Book List

<h2 style="text-align: center;">အပိုင်း ( 2016 )</h2> <h2 style="text-align: center;">မဟာဧကရာဇ်ကို ရိုက်နှက်ခြင်း။</h2> <h2 style="text-align: center;">*</h2> <p style="text-align:center"> </p> <p><br /> "ဘာကြည့်တာလဲ၊ ငါကတော့ ကျေနပ်တယ်။ မင်းတို့ဟဲမိသားစုရဲ့ မဟာဧကရာဇ်ကြီး ရိုက်နှက်ခံရတာကို ငါကြည့်ချင်တယ်"</p> <p>"ဒီအရာအားလုံးကို မှတ်တမ်းတင်ဖို့ အရိပ်ကျောက်တုံးကို သုံးရမယ်။ မဟာဧကရာဇ်တစ်ပါးကို ရိုက်နှက်နေတဲ့ မြင်ကွင်းမျိုးက တကယ်ကို စုဆောင်းရကျိုးနပ်ပါ‌တယ်။ ငါ ဒီဟာကို ဈေးကြီးကြီးနဲ့ ပြန်ရောင်းနိုင်တယ်"<br /> ဟွမ်လီနှင့် အခြားသူများက မြင်ကွင်းကို မှတ်တမ်းတင်ရန် အရိပ်ကျောက်များကို ထုတ်ယူလိုက်ကြသည်။</p> <p>"မင်းတို့... မင်းတို့ သေချင်နေတာလား"<br /> ဟဲမိသားစုမှ ကျွမ်းကျင်သူများက ဒေါသထွက်သွားကြ၏။</p> <p>သို့သော်လည်း သူတို့ကို သွေးအန်စေသည့်အရာမှာ လူအများစုက မြင်ကွင်းကို မှတ်တမ်းတင်ရန် အရိပ်ကျောက်ကို ထုတ်ယူလိုက်ကြခြင်းပင်။</p> <p>၎င်းတွင် ဟန်မိသားစုနှင့် တာ့လော့ကောင်းကင်ဂိုဏ်းမှ လူများပင် ပါဝင်သည်။</p> <p>နောက်ဆုံးတွင်၊ မဟာဧကရာဇ်တစ်ပါးကို ဤကဲ့သို့ အပြတ်အသတ် ရိုက်နှက်ခြင်းက အလွန်ရှားသည်။ လူအများစုက ဒါကို ဈေးကြီးကြီးပေးပြီး ဝယ်ချင်ကြမည်မှာ သေချာပေသည်။</p> <p>ထို့ကြောင့် ဟဲမိသားစုဝင်များ၏ မျက်နှာများက မည်းမှောင်သွားကြသည်။</p> <p>ကောင်းကင်တွင်၊ လုမင်က ဟဲမဟာဧကရာဇ်ကို လွင့်စဉ်သွားစေပြီးနောက်၊ သူ့နောက်သို့ လိုက်လံကာ ပြင်းထန်သောတိုက်ခိုက်မှုများကို ဆက်လက်ထုတ်ဖော်ခဲ့သည်။</p> <p>ဟဲမိသားစုဝင် မဟာဧကရာဇ်ကြီးက အော်ဟစ်လိုက်သည်။ သူ့ခန္ဓာကိုယ်မှ ကမ္ဘာတစ်ခု ထွက်ပေါ်လာ၏။</p> <p>ဤကမ္ဘာတွင် သက်ရှိမျိုးစုံ နေထိုင်ကြပြီး မျိုးပွားနေတာကိုပင် မြင်နိုင်သည်။</p> <p>ဟဲမိသားစုဝင် မဟာဧကရာဇ်က ဤကမ္ဘာ၏ အဆုံးမဲ့စွမ်းအားများကို ထိန်းချုပ်ထား၏။ ၎င်းက မိုးနှင့်မြေ၏ မဟာလမ်းစဉ်နှင့် ပေါင်းစည်းကာ‌ ကြောက်မက်ဖွယ်ကောင်းသော သတ်ဖြတ်ရေးနည်းလမ်းတစ်ခုအဖြစ် လုမင်ထံ ဖြတ်သန်းသွားတော့သည်။</p> <p>သို့သော်လည်း လုမင်က ခုခံမှုများကို လျစ်လျူရှုကာ ပြေးဝင်သွားခဲ့သည်။ ကျောက်ဓားဖြင့် ခုတ်ထစ်လိုက်ရာ ကမ္ဘာ့စွမ်းအားကို ထိုးဖောက်ဝင်ရောက်ပြီး ဟဲမဟာဧကရာဇ်ထံသို့ ဖြတ်သန်းသွား၏။</p> <p>သူတို့နှစ်ယောက်က တိုက်ခိုက်မှု ဆယ်ခုထက်မနည်း ဆက်တိုက် လှုပ်ရှားခဲ့ကြသည်။ သို့ရာတွင်၊ ဟဲမဟာဧကရာဇ်က အရေးနိမ့်နေသည်သာ။ လုမင်က နောက်ထပ် ဟာကွက်တစ်ခုရှာပြီး ဓားဖြင့် ထိုးသွင်းလိုက်သည်။</p> <p>ဤဓားချက်က ဟဲမဟာဧကရာဇ်၏ မျက်နှာကို ထိမှန်သွား၏။</p> <p>ဟဲမဟာဧကရာဇ်က မဟာလမ်းစဉ်နှင့် ကမ္ဘာ့စွမ်းအားဖြင့် လွှမ်းခြုံကာ အကွာအကွယ် အလွှာများစွာကို ချမှတ်ထားသည်။</p> <p>သို့သော်လည်း ဓားချက်ထိမှန်သောအခါ ဟဲမဟာဧကရာဇ်က တောင်တစ်လုံးဖြင့် ဝင်ဆောင့်မိသကဲ့သို့ ခံစားလိုက်ရသည်။ သူ့ခန္ဓာကိုယ်က လွင့်စဉ်သွားပြီး ကောင်းကင်တွင် အပတ်ရေများစွာ လည်ပတ်သွား၏။</p> <p>သူ့ခေါင်းတစ်ခုလုံး မူးဝေပြီး ဝိညာဉ်လွင့်ပါးတော့မလိုပင် ခံစားလိုက်ရတော့သည်။</p> <p>"ဝှစ်..."<br /> နောက်အခိုက်တွင်၊ လုမင်က ဟဲမဟာဧကရာဇ်ထံသို့ ပြေးဝင်သွားပြီး ထပ်မံခုတ်ထစ်လိုက်သည်။</p> <p>"ဝုန်း"<br /> ဟဲမဟာဧကရာဇ်က ထပ်မံလွင့်စဉ်သွား၏။</p> <p>သို့သော်လည်း လုမင်က ဟဲမဟာဧကရာဇ်၏ ခံစစ်ကို မဖောက်ထွင်းနိုင်ခဲ့ပေ။ သူ့ကို မူးဝေစေရုံသာ ဖြစ်ခဲ့သည်။</p> <p>'ကောင်းကင်ဧကရာဇ်ရဲ့ ခန္ဓာထဲမှာ သိုလှောင်ထားတဲ့ စွမ်းအင်က အရမ်းနည်းလွန်းတယ်။ သူ့ရဲ့တိုက်ခိုက်မှုစွမ်းအားက မလုံလောက်သေးဘူး'<br /> လုမင်က သူ့စိတ်ထဲမှ သက်ပြင်းချလိုက်သည်။</p> <p>ကောင်းကင်ဧကရာဇ်၏ခန္ဓာတွင် စွမ်းအင်က ဆယ့်နှစ် ရာခိုင်နှုန်းသာ သိုလှောင်ထားနိုင်သေးသည်။ သူက အကြွင်းမဲ့ ခုခံမှုဖြင့် ဟဲမဟာဧကရာဇ်ကို ဖိနှိပ်ထားနိုင်သော်လည်း သူ၏အကာကွယ်များကို