Book List

<h2 style="text-align: center;">အခန်း (၁၄၄၆)</h2> <h2 style="text-align: center;">အညစ်အကြေးများ စုဝေးရာ</h2> <h2 style="text-align: center;">*</h2> <p> </p> <p> </p> <p>​"နန်မင်ရှောက်ကျဲ ပါလား..."</p> <p>​"စီနီယာအစ်ကို လီစီက သူ့ကိုတောင် ဖိတ်ထားတာလား"</p> <p>​နန်မင်ရှောက်ကျဲ နှင့် နန်မင်ရုယွဲ့ တို့မှာ ဆွေမျိုးတော်စပ်ကြပြီး အတော်လေး ရင်းနှီးကြကြောင်း လူတိုင်း သိထားကြသည်။</p> <p>​"မိတ်ဆွေ ရှောက်ကျဲ ပါလား"</p> <p>​လီစီ၏ မျက်နှာပေါ်တွင် အပြုံးတစ်ခု ပေါ်လာပြီး မသေမျိုးစွမ်းအားအတားအဆီးကို လက်ဝေ့ယမ်းကာ ဖယ်ရှားလိုက်သည်။</p> <p> သူသည် ကြိုဆိုရန် ပြင်လိုက်စဉ်မှာပင် နန်မင်ရှောက်ကျဲက ခြေလှမ်းများကို ရပ်တန့်လိုက်ပြီး ဖန့်ချန်၏ ဘေးနားသို့ လျှောက်သွားသည်ကို မြင်လိုက်ရသည်။</p> <p>​"ဖန့်မိတ်ဆွေ... ကြားရသလောက်တော့ ခင်ဗျား ပြန်ရောက်လာပြီးတာနဲ့ အနားမနေရဘဲ စီနီယာအစ်မကြီးနောက်ကို လိုက်ပြီး လင်ကွေ့ကြယ်တာရာ မှာ ကိစ္စသွားဆောင်ရွက်တယ်ဆို၊ အဲဒီနောက်မှာ အောက်ပိုင်းနယ်မြေခြောက်ခုကိုပါ သွားခဲ့သေးတယ်လို့ ကြားတယ်"</p> <p>"ကျုပ်ကတော့ ခင်ဗျားဆီ အလည်လာတာ အချည်းနှီး ဖြစ်သွားတာပေါ့။ ဒါပေမဲ့ ကိစ္စမရှိပါဘူး၊ ဒီနေ့ ပြန်ဆုံရတာပဲ ကောင်းပါတယ်။ အရင်က ကျွယ်မင်ယင်လောက ကိစ္စမှာ ခင်ဗျားဆီက ကျေးဇူးအကြွေး အများကြီး တင်ခဲ့တာ၊ နောင်ကျမှပဲ ဖြည်းဖြည်းချင်း ပြန်ဆပ်ပါ့မယ်ဗျာ"</p> <p>​နန်မင်ရှောက်ကျဲက ပြုံးလျက် လက်အုပ်ချီ နှုတ်ဆက်လိုက်သည်။</p> <p>တုရုဖုန်း တို့အဖွဲ့ကလည်း ဖန့်ချန်ကို ပြုံးရွှင်စွာဖြင့် နှုတ်ဆက်ကြသည်။</p> <p>​စီနီယာအစ်မကြီး</p> <p>​ရောက်ရှိနေသူအားလုံးမှာ နန်မင်ရှောက်ကျဲ ပြောသွားသည့် ကျေးဇူးအကြွေးဆိုသည်ကို စိတ်မဝင်စားကြသော်လည်း စီနီယာအစ်မကြီး ဟူသည့် စကားလုံးအပေါ်တွင်မူ အလွန်အမင်း အာရုံစိုက်သွားကြသည်။</p> <p>​လွန်ခဲ့သော ရက်ပိုင်းကတင် ကျွယ်မင်ကြယ်ပေါ်၌ နာရေးခေါင်းလောင်းသံများ မြည်ဟီးခဲ့ဖူးသည်။</p> <p> ထိုစဉ်က စီနီယာအစ်မကြီး