Book List

<h2 style="text-align: center;">အခန်း ( ၁၄၇၈ )</h2> <h2 style="text-align: center;">အခြားသော ယဇ်ဆရာသခင် လေးပါး၏ တည်နေရာ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"> </p> <p> <br /> ကွေ့ရှအပျက်အယွင်းက အကြောင်းအကျိုး ဆက်နွယ်မှုအားလုံးကို ပိတ်ဆို့ထားသောကြောင့်၊ ကျွင်းရှောင်ယောက်က အင်မော်တယ်ယဇ်ပလ္လင်ကို ဖွင့်လိုက်သောကြောင့် ဖြစ်ပေါ်လာသော လှုပ်ခတ်မှုများဟာ နယ်မြေအနှံ့ကို ပျံ့နှံ့မသွားခဲ့ပါ။</p> <p>သို့သော်လည်း ကောင်းကင်ကိုးပါးမှ မှန်းဆမရနိုင်သော တည်ရှိမှုတချို့ကတော့ အာရုံခံမိခဲ့ကြသည်။</p> <p>ထို့ပြင်၊ လူလေးယောက်အထိ အာရုံခံစားနိုင်ကြ၏။</p> <p>၎င်းက အခြားသော ယဇ်ဆရာသခင် လေးပါးပင်။</p> <p>ဟုတ်သည်၊ အရာရာတိုင်းမှာ ခြွင်းချက်ရှိ၏။</p> <p>ကွေ့ရှအပျက်အယွင်းအတွင်း၌ ဤအခြေအနေကို သတိပြုမိသူတစ်ဦး ရှိနေသည်။</p> <p>ကွေ့ရှအပျက်အယွင်း၏ ‌တစ်နေရာတွင်...</p> <p>ရဲ့ကူချန်က လေ့ကျင့်နေရာမှ အင်မော်တယ်ယဇ်ပလ္လင် ရှိရာဘက်ကို ရုတ်တရက် လှည့်ကြည့်လိုက်သည်။</p> <p>သူ့မျက်လုံးတွေထဲမှာ ထိန်းချုပ်လို့မရနိုင်သော အရောင်အဝါများ လက်ကနဲ ဖြစ်သွား၏။</p> <p>ဒါက စိတ်ဝိညာဉ်၏ အနက်ရှိုင်းဆုံးနေရာမှလာသော ရန်လိုမှုတစ်ခုပင်။</p> <p>"ယဇ်ဆရာသခင်..."<br /> ရဲ့ကူချန်က မသိစိတ်မှ အလိုအလျောက် ရေရွတ်လိုက်မိသည်။</p> <p>သို့ရာတွင်၊ သူ ဘာကြောင့် ပြောလိုက်သလဲဆိုတာ သူကိုယ်တိုင်ပင် မသိပါ။</p> <p>ဒါဟာ တုကူးဓားနတ်ဘုရား၏ ဆန္ဒက တီးတိုးပြောဆိုလိုက်ခြင်း ဖြစ်ပုံရသည်။</p> <p>သက်ရှည်ခြင်းဧကရာဇ်သားတော်၊ တောက်ဝမ်နှင့် ဝမ့်ယန်တို့လည်း အင်မော်တယ်ယဇ်ပလ္လင်၏ အပြောင်းအလဲကို အာရုံခံမိခဲ့ကြသည်။</p> <p>"မျှော်လင့်ထားတဲ့အတိုင်းပါပဲ၊ အင်မော်တယ်ယဇ်ပလ္လင်မှာ အပြောင်းအလဲတွေ ရှိနေတယ်။ ကြီးမားတဲ့ အခွင့်အလမ်းတစ်ခု ပေါ်ထွက်လာတော့မယ့်ပုံပဲ၊ ငါ ဒါကို အပိုင်ရအောင် ယူရမယ်"<br /> သက်ရှည်ခြင်းဧကရာဇ်သားတော်၏ မျက်လုံးထဲမှာ အနိုင်ရရမည်ဆိုသော ယုံကြည်ချက်တို့ တောက်ပလာခဲ့သည်။</p> <p>သူ၏ မာန်မာနက ကျွင်းရှောင်ယောက်၏ ဖိနှိပ်မှု ခံရတာကို လက်မခံနိုင်ပေ။</p> <p>အကယ်၍ အင်မော်တယ်ယဇ်ပလ္လင်မှ ကြီးမားသော အခွင့်အလမ်းတစ်ခု ရခဲ့မည်ဆိုလျှင်...</p> <p>သူဟာ ကျွင်းရှောင်ယောက်ကို အနိုင်ယူနိုင်ပြီး ကောင်ကင်ကိုးပါး၏ မျိုးဆက်သစ်တွေထဲမှာ နံပါတ်တစ်နေရာကို ဆက်လက် ဆုပ်ကိုင်ထားနိုင်မည် ဖြစ်သည်။</p> <p>ထို့အတူ၊ တောက်ဝမ်နှင့် ဝမ့်ယန်တို့၏ မျက်လုံးထဲမှာလည်း ရည်မှန်းချက်တို့ ပြည့်နေခဲ့၏။</p> <p>မည်သူမျှ ဒုတိယနေရာမှာ မနေလိုကြပေ။</p> <p>သူတို့အားလုံးက တောင်ထိပ်မှာ ရှိနေချင်ကြသည်။</p> <p>ထို့ကြောင့် သူတို့အားလုံးက အားကောင်းသော အရှိန်အဝါများကို ထုတ်ဖော်ကာ ဖိအားများကို အံတုရင်း အင်မော်တယ်ယဇ်ပလ္လင်ဆီကို လျှောက်လှမ်းနေကြတော့သည်။</p> <p>အခြားတစ်ဖက်မှာ၊ အင်မော်တယ်ယဇ်ပလ္လင်ဘက်တွင်...</p> <p>ယုံကြည်ခြင်း နတ်ဘုရားဓမ္မခန္ဓာက အင်မော်တယ်ယဇ်ပလ္လင်မှ သွေးယဇ်ပူဇော်ခြင်း စွမ်းအားများကို စုပ်ယူပြီးပြီ ဖြစ်သည်။</p> <p>ကျွင်းရှောင်ယောက်က အသစ်တက်လာသော ပဉ္စမမြောက် ယဇ်ဆရာသခင် ဖြစ်သည့်အတွက် သွေးယဇ်ပူဇော်ခြင်း စွမ်းအားများကို စုပ်ယူရန် လိုအပ်ပေသည်။</p> <p>ကျန်သော ယဇ်ဆရာသခင် လေးပါးကတော့ ဤစွမ်းအားများကို ပိုင်ဆိုင်ထားပြီးပြီ။</p> <p>သူတို့က အင်မော်တယ်တံခါး ရောက်လာခြင်းကို ငြိမ်သက်စွာ စောင့်ဆိုင်းနေရန်သာ လိုသည်။</p> <p>ကျွင်းရှောင်ယောက်က သွေးယဇ်ပူဇော်ခြင်း စွမ်းအားကို စုပ်ယူပြီးနောက် တစ်စုံတစ်ခုကို ခံစားမိခဲ့သည်။</p> <p>အမှောင်ထဲတွင်...