ဖောက်ထွက်ရန် ခက်ခဲသည်။</p> <p>ကောင်းကင်ဧကရာဇ်၏ ခန္ဓာကိုယ်ထဲမှာ သိုလှောင်ထားသော စွမ်းအင်က နှစ်ဆယ်ရာခိုင်နှုန်းအထိ ရောက်ရှိသွားလျှင်၊ လုမင်က တစ်ဖက်လူ၏ ခံစစ်ကို ဖောက်ထွက်ပြီး သတ်ဖြတ်နိုင်မည်ဟုပင် ယုံကြည်ခဲ့ပေသည်။</p> <p>သို့သော်လည်း ယခုအချိန်တွင်၊ သူ့ပြိုင်ဘက်၏ ခံစစ်ကို မဖောက်ထွင်းနိုင်လျှင်ပင် ကောင်းကောင်း ရိုက်နှက်နိုင်ဆဲ ဖြစ်သည်။</p> <p>"ဝှစ်"<br /> လုမင်က ဟဲမဟာဧကရာဇ်ထံသို့ ပြေးဝင်သွားကာ သူ့မျက်နှာကို ကန်ထုတ်လိုက်သည်။ ဟဲမဟာဧကရာဇ်က ညည်းညူရင်း တစ်ဖန် လွင့်စဉ်သွား၏။</p> <p>ထို့နောက် လုမင်က သူ့နောက်သို့ ပြေးလိုက်သွားပြီး ကန်ကျောက်ကာ ဟဲမဟာဧကရာဇ်ကို ထပ်မံလွင့်စဉ်စေပြန်တော့သည်။</p> <p>ဟဲမဟာဧကရာဇ်က လုမင်၏ရှေ့တွင် ဘောလုံးတစ်လုံးပမာ ဖြစ်ခဲ့သည်။</p> <p>"မဟာဧကရာဇ်အရှင်..."<br /> ဟဲမိသားစုဝင် ကျွမ်းကျင်သူများ၏ မျက်နှာများက ဖြူဖျော့သွားကြသည်။</p> <p>ကြည့်ရှုသူအချို့လည်း အံ့အားသင့်သွားကြ၏။</p> <p>လုမင်၏ဘက်မှ လူများမှာတော့ အလွန် ဝမ်းသာသွားတော့သည်။</p> <p>"ဟားဟားဟား၊ အရမ်းကောင်းတာပဲ။ သူ့မျက်နှာကို ကန်ပစ်လိုက်...၊ ကောင်းတယ်။ သူ့ကို နာနာလေးရိုက်ပေးလိုက်ပါ"</p> <p>ဟွမ်လီက သူကိုယ်တိုင် ရိုက်နှက်ရသကဲ့သိ့ ဝမ်းသာအားရဖြင့် ခုန်ပေါက်ကာ ရယ်မောလိုက်သည်။ တစ်ချိန်တည်းမှာပင်၊ သူက အရိပ်ကျောက်တုံးဖြင့် မြင်ကွင်းကို မှတ်တမ်းတင်ရန် မမေ့ခဲ့ပေ။</p> <p>ဟန်မိသားစုဝင် မဟာဧကရာဇ်၏ မျက်နှာက သုန်မှုန်သွားသည်။</p> <p>လုမင်က ဟဲမိသားစု၏ မဟာဧကရာဇ်ကို အနိုင်ယူနိုင်မည်ဆိုလျှင်၊ သူ့ကိုလည်း ထိုသို့လုပ်နိုင်မည် မဟုတ်လော။</p> <p>"အား..."<br /> ကောင်းကင်ယံတွင်၊ ဟဲမဟာဧကရာဇ်က အကြိမ်ပေါင်းများစွာ ရိုက်နှက်ခံရပြီးနောက် နောက်ဆုံးတွင် ရူးသွပ်သွားပုံရသည်။ သူ့ခန္ဓာကိုယ်အတွင်းရှိ ကမ္ဘာငယ်မှာလည်း လောင်ကျွမ်းလာပုံရ၏။</p> <p>"ဝုန်း... ဝုန်း..."