Book List

<h2 style="text-align: center;">အခန်း ( ၁၄၇၉ )</h2> <h2 style="text-align: center;">မင်းတို့ စွမ်းအား လိုချင်ကြသလား</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center"><br />  </p> <p>အင်မော်တယ်ယဇ်ပလ္လင်၏ အထက်၊ မှိန်ပျပျ ကြယ်တာရာများကြား‌တွင်...</p> <p>တုနှိုင်းမယှဉ်သာအောင် ကြီးမားလှသော ပုံရိပ်ကြီးတစ်ခုက တင်ပျဥ်ခွေ ထိုင်နေသည်။</p> <p>သူ၏ ဦးခေါင်းအနောက်ဘက်မှာတော့ အပြစ်တရား၏ နတ်ဆိုးစက်ဝန်း ရာပေါင်းများစွာက တစ်လွှာပြီးတစ်လွှာ လည်ပတ်နေ၏။</p> <p>ထိုစက်ဝန်းများကြားမှာလည်း ကုဋေကုဋာမကသော သတ္တဝါများ၏ ငိုကြွေးမြည်တမ်းသံများက အခိုက်အတန့်တိုင်းမှာ ထွက်ပေါ်နေပုံရသည်။</p> <p>ထိုပုံရိပ်ကြီးက တကယ်ကို နတ်ဆိုးနတ်ဘုရားတစ်ပါးလိုပင်။</p> <p>၎င်းက လျှို့ဝှက်ဆန်းကြယ်ပြီး အစွမ်းထက်လှသလို အဆုံးမရှိသော ဖိအားများကို သယ်ဆောင်လာသည်။</p> <p>ကြက်သွေးရောင် သွေးယဇ်ပူဇော်ခြင်း စွမ်းအားများက ထိုပုံရိပ်ကြီးကို စကြဝဠာ ဂလက်ဆီတစ်ခုလို ဝန်းရံထားပေသည်။</p> <p>"ယဇ်ဆရာသခင်"</p> <p>သက်ရှည်ခြင်းဧကရာဇ်သားတော်၊ တောက်ဝမ်နှင့် ဝမ့်ယန်တို့လည်း ဤအခိုက်တွင် သူတို့၏ မျက်နှာထက်မှာ မကြုံစဖူး တုန်လှုပ်မှုတို့ ဖြစ်ပေါ်လာကြသည်။</p> <p>သူတို့က ကောင်းကင်ကိုးပါး၏ ထိပ်တန်းပါရမီရှင်၊ တားမြစ်နယ်မြေအသီးသီးမှ အမြင့်ဆုံး ပါရမီရှင်များ ဖြစ်သည်။</p> <p>သို့သော်လည်း အခုချိန်မှာတော့ ဒဏ္ဍာရီလာ ယဇ်ဆရာသခင်ကြီးနှင့် ရင်ဆိုင်ရသည့်အခါ ပုရွက်ဆိတ်တစ်ကောင်ကဲ့သို့ သေးငယ်နေသည်ဟု ခံစားခဲ့ရပေသည်။</p> <p>မဟုတ်သေး၊ သူတို့က ပုရွက်ဆိတ်ထက်တောင် ပို၍နိမ့်ကျသည်။</p> <p>ယဇ်ဆရာသခင်၏ ရှေ့မှာ သူတို့က ဖုန်မှုန့်တစ်စလေးလိုပင်။</p> <p>'သူက တကယ့်ကို ယဇ်ဆရာသခင်ပဲ။ ယဇ်ဆရာသခင်တွေပဲ သွေးယဇ်ပူဇော်ခြင်း စွမ်းအားကို ထိန်းချုပ်နိုင်တာ...'</p> <p>ယဇ်ဆရာသခင်တစ်ပါးက အဘယ်ကြောင့် ဤနေရာမှာ ပေါ်လာတာသလဲဆိုတာ သူတို့ မသိကြသော်လည်း မျက်စိရှေ့က အမှန်တရားကိုတော့ လိမ်ညာလို့ မရပေ။</p> <p>ထိုပုံရိပ်ကြီး၏ စွမ်းအားကို မပြောလျှင်ပင်၊</p> <p>သူ့ခန္ဓာကိုယ်က စကြာဝဠာတစ်ခုကဲ့သို့ဖြစ်ပြီး အစွမ်းထက်သော အရှိန်အဝါဖိအားက‌ ကွေ့ရှအပျက်အယွင်းနယ်မြေ တစ်ခုလုံးကို ဖိနှိပ်ထားနိုင်ပုံရပေသည်။</p> <p>ဤကဲ့သို့ အတိုင်းအဆမရှိသော စွမ်းအားမျိုးကို ယဇ်ဆရာသခင်များသာ ပိုင်ဆိုင်နိုင်ကြသည်။</p> <p>သွေးယဇ်ပူဇော်ခြင်း စွမ်းအားနှင့် ပတ်သက်လျှင်တော့ ဒါဟာ ယဇ်ဆရာသခင်တစ်ပါး၏ အမှတ်အသားလို ဖြစ်နေပြီ။</p> <p>ထို့အပြင် မျက်စိလျှင်သော သက်ရှည်ခြင်းဧကရာဇ်သားတော်တို့ သုံးယောက်က အင်မော်တယ်ယဇ်ပလ္လင်၏ ထိပ်မှာရှိသော ယဇ်ဆရာသခင်အမိန့်တော်ကို မြင်ကြသည်။</p> <p>'တကယ်ပဲ... သူက အသစ်တက်လာတဲ့ ပဉ္စမမြောက် ယဇ်ဆရာသခင်လား'</p> <p>သက်ရှည်ခြင်းဧကရာဇ်သားတော်တို့ သုံးယောက်၏ ရင်ထဲတွင် မုန်တိုင်းထန်နေသကဲ့သို့ပင်။</p> <p>မူလက ပြန်လည်ဝင်စားခြင်းပင်လယ်၏ ပုဂ္ဂိုလ်ကြီးမှာ ပဉ္စမမြောက် ယဇ်ဆရာသခင်ဖြစ်ကြောင်း သူတို့အားလုံး သိကြသည်။</p> <p>သို့သော်လည်း သူက ပြင်းထန်သောဒဏ်ရာကြောင့် အိပ်မောကျနေခဲ့ပြီး ပဉ္စမမြောက် ယဇ်ဆရာသခင်နေရာမှာ လစ်လပ်ခဲ့ပေသည်။</p> <p>ထို့ကြောင့် ဤယဇ်ဆရာသခင်က လူသစ်ဖြစ်သည်။ </p> <p>ထို့ပြင် သူက သူတို့၏ သက်ရှည်ခြင်းကျွန်း၊ ဧကရာဇ်ကြွေလွင့်တောင် သို့မဟုတ် သားရဲဂူမှ ယဇ်ဆရာသခင် မဟုတ်ပေ။</p> <p>မြင့်မြတ်ဝိညာဥ်အပျက်အယွင်းနယ်မြေက တစ်ယောက်လည်း မဟုတ်ပါ။</p> <p>အချုပ်ဆိုရလျှင်၊ ဤပုဂ္ဂိုလ်ကြီးက အသစ်တက်လာသော ပဉ္စမမြောက် ယဇ်ဆရာသခင် ဖြစ်သည်။</p> <p>"ဧကရာဇ်ကြွေလွင့်တောင်က အငယ်လေး ဝမ့်ယန်က  ယဇ်ဆရာသခင်ကြီးကို နှုတ်ခွန်းဆက်ပါတယ်"<br /> တွေဝေတုံ့ဆိုင်းမနေဘဲ ဝမ့်ယန်က မြေပြင်ပေါ်မှာ ပထမဆုံး ဒူးထောက်လိုက်သည်။</p> <p>ယဇ်ဆရာသခင် ငါးပါးက အမြင့်မြတ်ဆုံး တည်ရှိမှုများပင်။</p> <p>ဒါက ကောင်းကင်ကိုးပါး တားမြစ်နယ်မြေများ၏ ဘုံသဘောတူညီချက် ဖြစ်သည်။</p> <p>ယဇ်ဆရာသခင် ငါးပါးကို