Book List

<h2 style="text-align: center;">အခန်း (၁၄၄၁)</h2> <h2 style="text-align: center;">ဖူထူလောကရဲ့ နက်ရှိုင်းတဲ့ ရေအိုင်</h2> <h2 style="text-align: center;">*</h2> <p> </p> <p>​“သူက ကျမရဲ့ အဖွဲ့ဝင်ပဲ”</p> <p>​ကြာနီနတ်မိမယ်က ထိုအမာခံတပည့်ကို ကြည့်လိုက်ရာ သူမ၏ အကြည့်များမှာ အေးစက်လှသည်</p> <p> “စီနီယာအစ်မကြီး သေခါနီးမှာ ဒီစကားကို တကယ်ပြောသွားခဲ့တာ၊ သူက ပြန်ပြောပြတာပဲရှိတာ၊ ဘာပြဿနာရှိလို့လဲ ”</p> <p>​“စီနီယာအစ်မကြီး သေဆုံးရတဲ့ ကိစ္စမှာ ဘက်ပေါင်းစုံက ပြဿနာတွေ ရှိနေတာ အမှန်ပဲ။ ဒီကိစ္စ ပတ်သက်ဆက်နွှယ်မှုက ငါတို့ ထင်ထားတာထက် ပိုပြီး ကျယ်ပြန့်နိုင်တယ်။ အကြီးအကဲများကောင်စီ ဘက်ကလည်း... ကိုယ့်ကိုယ်ကိုယ် ပြန်ပြီး စစ်ဆေးဖို့ လိုလိမ့်မယ်”</p> <p>​ဒုတိယစီနီယာအစ်ကိုက လေးလေးနက်နက် ခေါင်းညိတ်ပြသည်။</p> <p>​နန်မင်ရုယွဲ့နှင့် လီရှမ်းဇီတို့ကလည်း ထောက်ခံစကား ဆိုကြရာ ခုနက ဖန့်ချန်ကို ဒေါသတကြီး အော်ဟစ်ခဲ့သည့် အမာခံတပည့်မှာ မျက်နှာပျက်သွားပြီး ဆက်လက်၍ စကားမပြောတော့ပေ။</p> <p>​“အကြီးအကဲများကောင်စီကတော့ တကယ်ပဲ ကိုယ့်ကိုယ်ကိုယ် ပြန်စစ်ဆေးဖို့ လိုအပ်တယ်”</p> <p>​အကြီးအကဲချန်က အသာအယာ ခေါင်းညိတ်လိုက်ပြီး</p> <p>“လောလောဆယ်တော့ သိထားတဲ့ သဲလွန်စတွေကို အောက်ခြေအဆင့်အထိ အကြောင်းကြားလိုက်မယ်။ လူလွှတ်ပြီး ရုလိုင်ဘုရားကျောင်းနဲ့ အဆိပ်ငါးပါးဂိုဏ်းဆီကို သွားခိုင်းလိုက်ပါ”</p> <p>​“ယင်လောကငယ် ဘက်ကိုလည်း လူလွှတ်သင့်တယ်၊ စီနီယာအစ်မကြီးရဲ့ ဝိညာဉ်ကို ရှာတွေ့နိုင်မလားဆိုတာ ကြည့်ရမယ်”</p> <p>ဟု တစ်ဦးက အကြံပြုသည်။</p> <p>​အကြီးအကဲချန်က ထိုသူကို တစ်ချက်ကြည့်လိုက်ကာ</p> <p> “လူလွှတ်ရမှာပေါ့၊ သွားမယ့်သူဟာ ကျွယ်မင်ကျင့်ကြံသူ ဖြစ်ရမယ်၊ ကျင့်ကြံမှုကလည်း အဆင့် ၁ မသေမျိုးထက် မကျော်ရဘူး။ ဒီကိစ္စကို ငါကိုယ်တိုင် စီစဉ်မယ်”</p> <p>​“ဒါဆို အခု... ကျွယ်မင်ကြယ်တာရာကို