Book List

<h2 style="text-align: center;">အပိုင်း ( 2017 )</h2> <h2 style="text-align: center;">ချင်ယွဲ့ကို ကယ်တင်နိုင်သော ရတနာ။</h2> <h2 style="text-align: center;">*</h2> <p style="text-align:center"> </p> <p><br /> လုမင်က ခေါင်းယမ်းပြီး သက်ပြင်းချလိုက်သည်။ လူအများက ဆွံ့အသွား၏။ လုမင်က မဟာဧကရာဇ်တစ်ပါးကို သတ်ချင်နေသေးသည်။</p> <p>"ဒီကောင်လေးက အတော်လေး ရည်မှန်းချက်ကြီးတာပဲ၊ ဒါပေမဲ့ မင်းတို့ကြားမှာ ခွန်အားကွာခြားမှု ကြီးမားမှုမရှိရင် မဟာဧကရာဇ်တစ်ပါးကို သတ်ဖို့ မလွယ်ဘူး"<br /> မဟာဧကရာဇ်ဝူရှန်းက လျှောက်လာပြီး ပြုံးရွှင်စွာ ပြောလိုက်သည်။</p> <p>ထို့နောက် အလင်းရောင်တစ်ချက်လက်သွားပြီး ဦးလေးခုန်း ပေါ်လာ၏။</p> <p>"ဦးလေးခုန်း၊ ခင်ဗျား အဆင်ပြေရဲ့လား"<br /> လုမင်က စိုးရိမ်တကြီး မေးလိုက်သည်။</p> <p>ဦးလေးခုန်းက ဒဏ်ရာများမှ မသက်သာသေးသော်လည်း ထျန်းလော့ မဟာဧကရာဇ်နှင့် တိုက်ခိုက်ခဲ့ရသည်။ ထို့ကြောင့် လုမင်ဟာ အလွန်စိုးရိမ်မိလေသည်။</p> <p>"စိတ်မပူပါနဲ့၊ ငါအဆင်ပြေတယ်"<br /> ဦးလေးခုန်းက နူးညံ့သိမ်မွေ့သော အပြုံးဖြင့် ပြုံးပြပြီး အဘိုးအိုတစ်ယောက်၏ အခြေအနေကို ပြန်ရောက်သွားခဲ့သည်။ သူတို့သာ ဦးလေးခုန်း၏ လှုပ်ရှားမှုကို မမြင်ဖူးဘူးဆိုလျှင် ဦးလေးခုန်းက ကြောက်စရာကောင်းသော မဟာဧကရာဇ်ကြီးတစ်ပါးဟု မြင်စရာအကြောင်းမရှိပေ။</p> <p>ဦးလေးခုန်းက ကြာကြာမနေခဲ့ပါ။ သူက စကားအနည်းငယ်သာပြောပြီး ထွက်သွားခဲ့သည်။</p> <p>ထို့နောက် မဟာဧကရာဇ် ဝူရှန်းလည်း ထွက်ခွာသွား၏။ သူတို့အားလုံး ဒဏ်ရာရနေကြပြီး အမြန်ဆုံး ပြန်လည်အင်အားဖြည့်ရန် လိုအပ်သည်။</p> <p>ဟွမ်လီ၊ ဟွမ်လင်၊ လုံချန်နှင့် ကျန်သူများကတော့ လုမင်ကို ခေါ်ဆောင်သွားကာ ကြီးကျယ်ခမ်းနားသော ပွဲတော်တစ်ခု ကျင်းပခဲ့ပေသည်။ ပွဲတော်တွင် စားသောက်ရင်း အရိပ်ကျောက်တုံးကို ထုတ်ယူပြီး ဟဲမိသားစု၏ မဟာဧကရာဇ်ကို လုမင် ရိုက်နှက်နေသော မြင်ကွင်းအား အရသာခံ ကြည့်ရှုခဲ့ကြသည်။</p> <p>နောက်ထပ် ရက်အနည်းငယ်ကြာသောအခါ လုမင်ထံကို လာရောက်လည်ပတ်လိုသူများက ယွမ်တောင်မြင့်မြတ်သောကျောင်းတော်သို့ ရောက်လာကြ၏။</p> <p>သူတို့အားလုံးက လုမင်နှင့် မိတ်ဆွေဖွဲ့လိုသူများဖြစ်ကြောင်း ထင်ရှားသည်။</p> <p>ဥပမာအားဖြင့် ရှေးဟောင်းနေမင်း မြင့်မြတ်နယ်မြေရှိ ခရမ်းရောင်မီးလျှံအိမ်တော်နှင့် တစ်ခုတည်းသော နတ်နန်းတော်၏ ကျွမ်းကျင်သူများပင်။</p> <p>လုမင်တွင် ကောင်းကင်ဧကရာဇ်၏ခန္ဓာကိုယ်နှင့် မဟာဧကရာဇ်တစ်ပါး၏ တိုက်ခိုက်ရေးစွမ်းအားကို ပိုင်ဆိုင်ထားသည်။ ထို့ကြောင့် တာ့လော့ကောင်းကင်ဂိုဏ်းကို ကြောက်စရာမလိုပေ။ ဟုတ်သည်၊ ထိုအကြောင်းရာအပြင် သူတို့က လုမင်နှင့် သီးခြား မိတ်ဆွေဖွဲ့ရန် ဆန္ဒရှိကြသည်။</p> <p>အလားတူလုပ်ဆောင်ခဲ့သော အခြားအင်အားကြီးအင်အားစုအချို့လည်း ရှိခဲ့သေးသည်။</p> <p>သို့သော်လည်း ကောင်းကင်ဧကရာဇ်၏ခန္ဓာကိုယ်ကို စိတ်ကြိုက်အသုံးပြုလို့မရမှန်း သဘာဝအတိုင်း သူတို့မသိကြပါ။ ၎င်းက စွမ်းအင်သိုလှောင်ရန် လိုအပ်သည်။ ထို့ပြင်၊ ကောင်းကင်ဧကရာဇ်၏ခန္ဓာကိုယ်ရှိ စွမ်းအင်များက ကုန်ဆုံးသွားပြီဆိုတာကိုလည်း သူတို့မသိကြပေ။</p> <p>လုမင်ကတော့ မည်သူ့ကိုမျှ ငြင်းပယ်ခြင်းမရှိဘဲ အင်အားစုအမျိုးမျိုးမှ အကျော်အမော်များစွာနှင့် တွေ့ဆုံခဲ့သည်။</p> <p>အင်အားစုများစွာဖြင့် ပူးပေါင်းခြင်းက အနာဂတ်မှာ အသုံးဝင်လိမ့်မည်။</p> <p>မျက်စိတစ်မှိတ်အတွင်းမှာပင်၊ လဝက်ကျော်ကြာသွားသည်။</p> <p>ကောင်းကင်ဧကရာဇ်မြို့တော်က ပြုပြင်နေဆဲပင်။</p> <p>နောက်ဆုံးတိုက်ပွဲ ပြီးဆုံးကတည်းက ဟန်မိသားစုနှင့် ဟဲမိသားစုတို့က ကိုယ့်ကိုယ်ကိုယ် ထိန်းချုပ်ထားကာ အခြားအင်အားစုများ၏ နယ်မြေများကို ဆက်လက်ကျူးကျော်ခြင်း မပြုတော့ပေ။ ထို့ကြောင့် အင်အားစုများစွာက ပြန်လည်တည်ဆောက်နိုင်ခဲ့ကြသည်။</p> <p>ဤအချိန်တွင် လုမင်သည်လည်း ယွမ်တောင်မြင့်မြတ်သောကျောင်းတော်မှ ထွက်ခဲ့လေသည်။</p> <p>အသင်္ချေဖော်ဆောင်ခြင်းမျှော်စင် ပြန်ဖွင့်ပြီဆိုသော သတင်းကို