နတ်ဘုရား ငါးပါးကဲ့သို့ ရိုသေလေးစားရ၏။</p> <p>ထိပ်တန်း ပါရမီရှင်တစ်ဦးအနေဖြင့် သူ့မှာ ကိုယ်ပိုင်မာန ရှိကြသော်လည်း ယခုအချိန်မှာတော့ ဒူးထောက်ရပေမည်။</p> <p>"သားရဲဂူက အငယ်လေး တောက်ဝမ်က၊ ယဇ်ဆရာသခင်ကို နှုတ်ခွန်းဆက်ပါတယ်"</p> <p>ဗိုလ်ကျစိုးမိုးတတ်သော တောက်ဝမ်သည်လည်း ယခုအချိန်မှာ လိမ္မာသော ကလေးလေးတစ်ယောက်လို ရိုးရိုးသားသား ဒူးထောက်လိုက်သည်။</p> <p>သက်ရှည်ခြင်းဧကရာဇ်သားတော်ကတော့ ခဏလောက် တုံ့ဆိုင်းနေသည်။</p> <p>နောက်ဆုံးတွင်၊ သူက ကောင်းကင်နဂါးနှင့် ဖီးနစ်စာရင်း၏ နံပါတ်တစ် ပါရမီရှင်ပင်။ </p> <p>ထို့ပြင် သက်ရှည်ခြင်းကျွန်း၏ ပါရမီရှင်လည်း ဖြစ်သည်။</p> <p>ယခင်ကဆိုလျှင်၊ သက်ရှည်ခြင်းကျွန်း၏ ဧကရာဇ်အဆင့် ဘိုးဘေးများကို တွေ့ရင်လျှင် သူ ဒူးထောက်စရာ မလိုပါ။ ဦးညွှတ်ရုံသာ ဖြစ်သည်။</p> <p>သက်ရှည်ခြင်းကျွန်း၏ နာမည်ရင်း ထုတ်မပြောနိုင်သော ပထမဆုံး ယဇ်ဆရာသခင်ကိုတော့ သက်ရှည်ခြင်းဧကရာဇ်သားတော်က တစ်ခါမှ မမြင်ဖူးပါ။</p> <p>သို့သော်လည်း ယခုအချိန်တွင် ဝမ့်ယန်နှင့် တောက်ဝမ်တို့က ဤမျှလွယ်လွယ်ကူကူ ဒူးထောက်တာကို မြင်လိုက်ရသောအခါ...</p> <p>သက်ရှည်ခြင်းဧကရာဇ်သားတော်က မည်မျှပင် စိတ်မသက်မသာ ဖြစ်နေ‌စေကာမူ၊ လိမ္မာပါးနပ်စွာဖြင့် ဒူးထောက်လိုက်ရတော့သည်။</p> <p>ယဇ်ဆရာသခင်တစ်ပါးကို ပြစ်မှားမိလျှင် အကျိုးဆက်က မှန်းဆလို့မရနိုင်ပါ။</p> <p>သူတို့ သက်ရှည်ခြင်းကျွန်း၏ အကြီးအကဲများပင် သူ့ကို ကယ်နိုင်မှာ မဟုတ်ပေ။</p> <p>သက်ရှည်ခြင်းကျွန်း၏ ပထမဆုံး ယဇ်ဆရာသခင် ကိုယ်တိုင် ထွက်လာရင်တော့ တစ်မျိုး ဖြစ်သည်။</p> <p>သို့သော်လည်း ပထမဆုံး ယဇ်ဆရာသခင်ကဲ့သို့ ပုဂ္ဂိုလ်ကြီး၏ မျက်လုံးထဲမှာ သက်ရှည်ခြင်းဧကရာဇ်သားတော်က ဖုန်မှုန့်လေးတစ်စထက် မပိုနိုင်ပါ။</p> <p>သူက သက်ရှည်ခြင်းကျွန်း၏ ပါရမီရှင် ဖြစ်နေလျှင်ပင် မပြောင်းလဲပေ။</p> <p>သက်ရှည်ခြင်းဧကရာဇ်သားတော်က ပါးနပ်သူ ဖြစ်သည်။</p> <p>ထိုသို့သော