Book List

<h2 style="text-align: center;">အခန်း ၉၃</h2> <h2 style="text-align: center;">အတွေ့အကြုံရင့် သူပုန်စစ်သည်များကို သုတ်သင်ခြင်း</h2> <h2 style="text-align: center;">*</h2> <p> </p> <p> </p> <p>ငတ်မွတ်စစ်သည်များမှာအားလုံးနီးပါး ထွက်ပြေးသွားကြသဖြင့် မာရှိုယင်း၏ မျက်နှာမှာ သွေးဆုတ်ဖြူရော်သွားလေတော့သည်။ ဤငတ်မွတ်စစ်သည်များမှာ တိုက်ပွဲဝင်ရန် မသင့်တော်သော်လည်း သူတို့သည် အနာဂတ်တွင်အတွေ့အကြုံရင့် သူပုန်စစ်သည်များဖြစ်လာမည့် မျိုးစေ့များဖြစ်သည်။ အချို့သူများကို သေချာလေ့ကျင့်ပေးပါက အရည်အချင်းပြည့်ဝသော အတွေ့အကြုံရင့် သူပုန်စစ်သည်များအဖြစ် ပုံသွင်းနိုင်ကောင်း ပုံသွင်းနိုင်ပေလိမ့်မည်။ ယခုအခါ ငတ်မွတ်စစ်သည်များ အားလုံးထွက်ပြေးသွားကြပြီဖြစ်ရာ ဆုံးရှုံးမှုမှာ အလွန်ကြီးမားလှသည်။</p> <p>သို့ရာတွင် အကယ်၍ သူကသာ ရှေ့တွင်ရှိနေသော ဘုရင့်တပ်ဖွဲ့ကို အနိုင်ယူနိုင်ခဲ့ပါက ထိုငတ်မွတ်စစ်သည်များထဲမှအချို့မှာ စားစရာအတွက် ပြန်လည်ရောက်ရှိလာကြပေလိမ့်မည်။ အင်အားတစ်ထောင်ကျော်သာရှိသော ဤဘုရင့်တပ်ဖွဲ့ငယ်လေးကို အနိုင်ယူနိုင်ခဲ့ပါက သူ၏ အင်အားမှာ ထိုမျှလောက်အထိ ဆုံးရှုံးသွားမည်မဟုတ်ပေ။</p> <p>မာရှိုယင်းက မြင်းတပ်သားများကြားတွင် ပုန်းကွယ်နေရင်း...</p> <p>"ချီတက်တဲ့ အရှိန်ကိုတင်ကြ... ဘုရင့်တပ်ဖွဲ့က သေနတ်တွေကိုပဲ သုံးတာ။ ပြေးဝင်နိုင်ခဲ့ရင် ငါတို့ နိုင်ပြီ"</p> <p>အမြောက်များဖြင့်ပစ်ခတ်ခံရမှုကြောင့် အကြောက်လွန်ကာထွက်ပြေးနေကြသော ငတ်မွတ်စစ်သည်များကို အတွေ့အကြုံရင့်သူပုန်စစ်သည်များနှင့် မြင်းတပ်သားများက ဆက်လက်မလိုက်တော့ဘဲ ပြန်လည်စုစည်းကာ တစ်လီခန့်အကွာတွင်ရှိနေသော ဘုရင့်တပ်ဖွဲ့ဆီသို့ လျင်မြန်စွာ ပြေးဝင်သွားကြလေသည်။</p> <p>သူပုန်တို့၏ ငတ်မွတ်စစ်သည်များ ဖရိုဖရဲ ထွက်ပြေးသွားကြသည်ကို မြင်သောအခါ လီကျစ်မှာ အလွန်တရာဝမ်းသာသွားပြီး သံလုံးအမြောက်ဆန်များဖြင့် နောက်တစ်ကြိမ်ထပ်မံပစ်ခတ်ရန် အမြောက်တပ်သားများကို အမိန့်ပေးလိုက်သည်။</p> <p>သူပုန်စစ်သည်များက ခြေလှမ်းတစ်ရာ့ငါးဆယ်ခန့် ရှေ့သို့ဆက်တက်လာပြီး