Book List

<h2 style="text-align: center;">အခန်း ( ၁၄၈၀ )</h2> <h2 style="text-align: center;">ယဇ်ဆရာသခင်က တကယ်ကို စိတ်သဘောထား ကြီးမြတ်တယ်</h2> <h2 style="text-align: center;">*</h2> <h2 style="text-align: center;"> </h2> <p style="text-align:center"> </p> <p style="text-align:center"> </p> <p style="text-align:center"> </p> <p><br /> ဒါက ယဇ်ဆရာသခင်ကိုယ်တိုင် ပေးသနားသော အခွင့်အလမ်းတစ်ခုပင်။</p> <p>သမိုင်းတစ်လျှောက်မှ မည်သို့သော ပါရမီရှင်မျိုးမှ ဤမျှကြီးမားသော အခွင့်အလမ်းမျိုးကို မရဖူးသေးဘူးဟု ဆိုနိုင်သည်။</p> <p>နောက်ဆုံးတွင်၊ ယဇ်ဆရာသခင်ကဲ့သို့ တည်ရှိမှုမျိုး၏ မျက်လုံးထဲမှာတော့ သက်ရှိအားလုံးဟာ ပုရွက်ဆိတ်များနှင့် မခြားပါ။</p> <p>သူတို့က မည်သူ့ကိုမှ ဂရုစိုက်မှာ မဟုတ်ပေ။</p> <p>သို့သော်လည်း ယခုတော့ အသစ်တက်လာသော ယဇ်ဆရာသခင်နှင့် ဆုံတွေ့ခွင့်ရခဲ့သည့်အပြင် သူတို့ကို တော်တော်လေး အသိအမှတ်ပြုပုံရသည်။</p> <p>သွေးယဇ်ပူဇော်ခြင်း စွမ်းအားကိုပင် ပေးသနားရန် စိတ်ကူးရှိနေသေးသည်။</p> <p>ဒါက ယဇ်ဆရာသခင်များသာ ပိုင်ဆိုင်နိုင်သော စွမ်းအားမျိုး ဖြစ်သည်။</p> <p>အကယ်၍ သူတို့သာ သွေးယဇ်ပူဇော်ခြင်း စွမ်းအားကို ရခဲ့မည်ဆိုလျှင် မည်မျှ အကျိုးရှိမလဲဆိုတာ မှန်းဆကြည့်ရန် မလွယ်ပေ။</p> <p>သူတို့၏ ကိုယ်ပိုင်အင်အား တိုးတက်လာရုံသာမကဘဲ အခြေခံကအစ ပြောင်းလဲသွားနိုင်သည်။</p> <p>သူတို့၏ အဆင့်အတန်းကလည်း သိသိသာသာ ပြောင်းလဲသွားလိမ့်မည်။</p> <p>ယခုအချိန်မှာ သူတို့က ကောင်းကင်ကိုးပါး၏ ထိပ်တန်း ပါရမီရှင်များသာ ဖြစ်ကြသော်လည်း...<br />  <br /> ယဇ်ဆရာသခင်တစ်ပါးနှင့် အဆက်အသွယ်ရှိပါက သူတို့၏ အဆင့်အတန်းများမှာ ယခုထက် အများကြီး ပိုမိုမြင့်မားသွားမည်မှာ သေချာသည်။</p> <p>ဤကဲ့သို့ မက်မောစရာကောင်းသော အခွင့်အလမ်းကို မည်သူမျှ ငြင်းပယ်နိုင်မည် မဟုတ်ပေ။</p> <p>ဤအကြောင်းပြချက်ကြောင့်ပဲ တောက်ဝမ်က သူတို့ တောက်ထျဲမျိုးနွယ်၏ အဓိက အင်မော်တယ်ကျမ်းကို ‌တုံ့ဆိုင်းခြင်းမရှိဘဲ ပေးအပ်ရန် ဆုံးဖြတ်လိုက်ခြင်း ဖြစ်သည်။</p> <p>သူပေးအပ်သောအရာက တန်ဖိုးနည်းမှာကို သူစိုးရိမ်မိသည်။ </p> <p>ထိုသို့ဆိုလျှင်၊ ယဇ်ဆရာသခင်က သူ့ကို သွေးယဇ်ပူဇော်ခြင်း စွမ်းအား ပေးသနားတော့မည် မဟုတ်ပါ။</p> <p>တောက်ဝမ်၏ လှုပ်ရှားမှုကို မြင်သောအခါ သက်ရှည်ခြင်းဧကရာဇ်သားတော်နှင့် ဝမ့်ယန်တို့၏ မျက်လုံးထဲမှာလည်း ပြတ်သားသော အရိပ်အယောင်များ ပေါ်လာာခဲ့ကြသည်။</p> <p>အကယ်၍ သူတို့ပေးတာက တောက်ဝမ်၏ ဝါးမျိုခြင်း အင်မော်တယ်ကျမ်းလောက် တန်ဖိုးမရှိလျှင်...</p> <p>ယဇ်ဆရာသခင်ကြီးက သူတို့ကို သွေးယဇ်ပူဇော်ခြင်း စွမ်းအား မပေးဘဲ နေမလား။</p> <p>ဒါကိုတော့ သက်ရှည်ခြင်းဧကရာဇ်သားတော်နှင့် ဝမ့်ယန်တို့ လုံးဝ လက်မခံနိုင်ပါ။</p> <p>အထူးသဖြင့် သက်ရှည်ခြင်းဧကရာဇ်သားတော်... သူက ကောင်းကင် နဂါးနှင့် ဖီးနစ် စာရင်း၏ ထိပ်ဆုံးမှာ အမြဲရှိနေခဲ့သူ ဖြစ်သည်။</p> <p>အကယ်၍ တောက်ဝမ်က သွေးယဇ်ပူဇော်ခြင်း စွမ်းအားကို ရပြီး သူက မရခဲ့လျှင်...</p> <p>နောက်တစ်ရက်မှာ တောက်ဝမ်က သူ့ကို ကျော်တက်ပြီး ကောင်းကင်နဂါးနှင့် ဖီးနစ်စာရင်း၏ နံပါတ်တစ် ဖြစ်သွားတော့မည်လော။</p> <p>သက်ရှည်ခြင်းဧကရာဇ်သားတော်က ဒါမျိုး ဖြစ်လာမှာကို လုံးဝ ခွင့်မပြုနိုင်ပါ။</p> <p>ထို့ကြောင့် သူဟာ အသည်းအသန် စဉ်းစားလိုက်သည်။</p> <p>သူ့မျက်လုံးထဲတွင် တုံ့ဆိုင်းမှုနှင့် ရုန်းကန်မှုများ ပေါ်လာ၏။</p> <p>သို့သော်လည်း နောက်ဆုံးမှာတော့ သူ အံကြိတ်ပြီး ဆုံးဖြတ်ချက်ချလိုက်တော့သည်။</p> <p>"ကျွန်တော်က သက်ရှည်ခြင်းကျွန်းရဲ့ အဖိုးမဖြတ်နိုင်တဲ့ စွမ်းရည်ဖြစ်တဲ့ သက်ရှည်ခြင်းအင်မော်တယ်ကျမ်း ဆက်သပါရစေ"<br /> သက်ရှည်ခြင်းဧကရာဇ်သားတော်က ပြောပြောဆိုဆိုဖြင့် ကျောက်စိမ်းပြားတစ်ခုကို ထုတ်ယူလိုက်သည်။</p> <p>စင်စစ်တွင်၊ သက်ရှည်ခြင်းအင်မော်တယ်ကျမ်းက အပြင်ကို ပေါက်ကြားခွင့် လုံးဝ မရှိသော အရာပင်။</p> <p>ဒါဟာ သက်ရှည်ခြင်းကျွန်း၏ အဓိကကျသော အင်မော်တယ်ကျမ်း ဖြစ်သည်။</p> <p>သို့သော်လည်း ယခုချိန်မှာတော့ ယဇ်ဆရာသခင်၏ အသိအမှတ်ပြုမှုနှင့် သွေးယဇ်ပူဇော်ခြင်း စွမ်းအားကို ရရှိရန်အတွက် သူ ဘာကိုမှ ဂရုမစိုက်နိုင်တော့ပါ။</p> <p>ဤအတွက် သက်ရှည်ခြင်းကျွန်း၏ အပြစ်ပေးခြင်းခံရနိုင်သော်လည်း...