သူကြားသိရသည်နှင့်တပြိုင်နက် ချက်ချင်း ထွက်ခဲ့ခြင်း ဖြစ်သည်။</p> <p>အသင်္ချေဖော်ဆောင်ခြင်းမျှော်စင်ထဲသို့ ဝင်လာပြီးနောက် တစ်စုံတစ်ယောက်က လုမင်ကို အခန်းတစ်ခန်းသို့ ခေါ်ဆောင်သွားသည်။</p> <p>"ဘယ်လိုအချက်အလက်တွေ လိုချင်ပါလဲ"<br /> ဆံပင်ဖြူ အဘိုးအိုတစ်ယောက်က မေးလိုက်၏။</p> <p>"ဝိဥာဉ်တစ်ခုကို ပြန်စုစည်းနိုင်တဲ့ နည်းလမ်းတစ်ခုခု ရှိလားဆိုတာ သိချင်ပါတယ်။ ကျွန်တော်မှာ ဒဏ်ရာရနေတဲ့ သူငယ်ချင်းတစ်ယောက်ရှိပြီး သူ့ဝိဥာဉ်လည်း ဒဏ်ရာရနေတယ်"<br /> ထို့နောက် လုမင်က ချင်ယွဲ့၏ ဒဏ်ရာလက္ခဏာများကို အသေးစိတ်ဖော်ပြလိုက်လေသည်။</p> <p>"သိမ်းယူပယ်ဖျက်ခြင်းနိယာမကို ကြုံခဲ့ရပြီး ဝိညာဉ်လည်း ဒဏ်ရာရသွားတာလား"<br /> ဆံပင်ဖြူအဘိုးအိုက မျက်မှောင်ကြုတ်လိုက်သည်။</p> <p>လုမင်၏ နှလုံးသားတွင် လေးလံလာသည်။ အသင်္ချေဖော်ဆောင်ခြင်းမျှော်စင်သည်ပင် မသိပါက ဒုက္ခများလိမ့်မည်။</p> <p>ခဏအကြာတွင်၊ ဆံပင်ဖြူ အဘိုးအိုက ပြောလိုက်သည်။<br /> "ဝိညာဉ်အတွက် ဒဏ်ရာကနေ ပြန်ကောင်းလာဖို့ အရမ်းခက်တယ်။ ဒီအဘိုးကြီးကို မင်းရဲ့သူငယ်ချင်းကို ကြည့်ခွင့်ပေးလို့ရမလား"</p> <p>"ကောင်းပြီ"<br /> လုမင်က ခေါင်းညိတ်လိုက်သည်။ သူ့လက်ကို ဝှေ့ယမ်းလိုက်သောအခါ တာ့ယန်ဆေးမီးဖိုကြီး ပေါ်လာ၏။</p> <p>"ဒါက... တာ့ယန်ဆေးခန်းမရဲ့ တာ့ယန်ဆေးမီးဖိုပါလား။ ကောင်လေး၊ မင်းက ယွမ်တောင်တစ်ခုလုံးကို တုန်လှုပ်စေခဲ့တဲ့ ကစဉ့်ကလျားရဲ့သားတော် လုမင်ပဲ"<br /> ဆံပင်ဖြူ အဘိုးအိုက အသင်္ချေဖော်ဆောင်ခြင်းမျှော်စင်၏ ကျွမ်းကျင်သူတစ်ဦး ဖြစ်သည်။ သူက တာ့ယန်ဆေးမီးဖိုကို တစ်ချက်ကြည့်လိုက်ရုံနှင့် မှတ်မိပေသည်။</p> <p>"ဟုတ်ပါတယ်"<br /> လုမင်က ခေါင်းညိတ်လိုက်သည်။ ထို့နောက် သူက တာ့ယန်ဆေးမီးဖိုအဖုံးကို ဖွင့်လိုက်ရာ ချင်ယွဲ့၏ခန္ဓာကိုယ်က လွင့်မျောထွက်ပေါ်လာ၏။</p> <p>လုမင်က အခါအားလျော်စွာ သူတော်စင်ဆေးများကို ချင်ယွဲ့၏ ခန္ဓာကိုယ်အတွင်းသို့ သန့်စင်ပြီး ပျော်ဝင်စေသည်။ ထို့ကြောင့် အချိန်အတော်ကြာသွားသော်လည်း ချင်ယွဲ့၏မျက်နှာမှာ သွေးရောင်လွှမ်းလျက် ပုံမှန်ရှိနေသေးသည်။ ချင်ယွဲ့၏ ခန္ဓာကိုယ်မှ အားကောင်းသော ဆေးရနံ့တစ်မျိုးပင် ထုတ်လွှတ်နေသည်။</p> <p>ဆံပင်ဖြူ အဘိုးအိုက လက်ကိုဝှေ့ယမ်းလိုက်သောအခါ စွမ်းအားတစ်ခုက ချင်ယွဲ့၏ ခန္ဓာကိုယ်ထဲသို့ တိုးဝင်လာပြီး ဂရုတစိုက် စစ်ဆေးလိုက်သည်။</p> <p>ခဏအကြာတွင်၊ ဆံပင်ဖြူ အဘိုးအိုက သူ့စွမ်းအားကို ရုပ်သိမ်းလိုက်၏။</p> <p>"သူ့ရဲ့ဝိညာဉ်က ပြင်းပြင်းထန်ထန် ဒဏ်ရာရထားတာပဲ။ ဒီအဘိုးကြီးသိသလောက်တော့ ယွမ်လုတစ်ခုလုံးမှာ သူ့ရဲ့ဝိညာဉ်ကို ပြန်လည်ကောင်းမွန်စေဖို့ နေရာတစ်ခုက ရတနာတစ်ခုပဲရှိတယ်"<br /> ဆံပင်ဖြူ အဘိုးအိုက ပြောလိုက်သည်။</p> <p>"ဘယ်နေရာလဲ...၊ ဘယ်လိုရတနာလဲ"<br /> လုမင် အလွန်ဝမ်းသာသွားသည်။</p> <p>ချင်ယွဲ့ကို ကယ်တင်နိုင်သရွေ့ မည်သို့သောရတနာဖြစ်စေ၊ ၎င်းကို ရရှိနိုင်ရန် နည်းလမ်းရှာရလိမ့်မည်။</p> <p>"မိတ်ဆွေလေး၊ အဲဒီရတနာကို ရယူပြီး ဒီကောင်မလေးကို ကယ်တင်ဖို့က မလွယ်ဘူး။ အဲဒီရတနာက အဆုံးမဲ့နတ်ဆိုးနယ်မြေကြီးက အထူးနတ်ဆိုးတိုင်းပြည်ရဲ့ တိုင်းပြည်ရတနာ၊ ထာဝရနတ်ဆိုးခေါင်းတလားပဲ"</p> <p>"ထာဝရနတ်ဆိုးခေါင်းတလား"<br /> လုမင်၏ မျက်လုံးများ အရောင်လက်သွားသည်။</p> <p>"အင်း၊ ထာဝရနတ်ဆိုးခေါင်းတလားက ထာဝရနတ်ဆိုးတိုင်းပြည်ရဲ့ ရှားပါးရတနာပဲ။ အဲဒါက ဝိညာဉ်အပေါ် မယုံနိုင်စရာ အကျိုးသက်ရောက်မှုမျိုး ရှိတယ်။ ဒီမိန်းကလေးကို ထာဝရနတ်ဆိုးခေါင်းတလားထဲမှာ ထည့်ထားသရွေ့ သူ့ရဲ့ဝိညာဉ်ဟာ တစ်လအတွင်းမှာပဲ ပြန်ကောင်းလာလိမ့်မယ်"</p> <p>"ဒါပေမဲ့ ထာဝရနတ်ဆိုးခေါင်းတလားက ထာဝရနတ်ဆိုးတိုင်းပြည်ရဲ့ တိုင်းပြည်ရတနာပဲ။ အဲဒါကို တစ်လလောက်ငှားဖို့က အရမ်းခက်တယ်"<br /> ဆံပင်ဖြူ အဘိုးအိုက ပြောလိုက်သည်။</p> <p>"ကျေးဇူးတင်ပါတယ်၊ အကြီးအကဲ"<br /> လုမင်က လက်ယှက်ပြပြီး ဆံပင်ဖြူအဘိုးအိုကို ကျေးဇူးတင်ကြောင်း ပြောလိုက်သည်။ ထို့နောက် သတင်းအချက်အလက်အတွက် ငွေပေးချေပြီး