Book List

<h2 style="text-align: center;">အပိုင်း ( 2018 )</h2> <h2 style="text-align: center;">နယ်မြေကြီးဆယ်ခု၏ တိုက်ပွဲ။</h2> <h2 style="text-align: center;">*</h2> <p style="text-align:center"> </p> <p><br /> "ဒါပေမဲ့ ကမ္ဘာကြီးက အကျပ်အတည်းတစ်ခုနဲ့ ရင်ဆိုင်နေရတဲ့အခါ ကမ္ဘာကြီးကိုယ်တိုင်က ခုခံကာကွယ်ခြင်း အခြေအနေကို အသက်သွင်းလာလိမ့်မယ်"<br /> မဟာဧကရာဇ် ဝူရှန်းက ဆက်လက်ရှင်းပြလိုက်သည်။</p> <p>"ကမ္ဘာကြီးကိုယ်တိုင်က ခုခံကာကွယ်တဲ့ အခြေအနေမှာ ရှိနေမှာလား"<br /> လူတိုင်း ဇဝေဇဝါ ဖြစ်သွားကြ၏။ ကမ္ဘာကြီးကိုယ်တိုင်က အသိစိတ်ရှိနေခြင်း ဖြစ်မည်လော။</p> <p>"အမှန်ပဲ၊ တစ်ခါတုန်းက ကမ္ဘာကြီးမှာ အသိစိတ်ရှိတယ်လို့ ထင်ကြေးပေးခဲ့တဲ့ စွမ်းအားကြီးတဲ့ တည်ရှိမှုတစ်ခု ရှိခဲ့တယ်။ ဥပမာအားဖြင့် ကောင်းကင်ကမ္ဘာ ဒါမှမဟုတ် ယွမ်လုကို မိစ္ဆာနတ်ဘုရားမျိုးနွယ်စုက ကျူးကျော်ဝင်ရောက်လာတဲ့အခါ သူတို့က ခုခံကာကွယ်ခြင်း အခြေအနေမှာ ရှိနေလိမ့်မယ်။ ဟင်းလင်းပြင်ကလည်း တည်ငြိမ်လာပြီး ထိုးဖောက်ဝင်ရောက်ဖို့ မလွယ်ကူတော့ဘူး"</p> <p>"အရေးကြီးဆုံးအချက်က ကမ္ဘာကြီး အန္တရာယ်ကျရောက်နေချိန်မှာ ကမ္ဘာကြီးက ပါရမီရှင်တွေ အများကြီး မွေးထုတ်လာလိမ့်မယ်။ ကြောက်စရာကောင်းတဲ့ ဝိညာဉ်ခန္ဓာပိုင်ရှင်တွေလည်း အများကြီး ပေါ်လာလိမ့်မယ်"</p> <p>"အခုဆိုရင် ယွမ်လုနဲ့ ကောင်းကင်ကမ္ဘာမှာ ပါရမီရှင်တွေ အများကြီးနဲ့ ပြည့်နှက်နေပြီလေ။ ဘုရင်ခန္ဓာအမျိုးမျိုးနဲ့ နတ်ဘုရားရဲ့သားတော်တွေတောင်တွေတောင် ပေါ်လာနေတယ်။ အရင်တုန်းကဆိုရင် ဒါမျိုး မဖြစ်နိုင်ခဲ့ဘူး"</p> <p>"တကယ်တော့၊ ဒါက ကမ္ဘာ့ကာကွယ်ရေးပဲ။ ဒီပါရမီရှင်တွေ ကြီးပြင်းလာတဲ့အခါ ပြင်ပရန်သူတွေကို ကာကွယ်နိုင်လိမ့်မယ်။ ဒါကြောင့်ပဲ မင်းတို့က ကျင့်ကြံမှုရဲ့ ရွှေခေတ်ကို ရောက်နေတာပေါ့"<br /> မဟာဧကရာဇ် ဝူရှန်းက ဆက်လက်ရှင်းပြလိုက်သည်။ လူတိုင်း၏ နှလုံးသားများ တုန်ခါသွားကြ၏။</p> <p>အမှန်ပင် ဤစကားပုံမျိုး ရှိခဲ့ဖူးသလော။ သူတို့က ဒါကို ပထမဆုံးအကြိမ် ကြားဖူးတာ ဖြစ်သည်။</p> <p>ပါရမီရှင်အများ စုဝေးနေကြပြီး ဘုရင်ခန္ဓာများကလည်း အထွတ်အထိပ်သို့ တက်လှမ်းနိုင်ရန်အတွက် ယှဉ်ပြိုင်နေကြသည်။ ယခုမှသာ ၎င်းက ကမ္ဘာကြီး၏ ခုခံကာကွယ်မှုအခြေအနေတစ်ခုဖြစ်ကြောင်း သိလိုက်ရသည်။</p> <p>"ဒါကြောင့် မင်းတို့က အနာဂတ်ရဲ့ မျှော်လင့်ချက်...  မိစ္ဆာနတ်ဘုရားမျိုးနွယ်ကို တွန်းလှန်ဖို့အတွက် မျှော်လင့်ချက်ပဲ။ ဒါကြောင့် ငါတို့သုံးယောက်က ယွမ်တောင် မြင့်မြတ်သောကျောင်းတော်ကို တည်ထောင်ပြီး မင်းတို့အားလုံးကို စုစည်းပေးခဲ့တယ်။ မင်းတို့ကို ပိုပြီးမြန်မြန်ကြီးထွားလာမယ်လို့ မျှော်လင့်ပြီး မင်းတို့ကို ပြုစုပျိုးထောင်ပေးဖို့ ငါတို့ အကောင်းဆုံးကြိုးစားတယ်"</p> <p>လူတိုင်း သဘောပေါက်သွားကြသည်။ ဤသည်မှာ မဟာဧကရာဇ်သုံးပါးက ယွမ်တောင်မြင့်မြတ်သောကျောင်းတော်ကို တည်ထောင်ခဲ့ခြင်း၏ အကြောင်းရင်းပင်။</p> <p>"မဟာဧကရာဇ်ကြီးတွေက တကယ်ကို ကိုယ်ကျိုးမဖက်သူတွေပဲ"<br /> တစ်စုံတစ်ယောက် သက်ပြင်းချလိုက်သည်။ အထူးသဖြင့် ထျန်း‌ေဟာ်မဟာဧကရာဇ်နှင့် ဟွင်းထျန်းမဟာဧကရာဇ်၏ လက်ရှိအခြေအနေကို စဉ်းစားမိသောအခါ အချို့လူများက ဝမ်းနည်းမိခဲ့ကြလေသည်။</p> <p>ထျန်းဟော်မဟာဧကရာဇ်၊ မဟာဧကရာဇ်ဝူရှန်းနှင့် ဟွင်းထျန်းမဟာဧကရာဇ်တို့နှင့် နှိုင်းယှဉ်ပါက ဟန်မိသားစု၏ မဟာဧကရာဇ်၊ ဟဲမိသားစု၏ မဟာဧကရာဇ်နှင့် ထျန်းလော့မဟာဧကရာဇ်တို့က နှိုင်းယှဉ်၍မရနိုင်အောင် စက်ဆုပ်ရွံရှာဖွယ်ကောင်းပြီး တစ်ကိုယ်ကောင်းဆန်ကြသည်။</p> <p>"ဒါပေါ့၊ အဲဒါက ပထမအချက်ပဲ ရှိသေးတယ်။ ဒုတိယအချက်က နယ်မြေကြီးဆယ်ခုတိုက်ပွဲ မကြာခင်စတင်တော့မယ်။ ဒီတစ်ခေါက်မှာ အခွင့်အလမ်းကောင်းတစ်ခုလည်း ရှိလာမယ်လို့ ပြောကြတယ်။ ဒါကြောင့် ဒီအခွင့်အလမ်းကို ဆုပ်ကိုင်နိုင်ဖို့ မင်းတို့ကို ပိုပြီးမြန်မြန်ကြီးထွားလာစေချင်တယ်"<br /> မဟာဧကရာဇ် ဝူရှန်းက ဆက်လက်ပြောလိုက်သည်။</p> <p>"နယ်မြေကြီးဆယ်ခု တိုက်ပွဲလား"<br /> လူတိုင်း စိတ်ရှုပ်ထွေးသွားကြ၏။ သူတို့က ဤကိစ္စမျိုးကို တစ်ခါမှ မကြားဖူးပေ။</p> <p>"ယွမ်လုရဲ့ နယ်မြေကြီးဆယ်ခု တိုက်ပွဲကို မဟာဧကရာဇ်တွေအများကြီးက ကျင်းပပေးကြမှာ...