Book List

<h2 style="text-align: center;">အခန်း ၂၃ +၂၄</h2> <h2 style="text-align: center;">ကြီးမားသော ရိတ်သိမ်းမှု.. ကမ္မအဆင့် မြင့်တက်လာခြင်း</h2> <h2 style="text-align: center;">*</h2> <p> </p> <p> </p> <p>​[ အိမ်ရှင်ကို ရှာဖွေတွေ့ရှိသည်... စေတနာတန်ဖိုး +၁၅ ]</p> <p>​[ အိမ်ရှင်သည် အတန်းဖော်တစ်ဦး၏ ဘဏ္ဍာရေးကို အခမဲ့ ကာကွယ်ပေးရန် ကူညီပေးသည်ကို တွေ့ရှိရသည်။ စေတနာတန်ဖိုး +၁ ]</p> <p>​[ ရှာဖွေတွေ့ရှိသည်...]</p> <p>​   ဂူချန် တစ်နေ့လုံး ကျောင်းတွင်ရှိနေစဉ် သူ၏နားထဲ၌ စနစ်၏ သာယာပျော့ပျောင်းသော အမျိုးသမီးအသံကို တောက်လျှောက် ကြားနေရသည် ။</p> <p>​   ရွှီဟိုင်ဖုန်းနှင့် အခြားသူများကို နမူနာပြကာ ပညာပေးထားသဖြင့် မည်သူမျှ ဆက်လက်၍ မဆန့်ကျင်ရဲကြတော့ချေ ။</p> <p>   ​ဖုန်းခေါ်သံတစ်ခု ဝင်လာသည့်အချိန်အထိပင် ။</p> <p>​      " တီ..တီ..တီ.."</p> <p>   ​ဂူချန် ဖုန်းကိုင်လိုက်ရာ တစ်ဖက်မှ အသက်ကြီးပြီး သြဇာညောင်းသော အသံတစ်ခု ထွက်ပေါ်လာသည် ။</p> <p>​      " သခင်လေး... ချင်းဟယ်မြို့တော် စောင့်ကြည့်ရေးကောင်စီကနေ သတိပေးချက်တစ်ခု ပို့လာပါတယ်.. ချင်းဟယ် အမှတ် ၁အထက်တန်းကျောင်းမှာ သခင်လေးလုပ်ခဲ့တဲ့ ကိစ္စက သက်ရောက်မှု အရမ်းကြီးသွားပြီး လူတော်တော်များများဆီကနေ ကန့်ကွက်မှုတွေ ရနေတယ်လို့ ပြောပါတယ်.."</p> <p>      ​" သခင်လေး... အခု ရပ်လိုက်ပါတော့.."</p> <p>​   နေ့ခင်းပိုင်းကစပြီး ဂူချန် လှုပ်ရှားမှု လုပ်ခဲ့စဉ်က ကျောင်းသားများစွာမှာ ဒေါသထွက်သော်လည်း မပြောရဲကြဘဲ လျှို့ဝှက်စွာ သတင်းဖြန့်ခဲ့ကြသည် ။</p> <p>   ​ချင်းဟယ် အမှတ် ၁ ကျောင်းလူမိုက် ဂူချန်သည် အခြားကျောင်းသားများ၏ ကျင့်စဉ်ရင်းမြစ်များကို မတရားလုယူနေသည်ဟူသော သတင်းမှာ မိဘများ၏ Group များအတွင်းသို့ လျင်မြန်စွာ ပျံ့နှံ့သွား၏ ။</p> <p>​   အချို့သော အလုပ်မရှိသူများက ထိုသတင်းကို အင်တာနက်ပေါ်တွင် တင်လိုက်ကြရာ လူအများ၏ အာရုံစိုက်မှုကို ရရှိခဲ့သည် ။</p> <p>​ "တုန်လှုပ်ဖွယ်ရာသတင်း</p> <p>..