Book List

<h2 style="text-align: center;">ဘယ်ကောင်ကျင့်ကြံခွင့်ပေးလိုက်တာလဲ</h2> <h2 style="text-align: center;">(စာစဉ်-၆၃)</h2> <h2 style="text-align: center;"> </h2> <p> </p> <h2 style="text-align: center;">အခန်း  (၉၃၁)</h2> <h2 style="text-align: center;">လုယန်၏ဝါစဉ်</h2> <h2 style="text-align: center;">*</h2> <p> </p> <p> </p> <p>အရိုးရိုင်းနှင့် လန်ထင်တို့ လုယန်ကို ကူညီဖို့ပြင်ထားခဲ့သည်။ သို့သော် သူတို့မလှုပ်ရှားမီပင် လုယန်က ဓားစွမ်းရည်များ ဆက်တိုက်ပြပြီး နှလုံးမဲ့ဂိုဏ်းအကြီးအကဲကို အဆုံးသတ်လိုက်သည်။</p> <p>ယခု နှလုံးမဲ့ဂိုဏ်းအကြီးအကဲ၏ဦးခေါင်းက မျက်လုံးအပြူးသားဖြင့် သူတို့ကို စိုက်ကြည့်နေသဖြင့် မှင်သက်မိနေကြသည်။</p> <p>နှစ်ယောက်လုံးက အဖြစ်အပျက်ကို တစ်ယောက်တစ်လှည့်ရှင်းပြကြသည်။ လုယန် နားလည်သွားသည်။</p> <p>"ဒါဆို မင်းတို့က ဒီလူကိုမနိုင်လို့ ငါ့ကိုခေါ်လိုက်တာပေါ့"</p> <p>"ဆင့်ခေါ်တာက ကျုပ်တို့အရိုင်းမျိုးနွယ်ရဲ့ စွမ်းအားအကြီးဆုံး ဝိညာဉ်ပြောင်းအဆင့်ဘိုးဘေးကိုပါ"</p> <p>အရိုးရိုင်းက စကားအမှန်ပြင်ပေးသည်။</p> <p>လုယန် သူ့နဖူးသူလက်ဖြင့်အုပ်လိုက်သည်။ သေဟန်ဆောင်ပညာသင်စဉ်ကအဖြစ်ကို ပြန်သတိရလာသည်။ နတ်မယ်ကို ဆရာအဖြစ်သတ်မှတ်ခဲ့ရသည်။ ထို့ကြောင့် သူ့ဝါစဉ်အဆင့် မြင့်တက်သွားသည်။ ရှေးဟောင်းအရိုင်းမျိုးနွယ်နှင့် အဆင့်တူဖြစ်သွားသည်။</p> <p>နတ်မယ်အတည်ပြောခဲ့မှန်း ယခုမှနားလည်လာသည်။</p> <p>ရှေးဟောင်းအရိုင်းမျိုးနွယ်သည် နတ်မယ်ကျိန်စာတိုက်ခဲ့သည့် လူသားများဖြစ်သည်။ ထိုအမြင်ဖြင့်ကြည့်လျှင် ယခုသူလည်း ရှေးဟောင်းအရိုင်းမျိုးနွယ်အဖွဲ့ဝင် တကယ်ဖြစ်နေသည်။</p> <p>အတိအကျပြောရလျှင် ရှေးဟောင်းအရိုင်းမျိုးနွယ်၏ ဝါအကြီးဆုံး အစစ်မှန်ဆုံး မျိုးနွယ်ဝင်တစ်ယောက်ဖြစ်သည်။</p> <p>အရိုးရိုင်း၏မူလဝိညာဉ်က လောကတွင် ကျန်နေသေးသည့် အရိုင်းမျိုးနွယ်ဘိုးဘေးတို့၏စွမ်းအားကို ဆင့်ခေါ်သည်။ အရိုင်းမျိုးနွယ်ဘိုးဘေးတို့သည် သမိုင်းဝင်လူသားများဖြစ်နေပြီး