၊ အဲဒီအချိန်မှာ ယွမ်လုတစ်ခုလုံးရဲ့ ပါရမီရှင်တွေအများကြီး စုစည်းမိလိမ့်မယ်။ ပါရမီရှင်တွေအများကြီး ယှဉ်ပြိုင်တဲ့အခါ အခွင့်အလမ်းကောင်းတွေလည်း ပါလာလိမ့်မယ်။ ဒါပေမဲ့ ရည်ရွယ်ချက်ကတော့ အတူတူပဲ။ မင်းတို့ လူငယ်တွေကို ပြုစုပျိုးထောင်ပြီး ပိုပြီးမြန်မြန်ကြီးထွားစေချင်တယ်"<br /> မဟာဧကရာဇ် ဝူရှန်းက ပြောလိုက်သည်။</p> <p>လူတိုင်း၏ နှလုံးသားများ တုန်ခါသွားပြီး စိတ်တည်ငြိမ်စေရန် မထိန်းနိုင်တော့ပေ။</p> <p>နယ်မြေကြီးဆယ်ခု တိုက်ပွဲတွင် နယ်မြေကြီးဆယ်ခုမှ ပါရမီရှင်အားလုံး စုစည်းမိကြမည် ဖြစ်သည်။ ထိုအချိန်တွင် ပါရမီရှင်မည်မျှရှိမည်နည်း။</p> <p>ပါရမီရှင်များကြားမှ တိုက်ပွဲက မည်မျှပြင်းထန်ပါမည်နည်း။</p> <p>ဒီလိုမျိုးက သမိုင်းမှာ တစ်ခါမှ မဖြစ်ခဲ့ဖူးပေ။</p> <p>ဒါ ပထမဆုံးအကြိမ် ဖြစ်သည်။</p> <p>"ဒီတစ်ကြိမ် တိုက်ပွဲက နတ်ကံကြမ္မာနယ်မြေကြီးမှာ ကျင်းပမှာဖြစ်ပြီး မရေမတွက်နိုင်တဲ့ ပါရမီရှင်တွေ ပါဝင်ကြမယ်။ မင်းတို့ရဲ့ ကျင့်ကြံမှုအတွက် အများကြီး အထောက်အကူ ဖြစ်စေနိုင်တဲ့ မဟာအခွင့်အလမ်းကောင်းတွေလည်း ရှိလာလိမ့်မယ်။ မင်းတို့အနေနဲ့ မိစ္ဆာနတ်ဘုရားမျိုးနွယ်နဲ့ စစ်ပွဲမတိုင်ခင် နိုးထချင်တယ်ဆိုရင်... အနာဂတ်မှာ မင်းကိုယ်မင်း ကာကွယ်နိုင်စွမ်းရှိချင်တယ်ဆိုရင် ဒီတိုက်ပွဲကို လက်လွတ်မခံသင့်ဘူး"<br /> မဟာဧကရာဇ် ဝူရှန်း၏ စကားများက လူတိုင်း၏ နှလုံးသားကို မြင်းပြေးသလို ခုန်ပေါက်စေခဲ့သည်။</p> <p>"မဟာဧကရာဇ်ကြီးခင်ဗျ၊ တိုက်ပွဲက ဘယ်တော့စမှာလဲ"<br /> လုမင်က မေးလိုက်သည်။</p> <p>လုမင်သည်လည်း ဤအခွင့်အလမ်းမျိုးကို လက်လွတ်မခံချင်ပေ။ သို့သော်လည်း ယခုအချိန်မှာတော့ ချင်ယွဲ့ကိုကယ်တင်ရန် အဆုံးမဲ့နတ်ဆိုးနယ်မြေကြီးသို့ မဖြစ်မနေ သွားရမည် ဖြစ်သည်။</p> <p>"သုံးနှစ်အကြာမှာဖြစ်မယ်"<br /> မဟာဧကရာဇ် ဝူရှန်းက ပြောကြားလိုက်၏။</p> <p>'သုံးနှစ်အကြာမှာလား။ သိပ်တော့ နောက်မကျလောက်ပါဘူး'<br /> လုမင်က စိတ်သက်သာရာရစွာ သက်ပြင်းချလိုက်သည်။</p> <p>"သုံးနှစ်ကြာရင် နတ်ကံကြမ္မာနယ်မြေမှာ အားလုံး စုဝေးကြလိမ့်မယ်။ အဲဒီအချိန်ကျရင် မင်းတို့က ယွမ်လုတစ်ခုလုံးရဲ့ ပါရမီရှင်တွေကို ရင်ဆိုင်ရမှာ။ ဒါကြောင့် မင်းတို့က နယ်မြေကြီးဆယ်ခုတိုက်ပွဲမှာ ထင်ရှားလာပြီး အခွင့်အလမ်းတွေကို ဆုပ်ကိုင်ချင်တယ်ဆိုရင် ဒီသုံးနှစ်အတွင်းမှာ အမြန်ဆုံးတိုးတက်အောင် ဆက်လုပ်ရမယ်။ မဟုတ်ရင် အများကြီး နောက်ကျသွားလိမ့်မယ်။ နားလည်လား"<br /> မဟာဧကရာဇ် ဝူရှန်းက ပြောလိုက်သည်။</p> <p>"နားလည်ပါပြီ"<br /> လူတိုင်းက အသံကျယ်ကျယ်ဖြင့် ပြောလိုက်၏။</p> <p>"ကောင်းပြီ။ အခု လုမင်၊ လုရှန်းရှန်းနဲ့... မင်းတို့နေပါ။ ကျန်တဲ့သူတွေ ထွက်သွားလို့ရပြီ"<br /> မဟာဧကရာဇ် ဝူရှန်းက အမည်များကို ဆက်တိုက်ပြောလိုက်သည်။</p> <p>ထို့နောက် လူအများစုက ထွက်သွားကြပြီး လူတချို့သာ ကျန်ခဲ့လေသည်။ လုမင်က ပတ်ပတ်လည်ကို ကြည့်လိုက်သောအခါ ကျန်ခဲ့သူ အများစုမှာ ဘုရင်ခန္ဓာရှိသူများဖြစ်ကြောင်း တွေ့ရှိခဲ့သည်။ လူအနည်းငယ်သာ ဘုရင်ခန္ဓာမရှိကြပေ။</p> <p>ပေါင်ပေါင်၊ ဟွမ်လင်၊ လုံချန်၊ အိုးရန်ဝူရွှမ့်နှင့် အခြားသူများအားလုံးလည်း ကျန်ရစ်ခဲ့ကြသည်။</p> <p>ဤအချိန်တွင် ဟင်းလင်းပြင်က လှိုင်းများပေါ်လာပြီး နောက်ထပ် ပုံရိပ်အချို့ ပေါ်လာကြသည်။</p> <p>သူတို့က ဦးလေးခုန်းနှင့် ရှန့်မဟာဧကရာဇ်ကဲ့သို့သော မဟာဧကရာဇ်များပင်။</p> <p>မဟာဧကရာဇ်များစွာ တစ်ပြိုင်နက်တည်း ပေါ်လာခဲ့ကြပြီ ဖြစ်သည်။</p> <p>"မင်းတို့က ယွမ်တောင်ရဲ့ အထူးချွန်ဆုံး ပါရမီရှင်တွေပဲ။ ဒီသုံးနှစ်အတွင်းမှာ မင်းတို့ကို ထူးခြားတဲ့နေရာတွေဆီ စေလွှတ်မယ်။ နေရာတိုင်းက မင်းတို့ နားလည်ထားတဲ့ နိယာမတွေနဲ့ ဆက်စပ်နေတာကြောင့် မင်းတို့ရဲ့ ကျင့်ကြံမှုကို အများကြီး အထောက်အကူပြုလိမ့်မယ်"<br /> မဟာဧကရာဇ် ဝူရှန်းက ပြောလိုက်သည်။</p> <p>လူအများ၏ မျက်လုံးများက တောက်ပသွားကြသည်။ မဟာဧကရာဇ်များ ရွေးချယ်ထားသော နေရာများက တကယ်ကို အံ့မခန်းဖြစ်နိုင်ပြီး သူတို့၏ ကျင့်ကြံမှုအတွက် အထောက်အကူ အများကြီး ဖြစ်စေလိမ့်မည်။</p> <p>"မဟာဧကရာဇ်အရှင်...