Book List

<h2 style="text-align: center;">အပိုင်း ( 2015 )</h2> <h2 style="text-align: center;">မဟာဧကရာဇ်နှင့် တိုက်ပွဲ။</h2> <h2 style="text-align: center;">*</h2> <p style="text-align:center"> </p> <p><br /> ဟဲကောင်းမှာ လုမင်၏ ဆုပ်ကိုင်မှုကြောင့် လွန်စွာ ကြောက်ရွံ့ထိတ်လန့်သွားသည်။ သူက လွတ်မြောက်ရန် ကြိုးစားရင်း အကြောက်အကန် ရုန်းကန်လိုက်၏။ သို့သော်လည်း ဤသည်မှာ ကောင်းကင်ဧကရာဇ်၏ခန္ဓာ ဖြစ်သည်။ သူက မည်မျှပင် ရုန်းကန်နေစေကာမူ အသုံးမဝင်ပေ။</p> <p>"သူ့ကို လွှတ်လိုက်စမ်း"<br /> ဟဲမဟာဧကရာဇ်က လုမင်ကို ကြည့်လိုက်သည်။ သို့တည်းမဟုတ်၊ အတိအကျဆိုရလျှင် ကောင်းကင်ဧကရာဇ်၏ခန္ဓာကို ကြည့်လိုက်ခြင်း ဖြစ်၏။ သူ့မျက်လုံးများမှာတော့ လောဘဇောဖြင့် တလက်လက်တောက်ပနေတော့သည်။</p> <p>ကောင်းကင်ဧကရာဇ်၏ ခန္ဓာနှင့် ကျောက်သားဓား... နှစ်ခုစလုံးက အမြင့်မြတ်ဆုံး ရတနာများ ဖြစ်ကြသည်။</p> <p>"ရယ်စရာကောင်းလိုက်တာ"<br /> လုမင်က လျစ်လျူရှုစွာ ပြောလိုက်သည်။ ကျောက်သားခန္ဓာ၏ အပြောင်းအလဲမရှိသော မျက်လုံးများဖြင့် ဟဲဧကရာဇ်ကို လှမ်းကြည့်လိုက်၏။ ထို့နောက်၊ သူ့လက်ကို အင်အားထည့်ပြီး ဖျစ်ညှစ်လိုက်သောအခါ ကြောက်မက်ဖွယ် စွမ်းအားများကြောင့် ဟဲကောင်းမှာ ပြားချပ်လုနီး ဖြစ်သွားတော့သည်။ နာကျင်စွာ အသံနက်ကြီးဖြင့် အော်သံမှာလည်း ဟိန်း‌ထွက်သွားခဲ့သည်။</p> <p>"ဝုန်း"<br /> ဟဲမဟာဧကရာဇ်က ထပ်မံတိုက်ခိုက်လိုက်သည်။ သူ့ခန္ဓာကိုယ်ကို အကန့်အသတ်မရှိသော အလင်းရောင်များဖြင့် ဖုံးလွှမ်းထား၏။ နတ်ဘုရားဓားများကဲ့သို့‌ တောက်ပသော အလင်းတန်းများက လုမင်ထံသို့ ထိုးဖောက်လာတော့သည်။</p> <p>ဤသည်မှာ ကမ္ဘာ့အလင်းဖြစ်ပြီး အလွန်ကြောက်စရာကောင်းသည်။</p> <p>"ဝမ်"<br /> ကျောက်ဓားကို ကောင်းကင်ဧကရာဇ်၏ ခန္ဓာကိုယ်နောက်ကျောတွင် စိုက်ထားခဲ့သည်။ ဤအခိုက်တွင်၊ လုမင်ထံမှ အတွေးတစ်ခုနှင့် ကျောက်ဓားက ပျံထွက်သွား၏။ ၎င်းက လျင်မြန်စွာ ကြီးမားကျယ်ပြန့်လာတော့သည်။</p> <p>ကျောက်ဓားက ကောင်းကင်ဧကရာဇ်၏ ခန္ဓာကိုယ်နှင့် ပေါင်းစပ်သွားပြီးနောက် ၎င်း၏စွမ်းအားမှာ အလွန်အမင်း  မြင့်တက်လာခဲ့သည်။ ဓားက ရေပြင်ညီအတိုင်း ခုတ်ထစ်ပြီး ဟဲမဟာဧကရာဇ်၏ တိုက်ခိုက်မှုအားလုံးကို ပိတ်ဆို့လိုက်၏။</p> <p>"ဟဲ‌ကောင်း၊ ငါ မင်းကို လိုက်ပို့ပေးမယ်"<br /> လုမင်၏ အေးစက်စက် အသံက ပဲ့တင်ထပ်သွားသည်။</p> <p>"မဟုတ်... မဟုတ်ဘူး..."<br /> ဟဲကောင်းက ကြောက်လန့်တကြား အော်ဟစ်လိုက်၏။ သူက မသေချင်သေးပါ။ ကောင်းကင်ကပ်ဘေးကို ဖြတ်ကျော်ပြီး နှစ်ပေါင်းများစွာ ပေါ့ပေါ့ပါးပါး ဆက်လက်ရှင်သန်နိုင်ရန် သူ အစွမ်းကုန် ကြိုးစားခဲ့ရသည်။</p> <p>သို့သော်လည်း ယခုတော့ သူသည် ကောင်းကင်ကပ်ဘေးကို မဖြတ်ကျော်နိုင်ခင် သေရတော့မည်။ သူ သွေးပျက်ခမန်း ကြောက်ရွံ့လာခဲ့သည်။</p> <p>"ဝုန်း"<br /> လုမင်က ပြင်းပြင်းထန်ထန် ညှစ်ထားလိုက်သည်။ ကြောက်မက်ဖွယ်ကောင်းသော အင်အားတစ်ခုက ဟဲကောင်းဆီသို့ ပြေးဝင်လာ၏။ ဟဲကောင်းက ဤအင်အားကို လုံးဝ ခုခံနိုင်စွမ်း မရှိပေ။ လုမင်၏ လက်ထဲတွင် သူ့ခန္ဓာကိုယ်က တစ်လက်မချင်း ပေါက်ကွဲသွားခဲ့သည်။ နောက်ဆုံးတွင်၊ သူ့ဦးခေါင်းသာ ကျန်တော့သည်။</p> <p>သို့ရာတွင်၊ ဟဲကောင်းက မသေသေးပါ။ သူ၏ဝိညာဉ်က ရှင်သန်နေဆဲ ဖြစ်သည်။ ဤအခိုက်တွင် သူက တုန်ယင်စွာ တောင်းပန်တိုးလျှိုးနေလေသည်။<br /> "ငါ့ကိုမသတ်ပါနဲ့... ငါ့ကို မသတ်ပါနဲ့"</p> <p>"ဝှစ်"<br /> စွမ်းအင်လှိုင်းတစ်ခုက ဟဲကောင်းက အသိစိတ်ပင်လယ်ထဲသို့ ပြေးဝင်လာပြီး သူ၏ဝိညာဉ်ကို ဖျက်ဆီးပစ်လိုက်သည်။</p> <p>ထို့နောက်တွင်၊ လုမင်က ဟဲကောင်း၏ဦးခေါင်းကို ပစ်ထုတ်လိုက်၏။ ၎င်းက ပျံတက်သွားပြီး တောင်ထိပ်ရှိ မြေပုံမှတ်တိုင်တစ်ခုရှေ့ကို ပြုတ်ကျသွားတော့သည်။</p> <p>၎င်းမှာ ရေခဲနဂါးတောင်ကြားသခင်၏ မြေပုံမှတ်တိုင် ဖြစ်သည်။</p> <p>ထိုစဉ်က လုမင်သည် ရေခဲနဂါးတောင်ကြားသခင်အတွက် ဟဲကောင်း၏ဦးခေါင်းကို ယဇ်ပူဇော်ရန် အသုံးပြုမယ်လို့ ကျိန်ဆိုခဲ့သည်။ ယခုတော့ သူ အောင်မြင်ခဲ့ပြီ။</p> <p>လူတိုင်း အံ့အားသင့်သွားကြသည်။ အစစ်အမှန် ဧကရာဇ်တစ်ပါးက ထိုနည်း၎င်းပင် အသတ်ခံခဲ့ရပြီ။</p> <p>ထို့ပြင်၊ သူ့ကို ဟဲမိသားစု၏ မဟာဧကရာဇ်ရှေ့တွင် လုမင်က ရက်စက်စွာသတ်ဖြတ်ခဲ့သည်။</p> <p>"သတ်"<br /> ဤအခိုက်တွင်၊ ဟဲမဟာဧကရာဇ်လည်း အလွန် ဒေါသထွက်သွားသည်။ သူ၏ ဆံပင်ရှည်များက တဖျတ်ဖျတ်လှုပ်ရှားနေပြီး သူ့အရှိန်အဝါမှာလည်း အားကောင်း၏။</p> <p>"ဝုန်း"<br /> သူက ရှေ့တစ်လှမ်းတိုးလိုက်သည်နှင့် ကြောက်မက်ဖွယ်ကောင်းသော အရှိန်အဝါတစ်ခုက လုမင်ထံသို့ တိုးဝင်လာတော့သည်။</p> <p>"မင်းက တိုက်ခိုက်ချင်ရင် ငါမင်းနဲ့တိုက်ခိုက်မယ်။ အပေါ်ကိုတက်သွားကြစို့"<br /> လုမင်က ပြောလိုက်သည်။ ကျောက်ခန္ဓာက ကောင်းကင်အမြင့်သို့ ပျံတက်သွား၏။</p> <p>ဟဲမဟာဧကရာဇ်ကလည်း နီးကပ်စွာ လိုက်လာပြီး ကောင်းကင်သို့ ပျံတက်သွားတော့သည်။ တစ်ချိန်တည်းမှာပင်၊ သူ့လက်မှ တောက်ပသော ဓားအလင်းတစ်ခု ထွက်ပေါ်လာသည်။ ဤဓားက ကမ္ဘာကြီးတစ်ခုလုံးကို အပိုင်းပိုင်းဖြတ်တောက်နိုင်သလို တောက်ပလွန်းပေသည်။</p> <p>"ဝှစ်..."<br /> ဤအချိန်တွင် လုမင်က ကောင်းကင်ဧကရာဇ်၏ခန္ဓာနှင့် ပေါင်းစည်းသွားပြီ ဖြစ်သည်။ သူက ကောင်းကင်ဧကရာဇ်၏ခန္ဓာကို ထိန်းချုပ်ပြီး ကျောက်ဓားဖြင့် ခုတ်ထစ်လိုက်၏။</p> <p>"ဝုန်း..."<br /> မြေပြိုသကဲ့သို့ ပြင်းထန်သော ပေါက်ကွဲသံကြီး ထွက်ပေါ်လာတော့သည်။</p> <p>အောက်ဘက်မှ လူများလည်း အဆုံးမဲ့ကောင်းကင်ယံ၌ တောက်ပသော အလင်းရောင်တစ်ခု ဖြာထွက်လာသည်ကို မြင်လိုက်ရသည်။ ၎င်းက နေတစ်စင်း ပေါက်ကွဲသွားသလိုပင်။</p> <p>သူတို့နှစ်ယောက်က တစ်ချက်စီ အပြန်အလှန် ထိုးခုတ်လိုက်ကြသည်။ ထို့နောက် သူတို့နှစ်ဦးစလုံး၏ ခန္ဓာကိုယ်များ ယိမ်းနွဲ့သွားပြီး ခြေလှမ်းအနည်းငယ် နောက်သို့ ဆုတ်သွားကြ၏။</p> <p>ဟဲမိသားစုဝင် မဟာဧကရာဇ်၏ မျက်နှာက မည်းမှောင်သွားသည်။ သူ့ခန္ဓာကိုယ်က လျင်မြန်စွာ ကြီးမားလာ၏။ နောက်ဆုံးတွင်၊ သူက ကောင်းကင်ဧကရာဇ်၏ခန္ဓာကဲ့သို့ ဧရာမ လူကြီးတစ်ယောက်အဖြစ် ပြောင်းလဲသွားတော့သည်။</p> <p>မဟာဧကရာဇ်များက မဟာလမ်းစဉ်ကို ထိန်းချုပ်ထားကြသည်။ သူတို့၏ ခန္ဓာကိုယ်အတွင်းရှိ ကမ္ဘာငယ်များကလည်း ပြီးပြည့်စုံလုနီးဖြစ်ပြီး သက်ရှည်များကိုပင် မွေးထုတ်ပေးနိုက်သည်။ သူတို့က ကိုယ်ပိုင်ကမ္ဘာငယ်များ၏ စွမ်းအားကို ထိန်းချုပ်နိုင်ပြီး သူတို့၏ခန္ဓာကိုယ်များကို လွတ်လပ်စွာ ကြီးမားစေနိုင်သည် သို့မဟုတ် ကျုံ့စေနိုင်ပေသည်။</p> <p>ဟဲမဟာဧကရာဇ်က လက်သီးဆုပ်လိုက်သည်။ သူ့လက်ထဲတွင် မဟာတာအိုတစ်ခုကို ဆုပ်ကိုင်ထားသကဲ့သို့ဖြစ်ပြီး ၎င်းက ဓားတစ်ချောင်းအဖြစ်သို့ ပြောင်းလဲသွား၏။</p> <p>မဟာတာအိုက တောက်ပသော အလင်းတန်းများကို ထုတ်လွှတ်နေသည့် ဓားတစ်ချောင်းအဖြစ်သို့ ပြောင်းလဲသွားခဲ့ခြင်း ဖြစ်သည်။ ထို့နောက် အဆုံးမဲ့စွမ်းအားများကို စုစည်းကာ လုမင်ထံသို့ ခုတ်ချလိုက်တော့သည်။</p> <p>လုမင်ကလည်း လှုပ်ရှားလိုက်သည်။ ကောင်းကင်ဧကရာဇ်၏ခန္ဓာအတွင်းမှ စွမ်းအင်များက ပြင်းထန်စွာ ပေါက်ကွဲထွက်လာ၏။ အလင်းလွှာတစ်ခုက ကောင်းကင်ဧကရာဇ်၏ခန္ဓာကို ဖုံးလွှမ်းသွားသည်။ ကျောက်ဓားပေါ်မှ အလင်းရောင်များမှာလည်း ပိုပြီး တောက်ပလာတော့သည်။</p> <p>"ဝုန်း"<br /> လုမင်က ထပ်မံတိုက်ခိုက်ပြီး ဟဲမိသားစုဝင် မဟာဧကရာဇ်နှင့် ထိပ်တိုက် ရင်ဆိုင်ခဲ့သည်။</p> <p>ဤတစ်ကြိမ်မှာလည်း သူတို့နှစ်ယောက်စလုံး နောက်ပြန်ဆုတ်သွားကြရသည်။ သူတို့ ခြေတစ်လှမ်းနင်းလိုက်တိုင်း လေဟာနယ်က တုန်ခါသွား၏။</p> <p>သို့သော်လည်း နောက်အခိုက်တွင် သူတို့နှစ်ယောက်က တစ်ဖန် ထိပ်တိုက်တွေ့ကြပြန်တော့သည်။</p> <p>"ဝုန်း... ဝုန်း... ဝုန်း..."<br /> သူတို့၏ တိုက်ခိုက်မှုများက ရိုးရှင်းသော်လည်း တိုက်ခိုက်မှု တစ်ခုချင်းစီမှာ ကြောက်စရာကောင်းသော စွမ်းအားများ ပါဝင်သည်။ သူတို့၏ တိုက်ခိုက်မှုများက ကောင်းကင်နှင့် မြေပြင်ကို တုန်လှုပ်စေခဲ့၏။ သူတို့သာ မြေပြင်ပေါ်သို့ ဆင်းသက်ခဲ့လျှင် အကျိုးဆက်များက မယုံနိုင်လောက်အောင် ကြီးမားလိမ့်မည်။</p> <p>မဟာဧကရာဇ်များ ဖြစ်လာပြီးနောက် မဟာလမ်းစဉ်ကို ထိန်းချုပ်နိုင်ပြီး မူလအခြေအနေကို ပြန်ရောက်စေနိုင်သည်။ တိုက်ပွဲများက ရိုးရှင်းပုံရသော်လည်း အလွန် အန္တရာယ်များပေသည်။</p> <p>မျက်စိတစ်မှိတ်အတွင်းမှာပင်၊ သူတို့နှစ်ယောက်က တိုက်ခိုက်မှုများစွာ ဖလှယ်ခဲ့ကြသည်။ သို့သော်လည်း အနိုင်ရသူကို ဆုံးဖြတ်ရန် ခက်ခဲနေသေးသည်။</p> <p>'ငါဒါကို မြန်မြန်အဆုံးသတ်ရမယ်။ ငါ့ရဲ့စွမ်းအင်က ကြာကြာမခံနိုင်ဘူး'<br /> လုမင်က သူ့စိတ်ထဲမှ တွေးလိုက်သည်။</p> <p>"ဝုန်း... ဝုန်း..."