<br /> သူက အားကုန်ထုတ်ပြီး လုမင်ကို ကြောက်စရာကောင်းသော တိုက်ခိုက်မှုအနည်းငယ် ထုတ်ဖော်လိုက်သည်။ နောက်ဆုံးတွင်၊ သူ၏ တိုက်ခိုက်မှုများက လုမင်ကို နောက်ဆုတ်သွားစေခဲ့၏။ ဤအခွင့်အရေးကိုဆုပ်ကိုင်ပြီး သူက အဝေးသို့ ပြေးထွက်သွားကာ မျက်စိတစ်မှိတ်အတွင်း ပျောက်ကွယ်သွားတော့သည်။</p> <p>"ဆုတ်ကြ"<br /> ထို့နောက် ဟဲမဟာဧကရာဇ်၏ အသံကို အဝေးမှ ကြားလိုက်ရသည်။</p> <p>ဟဲမိသားစုဝင် ကျွမ်းကျင်သူများ၏ မျက်နှာများက မှုန်မည်းသွားကြသည်။ သို့သော်လည်း ဟဲမဟာဧကရာဇ်က ထွက်ခွာသွားသောကြောင့် သူတို့လည်း ဆုတ်ခွာရန်သာ တတ်နိုင်တော့သည်။ ချက်ချင်းပင်၊ ဟဲမျိုးနွယ်စုဝင်များက အလင်းတန်းများအဖြစ်သို့ ပြောင်းလဲသွားပြီး သနားစရာကောင်းစွာ ထွက်ပြေးသွားကြသည်။</p> <p>မျက်စိတစ်မှိတ်အတွင်းမှာပင်၊ သူတို့အားလုံး ပျောက်သွားကြလေသည်။</p> <p>ကောင်းကင်ယံတွင်၊ လုမင်က ဟန်မိသားစု၏ မဟာဧကရာဇ်ကို စိတ်လှုပ်ရှားစွာ လှည့်ကြည့်လိုက်သည်။</p> <p>ဟန်မိသားစုဝင် မဟာဧကရာဇ်၏ မျက်နှာအမူအရာ ပြောင်းလဲသွားသည်။</p> <p>သူက လုမင်ကိုသတ်ပြီး ကောင်းကင်ဧကရာဇ်၏ဓား သို့မဟုတ် ကောင်းကင်ဧကရာဇ်၏ခန္ဓာကို ပြန်ယူရန် မဖြစ်နိုင်မှန်း သိပေသည်။</p> <p>"နောက်ဆုတ်ကြ"<br /> ဟန်မိသားစုဝင် မဟာဧကရာဇ်က အော်ဟစ်လိုက်သည်။ သူ့ခန္ဓာကိုယ်က ဝေဝါးလာကာ နေရာမှ ထွက်ခွာသွား၏။</p> <p>ဟန်မိသားစုမှ ကျွမ်းကျင်သူများလည်း ယွမ်တောင် မြင့်မြတ်သောကျောင်းတော် လျင်မြန်စွာ ထွက်ပြေးသွားကြတော့သည်။</p> <p>"သွားကြရအောင်"<br /> ဟင်းလင်းပြင်က တုန်ခါသွားပြီး တာ့လော့ကောင်းကင်ဂိုဏ်း၏ မဟာဧကရာဇ်ကြီး ပေါ်လာသည်။ သူကလည်း လုမင်ကို မကျေမနပ် ကြည့်လိုက်ပြီး တာ့လော့ကောင်းကင်ဂိုဏ်း၏ လူများနှင့်အတူ ထွက်ခွာသွား၏။</p> <p>မဟာဧကရာဇ်အဆင့် အင်အားစုသုံးခုက အရှိန်အဝါအပြည့်ဖြင့် ရောက်ရှိလာခဲ့သော်လည်း ထွက်ခွာသွားချိန်တွင်မူ ဝမ်းနည်းဖွယ် အခြေအနေတွင် ရှိနေခဲ့ကြသည်။</p> <p>ဤအရာအားလုံးက လုမင်ကြောင့်ပင်။</p> <p>သူတို့ လာခဲ့စဉ်က