သူတို့ဝိညာဉ်အပိုင်းအစများသာ လောကတွင် ဝေ့ဝဲကျန်ရစ်ခဲ့သည်။</p> <p>အရိုးရိုင်း၏မူလဝိညာဉ်က သူတို့စွမ်းအားတစ်ပိုင်းတစ်စကိုသာ ဆင့်ခေါ်နိုင်သည်။</p> <p>ယခုသူက အရိုင်းမျိုးနွယ်ဘိုးဘေးလည်းဖြစ် သက်ရှိထင်ရှားရှိနေသူလည်းဖြစ်၍ တိုက်ရိုက်ဆင့်ခေါ်ခံရခြင်းဖြစ်သည်။</p> <p>"အကိုက ကျုပ်တို့အရိုင်းမျိုးနွယ်ဘိုးဘေးဆိုတာ ကျုပ်လုံးဝမသိခဲ့ဘူး အကိုလု"</p> <p>အရိုးရိုင်းက စကားလုံးသေချာသတိထားပြောသည်။ လုယန်အပေါ် လေးစားမှုအပြည့်ထားသည်။</p> <p>လန်ထင်ကလည်း လုယန်ကို တအံ့တဩကြည့်နေသည်။ တာအိုလမ်းစဉ်ဂိုဏ်းတပည့်တစ်ယောက်နှင့် အတူရှိလျှင် တကယ်အမြင်ကျယ်ရသည်။</p> <p>လုယန် "..."</p> <p>ငါလည်း ငါ့အကြောင်းငါ အခုမှသိတာပါကွာ...</p> <p>"ညီမလန်ထင်၊ မတွေ့ရတာကြာပြီနော်"</p> <p>လုယန် ပြုံး၍ပြောလိုက်သည်။ လန်ထင်နှင့် နောက်ဆုံးတွေ့ခဲ့သည်မှာ ပင်လယ်တာအိုသခင် ပေါ်လာပြီး ကျင့်ကြံမှုလောကမှ အဆင့်မြင့်ပုဂ္ဂိုလ်များ ဖန်ဝူယာကို အရိုအသေလာပေးချိန်ကဖြစ်သည်။</p> <p>လန်ထင် ပြုံးလိုက်သည်။ အစိမ်းရောင်ဝတ်စုံ၊ တိုက်ပွဲကြောင့် မျက်နှာပေါ်ဖရိုဖရဲကျနေသည့် ဆံနွယ်စများဖြင့် သူ့ပုံစံက တစ်မျိုးတစ်မည် ဆွဲဆောင်မှုရှိနေသည်။</p> <p>"မတွေ့တာကြာပေမယ့် အကိုလုရဲ့သတင်းတွေကို ကျွန်မကြားပါတယ်။ အရှေ့ပင်လယ်မှာ နဂါးဘိုးဘေးကိုကယ်ခဲ့လို့ သူကအကို့ကို မျက်နှာသာပေးတယ်။ နန်းမြို့တော်မှာ ယဲ့မုန်ယင်အတွက် ပြိုင်ဘက်ကင်းကဗျာတစ်ပုဒ်စပ်ပေးတယ်။</p> <p>စတုတ္ထမင်းသားပုန်ကန်တာကို သတင်းပို့တယ်။ ဓားမျှော်စင်အဓိပဓိနဲ့ အမယွမ်ကျိကို ဓားမျှော်စင်မှာ ကယ်ခဲ့တယ်။ ယင်ထန်မသေမျိုးကို အချိန်ဆွဲပြီး ထိန်းထားခဲ့တယ်တဲ့.."</p> <p>နောက်ဆုံးစကားကြားချိန်တွင် လုယန်ထိတ်လန့်သွားသည်။ ဘာကြောင့် ဇာတ်လမ်းက ထိုသို့ဖြစ်နေသည်မသိ။</p> <p>မှန်တော့လည်းမှန်သည်။ ယွမ်မုန်မုန်က ယွမ်ကျိနာမည်သုံးပြီး ယင်ထန်အလောင်းနှင့် တိုက်ခိုက်ခဲ့သည်။ နောက်ပိုင်းတွင် ယွမ်မုန်မုန်နှင့်ယွမ်ကျိက ထိုအကြောင်း အရေးစိုက်ပြီးရှင်းမပြခဲ့ကြ။ ထို့ကြောင့် အမယွမ်ကို သူကယ်တင်ခဲ့သည်ဟု