Book List

<h2 style="text-align: center;">Chapter 657</h2> <h2 style="text-align: center;">ရှောက်ယန်အိမ်တော်ကို ဖျက်ဆီးပေး</h2> <h2 style="text-align: center;">*</h2> <p> </p> <p> </p> <p>ရှန်မို လက်တစ်ချက်ဝှေ့ယမ်းလိုက်ကာ</p> <p>"မမချွဲ… ဒီကလေးနှစ်ယောက်က ကူညီဖို့လာတာပါ… ဥတွေကို ခိုးဖို့ကြိုးစားတဲ့ သုံးယောက်ကတော့ သေသွားပါပြီ"</p> <p>သူသည် မြေပြင်ပေါ်တွင် လဲကျနေသော အလောင်းသုံးလောင်းရှိရာသို့ပင် လက်ညှိုးညွှန်ပြလိုက်သေးသည်။</p> <p>ထိုအခါမှသာ ချွဲငှက်၏ အမူအရာမှာ အနည်းငယ် လျော့ပါးသွားပြီး ဖိနှိပ်ထားသော အရှိန်အဝါများမှာလည်း ချက်ချင်းပင် ပျောက်ကွယ်သွားတော့သည်။</p> <p>ချန်နန်ရွှမ်နှင့် ချန်လင်တို့ နှစ်ဦးလုံးလည်း သက်ပြင်းအရှည်ကြီး ချလိုက်မိကြ၏။ သူတို့ ပြန်မတ်တပ်ရပ်လိုက်ချိန်တွင် တစ်ကိုယ်လုံး ချွေးများဖြင့် ရွှဲနစ်နေပြီး ငရဲတံခါးဝသို့ တစ်ခေါက် ရောက်သွားခဲ့သလို ခံစားနေရသည်။</p> <p>ချန်နန်ရွှမ်မှ ချွဲငှက်ကို အလျင်အမြန် လက်အုပ်ချီ အရိုအသေပြုလိုက်သည်။</p> <p>"ကျွန်တော်တို့ကို အသက်ချမ်းသာပေးတဲ့အတွက် ကျေးဇူးတင်ပါတယ် စီနီယာ… ကျွန်တော်တို့က တုန်းရွှမ်ဂိုဏ်းကပါ… ရှောက်ယန် စံအိမ်တော်က စီနီယာ့ရဲ့ ရင်သွေးတွေကို ခိုးဖို့ ကြံစည်နေတာကို ကြားသိရလို့ ဒါကို တားဆီးဖို့ သီးသန့် လာခဲ့တာပါ"</p> <p>ထို့နောက် သူ ရှန်မိုဘက်သို့ လှည့်ကာ ထပ်မံ၍ ရိုသေစွာ အလေးပြုလိုက်ပြန်သည်။</p> <p>"ကျွန်တော်တို့အတွက် ပြောပေးလို့ ကျေးဇူးတင်ပါတယ် စီနီယာ"</p> <p>ချန်လင်ကလည်း လိုက်ပါလုပ်ဆောင်ရင်း "ကျေးဇူးတင်ပါတယ် စီနီယာ"</p> <p>ချန်နန်ရွှမ်သည် ချွဲငှက်မှာ ကျယ်ပြောလှသော မန်ချန်း တောင်တန်းကြီး၏ အုပ်စိုးသူ သားရဲများထဲမှ တစ်ကောင် ဖြစ်ကြောင်း ကောင်းကောင်းသိသည်။ မကြာသေးမီကမှ အထူးကဲဆုံး နယ်ပယ်သို့ တက်လှမ်းနိုင်ခဲ့သည့် မိုးကြိုးအကျဉ်းထောင် မျိုးနွယ်စုမှ အထူးကဲဆုံး ကျင့်ကြံသူပင် သူ့ကို  မယှဉ်နိုင်ဘဲ အချိန်အနည်းငယ်မျှသာ ထိန်းထားနိုင်ခြင်း ဖြစ်သည်။ ယခု သူ၏ ရင်သွေးများကို ရှောက်ယန် စံအိမ်တော်က ခိုးယူရန် ကြိုးစားခဲ့သဖြင့် သူ့အနေဖြင့် ဒေါသထွက်နေမည်မှာ ဧကန်မလွဲပေ။ ၎င်းတို့မှာ တုန်းရွှမ်ဂိုဏ်းမှ ကျင့်ကြံသူများဖြစ်ပြီး ရှောက်ယန် စံအိမ်တော်၏ ရန်သူများ ဖြစ်သော်လည်း ချွဲငှက်၏ မျက်လုံးထဲတွင်မူ လူသားများသာ ဖြစ်ကြသည်။ အကယ်၍ ရှန်မိုသာ ကြားဝင်စကားပြောပေးခြင်း မရှိပါက ချွဲငှက်သည် ၎င်းတို့ကို ထိုနေရာမှာတင် ချက်ချင်း သတ်ပစ်လိုက်မည်မှာ သေချာလှ၏။ မည်သို့မျှ ဝေခွဲနေမှာ မဟုတ်ပေ။</p> <p>ချန်နန်ရွှမ်၏ ရင်ထဲတွင် ကျေးဇူးတင်စိတ်များ ပြည့်နှက်နေသကဲ့သို့ပင် သိလိုစိတ်ကလည်း တဖွားဖွား ပေါ်ပေါက်လာသည်။ ဤအနက်ရောင် ဝတ်စုံဝတ် လူငယ်မှာ အမှန်တကယ်ပဲ မည်သူနည်း။ သူသည် ချွဲငှက်၏ သတ်ဖြတ်လိုစိတ်နှင့် သွေးဆာမှုကိုပင် ထိန်းချုပ်ပေးနိုင်နေသည်။</p> <p>ရှန်မို ထိုနှစ်ဦးကို သိပ်ပြီး ဂရုမစိုက်ဘဲ ချွဲငှက်ဘက်သို့ လှည့်ကာ ပြောလိုက်သည်။</p> <p>"မမချွဲ… ရှောက်ယန် စံအိမ်တော်က မမရဲ့ ကလေးတွေကို လာခိုးတာပဲ"</p> <p>"ကျွန်တော် အဲဒီ သုံးယောက်ကို သတ်လိုက်ပြီ ဆိုပေမဲ့ ရှောက်ယန် စံအိမ်တော်က ဒီအတိုင်း အလွယ်တကူ လက်လျှော့မှာ မဟုတ်တာ သေချာတယ်"</p> <p>"မမချွဲရဲ့ ကိစ္စက ကျွန်တော့် ကိစ္စပဲ"</p> <p>"အဲဒီ ရဲတင်းလွန်းတဲ့ ရှောက်ယန် စံအိမ်တော်ကို အမြစ်ပြတ်အောင် ချေမှုန်းဖို့ ကျွန်တော် မမချွဲကို ကူညီပေးမယ်"</p> <p>ရှန်မိုသည် ဖြောင့်မတ်မှန်ကန်သော စိတ်ဓာတ်များဖြင့် ရပ်တည်နေ၏။</p> <p>ချွဲငှက်မှာ သူ၏ သစ္စာပြုထားသော အစ်ကိုကြီး တစ်ယောက်ကဲ့သို့ပင်။</p> <p>ချွဲငှက်၏ ဥများကို ခိုးယူဝံ့သူများကို နှိမ်နင်းရန် သူ၏ အသက်ကိုပင် ရင်းမည်ဟု ဆိုနေခြင်း ဖြစ်သည်။ အမှန်တကယ်တော့ သူ အလိုချင်ဆုံးအရာမှာ ဤမန်ချန်း တောင်တန်းကြီးထဲမှ ထွက်ခွာချင်နေခြင်း ဖြစ်သည်။ ဤစာကလေးဥ သုံးလုံးကို ကလေးထိန်း ပေးနေရသည်မှာ အလွန် ငြီးငွေ့နေလေပြီ။</p> <p>ချွဲငှက်မှ ရှန်မိုကို ခပ်စောင်းစောင်း ကြည့်လိုက်ပြီးနောက် ရုတ်တရက် စကားပြောလာသည်။</p> <p>"ကောင်းပြီ"</p> <p>ရှန်မို ချွေးစေးများ ထွက်သွားသည်။</p> <p>ဟာ... မင်းက စကားပြောတတ်တာလား။</p> <p>တစ်ချိန်လုံး ဘာမှမပြောဘဲ အခုမှ ရုတ်တရက်ကြီး ပြောချင်ရာတွေ ပြောနေတာပဲ။</p> <p>ဒါဆိုရင် ငါ မင်းရဲ့ အကွယ်မှာ မင်းအကြောင်းတွေ ပြောခဲ့တာကိုလည်း မင်း အကုန်ကြားနေတာပေါ့ ဟုတ်လား။</p> <p>"သူငယ်ချင်းလေး… ငါ့ကို တစ်ခုလောက် ကူညီပါ… မင်းသာ ငါ့အတွက် ရှောက်ယန် စံအိမ်တော်ကို အမြစ်ပြတ်အောင် ချေမှုန်းပေးရင် မင်းကို အထွတ်အထိပ် သူတော်စင်လက်နက်တစ်ခု ငါ လက်ဆောင်ပေးမယ်"</p> <p>ချွဲငှက်မှ လေးနက်စွာဖြင့် ရုတ်တရက် ပြောလိုက်သည်။</p> <p>ရှန်မို မျက်ခုံးပင့်လိုက်မိ၏။</p> <p>အထွတ်အထိပ် သူတော်စင်လက်နက်။</p> <p>ဒါ တကယ်ကြီးလား။</p> <p>အဆင့် (၁၀) သားရဲ၊ ရှေးဟောင်းမျိုးကွဲနှင့် မန်ချန်း တောင်တန်း၏ အုပ်စိုးသူဆိုသည့်အတိုင်းပင်။</p> <p>သူ့ ပြောပုံဆိုပုံမှာလည်း အထင်ကြီးစရာ ကောင်းလှသည်။ တိုက်ရိုက်ပင် အဓိကအချက်ကို ပြော၏။</p> <p>အထွတ်အထိပ် သူတော်စင်လက်နက် ပေးမည်တဲ့။ အထူးကဲဆုံး နယ်ပယ်ရှိ ကျင့်ကြံသူများပင် ဤလက်နက်မျိုး ပိုင်ဆိုင်ချင်မှ ပိုင်ဆိုင်ကြလိမ့်မည်။</p> <p>"ကောင်းပြီ… ကျွန်တော် သဘောတူတယ်"</p> <p>ရှန်မို အကြာကြီး စဉ်းစားမနေဘဲ တိုက်ရိုက်ပင် သဘောတူလိုက်သည်။</p> <p>ချန်နန်ရွှမ်နှင့် ချန်လင်တို့ နှစ်ဦးလုံး တံတွေးကို ခက်ခက်ခဲခဲ မျိုချလိုက်မိကြ၏။</p> <p>ရှောက်ယန် စံအိမ်တော်ကို အမြစ်ပြတ် ချေမှုန်းမည်လား။</p> <p>အထွတ်အထိပ် သူတော်စင်လက်နက်ကို လက်ဆောင်ပေးမည်လား။</p> <p>ဘုရားရေ… ကျွမ်းကျင်သူတွေ စကားပြောပုံက ဒီလိုကြီးလား။</p> <p>ရှန်မို ပြုံးလိုက်ကာ</p> <p>"မမချွဲ… တခြား ဘာခိုင်းစရာ ရှိသေးလဲ… လူဟောင်းတစ်ယောက်ယောက်ဆီ သတင်းပါးချင်တာမျိုးရော… အဲဒါလည်း ကျွန်တော် ကူညီပေးလို့ ရတယ်နော်"</p> <p>"အခကြေးငွေကတော့ အများကြီး ပေးစရာ မလိုပါဘူး"</p> <p>"သာမန် တာအိုသူတော်စင်လက်နက် တစ်ခု ဒါမှမဟုတ် ကောင်းကင်အဆင့် အထူးကဲဆုံး ပုဂ္ဂိုလ်ရဲ့ အရိုး တစ်ခုလောက် အထိမ်းအမှတ်အနေနဲ့ ပေးရင် ရပါပြီ"</p> <p>ချွဲငှက်မှာ မျက်လုံးများကို အပေါ်သို့ လန်ကြည့်လိုက်သည်။</p> <p>ချန်နန်ရွှမ်မှာလည်း ချွေးများ ထွက်လာပြန်၏။  ဤစီနီယာမှာ တကယ့်ကို ရဲရဲတင်းတင်း ပြောဝံ့သူပင်။  တာအိုသူတော်စင်လက်နက် ဆိုသည်မှာ သူတော်စင်တစ်ဦးသာ ကိုင်ဆောင်နိုင်သော ရတနာများ ဖြစ်သည်။ အထူးကဲဆုံး ပုဂ္ဂိုလ်၏ အရိုး ဆိုသည်မှာ အထူးကဲဆုံး နယ်ပယ် ကျင့်ကြံသူတစ်ဦး သေဆုံးပြီးနောက် ကျန်ရစ်ခဲ့သော အရိုးများ ဖြစ်ပြီး ၎င်းတို့၏ နတ်ဘုရား စွမ်းအားများ ကိန်းအောင်းနေတတ်သည်။ ကောင်းကင်အဆင့် အထူးကဲဆုံး ပုဂ္ဂိုလ်၏ အရိုး ဆိုသည်မှာ ပို၍ပင် ရှားပါးလှသည်။ ယခုအချိန်တွင် မှောင်ခိုဈေးကွက်၌ပင် မြေကမ္ဘာအဆင့် အထူးကဲဆုံး ပုဂ္ဂိုလ်၏ အရိုး အနည်းငယ်သာ အရောင်းအဝယ် ဖြစ်နေပြီး ပေါ်လာသည့် အခါတိုင်းလည်း ချက်ချင်းပင် လုယူခြင်း ခံရလေ့ရှိသည်။ ဤအရာနှစ်ခုမှာ လမ်းဘေးတွင် လောက်လောက်လားလား ကောက်ရနိုင်သည့် ဂေါ်ဖီထုပ်များ မဟုတ်ပေ။</p> <p>ချန်လင် ဇဝေဇဝါဖြင့်</p> <p>"အစ်ကို… ကောင်းကင်အဆင့် အထူးကဲဆုံး ပုဂ္ဂိုလ်ရဲ့ အရိုး ဆိုတာ ဘာလဲဟင်"</p> <p>ချန်နန်ရွှမ် အသံကို နှိမ့်ကာ အကျဉ်းချုပ် ရှင်းပြလိုက်သည်။ ခေတ္တမျှ စဉ်းစားပြီးနောက် ချန်လင် တိုးတိုးလေး ပြောလိုက်၏။</p> <p>"မိုးကြိုးအကျဉ်းထောင် မျိုးနွယ်စုရဲ့ အသစ်တက်လာတဲ့ အထူးကဲဆုံး ပုဂ္ဂိုလ် လဲ့ကျင့်လုံ က ကောင်းကင်အဆင့် အထူးကဲဆုံး ပုဂ္ဂိုလ်ရဲ့ အရိုးကို ပိုင်ဆိုင်ထားတယ်လို့ ကျွန်မ ကြားဖူးတယ်"</p> <p>"အကယ်၍ သူ သေသွားရင် သူ့ဆီကနေ အဲဒီအရိုးကို တူးထုတ်လို့ ရမှာပေါ့ နော်"</p> <p>"မင်း အခု ဘာပြောလိုက်တာလဲ… မိုးကြိုးအကျဉ်းထောင် မျိုးနွယ်စုရဲ့ အထူးကဲဆုံး ပုဂ္ဂိုလ် အသစ်… လဲ့ကျင့်လုံ ဟုတ်လား"</p> <p>ချွဲငှက်၏ အကြည့်မှာ ချက်ချင်းပင် အေးစက်သွားသည်။</p> <p>သူ ရှန်မိုကို ကြည့်လိုက်ကာ အေးစက်သော အသံဖြင့် ပြောလိုက်သည်။</p> <p>"သူငယ်ချင်းလေး… လဲ့ကျင့်လုံ ရဲ့ သတင်းအချက်အလက်တွေကို စုဆောင်းပေးဖို့ ငါ့ကို ကူညီပါဦး… ငါ သူ့ကို သတ်ပြီးရင် မင်းကို နှစ်ပေါင်း တစ်ရာတိုင်တိုင် ကာကွယ်ပေးမယ်… ပြီးတော့ သူတော်စင်အဆင့်ရှိတဲ့ အထူးကဲဆုံး ပုဂ္ဂိုလ်ရဲ့ အရိုး တစ်ခုအကြောင်းကိုလည်း သဲလွန်စ ပေးမယ်"</p> <p>ဘေးနားရှိ ချန်နန်ရွှမ်မှာ ထိုစကားများကို ကြားသောအခါ မှင်တက်သွားတော့သည်။ သူတော်စင်အဆင့်။</p> <p>အထူးကဲဆုံး ပုဂ္ဂိုလ်၏ အရိုး။</p> <p>ဘုရားရေ။</p> <p>အထူးကဲဆုံး ပုဂ္ဂိုလ်၏ အရိုး ဆိုသည်မှာ အရိုးတစ်ခု ဖြစ်သော်လည်း ၎င်းကို အပိုင်းလိုက် စုစည်းရယူရခြင်း ဖြစ်သည်။ အပိုင်း တစ်ပိုင်း ရရှိရုံဖြင့်ပင် အထူးကဲဆုံး နယ်ပယ်သို့ ဝင်ရောက်နိုင်ပြီ ဖြစ်သည်။ သို့သော် ထိုသို့သော အထူးကဲဆုံး ပုဂ္ဂိုလ်များမှာ အားနည်းကြ၏။</p> <p>ရည်မှန်းချက် ရှိသူတိုင်း နှစ်ပိုင်း၊ သုံးပိုင်း အစရှိသဖြင့် ဆက်လက်၍ စုစည်းကြလိမ့်မည်။</p> <p>အပိုင်း တစ်ပိုင်းမှ သုံးပိုင်းအထိကို သာမန် အထူးကဲဆုံး ပုဂ္ဂိုလ်၏ အရိုး ဟု ခေါ်သည်။ လေးပိုင်းမှ ခြောက်ပိုင်းအထိကို မြေကမ္ဘာအဆင့် ဟု ခေါ်သည်။ ခုနစ်ပိုင်းနှင့် ရှစ်ပိုင်းမှာမူ ကောင်းကင်အဆင့် ဖြစ်သည်။ ကိုးပိုင်းအထိ ပြည့်စုံမှသာ သူတော်စင်အဆင့် အထူးကဲဆုံး ပုဂ္ဂိုလ်၏ အရိုး ဟု သတ်မှတ်ခြင်း ခံရလေသည်။</p> <p>အသစ်တက်လာသည့် အထူးကဲဆုံး ပုဂ္ဂိုလ် လဲ့ကျင့်လုံပင် ရှစ်ပိုင်းသာရှိသော ကောင်းကင်အဆင့် အရိုးကိုသာ ပိုင်ဆိုင်ထားကြောင်း မိသားစု လူကြီးများ ပြောနေသည်ကို သူ ကောင်းကောင်း မှတ်မိနေသည်။ သို့သော်လည်း လဲ့ကျင့်လုံ မှာ အလွန်အမင်း အစွမ်းထက်နေပြီဖြစ်ကာ လွန်ခဲ့သော နှစ်ပေါင်း တစ်သောင်းက ဂန္ထဝင် ချန်ချင်း အထူးကဲဆုံး နှင့်ပင် ယှဉ်ပြိုင်နိုင်သည်ဟု ကြွေးကြော်နေသူ ဖြစ်သည်။ ယခုအခါ သူသည် အင်အားကြီး အဖွဲ့အစည်း အသီးသီးမှ ဝါရင့် အထူးကဲဆုံး ကျင့်ကြံသူများကိုပင် ပေါ်ပေါ်ထင်ထင် စိန်ခေါ်နေသူ ဖြစ်သည်။</p> <p>ယခုမူ သူသည် "သူတော်စင်အဆင့် အထူးကဲဆုံး ပုဂ္ဂိုလ်၏ အရိုး" ဆိုသည့် စကားလုံးကို ကြားလိုက်ရ၏။ သူ့ နားများပင် မှားကြားသလားဟု သံသယ ဝင်မိသွားသည်။</p> <p>ရှန်မိုကမူ မျက်ခုံးပင့်လိုက်မိ၏။</p> <p>သူတော်စင်အဆင့် အထူးကဲဆုံး ပုဂ္ဂိုလ်၏ အရိုးလား။</p> <p>သူ့တွင် တာအိုအမှတ်အသား ၂၅၀ ရှိနေပြီ ဖြစ်သည်။ သူ၏ ရည်မှန်းချက်ဖြစ်သော ၅၀၀ သို့ ရောက်ရန် အလှမ်းဝေးနေသေးသော်လည်း ကြိုတင်ပြင်ဆင်ရမည့် အချိန် ရောက်နေပြီ ဖြစ်သည်။ ဤကဲ့သို့သော ကံထူးမှုကို သူ လက်လွတ်မခံနိုင်ပေ။ ထို့အပြင် သူ ချက်ချင်း သဘောပေါက်သွားသည်မှာ ရှောက်ယန် စံအိမ်တော်အတွက် အချိန်ဆွဲပေးရန် ချွဲငှက်ကို တိုက်ခိုက်ခဲ့သော အထူးကဲဆုံး ကျင့်ကြံသူမှာ လဲ့ကျင့်လုံ ဖြစ်ရမည် ဆိုခြင်းပင်။</p> <p>ခေတ္တမျှ စဉ်းစားပြီးနောက် ရှန်မို ခေါင်းယမ်းလိုက်သည်။</p> <p>"မမချွဲ… လဲ့ကျင့်လုံ ကို သတ်ဖို့ မမနဲ့ ကျွန်တော် ပူးပေါင်းမယ်ဆိုရင် မမရဲ့ ကာကွယ်မှု ကျွန်တော် မလိုပါဘူး"</p> <p>"ကျွန်တော် လိုချင်တာက သူတော်စင်အဆင့် အထူးကဲဆုံး ပုဂ္ဂိုလ်ရဲ့ အရိုး နဲ့ ပတ်သက်တဲ့ သဲလွန်စတွေပဲ… မမမှာ ဘယ်နှစ်ခုပဲ ရှိရှိ၊ အကုန်လုံး ကျွန်တော် ယူမယ်"</p> <p>ချွဲငှက် သူ့ကို အသေအချာ တစ်ချက် ကြည့်လိုက်ပြီးနောက် နောက်ဆုံးတွင် ခေါင်းညိတ်လိုက်သည်။</p> <p>"ကောင်းပြီ… ငါ သဘောတူတယ်"</p> <p>တစ်ဖက်တွင်မူ ချန်နန်ရွှမ်နှင့် ချန်လင်တို့မှာ လုံးဝ ဆွံ့အသွားကြသည်။</p> <p>လဲ့ကျင့်လုံ ကို... သတ်မယ် ဟုတ်လား။</p> <p>ဒါဟာ မိုးကြိုးအကျဉ်းထောင် မျိုးနွယ်စုရဲ့ အသစ်တက်လာတဲ့ အထူးကဲဆုံး ပုဂ္ဂိုလ်လေ။</p> <p>အကယ်၍ ထိုကဲ့သို့သော ပုဂ္ဂိုလ်တစ်ဦးသာ ကျဆုံးသွားခဲ့လျှင် တစ်ကမ္ဘာလုံး တုန်လှုပ်သွားလိမ့်မည်။ ဒါဟာ မိုးကြိုးအကျဉ်းထောင် မျိုးနွယ်စု တစ်ခုလုံးကို စစ်ကြေညာလိုက်တာနဲ့ အတူတူပဲ။</p> <p>ဤအနက်ရောင် ဝတ်စုံဝတ် စီနီယာကတော့ ရူးနေပြီလား။</p> <p>သို့သော်လည်း ချန်နန်ရွှမ် သတ္တိမွေးကာ ရိုသေစွာ မေးလိုက်သည်။</p> <p>"စီနီယာ ဒဏ်ရာတွေ ပြန်ကောင်းလာဖို့အတွက် ကျွန်တော်တို့ တုန်းရွှမ်ဂိုဏ်းက ကူညီပေးချင်ပါတယ်… ကျွန်တော်တို့ ဂိုဏ်းကို လာရောက်လည်ပတ်ဖို့ စီနီယာ သဘောတူမလား ခင်ဗျာ"</p> <p>ရှန်မို တည်ငြိမ်စွာ ပြုံးလိုက်ပြီး</p> <p>"ရတာပေါ့… ငါလည်း တည်းခိုဖို့ နေရာတစ်ခု လိုနေတာပဲ"</p> <p>ချန်နန်ရွှမ်မှာ အလွန် ဝမ်းသာသွားပြီး</p> <p>"ကျွန်တော့်ရဲ့ ဆရာနဲ့ တခြား အကြီးအကဲတွေ အဲဒီဘက်မှာ ရှိနေပါတယ်… စီနီယာ ကျွန်တော်နဲ့ လိုက်ခဲ့ပါ"</p> <p>ရှန်မိုကလည်း ခေါင်းညိတ် သဘောတူလိုက်၏။  ခဏအကြာတွင် သူ တုန်းရွှမ်ဂိုဏ်း၏ အကြီးအကဲ လေးဦးနှင့် တွေ့ဆုံခဲ့သည်။ ၎င်းတို့ထဲတွင် တစ်ဦးသာ လူလတ်ပိုင်း အရွယ် ဖြစ်ပြီး ကျန်သုံးဦးမှာ ဆံပင်များ ဖြူနေကြပြီ ဖြစ်သည်။</p> <p>ကျင့်ကြံသူများမှာ အသက်ရှည်ကြ၏။ နိဗ္ဗာန်နယ်ပယ် ကျင့်ကြံသူများသည် ဘာပြဿနာမှ မရှိလျှင် အနည်းဆုံး နှစ်ပေါင်း နှစ်သောင်းခန့် အသက်ရှည်နိုင်ကြသည်။ အထူးကဲဆုံး နယ်ပယ်ရှိသူများမှာမူ ပို၍ပင် အသက်ရှည်ကြ၏။ ပုံမှန်အားဖြင့် သက်တမ်း ကုန်ခါနီးမှလွဲ၍ ၎င်းတို့၏ ရုပ်ရည်မှာ လူငယ်ဘဝအတိုင်းပင် တည်ရှိနေတတ်သည်။ သက်တမ်း ကုန်ဆုံးတော့မည့် အချိန်ကျမှသာ အိုမင်းရင့်ရော်သည့် လက္ခဏာများ စတင် ပေါ်ပေါက်လာခြင်း ဖြစ်သည်။</p> <p>ရှန်မိုရှေ့ရှိ အကြီးအကဲ လေးဦးလုံးမှာ အိုမင်းရင့်ရော်သည့် လက္ခဏာများ ရှိနေကြသည်။ တုန်းရွှမ်ဂိုဏ်းမှာ မျိုးဆက်သစ် ပြဿနာနှင့် ရင်ဆိုင်နေရပုံရ၏။ ထို့အပြင် လေးဦးလုံးတွင် မြင်သာသော ဒဏ်ရာများ ရှိနေကြသည်။</p> <p>လူလတ်ပိုင်း ကျင့်ကြံသူမှာမူ လက်တစ်ဖက်ပင် ပြတ်နေသေးသည်။ သေချာသည်မှာ ရှောက်ယန် စံအိမ်တော်နှင့် ၎င်းတို့၏ မကြာသေးမီက တိုက်ပွဲမှာ အလွန်အမင်း အန္တရာယ်များခဲ့ခြင်း ဖြစ်ပေလိမ့်မည်။</p> <p> </p> <p> </p> <p style="text-align: center;">***</p>


Save