</p> <p>ယဇ်ဆရာသခင်ကဲ့သို့ တည်ရှိမှုမျိုးက သက်ရှည်ခြင်းအင်မော်တယ်ကျမ်းကို အမှန်တကယ် လိုချင်မှာ မဟုတ်ဘူးဟု သူ ယုံကြည်နေသည်။</p> <p>နောက်ဆုံးမှာတော့ ဤအဆင့် ပုဂ္ဂိုလ်တစ်ဦးအတွက် အင်မော်တယ်ကျမ်းများ ရှားပါးနေပါ့မလား။</p> <p>လုံးဝ မဖြစ်နိုင်ပေ။</p> <p>"မင်းတို့ နှစ်ယောက်..."<br /> ဝမ့်ယန် အံ့ဩသွားပြီး သူ့မျက်နှာလည်း ပျက်သွားသည်။</p> <p>တောက်ဝမ်နှင့် သက်ရှည်ခြင်းဧကရာဇ်သားတော်တို့က သူတို့မျိုးနွယ်၏ အဓိကအင်မော်တယ်ကျမ်းများကို ထုတ်ပေးလိမ့်မည်ဟု သူ မထင်ထားခဲ့ပေ။</p> <p>ဒါက တော်တော်လေး ဖော်လံဖားတာပဲ မဟုတ်လား။</p> <p>သက်ရှည်ခြင်းဧကရာဇ်သားတော်နှင့် တောက်ဝမ်တို့က  ယဇ်ဆရာသခင်၏ အသိအမှတ်ပြုမှုကို ရရှိရန်အတွက် အမြီးနန့်နေသော ခွေးနှစ်ကောင်လို ဖြစ်နေပြီ ဖြစ်သည်။</p> <p>ဟုတ်သည်၊ ဝမ့်ယန်ကိုယ်တိုင်လည်း ထိုသို့လုပ်ချင်ပေသည်။</p> <p>သူက ရည်မှန်းချက်ကြီးမားသူဖြစ်ပြီး နောက်မှာ ကျန်ရစ်ခဲ့မှာကို အလိုမရှိပါ။</p> <p>သို့သော်လည်း ပြဿနာတစ်ခု ရှိနေသည်။</p> <p>ဧကရာဇ်ကြွေလွင့်တောင်မှာ အင်မော်တယ်ကျမ်းစာများ ရှိတာက မမှားပေ။</p> <p>သို့သော်လည်း အမှန်အတိုင်းဆိုရလျှင်၊ သူ၏ အင်မော်တယ်ကျမ်းက သက်ရှည်ခြင်းအင်မော်တယ်ကျမ်းနှင့် ဝါးမျိုခြင်းအင်မော်တယ်ကျမ်းတို့နှင့်ယှဉ်ရင် အနည်းငယ် နိမ့်ကျနေသေးသည်။</p> <p>အကယ်၍ သူသာ သူ၏ကျမ်းစာကို ထုတ်ပေးလိုက်လျှင် တခြားနှစ်ခုလောက် တန်ဖိုးမရှိတာမျိုး ဖြစ်နိုင်သည်။</p> <p>သို့ဆိုလျှင်၊ ယဇ်ဆရာသခင်ကြီးက သူ့ကို သွေးယဇ်ပူဇော်ခြင်း စွမ်းအား ပေးနိုင်ပါဦးမလား။</p> <p>ဒါကို ဝမ့်ယန်က လုံးဝ လက်မခံနိုင်ပေ။</p> <p>သူ အချိန်ကြာမြင့်စွာ သိုသိုသိပ်သိပ် နေခဲ့ခြင်းက တစ်နေ့မှာ အားလုံးကို အံ့အားသင့်အောင်လုပ်ရန် မဟုတ်ပါလား။</p> <p>အကယ်၍ ယခုချိန်မှာ သူက သက်ရှည်ခြင်းဧကရာဇ်သားတော်နှင့် တောက်ဝမ်တို့ထက် နောက်ကျကျန်ရစ်ခဲ့မည်ဆိုလျှင်...</p> <p>သူ၏ အစီအစဉ်များနှင့် ကြိုးစားခဲ့သမျှ အရာမထင် ဖြစ်ရပေတော့မည်။</p> <p>'မဟုတ်သေးဘူး၊ ငါ့မှာ သူတို့နှစ်ယောက်ပေးတာနဲ့ ယှဉ်လို့ရတဲ့အရာတစ်ခု ရှိသေးတယ်'</p> <p>ဝမ့်ယန်၏ မျက်လုံးများက တောက်ပသွားပြီး တစ်ခုခုကို သတိရသွားသည်။</p> <p>၎င်းက သဘာဝအတိုင်း သူပိုင်ဆိုင်ထားသော အာဒိကပ္ပခရမ်းရောင်ချီမျိုးစေ့ပင်။</p> <p>အကယ်၍ သူသာ အာဒိကပ္ပခရမ်းရောင်ချီမျိုးစေ့ကို ပေးအပ်လိုက်မည်ဆိုလျှင် တန်ဖိုးက သက်ရှည်ခြင်းအင်မော်တယ်ကျမ်း သို့မဟုတ် ဝါးမျိုခြင်းအင်မော်တယ်ကျမ်းများနှင့် ယှဉ်လို့ရရုံသာမကဘဲ ပိုတောင် သာသွားနိုင်သေးသည်။</p> <p>သို့သော်လည်း ဝမ့်ယန် တော်တော်လေး ဝေခွဲမရ ဖြစ်နေသည်။</p> <p>အာဒိကပ္ပခရမ်းရောင်ချီမျိုးစေ့က သူ၏ အခြေခံအုတ်မြစ်ဖြစ်ပြီး တန်ဖိုးကလည်း ပြောနေစရာတောင် မလိုပါ။</p> <p>ယခုအချိန်တွင်၊ ၎င်းကို တုံ့ဆိုင်းခြင်းမရှိဘဲ ပေးအပ်နိုင်သည်ဆိုပါက လိမ်ညာနေခြင်းသာ ဖြစ်မည်။</p> <p>သို့သော်... ၎င်းကို မထုတ်ပေးရင်လည်း အခွင့်အလမ်းကို ဆုံးရှုံးရတော့မည်။</p> <p>ဝမ့်ယန် တကယ်ကို ဝေခွဲရခက်နေသည်။</p> <p>သို့သော်လည်း နောက်အခိုက်တွင် သူ အတွေးတစ်မျိုးပေါက်သွား၏။</p> <p>'မဟုတ်သေးဘူး၊ အာဒိကပ္ပခရမ်းရောင်ချီမျိုးစေ့က တန်ဖိုးကြီးပေမဲ့ ယဇ်ဆရာသခင်ကြီးရဲ့ မျက်လုံးထဲမှာတော့ ဒါက ရှားပါးတဲ့အရာ မဟုတ်လောက်ဘူး'</p> <p>'ပြီးတော့ ယဇ်ဆရာသခင်ကြီးကသာ တကယ်လိုချင်ရင် ငါ့ဆီကနေ အတင်းအဓမ္မ ယူလို့ရတာပဲ၊ ငါကလည်း ဘယ်လိုမှ ပြန်မခုခံနိုင်ဘူးလေ'</p> <p>'စမ်းသပ်မှုပဲ၊ ဒါက ယဇ်ဆရာသခင်ကြီးဟာ ငါ့ရဲ့ စိတ်ဓာတ်ကို စမ်းသပ်နေတာပဲ ဖြစ်ရမယ်'</p> <p>'အကယ်၍ ငါသာ အာဒိကပ္ပခရမ်းရောင်ချီမျိုးစေ့ကို ပေးဖို့ နှမြောနေရင် ငါ့က အမြင်ကျဉ်းပြီး ဒီလို အဖိုးအခမျိုးကိုတောင် မပေးနိုင်ဘူးဆိုတာ သက်သေပြလိုက်သလို ဖြစ်သွားမှာ'</p> <p>'လက်စသတ်တော့ ဒီလိုပဲ၊ ယဇ်ဆရာသခင်က စိတ်သဘောထားကြီးမြတ်ပေမဲ့ ဒီလိုစမ်းသပ်မှုတော့ ပေးအပ်ရသေးတယ်'</p> <p>ဝမ်ယန်က သူ့စိတ်ထဲမှ အကြောင်းမျိုးစုံကိုတွေးရင်း  ဆုံးဖြတ်ချက်ချလိုက်သည်။</p> <p>အကယ်၍ ကျွင်းရှောင်ယောက်သာ ဝမ့်ယန်၏ စိတ်ကူးများကို သိသွားလျှင် လုံးဝ ဆွံ့အသွားလိမ့်မည်။</p> <p>တကယ်တော့ သူကိုယ်တိုင်ပင် ဤမျှ အကြောင်းပြချက်များ အများကြီး မတွေးထားပါ။</p> <p>ဝမ့်ယန်က သူ့ဘာသာသူ အကြောင်းပြချက်များ ရှာဖွေကြံဆရင်း ဆုံးဖြတ်ချက်ချလိုက်သည်။</p> <p>သူက အနည်းငယ် ပြုံးလိုက်ပြီး သူ၏ မျက်ခုံးနှစ်ခုကြားမှ အညှောက်ပေါက်နေတဲ့ အာဒိကပ္ပခရမ်းရောင်ချီမျိုးစေ့ကို အတင်းအကြပ် ထုတ်လိုက်တော့သည်။</p> <p>"ကျွန်တော်မျိုး ဝမ့်ယန်က အာဒိကပ္ပခရမ်းရောင်ချီမျိုးစေ့ကို ဆက်သပါရစေ"</p> <p>"ဘာ"</p> <p>သက်ရှည်ခြင်းဧကရာဇ်သားတော်နှင့်‌ တောက်ဝမ်တို့ နှစ်ယောက်လုံး အံ့ဩလွန်းသဖြင့် အာမေဍိတ်သံပင် ထွက်ပေါ်လာခဲ့သည်။</p> <p>ဝမ့်ယန်က သူ၏ အာဒိကပ္ပခရမ်းရောင်ချီမျိုးစေ့ကို အမှန်တကယ် စွန့်လွှတ်လိမ့်မည်ဟု သူတို့ မထင်ထားခဲ့ပါ။</p> <p>အမှန်အတိုင်းဆိုရလျှင်၊ ဤကဲ့သို့သော ရတနာမျိုးကို သူတို့လည်း မက်မောမိကြသည်။</p> <p>သို့သော်လည်း ဝမ့်ယန်က ဧကရာဇ်ကြွေလွင့်တောင်၏ သခင်လေး ဖြစ်နေတာကြောင့် သူတို့ အတင်းအဓမ္မ လုယူလို့ မရခဲ့ပေ။</p> <p>"ဝမ့်ယန်၊ ဒါက မင်းရဲ့ အစစ်အမှန်မျိုးစေ့လေ။ မင်း တကယ်ကြီး စွန့်လွှတ်လိုက်တာလား" <br /> တောက်ဝမ်က အံ့သြတကြီး မေးလိုက်သည်။</p> <p>"အမှန်ပဲ၊ မင်းပေးတဲ့ အဖိုးအခက ကြီးလွန်းတယ်"<br /> သက်ရှည်ခြင်းဧကရာဇ်သားတော်ကလည်း ပြောလိုက်၏။</p> <p>သို့သော်လည်း အမှန်အတိုင်းဆိုရလျှင်၊ သူတို့ ဤသို့ပြောရခြင်းက ဝမ့်ယန်ကို သွေးယဇ်ပူဇော်ခြင်း စွမ်းအား မရစေချင်သောကြောင့်ပင်။</p> <p>နောက်ဆုံးတွင်၊ ဤစွမ်းအားကို ပိုင်ဆိုင်နိုင်သူ များလာလေ... ပြိုင်ဘက်တစ်ဦး ပိုများလာလေပင် ဖြစ်သည်။</p> <p>"ဟမ့်၊ မင်းတို့က ငါ့ကို ဖယ်ထုတ်ချင်တာလား။ အိပ်မက်ပဲ မက်နေလိုက်"<br /> ဝမ့်ယန်က လှောင်ပြုံး ပြုံးလိုက်သည်။</p> <p>သက်ရှည်ခြင်းဧကရာဇ်သားတော်နှင့် တောက်ဝမ်တို့က သူ့ကို သွေးယဇ်ပူဇော်ခြင်း စွမ်းအား မရစေချင်မှန်း သဘာဝအတိုင်း သူသိပေသည်။</p> <p>သို့သော်လည်း သူ့ကို တားဆီးနိုင်မည် မဟုတ်ပေ။</p> <p>ဝမ့်ယန်က ပြတ်သားစွာဖြင့် သူ၏ အာဒိကပ္ပခရမ်းရောင်ချီမျိုးစေ့ကို ပေးလိုက်သည်။</p> <p>ဝါးမျိုခြင်း အင်မော်တယ်ကျမ်း၊ သက်ရှည်ခြင်းအင်မော်တယ်ကျမ်းနှင့် အာဒိကပ္ပခရမ်းရောင်ချီမျိုးစေ့...