Book List

<h2 style="text-align: center;">အခန်း (၉၃၉)</h2> <h2 style="text-align: center;">မျှော်လင့်မထားသည့်အသိအကျွမ်း</h2> <h2 style="text-align: center;">*</h2> <p> </p> <p> </p> <p>လုယန် အကျဉ်းသားတစ်ယောက်ချင်းစီ၏ ပြစ်မှုများကိုကြည့်သည်။ ပြစ်မှုတစ်ခုကို သူအတော်စိတ်ဝင်စားသွားသည်။</p> <p>"မအောင်မြင်သည့် ပူးကပ်ရန်ကြိုးစားမှု"</p> <p>အတော်ရှားပါးသည့် ပြစ်မှုမျိုးဖြစ်သည်။ ပုံမှန်အားဖြင့် ကျင့်စဉ်အဆင့်မြင့်သူများက နိမ့်သူများကို ပူးကပ်လျှင် အောင်မြင်သည်ကများသည်။ အဆင့်နိမ့်သူက ခုခံနိုင်စွမ်းမရှိ။ မအောင်မြင်စရာအကြောင်းမရှိ။</p> <p>ထိန်းသိမ်းခံထားရသည့် အကျဉ်းသားကလည်း ကျင့်စဉ်အဆင့်မနိမ့်။ ဝိညာဉ်ပြောင်းနောက်ဆုံးအဆင့်ဖြစ်သည်။</p> <p>လန်ထင်က ရှင်းပြသည်။</p> <p>"ဒီလူက ကံဆိုးတယ်။ ခုန်ဟော် ဆိုတဲ့ကျင့်ကြံသူကို ဝင်ပူးကပ်ဖို့ကြိုးစားခဲ့တာ"</p> <p>လုယန် မျက်ခုံးတစ်ချက်တွန့်သွားသည်။ ခုန်ဟော် ကို သူမှတ်မိသည်။ ဂိုဏ်းနှစ်တစ်သိန်းနှစ်သောင်းပြည့် နှစ်ပတ်လည်ပွဲတွင် ဂိုဏ်းသခင်လုအဖြစ်ဟန်ဆောင်စဉ်က ခုန်ဟော် နှင့် သူတိုက်ခိုက်ခဲ့ဖူးသည်။</p> <p>ယှဉ်ပြိုင်တိုက်ခိုက်နေစဉ်အတွင်း ခုန်ဟော်က ခန္ဓာကိုယ်ထဲမှ ကြမ်းတမ်းသည့်သားရဲစွမ်းအားကို ငှားယူသုံးစွဲခဲ့သဖြင့် သူတိုင်တန်းခဲ့သည်။</p> <p>"အစက ခုန်ဟော်ရဲ့ ကျင့်စဉ်စွမ်းအားက သူ့လောက်မမြင့်ဘူး။ ဘာမှအဆင်မပြေစရာအကြောင်းမရှိဘူး။ ဒါပေမယ့် မထင်မှတ်ဘဲခုန်ဟော် ရဲ့သိစိတ်နယ်မြေမှာ ကူးဖြတ်ခြင်းအဆင့် ‌ထောင်ကျူးနှစ်ယောက်ရှိနေတယ်လေ"</p> <p>"နှစ်ယောက်...ဟုတ်လား"</p> <p>လုယန် တွေးသည်။ ခုန်ဟော်ကိုယ်ထဲတွင် ထောင်ကျူးတစ်ယောက်သာရှိခဲ့သည်။ ထိုထောင်ကျူး ကိုယ်ဝန်ရခဲ့ခြင်းများလား။ မဖြစ်နိုင်။ ထိုထောင်ကျူးသည် ကူးဖြတ်ခြင်းအဆင့်ထောင်ကျူးကိုတော့ မွေးနိုင်မည်မဟုတ်။</p> <p>"ဟုတ်တယ်။ ကူးဖြတ်ခြင်းအဆင့်ထောင်ကျူးနှစ်ယောက်ရှိနေတော့ ပူးကပ်တာဘယ်အောင်မြင်တော့မလဲ"</p> <p>နောက်ထပ် ပူးကပ်ရန်ကြိုးစားမှုမအောင်မြင်ခဲ့သည့် အကျဉ်းသားတစ်ယောက်လည်းရှိနေသည်။</p> <p>"ဒီတစ်ယောက်ကရော ဘယ်လိုအခြေအနေမျိုးလဲ"</p> <p>"ဒီလူက လုန်ဟော်ဆိုတဲ့လူကို ပူးကပ်ဖို့ကြိုးစားခဲ့တာ။ ကျင့်စဉ်အဆင့်ခြင်းကလည်း ကွာတယ်။ တကယ်ဆို အောင်မြင်ခဲ့သင့်တာပေါ့။ ဒါပေမယ့် သူ့ထွက်ဆိုချက်အရ ပူးကပ်တာအောင်မြင်ခါနီးမှာ လုန်ဟော်က 'ငါရှုံးလို့မဖြစ်ဘူး'လို့ အော်လိုက်တယ်တဲ့။ ဘာအဓိပ္ပါယ်မှန်းတော့မသိဘူး။</p> <p>နေရာတင်ချက်ချင်းအဆင့်တက်သွားတယ်။ ဝိညာဉ်စွမ်းအားတွေတိုးလာတယ်။ ဒါကြောင့် ဒီလူပူးကပ်တာ မအောင်မြင်တော့တာ။ ဂိုဏ်းအမတစ်ယောက်က ခရီးသွားရင်းတွေ့လို့ အကျဉ်းသားကို ဖမ်းခေါ်လာတာ။ အကျဉ်းသားထွက်ဆိုတာတော့ ပူးကပ်တာအောင်မြင်ရင် ခန္ဓာကိုယ်ကိုအားဖြည့်ဖို့ ရတနာတွေအများကြီး ပြင်ဆင်ထားတယ်တဲ့။</p> <p>အဲဒီ့ရတနာတွေကလည်း ခိုးထားတဲ့ပစ္စည်းတွေပါလို့ သူဝန်ခံတယ်။ ထူးဆန်းတာတစ်ခုရှိတယ်။ ဂိုဏ်းတူအမက သူ့ကိုခေါ်လာတော့ ခိုးရာပါပစ္စည်းတွေကို သွားရှာဖို့ တည်နေရာပြောပြတယ်။ ဒါပေမယ့် အဲဒီအမက လက်ဗလာနဲ့ပြန်လာခဲ့ရတယ်။ ရတနာတွေကို ဘယ်သူယူသွားမှန်းမသိဘူး"</p> <p>လုယန် လုန်ဟော်ကို မှတ်မိသည်။ ဂိုဏ်းနှစ်ပတ်လည်ပွဲတွင် မုန်ကျင်းကျိုးနှင့်ယှဉ်ပြိုင်ခဲ့သူဖြစ်သည်။</p> <p>"မိတ်ဆွေလုယန်၊ ကျုပ်တို့ ဒီမှာဆုံရမယ်လို့ထင်မထားခဲ့ဘူး"</p> <p>အကျဉ်းခန်းတစ်ခုမှ စကားသံထွက်လာသည်။</p> <p>"ရွှဲ့ရှီလုန်၊ မင်းကဒီမှာဘာလို့ရှိနေတာလဲ"</p> <p>လုယန် အံ့အားသင့်သွားသည်။ အပြစ်သားခန်းမတွင် အသိအကျွမ်းတစ်ယောက်နှင့် ဆုံရမည်ဟု သူလည်းထင်မထား။</p> <p>နှင်းအင်ပါယာသွေးဆက်ရှိသည်ဟု ကောလဟာလပြောကြသည့် မြောက်ပိုင်းအေးခဲနယ်မြေမှ ရွှဲ့ရှီလုန်ပင်ဖြစ်သည်။ လုယန်သူ့ကို အနိုင်ယူသည့်အချိန်တွင် ဒုတိယစရိုက်ကွဲက လွှမ်းမိုးသွားသည်။ ပထမစရိုက် ဒုတိယစရိုက်တို့ ပေါင်းစပ်သွားပြီး တန်ပြန်တိုက်ခိုက်ခဲ့သူဖြစ်သည်။</p> <p>သူ့အကျဉ်းခန်းတံခါးတွင် ကပ်ထားသည့်ပြစ်မှုက...