Book List

<h2 style="text-align: center;">အခန်း (၁၄၄၈)</h2> <h2 style="text-align: center;">ဘာမှ ထူးမခြားနားပါလား</h2> <h2 style="text-align: center;">*</h2> <p> </p> <p> </p> <p>​တိုက်ပွဲတစ်ရာမသေမျိုးသည် ဖန့်ချန်ကို ခေါ်ဆောင်၍ မီးအိမ်နန်းတော် ရှေ့ရှိ ကွင်းပြင်ကျယ်သို့ ရောက်ရှိလာခဲ့သည်။</p> <p>​စီနီယာအစ်မကြီးနှင့် အကြီးအကဲ အချို့မှာ ထိုနေရာတွင် စောင့်ဆိုင်းနေကြသည်မှာ ကြာပြီဖြစ်သည်။</p> <p>​စစ်ဆေးမှုဟု ဆိုသော်လည်း အမှန်စင်စစ် အစီရင်ဗဟိုချက်နှင့် ပဋိညာဉ် ပြုနိုင်၊ မပြုနိုင် စမ်းသပ်ခြင်းသာ ဖြစ်သည်။</p> <p> လုပ်ငန်းစဉ်မှာ အလွန်ရိုးရှင်းပြီး ရှုပ်ထွေးလှသည်တော့ မဟုတ်ပေ။</p> <p>​စီနီယာအစ်မကြီးအပြင် သတင်းရရှိထားကြသည့် အမာခံတပည့်အချို့လည်း ရောက်ရှိလာကြသည်။</p> <p> ဥပမာအားဖြင့် လီရှမ်းဇီ၊ ကျိရှန့် နှင့် နန်မင်ရုယွဲ့ တို့ ဖြစ်ကြသည်။</p> <p>​သူတို့အားလုံးသည် ဖန့်ချန်နှင့် ထိတွေ့ဆက်ဆံဖူးသူများ ဖြစ်ကြရာ ဖန့်ချန်က အမာခံတပည့် စစ်ဆေးမှု လျှောက်ထားသည်ဟု ကြားသိရသောအခါ အလိုအလျောက်ပင် ရောက်ရှိလာကြခြင်း ဖြစ်သည်။</p> <p>​လင်းယွမ်တို့ သုံးဦးမှာမူ ကြာနီနတ်မိမယ် ရဲ့နောက်တွင် ရပ်နေကြပြီး ဖန့်ချန်ကို မြင်လိုက်ရသောအခါ သူတို့၏ မျက်ဝန်းထဲတွင် စိတ်လှုပ်ရှားမှုအရိပ်အယောင်များ ပေါ်လွင်နေတော့သည်။</p> <p>​"ငါပြောသားပဲ... ငါတို့ခေါင်းဆောင်က လူထဲကလူပဲလို့။ ကြည့်စမ်း... ဘယ်လောက်မှ မကြာသေးဘူး၊ အမာခံတပည့် စစ်ဆေးမှုမှာ ပါဝင်ခွင့် ရနေပြီ"</p> <p>​လင်းယွမ်က အားတက်သရော ဆိုသည်</p> <p> "ဟို ကျန်းချန်ကိုပဲ ကြည့်လိုက်ဦး၊ နောက်ခံကလည်း ခေါင်းဆောင်ထက် ကြီးတယ်၊ ကျင့်ကြံမှုကလည်း ပိုမြင့်တယ်၊ ဒါပေမဲ့ အခုထိ တစ်ခါမှ စစ်ဆေးမှု မလျှောက်ထားနိုင်သေးဘူး"</p> <p>​"တော်တော့... နောက်မှ တစ်ယောက်ယောက် ကြားသွားရင် ရန်သူတိုးနေဦးမယ်"</p> <p>ယွီဝူရှီး က သတိပေးလိုက်သည်။</p> <p>​ကျန်းချန်၏ နောက်ကွယ်တွင် အကြီးအကဲတစ်ဦး ရှိနေပြီး ပတ်သက်မှုကွန်ရက်ကလည်း ရှုပ်ထွေးလှသည်။</p> <p> ဤနေရာရှိ အမာခံတပည့်များထဲတွင် ကျန်းချန်ဘက်တော်သား မည်သူရှိနေမည်ကို မည်သူသိနိုင်မည်နည်း။</p> <p>​သူတို့ကဲ့သို့ အပြင်စည်းကျင့်ကြံသူလေးများအနေဖြင့် ထိုကဲ့သို့သော ရန်ငြိုးများကြား တိုက်ရိုက်ဝင်မပါသင့်ပေ၊ မဟုတ်လျှင် အရိုးပင် ရှာမရအောင် ကြေမွသွားနိုင်သည့် အန္တရာယ်ရှိသည်။</p> <p>​"ငါမကြောက်ပါဘူး၊ သူရဲရင် ငါလည်း ပြောရဲတယ်"</p> <p>လင်းယွမ်က အေးစက်စွာ နှာခေါင်းရှုံ့လိုက်သော်လည်း ကျန်းချန်တို့အဖွဲ့ ရောက်လာသည်ကို မြင်လိုက်ရသောအခါ ချက်ချင်းပင် ပါးစပ်ပိတ်သွားတော့သည်။</p> <p>​သာမန်အချိန်များတွင် ထိုနေရာသို့ အမာခံတပည့်မှလွဲ၍ ကျန်သူများ ခွင့်ပြုချက်မရှိဘဲ ချဉ်းကပ်ခွင့်မရှိပေ။</p> <p> သို့သော် ယနေ့မှာ အခြေအနေထူးခြားနေသဖြင့် အပြင်စည်းကျင့်ကြံသူများကို အမာခံတပည့် စစ်ဆေးမှုအား ကြည့်ရှုခွင့်ပေးခြင်းမှာ သူတို့အတွက် အကျိုးရှိစေနိုင်သည်ဟု ယူဆကာ ကန့်သတ်ချက်ကို ဖြေလျှော့ပေးထားခြင်း ဖြစ်သည်။</p> <p>​"ဒီစစ်ဆေးမှုအတွက် ဂုဏ်ထူးရမှတ် ၅,၀၀၀ ကုန်ကျမှာ ဖြစ်တယ်။ တကယ်လို့ မင်းက ဒီမှတ်တွေနဲ့သာ ကျင့်ကြံမယ်ဆိုရင် အဆင့် ၅ မသေမျိုးအထိ တက်လှမ်းဖို့တောင် လုံလောက်တယ်"</p> <p>​စီနီယာအစ်မကြီး၏ အကြည့်မှာ ဖန့်ချန်ပေါ်သို့ ကျရောက်လာပြီး အသာအယာ ပြုံးလျက် ဆိုသည်။</p> <p>"ဒါကြောင့် နောက်ဆုံးတစ်ခေါက်အနေနဲ့ ထပ်စဉ်းစားပါဦး... အခုအချိန်မှာပဲ အမာခံတပည့် စစ်ဆေးမှုကို လျှောက်ထားမှာ သေချာရဲ့လား"</p> <p>​"ကျနော် လျှောက်ထားဖို့ ဆုံးဖြတ်ပြီးသားပါ"</p> <p>ဖန့်ချန်က တုံ့ဆိုင်းခြင်းမရှိဘဲ ပြန်ဖြေလိုက်သည်။</p> <p>​၎င်းမှာ ရွေးချယ်စရာ တစ်ခုမဟုတ်သဖြင့် ဝေခွဲမရဖြစ်နေစရာ အကြောင်းမရှိပေ။</p> <p> စစ်ဆေးခွင့် ရနေပြီဖြစ်ရာ သူသည်လည်း အစီရင်ဗဟိုချက်တစ်ခုနှင့် ပဋိညာဉ် ပြုနိုင်၊ မပြုနိုင်ကို စမ်းသပ်ကြည့်ချင်နေမိသည်။</p> <p>​အမာခံတပည့် အဆင့်အတန်းက ပေးအပ်မည့် အခွင့်အရေးများကို ခဏထားဦး၊ ဤလျှို့ဝှက်ဆန်းကြယ်လှသော အစီရင်ဗဟိုချက်ကို သူကိုယ်တိုင် အနီးကပ် လေ့လာကြည့်ချင်နေခြင်း ဖြစ်သည်။</p> <p> ဝမ်ချုံစန်းက ၎င်းကို အသုံးပြုပြီး လင်ကွေ့ကြယ်တာရာပေါ်ရှိ တားမြစ်ချက်ကို မည်သို့ ချိုးဖျက်ကာ ယင်လောက ကို ဖွင့်လှစ်နိုင်ခဲ့သနည်းဆိုသည်ကို သူ သိချင်နေမိသည်။</p> <p>​"ကောင်းပြီ"</p> <p>စီနီယာအစ်မကြီးက သဘောကျဟန်ဖြင့် အသာအယာ ခေါင်းညိတ်လိုက်ပြီး အကြီးအကဲ ချန် ကို လှမ်းကြည့်လိုက်သည်။</p> <p>"အကြီးအကဲ ချန်... သူက စစ်ဆေးမှုခံယူဖို့ အတည်ပြုလိုက်ပြီ၊ သူ့တံဆိပ်ပြားပေါ်က ဂုဏ်ထူးရမှတ်တွေကို နှုတ်ယူလိုက်လို့ ရပါပြီ"</p> <p>​အကြီးအကဲ ချန် က လက်ကို ဝေ့ယမ်းလိုက်ရာ ဖန့်ချန်၏ ခါးတွင် ချိတ်ဆွဲထားသော တံဆိပ်ပြားမှာ သူ၏ လက်ထဲသို့ ရောက်ရှိသွားသည်။</p> <p> ဂုဏ်ထူးရမှတ် ၅,၀၀၀ ကို နှုတ်ယူပြီးနောက် ဖန့်ချန်ထံသို့ ပြန်ပေးလိုက်ရာ တံဆိပ်ပြားထဲရှိ ရမှတ်မှာ မူလတန်ဖိုးဖြစ်သော ၈၅၀ သို့ ပြန်လည် ရောက်ရှိသွားတော့သည်။</p> <p>​"ငါတို့ရဲ့ အတွေ့အကြုံတွေအရ ကျင့်ကြံမှုအဆင့် နိမ့်လေလေ အစီရင်ဗဟိုချက်နဲ့ ပဋိညာဉ်ပြုဖို့ ပိုခက်ခဲလေလေပဲ။ များသောအားဖြင့်တော့ အဆင့် ၂ မသေမျိုး ရောက်မှ ပဋိညာဉ်ပြုဖို့ ငါတို့ အကြံပေးလေ့ရှိတယ်။ ဒါပေမဲ့ မင်းက ဆုံးဖြတ်ချက် ချပြီးသားဆိုတော့လည်း ငါတို့ ထပ်ပြီး မတားတော့ပါဘူး"</p> <p>"မင်း သိထားရမှာက ကျရှုံးခဲ့ရင် ဘာဖြစ်မလဲဆိုတာပဲ။ ငါတို့ ကျွယ်မင်နန်းတော်အနေနဲ့ အစီရင်ဗဟိုချက် တစ်ခု ဆုံးရှုံးသွားမှာဖြစ်သလို မင်းအတွက်ကတော့ ဂုဏ်ထူးရမှတ် ၅,၀၀၀ ဆုံးရှုံးသွားမှာ ဖြစ်တယ်"</p> <p>အကြီးအကဲ ချန်က ဖန့်ချန်ကို ပြုံး၍ ကြည့်ကာ ပြောလိုက်သည်။</p> <p>​"ကျနော် နားလည်ပါတယ်"</p> <p>ဖန့်ချန်က အသာအယာ ခေါင်းညိတ်ပြလိုက်သည်။</p> <p>​"ဂုဏ်ထူးရမှတ် ၅,၀၀၀ တောင်လား..."</p> <p>"တကယ်ကြီး ဖြစ်နေတာပဲ..."</p> <p>​ရောက်ရှိနေသော အပြင်စည်းကျင့်ကြံသူများ၏ မျက်ဝန်းများမှာ လှုပ်ခတ်သွားကြသည်။</p> <p>သူတို့၏ စိတ်ထဲတွင် အားကျစိတ်၊ မနာလိုစိတ်များဖြင့် ပြည့်နှက်နေသလို အချို့မှာမူ လောဘရိပ်ပင် ထွက်ပေါ်နေကြသည်။</p> <p>​ဂုဏ်ထူးရမှတ် ၅,၀၀၀ ဆိုသည်မှာ အမှန်တကယ်ပင် သေးငယ်သော ပမာဏမဟုတ်ပေ။</p> <p>သူတို့မှာ သာမန်အချိန်တွင် ရမှတ် ဆယ်ဂဏန်း၊ ရာဂဏန်း စုဆောင်းနိုင်ရန်ပင် ကောင်းကင်သို့ တက်ရသကဲ့သို့ ခက်ခဲလှသည်။</p> <p> ၅,၀၀၀ ဆိုသည်မှာ အိမ်မက်ထဲတွင်ပင် မမက်ရဲကြပေ။</p> <p>ကျင့်ကြံမှုက အဆင့် ၄ မရောက်မချင်း ထိုကဲ့သို့ ရမှတ်မျိုး ရရှိရန် အခွင့်အရေး လုံးဝမရှိနိုင်ပေ။</p> <p>​"ငါ နောက်ကျမသွားဘူး မဟုတ်လား"</p> <p>အမျိုးသမီးတစ်ဦးသည် စူးစမ်းရေးအဖွဲ့ဝင် အများအပြားကို ခေါ်ဆောင်၍ လေထုကို ခွဲကာ ရောက်ရှိလာသည်။</p> <p>​"စီနီယာအစ်မ သုံး လည်း ရောက်လာတာလား"</p> <p>လူတိုင်း၏ အမူအရာမှာ လှုပ်ခတ်သွားကြသည်။</p> <p>​"မနောက်ကျပါဘူး၊ အတော်ပဲ"</p> <p>စီနီယာအစ်မကြီးက သိသိသာသာ ပြုံးလျက် ဆိုလိုက်သည်။</p> <p>​စီနီယာအစ်မ သုံး က သူမကို တစ်ချက်ကြည့်ကာ မချိုမချဉ် အမူအရာဖြင့် ပြန်ပြောသည်။</p> <p>"ပြောရဦးမယ်... စီနီယာအစ်မကြီးက စီနီယာအစ်ကို နှစ် ရဲ့ လုပ်ကြံမှုကို ဖော်ထုတ်နိုင်ခဲ့တာကို ဂုဏ်မပြုရသေးဘူးပဲ"</p> <p>​"နံပါတ် သုံး... အဲဒီကိစ္စက ခိုင်လုံတဲ့ သက်သေမရှိဘူး။ နံပါတ် နှစ် ကလည်း ကျွယ်မင်ယင်လောကမှာ တာဝန်ထမ်းဆောင်နေရပြီဆိုတော့ အကျဉ်းချခံထားရတာနဲ့ မခြားပါဘူး။ ဒီကိစ္စကို ထပ်မပြောနဲ့တော့"</p> <p>အကြီးအကဲ ချန်၏ မျက်နှာမှာ ပျက်သွားပြီး တားမြစ်လိုက်သည်။</p> <p>​"မပြောရင်လည်း မပြောတော့ပါဘူး၊ ကျမက စီနီယာအစ်မကြီးကို ကြည်ညိုလို့ပါ။ အပြင်ကို သာမန်ကာလျှံကာ တစ်ခေါက်ထွက်လိုက်တာနဲ့ နံပါတ် နှစ် ကို ဒုက္ခရောက်အောင် လုပ်နိုင်ခဲ့တာပဲ"</p> <p>စီနီယာအစ်မ သုံး က ရယ်မောလျက် ဆိုသည်။</p> <p>​အနီးအနားရှိ အပြင်စည်းကျင့်ကြံသူများမှာ ထူးဆန်းသော အမူအရာများ ဖြစ်သွားကြသည်။</p> <p> ဤကဲ့သို့သော အဆင့်မြင့် စကားဝိုင်းများကို သူတို့မှာ နားထောင်ခွင့်သာရှိပြီး ဝင်ရောက်စွက်ဖက်ခွင့် မရှိပေ။</p> <p>သို့သော် ဂုဏ်သရေရှိ စီနီယာအစ်ကို နှစ် ပင်လျှင် စီနီယာအစ်မကြီး၏ ထိုကိစ္စကြောင့် ပတ်သက်ဆက်နွှယ်ပြီး နာမည်ပျက်သွားသည်ကို တွေးမိသောအခါ သူတို့၏ စိတ်ထဲတွင် ကြောက်ရွံ့တုန်လှုပ်သွားကြသည်။</p> <p>​"သူသာ ကမ်းပါးနားမှာ မရပ်နေခဲ့ရင် ငါ့အတွက် ဘယ်မှာ အခွင့်အရေး ရှိပါ့မလဲ"</p> <p>စီနီယာအစ်မကြီးက စီနီယာအစ်မ သုံး ကို စူးစိုက်ကြည့်ကာ မေးလိုက်သည်။</p> <p> "ညီမလေး သုံး... ဒီကိစ္စက တကယ်ပဲ ညီမနဲ့ မသက်ဆိုင်ဘူး မဟုတ်လား"</p> <p>​စီနီယာအစ်မ သုံး ၏ မျက်နှာမှာ အနည်းငယ် ပျက်သွားပြီးနောက် နှာခေါင်းရှုံ့လိုက်သည် ။</p> <p>"သဘာဝကျကျပဲ... မသက်ဆိုင်ပါဘူး"</p> <p>သူမသည် ထပ်၍ စကားမပြောတော့ပေ။</p> <p>​မကြာမီမှာပင် နံပါတ် လေး၊ နံပါတ် ခြောက်၊ နံပါတ် ခုနစ် စသည့် အမာခံတပည့်များလည်း တစ်ယောက်ပြီးတစ်ယောက် ရောက်ရှိလာကြသည်။</p> <p>​နံပါတ် ခုနစ် ရောက်လာသောအခါ စီနီယာအစ်မကြီး၏ နောက်တွင် ချက်ချင်း ရပ်လိုက်သည်။</p> <p>သူမသည် အလွန်အေးဆေးတည်ငြိမ်သော ပုံစံရှိပြီး ထုတ်မပြောလျှင် သူမကို ကျွယ်မင်နန်းတော်တွင် အဆင့် ၇ ရှိသော အမာခံတပည့်ဟု မည်သူမျှ ထင်မှတ်လိမ့်မည်မဟုတ်ပေ။</p> <p>​မသိမသာပင် ကျွယ်မင်နန်းတော်ရှိ အပြင်စည်းကျင့်ကြံသူ ရှစ်ဆယ်၊ ကိုးဆယ် ရာခိုင်နှုန်းခန့်မှာ ဤနေရာတွင် စုဝေးမိသွားကြပြီ ဖြစ်သည်။</p> <p>သူတို့သည် တိုးတိုးတိတ်တိတ် ဆွေးနွေးရင်း ဖန့်ချန်ကို မနာလိုစိတ်၊ အားကျစိတ်များဖြင့် ဝိုင်းကြည့်နေကြတော့သည်။</p> <p>​"စတင်လို့ ရပြီ"</p> <p>အကြီးအကဲ ချန် က ရုတ်တရက် ပြုံးလျက် ဆိုလိုက်ကာ ကျောက်စိမ်းသေတ္တာတစ်ခုကို ထုတ်ယူပြီး ဖြည်းဖြည်းချင်း ဖွင့်လိုက်သည်။</p> <p>​စိမ်းဖန့်ဖန့် အရောင်ရှိသော အစီရင်ဗဟိုချက်သည် မှိန်ပျပျ အလင်းတန်းများ ဖြာထွက်နေပြီး လူတိုင်း၏ မျက်စိထဲသို့ တိုးဝင်လာသည်။</p> <p>​ကျန်းချန်မှာ တံတွေးတစ်ချက် မျိုချလိုက်မိသည်။</p> <p> သူ၏ မျက်ဝန်းများမှာ အစီရင်ဗဟိုချက်ပေါ်တွင် စူးစိုက်နေပြီး ၎င်းမှာ သူ အမြဲတမ်း အိမ်မက်မက်ခဲ့ရသည့် အရာ ဖြစ်သည်။</p> <p>ကိုယ်တိုင်ပင် စစ်ဆေးမှု မလျှောက်ထားနိုင်သေးမီတွင် ယုတ်ညံ့လှသော မျိုးဆက်သစ် တစ်ဦးက      ဦးသူ ဖြစ်နေသည်ကို သူ မခံမရပ်နိုင် ဖြစ်နေမိသည်။</p> <p>​"ဒီအစီရင်ဗဟိုချက်က ဝူရှန့်ငရဲ ပေါ်ကနေ တူးဖော်ရရှိလာတာ ဖြစ်တယ်"</p> <p>အကြီးအကဲ ချန်က လက်ကို အသာဝေ့ယမ်းလိုက်ရာ ကျောက်စိမ်းသေတ္တာမှာ မမြင်ရသော လေလှိုင်းတစ်ခု၏ ပင့်တင်မှုဖြင့် ဖန့်ချန်၏ ရှေ့သို့ ရောက်ရှိလာသည်။</p> <p>​"မင်းရဲ့ အနှစ်သာရသွေး ကို သုံးပြီး သူနဲ့ ပဋိညာဉ်ပြုကြည့်ပါ။ အဲဒီထဲမှာ နက်နက်ရှိုင်းရှိုင်း စီးမျောပြီး ဆန်းကြယ်မှုတွေကို ခံစားကြည့်ပါ"</p> <p>​ဖန့်ချန်သည် ရှေ့မှ အစီရင်ဗဟိုချက်ကို သေသေချာချာ အကဲခတ်နေပြီး ပဋိညာဉ်ပြုရန် အလျင်မလိုသေးပေ။</p> <p>​"ကြည့်ရတာ...ကြာနီနတ်မိမယ် ပဋိညာဉ်ပြုထားတဲ့ အရာနဲ့ ဘာမှ ထူးမခြားနားပါလား..."