ချင်းဟယ် အမှတ် (၁) ကျောင်းသား ထောင်ပေါင်းများစွာ နေ့ခင်းကြောင်တောင် အရှက်ခွဲခံရခြင်း၏ အကြောင်းရင်းမှာ ဤသို့ကြောင့်ပင်.." </p> <p>      "အံ့အားသင့်ဖွယ်ရာသတင်း.. သိုင်းပညာစစ်ဆေးပွဲဝင်မည့် ကျောင်းသားတစ်ဦးသည် နေ့ခင်းဘက်တွင် ကျင့်ကြံခြင်းမပြုဘဲ ဤသို့လုပ်ဆောင်နေသည်.."</p> <p> "ဒါက လူသားမျိုးနွယ်၏ မျိုးတုန်းခြင်းအစပေလော..."</p> <p>   အစရှိသော ခေါင်းစဉ်များဖြင့် သတင်းများ တသီတတန်းကြီး ထွက်ပေါ်လာခဲ့သည် ။</p> <p>​   ထိုဗီဒီယိုများကို ဂူမိသားစု၏ အစီအစဉ်ဖြင့် လျင်မြန်စွာ ဖြတ်ပစ်ခဲ့သော်လည်း ချင်းဟယ်မြို့တော်တစ်ခုလုံးတွင်တော့ တော်တော်လေး ဂယက်ရိုက်သွားခဲ့သည် ။</p> <p>​   ထင်သည့်အတိုင်းပင် စောင့်ကြည့်ရေးကောင်စီမှ လူများက လာရောက် တားဆီးကြတော့သည် ။</p> <p>      ​" အင်း... သိပြီ.."</p> <p>   ဂူချန်က ဘာမှ စိုးရိမ်ပူပန်ခြင်းမရှိဘဲ အေးအေးဆေးဆေးပင် ပြန်ဖြေလိုက်၏ ။</p> <p>​   ဤအခြေအနေများကို သူ ကြိုတင်မျှော်လင့်ထားပြီးသား ဖြစ်သည် ။ မျှော်လင့်ထားတာထက် အနည်းငယ် စောရောက်လာရုံသာ ဖြစ်၏ ။</p> <p>​   ဖုန်းချပြီးနောက် သူ လီကျိရန်ထံသို့ နောက်ထပ် ဖုန်း ခေါ်လိုက်သည် ။</p> <p>      ​" ဘောစ့်... ဘာကိစ္စရှိလို့လဲ.."</p> <p>​   လီကျိရန်၏ စိတ်လှုပ်ရှားနေသော်လည်း အနည်းငယ် ဇဝေဇဝါဖြစ်နေသော အသံ ထွက်ပေါ်လာသည် ။</p> <p>      ​" အချိန်စေ့ပြီ.. ကျန်တဲ့လူတွေကို ဂရုမစိုက်နဲ့တော့..ငါ အရင်က မှာထားတဲ့အတိုင်း လုပ်တော့.."</p> <p>   ဂူချန်က အေးအေးလူလူပင် အမိန့်ပေးလိုက်သည် ။</p> <p>​      " ဟုတ်ကဲ့ပါ ဘောစ့်.."</p> <p>တစ်ဖက်မှ ချက်ချင်း ပြန်ဖြေသည် ။</p> <p>​   ဖုန်းချပြီးနောက် ဂူချန်သည်  စနစ်မျက်နှာပြင်ပေါ်ရှိ စေတနာတန်ဖိုးကို ကြည့်လိုက်သည် ။</p> <p>​[လက်ရှိ စေတနာတန်ဖိုး: ၁၁၃၆ ]</p> <p>​ ' တစ်ခါတည်းနဲ့ စေတနာတန်ဖိုးတွေ ဒီလောက်အထိ ရလိမ့်မယ်လို့ ထင်မထားဘူး.."