နယ်စပ်ဖြတ်ကျော်မှု။</p> <p>မေးနေစရာမလိုတော့။ မဟာရှားသို့ တရားမဝင်လမ်းကြောင်းမှ လာခဲ့ခြင်းဖြစ်မည်။</p> <p>သဘာဝလည်းကျပါသည်။ လသံလွင်နန်းတော်သည် မြောက်ပိုင်းနယ်မြေနှင့် မဟာရှားနယ်စပ်တွင်ရှိသည်။ လူတစ်ယောက် နယ်စပ်မှခိုးဝင်ဖို့ လွယ်ကူသည်။ ရွှဲ့ရှီလုန်နဲ့မတွေ့မီကလည်း နယ်စပ်ဖြတ်ကျော်မှုဖြင့် ပြစ်ဒဏ်ချမှတ်ခံရသူများကို လုယန်မြင်ဖူးသည်။</p> <p>ထို့ပြင် သံလွင်ပင်ခိုးယူသူများလည်းရှိသည်။ ဤနေရာတွင် အကျဉ်းချထထားသည်။</p> <p>ရွှဲ့ရှီလုန်က ကိုယ့်ကိုယ်ကို မကျေမနပ်ဖြစ်နေသည့်လေသံဖြင့် ပြောသည်။</p> <p>"မဟာရှားနယ်စပ် စစ်ဆေးရေးဂိတ်တွေ တစ်ခုနဲ့တစ်ခု စည်းကမ်းတင်းကြပ်တာခြင်း ဒီလောက်ကွာခြားမယ်လို့ မထင်ခဲ့ဘူး။ ကျုပ်တကယ်ပေါ့ဆခဲ့တာပဲ"</p> <p>မဟာရှားမြောက်ပိုင်းနယ်စပ်သည် အလွန်ရှည်လျားသည်။ လသံလွင်နန်းတော်က နေရာအားလုံးကို စောင့်မကြည့်နိုင်။</p> <p>ရွှဲ့ရှီလုန်ဝင်လာစဉ်က လနန်းတော်စောင့်ကြည့်နယ်မြေမဟုတ်သည့်နေရာမှ ဝင်လာဟန်ရှိသည်။ ပြန်ထွက်ချိန်ကျမှ လနန်းတော်နယ်မြေကို ဖြတ်သွားမိခြင်းဖြစ်လိမ့်မည်။</p> <p>ထို့ပြင် မြောက်ပိုင်းနယ်မြေကျင့်ကြံသူတို့သည် တစ်ကိုယ်တော်လှုပ်ရှားသည်ကများသည်။ အချင်းချင်း ဆက်သွယ်ခဲသည်။ ထိုကြောင့် သတင်းစီးဆင်းမှု နှေးကွေးသည်။ မဟာရှားသို့ဝင်ထွက်ရာတွင် တရားဝင်လမ်းကြောင်းအတိုင်းသွားဖို့လိုကြောင်း ရွှဲ့ရှီလုန်ကို ဘယ်သူမှအသိပေးခဲ့ဟန်မတူ။</p> <p>"မိတ်ဆွေလုယန်၊ ကျုပ်လည်းရှိပါသေးတယ်"</p> <p>အနီးရှိ အကျဉ်းခန်းတစ်ခုမှ အသံထွက်လာပြန်သည်။</p> <p>လုယန် လှည့်ကြည့်လိုက်သည်။ ခဏငေးကြောင်သွားသည်။ ထိုလူကို သူမမှတ်မိ။</p> <p>"ခင်ဗျားကဘယ်သူလဲ"</p> <p>"ရွှမ်ယွမ်ထန်ဟန်"</p> <p>လုယန် သေချာပြန်တွေးကြည့်သည်။ ထိုနာမည်မျိုး သူမကြားဖူး။ ကြားဖူးလျှင် မှတ်မိရမည်။</p> <p>ဆက်ဆံရေးပြေလည်စေရန် နတ်မယ်ကို သူပြန်မေးလိုက်သည်။</p> <p>"နတ်မယ်၊ ဒီလူကိုခင်ဗျားသိလား"</p> <p>နတ်မယ်ခဏစဉ်းစားသည်။</p> <p>"ဒီနာမည်က ယင်ထန်မသေမျိုးပေးတဲ့ နာမည်နဲ့ဆင်တယ်"</p> <p>လုယန် အတည်ပြုလိုက်သည်။ ထိုလူကို သူတကယ်မသိ။</p> <p>"ကျုပ်က ရွှဲ့ရှီလုန်ရဲ့ ဂိုဏ်းတူအကိုပါ။ ကျုပ်တို့နှစ်ယောက်လုံး ဓားပွဲတော်အတူတက်ခဲ့ကြတာလေ"</p> <p>ရွှမ်ယွမ်ထန်ဟန်က ချက်ချင်းထပ်ပြောသည်။</p> <p>လုယန် နည်းနည်းမှတ်မိသလိုဖြစ်လာသည်။ ရွှဲ့ရှီလုန်နှင့် တိုက်ခိုက်စဉ်က သူ့ဂိုဏ်းတူအကိုဆိုသည့် လူတစ်ယောက်ရှိခဲ့သည်။ 'ညီလေးရွှဲ့ သတိလစ်သွားပြီ။ အခြေအနေမကောင်းတော့ဘူး' 'သူတို့ခိုက်စွမ်းအား ထိုးတက်လာတော့မယ်'ဟု စင်အောက်မှ အော်ပြောနေသူဖြစ်သည်။</p> <p>လုယန် နားလည်သွားသည်။ ညီအကိုနှစ်ယောက်လုံး နယ်စပ်ဖြတ်ကျော်ရင်း အဖမ်းခံရခြင်းဖြစ်မည်။ မဆိုးလှပါ။ အဖော်ရသည်။</p> <p>"မိတ်ဆွေလုယန်၊ မသေမျိုးဂိုဏ်းတပည့်အနေနဲ့ ကျုပ်တို့ညီအကိုကိုလွှတ်ပေးဖို့ လသံလွင်နန်းတော်ကို ပြောပေးလို့ရမလား။ ကျုပ်တို့ဒါမျိုးနောက်မလုပ်တော့ဘူးလို့ ကတိပေးပါတယ်"</p> <p>ရွှမ်ယွမ်ထန်ဟန်က တောင်းပန်သည်။</p> <p>လုယန်က တုံ့ဆိုင်းဆိုင်းဖြစ်နေသဖြင့် သူထပ်ပြောသည်။</p> <p>"စိတ်ချပါ မိတ်ဆွေလု။ ကျုပ်တို့ဒီကထွက်နိုင်ရင် သေချာပေါက် လက်ဆောင်ကောင်းကောင်းပေးပါ့မယ်"</p> <p>ထိုစကားကြောင့် လုယန်ဆုံးဖြတ်ချက်ချလိုက်သည်။ လန်ထင်ကိုလှည့်ကြည့်၍</p> <p>"သူပြောတာ မင်းကြားတယ်နော်။ သူတို့က အဆက်အသွယ်အားကိုးနဲ့ လာဘ်ထိုးဖို့ကြိုးစားနေတာ။ ဒီလိုကိစ္စမျိုးအတွက် မင်းတို့လနန်းတော်က ဘယ်လိုထပ်တိုးပြစ်ဒဏ်ပဲချချ လုပ်သာလုပ်လိုက်ပါ"</p> <p>အစောပိုင်းက ရွှမ်ယွမ်ထန်ဟန်၏ တောင်းဆိုချက်သည် လာဘ်ထိုးမှုမြောက်မမြောက် မသေချာခဲ့။ သို့သော်ယခု သေချာသွားသည်။</p> <p>"စိတ်ချပါအကို။ ကျွန်မတို့လနန်းတော်က အမြဲတမ်းတမ်း တရားမျှတပါတယ်"</p> <p>သူတို့စကားပြောနေစဉ် ရွှဲ့ရှီလုန်က ရုတ်တရက် ခန္ဓာကိုယ်တဆတ်ဆတ်တုန်လာပြီး ကြမ်းပြင်ပေါ်တွင် အဆက်မပြတ်လူးလှိမ့်နေသည်။ လုယန် အတော်လန့်သွားသည်။ သူ့ကို သွားကူညီရန်ပြင်သည်။ သို့သော် လန်ထင်ကတားသည်။</p> <p>"ဒါက သူ့နှင်းအင်ပါယာသွေးဆက် တဖြေးဖြေးနိုးထလာတဲ့သဘောပါ။ သူ့ကိုမနှောက်ယှက်ပါနဲ့"</p> <p>ရွှဲ့ရှီလုန် ဝေဒနာဖြင့်လူးလှိမ့်နေသည်ကိုကြည့်၍ လန်ထင်သက်ပြင်းချသည်။ အခြေအနေကို ရှင်းပြသည်။</p> <p>"ရွှဲ့ရှီလုန်ကို ဒီမှာအကျဉ်းချတော့ နေ့တစ်ပိုင်းမပြည့်ခင် ရုတ်တရက်သတိလစ်သွားတယ်။ သွေးတွေအန်တယ်။ သူ့ခန္ဓာကိုယ် အရမ်းအားနည်းသွားပြီး သေတော့မလိုဖြစ်ခဲ့တယ်။ ကျွန်မတို့လနန်းတော်ကို အကြပ်ကိုင်ဖို့ကြိုးစားနေတာလားလို့တောင် အကြီးအကဲမိုရန်က ထင်ခဲ့တာ။</p> <p>စိတ်ချရ‌အောင် ဆေးပညာကျွမ်းကျင်တဲ့ အကြီးအကဲ ကျိုးယွီလုကို သူသွားခေါ်ပြီး စစ်ဆေးခိုင်းတယ်။ စစ်ဆေးပြီးတော့ သူ့မှာနှင်းအင်ပါယာသွေးဆက်ရှိမှန်း သိရတယ်။ ဒါပေမယ့် သူ့ခန္ဓာကိုယ်က အားနည်းတော့ သွေးဆက်နိုးထတဲ့ဒဏ်ကို ခံနိုင်ရည်မရှိဘူး။ ဒီအတိုင်းပစ်ထားရင် သူသေချာပေါက်သေမှာပဲ။</p> <p>ကျွန်မတို့လနန်းတော်ရဲ့ အပြစ်သားခန်းမက တရားဝင်ဖွင့်ထားတဲ့ အကျဉ်းထောင်ပါ။ ပုဂ္ဂလိကပိုင် မြေတိုက်ခန်းမျိုးမဟုတ်ဘူး။ ဒီမှာလူတစ်ယောက်သေလို့ အပြင်ကိုသတင်းပြန့်သွားရင် မကောင်းဘူးလေ။ နားလည်မှုလွဲစရာတွေ ဖြစ်လာမယ်။ ဒါကြောင့် မတတ်သာလို့ သူခန္ဓာကိုယ်အဟာရဖြည့်ရင်း ဖြေးဖြေးချင်းပဲ သွေးဆက်နိုးထလာအောင် သူအင်ပါယာသွေးဆက်ကို ထိန်းချုပ်ထားရတယ်"</p> <p>ရွှဲ့ရှီလုန်သွေးဆက်နိုးထစေနိုင်ဖို့ လနန်းတော်က အဖိုးရတနာများသုံးခဲ့ရသည်။ ထိုအကြောင်းတွေးတိုင်း လန်ထင်ရင်နာသည်။</p> <p>"သူအခုဖြစ်နေတာက သွေးဆက်နိုးထတဲ့ သာမန်လက္ခဏာပါပဲ။ သွားကူညီဖို့မလိုဘူး။ နည်းနည်းလောက် အော်ဟစ်နေပြီးရင် အဆင်ပြေသွားမှာပါ"</p> <p>လုယန် မျက်ခုံးတစ်ချက်တွန့်သွားသည်။ ဤအပြစ်သားခန်းမသည် သူတို့အကျဉ်းထောင်တောင်ထိပ်ထက် များစွာစနစ်ကျသည်။</p> <p>အကျဉ်းထောင်တောင်ထိပ်တွင် အကျဉ်းသားများကို နှိပ်စက်ခြင်း၊ ရုပ်ခန္ဓာနှင့်ဝိညာဉ်သန့်စင်ခြင်းများသာ လုပ်ကြသည်။</p> <p>အကျဉ်းသားကို ကူညီကုသပေးသည့်ကိစ္စမျိုး တစ်ခါမှမကြားဖူး။</p> <p>သို့သော် အကျဉ်းထောင်တောင်ထိပ်တွင် ရွှဲ့ရှီလုန်လိုအဖြစ်မျိုးလည်း ကြုံနိုင်စရာမရှိ။ အကျဉ်းသားအားလုံး အနည်းဆုံး စုစည်းခြင်းအဆင့်ရှိသည်။ စုစည်းခြင်းအဆင့်ရောက်မှ သွေးဆက်နိုးထသည်ဆိုလျှင် နောက်ကျလွန်းနေပေလိမ့်မည်။</p> <p> </p> <p> </p> <p style="text-align: center;">***</p>


Save