရာသခင်အမိန့်တော်က နောက်ဆုံးတွင် ပြောင်းလဲစပြုလာခဲ့သည်။</p> <p>၎င်းပေါ်မှ ရှေးဟောင်းအမှတ်အသားမျိုးစုံကလည်း‌ တောက်ပလာ၏။</p> <p>ရှေးဟောင်းစာသားဖြင့် ထွင်းထုထားသော နံပါတ်"ငါး" စာလုံးမှလည်း သွေးရောင်အလွှာတစ်ခု ထွက်ပေါ်လာတော့သည်။</p> <p>ထို့နောက် ယဇ်ဆရာသခင်အမိန့်တော်မှ သွေးရောင်အလင်းတန်းတစ်ခု ရုတ်တရက် ဖြာထွက်လာခဲ့သည်။</p> <p>၎င်းက အင်မော်တယ်ယဇ်ပလ္လင် ထိပ်ဆုံးသို့ ကျရောက်သွား၏။</p> <p>အင်မော်တယ်ယဇ်ပလ္လင်၏ ထိပ်ဆုံးတွင် အပေါက်ငါးခုရှိသည်။</p> <p>ထိုအပေါက်များ၏ ပုံသဏ္ဍာန်က ယဇ်ဆရာသခင်အမိန့်တော်၏ ပုံသဏ္ဍာန်နှင့် အတူတူပင်။</p> <p>ကျွင်းရှောင်ယောက်၏ ပဉ္စမမြောက် ယဇ်ဆရာသခင်အမိန့်တော်က အပေါက်တစ်ခုပေါ်ကို ကွက်တိ ကျဆင်းသွားခဲ့သည်။</p> <p>ထို့နောက် အင်မော်တယ်ယဇ်ပလ္လင် တစ်ခုလုံးက ရုတ်တရက် ပြင်းပြင်းထန်ထန် တုန်ခါလာ၏။</p> <p>၎င်းက မီးတောင်တစ်လုံး မပေါက်ကွဲခင် တုန်ခါနေသကဲ့သို့ပင်။</p> <p>ကျွင်းရှောင်ယောက်၏ အကြည့်အောက်တွင် အင်မော်တယ်ယဇ်ပလ္လင်၏ ထိပ်ပိုင်းက ကြာပန်းတစ်ပွင့်ကဲ့သို့ ရုတ်ချည်း ပွင့်ထွက်သွားခဲ့သည်။</p> <p>အားကောင်းသော ကြက်သွေးရောင် စွမ်းအင်များက ချော်ရည်များကဲ့သို့ ပန်းထွက်လာ၏။</p> <p>ထိုစွမ်းအင်က သွေးကဲ့သို့ ခပ်ပျစ်ပျစ်ဖြစ်ပြီး အလွန်ထိတ်လန့်စရာကောင်းသော စွမ်းအားများကို သယ်ဆောင်လာတော့သည်။</p> <p>"ဒါက... သွေးယဇ်ပူဇော်ခြင်း စွမ်းအားပဲ"<br /> ကျွင်းရှောင်ယောက်၏ မျက်လုံးများက ကျဉ်းမြောင်းသွားသည်။</p> <p>ယခင်က သူသည် ခွန်းလွန်းမျိုးနွယ်စုခေါင်းဆောင်ထံမှ ဤအကြောင်းကို ကြားခဲ့ဖူးသည်။</p> <p>ယဇ်ဆရာသခင်တိုင်းတွင် အထူးစွမ်းအင်များကို ထိန်းချုပ်‌နိုင်စွမ်းရှိ၏။</p> <p>၎င်းက သွေးယဇ်ပူဇော်ခြင်း စွမ်းအားပင်။</p> <p>သူတို့က အင်မော်တယ်နယ်မြေကြီးမှ သက်ရှိများကို သုတ်သင်ပြီး ၎င်းတို့၏သွေးဖြင့် အင်မော်တယ်တံခါးကို ဖွင့်လှစ်ရန် အင်မော်တယ်ယဇ်ပလ္လင်မှတဆင့် ယဇ်ပူဇော်ကြသည်။</p> <p>သွေးယဇ်ပူဇော်ခြင်း စွမ်းအားက ယဇ်ဆရာသခင်များသာ ထိန်းချုပ်နိုင်သော စွမ်းအားတစ်မျိုးပင်။</p> <p>၎င်းက မည်မျှကြီးစိုးသလဲဆိုတာ တွေးကြည့်ရန်ပင် ခက်ခဲသည်။</p> <p>သွေးယဇ်ပူဇော်ခြင်း စွမ်းအားထဲမှာ အရာအားလုံးကို ပြိုကွဲစေနိုင်သော စွမ်းအားတစ်ခု ရှိနေတာကို ကျွင်းရှောင်ယောက် ခံစားရသည်။</p> <p>ဒါက သက်ရှိအားလုံးကို အာဟာရဓာတ်များအဖြစ် ပြောင်းလဲပစ်နိုင်ပုံရ၏။</p> <p>မရေမတွက်နိုင်သော သက်ရှိများ၏သွေးဖြင့် ယဇ်ပူဇော်ခြင်းကြောင့် စွမ်းအားက တကယ်ကို အတိုင်းအဆမရှိပေ။</p> <p>ယခုတော့ ကျွင်းရှောင်ယောက်ဟာ ယဇ်ဆရာသခင်များက ဘာကြောင့် ဤမျှကြောက်စရာကောင်းသလဲဆိုတာကို နောက်ဆုံးမှာ နားလည်သွားပြီ ဖြစ်သည်။</p> <p>မူလကပင်၊ သူတို့က ကျင့်ကြံခြင်း၏ အထွတ်အထိပ်သို့ ရောက်နေကြသူများ ဖြစ်သည်။</p> <p>ဤကဲ့သို့ သွေးယဇ်ပူဇော်ခြင်း စွမ်းအားများကိုလည်း ပိုင်ဆိုင်ရသောအခါ မည်သို့ မသန်မာဘဲရှိပါတော့မည်နည်း။</p> <p>ထို့ပြင် ကျွင်းရှောင်ယောက်က အလွန်သိချင်မိသည်။</p> <p>သွေးယဇ်ပူဇော်ခြင်း စွမ်းအားက မည်သည့်နေရာမှ လာသနည်း။</p> <p>ယဇ်ဆရာသခင်ဆိုသော အဆင့်အတန်းကို မည်သူက စတင်ဖန်တီးခဲ့ပြီး သူတို့ကို သွေးယဇ်ပူဇော်ခြင်း စွမ်းအားများ ပေးအပ်ခဲ့သနည်း။</p> <p>သွေးယဇ်ပူဇော်ခြင်းစွမ်းအားက အန္တိမကပ်ဘေးကြီး၏ အနက်ရောင်သွေးအကြောင်း အမှတ်ရစေသည်။</p> <p>ရုတ်တရက်၊ သူဟာ အမှန်တရားတချို့ကို စတင်ထိတွေ့မိခဲ့ပြီဟု ခံစားလိုက်ရသည်။</p> <p>သို့သော်လည်း ယခုချိန်မှာတော့ ကျွင်းရှောင်ယောက်မှာ တွေးတောနေရန် အချိန်မရှိပါ။</p> <p>သူက တစ်ချက် ကြည့်လိုက်သည်။</p> <p>ကြီးမားလှသော သွေးယဇ်ပူဇော်ခြင်း စွမ်းအားများက နတ်ဘုရားဓမ္မခန္ဓာထဲကို အဆက်မပြတ် စီးဝင်နေတာကို