သတင်းပေါက်သွားခြင်းဖြစ်သည်။</p> <p>"အားလုံးက ကောလဟာလတွေပါ"</p> <p>လုယန် ခြောက်ကပ်ကပ်ရယ်လိုက်သည်။ ထိုသတင်းမှန်ပါသည်ဟုမပြောရဲ။ ထိုကိစ္စများထဲမှတစ်ချို့ကို နတ်မယ်က ဝင်ပူးကပ်ပြီးလုပ်ခဲ့ပါသည်ဟုလည်း ထုတ်မပြောရဲ။</p> <p>သို့သော် လန်ထင်နှင့် အရိုးရိုင်းက ထိုစကားကို လုယန်ကိုယ့်ကိုယ်ကိုနှိမ့်ချပြောနေခြင်းဟု မြင်သည်။ ထို့ကြောင့် လုယန်ကို ပို၍ပင်လေးစားလာကြသည်။</p> <p>"ဒါနဲ့...ငါဒီကိုရောက်လာတော့ ငါ့ကိုယ်ပိုင်မဟုတ်တဲ့ စွမ်းအားအပိုတစ်ခုရလာတာကို ခံစားမိတယ်။ အဲဒါဘယ်လိုဖြစ်တာလဲ မင်းတို့သိလား"</p> <p>ထို့ကြောင့်သာမဟုတ်လျှင် သူ့ဓားပညာဘယ်လောက်လှည့်ကွက်များပြီး မြန်ဆန်သည်ဖြစ်စေ နှလုံးမဲ့ဂိုဏ်းအကြီးအကဲကို ထိုမျှမြန်မြန် ရှင်းပစ်နိုင်ခဲ့မည်မဟုတ်။</p> <p>အရိုးရိုင်း အတော်အံ့အားသင့်သွားသည်။</p> <p>"တိုက်ဆိုင်လိုက်တာ၊ ကျုပ်ရဲ့မူလဝိညာဉ်က အကို့ကိုယ်ထဲရောက်သွားတာကို ကျုပ်လည်းခံစားမိလိုက်တယ်"</p> <p>"...ညီလေးအရိုးရိုင်း၊ ဘိုးဘေးဆင့်ခေါ်ထားတာကို မင်းပြန်ရုတ်သိမ်းလိုက်ပါလား"</p> <p>"ဪ..ဟုတ်သားပဲ"</p> <p>ဘိုးဘေးဆင့်ခေါ်မှုကို အရိုးရိုင်းပြန်ရုတ်သိမ်းလိုက်သည်။ သူ့မူလဝိညာဉ်က လုယန်ကိုထဲမှ ပျံထွက်လာပြီး အရိုးရိုင်းကိုယ်ထဲသို့ ရောက်သွားသည်။</p> <p>"ဘာလို့ မင်းဆင့်ခေါ်တဲ့နည်းက ခေါ်လိုပဲရပြီး ပြန်ပို့လို့မရတာလဲကွာ"</p> <p>ဂိုဏ်းသို့ချက်ချင်းပြန်ပြီး လောင်မုန်ကို သူအရူးလုပ်ချင်သေးသည်။</p> <p>လုယန်ချက်ချင်းမပြန်နိုင်သည်ကို သိရသဖြင့် လန်ထင်မျက်လုံးများ အရောင်လက်လာသည်။</p> <p>"အကိုလု အလောတကြီး ပြန်ဖို့မလိုရင် ကျွန်မတို့ လသံလွင်နန်းတော်ကို လိုက်လည်ပါလား။ ကျွန်မတို့ချင်း ကျင့်စဉ်အတွေးအမြင်တွေ ဆွေးနွေးဖလှယ်လို့ရတာပေါ့"</p> <p>လက်ရှိတွင် လုယန်ဘာမှအရေးတကြီးလုပ်စရာမရှိပါ။</p> <p>"ဒါပေမယ့် လသံလွင်နန်းတော်ကို ယောက်ျားတွေဝင်လို့မရဘူးမဟုတ်လား"</p> <p>"အဲလိုတင်းကြပ်တဲ့စည်းကမ်းမျိုးမရှိပါဘူး"</p> <p>လန်ထင်က ပြုံး၍ပြောသည်။</p> <p>လုယန် ပြန်စဉ်းစားသည်။ တစ်ဘက်က