Book List

<h2 style="text-align: center;">အခန်း (၁၄၄၄)</h2> <h2 style="text-align: center;">လက်ဖက်ရည်ပွဲတော်</h2> <h2 style="text-align: center;">*</h2> <p> </p> <p>​ကျွယ်မင်ကြယ်ပေါ်ရှိ ဂုဏ်ထူးရမှတ်နန်းဆောင်အတွင်း၌ ဖန့်ချန်သည် ဂုဏ်ထူးရမှတ် ၅,၀၀၀ ကို ထုတ်ယူရရှိခဲ့သည်။</p> <p> ၎င်းအနက် ၃,၀၀၀ မှာ စီနီယာအစ်မကြီးက ပေးအပ်ခြင်းဖြစ်ပြီး ကျန် ၂,၀၀၀ မှာ ကျွယ်မင်နန်းတော်က ချီးမြှင့်ခြင်းဖြစ်သည်။</p> <p>​ယခုတစ်ကြိမ်တွင် အကြီးအကဲများကောင်စီက ထိုမျှများပြားသော ဂုဏ်ထူးရမှတ်ကို အလွယ်တကူ သဘောတူခွင့်ပြုပေးလိုက်ခြင်းမှာ စီနီယာအစ်မကြီးနှင့် ပတ်သက်နေသလို၊ ကျွယ်မင်နန်းတော်၏ ရိတ်သိမ်းရရှိမှုနှင့်လည်း သက်ဆိုင်ပေလိမ့်မည်။</p> <p>​ရှေးဟောင်းမသေမျိုးစာရင်းဝင်ခွင့် တစ်စောင်။</p> <p>​ဝိညာဉ်ရတနာစာရင်းတွင် အဆင့် ၂၇၃ ချိတ်ထားသည့် ရှေးဟောင်းယုံသရဲလှေ တစ်စင်း။</p> <p>​ထိုပစ္စည်းနှစ်မျိုးစလုံး၏ တန်ဖိုးမှာ ဂုဏ်ထူးရမှတ် ၂,၀၀၀ ထက် များစွာသာလွန်နေပေသည်။</p> <p>​"ဖန့်မိတ်ဆွေ..."</p> <p>​ရှေ့နားမှ လူပုံရိပ်အချို့ လျှောက်လာကြရာ ဦးဆောင်လာသူမှာ ယုထျန်းကော် ဖြစ်ပြီး သူနှင့်အတူ ကြေးညိုရောင်ကျောက်စိမ်းပြားများ ခါးတွင်ချိတ်ဆွဲထားသည့် အပြင်စည်းကျင့်ကြံသူ အချို့လည်း ပါလာကြသည်။</p> <p>​"ယုမိတ်ဆွေ... ခင်ဗျားလည်း ကျွယ်မင်ကြယ်ကို ရောက်နေတာလား ဂုဏ်ယူပါတယ်ဗျာ"</p> <p>ဖန့်ချန်က ပြုံးလျက် လက်အုပ်ချီ နှုတ်ဆက်လိုက်သည်။</p> <p>​အပြင်စည်းကျင့်ကြံသူများအတွက်မူ ကျွယ်မင်ကြယ်သို့ လာရောက်ခွင့်ရခြင်းမှာ အာဏာဗဟိုချက်သို့ ဝင်ရောက်နိုင်ခြင်းနှင့် တူညီပေသည်။</p> <p>ထိုနေရာတွင် အခွင့်အလမ်းများစွာ ရှိနေပြီး အမာခံတပည့် ဖြစ်မလာလျှင်ပင် နောင်တစ်ချိန်တွင် အဆင့် ၂ သို့မဟုတ် အဆင့် ၃ မသေမျိုးအဖြစ် ရာထူးတိုးရန် အခွင့်အရေး အလွန်ကောင်းမွန်လှသည်။</p> <p>​ယုထျန်းကော်သည် ဖန့်မောင်ချန်ကို မြင်လိုက်ရသဖြင့် အလွန်ဝမ်းသာသွားသည်။</p> <p>ဘေးမှ လူအချို့မှာလည်း ဖန့်မောင်ချန်နှင့် ခင်မင်ရင်းနှီးမှု