ပြန်ကြမလား စီနီယာအစ်မကြီးရဲ့ ရုပ်အလောင်းကို ကောင်းကောင်းမွန်မွန် သင်္ဂြိုဟ်ပေးသင့်နေပြီ”</p> <p>​တတိယစီနီယာအစ်မက ပြုံး၍ ဆိုသည်</p> <p>“သေသွားတာတောင် လူတွေကို တစ်နေကုန် လာကြည့်ခိုင်းနေတာက မကောင်းဘူးလေ၊ ဒါက မသင့်တော်ဘူး”</p> <p>​“တတိယစီနီယာအစ်မ... ရှင့်ရဲ့ သဘောထားက ဘယ်လိုဖြစ်နေတာလဲ ”</p> <p>“စီနီယာအစ်မကြီး သေသွားတာကို ရှင်က ဝမ်းသာနေသလိုပဲနော် ”</p> <p>“ဂိုဏ်းတူညီအစ်ကို မောင်နှမ သံယောဇဉ် နည်းနည်းလေးမှ မရှိဘူး”</p> <p>​နံပါတ် ၇ စီနီယာအစ်မက စတင်ပြောဆိုလိုက်ရာ စီနီယာအစ်မကြီး၏ နောက်လိုက် အမာခံတပည့်များကလည်း တတိယစီနီယာအစ်မကို ဝိုင်းဝန်း ပြစ်တင်ကြတော့သည်။</p> <p>​သို့သော် တတိယစီနီယာအစ်မကမူ လုံးဝ ဂရုမစိုက်ပေ။</p> <p>သူမ ကိုယ်တိုင် ပြန်ပြောစရာပင် မလိုဘဲ သူမ၏ နောက်လိုက်များက ပြန်လည် တုံ့ပြန်အော်ဟစ်ပေးနေကြပြီ ဖြစ်သည်။</p> <p>​အခြေအနေမှာ အနည်းငယ် ရှုပ်ထွေးလာသည်ကို မြင်သောအခါ အကြီးအကဲချန်က အေးစက်စွာ နှာခေါင်းရှုံ့လိုက်သည်။</p> <p>“မင်းတို့မှာ ဒီလောက် အားယားနေရင်လည်း ဒီကိစ္စရဲ့ နောက်ဆက်တွဲတွေကို သေချာ ကိုင်တွယ်ကြစမ်း၊ ဒီမှာတင် ကိုယ့်လူအချင်းချင်း ရန်ဖြစ်မနေကြနဲ့၊ ပြန်ကြမယ် ”</p> <p>​စကားဆုံးသည်နှင့် အကြီးအကဲချန်သည် သူ၏ နဂါးနက်လှေကို ထုတ်ဖော်ကာ ဦးစွာ ထွက်ခွာသွားတော့သည်။</p> <p>ကျန်ရှိသော အကြီးအကဲများသည်လည်း လင်းကွေ့ကြယ်တာရာမှ ရှေးဟောင်းမသေမျိုးများကို နှုတ်ဆက်ကာ အသီးသီး ထွက်ခွာသွားကြသည်။</p> <p>​“အားလုံးပဲ... ကျနော်တို့လည်း ခွင့်ပြုပါဦး”</p> <p>လင်းကွေ့ကြယ်တာရာမှ ရှေးဟောင်းမသေမျိုး သုံးဦးမှာလည်း တစ်ဦးကိုတစ်ဦး ကြည့်လိုက်ကြပြီး လျင်မြန်စွာပင် နှုတ်ဆက်ကာ ထွက်ခွာသွားကြသည်။</p> <p>သူတို့သည် ထိုရှုပ်ထွေးသော ကိစ္စထဲတွင် ပါဝင်ပတ်သက်လိုစိတ် မရှိကြပေ။</p> <p>​နဂါးနက်လှေပေါ်တွင် အမာခံတပည့်များသာ ကျန်ရစ်ခဲ့ပြီး သူတို့၏ အကြည့်များမှာ ထိုရေခဲခေါင်းတလားပေါ်တွင် ရှိနေကြသည်။</p> <p>​“စီနီယာအစ်မကြီးရဲ့ ရေခဲခေါင်းတလားကို ညီမလေးဟုန် ဆီမှာပဲ ထားဖို့ဆိုတာ ငါတို့လည်း စိတ်မချဘူး၊ ငါ့ရဲ့ နဂါးနက်လှေနဲ့ပဲ အတူတူ သယ်သွားလိုက်မယ်”</p> <p>ဟု တတိယစီနီယာအစ်မက ခပ်ပြုံးပြုံး ဆိုသည်။</p> <p>​“မင်းဆီမှာ ထားရင် ပိုတောင် စိတ်မချသေးတယ်၊ ငါပဲ စောင့်ရှောက်ပြီး သယ်သွားပေးမယ်။ အမာခံတပည့်ခေါင်းဆောင် အောက်နယ်မြေမှာ သေဆုံးရတာတင် လှောင်စရာ ကောင်းနေပြီ၊ လမ်းမှာ ပြဿနာ တစ်ခုခု ထပ်ဖြစ်ရင် ငါတို့ ကျွယ်မင်နန်းတော်ရဲ့ မျက်နှာ ဘယ်မှာ သွားထားရမလဲ ”</p> <p>ဟု နံပါတ် ၄ က ကန့်ကွက်သည်။</p> <p>​“စီနီယာအစ်မကြီးမှာ ကြိုပြောခဲ့တဲ့ စကားရှိပါတယ်၊ သူမရဲ့ ရုပ်အလောင်းကို ကျမပဲ သယ်ဆောင်သွားရမယ်လို့။ ဒါကြောင့် စီနီယာ အစ်ကို၊ အစ်မတို့ ပင်ပန်းမခံပါနဲ့တော့။ ကျမ ကျွယ်မင်ကြယ်တာရာကို ပြန်ဖို့ ပြင်ပါတော့မယ်၊ စီနီယာတို့လည်း ပြန်ကြပါတော့ရှင်”</p> <p>ဟု ကြာနီနတ်မိမယ်က တည်ငြိမ်စွာ ဆိုသည်။</p> <p>​နန်မင်ရုယွဲ့က ထိုအခြေအနေကို မြင်သောအခါ ပြုံးလိုက်ပြီး အားလုံးကို ဆိုသည်။</p> <p> “ဒါဟာ စီနီယာအစ်မကြီး ချန်ရစ်ခဲ့တဲ့ နောက်ဆုံးစကား ဖြစ်နေတော့လည်း ငါတို့ အဲဒီအတိုင်းပဲ လိုက်နာရမှာပေါ့။ စီနီယာအစ်မကြီးရဲ့ ဝိညာဉ်သာ သိခဲ့ရင် ငါတို့ကို စိတ်ဆိုးနေမှာ မဟုတ်ပါဘူး”</p> <p>​“ဝိညာဉ်က သိရမယ် စီနီယာအစ်မကြီးက အရင်ကတည်းက  ယင်မသေမျိုးလမ်းစဉ်ကို အထင်အမြင်သေးခဲ့တာ၊ ဒီလမ်းစဉ်မှာ ဘာမှ ကြိုးစားအားထုတ်ခဲ့တာ မဟုတ်ဘူး။ အခု ယင်လောကကို ရောက်သွားခဲ့ရင်တောင် ကျင့်ကြံမှု ဘာမှ ကျန်မှာမဟုတ်ဘူး။ ငါတို့က ဘာလို့ သူမရဲ့ မျက်နှာကို ဆက်ကြည့်နေရဦးမှာလဲ သူမ စီနီယာအစ်မကြီး လုပ်ခဲ့တာလည်း နှစ်တွေ အတော်ကြာခဲ့ပြီ၊ တော်လောက်ပါပြီ”</p> <p>​တတိယစီနီယာအစ်မက အေးစက်စွာ နှာခေါင်းရှုံ့လျက် အားလုံးကို ဝေ့ကြည့်လိုက်ကာ နောက်ဆုံးတွင် ကြာနီနတ်မိမယ်ကို