တကယ်ပဲ ကျဆုံးသွားပြီဟု အားလုံးက ထင်မှတ်ခဲ့ကြသည်။</p> <p>​သို့သော် မကြာမီမှာပင် သတင်းများ ပြန်လည်ရောက်ရှိလာသည်။</p> <p>အမှန်စင်စစ် ၎င်းမှာ စီနီယာအစ်မကြီး ခင်းကျင်းထားသည့် အကွက်တစ်ခုသာ ဖြစ်ပြီး သူမသည် သေဆုံးခြင်းမရှိသည့်အပြင် အဆင့် ၈ မသေမျိုး တစ်ဦးကိုပင် ကိုယ်တိုင် သတ်ဖြတ်နိုင်ခဲ့သည်။</p> <p>​ယခုအခါ စိတ်ဝိညာဥ်နယ်မြေ  ရှိ အဆိပ်ငါးပါးဂိုဏ်း  မှာ ကျွယ်မင်နန်းတော်၏ အမာခံတပည့်များ၏ ချေမှုန်းခြင်းကို ခံလိုက်ရပြီဖြစ်သည်။</p> <p>ထိုဂိုဏ်းမှ ကျင့်ကြံသူများမှာ ထွက်ပြေးသူပြေး၊ သေသူသေဖြင့် ပျက်စီးသွားကြပြီ။</p> <p>အဆင့် ၈ မသေမျိုး တစ်ဦး အုပ်စိုးပြီး စိတ်ဝိညာဥ်နယ်မြေတွင် ထိပ်တန်းအင်အားစုတစ်ခု ဖြစ်ခဲ့သော်လည်း တစ်ညအတွင်းမှာပင် ပြာပုံအတိ ဖြစ်သွားခဲ့ရသည်။</p> <p>​ရုလိုင်ဘုရားကျောင်းဘက်ကလည်း ကောင်းကျိုးမခံစားရပေ။</p> <p>နှစ်ဖက်အဖွဲ့အစည်းများမှာ ညှိနှိုင်းနေကြပြီး တစ်ဖက်က အကျိုးအမြတ်တစ်ခုခုကို အနစ်နာခံ၍ မပေးအပ်လျှင် ထိုကိစ္စမှာ ငြိမ်းချမ်းစွာ ပြီးဆုံးမည်မဟုတ်ပေ။</p> <p>​သို့သော် သူတို့ မထင်မှတ်ထားသည်မှာ... ဤသို့ သာမန်ကာလျှံကာနိုင်လှသော ဖန့်မိတ်ဆွေသည်လည်း ထိုကိစ္စနှင့် ပတ်သက်နေသည်လား။</p> <p>သူက ဘာကောင်မို့လို့... စီနီယာအစ်မကြီးနှင့်အတူ လင်ကွေ့ကြယ်တာရာ သို့ လိုက်ပါခွင့်ရရသနည်း အောက်ပိုင်းနယ်မြေခြောက်ခု ကိုပါ သွားခဲ့သေးသည်လား။</p> <p>​ယုထျန်းကော်တို့အဖွဲ့မှာ မှင်သက်နေကြသည်။</p> <p>လူအုပ်ကြားထဲမှ ဟွမ်ဆန်းကျင်းနှင့် ဘေးမှလူများမှာလည်း တစ်ဦးကိုတစ်ဦး ကြည့်ကာ ထိတ်လန့်တုန်လှုပ်နေကြသည်။</p> <p>​လီစီသည် မူလက နန်မင်ရှောက်ကျဲနှင့် အလိုက်သင့် စကားပြောပြီးမှ ဖန့်ချန်ကို ဆက်၍ အကျပ်ကိုင်ရန် ကြံစည်ထားသော်လည်း နန်မင်ရှောက်ကျဲ၏ စကားကို ကြားလိုက်ရသောအခါ သူသည် အတွေးနက်သွားတော့သည်။</p> <p>​ကျန်းချန်၏ မျက်နှာမှာလည်း အကြိမ်ကြိမ် ပြောင်းလဲနေသည်။</p> <p> ဖန့်ချန်သည် ထိုကိစ္စများထဲတွင် ပါဝင်နေလိမ့်မည်ဟု သူ လုံးဝမသိခဲ့သလို၊ စိတ်ကူးထဲမှာပင် ထည့်မထားခဲ့မိပေ။</p> <p>​အဆင့် ၁ မသေမျိုး တက်လှမ်းခါစ ကျင့်ကြံသူတစ်ဦးက ထိုကဲ့သို့ အဖြစ်အပျက်ကြီးထဲတွင် မည်သို့ ပါဝင်နိုင်မည်နည်း။</p> <p>​"မိတ်ဆွေ ရှောက်ကျဲက နောက်ပိုင်းမှာ လင်းယွမ် တို့အတွက် ကျွယ်မင်ယင်လောကမှာ အလုပ်ကောင်းကောင်းတွေ စီစဉ်ပေးခဲ့တာပဲ၊ ကျေးဇူးအကြွေးက ဆပ်ပြီးသားလို့ ပြောလို့ရပါတယ်။ အဲဒါကို အရမ်းကြီး စိတ်ထဲမထားပါနဲ့တော့"</p> <p>ဖန့်ချန်က ပြုံး၍ ဆိုသည်။</p> <p>​ယုထျန်းကော်၏ အမူအရာမှာ ပို၍ ထူးဆန်းလာသည်။</p> <p> နန်မင်ရှောက်ကျဲ၏ စကားများကိုပင် သူ မချေဖျက်နိုင်သေးမီမှာပင် ဖန့်ချန်နှင့် နန်မင်ရှောက်ကျဲတို့၏ ဆက်ဆံရေးမှာ အလွန်ရင်းနှီးနေကြောင်း တွေ့လိုက်ရပြန်သည်။</p> <p>နန်မင်ရှောက်ကျဲက ထိုကဲ့သို့သော အမူအရာမျိုးဖြင့် ဆက်ဆံသည်ကို သူ တစ်ခါမျှ မမြင်ဖူးပေ။</p> <p>ထိုသူမှာ သူကိုယ်တိုင်ထက်ပင် ဆယ်ဆမက မာန်တက်တတ်သူ မဟုတ်ပါလား။</p> <p>​"ဖန့်မိတ်ဆွေ... ဒီလက်ဖက်ရည်ပွဲက အခုမှ စတာမဟုတ်လား၊ ခုနက ခင်ဗျားတို့ ဘာလို့ ပြန်ဖို့ ပြင်နေကြတာလဲ  တစ်ခုခု အရေးကြီးကိစ္စ ရှိလို့လား "</p> <p>နန်မင်ရှောက်ကျဲက အရင်စကားကို ဆက်မပြောတော့ဘဲ စပ်စုသလို မေးလိုက်သည်။</p> <p>"အရေးကြီးကိစ္စရှိရင်လည်း နောက်မှ အေးအေးဆေးဆေး ပြန်ဆုံကြတာပေါ့"</p> <p>​"မိတ်ဆွေ ရှောက်ကျဲ... ဒီဖန့်မိတ်ဆွေရဲ့ စရိုက်က နည်းနည်းတော့ မာန်တက်လွန်းသလားလို့။ အထင်လွဲမှုလေး တစ်ခုကြောင့်နဲ့ ပြန်မယ်လုပ်နေတာ။ အဲဒါတင်မကသေးဘူး၊ ကျုပ် ဦးစီးကျင်းပတဲ့ ဒီလက်ဖက်ရည်ပွဲကို တရားဓမ္မ ဆွေးနွေးတဲ့နေရာ မဟုတ်ဘဲ လူစုလူဝေးလုပ်ပြီး ဂိုဏ်းဂဏခွဲတဲ့နေရာလို့တောင် လှောင်ပြောင်သွားသေးတယ်"</p> <p>​လီစီက ရုတ်တရက် အေးစက်စွာ ရယ်မောလိုက်သည်။</p> <p>"ခင်ဗျား ရောက်လာတာ အတော်ပဲ၊ ကျုပ်က အခုတင် ဒီဖန့်မိတ်ဆွေကို ဒီစကားပြောရတဲ့ အကြောင်းရင်းကို မေးမလို့ပဲ။ ခင်ဗျား ရောက်လာပြီဆိုတော့လည်း အတူတူ နားထောင်ကြတာပေါ့"</p> <p>​အားလုံး၏ အမူအရာမှာ ပို၍ ထူးဆန်းလာကြသည်။</p> <p>သိသာလှသည်မှာ နန်မင်ရှောက်ကျဲ၏ ထိုအမူအရာမှာ ခုနက ပဋိပက္ခကို မြင်တွေ့ခဲ့၍ စီနီယာအစ်မကြီး၏ အရှိန်အဝါကို သုံးကာ ဖန့်ချန်ဘက်မှ ရပ်တည်ပေးခြင်း ဖြစ်သည်။</p> <p>​သို့သော် ဤလုပ်ရပ်မှာ လီစီအပေါ်တွင် ကောင်းကျိုးမသက်ရောက်သည့်အပြင် အခြေအနေကို ပို၍ ဆိုးရွားသွားစေပုံရသည်။</p> <p>လီစီသည် ထိုစကားအနည်းငယ်ကြောင့် နောက်ဆုတ်မည့်ပုံမပေါ်ဘဲ ဆက်လက်၍ အကျပ်ကိုင်ရန်သာ ပြင်နေသည်။</p> <p>​ထိုပွဲကြီးမှာ မည်သို့ အဆုံးသတ်မည်ကို လူတိုင်းက စောင့်ကြည့်နေကြသည်။</p> <p>အမှန်အတိုင်း ပြောရလျှင် ကျန်းချန်၏ နောက်ကွယ်တွင် အကြီးအကဲများကောင်စီမှ အကြီးအကဲတစ်ဦး ရှိပြီး၊ လီစီ၏ နောက်ကွယ်တွင် စတုတ္ထစီနီယာအစ်ကို ရှိသည်။</p> <p>​သူတို့နှစ်ဦးစလုံးမှာလည်း အဆင့် ၄ မသေမျိုးများ ဖြစ်ကြသည်။</p> <p>နန်မင်ရှောက်ကျဲ၏ နောက်ကွယ်တွင်မူ နန်မင်ရုယွဲ့ တစ်ဦးသာ ရှိပြီး သူ့မှာ ကျွယ်မင်နန်းတော်တွင် အဆင့် ၅ ရှိသူ ဖြစ်ကာ စတုတ္ထစီနီယာအစ်ကိုထက် ဝါနုသည်။</p> <p>​ထို့အပြင် ဖန့်ချန်မှာ အသစ်တက်လာသော ကျွယ်မင်ကျင့်ကြံသူတစ်ဦးသာ ဖြစ်သည်။</p> <p>သူ့နောက်ကွယ်တွင် အမာခံတပည့်အသစ် တစ်ဦးရှိနိုင်သော်လည်း ကျန်းချန်တို့နှစ်ဦး၏ နောက်ခံနှင့် နှိုင်းယှဉ်လိုက်လျှင် အရေးမပါသလို ဖြစ်သွားပေသည်။</p> <p>​"စီနီယာအစ်မကြီးက ဒီလူနဲ့ တကယ်ပဲ ပတ်သက်နေမှသာ ရမှာ၊ မဟုတ်ရင်တော့ ဒီနေ့ နန်မင်ရှောက်ကျဲရော ဒီလူပါ အရှက်တကွဲနဲ့ပဲ ပြန်သွားရလိမ့်မယ်"</p> <p>​"စီနီယာအစ်မကြီးက ဘယ်လိုပုဂ္ဂိုလ်မျိုးလဲ၊ အသစ်တက်လာတဲ့ အဆင့် ၁ မသေမျိုးတစ်ယောက်ကို ဘာလို့ ဂရုစိုက်မှာလဲ။ အရင်က စီနီယာအစ်မကြီးနဲ့အတူ လင်ကွေ့ကြယ်တာရာကို လိုက်သွားတဲ့သူတွေ အများကြီးပဲ။ အဲဒီ ဟုန် အမာခံတပည့် ခေါ်လာတဲ့သူတွေ အကုန်လုံး လိုက်သွားကြတာပဲလေ၊ ဖန့်ချန်ကလည်း အဲဒီထဲက တစ်ယောက်ပဲ ဖြစ်မှာပါ"</p> <p>လူအများက တိုးတိုးတိတ်တိတ် ဝေဖန်နေကြသည်။</p> <p>​နန်မင်ရှောက်ကျဲ၏ မျက်နှာမှာ အနည်းငယ် ပျက်သွားသည်။</p> <p>သူသည် မည်သို့ တုံ့ပြန်ရမည်ကို စဉ်းစားနေစဉ်မှာပင် ဖန့်ချန်က