၊ ကျွန်တော်ကတော့ မသွားနိုင်မှာ စိုးမိပါတယ်"<br /> လုမင်က ရှေ့သို့ ခြေတစ်လှမ်းတိုးပြီး လက်ယှက်ပြလိုက်သည်။</p> <p>"ငါသိပါတယ်။ မင်းက အဆုံးမဲ့နတ်ဆိုးနယ်မြေကြီး သွားချင်နေတာ မဟုတ်လား"<br /> မဟာဧကရာဇ် ဝူရှန်းက ခေါင်းညိတ်လိုက်၏။</p> <p>"သွားပါ...၊ လူကိုကယ်တင်ဖို့က ပိုအရေးကြီးတယ်၊ ဒါပေမဲ့ ထာဝရနတ်ဆိုးခေါင်းတလားကို ငှားချင်တယ်ဆိုရင် မင်းကိုယ်မင်း အားကိုးရမယ်။ ငါတို့က အဆုံးမဲ့နတ်ဆိုးနယ်မြေကြီးမှာ ပေါ်လာရင်တောင် ဘာမှအကျိုးသက်ရောက်မှာ မဟုတ်ဘူး။ အဲဒီအစား ဆန့်ကျင်ဘက်အကျိုးသက်ရောက်မှုတောင် ဖြစ်နိုင်တယ်"<br /> ဦးလေးခုန်းက ပြောသည်။</p> <p>"အဲဒီနတ်ဆိုးကျင့်ကြံသူတွေအားလုံးက မောက်မာကြတယ်။ ဟမ့်"<br /> ရှန့်မဟာဧကရာဇ်က နှာခေါင်းရှုံ့လိုက်သည်။</p> <p>"ဟုတ်ကဲ့"<br /> လုမင်က ခေါင်းညိတ်ပြလိုက်၏။</p> <p>"ကျွန်မလည်း အစ်ကိုကြီး လုမင်နောက်ကို လိုက်ချင်တယ်။ တွိ...တွိ..."<br /> ပေါင်ပေါင်က လုမင်၏ လည်ပင်းကိုဖက်ကာ တွဲလည်းခိုလိုက်သည်။</p> <p>"ကောင်မလေး၊ မင်းရဲ့ကျင့်ကြံမှုကို အများကြီးအထောက်အကူပြုမယ့် နေရာတစ်ခုကို ငါတို့မင်းကို ခေါ်သွားပေးမှာလေ။ မင်းမသွားချင်တာ သေချာလား"<br /> မဟာဧကရာဇ် ဝူရှန်းက ပေါင်ပေါင်ကို ကြည့်လိုက်၏။</p> <p>"မသွားဘူး"<br /> ပေါင်ပေါင်က ခေါင်းကို သွက်သွက်လေး ခါယမ်းလိုက်သည်။</p> <p>လုမင်လည်း အကူအညီမဲ့စွာဖြင့် ပြုံးလိုက်မိလေသည်။<br /> "ပေါင်ပေါင်၊ သွားပြီး မဟာဧကရာဇ်တွေနဲ့အတူ လေ့ကျင့်ပါ။ မကြာခင်မှာ ပြန်ဆုံကြတာပေါ့"</p> <p>ပေါင်ပေါင်က ကောင်းကင်၏ မြှောက်စားခြင်းခံရသော အချိန်ဟင်းလင်းပြင်ဝိညာဉ်ကြွက် ဖြစ်သည်။ သူ၏ အရည်အချင်းက သာမန် နတ်ဘုရားသားတော်များထက် ပိုအားကောင်းပေသည်။ သူ့နောက်ကို ဆက်လိုက်နေလျှင် သူမ၏ အရည်အချင်းကို ကန့်သတ်ထားရုံသာ ဖြစ်မည်။</p> <p>ပေါင်ပေါင်က သူ့နောက်ကိုလိုက်နေသည်မှာ ကြာပြီဖြစ်သော်လည်း သူမ၏ ကျင့်ကြံမှုက တိုးတက်မှု များစွာမမြန်ခဲ့ပေ။ ဤတစ်ကြိမ်တွင်၊ လုမင်က ပေါင်ပေါင်ကို