Book List

<h2 style="text-align: center;">အခန်း (၁၉၆)</h2> <h2 style="text-align: center;">ပညာရပ်အားလုံးအား အဆင့်ကိုးဆင့်သို့</h2> <h2 style="text-align: center;">*</h2> <p><br />  </p> <p>သိုင်းပညာမျက်နှာပြင်မှာ ပြောင်းလဲသွားလေသည်။</p> <p>––</p> <p>အမည် - ရွှီနင်</p> <p>သိုင်းပညာ - ရေမီးနှစ်သွယ်မူလကျမ်းစာ (ဟင်းလင်းပြင်နယ်ပယ် နဝမဆင့်မြောက် - အစစ်အမှန်ပိုင်နက်နယ်ပယ်)</p> <p>ရေစီးပမာဓားသိုင်း (နဝမအဆင့်)</p> <p>ဖြာထွက်မီးလျှံဓားသိုင်း (နဝမအဆင့်)</p> <p>ဒီရေလက်သီး (နဝမအဆင့်)+</p> <p>အရိုးမီးလျှံသမထကျင့်စဉ် (အဋ္ဌမအဆင့်)+</p> <p>အသက်ဆေးကျမ်း (အဋ္ဌမအဆင့်)+</p> <p>မှင်ရောင်လဆေးကျမ်း (သတ္တမအဆင့်)+</p> <p>ရရှိနိုင်သော စွမ်းအင် - ၂၃,၀၀၀ ယူနစ်</p> <p>––</p> <p>‘ဟင်းလင်းပြင်နယ်ပယ်ရဲ့ အထွတ်အထိပ်ကို ငါ နောက်ဆုံးတော့ ရောက်သွားခဲ့ပြီပဲ’</p> <p>ယခု ရွှီနင်သည် ခန္ဓာကိုယ်ပုံသွင်းခြင်းနယ်ပယ်မှနေ၍ အစစ်အမှန်ပိုင်နက်နယ်ပယ်သို့ နောက်ဆုံးတွင် လှမ်းတက်နိုင်ခဲ့ချေပြီ။</p> <p>သူ၏ နောက်ထပ်ရည်မှန်းချက်မှာ တာအိုနယ်ပယ်ပင် ဖြစ်ပေသည်။</p> <p>ရွှစ်...</p> <p>ရွှီနင်၏ သဘာဝစွမ်းအင် အစစ်အမှန်ရည်ရွယ်ချက်သည် နောက်ထပ် အရည်အသွေးပိုင်းဆိုင်ရာ အပြောင်းအလဲတစ်ခုကို ဖြတ်သန်းသွားခဲ့ပြန်သည်။</p> <p>သူသည် မိမိ၏ သဘာဝစွမ်းအင်နယ်ပယ်ကို ဖြန့်ကျက်လိုက်ရာ အလုံပိတ်အခန်းတစ်ခုလုံးကို ဖုံးလွှမ်းသွားလေသည်။</p> <p>‘အရင်တုန်းက ငါ့ရဲ့ သဘာဝစွမ်းအင် အစစ်အမှန်ရည်ရွယ်ချက်က ပြင်ပအရာတစ်ခုနဲ့ တွယ်ကပ်ပြီးမှပဲ သဘာဝစွမ်းအင်ကို မြှင့်တင်ပေးနိုင်တာ။ အခုတော့ သူ့စွမ်းအားကို သီးခြားလွတ်လပ်စွာ ထုတ်ဖော်နိုင်နေပြီပဲ။ ငါ့ရဲ့ သဘာဝစွမ်းအင်နယ်ပယ် လွှမ်းခြုံထားတဲ့ ဘယ်နေရာမှာမဆို ငါ့ခွန်အားတွေက အများကြီး တိုးလာပြီး ရန်သူတွေကတော့ အားနည်းသွားလိမ့်မယ်’</p> <p>ရွှီနင်သည် ရေမီးနှစ်သွယ်မူလကျမ်းစာကို ကျင့်ကြံထားသဖြင့် သဘာဝစွမ်းအင် နှစ်မျိုးကို ပိုင်ဆိုင်ထားပေသည်။</p> <p>အစစ်အမှန်ပိုင်နက်နယ်ပယ်ဆိုသည်မှာ ဟင်းလင်းပြင်နယ်ပယ် သိုင်းပညာရှင်များအကြား ခွန်အားကွာဟချက် အကြီးမားဆုံးသော နယ်ပယ်တစ်ခု ဖြစ်လေသည်။</p> <p>ဤနယ်ပယ်၌ တိုက်ခိုက်ခြင်းဆိုသည်မှာ သဘာဝစွမ်းအင်များ၏ ယှဉ်ပြိုင်မှုတစ်ခုပင် ဖြစ်သည်။</p> <p>မည်သူမဆို ပို၍လွှမ်းမိုးနိုင်သော သဘာဝစွမ်းအင်နယ်ပယ်ကို ပိုင်ဆိုင်ထားပါက ပို၍သန်မာပေလိမ့်မည်။</p> <p>ရွှီနင်သည် သဘာဝစွမ်းအင်နယ်ပယ်နှစ်မျိုးမှ နှစ်ဆသောခွန်အားကို ရရှိထားရုံသာမက သူ၏သဘာဝစွမ်းအင်နယ်ပယ်သည် ပိုမိုကျယ်ဝန်းသော ဧရိယာကိုပါ ဖုံးလွှမ်းနိုင်စွမ်း ရှိနေသည်။</p> <p>အားနည်းသော အစစ်အမှန်ပိုင်နက်နယ်ပယ် သိုင်းပညာရှင်များအတွက် ၎င်းတို့၏ သဘာဝစွမ်းအင်နယ်ပယ်မှာ ဆယ်မီတာခန့်သာ ဖုံးလွှမ်းနိုင်သဖြင့် အလုံအလောက် နီးကပ်နေမှသာ နယ်ပယ်၏စွမ်းအားကို ထုတ်ဖော်နိုင်ကြပေမည်။</p> <p>သာမန် အစစ်အမှန်ပိုင်နက်နယ်ပယ် သိုင်းပညာရှင်တစ်ဦး၏ သဘာဝစွမ်းအင်နယ်ပယ်မှာ မီတာ ၃၀ ခန့် ရှိလေသည်။</p> <p>မီရှင်းယယ်ကဲ့သို့ စွမ်းအားကြီးမားသော အစစ်အမှန်ပိုင်နက်နယ်ပယ် သိုင်းပညာရှင်များအတွက်မူ ၎င်းတို့၏ သဘာဝစွမ်းအင်နယ်ပယ်သည် မီတာ ၁၀၀ အထိ ကျယ်ဝန်းနိုင်ပေသည်။</p> <p>ရွှီနင်သည် လျှို့ဝှက်နယ်မြေထဲတွင် ရှိနေပြီး သူ၏ သဘာဝစွမ်းအင်နယ်ပယ်မှာ အလုံပိတ်အခန်း၏ အစွန်းထက်ကျော်လွန်၍ မဖြန့်ကျက်နိုင်သော်လည်း၊ သူ၏ သဘာဝစွမ်းအင်နယ်ပယ်သည် အနည်းဆုံး မီတာ ၁၀၀ အထိ ဖုံးလွှမ်းနိုင်မည်ဟု ရွှီနင် တွက်ဆမိလေသည်။</p> <p>ဤအကွာအဝေးသည် ရွှီနင်၏ တိုက်ခိုက်မှုအကျယ်အဝန်းကို များစွာ တိုးတက်လာစေခဲ့ချေပြီ။</p> <p>‘နောင်တစ်ချိန် ငါ့ရဲ့ သဘာဝစွမ်းအင်နယ်ပယ်ထဲမှာ ရန်သူတွေနဲ့ ရင်ဆိုင်ရတဲ့အခါ ရေစီးပမာဓားသိုင်းနဲ့ ဖြာထွက်မီးလျှံဓားသိုင်းကို သုံးပြီး အဆုံးမဲ့ ဓားမုန်တိုင်းတွေ ရွာချပေးလို့ရပြီပဲ။ ငါ့ရဲ့ပတ်လည် မီတာတစ်ရာအတွင်းမှာ ဘယ်သူမှ ရပ်တည်နိုင်မှာမဟုတ်ဘူး။ တစ်ဝက်တစ်ပျက် တာအိုနယ်ပယ်သခင်တစ်ယောက်ဆိုရင်တောင် ငါ့နယ်ပယ်ထဲမှာ သူတို့ကိုယ်သူတို့ ကာကွယ်ဖို့ပဲ တတ်နိုင်ပြီး ငါ့ကို နာကျင်အောင် လုံးဝလုပ်နိုင်မှာမဟုတ်ဘူး။ တကယ်လို့ ငါသာ တာအိုလက်နက်တစ်ခုကို ကိုင်ဆောင်ထားပြီး ငါ့နယ်ပယ်ကို ဖုံးလွှမ်းဖို့ သုံးလိုက်မယ်ဆိုရင် နစ်ဝက်တစ်ပျက်တာအိုနယ်ပယ်သခင်တစ်ယောက်ကိုတောင် သတ်ဖြတ်နိုင်စွမ်း ရှိသွားပြီ’</p> <p>အစစ်အမှန်စိတ်ဆန္ဒနယ်ပယ်မှ အစစ်အမှန်ပိုင်နက်နယ်ပယ်သို့ တစ်ဆင့်သာ တိုးတက်လာခဲ့သော်လည်း ဤတိုးတက်မှုသည် ဂုဏ်သတ္တိနယ်ပယ်မှ တံဆိပ်တော်နယ်ပယ်သို့ ရောက်ရှိခြင်းထက်ပင် ပို၍ ကြီးမားနေခဲ့ပေသည်။</p> <p>ရွှီနင်၏အမြင်တွင် အစစ်အမှန်ပိုင်နက်နယ်ပယ်သည် ဟင်းလင်းပြင်နယ်ပယ်၏ အစစ်အမှန် သီးခြားမှတ်တိုင်တစ်ခုပင် ဖြစ်လေသည်။</p> <p>‘အခု အစစ်အမှန်ပိုင်နက်နယ်ပယ်ကို ရောက်သွားပြီဆိုတော့ ငါ့မှာ စွမ်းအင် ၂၃,၀၀၀ ယူနစ် ကျန်နေသေးတယ်။ ဒါက ကျန်နေသေးတဲ့ လျှို့ဝှက်ကျင့်စဉ်တွေနဲ့ ဆေးဖော်စပ်ခြင်းကျင့်စဉ်တွေကို ကိုးဆင့်အထိ မြှင့်တင်ဖို့ လုံလောက်တယ်’</p> <p>ဤသို့တွေးမိပြီးနောက် ရွှီနင်သည် သိုင်းပညာမျက်နှာပြင်ကို ထိန်းချုပ်လိုက်ပြီး အရိုးမီးလျှံသမထကျင့်စဉ်၊ ဒီရေလက်သီး၊ အသက်ဆေးကျမ်းနှင့် မှင်ရောင်လဆေးကျမ်းတို့ကို နဝမအဆင့်သို့ မြှင့်တင်လိုက်လေသည်။</p> <p>ရှစ်ဆင့်မှ ကိုးဆင့်သို့ တက်လှမ်းရန် စွမ်းအင် ၄,၀၀၀ ယူနစ် ကုန်ကျပြီး ခုနစ်ဆင့်မှ ရှစ်ဆင့်သို့ တက်လှမ်းရန် စွမ်းအင် ၃,၂၀၀ ယူနစ် လိုအပ်ပေရာ ဤတစ်ကြိမ် စွမ်းအင်မြှင့်တင်မှု၏ စုစုပေါင်း ကုန်ကျစရိတ်မှာ စွမ်းအင် ၁၉,၂၀၀ ယူနစ် ဖြစ်လေသည်။</p> <p>အားလုံးကို အဆင့်မြှင့်တင်ပြီးနောက် သူ့တွင် စွမ်းအင် ၃,၈၀၀ ယူနစ် ကျန်ရှိနေသေးသည်။</p> <p>‘တာအိုနယ်ပယ်သခင် တစ်ယောက်မဟုတ်ရင် အခုချိန်မှာ ငါ့ကို ဘယ်သူမှ သတ်နိုင်မှာမဟုတ်ဘူး’</p> <p>ရွှီနင်၏ ခွန်အားသည် ဟင်းလင်းပြင်နယ်ပယ်၏ အထွတ်အထိပ်သို့ ရောက်ရှိသွားခဲ့ချေပြီ။</p> <p>‘အခု တတိယအဆင့်ကို အောင်မြင်သွားပြီဆိုတော့ နောက်ထပ် ဘယ်လိုစစ်ဆေးမှုမျိုး လာဦးမလဲ မသိဘူး’</p> <p>ခွန်အားများ တစ်ဖန်တိုးတက်လာပြီးနောက် ရွှီနင်သည် စိတ်ထဲမှ တွေးတောလိုက်မိသည်။</p> <p>တတိယအကြိမ် စစ်ဆေးမှုအပြီးတွင် မည်သည့်အရာများ ရှိနေမည်ကို ရွှီနင် လုံးဝမသိရှိထားပေ။</p> <p>ဖုန်းချန်ကောထံမှ သူရရှိထားသော အချက်အလက်များမှာ ယခုအခါ ကုန်ဆုံးသွားပြီ ဖြစ်သည်။</p> <p>‘ဒါပေမဲ့ နောက်စစ်ဆေးမှုက ဘာလဲဆိုတာ ငါမသိရင်တောင် ဒီလျှို့ဝှက်နယ်မြေရဲ့ အဓိကအမွေအနှစ်က မိစ္ဆာကျင့်စဉ်တစ်ခု ဒါမှမဟုတ် ဆေးဖော်စပ်ခြင်းပညာရပ် တစ်ခုခုပဲ ဖြစ်ရမယ်’</p> <p>ရွှီနင်၏ လက်ရှိအခြေအနေအရ သူသည် ဆေးဖော်စပ်ခြင်းပညာရပ်များကိုသာ အလိုရှိနေသည်မှာ သဘာဝပင်။</p> <p>သူ့ထံတွင် မှင်ရောင်လဆေးကျမ်း ရှိနေသော်လည်း ၎င်းမှာ ဟင်းလင်းပြင်နယ်ပယ် ဆေးပညာရှင်တစ်ဦး၏ ဆေးဖော်စပ်ခြင်းပညာရပ်သာ ဖြစ်လေသည်။</p> <p>ရွှီနင်သည် တာအိုနယ်ပယ် ဆေးပညာရှင်တစ်ဦး၏ ပြီးပြည့်စုံသော အမွေအနှစ်ကို မရရှိသေးပေ။</p> <p>‘အခု အစစ်အမှန်ပိုင်နက်နယ်ပယ်ကို ရောက်လာပြီဆိုတော့ ဆရာ ပေးထားတဲ့ တာအိုနယ်ပယ် တက်လှမ်းခြင်းကျင့်စဉ်ကို ငါ လေ့လာကြည့်လို့ရလောက်ပြီ’</p> <p>အချိန်အတော်ကြာ စောင့်ဆိုင်းပြီးနောက်တွင်လည်း နောက်ထပ်စစ်ဆေးမှုသို့ ဝင်ရောက်ရန် ညွှန်ကြားချက်ကို မတွေ့ရသဖြင့် ရွှီနင်သည် မီရှင်းယယ် ပေးထားသော မှတ်ဉာဏ်ပုံဆောင်ခဲကို ထုတ်ယူလိုက်လေသည်။</p> <p>‘တာအိုနယ်ပယ်ကျင့်စဉ်ဆိုတာ ဘယ်လိုပုံစံမျိုးပါလိမ့်’</p> <p>ရွှီနင်သည် မျှော်လင့်ချက်များ ပြည့်နှက်နေသည်။</p> <p>သာမန်နယ်ပယ်ကျင့်စဉ်များနှင့် ဟင်းလင်းပြင်နယ်ပယ် လျှို့ဝှက်ကျမ်းစာများကို ဖြတ်သန်းခဲ့ပြီးနောက် သူသည် တာအိုနယ်ပယ်၏ လျှို့ဝှက်ချက်များကို ဖော်ထုတ်တော့မည် ဖြစ်သည်။</p> <p>ဝှစ်...</p> <p>ရွှီနင်သည် မှတ်ဉာဏ်ပုံဆောင်ခဲထဲသို့ ချီစွမ်းအင်အစစ်အမှန် အနည်းငယ်ကို ထည့်သွင်းလိုက်လေသည်။</p> <p>ချက်ချင်းပင် မှတ်ဉာဏ်ပုံဆောင်ခဲသည် လင်းလက်သွားပြီး အတွင်း၌ မှတ်တမ်းတင်ထားသော အချက်အလက်များအားလုံး ရွှီနင်၏ စိတ်ထဲသို့ စီးဝင်လာတော့သည်။</p> <p>‘ဒီလိုကိုး... ဒါက တာအိုနယ်ပယ်ကျင့်စဉ်ပဲ’</p> <p>အတန်ကြာပြီးနောက် ရွှီနင်သည် မှတ်ဉာဏ်ပုံဆောင်ခဲထဲရှိ တာအိုနယ်ပယ်ကျင့်စဉ်ကို နားလည်သဘောပေါက်သွားလေသည်။</p> <p>မှတ်တမ်းတင်ထားသော တာအိုနယ်ပယ်ကျင့်စဉ်မှာ ရွှီနင် စိတ်ကူးထားသည်ထက် အထင်ကြီးစရာ မကောင်းပေ။</p> <p>သူ့လက်ထဲရှိ တာအိုနယ်ပယ်ကျင့်စဉ်သည် ပြီးပြည့်စုံသော တာအိုနယ်ပယ် တက်လှမ်းခြင်းစနစ်တစ်ခု ဖြစ်မည်ဟု ရွှီနင် ထင်မှတ်ထားခဲ့သည်။ သာမန်လူသားနယ်ပယ် အတွင်းအားကျင့်စဉ်နှင့် ဟင်းလင်းပြင်နယ်ပယ် လျှို့ဝှက်ကျမ်းစာများနည်းတူ ၎င်းတွင် ပထမအဆင့်မှ ကိုးအဆင့်အထိ နယ်ပယ်အားလုံး ပါဝင်မည်ဟု ထင်ခဲ့ခြင်း ဖြစ်သည်။</p> <p>သို့သော် အမှန်တရားမှာ ရွှီနင် တွေးထားသကဲ့သို့ မဟုတ်ခဲ့ပေ။ ဤတာအိုနယ်ပယ်ကျင့်စဉ်သည် တာအိုနယ်ပယ်သို့ ဖောက်ထွက်ရန် နည်းလမ်းတစ်ခုမျှသာ ဖြစ်နေသည်။</p> <p>ဟင်းလင်းပြင်နယ်ပယ်၏ အချုပ်အနှောင်များကို ချိုးဖျက်ပြီး တာအိုနယ်ပယ်သို့ တက်လှမ်းပြီးနောက်တွင် အဆက်မရှိတော့ချေ။</p> <p>‘ဒါက...’</p> <p>ရွှီနင် အနည်းငယ် ဇဝေဇဝါ ဖြစ်သွားရသည်။</p> <p>‘ဆရာ ပေးထားတဲ့ တာအိုနယ်ပယ်ကျင့်စဉ်က တစ်ခုခုများ လိုအပ်နေတာလား။ ဒါမှမဟုတ် တာအိုနယ်ပယ်က ဟင်းလင်းပြင်နယ်ပယ်၊ သာမန်နယ်ပယ်တို့နဲ့ ကွာခြားနေတာလား’</p> <p>ရွှီနင် အဖြေမရှာနိုင်ခဲ့ပေ။</p> <p>သို့သော် ပြီးပြည့်စုံသော တာအိုနယ်ပယ် တက်လှမ်းခြင်းစနစ်ကို မရရှိခဲ့သော်လည်း တာအိုနယ်ပယ်သို့ မည်သို့ဖောက်ထွက်ရမည်ကို သိရှိရခြင်းကပင် လုံလောက်နေပြီ ဖြစ်သည်။</p> <p>‘ငါသာ တာအိုနယ်ပယ်ကို ဖောက်ထွက်ချင်တယ်ဆိုရင် ပထမဆုံး လုပ်ရမှာက ငါ့ခန္ဓာကိုယ်ထဲက ချီစီးကြောင်းတွေကို သဘာဝစွမ်းအင်မျိုးစေ့တွေအဖြစ် ပြောင်းလဲပစ်ဖို့ပဲ...’</p> <p>‘ငါ့ခန္ဓာကိုယ်ထဲမှာ သဘာဝစွမ်းအင်မျိုးစေ့တစ်ခု ဖန်တီးပြီးသွားရင် တာအိုနယ်ပယ်ကို တက်လှမ်းဖို့ အဆင်သင့်ဖြစ်နေပြီ။ ဒီအဆင့်မှာဆိုရင် ငါ့ကို တစ်ဝက်တစ်ပျက်တာအိုနယ်ပယ်သခင်လို့ ခေါ်ကြလိမ့်မယ်’</p> <p>ရွှီနင် စိတ်ထဲမှ တွေးလိုက်မိသည်။</p> <p>ရွှီနင်၏ ခန္ဓာကိုယ်ထဲတွင် ချီစီးကြောင်း လေးမျိုး ရှိနေပြီး ၎င်းတို့အားလုံးကို ဟင်းလင်းပြင်နယ်ပယ် လျှို့ဝှက်နည်းစနစ်များက ထောက်ပံ့ပေးထားခြင်း ဖြစ်သည်။</p> <p>ဟင်းလင်းပြင်နယ်ပယ်သို့ ဝင်ရောက်ပြီး မကြာမီမှာပင် ဟင်းလင်းပြင်နယ်ပယ် လျှို့ဝှက်နည်းစနစ်များနှင့် ဟင်းလင်းပြင်နယ်ပယ် လျှို့ဝှက်ကျမ်းစာများသည် တစ်ခုနှင့်တစ်ခု အပြန်အလှန် အထောက်အကူပြုကြောင်း ကောလာဟလတစ်ခု ရှိခဲ့ဖူးသည်။</p> <p>ယခု ပြန်ကြည့်လိုက်သောအခါ မိမိ၏ ဟင်းလင်းပြင်နယ်ပယ် လျှို့ဝှက်နည်းစနစ် အဆင့်က မမြင့်မားပါက တာအိုနယ်ပယ်သို့ ဖောက်ထွက်နိုင်မည် မဟုတ်ကြောင်း သိလိုက်ရသည်။</p> <p>‘သဘာဝစွမ်းအင်မျိုးစေ့ ပုံပေါ်လာတာနဲ့အမျှ သဘာဝစွမ်းအင်မျိုးစေ့က ဆက်လက်ဆင့်ကဲပြောင်းလဲသွားပြီး တာအိုနယ်ပယ်ကို ရောက်ရှိသွားစေလိမ့်မယ်’</p> <p>‘တာအိုနယ်ပယ်ကျင့်စဉ်အရ သဘာဝစွမ်းအင်မျိုးစေ့တွေကို များများစုစည်းနိုင်လေ တာအိုနယ်ပယ်ကို တက်လှမ်းပြီးတဲ့အခါ ကိုယ့်ရဲ့ အခြေခံအုတ်မြစ်က ပိုခိုင်မာလေပဲ။ ဒါပေမဲ့ တူညီတဲ့ သဘာဝစွမ်းအင်တစ်ခုအတွက် အများဆုံး သဘာဝစွမ်းအင်မျိုးစေ့က သုံးခုပဲ ရှိနိုင်တယ်။ ငါ့မှာ ရေနဲ့ မီး သဘာဝစွမ်းအင် နှစ်မျိုးရှိလို့ အများဆုံး သဘာဝစွမ်းအင်မျိုးစေ့ ခြောက်ခုအထိ စုစည်းနိုင်တယ်’</p> <p>ဤနေရာတွင် ရွှီနင်သည် သဘာဝစွမ်းအင် ၂မျိုး ပါဝင်သည့် ဟင်းလင်းပြင်နယ်ပယ် လျှို့ဝှက်ကျမ်းစာကို