Book List

<h2 style="text-align: center;">အခန်း။ ၃၆၀</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ရှန်းယွီသည် ဝိညာဉ်ပြန်လည်စတင်ခြင်းဖြစ်ပေါ်လာသည်နှင့်တစ်ပြိုင်နက် သူ့ကိုယ်သူ ကောင်းကင်ယံထက်တွင် လွင့်မျောနေသည်ကို တွေ့ရှိလိုက်ရသည်။</p> <p>ဤနေရာမှာ တစ်နေရာရာတွင် ရင်းနှီးကျွမ်းဝင်နေသကဲ့သို့ ခံစားရ၏။</p> <p>သူသည် ပတ်ဝန်းကျင်ကို ဝေ့ဝဲကြည့်ရှုလိုက်ရာ မြင့်မားသော အရပ်တွင် ရှိနေသော်လည်း ပိုမိုထက်မြက်လာသော သူ၏အမြင်အာရုံကြောင့် အောက်ခြေရှိ အရာခပ်သိမ်းကို ရှင်းလင်းစွာ မြင်တွေ့နေရသည်။</p> <p>"မိုးမျှော်တိုက်တွေလား"</p> <p>သူ အံ့ဩစွာ ရေရွတ်လိုက်မိသည်။</p> <p>ကျင့်ကြံခြင်းကမ္ဘာတွင်လည်း ခေတ်သစ်ကမ္ဘာရှိ အမြင့်ဆုံးအဆောက်အအုံများထက်ပင် ပိုမိုမြင့်မားသော အဆောက်အအုံများ ရှိသော်လည်း ဤနေရာရှိ မိုးမျှော်တိုက်များမှာမူ ပုံစံချင်း မတူညီချေ။ ၎င်းတို့မှာ ခေတ်သစ်ကမ္ဘာတွင် မြင်တွေ့ခဲ့ရသော ပုံစံများနှင့် တထပ်တည်း ကျနေတော့သည်။</p> <p>ငါ ငါ့ရဲ့ မူလကမ္ဘာကို ပြန်ရောက်သွားတာလား။ မဟုတ်သေးဘူး... ဒါက မဖြစ်နိုင်ပါဘူး။ ဒါဆို ဒါဟာ ကံကံ၏အကျိုးနိယာမပဲလား။ ဧကရီ ပြောခဲ့ဖူးသလို မသေမျိုးအဆင့် ဆန်းစစ်သူဖြစ်လာတဲ့အခါမှာ မြင်တွေ့ရမယ့် အခွင့်အရေးမျိုးလား။ ငါ အခု မြင်နေရတာက အဲဒီနိယာမရဲ့ အရိပ်အယောင်တွေပဲ ဖြစ်ရမယ်။</p> <p>အကယ်၍ ငါ့ရဲ့ ခန့်မှန်းချက်သာ မှန်ခဲ့မယ်ဆိုရင်... ငါ့ရဲ့ အတိတ်ကိုပဲ ပြန်ကြည့်နေတာက ဒီလို အဖိုးတန်တဲ့ အခွင့်အရေးကြီးကို ဖြုန်းတီးပစ်ရာ ရောက်လိမ့်မယ်။ အတိတ်က အဖြစ်အပျက်တွေက ပြောင်းလဲလို့မှ မရတာ။ အဲဒီအစား ငါ့ရဲ့ ရှေ့မှာ ဘာတွေ ဖြစ်လာမလဲဆိုတဲ့ အနာဂတ်ကိုပဲ မြင်အောင် ကြည့်ကြည့်ရအောင်။</p> <p>အချိန်အတော်ကြာ အာရုံစူးစိုက်ပြီးနောက်တွင် မြင်ကွင်းများ ပြောင်းလဲသွားသည်ကို သူ ခံစားလိုက်ရသည်။</p> <p>သူသည် မျက်လုံးများကို ဖြည်းညင်းစွာ ဖွင့်လိုက်၏။</p> <p>"ဒါက ဘယ်နေရာလဲ"</p> <p>သူ သိချင်စိတ်ဖြင့် ရေရွတ်လိုက်မိသည်။</p> <p>ထိုနေရာမှာ အလွန်ပင် မှောင်မည်းလွန်းလှသဖြင့် ထူးကဲသော သူ၏အာရုံခံစားမှုများဖြင့်ပင် ရှင်းလင်းပြတ်သားစွာ မမြင်တွေ့နိုင်တော့ချေ။</p> <p>သူသည် မှောင်မည်းနေသော လမ်းကြောင်းများတစ်လျှောက် လျှောက်လှမ်းလာခဲ့ရာ အပေါက်ငယ်လေးတစ်ခုမှ အလင်းရောင်ဖျော့ဖျော့ ကျရောက်နေသည့် အခန်းတစ်ခုအတွင်းသို့ ရောက်ရှိသွားသည်။ အခန်း၏အလယ်တွင် နံရံ၌ ရေခဲသံကြိုးများဖြင့် ချည်နှောင်ခြင်းခံထားရသော အမျိုးသားတစ်ဦးကို တွေ့လိုက်ရ၏။ ထိုသူမှာ အတွင်းခံဘောင်းဘီတိုမှလွဲ၍ အဝတ်အစားမပါဘဲ ဗလာကျင်းနေသည်။</p> <p>သူ အနားသို့ တိုးကပ်ကြည့်လိုက်သည့်အခါ ထိုသူကို မှတ်မိသွားတော့သည်။</p> <p>အင်... ဒါ ငါပါလား။</p> <p>တစ်ချိန်တည်းမှာပင် သံကြိုးခတ်ခံထားရသော သူ၏ဘေးတွင် တစ်စုံတစ်ယောက် ပေါ်လာသည်။ ထိုသူမှာ သူကောင်းစွာသိသောသူပင်။</p> <p>"ဂျူနီယာညီမလေးလား"</p> <p>သူ အံ့ဩတကြီး ရေရွတ်လိုက်မိသည်။</p> <p>"စီနီယာအစ်ကိုကြီး... ကျွန်မ ပြန်လာပြီ။ ခဏလေးပဲ ခွဲသွားရတာဆိုပေမဲ့ အစ်ကိုကြီးကို သိပ်လွမ်းနေတာ။ အစ်ကိုကြီးလည်း ကျွန်မကို လွမ်းနေတယ် မဟုတ်လားဟင်"</p> <p>သူမက ပြောလိုက်သည်။</p> <p>တောက်။ ငါတော့ တကယ်ကို မကောက်းဆိုးဝါးဆန်ဆန် မြေအောက်ခန်းထဲမှာ ပိတ်လှောင်ခံရတဲ့ အဆုံးသတ်မျိုးကို ကြုံနေရတာလား။</p> <p>ရှန်းယွီ တွေးနေမိသည်။</p> <p>သူ ဤသို့ တွေးနေစဉ်မှာပင် လီယောင်းသည် ရုတ်တရက် နောက်သို့လှည့်ကာ သူရှိနေသော နေရာကို တည့်တည့်ကြည့်လိုက်သည်။ ရှန်းယွီမှာ တုန်ခနဲ ဖြစ်သွားပြီး သူမ သူ့ကို မြင်နေရသလားဟု တွေးတောကာ ငြိမ်သက်သွားမိသည်။</p> <p>"စီနီယာအစ်ကိုကြီး... တစ်ယောက်ယောက်က ကျွန်မတို့ကို ချောင်းကြည့်နေသလိုပဲ။ ကျွန်မ တကယ် ကြောက်တယ်"</p> <p>ထိုသို့ပြေဋကာ သူမသည် သံကြိုးခတ်ခံထားရသော ရှန်းယွီကို တင်းတင်းကြပ်ကြပ် ဖက်ထားလိုက်သည်။</p> <p>ရုတ်တရက် သံကြိုးခတ်ခံထားရသော ရှန်းယွီက မျက်လုံးများကို ဖွင့်လိုက်သည်။ ရှန်းယွီ၏ မျက်လုံးများနှင့် ထိုသူ၏ မျက်လုံးများ ဆုံမိသွားသည့် ခဏမှာပင် မြင်ကွင်းတစ်ခုလုံးမှာ မှန်ကွဲသကဲ့သို့ အစိတ်စိတ်အမြွှာမြွှာ ကွဲအက်သွားပြီး သူသည် လက်ရှိကမ္ဘာတွင် မျက်လုံးများ ပွင့်လာတော့သည်။</p> <p>လက်တွေ့ကမ္ဘာသို့ ပြန်ရောက်လာပြီးနောက် ရှန်းယွီသည် သူမြင်တွေ့ခဲ့ရသည်များကို အချိန်အတော်ကြာ အလေးအနက် စဉ်းစားနေမိသည်။</p> <p>ထိုအရာသည် သူ၏အနာဂတ် အစစ်အမှန်ဖြစ်နေမလားဆိုသည်ကို သူ မဝေခွဲနိုင်သေးချေ။ လီယောင်းမှာ ထိုကဲ့သို့သော လူစားမျိုးဖြစ်မည်ဟု သူ မထင်သော်လည်း တစ်ခုခုတော့ မှားယွင်းနေသည်ဟု သူ ခံစားနေရသည်။</p> <p>"အဲဒီ ရေခဲသံကြိုးတွေ..."