</p> <p>ဤအရာ သုံးခုလုံးက ပဉ္စမမြောက် ယဇ်ဆရာသခင်၏ လက်ထဲကို ရောက်သွားသည်။</p> <p>သက်ရှည်ခြင်းဧကရာဇ်သားတော်တို့ သုံးယောက်မှာတော့ မြေပြင်ပေါ်မှာ ဒူးထောက်နေကြပြီး သူတို့၏ ရင်ထဲမှာလည်း တဒိန်းဒိန်း ခုန်နေကြ၏။</p> <p>သူတို့က ထိပ်တန်း ပါရမီရှင်များ ဖြစ်ကြသော်လည်း ယခုချိန်မှာတော့ ထိန်းချုပ်လို့မရသော စိတ်လှုပ်ရှားမှုများ ဖြစ်ပေါ်နေသေးသည်။</p> <p>နောက်ဆုံးတွင်၊ သူတို့က သွေးယဇ်ပူဇော်ခြင်း စွမ်းအားကို ရတော့မည် ဖြစ်သည်။</p> <p>ဒါက ယဇ်ဆရာသခင်များသာ ပိုင်ဆိုင်နိုင်သော စွမ်းအားပင် မဟုတ်လော။</p> <p>ထိုစဉ်၊ ပဉ္စမမြောက် ယဇ်ဆရာသခင်က ရုတ်တရက် ရယ်မောလိုက်သည်။</p> <p>သူ့ရယ်သံကြောင့် ကောင်းကင်နှင့် မြေပြင်ကတောင် အနည်းငယ် တုန်ခါသွားပုံရ၏။</p> <p>"ယဇ်ဆရာသခင်ကြီး... ဒါက..."</p> <p>သက်ရှည်ခြင်းဧကရာဇ်သားတော်တို့ သုံးယောက်လည်း အံ့ဩသွားပြီး တွန့်ဆုတ်ဆုတ်ဖြင့် ပြောလိုက်သည်။</p> <p>ယဇ်ဆရာသခင်က အဘယ်ကြောင့် ရယ်နေသလဲဆိုတာ သူတို့ လုံးဝ နားမလည်နိုင်ပေ။</p> <p>ထိုအခိုက်တွင်၊ ယဇ်ဆရာသခင်၏ ခန္ဓာကိုယ်ထဲမှ ရင်းနှီးပြီးသား ရယ်သံတစ်ခု ထွက်ပေါ်လာခဲ့သည်။</p> <p>"စိတ်ဝင်စားစရာပဲ... တကယ်ကို စိတ်ဝင်စားဖို့ ကောင်းတယ်။ သက်ရှည်ခြင်းနတ်ဘုရားမ... ဒီပွဲက ကြည့်လို့ကောင်းရဲ့လား"</p> <p>ယဇ်ဆရာသခင်၏ ခန္ဓာကိုယ်ထဲမှ ပုံရိပ်တစ်ခုက အေးအေးလူလူ ထွက်လာသည်။</p> <p>သက်ရှည်ခြင်းနတ်ဘုရားမ၏ ပုံရိပ်ကလည်း တိတ်ဆိတ်စွာ ပေါ်ထွက်လာ၏။</p> <p>ဤအခိုက်တွင် မြေပြင်ပေါ်မှာ ဒူးထောက်ပြီး ခွေးတစ်ကောင်ကဲ့သို့ နှိမ့်ချနေရှာသော သက်ရှည်ခြင်းဧကရာဇ်သားတော်ကို ကြည့်ရင်း...</p> <p>သက်ရှည်ခြင်းနတ်ဘုရားမ၏ မျက်လုံးထဲမှ မျှော်လင့်ချက်များ အကုန်လုံး ပျက်စီး ပျောက်ကွယ်သွားတော့သည်။</p> <p>သူတို့အားလုံးက ကောင်းကင်ကိုးပါး၏ ထိပ်တန်းပါရမီရှင်များ ဖြစ်ကြသည်။</p> <p>သို့သော်လည်း ယခုတော့ ကျွင်းရှောင်ယောက်၏ လက်ထဲမှာ ရယ်စရာကောင်းအောင် ကစားစရာများ ဖြစ်သွားကြပြီ။</p>


Save