စကားစလိုက်သည်။</p> <p>​"အကြောင်းရင်းလား  အလွန်ရိုးရှင်းပါတယ်"</p> <p>​ဖန့်ချန်က ကျန်းချန်ကို လှောင်ပြုံးဖြင့် ကြည့်လိုက်သည်။</p> <p> "ဒီစီနီယာ ကျန်းဟာ အဆင့် ၃ မသေမျိုး ဖြစ်ပါလျက်နဲ့ ကျုပ် အဆင့် ၁ မသေမျိုး တက်လှမ်းနေတဲ့ အချိန်မှာ လုပ်ကြံ နှောင့်ယှက်ခဲ့လို့ ဟုန် အမာခံတပည့်ရဲ့ မောင်းထုတ်ခြင်းကို ခံခဲ့ရတဲ့သူပဲ ဒီလို ယုတ်ညံ့တဲ့ နည်းလမ်းမျိုးကို အဆင့် ၃  မသေမျိုး တစ်ယောက်ဆီမှာ တွေ့ရတာ တကယ်ကို မဖြစ်သင့်ဘူး၊ ဒါ့အပြင် သူက ကျွယ်မင်ကျင့်ကြံသူ တစ်ယောက်လည်း ဖြစ်နေသေးတယ်။ ဒီလက်ဖက်ရည်ပွဲက ဒီလိုလူမျိုးကို အလေးနက်ထားနေတယ်ဆိုရင် အဲဒါဟာ အညစ်အကြေးတွေ  စုဝေးရာ၊ ဂိုဏ်းဂဏခွဲတဲ့နေရာ မဟုတ်လို့ ဘာလဲ "</p> <p>​အားလုံးမှာ ထိတ်လန့်သွားကြပြီး ကျန်းချန်ကို မယုံကြည်နိုင်စွာ ကြည့်လိုက်ကြသည်။</p> <p>ဂုဏ်သရေရှိ အဆင့် ၃  မသေမျိုး တစ်ဦးက မျိုးဆက်သစ် တစ်ဦး၏ အဆင့်တက်ချိန်တွင် နှောင့်ယှက်လိမ့်မည်ဟု မည်သူမျှ မယုံကြည်နိုင်ကြပေ။</p> <p>​သို့သော် ကျန်းချန်သည် ဟုန် အမာခံတပည့်၏ စူးစမ်းရေးအဖွဲ့မှ ရုတ်တရက် ထွက်ခွာသွားသည့် ကိစ္စမှာ တစ်ခုခုတော့ ရှိနေပုံရပြီး၊ သူသည် ရောက်ရောက်ချင်း ဖန့်ချန်ကို ရန်စသည်မှာလည်း ရန်ငြိုးရှိနေ၍ ဖြစ်ကြောင်း သိသာလှသည်။</p> <p>​လူအများ၏ အကြည့်များမှာ ရှုပ်ထွေးသွားကြသည်။</p> <p>အချို့မှာ အေးစက်သော အကြည့်များဖြင့် ကြည့်လာကြပြီး ခြေလှမ်းအနည်းငယ် ဆုတ်သွားကြသည်။</p> <p> ကျန်းချန်၏ ထိုလုပ်ရပ်ကို သူတို့က ရွံရှာမိပုံရသည်။</p> <p>​အဆင့်တက်ခြင်းဆိုသည်မှာ မည်သည့်ကျင့်ကြံသူအတွက်မဆို အလွန်အရေးကြီးသော အချိန်ဖြစ်ပြီး နောင်အနာဂတ်အတွက် ပထမဆုံးသော အဓိကကိစ္စဖြစ်သည်။</p> <p>ထိုကဲ့သို့ အချိန်မျိုးတွင် နှောင့်ယှက်ဖျက်ဆီးခြင်းမှာ မည်မျှ ယုတ်မာသော စိတ်ထားဖြစ်ကြောင်း စဉ်းစားကြည့်ရုံဖြင့် သိနိုင်ပေသည်။</p> <p>​ယုထျန်းကော်မှာ အဖြစ်မှန်ကို သိသွားတော့သည်။</p> <p>နန်မင်ရှောက်ကျဲ၏ မျက်နှာမှာလည်း ပျက်သွားပြီး သူလည်း ထိုကိစ္စကို ယခုမှ ကြားဖူးပုံရသည်။</p> <p>​ကျန်းချန်၏ အရှိန်အဝါမှာ ခေတ္တမျှ တန့်သွားသည်။</p> <p>သူ၏ အမူအရာမှာ မပြောင်းလဲသော်လည်း မျက်ဝန်းများမှာ ခဏမျှ ပြင်းထန်သော ဒေါသရိပ်များဖြင့် တောက်ပသွားသည်။</p> <p> လီစီပင် သူ၏ စိတ်ခံစားမှု ပြောင်းလဲသွားသည်ကို ခံစားလိုက်ရသည်။</p> <p>​"အဲဒါက အထင်လွဲမှုလေး တစ်ခုပါ၊ အခုအချိန်မှာ မင်းက ဒါကို ထုတ်ပြောနေတာ ဘာရည်ရွယ်ချက်လဲ "</p> <p>​ကျန်းချန်က ရုတ်တရက် ပေါ့ပေါ့ပါးပါး ရယ်မောလိုက်သည်။</p> <p> "ဒီအထင်လွဲမှုအတွက် ငါက မင်းကို ဂုဏ်ထူးရမှတ် ၇၀၀ တောင် ပေးခဲ့ဖူးတယ် မဟုတ်လား။ အခု မင်းက အဆင့် ၁ မသေမျိုးလည်း ဖြစ်နေပြီ၊ ဂုဏ်ထူးရမှတ် ၇၀၀ လည်း ရထားပြီးပြီ၊ ဒါကို ဆက်ပြီး အငြိုးထားနေဦးမှာလား ငါ့ရဲ့ ကျင့်ကြံမှုနဲ့သာ မင်းရဲ့ အဆင့်တက်ခြင်းကို တကယ်ဖျက်ဆီးချင်ရင် စိတ်ကူးတစ်ချက်နဲ့တင် လုံလောက်တယ်၊ မင်းဆိုရင် ဘယ်သူလုပ်မှန်းတောင် သိမှာမဟုတ်ဘူး"</p> <p>​"ဘာ ဂုဏ်ထူးရမှတ် ၇၀၀ တောင် လျော်ပေးခဲ့တာလား "</p> <p>​"စီနီယာ ကျန်း ပြောတာလည်း ဟုတ်တာပဲ၊ သူက အဆင့် ၃  မသေမျိုးလေ၊ တကယ်ဖျက်ဆီးချင်ရင် ဒီလူ ဘယ်လိုလုပ် သတိထားမိမှာလဲ "</p> <p>​"အထင်လွဲတာပဲ ဖြစ်မှာပါ..."</p> <p>​လူအများ၏ အမူအရာ ပြောင်းလဲသွားသည်ကို မြင်လိုက်ရသောအခါ ကျန်းချန်သည် ယနေ့အတွက် သူ အခြေအနေ ကောင်းသွားပြီဟု သိလိုက်သည်။</p> <p>ထိုစဉ်က အဖြစ်အပျက်ကို ဖန့်ချန်ဘက်မှ သက်သေထွက်ဆိုပေးနိုင်မည့်သူ တစ်ဦးမျှ မရှိပေ။</p> <p>​ထို့ကြောင့် သူ ပြောသမျှမှာ အမှန်ဖြစ်ပြီး တစ်ဖက်လူမှာ မည်သို့မျှ ငြင်းချက်ထုတ်နိုင်မည်မဟုတ်ပေ။</p> <p>​ထိုစဉ်မှာပင် အလွန်အမင်း ပြင်းထန်လှသော အရှိန်အဝါတစ်ခုမှာ အဝေးမှ လွင့်ပျံလာသည်။</p> <p>​"အဆင့် ၅ မသေမျိုးလား "</p> <p>​"မဟုတ်ဘူး... အဆင့် ၆ မသေမျိုး ရောက်လာတာ ထင်တယ်..."</p> <p>​"စီနီယာအစ်ကို လီစီ ရဲ့ မျက်နှာက... တကယ်ကို ကြီးလှပါပေတယ်..."</p> <p>​အားလုံးမှာ ကောင်းကင်ယံသို့ မော့ကြည့်လိုက်ကြတော့သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save