Book List

<h2 style="text-align: center;">အခန်း ၅၉</h2> <h2 style="text-align: center;">မင်းကြီးရဲ့သဘောထား</h2> <h2 style="text-align: center;">*</h2> <h2 style="text-align: center;"> </h2> <p> </p> <p>“ဟုတ်ကဲ့ ကျွန်မ နားလည်ပါတယ်”</p> <p>ကျောက်ကွေ့ဖေးက ပြောလိုက်သည်။ သူမ၏ နှုတ်ခမ်းများသည် အလွန်တုန်ယင်နေသဖြင့် သူမသည် အမြဲတမ်း အာဏာကြီးသောကွေ့ဖေးတစ်ပါးဆိုသော်လည်း ထိုအချိန်တွင် သူမသည် ကြောက်လန့်နေသည့် ငှက်တစ်ကောင်ဖြစ်နေပုံရသည်။</p> <p>“အင်း ပြန်လို့ရပြီ၊ ငါ ပင်ပန်းနေပြီ”</p> <p>မယ်တော်ကြီးမှ သူမ၏ လက်အား လွှတ်လိုက်ရာ ပိချောင်က လက်ကိုင်ပုဝါကို ချက်ချင်း ပေးအပ်လိုက်သည်။ မယ်တော်ကြီးသည် သူမ၏ လက်များကို ဖြည်းညှင်းစွာ သုတ်လိုက်ပြီး ခေါင်းကို ငုံ့၍ လက်ကျန် ရေနွေးကြမ်း တစ်ဝက်ကို ဆက်သောက်လိုက်သည်။</p> <p>“ဟုတ်ကဲ့ ပြန်လိုက်ပါဦးမယ်”</p> <p>ကျောက်ကွေ့ဖေး မြေပြင်မှထလိုက်သည်။ တောက်ပသော ပုလဲကဲ့သို့ သူမ၏မျက်နှာသည် ဖြူဖျော့နေခဲ့သည်။ သူမ၏ အမျိုးသမီးအစေခံတစ်ဦးဖြစ်သော ချွေ့ရှီ သည် မတ်တတ်ရပ်၍ ကျောက်ကွေ့ဖေးအား ဦးညွှတ်ရန်ကူညီလိုက်လိုက်သည်။</p> <p>ကျုံးမင်းကောက သူမကို အံ့သြတကြီးနဲ့ ကြည့်နေခဲ့သည်။</p> <p>“ဟုတ်ပါ့၊ မယ်တော်ကြီးက အမြဲတမ်း ဘာသိဘာသာပဲနေပြီး အနောင်ဆောင်ကိစ္စတွေကို ဝင်မစွက်ဖက်ဖူးဘူး။ ဒီနေ့ကျောက်ကွေ့ဖေးကို လန့်စရာကောင်းအောင်ပြောသွားလိုက်တာများ”</p> <p>“ကျောက်ကွေ့ဖေးဆို တော်တော့်ကိုကြောက်သွားတာ၊ နန်းတော်ထဲမှာ ရောက်နေတာ နှစ်အတော်ကြာပြီဆိုပေမဲ့ မယ်တော်ကြီး ဒေါသထွက်တာကို မြင်ဖူးတာ ပထမဆုံးအကြိမ်ပဲ၊ လုံးဝအရှိန်အဟုန်က ကြောက်စရာကောင်းလွန်းတယ်။”</p> <p>“မယ်တော်ကြီးက နန်းတော်ထဲမှာ သူ့ဘဝသက်တမ်း အများစုကို ကုန်ဆုံးခဲ့တာလေ၊ ဘယ်သာမာန်အမျိုးသမီးတစ်ယောက်ဖြစ်ပါ့မလဲ။ ပြီးတော့ နတ်ရွာစံဧကရီကလည်း သူ့တူမပဲ၊ သူ့ကိုယ်တိုင်ပျိုးထောင်ပေးထားတာဆိုတော့ ကာကွယ်ပေးတာ မဆန်းပါဘူး”</p> <p>ကျုံးမင်းကောက ပြောခဲ့သည်။ သူ ရေနွေးတစ်ခွက်ကို လောင်းထည့်ပြီး ရှုဖေးကို ပေးကာ ခေတ္တရပ်လိုက်ပြီးမှ</p> <p>“ဒါပေမယ့် သားတော် နားမလည်တာက မယ်တော်ကြီးက ကျောက်ကွေ့ဖေးကို သီးသန့်သင်ခန်းစာပေးလို့ရပါလျက်နဲ့၊ ဘာလို့မယ်တော့်ရှေ့မှာ မျက်နှာပျက်ရအောင်လုပ်တာလဲ”</p> <p>ရှုဖေးက ရေနွေးခွက်ကို ကိုင်ပြီး အေးစက်စွာ အော်ဟစ်ပြောဆိုလိုက်သည်။</p> <p>“ဒီနေ့ ကျောက်ကွေ့ဖေးသာ စီနင်း နန်းတော်ကို သွားမယ်ဆိုတာ သိရင် ငါသွားမှာမဟုတ်ဘူး။ လူဆိုတာ နှိမ့်ချပြီးနေတတ်ရတယ်၊ အခုကြည့် မယ်တော်ကြီးရှေ့မှာ နတ်ရွာစံဧကရီကို ခံပြောရဲတယ်၊ ရလဒ်အနေနဲ့ မယ်တော်ကြီး ငေါက်တဲ့အခါကျ ခြေတောင်မခိုင်ရှာတော့ဘူး။ ငါတို့နန်းဆောင်ကျ အမြဲတိုက်ခိုက်နေတာ၊ ကြီးနိုင်ငယ်ညှင်းအစစ်ပဲ”</p> <p>“ကျွန်တော်ထင်တာ ဒါက တိုက်ဆိုင်မှုမဟုတ်လောက်ဘူး”</p> <p>အနောက်ဆောင်က အမျိုးသမီးတွေရဲ့ တိုက်ပွဲကို အာရုံမစိုက်ခဲ့တဲ့ ကျုံးမင်းကောက ပြောလိုက်သည်။ သူက မျက်မှောင်ကြုတ်ပြီး</p> <p>“မယ်တော်ကြီးက ကျောက်ကွေ့ဖေးနဲ့ မယ်တော့်စကားတွေကနေ နန်းတော်ထဲကို စကားဖြန့်ချင်တာဖြစ်လောက်တယ်။”</p> <p>“အိမ်ရှေ့စံမင်းသားကို နန်းချလိုက်ပေမယ့်၊ သူက နတ်ရွာစံဧကရီရဲ့သားတော်ပဲ၊ အိမ်ရှေ့မင်းသားအကြောင်း မကောင်းမပြောသင့်ဘူး”</p> <p>“အိမ်ရှေ့မင်းသား နန်းချခံရတဲ့အရေးမှာ ကျောက်မိသားစုက အရမ်းကြိုးစားထားတယ်။ ရလဒ်အနေနဲ့ အိမ်ရှေ့မင်းသားက နင်းဂုတကို ရောက်သွားပြီ၊ ဟိုနေ့က ခမည်းတော်က ယန်ရှီးနန်တော်က ပန်းပင်ကို ခုတ်လိုက်တယ်တဲ့။ ခမည်းတော်ရဲ့ ကျောက်မိသားစုအပေါ် သဘောထားက အခုအချိန်မှာ အလွန်ရှင်းလင်းနေတယ်။ နတ်ရွာစံဧကရီရဲ့ အောက်မေ့ဖွယ်အခမ်းအနားကို ဆက်လုပ်တာနဲ့ပက်သက်ပြီး ပြောချင်တာက နန်းကျမင်းသားကိစ္စနဲ့ဘာမှမသက်ဆိုင်ဘဲ အခမ်းအနားကို လုပ်နေကျအတိုင်းလုပ်မယ်ဆိုတာပဲ။”</p> <p> </p> <p> </p> <p style="text-align: center;">***</p>


Save