<br /> လုမင်က လေဟာနယ်ကိုနင်း‌ပြီး ဟဲမဟာဧကရာဇ်ထံသို့ ပြေးဝင်သွားသည်။ ဟဲမိသားစုဝင် မဟာဧကရာဇ်ကလည်း ဓားဖြင့် ထပ်မံခုတ်ချလိုက်၏။</p> <p>သို့သော်လည်း ဤတစ်ကြိမ်မှာတော့ လုမင်က မတားဆီးတော့ပေ။</p> <p>သူက အလောင်းအစား လုပ်နေသည်။ ကောင်းကင်ဧကရာဇ်ရဲ့ခန္ဓာက တိုက်ခိုက်မှုကို ခံနိုင်မည်ဟု သူ လောင်းကြေးထပ်ထား၏။</p> <p>"ဝုန်း..."<br /> ဟဲမဟာဧကရာဇ်၏ဓားက လုမင်၏ ခန္ဓာကိုယ်ပေါ်သို့ ရက်စက်စွာ ခုတ်ထစ်လိုက်သည်။ သို့သော်လည်း လုမင်၏ခန္ဓာကိုယ်က ပြင်းထန်စွာတုန်ခါသွားသည့်တိုင် တားဆီးနိုင်ခဲ့သည်။ သူ့ခန္ဓာကိုယ်တွင် ခြစ်ရာတစ်ခုမျှပင် မရှိပေ။</p> <p>လုမင် အလွန်ပျော်ရွှင်သွားခဲ့သည်။ နောက်ဆုံးတွင်၊ ဤသည်မှာ ကောင်းကင်ဧကရာဇ်တစ်ပါး၏ ခန္ဓာကိုယ်ဖြစ်သည်။ ကောင်းကင်ဧကရာဇ်တစ်ပါးက မဟာဧကရာဇ်တစ်ပါးထက် အဆပေါင်းများစွာ ပိုမိုအားကောင်းပေသည်။</p> <p>သူတို့၏ ခန္ဓာကိုယ်များက သဘာဝအတိုင်း သန်မာပြီး ပျက်စီးလွယ်သည်။ သာမန် မဟာဧကရာဇ်များက ကောင်းကင်ဧကရာဇ်၏ ခန္ဓာကိုယ်ကို ထိခိုက်စေနိုင်စွမ်းပင် မရှိပေ။</p> <p>"သတ်"<br /> လုမင်က ဟိန်းဟောက်ပြီး ဟဲမဟာဧကရာဇ်ကို ကျောက်ဓားဖြင့် ခုတ်ထစ်လိုက်သည်။</p> <p>"မကောင်းတော့ဘူး"<br /> ဟဲမဟာဧကရာဇ်က ထိတ်ထိတ်ပြာပြာဖြင့် အလျင်စလို ပြန်ဆုတ်လိုက်၏။</p> <p>သို့သော်လည်း သူက ခြေတစ်လှမ်း နောက်ကျနေသေးသည်။ သူ့ခန္ဓာကိုယ်က ကျောက်ဓားဖြင့် ခုတ်ခံရပြီး သွေးစွန်းနေသော ဒဏ်ရာတစ်ခု ပေါ်လာခဲ့သည်။</p> <p>"သတ်၊ သတ်၊ သတ်"<br /> လုမင်က ဟိန်းဟောက်လိုက်သည်။ သူ၏တိုက်ခိုက်မှုများက လေပြင်းမုန်တိုင်းကဲ့သို့ ဟဲမဟာဧကရာဇ်ထံသို့ တိုက်ခတ်သွား၏။</p> <p>ဟဲမဟာဧကရာဇ်က တန်ပြန်တိုက်ခိုက်ခဲ့သော်လည်း လုမင်က သူ၏ခုခံကာကွယ်မှုကို ဂရုမစိုက်ခဲ့ပေ။ သူက ဟဲမဟာဧကရာဇ်၏ တိုက်ခိုက်မှုများကို သူ့ခန္ဓာကိုယ်ပေါ်သို့ ကျရောက်စေခဲ့သည်။</p> <p>ခဏချင်းမှာပင်၊ ဟဲမဟာဧကရာဇ်က လုမင်၏ ဖိနှိပ်မှုကို ခံလာရတော့သည်။</p> <p>အောက်ဘက်တွင်၊ ဧကရာဇ်အဆင့် ကျွမ်းကျင်သူများက ကောင်းကင်မှ တိုက်ပွဲကြီးကို စူးစူးစိုက်စိုက် ကြည့်နေကြသည်။</p> <p>ဤအခိုက်တွင်၊ သူတို့အားလုံး အံ့အားသင့်သွားကြ၏။</p> <p>ဟဲမဟာဧကရာဇ်က အရေးနိမ့်နေသည်။ သူက လုမင်၏ ဖိနှိပ်မှုကို ခံနေရချေပြီ။</p> <p>"စွမ်းအားကြီးလှချေလား...