</p> <p>သူ ပြန်လည်အမှတ်ရလိုက်သည်။</p> <p>လီယောင်းသည် ကံကြမ္မာနိယာမကို ဆင်ခြင်ရန် ကြိုးစားစဉ်က အလားတူအတွေ့အကြုံမျိုး ကြုံခဲ့ရသည်ဟု ပြောဖူးသည်။</p> <p>လီယောင်း၏ အဆိုအရ ထိုပညာရှိမှာ ဧကရီနှင့်တူပြီး သူ၏အမြင်တွင်မူ ဧကရီမှာ လီယောင်းနှင့် ဆင်တူနေခြင်းပင်။</p> <p>သူ မေးစေ့ကိုကိုင်ကာ စဉ်းစားလိုက်သည်။</p> <p>ဒီအနာဂတ်ထဲမှာ မြင်နေရတဲ့ အမျိုးသမီးက ငါ့ရဲ့ ဂျူနီယာညီမလေး မဟုတ်နိုင်ဘူး။ လီယောင်း အယောင်ဆောင်ထားတဲ့ ပညာရှိပဲဖြစ်ရမယ်လို့ ယူဆတာက ပိုပြီး ယုတ္တိရှိတယ်။ သူမက ဘာလို့ ဒီလောက်အထိ အစွမ်းထက်နေရတာလဲ။ အသူရာနတ်ဘုရား ပြောခဲ့သလိုပဲ... သူမလက်ထဲမှာ ကောင်းကင်ဘုံလမ်းစဉ်ရဲ့ ရတနာတစ်ခု ရှိနေတာကြောင့်ပဲ ဖြစ်ရမယ်။</p> <p>ရှန်းယွီသည် သီအိုရီတစ်ခုကို ထုတ်ဖော်လိုက်သည်။ လီယောင်းသည် ရန်သူနှင့် ရင်ဆိုင်</p> <p>တိုက်ခိုက်ရာတွင် နောက်ဆုံး၌ ရှုံးနိမ့်သွားခဲ့ပုံပင်။ ထို့နောက် ရန်သူသည် သူရှိရာသို့ ပြန်လာပြီး လီယောင်းအယောင်ဆောင်ကာ ချဉ်းကပ်ခဲ့ခြင်း ဖြစ်ပေလိမ့်မည်။ သို့သော် အနာဂတ်မှ သူသည် စနစ်၏ အကူအညီဖြင့်အဆင့်အတန်းကို ကြည့်ရှုနိုင်သောကြောင့် သူမကို မယုံကြည်ခဲ့ပေ။ သူသည် ယုံကြည်ဟန်ဆောင်ကာ ထွက်ပြေးရန် ကြိုးစားသော်လည်း အဖမ်းခံရပြီး ချည်နှောငခြင်း ခံလိုက်ရခြင်း ဖြစ်နိုင်သည်။</p> <p>အင်း ဒီလိုက ပိုပြီး ယုတ္ထိရှိတယ်။</p> <p>သူ သက်ပြင်းအရှည်ကြီး ချလိုက်မိသည်။ သို့သော်လည်း အလွန်အမင်း စိုးရိမ်စရာတော့ မရှိပုံရချေ။ သူတို့ မျက်လုံးချင်း ဆုံမိသည့် ခဏတွင် အနာဂတ်မှ သူသည် စိုးရိမ်ပူပန်နေပုံ မရပေ။ တကယ်တော့ ထိုအနာဂတ်မှ သူကိုယ်တိုင်ကပင် တစ်စုံတစ်ရာသော စွမ်းရည်ကို အသုံးပြု၍ ရှန်းယွီကို ထိုဗျာဒိတ်မြင်ကွင်းထဲမှ ကန်ထုတ်လိုက်ခြင်းပင်။</p> <p>ရှန်းယွီ ပြုံးလိုက်မိသည်။</p> <p>အဘယ်ကြောင့်ဆိုသော် သံကြိုးခတ်ခံထားရချိန်မှာပင် သူ၏ အတွေ့အကြုံရမှတ်များမှာ နေ့စဉ် နှစ်ဆ တိုးပွားနေဆဲ ဖြစ်သောကြောင့်ပင်။</p> <p>သို့သော်လည်း သူ အနည်းငယ်တော့ စိုးရိမ်မိသေးသည်။</p> <p>အကယ်၍ အနာဂတ်ထဲကလူက လီယောင်း အယောင်ဆောင်ထားတာပဲဆိုရင်... ငါ့ရဲ့ ဂျူနီယာညီမလေး အစစ်အမှန်က အခု ဘယ်မှာလဲ။ ငါ့ရဲ့ ခန့်မှန်းချက်အရဆိုရင် သူမက ပညာရှိကို ရှုံးနိမ့်သွားခဲ့ပြီ။ ဒါပေမဲ့... အဲဒီနောက်ပိုင်း သူမ ဘာဖြစ်သွားလဲဆိုတာ ငါ ဘာမှ မသိရသေးဘူး။ သူမ အသက်ရှင်နေသေးရဲ့လား။</p> <p>ခဏအကြာတွင် ထိုအကြောင်းကို ဆက်လက် မတွေးတောတော့ရန် သူ ဆုံးဖြတ်လိုက်သည်။ လက်ရှိတွင် ပညာရှိအကြောင်းကို စိတ်ပူနေစရာ မလိုသေးဘူးဟု ဧကရီက ပြောခဲ့ဖူးသည်။ ယခုလောလောဆယ် သူ အာရုံစိုက်ရမည့်အရာမှာ မင်္ဂလာပွဲ ဖြစ်သည်။ ထိုအတွက်ကြောင့် သူသည် ကံကြမ္မာနယ်ပယ်ကို တတ်မြောက်ရန် လိုအပ်သည်။</p> <p>ဧကရီ ခန့်မှန်းခဲ့သည့်အတိုင်းပင် သူသည် ယင်ယန်အယူအဆကို အသုံးပြု၍ ဗရမ်းဗတာနယ်ပယ်ကို ပြောင်းပြန်လှန်ရန် ကြိုးစားသည့်အခါ စနစ်တကျရှိခြင်း နယ်ပယ်ကို ရရှိခဲ့သည်။ ကံကောင်းထောက်မစွာဖြင့် ကံကံ၏အကျိုးနိယာမကို လှမ်းမြင်ခဲ့ပြီးနောက်တွင် ကံကြမ္မာဆိုသည်မှာ ဘာလဲဟူသည်ကို သူ ရိပ်မိသွားပြီး ၎င်းကို နားလည်ရန်မှာ အချိန်အကြာကြီး မလိုတော့ကြောင်း သူ ခံစားလိုက်ရသည်။</p> <p>မျှော်လင့်ထားသည့်အတိုင်းပင် မိနစ်အနည်းငယ်အတွင်းမှာပင် ရှန်းယွီသည် ကံကြမ္မာနယ်ပယါသာမက ကေ့ကံ၏အကျိုးတရားနယ်ပယ်ကိုပါ နားလည်တတ်မြောက်သွားခဲ့သည်။ ၎င်းတို့မှာ ဗရမ်းဗတာနှင့် ဆန့်ကျင်ဘက်ဖြစ်သော စနစ်တကျရှိမှုနှင့် အနည်းငယ် ဆင်တူသော်လည်း တစ်ခုချင်းစီတွင် ကိုယ်ပိုင် ထူးခြားချက်များ ရှိကြသည်။</p> <p>သို့သော်လည်း ဤနယ်ပယ်များမှာ အလွန်အမင်း အစွမ်းထက်သည်ဟု ရှန်းယွီ မခံစားရသေးပေ။</p> <p>ဗရမ်းဗတာနယ်ပယ်ကဲ့သို့ပင် စနစ်တကျရှိမှုနယ်ပယ်သည်လည်း တိုက်ပွဲများတွင် အစွမ်းထက်မည်မှာ သေချာသော်လည်း အခြားနယ်ပယ်များမှာမူ ထိုမျှအထိ မဟုတ်သေးချေ။ အနည်းဆုံးတော့ လက်ရှိအချိန်တွင် ဖြစ်သည်။</p> <p>လောလောဆယ်တွင်မူ ၎င်းတို့မှာ နောက်ထပ် ဘဝအသက်မွေးမှု အတတ်ပညာများကဲ့သို့သာ ဖြစ်နေသည်။</p> <p>ဒါတွေကို တိုက်ပွဲတွေမှာ ထိထိရောက်ရောက် သုံးလို့ရမလားဆိုတာ ထပ်ပြီး သုတေသနလုပ်ဖို့ လိုဦးမယ်။</p> <p>ထိုသို့ တွေးလိုက်သည်နှင့်တစ်ပြိုင်နက် ပြန်လည်စတင်ခြင်းဖြစ်ကတည်းက ဆူပွက်နေခဲ့သော သူ၏ ဝိညာဉ်အမြုတေမှာ အဆုံးစွန်သော အမှတ်သို့ ရောက်ရှိသွားတော့သည်။</p> <p>ယခုအခါ နတ်ဘုရားအဆင့်သို့ အဆင့်မြှင့်တင်ရန် အချိန်ကျရောက်လာပြီ ဖြစ်သည်။</p> <p> </p> <p> </p> <p style="text-align: center;">***</p>


Save