Book List

<h2 style="text-align: center;">အပိုင်း ( 2019 )</h2> <h2 style="text-align: center;">အဆုံးမဲ့နတ်ဆိုးနယ်မြေကြီးသို့ ခရီးစဉ်။</h2> <h2 style="text-align: center;">*</h2> <p style="text-align:center"> </p> <p><br /> အဆုံးမဲ့နတ်ဆိုးနယ်မြေကြီးသည် ယွမ်လု၏ နယ်မြေကြီးဆယ်ခုအနက်မှ တစ်ခု ဖြစ်သည်။ ၎င်းက ယွမ်တောင်နှင့်နီးကပ်ပြီး ၎င်း၏နယ်မြေကလည်း အကန်အသတ်မဲ့ ကျယ်ပြော၏။</p> <p>လုမင်က တည်နေရာရွှေ့ပြောင်းခြင်းအစီရင်ပေါ်သို့ တက်လှမ်းလာပြီး ရှေးဟောင်းနေမင်း မြင့်မြတ်နယ်မြေရှိ တည်နေရာရွှေ့ပြောင်းခြင်းအစီရင်သို့ ဦးစွာ သွားရောက်ခဲ့သည်။ ထိုမှတဆင့် အဆုံးမဲ့နတ်ဆိုးနယ်မြေသို့ ပျံသန်းသွားလေသည်။</p> <p>ယွမ်တောင်၏ နယ်မြေကိုးခုထဲတွင် ရှေးဟောင်းနေမင်းမြင့်မြတ်နယ်မြေက အဆုံးမဲ့နတ်ဆိုးနယ်မြေနှင့် အနီးဆုံး ဖြစ်သည်။</p> <p>ဆယ်ရက်ကျော် ပျံသန်းပြီးနောက် နတ်ဆိုးချီများက တဖြည်းဖြည်း ထူထပ်လာခဲ့သည်။ ထို့နောက် လုမင်သည် သူ့ရှေ့တွင် မြေပြင်ကို ဖြတ်၍ စီးဆင်းနေသော မြစ်ကြီးတစ်စင်းကို မြင်လိုက်ရ၏။</p> <p>ဒါက ယွမ်တောင်နှင့် အဆုံးမဲ့နတ်ဆိုးနယ်မြေကို ပိုင်းခြားထားသော အဆုံးမဲ့နတ်ဆိုးမြစ် ဖြစ်သည်။ ၎င်းက မည်မျှရှည်လျားသလဲ မသိရသော်လည်း အနည်းဆုံး မိုင်ရှစ်ထောင်ခန့် ကျယ်ဝန်းပေသည်။ သို့ရာတွင်၊ ထူးဆန်းသည်က အဆုံးမဲ့နတ်ဆိုးမြစ်၏ မြစ်ရေမှာ အနက်ရောင်များ ဖြစ်သည်။</p> <p>အဆုံးမဲ့နတ်ဆိုးမြစ်ကို ဖြတ်ကျော်နိုင်မှသာ အဆုံးမဲ့နတ်ဆိုးနယ်မြေသို့ ရောက်ရှိနိုင်လိမ့်မည်။</p> <p>လုမင်က မရပ်တန့်ခဲ့ပေ။ သူက လေထဲသို့ ပျံတက်လာပြီး အဆုံးမဲ့နတ်ဆိုးမြစ်၏ တစ်ဖက်ကမ်းသို့ ပျံသန်းသွားသည်။</p> <p>အဆုံးမဲ့နတ်ဆိုးမြစ်က နတ်ဆိုးစွမ်းအင် ကြွယ်ဝကာ ထူးဆန်းသော သားရဲတွေကို မွေးဖွားပေးခဲ့သည်။ တချို့က အလွန်စွမ်းအားကြီး၏။</p> <p>ဤသားရဲများတွင် သိပ်သည်းသော နတ်ဆိုးစွမ်းအင်များ ပြည့်နှက်နေသည်။ အဆုံးမဲ့နတ်ဆိုးနယ်မြေတွင် သူတို့ကို နတ်ဆိုးသားရဲများဟု ခေါ်ကြလေသည်။</p> <p>မြစ်ကိုဖြတ်ကူးနေစဉ်မှာ လုမင်က အခက်အခဲတချို့နှင့် ကြုံတွေ့ခဲ့ရပြီး နတ်ဆိုးသားရဲများ၏ တိုက်ခိုက်ခြင်းကို ခံခဲ့ရသည်။ သို့သော်လည်း လုမင်က သူတို့အားလုံးကို ကျော်ဖြတ်ခဲ့၏။ လုမင်အတွက် အန္တရာယ်အရှိဆုံးအချိန်မှာ သိုင်းဧကရာဇ်နယ်ပယ်မှ ငါးမန်းကြီးတစ်ကောင်နှင့် ရင်ဆိုင်ခဲ့ရချိန် ဖြစ်သည်။ ကံကောင်းထောက်မစွာဖြင့်၊ လုမင်က သူ၏ အရှိန်အဝါများကို ဖုံးကွယ်ရန် နတ်အရှိန်အဝါကျင့်စဉ်ကို အသုံးပြုပြီး လွတ်မြောက်နိုင်ခဲ့သည်။</p> <p>လုမင်က မိုင်ရှစ်ထောင်အကွာအဝေးကို ဖြတ်ကျော်ပြီး အဆုံးမဲ့နတ်ဆိုး နယ်မြေကြီးသို့ အမှန်တကယ် ရောက်ရှိရန် သုံးရက်ကြာခဲ့လေသည်။</p> <p>"သိပ်သည်းလိုက်တဲ့ နတ်ဆိုးစွမ်းအင်"<br /> အဆုံးမဲ့နတ်ဆိုး နယ်မြေကြီးရှိ နတ်ဆိုးချီက အလွန်သိပ်သည်းကြောင်း လုမင် တွေ့ရှိခဲ့ရသည်။</p> <p>စင်စစ်တွင်၊ နတ်ဆိုးချီဆိုသည်က မိုးနှင့်မြေ၏ စွမ်းအင်တစ်မျိုး ဖြစ်သည်။ ကျင့်ကြံသူများက စုပ်ယူပြီး သန့်စင်၍ရ၏။ သို့သော်လည်း နတ်ဆိုးကျင့်စဉ်များကို မလေ့ကျင့်ထားလျှင် စုပ်ယူပြီး သန့်စင်ရန် အလွန်ခက်ခဲလိမ့်မည်။ ကောင်းကင်နှင့်မြေပြင်၏ ယွမ်ချီစွမ်းအင်ကို စုပ်ယူခြင်းထက် အများကြီး နှေးကွေးသည်။</p> <p>သို့သော်လည်း တစ်စုံတစ်ယောက်က နတ်ဆိုးပညာကို လေ့ကျင့်ထားလျှင် နတ်ဆိုးချီကို စုပ်ယူခြင်းက ရေထဲမှ ငါးတစ်ကောင်ကဲ့သို့ ဖြစ်လိမ့်မည်။ သူတို့၏ ကျင့်ကြံမှုအမြန်နှုန်းက ပိုမိုမြန်ဆန်မည် ဖြစ်သည်။</p> <p>ထို့ကြောင့် အဆုံးမဲ့နတ်ဆိုးနယ်မြေကြီးက နတ်ဆိုးကျင့်ကြံသူများအတွက် နိဗ္ဗာန်ဘုံတစ်ခုပင်။ ဤနေရာရှိ ကျင့်ကြံသူအများစုမှာ နတ်ဆိုးအတတ်ပညာများကို ကျင့်ကြံသူများ ဖြစ်ကြသည်။ သူတို့က နိယာမအမျိုးမျိုးကို နားလည်နိုင်သော်လည်း သူတို့၏ သူတော်စင်စွမ်းအားမှာတော့ နတ်ဆိုးချီများ ပါဝင်သည်။</p> <p>'အဆုံးမဲ့နတ်ဆိုးနယ်မြေကြီးမှာ နတ်ဆိုးတိုင်းပြည်တွေ ထောင်ချီပြီးရှိတယ်လို့ ဆိုကြတယ်။ အဲဒီထဲမှာ အစွမ်းထက်ဆုံး နတ်ဆိုးတိုင်းပြည် နှစ်ခုရှိပြီး ထာဝရနတ်ဆိုးတိုင်းပြည်ကလည်း တစ်ခုအပါအဝင်ပါပဲ'<br /> လုမင်က သူ့စိတ်ထဲမှ စဉ်းစားရင်း ရှေ့ကို ခရီးဆက်ခဲ့လေသည်။</p> <p>အဆုံးမဲ့နတ်ဆိုးနယ်မြေကြီးတွင် မရေမတွက်နိုင်သော နတ်ဆိုးတိုင်းပြည်များ ရှိသည်။ ၎င်းတို့ကို အဆင့်နိမ့်နတ်ဆိုးတိုင်းပြည်၊ အလယ်အလတ်အဆင့် နတ်ဆိုးတိုင်းပြည်၊ အဆင့်မြင့်နတ်ဆိုးတိုင်းပြည်နှင့် အထူးနတ်ဆိုးတိုင်းပြည်များအဖြစ် ခွဲခြားထားသည်။</p> <p>ထာဝရနတ်ဆိုးတိုင်းပြည်က အထူးနတ်ဆိုးတိုင်းပြည်တစ်ခုပင်။ ၎င်းက ဟဲမိသားစုနှင့် ဟန်မိသားစုကဲ့သို့ မဟာဧကရာဇ်အဆင့် အင်အားစုများထက်ပင် အင်အားကြီးသည်။ သူတို့က နှစ်ပေါင်းများစွာကတည်းက တည်ရှိနေခဲ့ခြင်းပင်။</p> <p>ထာဝရနတ်ဆိုးတိုင်းပြည်၏ တိုင်းပြည်ရတနာကို ငှားရမ်းရန်က အမှန်တကယ် မလွယ်ကူနိုင်ပါ။ ဦးစွာ ထာဝရနတ်ဆိုးတိုင်းပြည်၏ အထက်ပုဂ္ဂိုလ်များနှင့် သိကျွမ်းနိုင်ရန် ကြိုးစားရမည် ဖြစ်သည်။ သို့မှသာ ထာဝရနတ်ဆိုးခေါင်းတလားကို ငှားယူနိုင်လိမ့်မည်။</p> <p>လုမင်က ကျောက်စိမ်းပြားတစ်ခုကို ထုတ်ယူပြီး ဝိညာဉ်အသိကို ပို့လွှတ်လိုက်သည်။ မြေပုံတစ်ခုက သူ့စိတ်ထဲတွင် ပေါ်လာ၏။</p> <p>ဒါက အဆုံးမဲ့နတ်ဆိုး နယ်မြေကြီး၏ မြေပုံ ဖြစ်သည်။</p> <p>၎င်းက မဟာဧကရာဇ်ဝူရှန်းမှ လုမင်ကို ပေးအပ်ခဲ့သော မြေပုံပင်။ မဟာဧကရာဇ်အဆင့် ပုဂ္ဂိုလ်ကြီးအနေဖြင့် သူ့တွင် အဆုံးမဲ့နတ်ဆိုးနယ်မြေကြီး၏ မြေပုံတစ်ခုရှိတာ မဆန်းပါ။</p> <p>မြေပုံပေါ်တွင် နတ်ဆိုးတိုင်းပြည် ထောင်ပေါင်းများစွာ၏ နယ်မြေများ ပေါ်လာသည်။</p> <p>လုမင်က ခဏတာ စောင့်ကြည့်ပြီးနောက် လေထဲသို့ ပျံတက်သွားပြီး အဝေးသို့ ပျံသန်းသွားလေသည်။</p> <p>"ဝုန်း... ဝုန်း"<br /> ခဏတာ ပျံသန်းပြီးနောက် လုမင်က သူ့ရှေ့တွင် ပေါက်ကွဲသံများကို ကြားလိုက်ရသည်။ သူ့ရှေ့တွင် လူတစ်စုက တိုက်ခိုက်နေကြ၏။</p> <p>လူဆယ်ယောက်ကျော်က ဝိုင်းဖွဲ့ တိုက်ခိုက်နေပြီး နတ်ဆိုးစွမ်းအင်များလည်း ဖြာထွက်နေသည်။</p> <p>ခဏအကြာတွင်၊ တိုက်ခိုက်သူများက နှစ်ဖက်ကွဲသွားကြသည်။ သို့သော်လည်း တစ်ဖက်က ပိုအားကောင်းကြောင်း ထင်ရှားပေသည်။ ဓားအလင်းများ လက်ဖြာသွားတိုင်း လူတစ်ယောက် သေဆုံးကြရသည်။</p> <p>ခဏအတွင်းမှာပင် တစ်ဖက်က အားလုံး သေဆုံးသွား၏။</p> <p>ကျန်သူများက အနက်ရောင်ဝတ်စုံများ ဝတ်ဆင်ထားကာ နတ်ဆိုးဓားများကို ကိုင်ဆောင်ထားကြသည်။ သူတို့၏ မျက်လုံးများမှာတော့ ရက်စက်ကြမ်းကြုတ်မှုတို့ ပြည့်နှက်နေပေသည်။</p> <p>နတ်ဆိုးချီ၏ လွှမ်းမိုးမှုကြောင့် နတ်ဆိုးကျင့်ကြံသူများက ထူးဆန်းသော စရိုက်လက္ခဏာများ ရှိကြသည်။</p> <p>သူတို့ထဲတွင် တချို့က ရက်စက်ကြမ်းကြုတ်ကြပြီး တချို့ကလည်း အကြမ်းဖက်တတ်၏။ သို့သော်လည်း သူတို့အားလုံးမှာ တူညီသော အချက်တစ်ခု ရှိသည်။ နတ်ဆိုးကျင့်ကြံသူများက စိတ်နူးညံ့တဲ့သူများ မဟုတ်ပေ။ သူတို့က စိတ်မြန်ပြီး အကြင်နာတရား ကင်းမဲ့သည်။</p> <p>"ဒီကောင်တွေရဲ့ သိုလှောင်လက်စွပ်တွေကို သိမ်းလိုက်၊ မြန်မြန်လုပ်"<br /> ခေါင်းဆောင်တစ်ဦးက သတ်ဖြတ်ခံရသူများ၏ သိုလှောင်လက်စွပ်များကို သိမ်းယူရန် အော်ဟစ်လိုက်သည်။</p> <p>"ခေါင်းဆောင်၊ ဟိုမှာ လူငယ်တစ်ယောက်ရှိတယ်"<br /> တစ်စုံတစ်ယောက်က လုမင်ကိုမြင်ပြီး အေးစက်စက်ဖြင့် လှမ်းကြည့်လိုက်သည်။</p> <p>"ဟားဟားဟား၊ အပိုဝင်ငွေရတော့မှာပါလား။ သူ့ကိုသတ်လိုက်"<br /> ခေါင်းဆောင်က ရယ်မောလိုက်၏။</p> <p>"ဝှစ်... ဝှစ်..."<br /> လျှပ်တစ်ပြက်အတွင်းမှာပင်၊ အနက်ရောင်ဝတ်စုံ ဝတ်ဆင်ထားသော လူ ခုနစ်ယောက်၊ ရှစ်ယောက်က လုမင်ကို ဝိုင်းထားလိုက်ကြသည်။</p> <p>"ကောင်လေး၊ မင်းရဲ့သိုလှောင်လက်စွပ်ကို လွှဲပေးလိုက်စမ်း။ ဒါဆိုရင် မင်းရဲ့အလောင်းကို အကောင်းအတိုင်း ထားခဲ့ပေးမယ်"<br /> ဝတ်စုံနက်ဝတ် လူတစ်ဦးက အေးစက်စက် ပြောလိုက်သည်။</p> <p>လုမင်က ခေါင်းကို အနည်းငယ်ခါယမ်းလိုက်၏။ အဆုံးမဲ့နတ်ဆိုး နယ်မြေကြီးသို့ ရောက်ရှိသည်နှင့် လုယက်ခံရလိမ့်မည်ဟု သူ မထင်ထားခဲ့ပေ။</p> <p>သူ မလာခင်က အဆုံးမဲ့နတ်ဆိုးနယ်မြေကြီးဟာ ရှုပ်ထွေးလွန်းသည်ဟု သူကြားဖူးသည်။ နတ်ဆိုးကျင့်ကြံသူအများစုက တိုက်ခိုက်ရတာကို နှစ်သက်ကြပြီး အချင်းချင်း သတ်ဖြတ်ကြတာဟာ အဖြစ်များသောအရာပင်။ ယနေ့မှ ဒါဟာ အမှန်ဖြစ်ကြောင်း သူမြင်လိုက်ရသည်။</p> <p>သို့သော်လည်း ဤလူများထဲတွင် အသန်မာဆုံးက တောက်ပသော သူတော်စင်နယ်ပယ်တွင်သာ ရှိသည်။ ကျန်သူများမှာက သူတော်စင်တစ်ပိုင်းများ ဖြစ်၏။ သူတို့က သူ့ကို လုယက်ရန် ကြိုးစားခြင်းမှာ ကိုယ့်ကိုယ်ကိုယ် အလွန်အမင်း တွက်ဆထားကြခြင်းပင်။</p> <p>"ထွက်သွားစမ်း"<br /> လုမင်က ငေါက်လိုက်သည်။ သူ့ထံမှ အန္တိမသူတော်စင်နယ်ပယ် အရှိန်အဝါများ ပေါက်ကွဲထွက်လာ၏။</p> <p>ကြောက်မက်ဖွယ်ကောင်းသော အရှိန်အဝါဖိအားကြောင့် ဝတ်စုံနက်ဝတ် လူများ၏ မျက်နှာအမူအရာများမှာ သိသိသာသာ ပြောင်းလဲသွားတော့သည်။</p> <p>"အန္တိမသူတော်စင်... အန္တိမသူတော်စင်ပဲ"</p> <p>"အကြီးအကဲ... ကျွန်တော်တို့ကို ကျေးဇူးပြုပြီး ချမ်းသာပေးပါ။ မျက်လုံးရှိပါလျက်နဲ့ ကောင်းကင်‌တိုင်ကို မမြင်နိုင်ခဲ့ဘူး။ ကျွန်တော်တို့ အခုပဲ ထွက်သွားပါ့မယ်"</p> <p>ဝတ်စုံနက်ဝတ်လူများက ကြောက်ရွံ့တုန်လှုပ်စွာ ပြောလိုက်သည်။ သူတို့အားလုံး သေမတတ် ကြောက်ရွံ့သွား၏။</p> <p>ဒါက အဆုံးမဲ့နတ်ဆိုး နယ်မြေကြီး၏ နယ်စပ်သာ ရှိသေးသည်။ ပုံမှန်အားဖြင့် ဤနေရာတွင် ကျွမ်းကျင်သူများ ရှိမှာမဟုတ်ပါ။ အန္တိမသူတော်စင်နယ်ပယ် ကျင့်ကြံမှုရှိ‌သော လူငယ်တစ်ယောက်နှင့် ရင်ဆိုင်တိုးမိသည်အထိ သူတို့က အဘယ်ကြောင့် ကံဆိုးရသနည်း။</p> <p>သူတို့အားလုံး ကသောမျောပါးဖြင့် ထွက်ပြေးသွားကာ မျက်စိတစ်မှိတ်အတွင်းမှာပင် ပျောက်ကွယ်သွားကြတော့သည်။</p> <p>လုမင်လည်း ခေါင်းယမ်းကာ ပြုံးလိုက်မိသည်။ ထိုကျင့်ကြံမှုဖြင့် လူများကို သတ်ရန် သူ စိတ်မ၀င်စားပေ။</p> <p>ဤသည်မှာ လုမင်၏ အဆုံးမဲ့နတ်ဆိုး နယ်မြေကြီးသို့ ခရီးစဉ်မှ အခိုက်အတန့်လေးတစ်ခုသာ ဖြစ်သည်။</p> <p>လုမင်က ဆက်လက်ပျံသန်းသွားသော်လည်း သူ့ကို စိတ်ဓာတ်ကျစေသည်မှာ ဓားပြများနှင့် မကြာခဏ ကြုံတွေ့ရခြင်းပင်။ သူတို့ထဲတွင် တချို့က ကျောင်းမှန်းကန်မှန်း နားမလည်ဘဲ လုမင်ကို တိုက်ခိုက်ချင်ကြသည်။ သို့သော်လည်း သူတို့အားလုံး လုမင်၏လက်ချက်ဖြင့် သေဆုံးခဲ့ကြရပေသည်။</p> <p>ထို့နောက်မှာတော့ လုမင်က ပျံသန်းနေစဉ် သူ၏ အန္တိမသူတော်စင်နယ်ပယ် ကျင့်ကြံမှုကို ပြသထားခဲ့သည်။ ဓားပြများလည်း လုမင်၏ ကျင့်ကြံမှုကို ခံစားမိပြီး အလျင်အမြန် ထွက်ပြေးသွားကြတော့သည်။ </p> <p>ဆယ်ရက်ကျော် ပျံသန်းပြီးနောက် လုမင်က အဆင့်နိမ့် နတ်ဆိုးတိုင်းပြည်အချို့ကို ဖြတ်ကျော်သွားခဲ့သည်။ ထိုအခါ၊ သူတို့အားလုံးနီးပါးက စစ်မက်ဖြစ်ပွားနေကြောင်း တွေ့ခဲ့ရ၏။</p> <p>ထို့ထက် လုမင်ကို ပို၍စိတ်ဓာတ်ကျစေသောအရာမှာ၊ ဤအဆင့်နိမ့်နတ်ဆိုးတိုင်းပြည်များတွင် တည်နေရာရွှေ့ပြောင်းခြင်းအစီရင် မရှိခြင်း ဖြစ်သည်။ သူက ကိုယ့်အားကိုယ်ကိုးပြီး ပျံသန်းရုံသာ တတ်နိုင်လေသည်။</p> <p>နောက်ထပ် ရက်အနည်းငယ် ပျံသန်းပြီးနောက် လုမင်၏ မျက်ခုံးတစ်ချက်လှုပ်သွားသည်။ နတ်ဆိုးတောင်တန်းတစ်ခုကို ဖြတ်ကျော်ပျံသန်းရင်းမှ ရုတ်တရက် ရပ်တန့်လိုက်၏။</p> <p>သူက နတ်ဆိုးစွမ်းအင်များ မယုံနိုင်စရာကောင်းအောင် သိပ်သည်းသော တောင်ကြားတစ်ခုကို တွေ့ခဲ့ရသည်။</p> <p>'ဒီလောက်သိပ်သည်းတဲ့ နတ်ဆိုးစွမ်းအင်တွေက ကောင်းကင်ဧကရာဇ်ရဲ့ခန္ဓာကိုအတွက် စွမ်းအင်အချို့ကို စုပ်ယူဖို့ သင့်တော်တယ်'<br /> လုမင်က သူ့စိတ်ထဲမှ တွေးလိုက်မိသည်။</p> <p>ကောင်းကင်ဧကရာဇ်၏ ခန္ဓာကိုယ်ထဲတွင် သိုလှောင်ထားသော စွမ်းအင်က ကုန်ခမ်းလုနီးပါး ဖြစ်နေပြီ။ ၎င်းကို ပြန်လည်ဖြည့်တင်းရန် စွမ်းအင်အမြောက်အမြား လိုအပ်သည်။</p> <p>ထာဝရနတ်ဆိုးတိုင်းပြည်သို့ ဤခရီးစဉ်၏ အန္တရာယ်များကို သူ မသိရသေးပါ။ သူက ပိုအားကောင်းလေလေ၊ ပို၍ လုံခြုံမှုရှိလေ ဖြစ်သည်။ ကောင်းကင်ဧကရာဇ်၏ခန္ဓာကို စွမ်းအင် တစ်ဆယ်ရာခိုင်နှုန်းအထိ ပြန်လည်ဖြည့်တင်းနိုင်ပါက သူ ပိုပြီးယုံကြည်မှုရှိနိုင်လိမ့်မည်။</p> <p>လုမင်လည်း လမ်းကြောင်းပြောင်းကာ တောင်ကြားဆီသို့ ဦးတည်လိုက်သည်။</p> <p>"‌အူဝူး..."<br /> လုမင်က တောင်ကြားအနီးကို ရောက်လာသည်နှင့် သားရဲတစ်ကောင်၏ ဟိန်းဟောက်သံများ ကြားလိုက်ရသည်။ ကြီးမားသော အနက်ရောင် ဝံပုလွေကြီးတချို့က လုမင်ဆီကို ခုန်အုပ်လာကြ၏။</p> <p>"မဟာသူတော်စင်နယ်ပယ်"<br /> လုမင်က ရေရွတ်လိုက်သည်။ ဤဧရာမဝံပုလွေများက မဟာသူတော်စင်နယ်ပယ် ကျင့်ကြံမှုခွန်အား ရှိကြ၏။</p> <p>"ဝုန်း..."<br /> လုမင်က လက်သီးတစ်ချက်ထုတ်ဖော်လိုက်သည်နှင့် ဧရာမဝံပုလွေများ နာကျင်စွာ အော်ဟစ်လိုက်ကြသည်။ ၎င်းတို့က လွင့်စင်သွားပြီး မြေပြင်ပေါ်သို့ လဲကျသွားကာ မလှုပ်ရှားနိုင်တော့ပေ။</p> <p>"ဂါး...."<br /> ထိုအချိန်တွင်၊ ကျယ်လောင်သော ဟိန်းဟောက်သံများက တောင်ကြားတွင် ပဲ့တင်ထပ်သွားသည်။</p> <p> </p> <p> </p> <p style="text-align: center;">***</p>


Save