တွေ့လိုက်ရ၏။</p> <p>အဓိကယဇ်ဆရာသခင်သာလျှင် သွေးယဇ်ပူဇော်ခြင်း စွမ်းအားကို ရရှိနိုင်သည်။</p> <p>ယခုတော့ နတ်ဘုရားဓမ္မခန္ဓာဟာ ပဉ္စမမြောက် ယဇ်ဆရာသခင်ဖြစ်နေပြီ။</p> <p>ထို့ကြောင့် သူဟာ သွေးယဇ်ပူဇော်ခြင်း စွမ်းအားကို သဘာဝအတိုင်း ရရှိနိုင်သည်။</p> <p>ကျွင်းရှောင်ယောက်က ရှင်းလင်းစွာ ခံစားနေရသည်။</p> <p>သွေးယဇ်ပူဇော်ခြင်း စွမ်းအားများ စီးဝင်လာသည်နှင့်အမျှ နတ်ဘုရားဓမ္မခန္ဓာ၏ စွမ်းအားများလည်း မြင့်တက်လာနေခဲ့၏။</p> <p>သွေးယဇ်ပူဇော်ခြင်း စွမ်းအားက ယုံကြည်မှုစွမ်းအားထက် မနိမ့်ကျပေ။ ၎င်းက ပို၍ပင် အားကောင်းသည်။</p> <p>ဒါက နတ်ဘုရားဓမ္မခန္ဓာအတွက် ပိုကြီးမားသော အင်အားမျိုးကို ပေးစွမ်းနိုင်ပေသည်။<br />  <br /> "ဒီတစ်ခါတော့ တကယ့်ကို အကျိုးအမြတ်တွေ အများကြီး ရလိုက်တာပဲ"<br /> ကျွင်းရှောင်ယောက်ကဲ့သို့ တည်ငြိမ်သူတစ်ဦးပင်လျှင် ဤအခိုက်မှာ ပျော်ရွှင်မှု အရိပ်အယောင်များ ပေါ်လာခဲ့ရသည်။</p> <p>ယခင်က သူသည် နတ်ဘုရားဓမ္မခန္ဓာကို အသက်သွင်းရန် ယုံကြည်မှုစွမ်းအားများ အများအပြား လိုအပ်ခြင်းကြောင့် အလွန်ခေါင်းခဲနေခဲ့သည်။</p> <p>အကယ်၍ မငြိမ်သက်မှုကြီး စတင်ချိန်တွင် ယုံကြည်မှုစွမ်းအား မလုံလောက်ပါက မည်သို့ပြုရမည်နည်း။</p> <p>ကံကြမ္မာနတ်ဘုရားဂိုဏ်းကြောင့် ကျွင်းရှောင်ယောက်၏ အတွင်းစကြာဝဠာထဲကို ယုံကြည်မှုစွမ်းအားများ အဆက်မပြတ် စီးဝင်နေခဲ့သည်။</p> <p>သို့သော်လည်း အနည်းငယ် လိုအပ်ချက် ရှိနေပါသေးသည်။</p> <p>သို့သော်လည်း ယခုတော့ သွေးယဇ်ပူဇော်ခြင်း စွမ်းအား၏ ကောင်းချီးနှင့်အတူ အများကြီး ပိုကောင်းလာခဲ့ပြီ ဖြစ်သည်။</p> <p>ဒါက နတ်ဘုရားဓမ္မခန္ဓာ၏ စွမ်းအားကုန်ဆုံးမှုကို အများကြီး သက်သာစေပေသည်။</p> <p>နတ်ဘုရားဓမ္မခန္ဓာက သက်ရှိအားလုံးကို ယဇ်ပူဇော်ပြီး သွေးယဇ်ပူဇော်ခြင်း စွမ်းအားကို ဆက်တိုက်သုံးနေမည်ဆိုလျှင်...