ရှိကြသူများ ဖြစ်ကြရာ ဟင်းလင်ပြင်ထဲတွင် နှစ်ပေါင်းများစွာ အတူတကွ ခရီးသွားခဲ့ဖူးသူများ ဖြစ်ကြပေသည်။</p> <p>​စကားစမြည်ပြောရင်းမှ ယုထျန်းကော်မှာ အမာခံတပည့်တစ်ဦး၏ မျက်စိကျခြင်းကို ခံခဲ့ရကြောင်း သိလိုက်ရသည်။</p> <p> ဘေးမှ လူများမှာလည်း ထိုနည်းတူပင် ဖြစ်ကြပြီး ယခုအခါ ထိုအမာခံတပည့်၏ နယ်မြေစူးစမ်းရေးအဖွဲ့ဝင်များ ဖြစ်နေကြပြီ ဖြစ်သည်။</p> <p>​"သတ်ဖြတ်သူကျား  စူးစမ်းရေးအဖွဲ့လား အရင်က ကြားဖူးသလိုပဲ၊ အဲဒီအမာခံတပည့်က အဆင့် ၃ မသေမျိုးလား ဝါရင့်ပညာရှင်တစ်ယောက်ပဲ"</p> <p>ဖန့်မောင်ချန်က ပြုံး၍ ဆိုသည်။</p> <p>​"ဟုန်အမာခံတပည့်ရဲ့ စူးစမ်းရေးအဖွဲ့ကကော ဖွဲ့စည်းပြီးပြီလား  ဘာအမည်ပေးထားလဲ နောက်ပိုင်း ဟင်းလင်ပြင်ထဲမှာ တွေ့ရင် နှုတ်ဆက်လို့ရအောင်လို့ပါ"</p> <p>ယုထျန်းကော်က မေးသည်။</p> <p>​သူ့ဘေးမှ လူများ၏ မျက်ဝန်းထဲတွင် အားကျရိပ်များ ပေါ်လာကြသည်။</p> <p> ထို ဟုန် အမာခံတပည့်မှာ မည်သူဖြစ်ကြောင်း သူတို့ သိကြသော်လည်း သူမသည် ပထမဆုံးအကြိမ် စူးစမ်းရေးထွက်ရုံမျှဖြင့် ဝူရှန့်ငရဲ  တွင် ကောင်းကင်ဘုံကပေးသော အခွင့်အရေးကြီးကို ရရှိကာ အမာခံတပည့်ရာထူးကို တန်းတက်သွားလိမ့်မည်ဟု မည်သူမျှ မထင်မှတ်ထားခဲ့ပေ။</p> <p>​"ဟုန်အမာခံတပည့်ရဲ့ စူးစမ်းရေးအဖွဲ့က အပြည့်အစုံ မဖွဲ့ရသေးဘူး၊ နာမည်လည်း အတည်မပြုရသေးဘူး။ ဒါပေမဲ့ ကိုးနယ်မြေ စူးစမ်းရေးအဖွဲ့ ဆိုတဲ့ နာမည်ကိုပဲ ဆက်သုံးဖို့ များပါတယ်"</p> <p>ဖန့်မောင်လေးက ပြန်ဖြေသည်။</p> <p>​"ကိုးနယ်မြေ... ကောင်းတာပေါ့၊ နာမည်ကြားရုံနဲ့တင် ရည်မှန်းချက်ကို သိနိုင်တယ်"</p> <p>ယုထျန်းကော်က ဆက်ပြောသည်</p> <p> "ငါတို့ ကျွယ်မင်ကြယ်မှာ မိတ်ဆွေအချို့နဲ့ သိကျွမ်းခဲ့တယ်။ နောင်မှာ ကျွယ်မင်ယင်လောကမှာ တာဝန်ကျရင်ဖြစ်ဖြစ်၊ တစ်ခါတလေ ယင်မိစ္ဆာတွေကို သွားရောက်နှိမ်နင်းရရင်ဖြစ်ဖြစ် မိတ်ဆွေများလေ လမ်းစများလေပဲ မဟုတ်လား။ အခု လက်ရှိမှာ လက်ဖက်ရည်ပွဲတော်တစ်ခု ရှိနေတယ်၊ ဖန့်မိတ်ဆွေလည်း ငါတို့နဲ့အတူ လိုက်ကြည့်ပါလား"</p> <p>"ကြားရသလောက်တော့ အဲဒီပွဲကို ကျင်းပတဲ့ ကျင့်ကြံသူက ဒီနေရာမှာ ကျင့်ကြံနေတာ နှစ်ပေါင်းများစွာ ရှိပြီဆိုတော့ ဒီအကြောင်းတွေကို အများကြီး သိထားတယ်တဲ့"</p> <p>​"ရွှေရောင်တံဆိပ်ပြား ရထားတဲ့ စီနီယာအချို့လည်း ပါတယ်လို့ ကြားတယ်၊ သူတို့က အမာခံတပည့်တွေ မဟုတ်ကြပေမဲ့ သိတဲ့သူတွေ များတယ်လေ။ သူတို့နဲ့ သိကျွမ်းထားရင် ငါတို့ရဲ့ နောက်ပိုင်းလမ်းခရီးအတွက် အထောက်အကူ ဖြစ်စေမှာပါ"</p> <p>တစ်ဦးက ဝင်၍ ထောက်ခံစကား ဆိုသည်။</p> <p>​ယုထျန်းကော်၏ မျက်ဝန်းထဲတွင် မျှော်လင့်ချက်ရိပ်များ ရှိနေသည်ကို ဖန့်ချန် မြင်လိုက်ရသည်။</p> <p> သူကိုယ်တိုင်လည်း စီနီယာအစ်မကြီးထံမှ အကြောင်းကြားစာကို စောင့်ဆိုင်းနေရသဖြင့် အားလပ်နေသောကြောင့် သူတို့နှင့်အတူ လိုက်သွားရန် သဘောတူလိုက်သည်။</p> <p>​သူသည် စီနီယာအစ်မကြီးနှင့် ပြောဆိုထားပြီး ဖြစ်သည်။</p> <p>ဂုဏ်ထူးရမှတ်များကို ထုတ်ယူပြီးပါက အမာခံတပည့် စစ်ဆေးမှုအတွက် လျှောက်ထားမည် ဖြစ်သည်။</p> <p> သို့သော် ထိိုကိစ္စမှာ ပြင်ဆင်ရန် အချိန်အနည်းငယ် လိုအပ်ပေသည်။</p> <p>​မကြာမီတွင် အားလုံးမှာ ဝိညာဉ်စွမ်းအား ကြွယ်ဝလှသော မသေမျိုးတောင်တစ်ခုသို့ ရောက်ရှိလာကြသည်။</p> <p> လမ်းတစ်လျှောက်တွင်လည်း ဖိတ်ကြားချက်အရ လာရောက်ကြသော ကျင့်ကြံသူများစွာကို တွေ့ရသည်။</p> <p>​သူတို့၏ ကျင့်ကြံမှုအဆင့်မှာ အခြေခံအားဖြင့် ဘေးဒုက္ခဖြတ်ကျော်ခြင်းအဆင့် အထက်တွင် ရှိကြသည်။</p> <p>မသေမျိုးအဖြစ် တက်လှမ်းပြီးသူများ ( ပါသလို၊ အဆင့် ၁ မသေမျိုးများ၊ အဆင့် ၂ နှင့် အဆင့် ၃ မသေမျိုးအချို့ကိုလည်း တွေ့ရသည်။</p> <p>​မသေမျိုးတောင်ထဲသို့ ဝင်လိုက်သည်နှင့် အလွန်စည်ကားလှသော လက်ဖက်ရည်ပွဲတော်ကို မြင်လိုက်ရသည်။</p> <p> ကျင့်ကြံသူ အမြောက်အမြားသည် ဟိုဟိုဒီဒီ သွားလာနေကြပြီး ရင်းနှီးသူများနှင့် စကားပြောဆိုနေကြသလို၊ စားပွဲပေါ်ရှိ မသေမျိုးသစ်သီးများကိုလည်း မြည်းစမ်းနေကြသည်။</p> <p>​ယုထျန်းကော်က ပတ်ဝန်းကျင်ကို တစ်ချက်ကြည့်လိုက်ရာ မသေမျိုးအဆင့်သို့ တက်လှမ်းခါစ ကျင့်ကြံသူတစ်စုကို တွေ့သဖြင့် ပြုံးရွှင်စွာဖြင့် သွားရောက်နှုတ်ဆက်လေသည်။</p> <p>သူသည် ထိုအထဲမှ တစ်ဦးနှင့် အတော်လေး ရင်းနှီးပုံရပြီး အားတက်သရော စကားပြောနေကြသည်။</p> <p>​"ဟွမ်မိတ်ဆွေ... ကျုပ် မိတ်ဆက်ပေးပါရစေ၊ ဒီပုဂ္ဂိုလ်ကတော့ ဖန့်ချန် ပါ။ ခင်ဗျား ကြားဖူးမှာပါနော်"</p> <p>ယုထျန်းကော်က ပြုံး၍ မိတ်ဆက်ပေးသည်။</p> <p>​ဖန့်ချန်</p> <p>​ကျင့်ကြံသူတစ်စုမှာ ခေတ္တမျှ စဉ်းစားလိုက်ကြရာ ဤအမည်မှာ အလွန်ရင်းနှီးနေသည်ဟု ခံစားရသည်။</p> <p> ခဏအကြာတွင်မူ အကြောင်းရင်းကို သတိရသွားကြသည်။</p> <p>​ဝူရှန့်ငရဲတွင် စူးစမ်းရေးအဖွဲ့ဝင်အားလုံး အမာခံတပည့်ရာထူးသို့ တန်းတက်သွားသည့် ကိစ္စက လူများစွာကို စိတ်လှုပ်ရှားသွားစေခဲ့ဖူးသည်။</p> <p> ထို့အပြင် ထိုစူးစမ်းရေးအဖွဲ့ခေါင်းဆောင်မှာ ဝူရှန့်ငရဲတွင် နတ်ဆေးပင်များစွာကို ရှာတွေ့ခဲ့ပြီး မသေမျိုးကျောက်တုံးများနှင့် ဂုဏ်ထူးရမှတ်များစွာ လဲလှယ်ခဲ့ခြင်းကလည်း လူများစွာကို မနာလိုဖြစ်စေခဲ့သည်။</p> <p>ထိုစူးစမ်းရေးအဖွဲ့မှာ ကံကောင်းလွန်းလှသည်ဟုသာ လူတိုင်းက မှတ်ချက်ပြုကြသည်။</p> <p>​"ဪ... ဖန့်မိတ်ဆွေကိုး၊ နာမည်ကြားနေရတာ ကြာပါပြီ၊ အခုမှပဲ တွေ့ဖူးတော့တယ်"</p> <p>ဟွမ်ဆန်းကျင်းက အားတက်သရော ကြိုဆိုသည်။</p> <p>ကျန်သူများကလည်း ထိုနည်းတူပင်။</p> <p>​ဖန့်ချန်၏ ကြွယ်ဝမှုမှာ သူတို့ထက် များစွာသာလွန်နေမှန်း သိလိုက်ရပြီးနောက် သူတို့သည် တန်းတူရည်တူ သဘောထားမျိုးဖြင့် မဆက်ဆံရဲတော့ပေ။</p> <p> တစ်ဖက်လူက အနည်းငယ်မျှ လက်တို့လိုက်ရုံဖြင့် သူတို့အတွက် စိတ်ကူးမယဉ်ရဲသော ပမာဏကို ရရှိနိုင်သည် မဟုတ်ပါလား။</p> <p>​စကားအနည်းငယ် ပြောပြီးနောက် ဟွမ်ဆန်းကျင်းက ရုတ်တရက် စပ်စုချင်စိတ်ဖြင့် မေးလိုက်သည်။</p> <p>"ဖန့်မိတ်ဆွေ... ဒီတစ်ခေါက်ရော နတ်ဆေးပင်တွေ လဲလှယ်ခဲ့သေးလား "</p> <p>​"ဟုတ်သားပဲ..."