Book List

<h2 style="text-align: center;">အခန်း။ ၃၀၉</h2> <h2 style="text-align: center;">*</h2> <p> </p> <p> </p> <p>လုံယီနှင့်အတူ ဂိုဏ်းထဲသို့ တစ်ပြိုင်နက်တည်း ဝင်ရောက်လာကြသော တပည့်သစ်များ၏ အခြေအနေမှာ သုံးနှစ်တာကာလအတွင်း အတည်တကျ ဖြစ်သွားခဲ့ပြီဖြစ်သည်။</p> <p>ယို့ချင်းယီ၊ ဝမ်ဝမ်ပိုင်နှင့် ရုံရွှယ်ကျန်းတို့မှာ ထိပ်ဆုံးသုံးနေရာကို အမြဲတမ်း ရယူထားနိုင်ခဲ့ကြသည်။ သူတို့အနက် ယို့ချင်းယီမှာ ပထမနေရာကို မလှုပ်မယှက် အခိုင်အမာ သိမ်းပိုက်ထားနိုင်ပြီး၊ ရုံရွှယ်ကျန်းနှင့် ဝမ်ဝမ်ပိုင်တို့မှာမူ ဒုတိယနေရာအတွက် အလှည့်ကျ အားပြိုင်နေခဲ့ကြသည်။ သူတို့သုံးဦးကြားတွင် ကောင်းမွန်သော ယှဉ်ပြိုင်မှုတစ်ခု ဖြစ်ပေါ်နေခဲ့ခြင်းပင်။</p> <p>ဂိုဏ်းသို့ ရောက်ရှိပြီး တတိယနှစ်အတွင်းမှာပင် သူတို့သည် ချီစွမ်းအားကျင့်ကြံခြင်း စတုတ္ထအဆင့်သို့ အစဉ်လိုက် ချိုးဖောက်တက်လှမ်းနိုင်ခဲ့ကြပြီး အဆင့်အတန်းမြင့်မားသော အတွင်းစည်းတပည့်များဖြစ်လာခဲ့ကြသည်။ ဤတိုးတက်မှုနှုန်းမှာ လွန်ခဲ့သော ဆယ်စုနှစ်အတွင်းရှိ အပြင်တပည့်အားလုံးနှင့် နှိုင်းယှဉ်လျှင်ပင် ထိပ်တန်းစာရင်းဝင်ပြီး အံ့သြဖွယ်ကောင်းလှသည်။</p> <p>သဋတို့သုံးဦးစလုံးကို ဂိုဏ်းအတွင်းရှိ အကြီးအကဲများက သတိပြုမိသွားကြပြီး တပည့်အဖြစ် လက်ခံခဲ့ကြရာ သူတို့သည် တပည့်တောင်ထိပ်မှ ထွက်ခွာသွားကြပြီဖြစ်သည်။ ဤသည်မှာ ယခုမျိုးဆက်သစ်တပည့်များကြားတွင် ပြောမဆုံးပေါင် တောသုံးတောင် ဇာတ်လမ်းတစ်ပုဒ် ဖြစ်လာခဲ့တော့သည်။</p> <p>ယို့ချင်းယီတို့၏ အောက်တွင်မူ အလယ်အလတ်အဆင့် ဝိညာဉ်အမြစ်ပါရမီရှိသော တပည့်</p> <p>အချို့မှာ ချီစွမ်းအားကျင့်ကြံခြင်း တတိယအဆင့်သို့ ရောက်ရှိနေကြပြီး ချီစွမ်းအားကျင့်ကြံခြင်း အလယ်အလတ်အဆင့်သို့ ရောက်ရန် မဝေးတော့သဖြင့် အတွင်းစည်းတပည့်ဖြစ်ရန် မျှော်လင့်ချက် အပြည့်ရှိနေကြသည်။ သို့သော် တတိယအဆင့်နှင့် စတုတ္ထအဆင့်ကြားတွင် ကြီးမားသော အဟန့်အတားတစ်ခု ရှိနေပြီး လူအများစုမှာ တစ်သက်လုံး ကြိုးစားလျှင်ပင် ထိုအဆင့်ကို မကျော်ဖြတ်နိုင်ကြချေ။ သို့သော်လည်း တပည့်သစ်များမှာ တက်ကြွလန်းဆန်းပြီး အားမာန်အပြည့်ရှိသောအရွယ်ဖြစ်ရာ မည်သူမျှ အရှုံးမပေးဘဲ ချီစွမ်းအားကျင့်ကြံခြင်း အလယ်အလတ်အဆင့်သို့ ရောက်ရှိရန် ရည်မှန်းချက်ကြီးစွာဖြင့် ကြိုးစားနေကြသည်။</p> <p>လုံယီမှာမူ ယခုအချိန်တွင် လူအုပ်ကြီးထဲ၌ လုံးဝ မှေးမှိန်ပျောက်ကွယ်သွားခဲ့ပြီ ဖြစ်သည်။ သုံးလပတ် အကဲဖြတ်ပွဲများတွင် သူ၏အဆင့်ကို ဖော်ပြခြင်းမရှိတော့သလို ဝမ်ဝမ်ပိုင် တပည့်တောင်ထိပ်မှ ထွက်ခွာသွားပြီးနောက် သူ့အကြောင်း ပြောဆိုသံများမှာလည်း ရှားပါးသွားခဲ့သည်။ အကယ်၍ ပြောဖြစ်လျှင်ပင် ရိုင်းစိုင်းတဲ့ လူမိုက်ကြီးဟူသော စကားလုံးထက် မပိုတော့ချေ။</p> <p>ဤနှစ်များအတွင်း လျှို့ဝှက်နယ်မြေအသစ်များ ရှာဖွေတွေ့ရှိခြင်း၊ ဝိညာဉ်ကြောများနှင့် ရတနာများကို လုယူကြခြင်းတို့ကြောင့် အလောင်းထိန်းချုပ်ခြင်းဂိုဏ်းနှင့် နေနီဂိုဏ်းတို့ကြားရှိ ပဋိပက္ခမှာ များစွာ ပြင်းထန်လာခဲ့သည်။ နှစ်ဖက်စလုံးမှ ထိခိုက်သေဆုံးမှု အရေအတွက်မှာ လွန်ခဲ့သော ဆယ်နှစ်တာ စုစုပေါင်းထက်ပင် ပိုမိုများပြားလာခဲ့သည်။</p> <p>နောက်ဆုံးရလဒ် တစ်ခုခု မထွက်ပေါ်လာမချင်း အဓိကဂိုဏ်းကြီးများမှာ တပည့်များကို အဆက်မပြတ် စေလွှတ်နေရဦးမည်မှာ အမှန်ပင်။ လျှို့ဝှက်နယ်မြေအသစ်များအတွင်းရှိ နိယာမများမှာ အပြင်လောကနှင့် များစွာ ကွာခြားလှသည်။ ကျင့်ကြံခြင်းအဆင့်ကို ကန့်သတ်ထားသဖြင့် အခြေခံအုတ်မြစ် တည်ဆောက်ခြင်းအဆင့်အောက်ရှိ ကျင့်ကြံသူများသာ ဝင်ရောက်နိုင်ပြီး ချီစွမ်းအားကျင့်ကြံခြင်းအဆင့်ရှိသော တပည့်များမှာ အဓိက တိုက်ခိုက်ရေးအင်အားစုများ ဖြစ်လာကြတော့သည်။</p> <p>အလောင်းထိန်းချုပ်ခြင်းဂိုဏ်းသည် အခြေအနေသစ်နှင့် စိန်ခေါ်မှုများကို ရင်ဆိုင်နိုင်ရန်အတွက် ဂိုဏ်း၏ စည်းမျဉ်းသစ်များကို ထုတ်ပြန်လိုက်ရာ တစ်ဂိုဏ်းလုံး ရုတ်ရုတ်သဲသဲ ဖြစ်သွားခဲ့သည်။</p> <p>တပည့်များ၏ ကျင့်ကြံခြင်းကို ပိုမိုထက်မြက်လာစေရန်အတွက် တာဝန်များ ထမ်းဆောင်နိုင်သည့် အနိမ့်ဆုံးအဆင့်ကို ချီစွမ်းအားကျင့်ကြံခြင်း အစောပိုင်းအဆင့်အထိ လျှော့ချသတ်မှတ်လိုက်ခြင်းပင်။ စည်းမျဉ်းသစ်များအရ အပြင်တပည့်များသည် အတွင်းတပည့်များအတွက် သတ်မှတ်ထားသော တာဝန်များကို ယူနိုင်သော်လည်း အနည်းဆုံး ချီစွမ်းအားအဆင့် ၃ ရှိသည့် အတွင်းတပည့်တစ်ဦး ပါဝင်ရမည်ဖြစ်ပြီး အတွင်းတပည့်များသည်လည်း တပည့်ရင်းများအတွက် သတ်မှတ်ထားသော တာဝန်များကို ယူနိုင်သော်လည်း အနည်းဆုံး ချီစွမ်းအားအဆင့် ၆ ရှိသည့် တပည့်ရင်းတစ်ဦး လိုက်ပါရမည်ဖြစ်သည်။ ထို့အတူ တပည့်ရင်းများသည်လည်း အခြေခံအုတ်မြစ် တည်ဆောက်ခြင်းအဆင့် တာဝန်များကို ယူနိုင်သော်လည်း အနည်းဆုံး ချီစွမ်းအားအဆင့် ၉ ရှိသည့် အဆင့်မြင့်ပညာရှင်တစ်ဦး ပါဝင်ရမည်ဟု သတ်မှတ်လိုက်သည်။</p> <p>ဤစည်းမျဉ်းများ ထွက်ပေါ်လာသောအခါ ဂိုဏ်းအတွင်း၌သာ ပိတ်မိနေပြီး ငြီးငွေ့ဖွယ်ကောင်းသော ဘဝကို ဖြတ်သန်းနေရသည့် အစောပိုင်းအဆင့် တပည့်များအတွက် စိတ်လှုပ်ရှားဖွယ်ရာ ဖြစ်ခဲ့သော်လည်း အမြော်အမြင်ရှိသူအချို့ကမူ ဤသည်မှာ တပည့်များကို အတင်းအကျပ် ရှေ့တန်းတင်ကာ အသက်ဘေးနှင့် ရင်ဆိုင်ခိုင်းသည့် အဆိပ်ရှိပိုးကောင် မွေးမြူခြင်းဗျူဟာဖြစ်ကြောင်း ရိပ်မိနေကြသည်။ ထို့ပြင် လွန်ခဲ့သော နှစ်နှစ်အတွင်း ဂိုဏ်းသားသစ် လက်ခံရာတွင်လည်း အရည်အချင်း ကန့်သတ်ချက်များကို လျှော့ချခဲ့ရာ အဆင့်နိမ့် ဝိညာဉ်အမြစ်ပါရမီရှိသူများပင် ဂိုဏ်းထဲသို့ လွယ်ကူစွာ ဝင်ရောက်နိုင်ခဲ့ကြသည်။</p> <p>"သန်မာသူတွေက ပိုသန်မာလာပြီး အားနည်းသူတွေကတော့ အားနည်းမြဲ အားနည်းနေဦးမှာပဲ"</p> <p>အကြီးအကဲတစ်ဦးက ညည်းတွဲစွာ ပြောလိုက်သည်။</p> <p>ဂိုဏ်း၏ စည်းမျဉ်းသစ်များအောက်တွင် ပါရမီထူးချွန်သူများနှင့် နောက်ခံကောင်းသူများက တောက်ပစွာ ထွက်ပေါ်လာကြသည်။ အတွင်းတပည့် ကျီကျောက်ရွှယ်သည် တပည့်ရင်းတာဝန်တွင် ပါဝင်ကာ နေနီဂိုဏ်းမှ အဆင့်မြင့်ကျင့်ကြံသူတစ်ဦးကို အပြင်းအထန် ဒဏ်ရာရစေခဲ့ပြီး အကျိုးဆောင်မှတ် ၂၀၀ ရရှိခဲ့သည်။ ထို့အတူ အတွင်းတပည့် ကျိုးကျားရှန့်သည်လည်း သွေးဂိုဏ်းဝင်များကြားမှ ဂိုဏ်းအတွက် အရေးတကြီးလိုအပ်နေသော ခရမ်းရောင် သွေးကန်ကို ရဲရဲဝံ့ဝံ့ လုယူနိုင်ခဲ့သဖြင့် အကျိုးဆောင်မှတ် ၂၀၀ ရရှိခဲ့သည်။ တပည့်ရင်း ချိုးရှောက်ကျဲမှာမူ အခြေခံအုတ်မြစ် တည်ဆောက်ခြင်းအဆင့်ရှိ ပညာရှင်ကြီးတစ်ဦး၏ လိုက်လံဖမ်းဆီးမှုမှ လွတ်မြောက်အောင် ပြေးနိုင်ခဲ့သဖြင့် ကျောက်နိုင်ငံတစ်ဝိုက်တွင် နာမည်ကျော်ကြားသွားခဲ့သည်။</p> <p>လုံယီနှင့် တစ်သုတ်တည်းဝင်လာသူများထဲမှလည်း ထူးချွန်သူများ ထွက်ပေါ်လာခဲ့သည်။ ယို့ချင်းယီသည် ချီစွမ်းအား အလယ်အလတ်အဆင့်သို့ ချိုးဖောက်ပြီးနောက် အတွင်းတပည့်တာဝန်တွင် ပါဝင်ကာ နေနီဂိုဏ်းမှ အဆင့်တူကျင့်ကြံသူကို သတ်ဖြတ်နိုင်ခဲ့သဖြင့် အကျိုးဆောင်မှတ် ၁၀၀ ရရှိခဲ့သည်။ ရုံရွှယ်ကျန်းသည်လည်း ရှေးဟောင်းဂူဗိမာန်အတွင်းရှိ ထောင်ချောက်များကို ပါးနပ်စွာ ကျော်လွှားနိုင်ခဲ့ပြီး ရှေးဟောင်းကျင့်စဉ်တစ်ခုကို ရရှိခဲ့သဖြင့် အကျိုးဆောင်မှတ် ၂၀၀ ချီးမြှင့်ခံခဲ့ရသည်။</p> <p>ဝမ်ဝမ်ပိုင်သည်ကား အံ့အားသင့်ဖွယ်ကောင်းလောက်အောင်ပင် တပည့်ရင်းများသာ ထမ်းဆောင်ရသော တာဝန်တစ်ခုတွင် ပါဝင်ခွင့်ရရှိခဲ့သည်။ သူသည် စီနီယာအစ်ကိုကြီးဖြစ်သူ ယန်ကျဲချန်နှင့် ပူးပေါင်း၍ နေနီဂိုဏ်းမှ ချီစွမ်းအားကျင့်ကြံခြင်း အထွတ်အထိပ်အဆင့်ရှိ ပညာရှင်တစ်ဦးကို အောင်မြင်စွာ နှိမ်နင်းနိုင်ခဲ့သဖြင့် ဂိုဏ်း၏ အကျိုးဆောင်မှတ် ၂၀၀ အထိ ချီးမြှင့်ခြင်း ခံခဲ့ရသည်။</p> <p>“တောက်... ငါတော့ အဲ့ဒီဝမ်ဝမ်ပိုင်ကို တကယ်ပဲ အားကျမိတယ်ကွာ။ အကျိုးဆောင်မှတ်တွေ အများကြီး ရလိုက်တာပဲ။ အဖိုးဖြစ်သူက ဂိုဏ်းရဲ့ အကြီးအကဲတစ်ဦး ဖြစ်နေတာက တကယ်ကို အားကိုးထိုက်တာပဲ”</p> <p>လူကောင်ဝဝနှင့် သိုက်ရှန်းသည် လုံယီ၏ရှေ့မှောက်၌ မကျေမချမ်း ရေရွတ်ရင်း အားကျစိတ်များကို ထုတ်ဖော်ပြောဆိုနေရှာသည်။</p> <p>“ဂုဏ်သရေရှိတဲ့ အဖိုးတစ်ယောက် ပိုင်ဆိုင်ထားတာဟာလည်း လူတစ်ယောက်ရဲ့ အစွမ်းအစထဲက တစ်စိတ်တစ်ပိုင်းပါပဲ”</p> <p>လုံယီက နူးညံ့စွာ ပြုံးလျက် ပြောလိုက်သည်။</p> <p>“ဒါပေမဲ့ အစပိုင်းမှာ အရာရာ ချောမွေ့လွန်းနေတာဟာ နောင်တစ်ချိန်မှာ ကောင်းကျိုးပြုချင်မှ ပြုမှာပါ။ ငါတို့လို တစ်လှမ်းချင်းစီ အခြေခိုင်အောင် ကျင့်ကြံနေသူတွေအတွက်တော့ နောင်အခါမှာ သူတို့ကို ပြန်လည်ကျော်တက်ဖို့ အခွင့်အရေး ရှိပါသေးတယ်”</p> <p>“ဟူး... ငါ့မှာသာ အဲ့ဒီလို အရှိန်အဝါရှိတဲ့ အဖိုးမျိုး ရှိခဲ့ရင် ငါလည်းပဲ အေးအေးဆေးဆေးနဲ့ အခြေခိုင်အောင် ကျင့်ကြံနေမှာပေါ့”</p> <p>သိုက်ရှန်းက သက်ပြင်းချရင်း ပြောလိုက်သည်။</p> <p>ဤနှစ်နှစ်တာကာလအတွင်း လုံယီ၏ အစွမ်းအစမှာ သာမန်မျှသာ ရှိနေခြင်းနှင့် ဝမ်ဝမ်ပိုင်ကို ရန်စမိထားခြင်းတို့ကြောင့် သိုက်ရှန်းနှင့် ရုံရွှယ်ကျန်းတို့ နှစ်ဦးသာလျှင် သူနှင့် ဆက်ဆံရေးကို ဆက်လက် ထိန်းသိမ်းထားရဲကြသည်။ သို့သော်လည်း ရုံရွှယ်ကျန်းသည် ချီစွမ်းအား အလယ်အလတ်အဆင့်သို့ ချိုးဖောက်ရောက်ရှိသွားပြီးနောက် ဝမ်သောက်တောင်ထိပ်ရှိ အကြီးအကဲတစ်ဦး၏ တပည့်အဖြစ် လက်ခံခြင်းခံရသဖြင့် ကျင့်ကြံခြင်းလုပ်ငန်းများတွင် အချိန်ကုန်နေရကာ ယခင်ကကဲ့သို့ မကြာခဏ မတွေ့ဆုံနိုင်တော့ချေ။</p> <p>ထို့ကြောင့် ယခုအခါ တပည့်တောင်ထိပ်၌ လုံယီနှင့် ရင်းရင်းနှီးနှီး စကားဆိုဖြစ်သူမှာ သိုက်</p> <p>ရှန့်သာ ရှိတော့သည်။ ဤလူကောင်ဝဝမှာ အလွန်ပင် ပွင့်လင်းရိုးသားသူဖြစ်ရာ သူ့စိတ်ထဲရှိသမျှကို အားမနာတမ်း ထုတ်ဖော်ပြောဆိုတတ်သူ ဖြစ်သည်။ လုံယီသည် သိုက်ရှန်း၏ ညည်းညူသံများကို ပြုံးလျက်သာ နားထောင်နေခဲ့ပြီး မမည်သည့်ငြူစူစိတ်မျှ မရှိခဲ့ပေ။ အဘယ်ကြောင့်ဆိုသော် ဤနှစ်များအတွင်း သူသည် အပြင်လောကမှ ကောလာဟလများ ပြောဆိုနေကြသည်ထက် များစွာသာလွန်ပြီး ထူးခြားဆန်းကြယ်လှသော ပြောင်းလဲမှုများကို တိတ်တဆိတ် ပိုင်ဆိုင်ထားခဲ့ပြီး ဖြစ်သောကြောင့်ပင်။</p> <p>သိုက်ရှန်းနှင့် လမ်းခွဲပြီးနောက် လုံယီသည် ဝူကျိုဇုန်ရှိ စိုက်ခင်းများဆီသို့ တစ်ဦးတည်း ထွက်ခွာလာခဲ့သည်။ သူ၏မျက်စိရှေ့မှောက်၌ ဒူးဆစ်ခန့် မြင့်မား၍ စိမ်းစိုနေသော လယ်ကွင်းပြင်ကြီး ရှိနေပြီး ပြည့်ဖြိုးလှသော ဝိညာဉ်ဆန်နှံတို့မှာ နေရောင်ခြည်အောက်တွင် ပုလဲရတနာများသဖွယ် တဖျတ်ဖျတ် တောက်ပနေကြသည်။</p> <p>လုံယီသည် ဝေးကွာလှသော မြေရိုင်းပြင်ဆီသို့ လှမ်းကြည့်လိုက်ရာ သူ၏မျက်ဝန်းအစုံမှ အနီရောင်အလင်းတန်းဖျော့ဖျော့တို့ ထွက်ပေါ်လာပြီး သူ၏ အမြင်အာရုံမှာလည်း ချက်ချင်းပင် ထူးခြားစွာ ပြောင်းလဲသွားတော့သည်။ အပင်များ၊ မြေကြီးနှင့် ကျောက်ခဲများမှာ မီးခိုးရောင်</p> <p>အဖြစ် မှေးမှိန်သွားသော်လည်း မြက်တောထဲရှိ ပိုးမွှားများနှင့် ကောင်းကင်ယံမှ ငှက်ငယ်တို့မှာမူ အဝါရောင်နှင့် အနီရောင် အလင်းတန်းအသွင်ဖြင့် အထင်အရှား ပေါ်ပေါက်လာကြသည်။</p> <p>လုံယီသည် သူ၏ လက်ချောင်းဆယ်ချောင်းကို ဖြန့်လိုက်သည်။</p> <p>ရှူး... ရှူး... ရှူး... ရှူး</p> <p>အပ်ချည်မျှင်မျှ သေးငယ်လှသော အနီရောင် စွမ်းအင်တန်း ဆယ်ခုတို့သည် သူ၏ ခန္ဓာကိုယ်</p> <p>အတွင်းမှ အရှိန်အဟုန်ဖြင့် ထွက်ပေါ်သွားတော့သည်။</p> <p>ထိုစွမ်းအင်တန်း တစ်ခုချင်းစီသည် လေထုထဲ၌ မတူညီသော ထောင့်ချိုးများနှင့် ကွေးဝိုက်သော လမ်းကြောင်းများအတိုင်း ပျံသန်းသွားကြပြီး မီတာရာချီ၊ ထောင်ချီ ကွာဝေးသော နေရာရှိ ပိုးမွှားများကို တိကျစွာ ထိမှန်ချေမှုန်းလေတော့သည်။</p> <p>ထိုပိုးမွှားများ၏ ခန္ဓာကိုယ်တို့မှာ ကောင်းကင်ယံမှ မီးရှူးမီးပန်းငယ်များသဖွယ် ပေါက်ကွဲထွက်သွားကြပြီး သွေးမြူမှုန်များအဖြစ်သို့ အသွင်ပြောင်းလဲသွားကြသည်။ လွန်ခဲ့သော သုံးနှစ်တာ ကာလအတွင်း လုံယီသည် ရပ်တန့်နေခဲ့ခြင်း မရှိဘဲ သူ၏ ခန္ဓာကိုယ်ဖောက်ထွင်း စစ်မှန်သောခွန်အားအပေါ် အံ့အားသင့်ဖွယ်ကောင်းလောက်အောင် ထိန်းချုပ်နိုင်စွမ်း ရှိလာခဲ့ပြီ ဖြစ်သည်။ ဝမ်ကျန်းမြို့၏ ထိပ်တန်းပုဂ္ဂိုလ်ဟောင်းဖြစ်သူ မုန့်ခုံးဟွာပင် ဤမြင်ကွင်းကို မြင်တွေ့ရပါက များစွာ အထင်ကြီး လေးစားသွားရမည်ဖြစ်သလို သူ့ကိုယ်သူလည်း နိမ့်ကျသည်ဟု ခံစားရပေလိမ့်မည်။</p> <p>ရှူး... ရှူး... ရှူး... ရှူး</p> <p>နောက်ထပ် အဝေးပစ် စွမ်းအင်တန်း အချို့ကိုလည်း ထပ်မံ ထုတ်ဖော်လိုက်ပြန်သည်။ ခဏတာအတွင်းမှာပင် သူသည် စွမ်းအင်မှတ် ၁၀၀ ကျော်ကို လွယ်လင့်တကူ စုဆောင်းနိုင်ခဲ့သည်။</p> <p>လုံယီသည် သူ၏ လက်များကို ပြန်လည် ရုပ်သိမ်းလိုက်ပြီး ဆက်လက် သတ်ဖြတ်ခြင်းကို ရပ်တန့်လိုက်သည်။ အလွန်အမင်း သတ်ဖြတ်မိပါက ထိုပိုးမွှားများ၏ ဥအုခြင်းလုပ်ငန်းစဉ်ကို ထိခိုက်စေနိုင်ပြီး နောင်တွင် စွမ်းအင်စုဆောင်းမှုကို အဟန့်အတား ဖြစ်စေနိုင်သောကြောင့်ပင်။ ဤသည်မှာ လွန်ခဲ့သော သုံးနှစ်တာအတွင်း သွေးနှင့် မျက်ရည်တို့ဖြင့် ရရှိခဲ့သော