</p> <p>ကောင်းကင်ကိုးပါး၏ နေရာအသီးသီးမှ အားကောင်းသော အငွေ့အသက်လေးခုကို ခံစားမိ၏။</p> <p>ထိုအငွေ့အသက် လေးခုက အလွန်ရှေးကျပြီး အစွမ်းထက်ကာ လျှို့ဝှက်ဆန်းကြယ်၍ ခန့်မှန်းရ ခက်ခဲသည်။</p> <p>ဒါက ကောင်းကင်ကိုးပါး၏ အထက်မှာ ရပ်တည်ပြီး သက်ရှိအပေါင်းကို အေးစက်စက်ဖြင့် ခံစားချက်ကင်းမဲ့စွာ ငုံ့ကြည့်နေသော နတ်ဘုရားလေးပါးကဲ့သို့ပင်။</p> <p>ကျွင်းရှောင်ယောက်က မသိစိတ်မှ ထိုစွမ်းအားစု လေးခုရှိရာဘက်ကို လှည့်ကြည့်လိုက်သည်။</p> <p>"သူတို့က..."<br /> ကျွင်းရှောင်ယောက်က ကောင်းကင်ကိုးပါးမှာ နေထိုင်ခဲ့သည်မှာ ကြာပြီဖြစ်၍ တားမြစ်နယ်မြေများ၏ တည်နေရာကို သူသည်။</p> <p>ထိုထိတ်လန့်စရာကောင်းသော အငွေ့အသက် လေးခုက သက်ရှည်ကျွန်း၊ မြင့်မြတ်ဝိညာဉ်အပျက်အယွင်း၊ ဧကရာဇ်ကြွေလွင့်တောင်နှင့် သားရဲဂူတို့မှ အသီးသီးလာကြပေသည်။</p> <p>ဆိုရလျှင်၊ ယဇ်ဆရာသခင် ငါးပါးထဲမှာ ကျွင်းမိသားစုမှလွဲ၍ ကျန်လေးပါးက တားမြစ်နယ်မြေများမှ ဖြစ်ကြသည်။</p> <p>မူလက ပြန်လည်ဝင်စားခြင်းပင်လယ်၏ အမြင့်ဆုံး တားမြစ်တည်ရှိမှုသည် ပဉ္စမမြောက် ယဇ်ဆရာသခင်ဖြစ်သော်လည်း၊ အဆုံးမဲ့ဧကရာဇ်ကြောင့် ပြင်းပြင်းထန်ထန် ဒဏ်ရာရရှိကာ အိပ်မောကျသွားခြင်းကြောင့် ယဇ်ဆရာသခင် အဆင့်အတန်းကို ဆုံးရှုံးခဲ့ရသည်။</p> <p>ထို့ပြင်၊ ကျွင်းရှောင်ယောက်က ခံစားရသည်။</p> <p>သက်ရှည်ကျွန်းမှ တည်ရှိမှု၏ သွေးယဇ်ပူဇော်ခြင်း စွမ်းအားက တခြားသူများထက် ပိုပြီး အားကောင်းနေပုံပင်။</p> <p>'ဒါက သက်ရှည်ကျွန်းက နာမည်ရင်းကို ထုတ်ဖော်မပြောနိုင်တဲ့ တည်ရှိမှုလား။ ကြည့်ရတာ အဲဒီလူက တကယ်ပဲ ပထမဆုံး ယဇ်ဆရာသခင် ဖြစ်ပုံရတယ်'</p> <p>'မြင့်မြတ်ခန္ဓာ ကျိန်စာက အဲဒီလူနဲ့ တကယ်ပဲ ဆက်စပ်နေတာလား'<br /> ကျွင်းရှောင်ယောက်က သူ့စိတ်ထဲမှ တွေးလိုက်သည်။</p> <p>မြင့်မြတ်ခန္ဓာ၏ ကျိန်စာဟာ သက်ရှည်ကျွန်းမှလူနှင့် မပတ်သက်ဘူးဟုဆိုလျှင် ကျွင်းရှောင်ယောက် လုံးဝ မယုံပါ။</p> <p>ထို့ထက်၊ ထိုသူမှာ ပထမဆုံး ယဇ်ဆရာသခင် ဖြစ်ခဲ့သည်။</p> <p>နက်နဲသော ပဟေဠိအများစု၏ အဖြေကို ထိုလူဆီမှာ တွေ့နိုင်လိမ့်မည်။</p> <p>သို့သော်လည်း ကျွင်းရှောင်ယောက် နားလည်မှုရှိသည်။ သက်ရှည်ခြင်းကျွန်းမှ ထိုပုဂ္ဂိုလ်က လုံးဝကို မှန်းဆလို့မရနိုင်သောသူပင်။</p> <p>နောက်ဆုံးတွင်၊ သူက ကောင်းကင်ကိုးပါး၏ ပထမဆုံး ယဇ်ဆရာသခင် ဖြစ်သည်။</p> <p>'ထားပါ၊ အများကြီး မတွေးတော့ဘူး။ ဒီတစ်ခေါက် ငါ့ရဲ့ ရိတ်သိမ်းမှုက တကယ်ကို ကြီးမားလွန်းနေပြီ'</p> <p>ကျွင်းရှောင်ယောက်က ခေါင်းယမ်းလိုက်သည်။</p> <p>သူကိုယ်တိုင်၏ တိုးတက်မှုထက် အရေးကြီးဆုံးက ယုံကြည်ခြင်း နတ်ဘုရားဓမ္မခန္ဓာဟာလည်း အပြည့်အဝ တိုးတက်သွားခြင်းပင်။</p> <p>ဒါက အနာဂတ် မငြိမ်သက်မှုများတွင် အလွန်အရေးပါသော အခန်းကဏ္ဍမှ ပါဝင်လာမည် ဖြစ်သည်။</p> <p>'တကယ်လို့ ကြီးမားတဲ့မငြိမ်သက်မှုက နောက်ထပ် နှစ်ငါးရာလောက် နောက်ကျသွားမယ်ဆိုရင်... မဟုတ်သေးဘူး၊ နှစ်တစ်ရာလောက်ပဲ နောက်ကျရင်တောင် ငါ့ရဲ့ အရည်အချင်းနဲ့ဆိုရင် ဒီမုန်တိုင်းကို လက်တစ်ဖက်တည်းနဲ့ ငြိမ်ဝပ်သွားအောင် လုပ်ဖို့ လုံလောက်တယ်'<br /> ကျွင်းရှောင်ယောက်က သက်ပြင်းချလိုက်သည်။</p> <p>ကံမကောင်းချင်တော့ လှုပ်ခတ်မှုကြီးက အလွန်စောစီးစွာ ရောက်လာပေတော့မည်။</p> <p>နောက်ထပ် နှစ်တစ်ရာဆိုလျှင်...</p> <p>ကျွင်းရှောင်ယောက်က နတ်ဘုရားဓမ္မခန္ဓာကို အားကိုးစရာမလိုဘဲ သူ၏ ကိုယ်ပိုင်အစွမ်းဖြင့် ကောင်းကင်ကိုးပါး တားမြစ်နယ်မြေကို လက်တစ်ဖက်တည်းနှင့် ဖိနှိပ်ထားနိုင်လိမ့်မည်။</p> <p>နောက်ဆုံးတွင်၊ သူက ယခုမှ အသက် သုံးဆယ်ဝန်းကျင်သာ ရှိသေးသော်လည်း ဆန်းကြယ်ကောင်းကင်အဓိပတိနယ်ပယ်၏ အထွတ်အထိပ်သို့ ရောက်နေပြီ ဖြစ်သည်။</p> <p>အကယ်၍ သူ့ကို နောက်ထပ် နှစ်တစ်ရာခန့် အချိန်ပေးလိုက်လျှင် မည်သည့်အဆင့်သို့ ရောက်ရှိသွားမည်နည်း။</p> <p>သို့သော်လည်း ဤလောကမှာ "အကယ်၍" ဆိုတာ မရှိပါ။</p> <p>ထို့ကြောင့် ကျွင်းရှောင်ယောက်က တစ်လှမ်းချင်းစီ လှမ်းသွားရုံသာ တတ်နိုင်သည်။</p> <p>သူက