Book List

<h2 style="text-align:center">အခန်း။ ၃၀၇</h2> <h2 style="text-align:center">*</h2> <p> </p> <p> </p> <p>“ဒါဆို ငါတို့ဂိုဏ်းက ဗဟိုတိုက်ကြီးမှာ ဘယ်လိုလုပ် ခြေကုပ်ယူနိုင်ခဲ့တာလဲ”</p> <p>လုံယီက သိချင်စိတ်ဖြင့် ရေရွတ်လိုက်မိသည်။</p> <p>“ငါတို့ဂိုဏ်းရဲ့ ကျင့်စဉ်တွေက နောက်ပိုင်းအဆင့်တွေကို ပိုပြီး အသားပေးထားတာလေ။ အစပိုင်းမှာတော့ မြက်ခြောက်အလောင်း၊ လမ်းလျှောက်အလောင်းနဲ့ ဝိညာဉ်အလောင်းတွေက တိုက်ခိုက်ရေးစွမ်းရည် သိပ်မရှိကြဘူး။ ဒါပေမဲ့ တစ်ခါက သူတို့ကို သံမဏိအလောင်းအဖြစ် သွန်းလုပ်ပြီးသွားရင်တော့ ဓားမတိုး၊ လှံမတိုး ဖြစ်သွားရုံတင်မကဘူး။ သူတို့ကိုယ်ပေါ်က ဇီးပွင့်တံဆိပ်သုံးခုကနေ ကောင်းကင်နဲ့ မြေကြီးရဲ့ ဝိညာဉ်ချီတွေကို အလိုအလျောက် စုပ်ယူနိုင်တဲ့ စွမ်းအင်အစီအရင်တစ်ခုကိုတောင် ဖန်တီးနိုင်လာတယ်”</p> <p>ရုံရွှယ်ကျန်းက လုံယီကို စိတ်ရှည်လက်ရှည် ဆက်လက်ရှင်းပြနေသည်။</p> <p>“ကြေးနီအလောင်းအဆင့်အထိ သွန်းလုပ်နိုင်ရင်တော့ သူတို့ရဲ့ အရှိန်အဝါက ကြယ်ပျံတစ်စင်းလို မြန်ဆန်လာပြီး သာမန် ဝိညာဉ်လက်နက်တွေက ကျင့်ကြံသူရဲ့ အနားကိုတောင် မကပ်</p> <p>နိုင်တော့ဘူး။ အဲ့ဒီအဆင့်မှာဆိုရင် ငါတို့ဂိုဏ်းက ကျင့်ကြံသူတွေဟာ ဘယ်သူ့ကိုမဆို ယှဉ်နိုင်</p> <p>ပြီ။ ငွေရောင်အလောင်းအဆင့်ကို ရောက်ရင်တော့ ကောင်းကင်မှာ ပျံသန်းနိုင်ရုံတင်မကဘဲ အစွမ်းထက်တဲ့ မှော်အတတ်တွေကိုပါ ထုတ်ဖော်နိုင်လာတာမို့လို့ တိုက်ခိုက်ရေး ဝိညာဉ်လက်နက်တွေနဲ့တောင် တူညီတဲ့အစွမ်း ရှိလာတာပေါ့...”</p> <p>“သံမဏိအလောင်းက ဝိညာဉ်ချီတွေကို အလိုအလျောက် စုပ်ယူနိုင်တယ် ဟုတ်လား”</p> <p>“ဟုတ်တယ် အစ်ကိုကြီးလုံ။ အစ်ကို့မှာက ပင်ကိုယ်ပါရမီပါတဲ့ ဝိညာဉ်အလောင်းရှိတာပဲ။ အဲ့ဒီအလောင်းကို ကြယ်စင်သံမဏိတွေ ကျွေးနိုင်ရင်တော့ သူ့ရဲ့ အသွင်ပြောင်းလဲမှုကို အများကြီး မြန်ဆန်စေမှာပါ။ ဒါပေမဲ့ ကြယ်စင်သံမဏိက ဈေးမပေါသလို ဂိုဏ်းရဲ့ အကျိုးဆောင်မှတ်တွေနဲ့ပဲ လဲလှယ်လို့ ရတာလေ...”