လုမင်ကြောင့် ဖြစ်သည်။</p> <p>သူတို့ ဆုတ်ခွာရချိန်မှာလည်း လုမင်ကြောင့် ဖြစ်၏။</p> <p>ဤတစ်ကြိမ်တွင် အင်အားစုသုံးခုက... အထူးသဖြင့် ဟဲမိသားစုအတွက် အခက်ခဲဆုံး ဖြစ်ခဲ့သည်။ သူတို့၏ ဗလာနယ်ဧကရာဇ်နှင့် အစစ်အမှန်ဧကရာဇ်ကို လုမင် သတ်ပစ်လိုက်၏။ သူတို့၏ မဟာဧကရာဇ်ကိုပင် လုမင်က အနိုင်ယူခဲ့သည်။ သူတို့ဟာ ရယ်စရာကြီး ဖြစ်လာခဲ့ရပေသည်။</p> <p>ဟန်မိသားစုအတွက်မူ၊ လုမင်က ဗလာနယ် ဧကရာဇ်နယ်ပယ်မှ ကျွမ်းကျင်သူတစ်ဦးကို သတ်ခဲ့သည်။</p> <p>"ကြောက်စရာကောင်းလိုက်တာ၊ လုမင်က ကောင်းကင်ဧကရာဇ်ရဲ့ခန္ဓာကို ထိန်းချုပ်နိုင်ပြီး မဟာဧကရာဇ်ကို အနိုင်ယူနိုင်တယ်။ အခုချိန်ကစပြီး ယွမ်တောင်မှာ ဘယ်သူမှ သူ့ရဲ့ပြိုင်ဘက် မဖြစ်နိုင်တော့ဘူး"</p> <p>"အမှန်ပဲ၊ ကောင်းကင်ဧကရာဇ်ရဲ့ခန္ဓာ ကာကွယ်မှုနဲ့ လုမင်က ချောချောမွေ့မွေ့ ကြီးထွားလာနိုင်လိမ့်မယ်။ ကစဉ့်ကလျားရဲ့သားတော်တစ်ယောက် ကြီးပြင်းလာတဲ့အခါ ဘယ်လောက်တောင် ကြောက်စရာကောင်းမလဲဆိုတာ ငါသိချင်မိတယ်"</p> <p>လူအများက တီးတိုးပြောဆိုကြသည်။ အချို့အင်အားစုများကလည်း လုမင်နှင့် မိတ်ဆွေဖွဲ့ရန် သင့်မသင့် စဉ်းစားလာကြတော့သည်။</p> <p>နောက်ဆုံးတွင်၊ လုမင်၏ စိတ်နေသဘောထားကို သံသယဖြစ်စရာ မလိုပေ။</p> <p>သူ၏ ကိုယ်ပိုင်လုံခြုံရေးကို လျစ်လျူရှုပြီး မိစ္ဆာနတ်ဘုရားမျိုးနွယ်၏ ဝင်ရောက်ရာ ဟင်းလင်းပြင်လမ်းကြောင်းကို မဟာဧကရာဇ်များနှင့်အတူ တံဆိပ်ခတ်ခဲ့သည်။ ဤအချက် တစ်ချက်တည်းဖြင့် လူများက သူ့အပေါ် ကောင်းမွန်သော အထင်ကြီးလေးစားမှုကို ရရှိခဲ့ကြပေသည်။</p> <p>ထို့ထက်၊ ယခုဆိုလျှင် လုမင်က ကောင်းကင်ဧကရာဇ်၏ခန္ဓာဖြင့် ကာကွယ်မှုကိုပင် ရရှိထားသည်။ အနာဂတ်မှာတွင် သူက ကြောက်စရာကောင်းသော အကျော်အမော်တစ်ဦး ဖြစ်လာလိမ့်မည်။ မဟာဧကရာဇ်နယ်ပယ် ချိုးဖြတ်ရန်ကလည်း မဖြစ်နိုင်သောအရာ မဟုတ်ပါ။ ယခုအချိန်တွင် လုမင်နှင့် မိတ်ဆွေဖွဲ့ခြင်းက အကောင်းဆုံး ဖြစ်သည်။</p> <p>'ကံမကောင်းချင်တော့ သိုလှောင်ထားတဲ့ စွမ်းအင်က နည်းလွန်းတယ်။ အခု ကုန်တော့မယ်'<br /> အတွေးတစ်ခုနှင့် လုမင်က ကောင်းကင်ဧကရာဇ်၏ခန္ဓာ နဖူးနေရာမှ ထွက်ခဲ့သည်။ ထို့နောက်၊ ကောင်းကင်ဧကရာဇ်၏ခန္ဓာက လျင်မြန်စွာ ကျုံ့သွားပြီး လုမင် သိမ်းယူလိုက်လေသည်။</p> <p>ဟဲမဟာဧကရာဇ်နှင့် တိုက်ပွဲတွင် ကောင်းကင်ဧကရာဇ်၏ခန္ဓာမှာ သိုလှောင်ထားသော စွမ်းအင်များက ကုန်လုနီးပါး ဖြစ်ခဲ့သည်။ မဟုတ်လျှင်၊ ဟန်မိသားစု၏ မဟာဧကရာဇ်နှင့် တာ့လော့ကောင်းကင်ဂိုဏ်း၏ မဟာဧကရာဇ်တို့ကို အနိုင်ကျင့်ရန် သူ စိတ်ထဲမထားပေ။</p> <p>စွမ်းအင်များ ကုန်ဆုံးသွားလို့သာ လုမင် ရပ်တန့်လိုက်ခြင်း ဖြစ်သည်။ မဟုတ်လျှင်လည်း သူ ဖော်ထုတ်ခံရလိမ့်မည်။</p> <p>စင်စစ်တွင်၊ ဟဲမဟာဧကရာဇ်က လုမင်ကို ကြောက်ရွံ့ခဲ့သည်။ သူသာ အချိန်ဆွဲပြီး ဆက်လက်တိုက်ခိုက်နေလျှင် ဖော်ထုတ်ခံရလိမ့်မည်။ ထို့နောက် တာ့လော့ကောင်းကင်ဂိုဏ်းနှင့် ဟန်မိသားစု၏ မဟာဧကရာဇ်ကြီးများ ရောက်ရှိလာပါက လုမင် အန္တရာယ်များမည် ဖြစ်သည်။</p> <p>သို့သော်လည်း ကောင်းကင်ဧကရာဇ်၏ခန္ဓာကို ထိန်းချုပ်ရန်အတွက် စွမ်းအင် သိုလှောင်ရန် လိုအပ်ကြောင်း သူတို့မသိကြပေ။ သူတို့က လုမင်နှင့် တိုက်ခိုက်ရန် မဝံ့ရဲကြပါ။</p> <p>လုမင်က ကောင်းကင်မှ ပျံဆင်းလာပြီး ဟွမ်လင်နှင့် အခြားသူများဆီသို့ လျှောက်သွားသည်။</p> <p>"ဟားဟားဟား၊ လုမင်... အရမ်းကောင်းတဲ့ ရိုက်နှက်မှုပဲ။ အရမ်းကို ကောင်းလွန်းတယ်။ အခုဖြစ်ပျက်ခဲ့တာတွေအားလုံးကို ငါ မှတ်တမ်းတင်ထားတယ်လေ။ အချိန်ရရင် အတူတူခံစားကြရအောင်"<br /> ဟွမ်လီက စိတ်အားထက်သန်စွာ ရယ်မောလိုက်သည်။ သူ့မျက်လုံးများမှာလည်း တောက်ပနေ၏။</p> <p>ဟွမ်လင်၊ လုံချန်နှင့် အခြားသူများလည်း ရယ်မောလိုက်ကြကြသည်။</p> <p>"မဟာဧကရာဇ်တစ်ပါးကိုတောင် မသတ်နိုင်ခဲ့တာကတော့ စိတ်မကောင်းစရာပဲ"<br /> လုမင်က ခေါင်းခါပြီး သက်ပြင်းချလိုက်လေသည်။</p> <p> </p> <p> </p> <p style="text-align: center;">***</p>


Save