</p> <p>​ဖန့်ချန်သည် ၎င်းတို့ကြားရှိ အရှိန်အဝါ ကွာခြားချက်ကို ခွဲခြား၍ မရပေ။</p> <p>အကယ်၍ တကယ်ပင် မထူးခြားဘူးဆိုလျှင် သူ၏ ယခင်ဘဝက မိစ္ဆာ ဖြစ်ခဲ့လျှင်ပင် ထိုအစီရင်ဗဟိုချက်နှင့် လိုက်ဖက်နိုင်ကြောင်း သက်သေပြနေခြင်း ဖြစ်သည်။</p> <p>​အကယ်၍ ကွာခြားမှု ရှိနေလျှင်မူ ကြာနီနတ်မိမယ် ပဋိညာဉ်ပြုခဲ့သည့် အစီရင်ဗဟိုချက်မှာ တစ်စုံတစ်ယောက်၏ ပြုပြင်မွမ်းမံခြင်း ခံထားရကြောင်း သူ ကောက်ချက်ချနိုင်မည် ဖြစ်သည်။</p> <p> ထိုစဉ်က ကြာနီနတ်မိမယ် သည် ထိုအစီရင်ဗဟိုချက်ရှိရာသို့ တန်းတန်းမတ်မတ် သွားခဲ့ခြင်း ဖြစ်ရာ ၎င်းမြုပ်နှံထားသည့် နေရာကို ကြိုတင် သိရှိနေခဲ့ခြင်း ဖြစ်သည်။</p> <p>ထိုအချက်က အမာခံတပည့်များ သို့မဟုတ် အကြီးအကဲများကောင်စီထဲတွင် သူမကဲ့သို့ပင် ယခင်ဘဝ အမှတ်ရနေသူများ ရှိနေနိုင်ကြောင်း ညွှန်းဆိုနေသည်။</p> <p>​"သူ ကြောက်နေတာလား "</p> <p>"မဟုတ်ပါဘူး... စိတ်လှုပ်ရှားနေတာ ဖြစ်မှာပါ။ ငါသာဆိုရင်လည်း စိတ်လှုပ်ရှားမှာပဲ၊ ဒီနေ့ စစ်ဆေးမှုက သူ့ရဲ့ အနာဂတ် တစ်ခုလုံးကို ဆုံးဖြတ်ပေးမှာလေ"</p> <p>"ဟုတ်တယ်... ကျရှုံးရင် ဂုဏ်ထူးရမှတ် ၅,၀၀၀ ဆုံးရှုံးမယ်၊ အောင်မြင်ရင်တော့ လူအများအထက်က ပုဂ္ဂိုလ် ဖြစ်လာမှာပဲ"</p> <p>​ဖန့်ချန်သည် အကြာကြီး မလှုပ်မယှက် ရှိနေသည်ကို မြင်သောအခါ လူအများက သူသည် ကျရှုံးမည်ကို ကြောက်ရွံ့သဖြင့် မစတင်ရဲခြင်း ဖြစ်သည်ဟု ယူဆနေကြသည်။</p> <p>​"မိတ်ဆွေ လီစီ... ဒီလို သတ္တိမျိုးနဲ့ သူ အောင်မြင်နိုင်မယ်လို့ ခင်ဗျား ထင်လား"</p> <p>ကျန်းချန်၏ မျက်ဝန်းထဲတွင် လှောင်ပြုံးအရိပ်အယောင်လေး ပေါ်လာသည်။</p> <p>​"သူ တကယ်ပဲ ကြောက်နေတာပဲ"</p> <p>လီစီက အသာအယာ ခေါင်းညိတ်ပြသည်</p> <p>"နှလုံးသား အခြေအနေ ကိုတောင် မကျော်ဖြတ်နိုင်ရင် ပဋိညာဉ် အောင်မြင်ဖို့ဆိုတာ သုညနဲ့ မခြားပါဘူး"</p> <p>​ကျန်းချန်၏ မျက်နှာပေါ်မှ အပြုံးမှာ ပို၍ တောက်ပလာတော့သည်။</p> <p>​ထိုစဉ်မှာပင် ဖန့်ချန်သည် သူ၏ လက်ချောင်းကို လှီးလိုက်ပြီး အနှစ်သာရသွေးများမှာ အစီရင်ဗဟိုချက်ပေါ်သို့ တစ်စက်ချင်းစီ ကျဆင်းသွားလေတော့သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save