</p> <p>နတ်ဘုရားဓမ္မခန္ဓာကို အချိန်တိုင်းနီးပါး အသုံးပြုနိုင်မည် ဖြစ်သည်။</p> <p>သို့သော်၊ ယင်းက မဖြစ်နိုင်ပေ။</p> <p>မဟုတ်လျှင်၊ နတ်ဘုရားဓမ္မခန္ဓာက တကယ့် ယဇ်ဆရာသခင် ဖြစ်လာမည် ဖြစ်သည်။</p> <p>သို့သော်လည်း အခုအချိန်မှာ အင်မော်တယ်ယဇ်ပလ္လင်မှ သွေးယဇ်ပူဇော်ခြင်း စွမ်းအားက နတ်ဘုရားဓမ္မခန္ဓာ၏ စွမ်းအင်ကုန်ဆုံးမှုကို အစားထိုးရန် လုံလောက်သည်။</p> <p>ဒါက သူ့ကို အချိန်အကြာကြီး လည်ပတ်နေအောင် မလုပ်နိုင်သေးသော်လည်း အနည်းဆုံးတော့ ယခင်ကထက် ပိုပြီး ကြာကြာခံလိမ့်မည်။</p> <p>ထို့ထက်၊ ကျွင်းရှောင်ယောက်ကို ပိုပြီး အံ့အားသင့်စေတာက သွေးယဇ်ပူဇော်ခြင်း စွမ်းအားအချို့ဟာ သူ့ခန္ဓာကိုယ်ထဲကိုလည်း စီးဝင်သွားကြောင်း တွေ့လိုက်ရခြင်းပင်။</p> <p>သို့သော်လည်း ဒါကို နားလည်ရန် မခက်ပါ။</p> <p>အကြောင်းမှာ၊ နတ်ဘုရားဓမ္မခန္ဓာက သူ၏ အစိတ်အပိုင်းတစ်ခု ဖြစ်နေသောကြောင့်ပင်။</p> <p>နတ်ဘုရားဓမ္မခန္ဓာက သွေးယဇ်ပူဇော်ခြင်း စွမ်းအားကို ရရှိသောကြောင့် ကျွင်းရှောင်ယောက်သည်လည်း သွယ်ဝိုက်သောနည်းလမ်းဖြင့် ထိုစွမ်းအားကို ရရှိနိုင်ခဲ့သည်။</p> <p>ကျွင်းရှောင်ယောက်က သူ့လက်ကို မြှောက်လိုက်ရာ သူ့လက်ဝါးပေါ်တွင် ကြက်သွေးရောင် စွမ်းအားမျှင်လေးများ လှည့်ပတ်လာခဲ့သည်။</p> <p>ဒါက အရာအားလုံးကို ပြိုကွဲစေပြီး အသက်အားလုံးကို ယဇ်ပူဇော်နိုင်သော အံ့မခန်း စွမ်းအားများ ရှိနေပုံရ၏။</p> <p>"မျှော်လင့်ထားတဲ့အတိုင်း၊ အင်မော်တယ်ယဇ်ပလ္လင်က ကွေ့ရှအပျက်အယွင်းရဲ့ အကြီးမားဆုံး အခွင့်အလမ်းတစ်ခုပဲ"<br /> ကျွင်းရှောင်ယောက်က မနေနိုင်ဘဲ ပြုံးလိုက်မိသည်။</p> <p>ဒီတစ်ခါတော့ သူ တကယ်ကို ကံကောင်းခဲ့၏။</p> <p>သွေးယဇ်ပူဇော်ခြင်း စွမ်းအားကို ရရှိခဲ့ရုံသာမကဘဲ နတ်ဘုရားဓမ္မခန္ဓာ၏ စွမ်းအားများလည်း ပိုမိုအားကောင်းလာခဲ့ပြီ။</p> <p>ယခုဆိုလျှင်၊ ကျွင်းရှောင်ယောက်၏ ဝှက်ဖဲများက ပို၍ ပြည့်စုံသွားပြီ ဖြစ်သည်။</p> <p>အခြားတစ်ဖက်မှာတော့ ကျွင်းရှောင်ယောက်၏ လက်ထဲမှ သွေးယဇ်ပူဇော်ခြင်း စွမ်းအားကို မြင်လိုက်ရသော သက်ရှည်ခြင်းနတ်ဘုရားမမှာ ဘယ်လိုမျက်နှာအမူအရာမျိုး ပြရမှန်းတောင် မသိတော့ပေ။</p> <p>သူက ထုံကျဉ်နေပြီ ဖြစ်သည်။</p> <p>သို့သော်လည်း သူက အကျိုးအမြတ်များကြောင့် မဟုတ်ဘဲ လုံးဝကို ဆွံ့အပြီး လက်လျှော့လိုက်ခြင်းပင်။</p> <p>"မိစ္ဆာ၊ နင်က မိစ္ဆာတစ်ကောင်ပဲ"<br /> သက်ရှည်ခြင်းနတ်ဘုရားမက ရူးသွပ်နေသလို တတွတ်တွတ် ရေရွတ်လိုက်သည်။</p> <p>ကျွင်းရှောင်ယောက် တစ်ယောက်တည်းက ကောင်းကင်ကိုးပါး တစ်ခုလုံးကို အမှန်တကယ် မှောက်လှန်နိုင်မည်လော။</p> <p>ဤမဟာသုတ်သင်ရှင်းလင်းမှုကြီးကိုတောင် မှောက်လှန်နိုင်ဦးမည်လော။</p> <p>သူက ထိုအကြောင်းကို ဆက်မတွေးဝံ့တော့ပေ။</p> <p>နတ်ဘုရားဓမ္မခန္ဓာက ယဇ်ဆရာသခင်အမိန့်တော်ကို အသက်သွင်းကာ သွေးယဇ်ပူဇော်ခြင်း စွမ်းအားကို ရရှိလိုက်ချိန်...</p> <p>ကောင်ကင်ကိုးပါး တစ်ခုလုံးဟာ အနည်းငယ် တုန်ခါသွားပုံရသည်။</p> <p>အမှောင်ထဲတွင် ထူးကဲသော အငွေ့အသက်များ ပျံ့နှံ့နေ၏။</p> <p>မည်သူမျှ မရောက်ရှိနိုင်သော ဟင်းလင်းပြင်၏ အနက်ရှိုင်းဆုံး ‌နေရာတွင်...</p> <p>တီးတိုးအသံတစ်ခုက ဖြည်းဖြည်းချင်း ထွက်ပေါ်လာသည်။</p> <p>"ပဉ္စမမြောက် ယဇ်ဆရာသခင် ပေါ်လာပုံရတယ်။ ဒါက ဘယ်သူလဲ၊ ဘယ်တားမြစ်နယ်မြေမှာ ရှိနေလဲဆိုတာ ငါ တွက်ချက်ကြည့်စမ်းမယ်..."</p> <p>ခဏကြာသောအခါ အံ့အားသင့်နေဟန်ဖြင့် အသံက ထပ်မံထွက်ပေါ်လာခဲ့၏။</p> <p>"တွက်ချက်လို့ မရပါလား၊ အခုလောလောဆယ် သူက တခြား ယဇ်ဆရာသခင်တွေနဲ့ ဆက်သွယ်ဖို့ အစီအစဉ် မရှိသေးတာပဲလား"</p> <p>"ထားပါ၊ ဒါက ပြဿနာမဟုတ်ဘူး။ အင်မော်တယ်တံခါး ဆင်းသက်လာပြီး ယဇ်ပူဇော်ခြင်း အခမ်းအနား စတင်တဲ့အခါ သူ ပေါ်လာပါလိမ့်မယ်"</p> <p>"အောင်မြင်မလား၊ ရှုံးနိမ့်မလားဆိုတာကတော့... ကြည့်ရမယ်"</p>


Save