ပြုံးစစဖြင့် ကြည့်သည်။</p> <p>“ဒါဆိုရင်လည်း မင်းအပြန်လမ်းမှာ သေချာ သတိထားဦးပေါ့၊ တကယ်လို့ စီနီယာအစ်မကြီးကို ပျောက်သွားအောင် လုပ်မိရင်တော့ မင်းလည်း အမာခံတပည့်တစ်ယောက်အနေနဲ့ အပြစ်ပေးခံရလိမ့်မယ်”</p> <p>​စကားဆုံးသည်နှင့် သူမသည် သူမ၏ နဂါးနက်လှေပေါ်သို့ ပြန်တက်ကာ နယ်မြေရှာဖွေရေး အဖွဲ့နှင့်အတူ ဟင်းလင်ပြင်ပြာကြီးထဲသို့ ပျောက်ကွယ်သွားတော့သည်။</p> <p>​ကျန်ရှိသော အမာခံတပည့်များလည်း တစ်ဦးပြီးတစ်ဦး ထွက်ခွာသွားကြသည်။</p> <p>နန်မင်ရုယွဲ့သည်လည်း မထွက်ခွာမီ ကြာနီနတ်မိမယ်ကို လမ်းမှာ သတိထားရန် မှာကြားပြီး ဘာမှ ထပ်မပြောဘဲ ထွက်သွားခဲ့သည်။</p> <p>​အားလုံး ထွက်သွားပြီးနောက်မှ ကြာနီနတ်မိမယ်က ဖန့်ချန်ကို ကြည့်ကာ</p> <p>“ဖန့်မိတ်ဆွေ... လမ်းမှာ တစ်ခုခု ထူးခြားတာ ဖြစ်လာနိုင်မလား ”</p> <p>​“ပြောရခက်တယ်၊ ဒီအချိန်မှာတောင် ထပ်ပြီး လှုပ်ရှားရဲတယ် ဆိုရင်တော့ စီနီယာအစ်မကြီး သေဆုံးမှုနဲ့ မကင်းဘူးလို့ ပြောလို့ရတယ်။ ဒါပေမဲ့ စီနီယာအစ်မကြီး တကယ် သေ၊ မသေ ဆိုတာကို အတည်ပြုဖို့က ဒီကြားထဲမှာပဲ အခွင့်အရေး ရှိတာ။ ကျွယ်မင်ကြယ်တာရာကို ရောက်သွားပြီဆိုရင်တော့ အဲဒီအခွင့်အရေးက မရေမရာ ဖြစ်သွားပြီ”</p> <p>ဟု ဖန့်ချန်က ဆိုသည်။</p> <p>​ကြာနီနတ်မိမယ်က အသာအယာ ခေါင်းညိတ်လိုက်ပြီးနောက် သူမ၏ ကိုယ်တွင်းမှ မသေမျိုးစွမ်းအား များကို နဂါးနက်လှေအတွင်းသို့ ထည့်သွင်းလိုက်သည်။</p> <p> နဂါးနက်လှေသည် စွမ်းအားများ ရရှိသည်နှင့် ချက်ချင်းပင် အလင်းတန်းတစ်ခုအဖြစ် ပြောင်းလဲကာ ဟင်းလင်ပြင်ပြာကြီးထဲသို့ အရှိန်အဟုန်ဖြင့် တိုးဝင်သွားတော့သည်။</p> <p>​ပထမ လအနည်းငယ် ခရီးစဉ်မှာ အဆင်ပြေချောမွေ့ခဲ့ပြီး လမ်းတွင် မည်သည့် အတားအဆီးမှ မရှိခဲ့ပေ။</p> <p>တစ်ခါတစ်ရံ တခြားအဖွဲ့အစည်းများ၏ နဂါးနက်လှေများနှင့် တွေ့ဆုံရသော်လည်း သူတို့သည် ကျွယ်မင်နဂါးနက်လှေကို မြင်သည်နှင့် လမ်းဖယ်ပေးကြပြီး