သက်ရှည်ခြင်းနတ်ဘုရားမကို တစ်ချက်ကြည့်လိုက်ပြီး ပြုံးလိုက်သည်။</p> <p>"သက်ရှည်ခြင်းနတ်ဘုရားမ၊ နောက်တစ်ခုက ငါ မင်းကို ပြပွဲကောင်းတစ်ပွဲ ကြည့်ဖို့ ဖိတ်ခေါ်ချင်တယ်"</p> <p>သူ့အပြုံးကိုကြည့်ရင်း သက်ရှည်ခြင်းနတ်ဘုရားမက သူ့ရင်ထဲမှာ အေးစိမ့်သွားသလို ခံစားလိုက်ရ၏။</p> <p>ဤအခိုက်တွင်၊ ကျွင်းရှောင်ယောက်က ကြွက်ကို ကစားနေသော ကြောင်တစ်ကောင်ကဲ့သို့ပင်။</p> <p>သူကစားချင်သလို ကစားပြီးမှ နင်းချေပစ်မည့်ပုံရသည်။</p> <p>ကျွင်းရှောင်ယောက်က ယခင်က သူပြောခဲ့သလို သက်ရှည်ခြင်းဧကရာဇ်သားတော်နှင့် တခြားသူများကို မြင့်မြတ်ခန္ဓာများ ခံစားရတာထက် ပိုပြီး နာကျင်စရာကောင်းသော အတွေ့အကြုံမျိုးကို ပေးချင်သည်။</p> <p>တစ်ချိန်တည်းမှာပင်...</p> <p>သက်ရှည်ခြင်းဧကရာဇ်သားတော်၊ တောက်ဝမ်နှင့် ဝမ့်ယန်တို့က အင်မော်တယ်ယဇ်ပလ္လင်ဆီကို တဖြည်းဖြည်း ချဉ်းကပ်လာကြပြီ။</p> <p>အင်မော်တယ်ယဇ်ပလ္လင်မှ ထုတ်လွှတ်နေသော ဖိအားက အလွန်ပြင်းထန်သောကြောင့် ထိပ်တန်း ပါရမီရှင်များသာ ဤနေရာကို ရောက်နိုင်ကြသည်။</p> <p>လျိုချုံးယန်၊ ယွင်ထျန်းမေနှင့် အခြားသူများပင် ဤနေရာကို မရောက်နိုင်ကြပေ။</p> <p>ရဲ့ကူချန်ကတော့ ဤနေရာကို မလာချင်သောကြောင့် မလာခြင်း ဖြစ်သည်။</p> <p>ထို့ကြောင့် နောက်ဆုံးတွင် သက်ရှည်ခြင်းဧကရာဇ်သားတော်၊ တောက်ဝမ်နှင့် ဝမ့်ယန်တို့သာ ဤနေရာမှာ စုမိကြတော့သည်။</p> <p>သက်ရှည်ခြင်းဧကရာဇ်သားတော်နှင့် တောက်ဝမ်က တစ်လမ်းတည်း လာကြခြင်း ဖြစ်သည်။</p> <p>ဝမ့်ယန်ကတော့ အခြားတစ်ဖက်မှ သီးခြားလာခဲ့၏။</p> <p>ယခုအခါမှာတော့ သူတို့က တစ်ယောက်နှင့်တစ်ယောက် ဆုံမိသွားကြပြီ။</p> <p>"ဝမ့်ယန်၊ မင်းက တကယ်ကို နက်နက်ရှိုင်းရှိုင်း ဖုံးကွယ်နေခဲ့တာပဲ"<br /> ဝမ့်ယန်ထံမှ ထွက်ပေါ်နေသော အငွေ့အသက်များကို ခံစားမိသောအခါ သက်ရှည်ခြင်းဧကရာဇ်သားတော်၏  မျက်လုံးများက လေးနက်မှုတို့ ပေါ်လာသည်။</p> <p>"မင်းလည်း