၊ ကောင်းကင်ဧကရာဇ်ရဲ့ခန္ဓာက သန်မာလွန်းတယ်။ ဒါကို လုမင်က ထိန်းချုပ်နေတာ နှမြောစရာပဲ။ ငါတို့ရဲ့ မဟာဧကရာဇ်ကြီးသာ ထိန်းချုပ်ထားရင် ကမ္ဘာကြီးကို သိမ်းပိုက်နိုင်တယ်"<br /> ဟန်မိသားစု၏ ကျွမ်းကျင်သူများ အားလုံးက လောဘတက်လာခဲ့ကြသည်။ ကောင်းကင်ဧကရာဇ်၏ခန္ဓာကို ချက်ချင်း သိမ်းပိုက်ယူဆောင်သွားရန် သူတို့ မစောင့်နိုင်ကြတော့ပေ။</p> <p>တစ်ဖက်တွင်မူ၊ ယွမ်တောင်မြင့်မြတ်သောကျောင်းတော်၏ ဧကရာဇ်များက အလွန်ဝမ်းသာသွားကြသည်။</p> <p>"ဘယ်လိုလဲ။ အပေါ်က တိုက်ပွဲအခြေအနေ ဘယ်လိုရှိလဲ"<br /> ဟွမ်လင်က စိုးရိမ်ပူန်စွာ မေးလိုက်သည်။</p> <p>ဧကရာဇ်နယ်ပယ်အောက်ရှိ ကျင့်ကြံသူများက အထက်မှတိုက်ပွဲကို မြင်နိုင်စွမ်းမရှိကြပေ။</p> <p>"လုမင်က အသာစီးရနေတယ်"<br /> မဟာဧကရာဇ် ဝူရှန်းက ပြောလိုက်သည်။ သူ့ကို ဟန်မိသားစု၏ မဟာဧကရာဇ်က တားဆီးထားသောကြောင့် တိုက်ခိုက်နိုင်ခြင်း မရှိပေ။ ဤအခိုက်တွင်၊ သူက သူ့လက်ကို ဝှေ့ယမ်းလိုက်ရာ ကောင်းကင်တွင် ပုံရိပ်တစ်ခု ပေါ်လာသည်။ ၎င်းက လုမင်နှင့် ဟဲမိသားစုဝင် မဟာဧကရာဇ်ကြီးတို့ကြားမှ တိုက်ပွဲပုံရိပ်ပင်။</p> <p>ယခုအချိန်တွင် ဟဲမိသားစု၏ မဟာဧကရာဇ်က အပြတ်အသတ် ဖိနှိပ်ခံထားရပြီး ခုခံကာကွယ်ရုံသာ တတ်နိုင်သည်။</p> <p>"ဝုန်း"<br /> တစ်ကြိမ်တွင်၊ ဟဲမဟာဧကရာဇ်၏ မျက်နှာကို လုမင်၏ လက်တစ်ဖက်ဖြင့် ထိုးနှက်ခံလိုက်ရသည်။ ဟဲမိသားစုဝင် မဟာဧကရာဇ်က လွင့်စဉ်သွား၏။</p> <p>"အံ့သြစရာပဲဟေ့၊ အံ့ဩစရာကောင်းလွန်းတယ်"</p> <p>"သူ့ကို သေအောင်ရိုက်သတ်လိုက်"</p> <p>ဟွမ်လီနှင့် ဟွမ်မျိုးနွယ်မှ လူငယ်များက ဤမြင်ကွင်းမြင်သောအခါ စိတ်လှုပ်ရှားစွာ အော်ဟစ်လိုက်ကြသည်။</p> <p>ဟဲမိသားစု၏ ကျွမ်းကျင်သူများလည်း ဟွမ်လီနှင့် အခြားသူများကို ဒေါသတကြီး စိုက်ကြည့်လိုက်တော့သည်။</p> <p> </p> <p> </p> <p style="text-align: center;">***</p>


Save