သင်ခန်းစာတစ်ခုလည်း ဖြစ်သည်။</p> <p>ယခုအခါ သူ၏ သွေးစွမ်းအင်မှာ သူကိုယ်တိုင်ပင် အံ့အားသင့်ရလောက်သော အဆင့်သို့ မြင့်မားနေပြီ ဖြစ်သည်။ ကောင်းကင်ယံထက်၌ ဝဖြိုးသော ငှက်နက်ကြီးတစ်ကောင်မှာ ထိုအချိန်တွင် မတော်တဆ ပျံသန်းလာခဲ့သည်။ ၎င်း၏ ထက်မြက်လှသော မျက်လုံးအစုံမှာ လုံယီ၏ ဝိညာဉ်လယ်ကွင်းဆီသို့ လောဘတကြီး စိုက်ကြည့်နေကြသည်။</p> <p>လုံယီသည် မဆိုင်းမတွဘဲ ကောင်းကင်ယံဆီသို့ လက်သီးတစ်ချက် ပစ်သွင်းလိုက်သည်။</p> <p>ဝုန်း</p> <p>မိုးကြိုးပစ်လိုက်သံပမာ ဟိန်းထွက်သွားတော့သည်။ ပေါင်လုံးခန့် ထူထဲလှသော နို့နှစ်ရောင် လေထုလှိုင်းတိုင်ကြီးတစ်ခုမှာ သူ၏ လက်သီးရှေ့မှောက်၌ သိသာထင်ရှားစွာ ဖြစ်ပေါ်လာခဲ့သည်။ ထိုလေလှိုင်းတိုင်မှာ ကောင်းကင်သို့ ထိုးတက်သွားသော တိုင်လုံးကြီးသဖွယ် ငှက်နက်ကြီးကို အားပြင်းစွာ ထိမှန်သွားပြီး အပိုင်းပိုင်းအစစ ဖြစ်သွားစေတော့သည်။</p> <p>“ငှက်ကလေးတစ်ကောင် ဖြစ်ပြီး ငါ့ရဲ့ ဝိညာဉ်ဆန်ကို လောဘတက်ရဲတယ်ပေါ့”</p> <p>လုံယီက မတတ်သာသည့်အလား ခေါင်းကို ခါယမ်းလိုက်မိသည်။</p> <p>ယခုအခါ သူ၏ ခွန်အားမှာ ကြောက်မက်ဖွယ်ကောင်းလှရာ လေထုကို ဖိသိပ်လိုက်ရုံမျှဖြင့် ဖြစ်ပေါ်လာသော လေလှိုင်းတိုင်မှာပင် ပြင်းထန်သော ဖျက်ဆီးအား ရှိနေပြီ ဖြစ်သည်။ ငှက်</p> <p>ငယ်တစ်ကောင်ကို သတ်ဖြတ်ရန် မဆိုထားနှင့် စက်ဝန်းပြည့်ကိုယ်ခံပညာရှင်တစ်ဦးကိုပင် အလွယ်တကူ ဒုက္ခိတဖြစ်စေနိုင် သို့မဟုတ် အသက်ဆုံးရှုံးစေနိုင်သည်အထိ ပြင်းထန်လှသည်။</p> <p>ငါ့ရဲ့ အခြေခံခွန်အားက အခုဆိုရင် ပေါင်ချိန် ၈၈,၀၀၀ ရှိနေပြီ။ မတူညီတဲ့ ကိုယ်ခံပညာရပ် နှစ်မျိုးစလုံးကို အထွတ်အထိပ်အထိ ကျင့်ကြံနိုင်ခဲ့ပြီဆိုတော့ ရှေ့ဆက်ရမယ့်လမ်းက ဝေဝါးနေတုန်းပဲ။</p> <p>ဒါပေမဲ့ ဝိညာဉ်အာရုံနဲ့ ပတ်သက်ရင်တော့ အပြောင်းအလဲတွေက ပိုပြီး လေးနက်တယ်။</p> <p>“စီ……”</p> <p>လုံယီ၏ ခေါ်ယူမှုကို ခံစားမိသည်နှင့် သူ၏ စိတ်အာရုံအတွင်းရှိ လင်းယုန်ငှက်ကြီးမှာ စိတ်</p> <p>လှုပ်ရှားစွာဖြင့် အော်ဟစ်လိုက်တော့သည်။</p> <p> </p> <p> </p> <p style="text-align: center;">***</p>


Save