</p> <p>ထိုစကားကို ကြားပြီးနောက် လုံယီမှာ ခေါင်းကိုသာ ခါလိုက်မိသည်။</p> <p>ငါ့ရဲ့ အကျိုးဆောင်မှတ်တွေက ငါကိုယ်တိုင် ကျင့်ကြံဖို့အတွက်တောင် မလုံလောက်ချင်ဘူး။ ဒီလို အခြေအနေမျိုးမှာ လုံအာအတွက် လိုအပ်တဲ့ ရတနာတွေကို ငါ ဘယ်လိုလုပ်ပြီး လဲလှယ်ပေးနိုင်မှာလဲ။</p> <p>၎င်းပြင် ရုံရွှယ်ကျန်း၏ အပြောအရ သူ၏ အသက်သွေးကြောအလောင်းမှာ ကြေးနီအလောင်းအဆင့်သို့ ရောက်လျှင်ပင် သူ၏ တိုက်ခိုက်ရေးစွမ်းရည်အပေါ် များစွာ သက်ရောက်မှု ရှိလာမည်မဟုတ်ပေ။ သူ ယုံကြည်သည်မှာ လုံအာ၏ ပင်ကိုယ်ပါရမီကြောင့် မည်သည့်ရတနာမျှ မပါဘဲနှင့်ပင် သံမဏိအလောင်းအဆင့်သို့ မှန်မှန်ကန်ကန် တက်လှမ်းနိုင်မည်ပင်။</p> <p>ရက်အနည်းငယ်အကြာ ဝူကျိုဇုန်ရှိ စိုက်ခင်းများတွင် ပိုးမွှားများကို နှိမ်နင်းနေစဉ်အတွင်း လုံယီ၏ ကျင့်ကြံခြင်းအဆင့်မှာ ပြောင်းလဲသွားခဲ့သည်။</p> <p>[ကျင့်ကြံခြင်းအဆင့် - အပ်စိုက်မှတ်လေးနေရာရ ကိုယ်ခံပညာရှင် (၆၀၀/၆၀၀)၊ သံမဏိအသားအရေ ကိုယ်ခံပညာရှင် (၃၉၄/၆၀၀)၊ ချီစွမ်းအားကျင့်ကြံခြင်း အဆင့် ၀ (၃၆၁/၆၀၀)]</p> <p>သူသည် အပ်စိုက်မှတ်လေးနေရာရ ကိုယ်ခံပညာရှင်နောက်က အပေါင်းအမှတ်အသားကို စွမ်းအင်ဖြင့် ဖိနှိပ်လိုက်သည်ဟု စိတ်ကူးကြည့်လိုက်ရာ</p> <p>[အပ်စိုက်မှတ်လေးနေရာရ ကိုယ်ခံပညာရှင် (၆၀၀/၆၀၀) → အပ်စိုက်မှတ်ငါးနေရာရ ကိုယ်ခံပညာရှင် (၀/၆၀၀)]</p> <p>သူ၏ ခန္ဓာကိုယ်အတွင်းရှိ စစ်မှန်သောခွန်အားများသည် ဆူပွက်နေသော အိုးတစ်လုံးကဲ့သို့ အရှိန်အဟုန်ဖြင့် လုံယီ၏ ဦးခေါင်းပိုင်းဆီသို့ တိုးဝှေ့တက်လှမ်းသွားတော့သည်။</p> <p>မျက်စိ၊ နှာခေါင်း၊ ပါးစပ်၊ နား နှင့် လည်ချောင်း အစရှိသော အာရုံငါးပါး အစိတ်အပိုင်းများကို ပြင်းထန်စွာ ပြန်လည်ဖွဲ့စည်းနေပြီး ဆဲလ်များမှာလည်း သာမန်ထက် အဆပေါင်းသန်းချီသောနှုန်းဖြင့် အသွင်ပြောင်းလဲနေကြသည်။</p> <p>သူ၏ ဦးခေါင်းပေါ်ရှိ ချွေးပေါက်အားလုံးမှ အဖြူရောင် အခိုးအငွေ့များ ထွက်ပေါ်နေပြီး အာရုံငါးပါးမှာ လျင်မြန်စွာ မြင့်မားလာသကဲ့သို့ အာရုံခံစားနိုင်စွမ်းမှာလည်း သိသိသာသာ ကြီးထွားလာခဲ့သည်။ အသွင်ပြောင်းလဲမှု ပြီးဆုံးသွားသောအခါ လုံယီသည် တစ်ကမ္ဘာလုံးမှာ ယခင်နှင့်မတူဘဲ ထူးခြားပြောင်းလဲသွားသည်ဟု ခံစားလိုက်ရသည်။</p> <p>ပထမဆုံးအနေဖြင့် သူ၏မျက်လုံးများသည် သူ၏ဆန္ဒအတိုင်း သူငယ်အိမ်ကို ကျုံ့ခြင်း၊ ချဲ့ခြင်း ပြုလုပ်နိုင်လာပြီး ပိုမိုကြည်လင်သော အမြင်အာရုံကို ရရှိစေသည်။ အဝေးကြည့်ကွင်းမှာလည်း ပိုမိုကျယ်ပြန့်လာပြီး မိုင်ပေါင်းများစွာ အကွာအဝေးရှိ သစ်ရွက်များ၏ အကြောအမျှင်များကိုပင် အထင်အရှား မြင်နိုင်စွမ်း ရှိလာတော့သည်။</p> <p>ပြောင်းလဲမှုမှာ အမြင်အာရုံတစ်ခုတည်း မဟုတ်ချေ။</p> <p>လုံယီသည် သူ၏မျက်လုံးများအတွင်းသို့ စစ်မှန်သောခွန်အားများကို စီးဆင်းစေလိုက်ရာ မျက်ဝန်းများမှ အနီရောင်အလင်းတန်းများ ထွက်ပေါ်လာပြီး သူ၏ရှေ့မှ ကမ္ဘာကြီးမှာ ချက်ချင်းပင် အမှောင်ထုအဖြစ် ပြောင်းလဲသွားသည်။ အပင်များ၊ မြေကြီးနှင့် အခြားသော အသက်မဲ့အရာဝတ္ထုများမှာ မီးခိုးရောင်အဖြစ် မြင်တွေ့ရသော်လည်း အပင်များကြားတွင် ပုန်းအောင်းနေသော ပိုးမွှားများနှင့် အခြားသော သက်ရှိသတ္တဝါများမှာမူ အဝါနုရောင် သို့မဟုတ် အနီရောင်အဖြစ် အသွင်ပြောင်းသွားကြသည်။ သက်ရှိများ၏ အသက်ဓာတ် ပိုမိုအားကောင်းလေလေ၊ အရောင်မှာ ပိုမိုတောက်ပလေလေ ဖြစ်သည်။</p> <p>အနီရောင် ရောင်ခြည် အမြင်အာရုံလား</p> <p>အပ်စိုက်မှတ်ငါးခုမြောက်ဖြစ်သော မျက်စိအပ်စိုက်မှတ်ကို အပြည့်အဝ ဖွင့်လှစ်နိုင်ခြင်းက ဤမျှကြီးမားသော ပြောင်းလဲမှုကို ဖြစ်ပေါ်စေလိမ့်မည်ဟု လုံယီ မျှော်လင့်မထားခဲ့ပေ။ ယခုအခါ သူ၏မျက်လုံးများသည် ရုပ်ပိုင်းဆိုင်ရာ ပုံသဏ္ဌာန်များကိုသာမက နတ်ဘုရားကဲ့သို့သော အရှိန်အဝါများကိုပါ မြင်နိုင်စွမ်း ရှိလာပြီဖြစ်သည်။ ရန်သူ၏ အရှိန်အဝါအင်အား၊ သွေးစွမ်းအင်နှင့် ခန္ဓာကိုယ်အတွင်းရှိ ဝိညာဉ်ချီများ စီးဆင်းပြောင်းလဲမှုများကိုပါ လုံယီအနေဖြင့် တိကျစွာ သိရှိနိုင်တော့မည် ဖြစ်သည်။ ထို့ကြောင့် ရန်သူ၏ နောက်ထပ်လှုပ်ရှားမှုကို ကြိုတင်ခန့်မှန်းနိုင်စွမ်း ရှိလာပေလိမ့်မည်။</p> <p>နားအာရုံ၏ ပြောင်းလဲမှုမှာလည်း ထပ်တူပင် ထူးခြားလှသည်။ ပိုမိုများပြားသော အသံများကို ဖမ်းယူနိုင်စွမ်း ရှိလာသည်။ သူ၏ခြေဖဝါးအောက်ရှိ မြေကြီးထဲတွင် တီကောင်များ လှုပ်ရှားနေသည့်အသံနှင့် အနီးအနားရှိ လယ်ကွင်းများပေါ်တွင် နားနေကြသော ငှက်ငယ်များ၏ ခန္ဓာကိုယ်အတွင်း သွေးလေစီးဆင်းနေသည့် အသံကိုပင် ကြားနိုင်စွမ်း ရှိလာသည်။ လေတိုက်နှုန်း ပြောင်းလဲသွားသည့်အသံကို နားထောင်ရုံဖြင့် တစ်စုံတစ်ဦး၏ တည်နေရာ မည်မျှအကွာအဝေးတွင် ပြောင်းလဲသွားသည်ကိုပင် ခန့်မှန်းနိုင်တော့သည်။</p> <p>နှာခေါင်း၏ အာရုံခံစားမှုမှာလည်း ပိုမိုထက်မြက်လာပြီး အနံ့ခံနိုင်စွမ်းမှာလည်း သိသိသာသာ မြင့်မားလာခဲ့သည်။</p> <p>သူသည် အပင်များနှင့် ပိုးမွှားများ၏ မတူညီသော အနံ့အသက်များကို ခွဲခြားသိရှိနိုင်ရုံသာမက ထိုအနံ့များကို သူ၏ ဦးနှောက်ထဲတွင် မှတ်တမ်းတင်ထားနိုင်သဖြင့် နောင်တွင် ရှာဖွေဖော်ထုတ်ခြင်းနှင့် နောက်ယောင်ခံလိုက်ခြင်းတို့တွင် များစွာ အထောက်အကူပြုစေမည်ဖြစ်သည်။</p> <p>ပါးစပ်နှင့် လည်ချောင်း၏ ပြောင်းလဲမှုများမှာလည်း လုံယီသည် သူ၏ ပါးစပ်ကို ဖွင့်လိုက်ပြီး ရင်ဘတ်ကို အနည်းငယ် ချဲ့လိုက်သည်။</p> <p>“ဖူးးး”</p> <p>မျက်မြင်ထင်ရှားလှသော အဖြူရောင် လေလှိုင်းတစ်ခုမှာ သူ၏ ပါးစပ်မှ ဝုန်းခနဲ ထွက်ပေါ်လာပြီး ရေဂယက်များကဲ့သို့ ပတ်ဝန်းကျင်သို့ ပျံ့နှံ့သွားတော့သည်။ ထိုလေလှိုင်းကြောင့် ဘေးပတ်ဝန်းကျင်ရှိ အပင်များမှာ မြေပြင်သို့ပင် ကပ်သွားရပြီး ကောင်းကင်ယံမှ ငှက်အချို့မှာလည်း ပြန်လည် မပျံသန်းနိုင်တော့ဘဲ မြေပြင်သို့ ဘုတ်ခနဲ ပြုတ်ကျလာကြသည်။</p> <p>အားကောင်းလှသော သွေးစွမ်းအင်နှင့် မြှင့်တင်ထားသော ပါးစပ်၊ လည်ချောင်း အသားစိုင်များ ပေါင်းစပ်လိုက်သောအခါ လုံယီသည် ဟိန်းဟောက်ရုံမျှဖြင့်ပင် အသက်အန္တရာယ် ပေးနိုင်သည့် အဆင့်သို့ ရောက်ရှိသွားခဲ့ပြီ ဖြစ်သည်။</p> <p>မျက်စိအပ်စိုက်မှတ်ကို အပြည့်အဝ ဖွင့်လှစ်နိုင်ခဲ့သော်လည်း သွေးစွမ်းအင်မှာ သိသိသာသာ တိုးတက်လာခြင်း မရှိဘဲ သူ၏ ခွန်အားမှာ ပေါင် ၅၀၀၀၀ကျော်တွင်သာ ရှိနေသေးသည်။ သို့သော် အာရုံငါးပါး၏ အံ့မခန်း ပြောင်းလဲမှုများက လုံယီ၏ တိုက်ခိုက်ရေးစွမ်းရည်ကို နောက်ထပ် အဆင့်တစ်ခုသို့ မြှင့်တင်ပေးလိုက်ခြင်းပင်။</p> <p>သူ၏ သက်တမ်းမှာလည်း လေးနှစ်ခန့် တိုးလာသဖြင့် ယခုအခါ စုစုပေါင်း သက်တမ်း ၁၃၄ နှစ် ရှိသွားပြီ ဖြစ်သည်။</p> <p>မကောင်းသော သတင်းတစ်ခုမှာမူ ငါးခုမြောက် အပ်စိုက်မှတ်ကို ဖွင့်ပြီးနောက်တွင် သူ၏ အသက်ရှူကျင့်စဉ် တိုးတက်မှုနှုန်းမှာ သိသိသာသာ လျော့နည်းသွားပြီး တစ်နေ့လျှင် တစ်</p> <p>မှတ်သာ တိုးတော့ခြင်းပင်။ နောက်ဆုံးအပ်စိုက်မှတ်ဖြစ်သော ဦးနှောက်အပ်စိုက်မှတ်ကို အပြည့်အဝ ဖွင့်လှစ်ပြီး ကိုယ်ခံပညာရှင်အဆင့် ကျင့်ကြံမှုကို အဆုံးသတ်ရန်အတွက် နောက်ထပ် ရက်ပေါင်း ၆၀၀ တိတိ လိုအပ်မည် ဖြစ်သည်။</p> <p>ကံကောင်းသည်မှာ ချီစွမ်းအားကျင့်ကြံခြင်း အစောပိုင်းအဆင့်ရှိသော တပည့်တစ်ဦးအနေဖြင့် စမ်းသပ်မှု တာဝန်များကို ထမ်းဆောင်ရန် မလိုသေးပေ။ လုံယီအတွက် ကျင့်ကြံအားမွေးရန် နောက်ထပ် သုံးနှစ်နီးပါး အချိန်ရနေသေးသည်။</p> <p>မျက်စိအပ်စိုက်မှတ်ကို ဖွင့်ပြီးနောက်တွင် ပိုးမွှားများမှာ လုံယီ၏ အမြင်အာရုံအောက်မှ ပုန်းကွယ်နိုင်ခြင်း မရှိတော့ချေ။ လုံယီသည် ၎င်းတို့ကို လွယ်လင့်တကူ ရှာဖွေ သတ်ဖြတ်နိုင်ခဲ့သဖြင့် တစ်ရက်တည်းမှာပင် စွမ်းအင်မှတ် ၁၀၀၀ ကျော် ရရှိခဲ့သည်။</p> <p>သို့သော် အလွန်အမင်း အမဲလိုက်မိသဖြင့် ပိုးမွှားများ၏ မျိုးပွားနှုန်းကို ထိခိုက်သွားစေသည်။ နောက်ပိုင်းရက်များတွင် သတ်ဖြတ်ရန် ပိုးမွှားများပင် မကျန်တော့သည်ကို တွေ့လိုက်ရသည်။</p> <p>ထားလိုက်ပါတော့... ငါးဖမ်းဖို့အတွက် ကန်ထဲက ရေကုန်အောင် ခမ်းပစ်လို့ မဖြစ်ဘူးလေ။ နဂိုအတိုင်းပဲ သွားတာက ပိုကောင်းပါတယ်။</p> <p>နောက်ပိုင်းကာလများတွင် လုံယီသည် ပုံမှန်အတိုင်းပင် အဆောင်နှင့် စိုက်ခင်းကြား ကူးချည်သန်းချည်ဖြင့် သူ၏ နေ့စဉ်ဘဝကို ဖြတ်သန်းနေခဲ့တော့သည်။</p> <p>နေ့စဉ်နေ့တိုင်း သူသည် စိုက်ခင်းများတွင် အလုပ်လုပ်ရင်း ပိုးမွှားများကို သတ်ဖြတ်လိုက် ဂူသို့ပြန်ကာ ကိုယ်ခံပညာနှင့် မသေမျိုးကျင့်စဉ်များကို ကျင့်ကြံလိုက်ဖြင့် အချိန်ကုန်လွန်စေခဲ့သည်။</p> <p>ရံဖန်ရံခါတွင် ငွေကြေးရရှိရန်အတွက် အလောင်းလောင်းကစားပွဲများတွင် ပါဝင်တတ်ပြီး အကြီးအကဲများ၏ ဟောပြောပွဲများကိုလည်း တက်ရောက်လေ့ရှိသည်။ လူမှုရေးအရ ရုံရွှယ်ကျန်းနှင့် အများဆုံး စကားပြောဖြစ်ပြီး လူကောင်ဝဝ သိုက်ရှန်းနှင့်လည်း ရံဖန်ရံခါ စကားလက်ဆုံကျတတ်သည်။</p> <p>သို့သော် ယခင်က ယို့ချင်းယီနှင့် မကြာခဏ အတတ်ပညာ နှီးနှောဖလှယ်ခဲ့မှုများမှာမူ ကောလာဟလများကြောင့် လုံးဝနီးပါး ရပ်တန့်သွားခဲ့ပြီး တစ်ဦးနှင့်တစ်ဦး အသိအကျွမ်းအဆင့်မျှသာ ဆက်ဆံကြတော့သည်။</p> <p>အချိန်များမှာ လျင်မြန်စွာ ကုန်လွန်သွားပြီး တပည့်သစ်များ၏ တတိယအကြိမ် သုံးလပတ် အကဲဖြတ်ပွဲသို့ ရောက်ရှိလာခဲ့သည်။</p> <p>[ကျင့်ကြံခြင်းအဆင့်  အပ်စိုက်မှတ်ငါးနေရာရ ကိုယ်ခံပညာရှင် (၈၀/၆၀၀)၊ သံမဏိအသားအရေ ကိုယ်ခံပညာရှင် (၅၃၄/၆၀၀)၊ ချီစွမ်းအားကျင့်ကြံခြင်း အဆင့် ၀ (၄၆၆/၆၀၀)]</p> <p>ဤသုံးလပတ် စစ်ဆေးမှုတွင် ယို့ချင်းယီ၊ ဝမ်ဝမ်ပိုင်နှင့် ရုံရွှယ်ကျန်းတို့မှာ အစွမ်းပြနိုင်ခဲ့ကြပြီး ချီစွမ်းအားကျင့်ကြံခြင်း ပထမအဆင့်သို့ ချိုးဖောက်တက်လှမ်းနိုင်ခဲ့ကြသည်။ အမှတအများဆုံးပေးသည့် ချီစွမ်းအားပိုင်းတွင် သူတို့က အဆင့် က ရရှိခဲ့ကြသော်လည်း လုံယီမှာမူ အဆင့် က အနုတ်သာ ရရှိခဲ့သည်။</p> <p>စိုက်ခင်းထွက်နှုန်းပိုင်းတွင်လည်း ဝူကျိုဇုန်ရှိ စိုက်ခင်းများ၏ ကန့်သတ်ချက်ကြောင့် လုံယီမှာခ အပေါင်းအဆင့်သာ ရရှိခဲ့သည်။ အလောင်းထိန်းချုပ်ခြင်းအတတ်နှင့် မိုးခေါ်အတတ်တို့တွင်သာ လုံယီက