အတူတူပါပဲ၊ မင်းရဲ့ အစွမ်းအစ အစစ်အမှန်ကို တစ်ခါမှ ထုတ်မပြခဲ့ဘူး မဟုတ်လား"<br /> ဝမ့်ယန်က အနည်းငယ် ပြုံးလိုက်သည်။</p> <p>သူဟာ ယခင်က အလွန်ကို သိုသိုသိပ်သိပ် နေခဲ့သည်။ ကောင်းကင် နဂါးနှင့် ဖီးနစ် စာရင်းမှာလည်း အဆင့်တစ်ဆယ်သာ ရှိခဲ့၏။</p> <p>သို့သော်လည်း သူ၏ စွမ်းအား အစစ်အမှန်က သက်ရှည်ခြင်းဧကရာဇ်သားတော်၏ နေရာကိုပင် စိန်ခေါ်နိုင်စွမ်း ရှိသည်။</p> <p>"မင်းက ကျွင်းရှောင်ယောက်နဲ့ တိုက်ခိုက်ခဲ့ချိန်မှာ အခြေအနေ သိပ်မဟန်ဘူးလို့ ကြားတယ်"<br /> ဝမ့်ယန်က မသိဟန်ဆောင်ပြီး ပြောလိုက်သည်။</p> <p>"ဟမ့်၊ အင်မော်တယ်ယဇ်ပလ္လင်ရဲ့ အခွင့်အလမ်းအတွက်မို့လို့ သူ့ကို အလျှော့ပေးထားတာပါ၊ ငါ့ရဲ့ စွမ်းအား အစစ်အမှန်ကိုလည်း ထုတ်မပြရသေးဘူး"</p> <p>"ဒီဧကရာဇ်သားတော်သာ တကယ်တိုက်ခိုက်ရင် ကျွင်းရှောင်ယောက်က ခံနိုင်မှာမို့လား"<br /> သက်ရှည်ခြင်းဧကရာဇ်သားတော်က အေး‌စက်စက် ပြောလိုက်၏။</p> <p>သူက ကောင်းကင် နဂါးနှင့်ဖီးနစ် စာရင်း၏ ခေါင်းဆောင်နေရာနှင့် ဂုဏ်သိက္ခာကို ဆက်ပြီး ထိန်းထားချင်သည်။</p> <p>"ဪ... ဒါဆိုရင် အင်မော်တယ်ယဇ်ပလ္လင်ရဲ့ အခွင့်အလမ်းကို ဘယ်သူ ရမလဲဆိုတာ ကြည့်ကြတာပေါ့"<br /> ဝမ်ယန်က ခပ်ထေ့ထေ့ ပြုံးလိုက်သည်။</p> <p>တကယ်တမ်းတွင်၊ သူက သက်ရှည်ခြင်းဧကရာဇ်သားတော်၏ ပထမနေရာကို အမြဲတမ်း မက်မောနေခဲ့သည်။</p> <p>အာဒိကပ္ပခရမ်းရောင်ချီမျိုးစေ့က အသွင်မပြောင်းသေးလို့သာ အောင့်အည်းသီးခံနေရခြင်းပင်။</p> <p>ထို့ကြောင့် သူဟာ သိုသိုသိပ်သိပ် နေခဲ့ခြင်း ဖြစ်သည်။</p> <p>တစ်နေ့မှာ အားလုံးကို အံ့အားသင့်အောင် လုပ်နိုင်မည့် အချိန်ကောင်းကို တိတ်ဆိတ်စွာ စောင့်နေခဲ့ပေသည်။</p> <p>'အင်မော်တယ်ယဇ်ပလ္လင်မှာ ငါရရှိမဲ့ အခွင့်အလမ်းက သက်ရှည်ခြင်းဧကရာဇ်သားတော်ထက် သာလွန်သွားရင် သူ့ရဲ့ နံပါတ်တစ်နေရာကို ငါ ရမှာပဲ'<br /> ဝမ့်ယန်က သူ့စိတ်ထဲမှ တွေးလိုက်သည်။</p> <p>သက်ရှည်ခြင်းဧကရာဇ်သားတော်၊ တောက်ဝမ်နှင့် ဝမ့်ယန်။</p> <p>သူတို့သုံးယောက်က တစ်ယောက်ကိုတစ်ယောက် သတိထားရင်း၊ အပြန်အလှန် စောင့်ကြည့်ရင်းမှ အင်မော်တယ်ယဇ်ပလ္လင်ဆီကို တစ်ပြိုင်နက်တည်း ဆက်လက်လျှောက်လှမ်းသွားကြလေသည်။</p> <p>ရုတ်တရက်၊ သူတို့သုံးယောက်စလုံး ကြောင်အသွားပြီး မျက်လုံးအိမ်များလည်း ကျဉ်းမြောင်းသွားကြသည်။</p> <p>"အင်မော်တယ်ယဇ်ပလ္လင်ကို တစ်ယောက်ယောက်က ကြိုဖွင့်ထားတာလား၊ ဒါ ဘယ်လိုဖြစ်တာလဲ"</p> <p>ကောင်းကင်ကိုးပါး၏ ထိပ်တန်း ပါရမီရှင် သုံးယောက်စလုံး ဤအခိုက်တွင် အတိုင်းအဆမရှိ ထိတ်လန့်သွားကြ၏။</p> <p>အချိန်အကြာကြီး တိတ်ဆိတ်နေခဲ့သော အင်မော်တယ်ယဇ်ပလ္လင်က အမှန်တကယ်ပဲ ပွင့်နေခဲ့ပြီ။</p> <p>ထို့ပြင်၊ အင်မော်တယ်ယဇ်ပလ္လင်၏ ထိပ်ဆုံး ကြာပန်းပုံစံ နေရာမှာ ကြက်သွေးရောင် စွမ်းအင်များက လူးလွန့်လှုပ်ရှားနေကြသည်။</p> <p>"အဲဒါက... ယဇ်ဆရာသခင်တွေပဲ ပိုင်ဆိုင်နိုင်တဲ့ သွေးယဇ်ပူဇော်ခြင်း စွမ်းအားလား"</p> <p>ဤအခိုက်တွင်၊ သူတို့ သုံးယောက်လုံး အသက်ရှူရပ်သွားသလိုပင်။</p> <p>သွေးယဇ်ပူဇော်ခြင်း စွမ်းအားက ယဇ်ဆရာသခင်များသာ ရရှိနိုင်သော စွမ်းအားမျိုး ဖြစ်သည်။</p> <p>သူတို့ သုံးယောက် အံ့အားသင့်နေချိန်တွင် နတ်ဘုရားတစ်ပါးလို တီးတိုးစကားသံကဲ့သို့ အသံတစ်ခု ထွက်ပေါ်လာခဲ့သည်။</p> <p>"လူသုံးယောက်တောင် ဒီနေရာကို ရောက်လာနိုင်မယ်လို့ ငါအရှင် မထင်ထားခဲ့ဘူး..."</p> <p>ထို့နောက်၊ ဟင်းလင်းပြင်ထဲမှ ကြီးမားလှသော ပုံရိပ်တစ်ခု ဖြည်းဖြည်းချင်း ပေါ်ထွက်လာ၏။</p> <p>အပြစ်တရား၏ အလင်းများကလည်း ကမ္ဘာကြီးကို ဖျက်ဆီးပစ်တော့မည့် နတ်ဆိုးတစ်ကောင်ကဲ့သို့ ပျံ့နှံ့နေသည်။</p> <p>သက်ရှည်ခြင်းဧကရာဇ်သားတော် အပါအဝင် သုံးယောက်စလုံး သူတို့၏ ရင်ထဲမှလာသော တုန်လှုပ်မှုများကို မတောင့်ခံနိုင်ကြတော့ပေ။</p> <p>"ယဇ်ဆရာသခင်..."</p>


Save