ရွေးချယ်ခဲ့မိသည့်အတွက် ဝမ်းသာနေမိသည်။ နောက်ဆုံးတွင် ၎င်းသည် ပညာရှိသော ရွေးချယ်မှုတစ်ခု ဖြစ်ပုံရလေသည်။</p> <p>‘တက်လှမ်းဖို့အတွက် သဘာဝစွမ်းအင်မျိုးစေ့ ခြောက်ခု စုစည်းနိုင်ဖို့ ငါက ထိုးဖောက်ခြင်း၊ ဖြတ်တောက်ခြင်း၊ ဖျက်ဆီးခြင်းနဲ့ တိုက်စားခြင်းတို့နဲ့ မတူညီတဲ့ ဝိသေသလက္ခဏာတွေရှိတဲ့ မီးနဲ့ ရေ သဘာဝစွမ်းအင် လျှို့ဝှက်နည်းစနစ်တွေကို ပိုပြီး လေ့ကျင့်ရမယ်။ ဒါမှသာ သဘာဝစွမ်းအင် တစ်ခုစီအတွက် သဘာဝစွမ်းအင်မျိုးစေ့ သုံးခုစီကို စုစည်းနိုင်မှာ’</p> <p>ဤအရာကို ပြီးမြောက်ရန် မခက်ခဲလှကြောင်း ရွှီနင် ခံစားမိလိုက်သည်။</p> <p>ဟင်းလင်းပြင်နယ်ပယ်၌ အချိန်အတော်ကြာ ရှိနေခဲ့ပြီးနောက် ရွှီနင်သည် အရင်းအမြစ်များစွာကို စုဆောင်းနိုင်ခဲ့သည်။ သူ့သိုလှောင်မှုများထဲတွင် အခြားရေနှင့် မီးအခြေခံ လျှို့ဝှက်နည်းစနစ်များကို လွယ်ကူစွာ ရှာဖွေနိုင်ပေသည်။</p> <p>၎င်းတို့ကို ကိုးအဆင့်အထိ လေ့ကျင့်ရန်အတွက် စွမ်းအင်အချို့ သုံးစွဲရန်သာ လိုအပ်တော့သည်။</p> <p>‘တာအိုနယ်ပယ်ကျင့်စဉ်ကို သိုင်းပညာမျက်နှာပြင်မှာ အရင်ဆုံး ထွင်းထုလို့ရမလား ကြည့်ရအောင်...’</p> <p>ထိုသို့တွေးပြီးနောက် ရွှီနင်သည် တာအိုနယ်ပယ်ကျင့်စဉ်ကို ဆက်လက်လေ့လာရန် ဆုံးဖြတ်လိုက်လေသည်။</p> <p>သို့သော် ဤအခိုက်အတန့်မှာပင် အလုံပိတ်အခန်းထဲရှိ ဟင်းလင်းပြင်သည် တစ်ဖန်လိမ်ယှက်သွားပြီး ဟင်းလင်းပြင်လေဝဲတစ်ခု ပေါ်လာလေသည်။</p> <p>၎င်းကို မြင်လိုက်ရသောအခါ ရွှီနင် ရပ်တန့်လိုက်သည်။</p> <p>‘နောက်ထပ် စစ်ဆေးမှု စတင်တော့မှာလား...’</p> <p>ရွှီနင်သည် မှတ်ဉာဏ်ပုံဆောင်ခဲကို ပြန်သိမ်းလိုက်သည်။</p> <p>လျှို့ဝှက်နယ်မြေ စစ်ဆေးမှုက ပို၍ အရေးကြီးနေသည်မှာ ထင်ရှားလှသည်။</p> <p>ရွှီနင်သည် သပ်သပ်ရပ်ရပ် ပြင်ဆင်လိုက်ပြီး သူ၏ အခြေအနေကို ညှိယူကာ ဟင်းလင်းပြင်လေဝဲထဲသို့ ခြေလှမ်းဝင်ရောက်သွားလေတော့သည်။</p> <p>…</p> <p>တစ်ချိန်တည်းမှာပင်…</p> <p>လျှို့ဝှက်နယ်မြေအတွင်း၌၊ ဟင်းလင်းပြင်လှေကားတစ်ခု၏ အောက်တွင်…</p> <p>အောက်ခြေတွင် ပုံရိပ်သုံးခု ရပ်နေကြသည်။</p> <p>၎င်းတို့မှာ ရွှီနင်မတိုင်မီ လျှို့ဝှက်နယ်မြေထဲသို့ ဝင်ရောက်ခဲ့သူများပင် ဖြစ်လေသည်။</p> <p>၎င်းတို့မှာ ကျောတွင် တာအိုပုဆိန်ကြီးကို လွယ်ထားသည့် မုတ်ဆိတ်မွေးများနှင့် လူထွားကြီး၊ ညှို့ဓာတ်ပြင်းသော မျက်လုံးများနှင့် သွယ်လျသော အမျိုးသမီး၊ နှင့် လျှို့ဝှက်နယ်မြေကို ပထမဆုံး ရှာဖွေတွေ့ရှိခဲ့သော အစိမ်းရောင်ဝတ်ရုံနှင့် လူတို့ ဖြစ်ကြသည်။</p> <p>“ဘာဖြစ်တာလဲ... အချိန်အတော်ကြာတဲ့အထိ ငါတို့သုံးယောက်ပဲ ဒီမှာရှိနေတာလား”</p> <p>ညှို့ဓာတ်ပြင်းသော မျက်လုံးများနှင့် အမျိုးသမီး ကျန်လီက မျက်မှောင်ကြုတ်ကာ မကျေမနပ်အသံဖြင့် ပြောလိုက်သည်။</p> <p>“သူတို့အားလုံး ထုတ်ပယ်ခံလိုက်ရတာလား”</p> <p>အစိမ်းရောင်ဝတ်ရုံနှင့် လူ ချူယဲ့ယန်က သံသယဝင်စွာဖြင့် ပြောလိုက်သည်။ “အဲဒီလိုတော့ မဖြစ်နိုင်ပါဘူး။ ငါတို့အားလုံးမှာ အမှတ်အသားတံဆိပ်ပြားတွေ ရှိထားတာပဲ၊ အဲဒီတော့ စိတ်ပိုင်းဆိုင်ရာ စစ်ဆေးမှုကို အောင်မြင်ဖို့ပဲ လိုတာလေ။ အဲဒါတောင်မှ သူတို့က စစ်ဆေးမှုကို မအောင်မြင်နိုင်ကြဘူးလား”</p> <p>“ဒီကောင်တွေ တကယ် အသုံးမကျတာပဲ”</p> <p>ပုဆိန်ကြီးနှင့် လူထွားကြီး ဖန်လိရှင်က နှာခေါင်းရှုံ့လိုက်သည်။ “ဒါပေမဲ့လည်း ကိစ္စမရှိပါဘူး။ ငါက လူအရေအတွက် ပြည့်အောင်လို့သာ သူတို့ကို ခေါ်လာခဲ့တာ။ ငါတို့အားလုံးက ပင်လယ်နီမိစ္ဆာသခင်ရဲ့ မျိုးဆက်တွေ ဖြစ်နေရက်နဲ့ သူတို့က ဒီလောက်တောင် အားနည်းနေလိမ့်မယ်လို့ ထင်မထားခဲ့မိဘူး”</p> <p>“အမှန်ပဲ”</p> <p>ကျန်လီက ထောက်ခံလိုက်သည်။ “သူတို့ စိတ်ပိုင်းဆိုင်ရာ စစ်ဆေးမှုကို မအောင်မြင်နိုင်ဘူးဆိုတာက သူတို့ အားနည်းတယ်ဆိုတာို ပြနေတာပဲ။ ဒီလိုလူတွေက ပင်လယ်နီမိစ္ဆာသခင်ရဲ့ အမြင့်ဆုံး အမွေအနှစ်နဲ့ တကယ်ပဲ မထိုက်တန်ဘူး”</p> <p>ဖန်လိရှင်၊ ကျန်လီနှင့် ချူယဲ့ယန်တို့ မိသားစု၏ ဘိုးဘေးများသည် မြောက်ပိုင်းချောက်နက်၏ ပြည်နယ်ဆယ့်ခုနစ်ခုတွင် ပင်လယ်နီမိစ္ဆာသခင် လက်ခံထားခဲ့သော အစေခံများ ဖြစ်ကြသည်။ သူတို့သည် အမည်ခံတပည့်များပင် မဟုတ်ကြပေ။</p> <p>ပင်လယ်နီမိစ္ဆာသခင် ဤနေရာသို့ ခရီးလှည့်လည်လာစဉ်က သူ့အား ပြုစုစောင့်ရှောက်ရန် အစေခံများ မရှိသဖြင့် သာမန်လူသားနယ်ပယ် သိုင်းပညာရှင်အချို့ကို ရွေးချယ်ကာ မိစ္ဆာဆေးလုံးများ တိုက်ကျွေးခဲ့သည်။ သူသည် ၎င်းတို့၏ မိစ္ဆာကျင့်စဉ်များကို လမ်းညွှန်ပြသပေးခဲ့ရာ အားလုံးကို တာအိုနယ်ပယ်သို့ တက်လှမ်းနိုင်စေခဲ့သည်။</p> <p>ထို့နောက် ခရီးစဉ်တစ်လျှောက်တွင် ပင်လယ်နီမိစ္ဆာသခင်သည် ပါရမီရှင် မျိုးဆက်သစ်အချို့ကို