</p> <p>   ​ဂူချန်  အံ့သြနေမိသည် ။ အတန်းဖော်များထံမှ အမှတ်ယူရသည်က အမှန်ပင် လွယ်ကူလှ၏ ။ အနည်းငယ် ခြောက်လှန့်လိုက်ရုံနှင့် အများကြီးရလိုက်သည် ။</p> <p>​   သို့သော် ဤနည်းလမ်းသည် အားနည်းချက်ရှိပြီး ခဏခဏ သုံး၍မရပေ ။ အကယ်၍ သူ၏ နောက်ကွယ်တွင် ချင်းဟယ် ဂူမိသားစုသာ မရှိလျှင် သူသည် စောင့်ကြည့်ရေးကောင်စီ၏ အမှောင်ခန်းထဲသို့ ရောက်နေသည်မှာ ကြာလှပြီ ဖြစ်သည် ။</p> <p> ' လီကျိရန်ဘက်က အဆင်ပြေပြေ လုပ်နိုင်မယ်ဆိုရင် နောက်ထပ် အမှတ်နည်းနည်းတော့ ထပ်တိုးလာနိုင်သေးတယ်.. '</p> <p>   ဂူချန် တွေးလိုက်သည် ။</p> <p>​   ကျန်ရှိသော နောက်ဆက်တွဲကိစ္စများကို သူ မပါဘဲ ကိုင်တွယ်နိုင်ပြီဖြစ်သဖြင့် သူ ကျောင်းမှ ထွက်လာကာ ကိုယ်ပိုင်ကားဖြင့် အိမ်သို့ ပြန်ခဲ့သည် ။</p> <p>   ​နောက်ရက်အနည်းငယ်တွင် သိုင်းပညာစစ်ဆေးပွဲ အကြိုခြေစစ်ပွဲ ရှိသဖြင့် သူ အနည်းငယ် ပြင်ဆင်ရန် လိုအပ်သည် ။</p> <p>   ​ဤခြေစစ်ပွဲကို ကျင်းပရခြင်းမှာ ကျန်းနန်ပြည်နယ်တစ်ခုလုံးရှိ သိုင်းအထက်တန်းကျောင်းများတွင် စမ်းသပ်စစ်ဆေးမှုများ ပြုလုပ်နေသောကြောင့် ဖြစ်သည်။ နေရာမှာ အကန့်အသတ်ရှိပြီး ကျောင်းတစ်ကျောင်းလျှင် ၁၀ နေရာသာ ရရှိသည် ။</p> <p>   ​သဘာဝကျစွာပင် ထိုအခွင့်အရေးကို အစွမ်းအထက်ဆုံး ကျောင်းသားများကိုသာ ပေးမည် ဖြစ်သည် ။ ထို့ကြောင့် ကျောင်းတစ်ကျောင်းစီက ခြေစစ်ပွဲကျင်းပကာ ကျောင်းကိုယ်စားပြုမည့် အသန်မာဆုံး ၁၀ ယောက်ကိုသာရွေးချယ်ကြ၏ ။</p> <p>   ​ဂူချန်သည် ခြေစစ်ပွဲအတွက်တင် မဟုတ်ဘဲ မုရုံချင်းရွှယ် ဆီမှ ရရှိမည့်စေတနာတန်ဖိုးများကို မျှော်လင့်နေ၏ ။</p> <p>​   လုဖန်ဆီကပင် မနည်းမနော ရခဲ့သဖြင့် သူ့ထက် အဆပေါင်းများစွာ သန်မာပြီး ထက်မြက်သော၊ မာနကြီး၍ အေးစက်သော နတ်သမီး မုရုံချင်းရွှယ်ဆီကဆိုလျှင်တော့ ပို၍ပင် ရပေလိမ့်အုံးမည် ။</p> <p>   ​ယခု သူ့တွင် စေတနာတန်ဖိုးအချို့ ရှိနေပြီဖြစ်သဖြင့် ရတနာအဆင့် သိုင်းပညာ  သင်ယူဖို့ သို့မဟုတ် ခန္ဓာကိုယ်ကြံ့ခိုင်မှု ကျင့်စဥ် တွေကို