မဟာဧကရာဇ်များနှင့်အတူ ကျင့်ကြံခွင့်ပေးရန် စီစဉ်ထားသည်။ ထိုသို့ဆိုလျှင် ပို၍မြန်မြန်တိုးတက်လာနိုင်လိမ့်မည်။</p> <p>လုမင်က အလျင်စလိုဖြစ်ခြင်းကို ခံစားနေရသည်။ မိစ္ဆာနတ်ဘုရားမျိုးနွယ်က ဘယ်အချိန် တိုက်ခိုက်လာမလဲ သူမသိပေ။ သူတို့အားလုံးက အချိန်ကို ကောင်းကောင်းအသုံးချပြီး သူတို့၏စွမ်းအားကို တိုးတက်လာစေရမည် ဖြစ်သည်။</p> <p>သူကိုယ်တိုင်လည်း ချင်ယွဲ့ကို ကယ်တင်စရာမလိုလျှင် မဟာဧကရာဇ်များ၏နောက်သို့လိုက်ပြီး လေ့ကျင့်မိလိမ့်မည်။</p> <p>"ဒါပေမဲ့ ပေါင်ပေါင်က အစ်ကိုကြီး လုမင်နဲ့ မခွဲနိုင်ဘူး၊ တွိ...တွိ"<br /> ပေါင်ပေါင်က လုမင်၏ ရင်ခွင်ထဲတွင် ခေါင်းလေးတိုးဝှေ့လိုက်၏။</p> <p>"ပေါင်ပေါင်၊ ကောင်းကောင်းလေ့ကျင့်ပြီး မင်းရဲ့စွမ်းအားကို တိုးတက်လာအောင် လေ့ကျင့်ပါ။ မဟုတ်ရင် မင်းက နောင်တစ်ချိန်မှာ အစ်ကိုကြီးလုမင်ကို မကူညီနိုင် ဖြစ်လိမ့်မယ်"<br /> လုမင်က ပေါင်ပေါင်၏ ခေါင်းလေးကို ခပ်ဖွဖွပုတ်လိုက်သည်။</p> <p>"မဟုတ်ဘူး၊ ပေါင်ပေါင်က အစ်ကိုကြီး လုမင်ကို ကူညီနိုင်ရမယ်..."<br /> ပေါင်ပေါင်က မျက်လုံးများကိုမှိတ်လိုက်ပြီး နောက်ဆုံးတွင် မဟာဧကရာဇ်များနှင့်အတူ လေ့ကျင့်ရန် သဘောတူလိုက်လေသည်။</p> <p>"ကောင်းပြီ၊ ငါမင်းတို့ကို ပြင်ဆင်ဖို့ သုံးရက်အချိန်ပေးမယ်။ သုံးရက်ကြာရင် ငါတို့ မင်းတို့အားလုံးကို ခေါ်သွားပေးမယ်"<br /> မဟာဧကရာဇ် ဝူရှန်းက ပြောလိုက်ပြီးနောက် မဟာဧကရာဇ်များ အားလုံး ပြန်လည်ထွက်ခွာသွားကြသည်။</p> <p>"လုမင်၊ သွားသောက်ကြရအောင်..."<br /> ဟွမ်လီနှင့် အခြားသူများလည်း ထွက်ခဲ့ကြ၏။</p> <p>ထို့နောက် လူတိုင်က စိတ်တိုင်းကျ သောက်စားကြရင်း အခြားနယ်မြေကြီးများနှင့် ယှဉ်ပြိုင်ရန်အတွက် နတ်ကံကြမ္မာနယ်မြေကြီးတွင် ပြန်ဆုံမည်ဖြစ်ကြောင်း သဘောတူခဲ့ကြလေသည်။</p> <p>မျက်စိတစ်မှိတ်အတွင်း သုံးရက်ကြာသွားသည်။ လုမင်လည်း ချင်ယွဲ့နှင့်အတူ ကောင်းကင်ဧကရာဇ်မြို့တော်မှ ထွက်လာခဲ့တော့သည်။</p> <p> </p> <p> </p> <p style="text-align: center;">***</p>


Save