အကျိုးဆက်နှင့် ယှဉ်လိုက်ရင် သိက္ခာအနည်းငယ် အဆုံးရှုံးခံရတာက ဘာမှ မဟုတ်ပါ။</p> <p>"သက်ရှည်ခြင်းကျွန်းက အငယ်လေး သက်ရှည်ခြင်းဧကရာဇ်သားတော်က ယဇ်ဆရာသခင်ကို နှုတ်ခွန်းဆက်ပါတယ်"<br /> သက်ရှည်ခြင်းဧကရာဇ်သားတော်လည်း မြေပြင်ပေါ်မှာ ဒူးထောက်လိုက်သည်။</p> <p>သူတို့အားလုံးက သူတို့ရှေ့မှ ယဇ်ဆရာသခင်နှင့် ပတ်သက်ပြီး စိုးစဉ်းမျှ သံသယ မရှိကြပေ။</p> <p>မေးခွန်းထုတ်ဖို့ဆိုလျှင် တွေးပင်မတွေးရဲကြပါ။</p> <p>မေးခွန်းထုတ်စရာလည်း မရှိချေ။</p> <p>ယုံနိုင်စရာမရှိအောင် စွမ်းအားကြီးသည်။</p> <p>သွေးယဇ်ပူဇော်ခြင်း စွမ်းအားကိုလည်း ထိန်းချုပ်ထားနိုင်၏။</p> <p>ထို့ပြင် အင်မော်တယ်ယဇ်ပလ္လင်ကို ဖွင့်လှစ်နိုင်သော ယဇ်ဆရာသခင်အမိန့်တော်လည်း ရှိနေသေးသည်။</p> <p>ဤပုဂ္ဂိုလ်ကြီးက ယဇ်ဆရာသခင် မဟုတ်ဘူးဟု ပြောလာလျှင် မည်သူမျှ ယုံကြည်ကြမှာ မဟုတ်ပါ။</p> <p>သို့ရာတွင်၊ ဤပုဂ္ဂိုလ်၏ အထောက်အထားက မည်သူဖြစ်သနည်း။</p> <p>သက်ရှည်ခြင်းဧကရာဇ်သားတော်တို့ သုံးယောက်လုံး ဤအချက်ကိုတော့ သိချင်မိကြသည်။</p> <p>သို့သော်လည်း သူတို့ကို သတ္တိများ အဆတစ်သောင်း ပိုပေးလျှင်ပင် မေးခွန်းထုတ်ဝံ့မည် မဟုတ်ပေ။</p> <p>လူသားတစ်ယောက်က နတ်ဘုရား၏ရှေ့မှာ စိတ်ထင်သလို မေးခွန်းထုတ်ဝံ့ပါ့မလား။</p> <p>"အိမ်း၊ မင်းတို့လေးတွေ ဒီနေရာကို ရောက်လာနိုင်တယ်ဆိုကတည်းက မင်းတို့ဟာ ကောင်းကင်ကိုးပါးရဲ့ အနာဂတ်တွေဆိုတာ သက်သေပြနေတာပဲ"<br /> ကြီးမားလှသော ပုံရိပ်ကြီးက ပြောလိုက်သည်။</p> <p>သက်ရှည်ခြင်းဧကရာဇ်သားတော်တို့ သုံးယောက်လုံး၏ မျက်လုံးထဲမှာ ဝမ်းသာမှု အရိပ်အယောင်များ ပေါ်လာကြ၏။</p> <p>ပဉ္စမမြောက် ယဇ်ဆရာသခင်က သူတို့ကို တော်တော်လေး အသိအမှတ်ပြုပုံရသည်။</p> <p>"ယဇ်ဆရာသခင် အရှင်က ချီးမွမ်းလွန်းနေပါပြီ၊ ဒီနေရာမှာ ယဇ်ဆရာသခင် အရှင်ကို မော်ဖူးခွင့်ရလိမ့်မယ်လို့ မထင်ထားခဲ့ဘူး"<br /> သက်ရှည်ခြင်းဧကရာဇ်သားတော်တို့ သုံးယောက်က အတော်လေး ရိုကျိုးနေကြလေသည်။</p> <p>ထိုပုံရိပ်ကြီးက ထပ်ပြောလိုက်သည်။</p> <p>"မင်းတို့... စွမ်းအား လိုချင်ကြသလား"</p> <p>ရိုးရှင်းသော စကားတစ်ခွန်းဖြစ်သော်လည်း သက်ရှည်ခြင်းဧကရာဇ်သားတော်တို့ သုံးယောက်၏ အသက်ရှူသံများ ရပ်တန့်သွားလုနီးပါးပင်။</p> <p>ဒါက ဘာကို ဆိုလိုသနည်း။</p> <p>ကြီးမြတ်သော ပဉ္စမမြောက် ယဇ်ဆရာသခင်က သူတို့ကို စွမ်းအားပေးသနားတော့မည်လော။</p> <p>"မင်းတို့... သွေးယဇ်ပူဇော်ခြင်း စွမ်းအားကို ရချင်ကြသလား"</p> <p>ဝုန်း..</p> <p>ဒါကိုကြားရသော သက်ရှည်ခြင်းဧကရာဇ်သားတော်တို့ သုံးယောက်လုံး သွေးပေါင်ချိန်များ ဆောင့်တက်သွားသလို ခံစားလိုက်ရသည်။</p> <p>သွေးယဇ်ပူဇော်ခြင်း စွမ်းအား...</p> <p>ဒါက ယဇ်ဆရာသခင်များသာ ပိုင်ဆိုင်နိုင်သော စွမ်းအားဖြစ်သည်။</p> <p>ဒါက သက်ရှိအားလုံး၏ သွေးဖြင့် ယဇ်ပူဇော်ရာမှ ရရှိလာသော စွမ်းအင်ပင်။</p> <p>ယခုတော့ ပဉ္စမမြောက် ယဇ်ဆရာသခင်၏ စကားအသွားအလာအရ သူတို့ဟာ သွေးယဇ်ပူဇော်ခြင်း စွမ်းအားကို ရနိုင်ပုံပေါ်သည်။</p> <p>"တ... တကယ်ရမယ်ဆိုရင် လိုချင်ပါတယ်ခင်ဗျာ"</p> <p>သက်ရှည်ခြင်းဧကရာဇ်သားတော်တို့ သုံးယောက်သား ခပ်သွက်သွက်လေး ဖြေလိုက်ကြသည်။</p> <p>သွေးယဇ်ပူဇော်ခြင်း စွမ်းအားကို ရရှိနိုင်လျှင် သူတို့အတွက် မည်မျှအကျိုးကြီးမည်နည်း။</p> <p>ဒါက အမှန်တကယ် မှန်းဆလို့တောင် မရနိုင်ပေ။</p> <p>သွေးယဇ်ပူဇော်ခြင်း စွမ်းအားကိုသာ ရခဲ့မည်ဆိုလျှင် သူတို့က အနာဂတ်မှာ အထွတ်အထိပ်၌ ရပ်တည်နိုင်နိုင်ရန် သေချာနေပြီဟု ဆိုနိုင်သည်။</p> <p>ဤရွှေခေတ်၏ အတက်အကျများကို ထိန်းချုပ်နိုင်သည့် အမြင့်မြတ်ဆုံး တည်ရှိမှုများ ဖြစ်လာကြလိမ့်မည်။</p> <p>"ကောင်းပြီ...၊ ဒါပေမဲ့... မင်းတို့က ဘာပြန်ပေးနိုင်မလဲ"</p> <p>"ငါ့အတွက် မင်းတို့ဆီက ဘာမှ မလိုအပ်ပါဘူး"</p> <p>"ဒါပေမဲ့ လောကမှာရှိတဲ့ အရာရာတိုင်းက အသွားအပြန်ရှိတယ်ဆိုတာကိုတော့ မင်းတို့ နားလည်စေချင်တယ်"</p> <p>"တစ်ခုခု ရရင် တစ်ခုခုကိုတော့ ဆုံးရှုံးရမှာပဲ"</p> <p>"မဟာသုတ်သင်ရှင်းလင်းခြင်းလိုပေါ့၊ အဖိုးအခအနေနဲ့ သက်ရှိအားလုံးကို ယဇ်ပူဇော်ပြီး အင်မော်တယ်ဖြစ်မဲ့ အခွင့်အရေးနဲ့ လဲလှယ်ရတာမျိုးပေါ့"</p> <p>ပဉ္စမမြောက် ယဇ်ဆရာသခင်၏ အသံက ဟိန်းထွက်နေပြီး နက်နဲသော အမှန်တရားတစ်ခုကို သယ်ဆောင်ထားပုံရသည်။</p> <p>ဤအခြေအနေမျိုးမှာ မည်သူမဆို သေချာပေါက် အရူးလုပ်ခံရလိမ့်မည်။</p> <p>'လက်စသတ်တော့ ယဇ်ဆရာသခင်က ငါတို့ကို ဒီလို အမှန်တရားမျိုးကို နားလည်စေချင်တာပဲ'</p> <p>သက်ရှည်ခြင်းဧကရာဇ်သားတော်တို့ သုံးယောက်က စဉ်းစားလိုက်သည်။</p> <p>သူတို့က အရူးများ မဟုတ်ပါ။</p> <p>ပဉ္စမမြောက် ယဇ်ဆရာသခင်ကဲ့သို့ တည်ရှိမှုမျိုးက သူတို့ထံမှ ဘာကိုမှ အမှန်တကယ် လိုချင်မှာ မဟုတ်ဘူးဟု သူတို့ ယုံကြည်သည်။</p> <p>နတ်ဘုရားတစ်ပါးက ပုရွက်ဆိတ်များထံမှ တစ်ခုခုကို လိုချင်ပါ့မလား။</p> <p>တောက်ဝမ်က အသံကျယ်ကျယ်ဖြင့် အခြားသူများထက်ဦးအောင် ပြောလိုက်သည်။<br /> "ယဇ်ဆရာသခင်ကြီးခင်ဗျာ၊ ကျွန်တော်က ပြီးပြည့်စုံတဲ့ ဝါးမြိုခြင်းအင်မော်တယ်ကျမ်းကို ပေးအပ်ပါရစေ။ ဒါက ကျွန်တော်တို့ တောက်ထျဲမျိုးနွယ်ရဲ့ အမြင့်မြတ်ဆုံး အင်မော်တယ်ကျမ်းစာပါ"</p> <p>တောက်ဝမ်က ကျောက်စိမ်းပြားတစ်ခုကို တိုက်ရိုက်ထုတ်ပေးလိုက်၏။</p> <p>ဝါးမြိုခြင်းအင်မော်တယ်ကျမ်းက အလွန် တန်ဖိုးကြီးသည်။ ၎င်းက တောက်ထျဲမျိုးနွယ်၏ အနှစ်သာရဖြစ်ပြီး မျိုးနွယ်စု၏ အမှတ်အသား အင်မော်တယ်ကျမ်းတစ်ခုပင်။</p> <p>သို့သော်လည်း‌ တောက်ဝမ်က သူတို့မျိုးနွယ်၏ အထူးချွန်ဆုံး ပါရမီရှင် ဖြစ်သည့်အတွက် သူ့မှာ ပြီးပြည့်စုံသော အင်မော်တယ်ကျမ်း ရှိနေခြင်းက သာမန်သာ ဖြစ်သည်။</p> <p>"မင်း..."</p> <p>တောက်ဝမ်က ဝါးမြိုခြင်းအင်မော်တယ်ကျမ်းကို ထုတ်ပေးလိုက်ကြောင်း မြင်သောအခါ သက်ရှည်ခြင်းဧကရာဇ်သားတော်နှင့် ဝမ့်ယန်တို့ မျက်နှာပျက်သွားသည်။</p> <p>အကယ်၍ သူတို့ ပေးတာက တောက်ဝမ်၏ ကျမ်းစာလောက် တန်ဖိုးမရှိလျှင်...</p> <p>ယဇ်ဆရာသခင်ကြီးက သူတို့ကို သွေးယဇ်ပူဇော်ခြင်း စွမ်းအား ပေးအပ်ပါဦးမလား။</p>


Save