အနားမကပ်ရဲကြပေ။</p> <p>​ကျွယ်မင်နန်းတော် အမာခံတပည့် ဆိုသည့် ဂုဏ်ပုဒ်မှာ စိတ်ဝိညာဥ်နယ်မြေ  အတွင်း၌ အဆင့်အတန်း အမြင့်မားဆုံးထဲတွင် ပါဝင်ပေသည်။</p> <p>​“ဟုန်မိတ်ဆွေ... ကျွယ်မင်ယင်လောကမှာတုန်းက ကြားဖူးတာကတော့ အမာခံတပည့်တွေဟာ  ယင်မသေမျိုးလမ်းစဉ်ကို ကြိုတင် ကျင့်ကြံခွင့် ရှိတယ်ဆိုပဲ၊ အဲဒီလမ်းစဉ်အကြောင်း ဘယ်လောက် သိထားလဲ ”</p> <p>ဟု ဖန့်ချန်က အမှတ်မထင် မေးလိုက်သည်။</p> <p>​“ယင်မသေမျိုး လမ်းစဉ်ဆိုတာ ဝိညာဉ်ကို ကျင့်ကြံတာပဲ”</p> <p>ကြာနီနတ်မိမယ်က တွေးတောရင်း ဆိုသည်</p> <p>“ကျမ အမာခံတပည့် ဖြစ်လာပြီးတဲ့နောက် ရှင် ပျောက်ကွယ်နေတဲ့ နှစ်တွေအတွင်းမှာ ကျွယ်မင်နန်းတော်က ကျမကို ယင်မသေမျိုး လမ်းစဉ် ကျင့်ကြံနည်းတွေ တကယ်ပဲ သင်ပေးခဲ့ပါတယ်။ ဒါပေမဲ့ အဲဒါက ကျင့်ကြံချိန် အများကြီး ယူရသလို၊ လူသားလောကက ကျင့်ကြံမှုကိုလည်း နှောင့်နှေးစေနိုင်တယ်။ ကျမက အဆင့် ၁ မသေမျိုးအဖြစ် အမြန်ဆုံး တက်လှမ်းချင်တာကြောင့် ယင်မသေမျိုး လမ်းစဉ်ကို တကယ်တမ်း မကျင့်ကြံရသေးဘူး”</p> <p>​သူမက ဖန့်ချန်ကို တစ်ချက်ကြည့်ကာ</p> <p>“ဒီကျင့်စဉ်ကို အမာခံတပည့် မဟုတ်သူတွေကို ခိုးသင်ပေးလို့ မရဘူး၊ ဖန့်မိတ်ဆွေ နားလည်ပေးပါဦး”</p> <p>​“ရပါတယ်၊ ကျုပ်က သိချင်ရုံ သက်သက်ပါ”</p> <p>ဟု ဖန့်ချန်က အေးဆေးစွာ ပြုံး၍ ဆိုသည်။</p> <p>​“စီနီယာအစ်မကြီးကလည်း ယင်မသေမျိုး လမ်းစဉ်ကို သိပ်ပြီး ဂရုမစိုက်ခဲ့ပုံရတယ်”</p> <p> ကြာနီနတ်မိမယ်က ရေခဲခေါင်းတလားကို ကြည့်ကာ သက်ပြင်းချလိုက်သည်။</p> <p>​ဒီစီနီယာအစ်မကြီးရဲ့ နည်းလမ်းတွေက တကယ်ကို ထူးခြားဆန်းပြားလွန်းလှသည်။</p> <p> ထိုအကြီးအကဲတွေတောင် သူမ ဟန်ဆောင်သေနေတာကို မရိပ်မိကြပေ။</p> <p>​“ကျုပ်သိသလောက် ယင်မသေမျိုး လမ်းစဉ်က အားနည်းချက်အချို့ကို ဖြည့်ဆည်းပေးနိုင်တယ်။ တကယ်လို့  မတော်တဆ သေဆုံးခဲ့ရင်တောင် ကျင့်ကြံမှုတွေ အကုန်မဆုံးရှုံးဘဲ တခြားပုံစံတစ်ခုနဲ့ ဆက်လက် အသက်ရှင်နိုင်တာမျိုးပေါ့။ ပြီးတော့... ယင်လောက ယင်သက်တမ်း တွေကို ယင်မသေမျိုးတွေက တိုက်ရိုက် စုပ်ယူနိုင်တယ်၊ ဒါကြောင့် သူတို့ရဲ့ သက်တမ်းက အလွန် ရှည်လျားတာပဲ”</p> <p>​ကြာနီနတ်မိမယ်က ခပ်ဖွဖွ ပြုံးလိုက်ပြီး</p> <p> “ကျမ ခန့်မှန်းတာသာ မှန်မယ်ဆိုရင် ကျွယ်မင်နန်းတော်ရဲ့ အရင်က အားကောင်းခဲ့တဲ့ ပညာရှင်ကြီးတွေဟာ အခု လူသားလောကမှာ သေဆုံးသွားပြီ ဆိုပေမဲ့ သူတို့ဟာ ယင်လောကမှာတော့ ဆက်လက် အသက်ရှင်နေဦးမှာပဲ၊ လူကိုယ်တိုင် ထွက်မလာကြတာပဲ ဖြစ်လိမ့်မယ်”</p> <p>​ဖန့်ချန် ဘာမှ ပြန်မပြောမိပေ။</p> <p>ကျွယ်မင်နန်းတော်တွင် ယင်မသေမျိုး လမ်းစဉ် ရှိသည်ကို သိကတည်းက သူ ထိုအချက်ကို ခန့်မှန်းမိပြီးသား ဖြစ်သည်။</p> <p>​ကျွယ်မင်နန်းတော်၏ အစစ်အမှန် အင်အားမှာ     ကျွယ်မင်ယင်လောက အတွင်း၌ ရှိနေနိုင်ချေ အလွန်ကြီးမားသည်။</p> <p>နှစ်ပေါင်းများစွာ စုဆောင်းလာခဲ့သည့် ယင်မသေမျိုး အရေအတွက်မှာ မည်မျှအထိ များပြား ထိတ်လန့်စရာ ကောင်းနေမည်နည်း သူတို့တွင် ယင်မိစ္ဆာမျှော်စင် ကဲ့သို့သော အရာမျိုးပင် ရှိနေသေးသည်။</p> <p>​ယင်မိစ္ဆာတွေကို သန့်စင်ပြီး စင်ကြယ်သော ယင်သက်တမ်းများ ရယူခြင်းသည် ယင်မသေမျိုး အမြောက်အမြားကို မွေးမြူထားနိုင်ရန် လုံလောက်ပေသည်။</p> <p>​ကျွယ်မင်နန်းတော် တင်မကဘဲ အထက်နယ်မြေ သုံးခုက ထိပ်တန်း အင်အားစုအားလုံးသည် ထိုအတိုင်းပင် လုပ်ဆောင်နေကြလိမ့်မည်ဟု ခန့်မှန်းရသည်။</p> <p>​ဖူထူလောက ရဲ့ ရေအိုင်က သူထင်ထားတာထက် အများကြီး ပိုပြီး နက်ရှိုင်းလှသည်။</p> <p>ထိုသို့ ဖြစ်နေခြင်းကြောင့်ပင် ငရဲမင်းအမိန့်တော် ကို ပိုင်ဆိုင်ထားသည့် သူသည် ဖူထူလောကအတွင်း၌ အတိုင်းအတာတစ်ခုအထိ အသာစီး ရထားသကဲ့သို့ ဖြစ်နေပေသည်။</p> <p>​“မဟန်တော့ဘူး၊ ဒီနေရာက ကြယ်မြေပုံ  ထဲမှာ မှတ်သားထားတာနဲ့ မတူတော့ဘူး ”</p> <p>​ကြာနီနတ်မိမယ်က ရုတ်တရက် မျက်မှောင်ကြုတ်ကာ အလန့်တကြား ပြောလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save