ဘုရင့်စစ်သည်များနှင့် ခြေလှမ်းနှစ်ရာခန့်အကွာသို့ရောက်ရှိလာချိန်တွင် အထက်မှနေ၍ ထပ်မံပစ်ခတ်ခြင်း ခံလိုက်ရပြန်သည်။</p> <p>နောက်ထပ် အမြောက်ဆန် ၄၀ မှာ လေကိုခွဲကာပျံသန်းလာပြီး ခုနစ်ထောင်ကျော်ရှိသော သူပုန်များကြားသို့ အရှိန်အဟုန်ပြင်းစွာ ဝင်ရောက်ပေါက်ကွဲသွားတော့သည်။ အမြောက်သံကို ကြားလိုက်ရသည်နှင့်တစ်ပြိုင်နက် သူပုန်များမှာ အရပ်မျက်နှာအနှံ့သို့ ဖရိုဖရဲထွက်ပြေးကြပြီး တိုက်ကွက်များ ချက်ချင်းပင်ပျက်ယွင်းသွားလေတော့သည်။ သို့ရာတွင် ထိုကဲ့သို့ဖရိုဖရဲ ထွက်ပြေးနေကြသော်ငြားလည်း အမြောက်များ၏သေကြေပျက်စီးစေနိုင်စွမ်းမှာ အနည်းငယ်မျှ လျော့နည်းသွားခြင်းမရှိပေ။ ခြေလှမ်းနှစ်ရာအကွာအဝေးတွင် ခြောက်ပေါင်ဒါအမြောက်များက တိုက်ရိုက်ပစ်ခတ်နေပြီဖြစ်ရာ ၎င်းတို့၏ စွမ်းအားမှာ အလွန်တရာအံ့မခန်းဖြစ်နေတော့သည်။ အမြောက်ဆန် ၄၀ သည် သူပုန်များ၏ တပ်ဖွဲ့များကြားသို့ လေကိုခွဲ၍ ထိုးဖောက်ဝင်ရောက်သွားပြီး မျက်စိတစ်မှိတ်အတွင်းမှာပင် နောက်ထပ် အသက်ပေါင်း ၁၅၀ ကို နုတ်ယူသွားပြန်သည်။</p> <p>အမြောက်ဆန်ဆယ်လုံးကျော်မှာ မြင်းတပ်ဖွဲ့များကြားသို့ ကျရောက်ပေါက်ကွဲသွားသဖြင့် တန်ဖိုးကြီးမားလှသော သူပုန်မြင်းတပ်သားများစွာ သေဆုံးသွားခဲ့ရသည်။</p> <p>မာရှိုယင်း၏ရင်ထဲတွင်လည်း လေကိုခွဲထွက်လာသော အမြောက်ဆန်များ၏အသံကို ကြားလိုက်ရသည်နှင့် ထိတ်လန့်သွားပြီး အလိုအလျောက်ပင် သူ၏စစ်မြင်းပေါ်တွင် ကိုယ်ကိုဝပ်ချလိုက်မိသည်။ အမြောက်ဆန်တစ်လုံးမှာ သူနှင့် အနည်းငယ်အကွာမှ လေကိုခွဲ၍ ဖြတ်သန်းသွားကာ မြင်းတပ်သားနှစ်ဦး၏ စစ်မြင်းများကိုထိုးဖောက်သွားသဖြင့် ထိုမြင်းတပ်သားများမှာ မြင်းပေါ်မှ လွင့်စင်ကျသွားပြီး သေလုမျောပါး ဖြစ်သွားကြရသည်။</p> <p>မာရှိုယင်းက အသက်ပြင်းပြင်းရှူသွင်းလိုက်ပြီး ဘုရင့်တပ်ဖွဲ့၏ ပစ်ခတ်မှုစွမ်းအားမှာ ပြင်းထန်လွန်းလှသည်ဟု တိတ်တဆိတ်တွေးလိုက်မိသည်။ သူသည် ရှေ့သို့ ဆက်လက်ချီတက်ရန်ပင် တုံ့ဆိုင်းသွားမိပြီး ဤအမြောက်ဆန်များ၏စွမ်းအားကြောင့် အလိုအလျောက်ပင် ထွက်ပြေးချင်စိတ်များ ပေါ်ပေါက်လာမိသည်။</p> <p>သို့ရာတွင် နောက်ဆုံး၌ အသိတရားကခံစားချက်ကို အနိုင်ယူသွားလေသည်။ မြင်းပေါ်တွင် ရှိနေသော မာရှိုယင်းက...</p> <p>"တိုက်ခိုက်ကြ... ပြေးဝင်နိုင်ရင် ငါတို့ နိုင်ပြီ" ဟု အသံကျယ်ကျယ်ဖြင့် အော်ဟစ်လိုက်သည်။</p> <p>သူပုန်စစ်သည် ခုနစ်ထောင့်ကိုးရာတို့သည် သတ္တိမွေးကာ ရှေ့ပြေးတပ်ဖွဲ့ရှိရာသို့ အသံကျယ်ကျယ်ဖြင့် အော်ဟစ်ပြေးဝင်သွားကြလေသည်။</p> <p>ခြေလှမ်းနှစ်ရာအကွာအဝေးတွင် ရှေ့၌ရှိနေသော ဘုရင့်တပ်ဖွဲ့၏ တိုက်ကွက်ကို ရှင်းလင်းစွာ မြင်တွေ့နေရပြီဖြစ်သည်။ ဘုရင့်တပ်ဖွဲ့မှာ အင်အားတစ်ထောင်ကျော်သာရှိပြီး မြင့်မားသော ကုန်းကမူငယ်တစ်ခုပေါ်တွင် လခြမ်းပုံစံနေရာယူထားကာ ဘေးနှစ်ဖက်တွင် အမြောက် ၄၀ ကို နေရာချထားသည်။ မာရှိုယင်းက သူတို့သာပြေးဝင်နိုင်ခဲ့ပါကအနိုင်ရမည်ဟု အပြည့်အဝ ယုံကြည်ထားသည်။</p> <p>မြင်းတပ်သား သုံးထောင်မှာ အလွန်တန်ဖိုးကြီးမားသဖြင့် အရေးကြီးသောအချိန်များတွင်သာ အသုံးပြုရမည်ဖြစ်ပြီး တိုက်ကွက်များကို ထိုးဖောက်ရန်အတွက် အသုံးမပြုသင့်ပေ။ သို့ဖြစ်ရာ မာရှိုယင်းက ခြေလျင်စစ်သည်ငါးထောင်ကို အမြန်ဆုံးအရှိန်ဖြင့်ရှေ့သို့ပြေးဝင်စေပြီး ဘုရင့်တပ်ဖွဲ့ငယ်လေး၏ ရှေ့မျက်နှာစာကို တိုက်ရိုက်ဝင်ရောက်တိုက်ခိုက်ရန် အမိန့်ပေးလိုက်သည်။ လူငါးထောင်ဖြင့် လူတစ်ထောင်ကျော်ကို တိုက်ခိုက်ရမည်ဖြစ်ရာ သူ၏အတွေ့အကြုံရင့် သူပုန်စစ်သည်များက ဤဘုရင့်တပ်ဖွဲ့ကို တစ်ကျော့တည်းဖြင့် အလွယ်တကူအနိုင်ယူနိုင်လိမ့်မည်ဟု မာရှိုယင်းက ယုံကြည်ထားသည်။</p> <p>သို့ရာတွင် ရှေ့ပြေးတပ်ဖွဲ့၏ ပစ်ခတ်မှုစွမ်းအားမှာ မည်မျှအထိ ပြင်းထန်လှသည်ကို သူ လုံးဝ မသိရှိခဲ့ပေ။</p> <p>သူပုန်စစ်သည်များ ခြေလှမ်းနှစ်ရာအကွာသို့ ပြေးဝင်လာသည်ကိုမြင်သောအခါ လီကျစ်က သံလုံးအမြောက်ဆန်များဖြင့် ပစ်ခတ်နေမှုကိုရပ်တန့်လိုက်သည်။ သံလုံးအမြောက်ဆန်များက လောင်ဟွေဟွေ၏ သူပုန်စစ်သည်များကို ဖရိုဖရဲဖြစ်သွားစေကာ စစ်ဗျူဟာအရ ရည်မှန်းချက် အောင်မြင်သွားပြီဖြစ်သဖြင့် ရပ်တန့်လိုက်ခြင်းဖြစ်သည်။ သူက ခြောက်ပေါင်ဒါအမြောက်များ အားလုံးကို အစေ့များပါသော အမြောက်ဆန်များအမြန်ထည့်သွင်းစေပြီး ရန်သူများ ပြေးဝင်လာသည်ကို ပစ်ခတ်ရန်အသင့်ပြင်ထားစေသည်။</p> <p>ထိုအချိန်တွင် သေနတ်ကိုင်တပ်သားများမှာ တန်းစီနေရာယူထားကြပြီး အဆင့်သုံးဆင့်ခွဲ၍ ပစ်ခတ်ရန် အသင့်ပြင်ထားကြလေသည်။</p> <p>မီတာ သုံးရာ၊ မီတာ နှစ်ရာ၊ မီတာ တစ်ရာ့ငါးဆယ်... ဓားမြှောင်များနှင့် ဓားရှည်များကို ကိုင်ဆောင်ထားကြသော သူပုန်စစ်သည်ငါးထောင်သည် အသံကျယ်ကျယ်ဖြင့်အော်ဟစ်ကာ ရှေ့ပြေးတပ်ဖွဲ့နှင့် မီတာတစ်ရာ့ငါးဆယ်အကွာအထိ ပြေးဝင်လာကြသည်။</p> <p>လီကျစ်က သူ၏ စစ်သုံးဓားကိုဝှေ့ယမ်းကာ...</p> <p>"သေနတ်တပ်သားတွေ ပစ်"</p> <p>သတင်းပို့တပ်သားများက အသံကျယ်ကျယ်ဖြင့် ထပ်ဆင့်အော်ဟစ်လိုက်ကြပြီး ရိုင်ဖယ်ကိုင်ဆောင်ထားသော စစ်သည် ၃၈၀ က ပစ်မှတ်များကိုချိန်ရွယ်ကာ မောင်းခလုတ်များကို ဆွဲလိုက်ကြသည်။</p> <p>မီးတောက်မီးပွားများလင်းလက်သွားပြီး ဆက်တိုက်ပေါက်ကွဲသံများထွက်ပေါ်လာကာ ကုန်းကမူငယ်လေးပေါ်တွင် မွန်းကျပ်ဖွယ်ရာမည်းမှောင်နေသော မီးခိုးလုံးကြီးများ ထ၍လွင့်စင်လာသည်။ ကျည်ဆန် ၃၈၀ သည် ရှေ့မှ ပြေးဝင်လာသော သူပုန်စစ်သည်များရှိရာသို့ လေကိုခွဲ၍ ပျံသန်းသွားကြလေတော့သည်။</p> <p>မီတာ တစ်ရာ့ငါးဆယ်အကွာအဝေးတွင် လပေါင်းများစွာ ရိုင်ဖယ်ကိုလေ့ကျင့်ထားသော သေနတ်သမားတစ်ဦးအတွက် ထိမှန်နှုန်းမှာ ကိုးဆယ်ရာခိုင်နှုန်းခန့်ရှိသည်။</p> <p>သူပုန်ခြေလျင်စစ်သည်များ၏ ပြေးဝင်လာနိုင်သောအရှိန်မှာ အကန့်အသတ်ရှိသဖြင့် ရှေ့တည့်တည့်မှ ပြေးဝင်လာချိန်တွင် သူတို့မှာ မရွေ့လျားသောပစ်မှတ်များနှင့် တူနေလေသည်။ ထို့အပြင် သူပုန်များ၏ များပြားလှသောတိုက်ကွက်များမှာ အလွှာပေါင်းများစွာပါဝင်နေပြီး ပြေးဝင်လာချိန်တွင် ရှေ့မျက်နှာစာတစ်ခုလုံးကို ဖုံးလွှမ်းထားသည်။ သေနတ်သမားများအနေဖြင့် သတ်မှတ်ထားသော ပစ်မှတ်ကိုသာ တိတိကျကျပစ်ခတ်ရန် မလိုအပ်ပေ။ ဒေါင်လိုက်အနေအထား သိပ်မလွဲချော်သရွေ့... ဒေါင်လိုက် အမြင့်တစ်မီတာခန့်နှင့် အလျားလိုက် အဆုံးအစမရှိ ကျယ်ဝန်းသော စတုဂံပုံစံ ဧရိယာတစ်ခုလုံးကို အလွယ်တကူ ထိမှန်နိုင်ပေသည်။</p> <p>လက်တွေ့တိုက်ပွဲတွင် ထိမှန်နှုန်းမှာ လေ့ကျင့်ရေးကွင်းထဲကဲ့သို့ ကိုးဆယ်ရာခိုင်နှုန်းအထိ မရောက်သော်လည်း အလွန်တရာမြင့်မားနေဆဲပင်ဖြစ်သည်။</p> <p>မျက်စိတစ်မှိတ်အတွင်းမှာပင် သူပုန်သုံးရာနီးပါးမှာ ပျံသန်းလာသော ကျည်ဆန်များကြောင့် လဲကျသွားကြလေတော့သည်။</p> <p>သူပုန်များမှာ ရုတ်တရက်ကြီးမားသော ထိုးနှက်ချက်ကို ခံလိုက်ရသဖြင့် ချက်ချင်း တုံ့ပြန်နိုင်ခြင်း မရှိကြဘဲ မျက်စိမှိတ်ကာ ရှေ့သို့သာ ဆက်လက်ပြေးဝင်လာကြသည်။</p> <p>"ပစ်"</p> <p>ခုနစ်စက္ကန့်မျှသာကြာပြီးနောက် ဒုတိယအသုတ် သေနတ်သမားများက ရှေ့သို့ထွက်လာပြီး ဒုတိယအကြိမ် အစုလိုက်အပြုံလိုက် သတ်ဖြတ်မှုကို စတင်လိုက်ကြပြန်သည်။</p> <p>နောက်ထပ် သေနတ်သံ သုံးရာကျော်ထွက်ပေါ်လာပြီး မရေမတွက်နိုင်သော မီးခိုးလုံးကြီးများ လွင့်တက်လာကာ ကုန်းကမူငယ်တစ်ခုလုံးကိုဖုံးလွှမ်းသွားလေသည်။ အသက်ငတ်နေသော ကျည်ဆန်များသည် ရိုင်ဖယ်ပြောင်းဝများမှနေ၍ လေကိုခွဲကာ ထွက်ပေါ်လာပြီး ရှေ့မှ ပြေးဝင်လာသော သူပုန်များ၏ ကာကွယ်မှုမဲ့နေသော ခန္ဓာကိုယ်များထဲသို့ ရက်စက်စွာ ထိုးဖောက်ဝင်ရောက်သွားကြတော့သည်။ မြင့်မားသောအရှိန်ဖြင့် လည်ပတ်နေသော ကျည်ဆန်များသည် သူပုန်များ၏အသားများကို ဆုတ်ဖြဲကာ ကလီစာများရှိရာ ခန္ဓာကိုယ်အလယ်ပိုင်းကို ထိုးဖောက်ဖြတ်သန်းသွားပြီး ထိုကလီစာများကို သွေးနှင့်အသားစများအဖြစ် ကြေမွသွားစေသည်။</p> <p>ရှေ့ဆုံးမှပြေးဝင်လာသော ခြေလျင်စစ်သည်သုံးရာနီးပါးမှာ ဒဏ်ရာများမှ သွေးများ ပန်းထွက်လာပြီး သွေးအန်ကာ လဲကျသွားကြလေတော့သည်။</p> <p>ရှေ့ဆုံးမှ ပြေးဝင်လာသော ခြေလျင်စစ်သည်ရာဂဏန်းမှာ သတ္တိအရှိဆုံးသူများဖြစ်ကြပြီး သူတို့အားလုံးတစ်ပြိုင်နက်တည်း လဲကျသွားကြသည်။ နောက်မှလိုက်ပါလာသော သူပုန်များမှာ မှင်တက်သွားကြပြီး သူတို့၏ခြေလှမ်းများကို အရှိန်လျှော့လိုက်ကြကာ မီးခိုးများဖုံးလွှမ်းနေသော ကုန်းကမူငယ်လေးကို အထိတ်တလန့်ဖြင့် လှမ်းကြည့်နေကြသည်။</p> <p>သို့သော် သူတို့ တုံ့ဆိုင်းနေချိန်လေးမှာပင် တတိယအကြိမ် ပစ်ခတ်မှု စတင်လေပြီ။</p> <p>"ပစ်"</p> <p>ပျံသန်းလာသော ကျည်ဆန်များသည် သူပုန်များအပေါ်သို့ မိုးရွာချသကဲ့သို့ ကျဆင်းလာပြီး သူတို့၏ ခန္ဓာကိုယ်များကို ရက်စက်စွာဝင်ရောက်မှန်ကာ... နံရိုးများကို ကျိုးကြေသွားစေပြီး ထိုနုနယ်သောကလီစာများကို ကြေမွသွားစေတော့သည်။ အကယ်၍သူတို့မှာ ကံကောင်းထောက်မစွာဖြင့် ခန္ဓာကိုယ်အလယ်ပိုင်းကိုအပစ်မခံရဘဲ ခြေလက်အင်္ဂါများကိုသာ အပစ်ခံရပါကလည်း... လက်ရိုးများနှင့် ခြေသလုံးရိုးများမှာ ချက်ချင်းပင်ကျိုးကြေသွားသဖြင့် မြေပြင်ပေါ်သို့ လဲကျသွားကြပြီး တိုက်ခိုက်နိုင်စွမ်း လုံးဝ ဆုံးရှုံးသွားကြရသည်။</p> <p>အဆင့်သုံးဆင့်ခွဲ၍ တစ်ကျော့ပစ်ခတ်လိုက်ရုံဖြင့် အတွေ့အကြုံရင့် သူပုန်စစ်သည် ရှစ်ရာခန့်မှာ သေဆုံး သို့မဟုတ် ဒဏ်ရာရသွားကြပြီး သွေးအိုင်ထဲတွင် လဲကျသွားကြလေသည်။ ယခုအခါ အသက်ရှင်ကျန်ရစ်သော အတွေ့အကြုံရင့် သူပုန်စစ်သည် လေးထောင်ခန့်သာ ကျန်ရှိတော့သည်။</p> <p>သို့ရာတွင် သူပုန်များမှာ နောက်ဆုံးမျှော်လင့်ချက် ရောင်ခြည်လေးတစ်ခုကို ဆုပ်ကိုင်ထားကြဆဲ ဖြစ်သည်။ သူတို့က ဤတစ်ကြိမ်ပစ်ခတ်ပြီးပါက ကုန်းကမူပေါ်ရှိ ဘုရင့်တပ်ဖွဲ့အနေဖြင့် ယမ်းကြိုးသေနတ်များကို ပြန်လည်ကျည်ထိုးရန် အချိန်ယူရမည်ဖြစ်သဖြင့် ဒုတိယအကြိမ်ပစ်ခတ်ရန် အချိန်ရမည်မဟုတ်ဟု ခန့်မှန်းထားကြသည်။ သူတို့သာ ပြေးဝင်နိုင်ခဲ့ပါက အနိုင်ရမည်ဟု ယုံကြည်ထားကြသည်။</p> <p>သူတို့သည် ကြောက်ရွံ့တုန်လှုပ်နေကြသော်လည်း ရှေ့ပြေးတပ်ဖွဲ့နှင့် မီတာတစ်ရာအကွာအထိ ဆက်လက်ပြေးဝင်လာကြသည်။</p> <p>သို့ရာတွင် သူတို့၏စိတ်ကူးယဉ်အိပ်မက်များမှာ ရက်စက်လှသော လက်တွေ့အခြေအနေကြောင့် လျင်မြန်စွာပင်ပျက်စီးသွားရလေတော့သည်။ ခုနစ်စက္ကန့်ခန့်သာ ရပ်နားပြီးနောက် ကုန်းကမူပေါ်ရှိ ရှေ့ပြေးတပ်ဖွဲ့သည် အဆင့်သုံးဆင့်ခွဲ၍ ပစ်ခတ်ခြင်းကို ထပ်မံစတင်လိုက်ပြန်သည်။</p> <p>မီတာတစ်ရာ အကွာအဝေးတွင် ရှေ့မျက်နှာစာစတုဂံပုံစံ ဧရိယာတစ်ခုလုံးသို့ ရိုင်ဖယ်များဖြင့် ပစ်ခတ်ရာတွင် ထိမှန်နှုန်းမှာအလွန်တရာမြင့်မားလှသည်။ ကျည်ဆန်များမှာ မျက်လုံးများ ပါရှိနေသကဲ့သို့ပင် သူပုန်များ၏ရင်ဘတ်များထဲသို့ တစ်တောင့်ပြီးတစ်တောင့် ထိုးဖောက်ဝင်ရောက်သွားကာ... နှလုံး၊ အစာအိမ်၊ အဆုတ်၊ ကျောက်ကပ် အစရှိသည်တို့ကို ဖောက်ထွင်းသွားပြီး တွေ့ရာအရာအားလုံးကို ကြေမွသွားစေကာ လူသတ်ကောင်အတွေ့အကြုံရင့် သူပုန်စစ်သည်များကို ငရဲပြည်သို့ ပို့ဆောင်ပေးလိုက်လေတော့သည်။</p> <p>မျက်စိတစ်မှိတ်အတွင်းမှာပင် နောက်ထပ် သူပုန်စစ်သည် သုံးရာကျော်မှာ ရိုင်ဖယ်များ၏ ပြောင်းဝအောက်တွင် လဲကျသွားကြပြန်သည်။</p> <p>ဤသူများသည် ဘုရင့်စစ်သည်များမဟုတ်ကြဘဲ ကောင်းကင်ဘုံမှ စစ်သည်တော်များသာ ဖြစ်ရမည်။ အရှေ့ဘက်မှာ သေမင်းနယ်မြေဖြစ်ပြီး ရှေ့ဆက်တက်ပါက သေလမ်းသာရှိတော့မည်။</p> <p>လူအင်အား နှစ်ဆယ့်ငါးရာခိုင်နှုန်းခန့် ဆုံးရှုံးသွားခြင်းက အတွေ့အကြုံရင့် သူပုန်စစ်သည်များ၏ သည်းခံနိုင်စွမ်း အကန့်အသတ်ကိုကျော်လွန်သွားခဲ့ပြီဖြစ်သည်။ မည်သူ၏ အသက်ကိုမျှ ကောက်ရထားခြင်းမဟုတ်ရာ ဤသေမင်းနယ်မြေကြီးကို ဖြည့်ဆည်းရန်အတွက် မည်သူက မိမိ၏အသက်ကို ပေးဆပ်လိုမည်နည်း။ ရှေ့ဆုံးမှ ပြေးဝင်လာသော သတ္တိအရှိဆုံး အတွေ့အကြုံရင့် သူပုန်စစ်သည်များအားလုံးမှာ အသက်စွန့်သွားကြပြီဖြစ်ပြီး... ကျန်ရစ်သူများမှာမူ ထိုမျှလောက် သတ္တိမရှိကြတော့ပေ။ ရှေ့မှ ပြေးနေသူများက နောက်မှလာသူများကို နေရာဝင်ယူစေရန်နှင့် သူတို့ကို ကာကွယ်ပေးရန် မျှော်လင့်ချက်ဖြင့် သူတို့၏ခြေလှမ်းများကို အရှိန်လျှော့လိုက်ကြပြီး နောက်မှ ပြေးလာသူများကတော့ ချက်ချင်းပင် နောက်ကြောင်းလှည့်ကာ ထွက်ပြေးကြလေတော့သည်။</p> <p>ထွက်ပြေးနေသူများက အခြားသူများကိုပါ လျင်မြန်စွာကူးစက်သွားစေပြီး နောက်ဆုံးတွင် အားလုံး နောက်ကြောင်းလှည့်ကာ ထွက်ပြေးကြလေတော့သည်။</p> <p>သူတို့သည် အထိတ်တလန့်ဖြင့် နောက်ကြောင်းလှည့်ကာထွက်ပြေးကြပြီး လက်ထဲတွင် ကိုင်ဆောင်ထားသော ဓားမြှောင်များနှင့် လှံရှည်များအားလုံးကို လွှင့်ပစ်လိုက်ကြကာ ပိုမိုမြန်ဆန်စွာ ပြေးနိုင်ရန်သာ မျှော်လင့်ကြတော့သည်။</p> <p>ရှေ့ပြေးတပ်ဖွဲ့၏ ဆက်တိုက်ပစ်ခတ်သံများကြားတွင်အတွေ့အကြုံရင့် သူပုန်စစ်သည်များမှာ သံချပ်ကာအင်္ကျီများကို စွန့်ပစ်ကာ အရပ်မျက်နှာအနှံ့သို့ ဖရိုဖရဲ ထွက်ပြေးကြလေတော့သည်။</p> <p>ထွက်ပြေးနေစဉ်အတွင်း ရှေ့ပြေးတပ်ဖွဲ့က ဆက်လက်ပစ်ခတ်နေသဖြင့် အထိတ်တလန့် ထွက်ပြေးနေကြသော အတွေ့အကြုံရင့်သူပုန်စစ်သည်များမှာ ရှေ့ပြေးတပ်ဖွဲ့၏ရှေ့တွင် နောက်ထပ် အလောင်းတစ်ထောင်နီးပါးကို ချန်ရစ်ခဲ့ကြလေတော့သည်။</p> <p> </p> <p> </p> <p style="text-align: center;">***</p>


Save