အပြတ်အသတ် ဆက်လက် ဦးဆောင်နိုင်ခဲ့သည်။</p> <p>သို့သော် ဤမှော်အတတ်နှစ်ခုကို အခြားတပည့်သစ်များကလည်း လိုက်မီလာကြပြီဖြစ်သည်။ ယို့ချင်းယီနှင့် ရုံရွှယ်ကျန်းတို့မှာ သိသိသာသာ တိုးတက်လာပြီး က အဆင့်အထိပင် ရရှိခဲ့ကြသည်။ လုံယီ၏ မှော်အတတ်အဆင့်မှာ များစွာ ပိုမြင့်မားနေသော်လည်း အမြင့်ဆုံးသတ်မှတ်</p> <p>ချက်မှာ က အဆင့်သာ ဖြစ်သည်။ ၎င်းမှာ မူလတန်းစာမေးပွဲတွင် တက္ကသိုလ်ကျောင်းသားတစ်ဦးက အမှတ် ၁၀၀ ဖိုး ဖြေဆိုရာ၌ အမြင့်ဆုံးအမှတ် ၁၀၀ သာ ရရှိနိုင်သကဲ့သို့ ဖြစ်နေသည်။</p> <p>ထို့ကြောင့် လုံယီ၏ စုစုပေါင်းအဆင့်သတ်မှတ်ချက်မှာ တတိယနေရာသို့ ကျဆင်းသွားခဲ့သည်။ ယို့ချင်းယီနှင့် ရုံရွှယ်ကျန်းတို့က ပထမနှင့် ဒုတိယနေရာများကို ရယူသွားကြပြီး ဝမ်ဝမ်ပိုင်မှာ စတုတ္ထနေရာသို့ တက်လှမ်းလာခဲ့သည်။</p> <p>၎င်းကို မြင်သောအခါ ဝမ်ဝမ်ပိုင်၏ နောက်လိုက်များမှာ ဝမ်းသာအားရ ဖြစ်သွားကြပြီး အခွင့်အရေးကို အရယူကာ အခြားသူကို နှိမ်ချရန် ကြိုးပမ်းကြတော့သည်။ ကျန်းပေါင်ဖုန်းမှာ အတက်ကြွဆုံးဖြစ်ပြီး လုံယီသည် ယခင်က ဆေးလုံးများ အလွန်အကျွံသုံးကာ ကျင့်ကြံမှုကို အတင်းအဓမ္မ မြှင့်တင်ခဲ့ခြင်းကြောင့်သာ ပထမရခဲ့ခြင်းဖြစ်သည်ဟု လျှောက်ပြောနေတော့သည်။</p> <p>ဆေးလုံးများမှာ အစပိုင်းတွင်သာ အသုံးဝင်ပြီး နောက်ပိုင်းအဆင့်များတွင်မူ ကိုယ့်၏ ပါရမီအပေါ်တွင်သာ မူတည်ကြောင်း အားကောင်းသော ဝိညာဉ်အမြစ်ပါရမီ မရှိဘဲနှင့်မူ နောက်ဆုံးတွင် ပါရမီရှင်ကြီး သုံးဦး၏ နောက်ကွယ်၌သာ ကျန်ရစ်ခဲ့မည်ဖြစ်ကြောင်း သူက ပြောလိုက်သည်။</p> <p>သို့သော် လုံယီမှာမူ ထိုကိစ္စများကို အာရုံစိုက်ရန် စိတ်မကူးပေ။ တတိယအကြိမ် အကဲဖြတ်ပွဲအပြီး ၃၃ ရက်အကြာတွင် သူသည် အသားအရေကျောက်စိမ်းကျင့်စဉ်၌ ချိုးဖောက်အောင်မြင်မှုရရှိခဲ့ပြီး အမြင့်ဆုံးဖြစ်သော အနက်ရောင်အသားအရေအဆင့်သို့ ရောက်ရှိသွားခဲ့ပြီ ဖြစ်သည်။</p> <p> </p> <p> </p> <p style="text-align:center">***</p>


Save