ထိုသို့ဖိတ်ခေါ်လာသည်ကို ငြင်းလိုက်လျှင် ရိုင်းရာကျမည်ထင်သည်။</p> <p>ထို့ပြင် ဒဏ္ဍာရီလသံလွင်နန်းတော်ကိုလည်း သူတကယ်ရောက်ဖူးချင်သည်။</p> <p>"ဒါဆိုရင်တော့ ညီမထောင်ကို ဒုက္ခပေးရတော့မှာပေါ့"</p> <p>နှစ်ယောက်သား လွတ်လပ်စွာပြောဆိုရယ်မောနေသည်ကိုကြည့်၍ အရိုးရိုင်းစိတ်ထဲ နည်းနည်းလူရာမဝင်သလို ခံစားရသည်။</p> <p>"ဒီနှလုံးမဲ့အကြီးအကဲရဲ့ဝိညာဉ်ကို ဘယ်သူရသင့်လဲ"</p> <p>အရိုးရိုင်း မေးလိုက်သည်။ သူနှင့်လန်ထင်သည် ဂိုဏ်းမစ်ရှင်တစ်ခုကို ပြိုင်တူလက်ခံထားမိကြသည်။ ထိုဝိညာဉ်ကို ဘယ်ဂိုဏ်းက ပိုင်ဆိုင်သင့်မှန်း စည်းစားမရ။</p> <p>"ဒါကလွယ်ပါတယ်"</p> <p>ကွမ်းရှန်ဟိုင်၏ဝိညာဉ်အား ကျန်းပင်းကန်း ခွဲဝေသည့်နည်းကို သူမြင်ဖူးသည်။ ထိုအပိုင်းနှင့်ပတ်သက်၍ သူအတွေ့အကြုံရှိသည်။</p> <p>သူ့ကိုယ်ပိုင်သွေးစက်တစ်ချို့ ဓားသွားပေါ်သို့ချပြီး မှော်မန္တာန်တစ်ချို့တွဲကပ်လိုက်သည်။ ထို့နောက် ခေါင်းပြတ်ထဲတွင်ပုန်းနေသည့် နှလုံးမဲ့ဂိုဏ်းအကြီးအကဲ၏ဝိညာဉ်ကို ဆွဲထုတ်သည်။</p> <p>ထိုဝိညာဉ်အော်ဟစ်နေသည်ကို အရေးမစိုက်ဘဲ ဓားဖြင့်ခုတ်သည်။ ဝိညာဉ်သုံးပါး လိပ်ပြာခုနစ်ခု ကွဲထွက်သွားသည်။ လန်ထန်ကို ဝိညာဉ်သုံးခုပေးသည်။ အရိုးရိုင်းက လိပ်ပြာခုနစ်ခုရသည်။</p> <p>"အကိုလုယန်က ဘာမှမယူတော့ဘူးလား"</p> <p>လန်ထင်ကမေးသည်။ မည်သို့ဆိုစေ လုယန်က အများဆုံးအားစိုက်ခဲ့သူဖြစ်သည်။</p> <p>လုယန် လက်ခါပြသည်။ နတ်မယ်၏ကျိုးဆောင်မှတ်များကို သူအချိန်မရွေး ယူသုံးနိုင်သည်။ ချမ်းသာသည်။ ဝိညာဉ်တစ်ခုလောက်ကို အရေးမစိုက်။ စုစည်းခြင်းအဆင့်ဝိညာဉ်သည် သိပ်လည်းတန်ဖိုးမရှိလှ။</p> <p>ထို့နောက် တစ်စုံတစ်ခုသတိရလာဟန်ဖြင့် အရိုးရိုင်းကို သတိပေးသည်။</p> <p>"အဲ...ညီလေးမုန်၊ ဂိုဏ်းကိုပြန်ရောက်ရင် ငါဘယ်လိုကူညီခဲ့တယ်ဆိုတာတော့ အကိုတိုင်ကို သေချာပြောပေးပါ။ ဒါမှ သူငါ့အပေါ် အမြင်ပိုကြည်လာမှာ"</p> <p>"ရပါတယ်"</p> <p>"ကဲ..သွားစို့ ညီမလန်ထင်"</p> <p>...