ရှာဖွေတွေ့ရှိခဲ့ပြီး အမည်ခံတပည့်များအဖြစ် လက်ခံခဲ့သည်။ ဝမ်ရှန့်ပြည်နယ်သို့ ပြန်သွားသောအခါ ၎င်းတို့ကိုပါ ခေါ်ဆောင်သွားခဲ့လေသည်။</p> <p>သို့သော် ဝမ်ရှန့်ပြည်နယ်သို့ ပြန်သွားချိန်တွင် ပင်လယ်နီမိစ္ဆာသခင်သည် ဤအစေခံများကို သူနှင့်အတူ ခေါ်ဆောင်မသွားခဲ့ပေ။ ယင်းအစား သူတို့ကို ချောက်နက်ကြီး၏မြောက်ပိုင်း ပြည်နယ်ဆယ့်ခုနစ်ခုတွင် ဆက်လက်နေထိုင်ခိုင်းခဲ့သည်။ သူ့အတွက် အရည်အချင်းပြည့်မီသော တပည့်များကို ရှာဖွေရန် နောက်ထပ် နှစ်တစ်ရာကြာ ဤနေရာတွင် နေထိုင်စေလိုခဲ့ပြီး ထိုအချိန်ကျမှသာ ၎င်းတို့အားလုံးကို ဝမ်ရှန့်ပြည်နယ်သို့ ပြန်လည်ခေါ်ဆောင်သွားမည် ဖြစ်သည်။</p> <p>သူ၏ ခရီးစဉ်အတွင်း ပင်လယ်နီမိစ္ဆာသခင်သည် လျှို့ဝှက်နယ်မြေတစ်ခုကိုပင် ချန်ထားရစ်ခဲ့လေသည်။</p> <p>သူသည် ထိုအစေခံများကို တစ်စုံတစ်ယောက်က လျှို့ဝှက်နယ်မြေအတွင်း ဝင်ရောက်ကာ အမွေအနှစ်ရယူနိုင်ခဲ့ပါက နှစ်တစ်ရာစောင့်ဆိုင်းရန် မလိုအပ်တော့ဘဲ အမွေဆက်ခံသူကို ပြန်လည်ခေါ်ဆောင်လာနိုင်ကြောင်း မှာကြားခဲ့လေသည်။</p> <p>သတ်မှတ်ချိန်အတွင်း အမွေအနှစ်ရရှိသူ မရှိခဲ့ပါက ဤလျှို့ဝှက်နယ်မြေသို့ ဝင်ရောက်မည့်နည်းလမ်းကို ဖြန့်ဝေနိုင်ပြီး နည်းလမ်းရရှိသူများကို ဤလျှို့ဝှက်နယ်မြေသို့ ဝင်ရောက်ခွင့်ပြုနိုင်ပေသည်။</p> <p>နောက်ဆုံးတွင် လွန်ခဲ့သော နှစ်တစ်ရာအတွင်း လျှို့ဝှက်နယ်မြေသို့ ဝင်ရောက်ခြင်း သို့မဟုတ် အမွေအနှစ်ရရှိခြင်း တစ်စုံတစ်ရာ မရှိခဲ့ပေ။</p> <p>ထို့ကြောင့် အစေခံများသည် လျှို့ဝှက်နယ်မြေ၏ တည်နေရာကို အာရုံခံနိုင်စွမ်းရှိသော အနက်ရောင်ကျောက်တုံးများမှတစ်ဆင့် လျှို့ဝှက်နယ်မြေ၏ တည်နေရာကို ဖြန့်ဝေခဲ့ကြသည်။</p> <p>သို့သော် ၎င်းတို့အားလုံးတွင် ကိုယ်ပိုင်အတ္တဆန်သော ရည်ရွယ်ချက်များ ရှိနေကြပြီး တစ်ချိန်တည်းမှာပင် ပင်လယ်နီမိစ္ဆာသခင်၏ အမိန့်ကို မဖီဆန်ရဲကြသဖြင့် ၎င်းတို့သည် အနက်ရောင်ကျောက်တုံးများကို မည်သို့ရယူရမည်ဟူသော အချက်အလက်များနှင့် အရေးကြီးသော အမှတ်အသားတံဆိပ်ပြားများကိုပင် ၎င်းတို့၏ မျိုးဆက်များထံ ချန်ထားရစ်ခဲ့ကြလေသည်။</p> <p>ဖန်လိရှင်၊ ကျန်လီ၊ ချူယဲ့ယန်နှင့် အခြားသူများသည် ထိုအစေခံများ၏ မျိုးဆက်များပင် ဖြစ်ကြလေသည်။</p> <p> </p> <p> </p> <p style="text-align: center;">***</p>


Save