ချင်ယွဲ့ကို တာ့ယန်ဆေးမီးဖိုအတွင်း ပြန်ထည့်လိုက်၏။</p> <p>သူက အဆုံးမဲ့နတ်ဆိုးနယ်မြေကြီးသို့ အမြန်ဆုံး ခရီးထွက်ရမည်။ သူ အချိန်ကြာလေလေ၊ ချင်ယွဲ့အတွက် ပိုခက်ခဲလေ ဖြစ်သည်။</p> <p>မည်မျှပင် ခက်ခဲနေပါစေ၊ ချင်ယွဲ့ကို ပြန်ကောင်းလာရန် ကူညီပေးရလိမ့်မည်။</p> <p>အသင်္ချေဖော်ဆောင်ခြင်းမျှော်စင်မှ ထွက်ခွာပြီးနောက် လုမင်က ယွမ်တောင် မြင့်မြတ်သောကျောင်းတော်သို့ ပြန်ခဲ့သည်။ သူက အားလုံးကို နှုတ်ဆက်ပြီးနောက် အဆုံးမဲ့နတ်ဆိုးနယ်မြေကြီးသို့ အမြန်ဆုံးထွက်ခွာရန် စီစဉ်ထား၏။</p> <p>သို့သော်လည်း ယွမ်တောင်မြင့်မြတ်သောကျောင်းတော်သို့ ပြန်ရောက်သောအခါ မဟာဧကရာဇ်ဝူရှန်းက ယွမ်တောင်မြင့်မြတ်သောကျောင်းတော်၏ ပါရမီရှင်များကို စုဆောင်းနေကြောင်း ကြားသိခဲ့ရသည်။ သူ့တွင် အရေးကြီးသော ကြေငြာစရာတစ်ခုခု ရှိပုံရပေသည်။</p> <p>ထို့ကြောင့် လုမင်က လောလောဆယ်တွင် နေခဲ့သည်။ မဟာဧကရာဇ်ဝူရှန်းက ကြေငြာချက်ပြီးမှသာ သူ ထွက်ခွာလိမ့်မည်။</p> <p>နောက်ရက်အနည်းငယ်အတွင်း ပါရမီရှင်များစွာက ယွမ်တောင် မြင့်မြတ်သောကျောင်းတော်သို့ ပြန်ရောက်လာကြသည်။</p> <p>သို့သော်လည်း ဟဲမိသားစု၊ ဟန်မိသားစုနှင့် တာ့လော့ကောင်းကင်ဂိုဏ်းတို့၏ ပါရမီရှင်များ မပါဝင်ပေ။</p> <p>ပဉ္စမမြောက်နေ့တွင် မဟာဧကရာဇ် ဝူရှန်းက ယခင် သူတာအိုတရားဟောရာနေရာတွင် လူတိုင်းကို စုဝေးစေခဲ့သည်။</p> <p>လုမင်နှင့် အခြားသူများလည်း ရောက်လာကြ၏။</p> <p>ဤနေရာတွင် လူရာပေါင်းများစွာ ရှိနေတာကို သူတို့ တွေ့ရှိခဲ့သည်။ သို့သော်လည်း ယခင်ကထက် များစွာလျော့နည်းသွားပေသည်။</p> <p>"ဝှစ်"<br /> ဟင်းလင်းပြင်က တုန်ခါသွားပြီး မဟာဧကရာဇ် ဝူရှန်း၏ ပုံရိပ် ပေါ်လာသည်။</p> <p>"မဟာဧကရာဇ်ကို နှုတ်ခွန်းဆက်ပါတယ်"<br /> လူတိုင်းက ဦးညွှတ်လိုက်ကြလေသည်။</p> <p>"ဒီတစ်ခေါက်မှာ ငါက အားလုံးကို စုဝေးစေခဲ့တာက အရေးကြီးတဲ့ကိစ္စတစ်ခု ကြေငြာစရာရှိလို့ပါ။ အဲဒီအချိန်တုန်းက ထျန်းဟော်၊ ဟွင်းထျန်းနဲ့ ငါက