</p> <p>အရိုးရိုင်းက နှလုံးမဲ့ဂိုဏ်းအကြီးအကဲ၏ ဝိညာဉ်သုံးခုကို ယူလာသဖြင့် တိုင်ပုဖန် အံ့အားသင့်သွားသည်။</p> <p>အရိုးရိုင်း၏မစ်ရှင်က နှလုံးမဲ့ဂိုဏ်းသဲလွန်စကို စုံစမ်းဖို့သာဖြစ်သည်။ ယခု မထင်မှတ်ဘဲ နှလုံးမဲ့ဂိုဏ်းထိပ်သီးတစ်ယောက်၏ဝိညာဉ်ကို ရလာသည်။ ထင်မှတ်မထားသည့်ရလာဒ်ဖြစ်သည်။</p> <p>ထိုဝိညာဉ်သုံးခိူ မှတ်ဉာဏ်ရှာဖွေလိုက်လျှင် နှလုံးမဲ့ဂိုဏ်းထိပ်သီးအတော်များများကို ဖမ်းဆီးနိုင်ဖို့သေချာသည်။</p> <p>"ညီလေးအရိုးရိုင်းက စုစည်းခြင်းအခြေခံအဆင့်ကို ဝိညာဉ်ပြောင်းအခြေခံအဆင့်စွမ်းအားနဲ့ သတ်နိုင်ခဲ့တယ်ပေါ့။ တကယ်လေးစားစရာပဲ"</p> <p>အရိုးရိုင်း ရယ်နေသည်။ သို့သော် နာမည်ကောင်းတော့မယူ။</p> <p>"အဲဒါက အမလန်ထင်နဲ့ အကိုလုတို့ ကူညီလို့ပါ။ ကျုပ်က သိပ်ပြီးအားမစိုက်ခဲ့ရပါဘူး"</p> <p>"ဘယ်လိုဖြစ်ခဲ့တာလဲ။ ငါ့ကိုပြောပြပါဦး"</p> <p>အခြေအနေကို အရိုးရိုင်း အသေးစိတ်ရှင်းပြလိုက်သည်။ အရေးကြီးသည့်အချိန်တွင် လုယန်ပေါ်လာပြီး လန်ထင်ကိုကယ်ခဲ့ပုံ၊ နှလုံးမဲ့ဂိုဏ်းအကြီးအကဲကို သတ်ဖြတ်ခဲ့ပုံတို့ကို အလေးပေးပြောပြသည်။</p> <p>တိုင်ပုဖန် သဘောကျသွားသည်။ လုယန်က ဘယ်လိုလုပ် အရိုင်းမျိုးနွယ်ဘိုးဘေးဖြစ်သွားသည်မသိ။</p> <p>"'အကိုလု'က အံ့ဩစရာတွေလုပ်တတ်သလို ကောင်းတာတွေလည်း အများကြီးလုပ်နိုင်တဲ့ပုံပဲ။ ဒီကိစ္စမှာ သူဒီလောက် အကူအညီပေးခဲ့မယ်လို့ ထင်မထားဘူး"</p> <p>တိုင်ပုဖန် ပြုံး၍ပြောသည်။</p> <p>အရင်က လုယန်သည် ကောင်းသည့်အလုပ်များမလုပ်ခဲ့၍မဟုတ်။ သူ့လုပ်ရပ်များကို တိုင်ပုဖန် အကြီးအကျယ် တုန်လှုပ်အံ့ဩခဲ့ရခြင်းသာဖြစ်သည်။ ကောင်းကင်ရုံးတော်ကို ရုတ်တရက်တည်ထောင်၍ နတ်ဆိုးဂိုဏ်းထဲ သူလျှိုဝင်သည်။ ဂိုဏ်းတည်ဘိုးဘေးကို ရုတ်တရက် ရှာတွေ့လာသည်။</p> <p>ယခုတစ်ကြိမ်ကတော့ ရိုးရှင်းသည့်ကောင်းကျိုးလုပ်ရပ်ကိုသာ လုပ်ခဲ့သည်။</p> <p>"မင်းပြောတာတွေအားလုံး တကယ်အမှန်လား"</p> <p>တိုင်ပုဖန် နောက်တစ်ကြိမ် ထပ်အတည်ပြုသည်။</p> <p>အရိုးရိုင်းက ရိုးသားစွာ ပြန်ဖြေသည်။</p> <p>"တကယ်အမှန်ပါ။ ကျုပ်ကို ဒီလိုပြောပြဖို့ အကိုလုကမှာလိုက်တာပါ"</p> <p> </p> <p> </p> <p style="text-align: center;">***</p>


Save