</p> <p>ယုထျန်းကော်တို့လည်း စိတ်လှုပ်ရှားသွားကြသည်။</p> <p> သူတို့ ထိုနေရာသို့ ရောက်စကပင် ဖန့်ချန်၏ သတင်းကို ကြားခဲ့ရခြင်း ဖြစ်သည်။</p> <p>ထိုမျှများပြားသော မသေမျိုးကျောက်တုံးများနှင့် ဂုဏ်ထူးရမှတ်များအရ နတ်ဆေးပင်ကို လဲလှယ်ပြီးလောက်ပြီဟု ယူဆရသည်။</p> <p>​"နတ်ဆေးပင် လဲပြီးပါပြီ၊ လူသားမသေမျိုးလမ်းစဉ်  ကို ရွေးချယ်လိုက်ပါတယ်"</p> <p>ဖန့်ချန်က ပြုံးလျက် ဆိုသည်။</p> <p>​"ဖန့်မိတ်ဆွေက အဆင့် ၁ မသေမျိုးအဖြစ် တက်လှမ်းသွားပြီပေါ့ ဂုဏ်ယူပါတယ်ဗျာ"</p> <p>ယုထျန်းကော်၏ မျက်နှာတွင် အံ့သြရိပ်များ ပေါ်လာသော်လည်း မျက်ဝန်းနက်ရှိုင်းသော နေရာတွင် အားငယ်စိတ် အနည်းငယ် ဖြတ်ပြေးသွားသည်။</p> <p>​ယခင်က သူ၏ ကျင့်ကြံမှုမှာ ဖန့်ချန်နှင့် မရှေးမနှောင်းပင် ဖြစ်ပြီး ဖန့်ချန်ထက်ပင် အနည်းငယ် မြင့်နေခဲ့သေးသည်။</p> <p>သို့သော် ယခုအခါတွင်မူ သူသည် ဘေးဒုက္ခဖြတ်ကျော်ခြင်းအဆင့်မှာပင် ရှိနေသေးသော်လည်း တစ်ဖက်လူမှာ အဆင့် ၁ မသေမျိုး ဖြစ်သွားလေပြီ။</p> <p>ထိုခြေလှမ်းတစ်လှမ်းမှာ အားလုံးကို အဝေးကြီးသို့ ချန်ထားခဲ့လေပြီ။</p> <p>​ဟွမ်ဆန်းကျင်းတို့၏ အမူအရာမှာလည်း ပို၍ ရိုသေကိုင်းညွတ်သွားကြသည်။</p> <p>သို့သော် လူသားမသေမျိုးလမ်းစဉ်ဟု ကြားလိုက်ရသောအခါ စကားစကို ရပ်သွားကြပြန်သည်။</p> <p>​အကြောင်းမှာ ကျွယ်မင်နန်းတော်တွင် ရှိသမျှသော မသေမျိုးလမ်းစဉ်များစွာအနက် လူသားမသေမျိုးလမ်းစဉ်မှာ တိုက်ခိုက်ရေးစွမ်းအား အနည်းဆုံးနှင့် ကာကွယ်ရေးစွမ်းအား အနိမ့်ဆုံးဟု ယူဆရသောကြောင့်ပင်။</p> <p>တစ်ခုတည်းသော အားသာချက်မှာ ၎င်း၏ နတ်ဆေးပင်ကို ရရှိရန် လွယ်ကူခြင်းသာ ဖြစ်သည်။</p> <p>​သို့သော် သူတို့သည် ထိုသံသယကို အပြင်သို့ ထုတ်မပြောကြပေ။</p> <p>အကြောင်းမဲ့ လူတစ်ဦးကို သွားရောက် စိတ်အနှောင့်အယှက် မဖြစ်စေလိုကြသဖြင့်။</p> <p>​သူတို့တစ်စုမှာ လူစုငယ်လေးတစ်ခုအဖြစ် ဖွဲ့လိုက်ကြပြီး ထိုပွဲတော်တွင် ကျင့်ကြံခြင်းဆိုင်ရာ အမြင်များ၊ ကျွယ်မင်ကြယ်ပေါ်ရှိ စိတ်ဝင်စားဖွယ်ရာများကို ပြောဆိုနေကြသည်။</p> <p> ဟွမ်ဆန်းကျင်းက ကျွယ်မင်ယင်လောက၏ အခြေအနေအချို့ကိုလည်း ရံဖန်ရံခါ ထည့်သွင်းပြောဆိုတတ်သည်။</p> <p>သူသည် ကျွယ်မင်ယင်လောကတွင် နှစ်ပေါင်း ရာနှင့်ချီ၍ နေထိုင်ခဲ့ဖူးသဖြင့် အတော်လေး သိရှိထားပုံရသည်။</p> <p>​စကားပြောနေရင်းမှ ဖန့်ချန်သည် အဆင့် ၃ မသေမျိုး တစ်စု ဖြတ်သွားသည်ကို တွေ့လိုက်ရသည်။</p> <p>ကျိထျန်းကျွင်းသည်လည်း ထိုအထဲတွင် ပါဝင်ပြီး လူများနှင့် ပြုံးရွှင်စွာ စကားပြောနေသည်။</p> <p>တစ်စုံတစ်ယောက်က စိုက်ကြည့်နေသည်ကို သတိပြုမိသဖြင့် သူသည် ဖန့်ချန်တို့ဘက်သို့ လှမ်းကြည့်လိုက်သော်လည်း မျိုးဆက်သစ် လူငယ်တစ်စုသာ ဖြစ်သဖြင့် သိပ်ပြီး အရေးတယူ မလုပ်ဘဲ အကြည့်လွှဲသွားသည်။</p> <p>​"ကျန်းချန်မိတ်ဆွေ လာပြီ တို့တွေ မြန်မြန်သွားကြိုရအောင်"</p> <p> ဟု တစ်ဦးက အော်လိုက်သည်။</p> <p>​ချက်ချင်းပင် ပွဲတော်တွင် ရောက်ရှိနေသူ အမြောက်အမြားမှာ ကျန်းချန်ကို ကြိုဆိုရန် သွားကြတော့သည်။</p> <p>ထိုသူမှာ အဆင့် ၄ မသေမျိုး ဖြစ်ရုံသာမက အကြီးအကဲများကောင်စီမှ အကြီးအကဲတစ်ဦးနှင့်လည်း အမျိုးတော်စပ်သူ ဖြစ်သည်ဟု သတင်းကြီးသည်။</p> <p>သူသည် အပြင်စည်းကျင့်ကြံသူ ဖြစ်သော်လည်း အမာခံတပည့်များကြားတွင်ပင် မျက်နှာပွင့်သူ ဖြစ်ပြီး ကျွယ်မင်နန်းတော်တွင် အတော်လေး နာမည်ကျော်ကြားသူ ဖြစ်သည်။</p> <p>​"တို့လည်း သွားကြိုရအောင်၊ ကျန်းချန်စီနီယာနဲ့ သိကျွမ်းထားရင် အကျိုးကျေးဇူးတွေ အများကြီး ရနိုင်တယ်"</p> <p>ဟွမ်ဆန်းကျင်းက စကားတစ်ခွန်း ချန်ထားခဲ့ပြီးနောက် လူအုပ်ထဲသို့ တိုးဝင်သွားတော့သည်။</p> <p>​"ကျန်းမိတ်ဆွေ... ဒီနေ့ ခင်ဗျား အားအားယားယား လာမယ်လို့ မထင်ထားဘူး၊ ကျုပ်ရဲ့ ဒီနေရာလေးတောင် ခင်ဗျားကြောင့် တောက်ပသွားသလိုပဲဗျာ "</p> <p>လက်ဖက်ရည်ပွဲတော်ကို ကျင်းပသည့် အဆင့် ၄ မသေမျိုးက ပြုံးရွှင်စွာဖြင့် ကြိုဆိုလေသည်။</p> <p>​"အဘိုးကြီးလီ... ခင်ဗျားကလည်း အားနာစရာတွေ ပြောနေပြန်ပြီ။ ကျုပ်က အားနေတာနဲ့ ဒီမှာ လက်ဖက်ရည်ပွဲရှိတယ် ကြားလို့ လာလည်တာပါ၊ အသစ်တက်လာတဲ့ ညီငယ်၊ ညီမငယ်တွေနဲ့လည်း မျက်မှန်းတန်းမိအောင်လို့ပေါ့"</p> <p>ကျန်းချန်က ပြုံးလျက် ဆိုလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save