ယွမ်တောင် မြင့်မြတ်သောကျောင်းတော်ကို ဘာကြောင့် တည်ထောင်ခဲ့တာလဲဆိုတာကို အားလုံးက သိချင်နေကြမယ်လို့ ငါယုံကြည်တယ်"<br /> မဟာဧကရာဇ် ဝူရှန်းက ပြောလိုက်သည်</p> <p>လူတိုင်း ခေါင်းညိတ်လိုက်ကြ၏။ ဒါက လူတိုင်း၏ နှလုံးသားထဲမှ မေးခွန်းပင်။</p> <p>"ဒီနေရာမှာ အဓိကအကြောင်းရင်းတွေ အများကြီးရှိပါတယ်။ အဲဒီအထဲက တစ်ခုက မိစ္ဆာနတ်ဘုရားမျိုးနွယ်စုနဲ့ ဆက်စပ်နေတယ်"</p> <p>"အရင်က တိုက်ပွဲလိုပဲ။ မိစ္ဆာနတိဘုရားမျိုးနွယ်ဟာ ကောင်းကင်လောကနဲ့ ယွမ်လောကကို တိုက်ခိုက်ကျူးကျော်ဖို့ ဘယ်တုန်းကမှ လက်မလျှော့ခဲ့ကြဘူး။ အခုဆိုရင် ကောင်းကင်လောကရဲ့ အခြေအနေဟာ အရမ်းဆိုးရွားနေပြီ။ မိစ္ဆာနတ်ဘုရားမျိုးနွယ်က ယွမ်လုကို တိုက်ခိုက်လာဖို့ အချိန်တစ်ခုပဲ လိုတော့တယ်။ ဒါကြောင့် နောက်ဆုံးတိုက်ပွဲက အနှေးနဲ့အမြန် ပေါ်ပေါက်လာလိမ့်မယ်"<br /> မဟာဧကရာဇ် ဝူရှန်းက လေးနက်သော အသံဖြင့် ပြောလိုက်သည်။</p> <p>လူတိုင်း၏ နှလုံးသားများ လေးလံသွားကြသည်။ သူတို့၏ မျက်နှာများကလည်း အလွန် လေးနက်သွား၏။</p> <p>မိစ္ဆာနတ်ဘုရားမျိုးနွယ်နှင့် ယခင်တိုက်ပွဲများအပြီးမှာ မိစ္ဆာနတ်ဘုရားမျိုးနွယ်က မည်မျှကြောက်စရာကောင်းမှန်း လူတိုင်းနားလည်သွားကြသည်။ သို့သော်လည်း ၎င်းက ဒေသတွင်းတိုက်ပွဲတစ်ခုသာ ဖြစ်သေးသည်။</p> <p>နောက်ဆုံးတိုက်ပွဲဖြစ်ပွားပါက မဟာဧကရာဇ်များ အများအပြားနှင့် ကောင်းကင်ဧကရာဇ်များပင် ရောက်ရှိလာကြမည် ဖြစ်သည်။ သူတို့က မည်သို့တိုက်ခိုက်နိုင်မည်နည်း။</p> <p>ထိုအချိန်တွင် ယွမ်တောင်သာမကဘဲ ယွမ်လုတစ်ခုလုံး တိုက်ပွဲမှ ရှောင်ထွက်နိုင်မည် မဟုတ်ပေ။ သူတို့က ရက်စက်ကြမ်းကြုတ်သော တိုက်ပွဲတစ်ခုသို့ ကျရောက်သွားနိုင်ဖွယ်ရှိသည်။</p> <p>လုမင်က လက်သီးကို ကျစ်ကျစ်ပါအောင်ဆုပ်လိုက်သည်။ သူ့မိသားစုနှင့် သူငယ်ချင်းများကို ကာကွယ်နိုင်သည်အထိ သူ သန်မာလာရမည်။ သူ့စိတ်ထဲတွင် အလျင်စလိုဖြစ်ခြင်း ခံစားလိုက်ရသည်။</p> <p> </p> <p> </p> <p style="text-align: center;">***</p>


Save