စတင်ဖို့ အစီအစဉ်ဆွဲရတော့မည် ။</p> <p>​   သူ၏ အရင်ခန္ဓာကိုယ်ပိုင်ရှင်က ပျော်ပါးရင်း  အချိန်ဖြုန်းခဲ့ပြီး ခက်ခဲပင်ပန်း၍ နာကျင်ရသော သိုင်းပညာရပ်များကို သင်ယူဖို့ရန် ငြင်းဆန်ခဲ့သည် ။ သို့သော် ဤအဆင့်မြင့်သိုင်းကမ္ဘာတွင် ထိုသို့သော သိုင်းပညာများကသာ ပို၍ စွမ်းအားကြီးမားပေသည် ။</p> <p>​    ဂူချန်သည်တော့ သူ၏ ဇွဲလုံ့လနှင့် ကြိုးစားမှု ဖြင့် ထိုအခက်အခဲများကို အလွယ်တကူ ကျော်လွှားနိုင်မည်ဟု ယုံကြည်နေသည် ။</p> <p>​   တစ်ချိန်တည်းမှာပင် ချင်းဟယ် အမှတ် ၁ ကျောင်းအတွင်း၌...</p> <p>​   လီကျိရန်သည် လူတစ်စုကို ဦးဆောင်ကာ အရင်က သူတို့ လုယူခဲ့သော အတန်းများဆီသို့ တစ်ခုချင်းစီ သွားကာ ပစ္စည်းအားလုံးကို ပြန်ပေးနေသည် ။</p> <p>​      " ဘောစ့် ဘာတွေ တွေးနေလဲ မသိဘူး.. တစ်နေ့လုံး ပင်ပန်းခံပြီး လုထားတဲ့ ရင်းမြစ်တွေကို အခုတော့ အကုန်ပြန်ပေးနေရပြီ.."</p> <p>   ရွှေရောင်ဆံပင်နှင့် လူငယ်တစ်ဦးက သူ၏ အိတ်ကပ်ထဲမှ သွေးချီဆေးရည်  တစ်ဗူးကို ထုတ်ရင်း ညည်းညူလိုက်သည် ။</p> <p>​   အခြားသူများသည်လည်း များပြားလှသော ပစ္စည်းများကို ကြည့်ကာ နှမြောတသစွာဖြင့် ခေါင်းခါနေကြ၏ ။</p> <p>      " အားလုံးက အလကား ဖြစ်သွားတာပဲ.."</p> <p>​      " ဘာအလကားလဲ "</p> <p>   သူတို့ပြောနေသည်ကို ကြားလိုက်ရသဖြင့် လီကျိရန်က ထိုလူငယ်၏ ခေါင်းကို ရိုက်ကာ ပြန်ပြောလိုက်သည် ။</p> <p>​      " ဘောစ့်က ငါတို့ တစ်ယောက်ချင်းစီကို မဟာမိတ်ဒင်္ဂါး ၅၀၀ စီ ပေးထားတာပဲ.. အပြင်မှာဆိုရင် မင်း တစ်နေ့တည်းနဲ့ အဲဒီလောက် ရှာနိုင်ပါ့မလား .."</p> <p>​      " အလုပ်ကိုပဲ ကြိုးစားလုပ်စမ်းပါ.. ဘောစ့်ရဲ့ နောက်ကွယ်မှာ အတင်းမပြောနဲ့.. ဒီတစ်ခါတော့ မကြားချင်ယောင် ဆောင်ပေးလိုက်မယ်..နောက်တစ်ခါ ဘောစ့်ကို သွားပြောလိုက်ရင် မင်း ဘာဖြစ်သွားမလဲဆိုတာ သိတယ်မလား.."</p> <p>​   ရွှေရောင်ဆံပင်နှင့် လူငယ်သည် ယနေ့ လူနာတင်ကားဖြင့် တင်သွားရသော အခန်း ၃ မှ ရွှီဟိုင်ဖုန်း၏ အခြေအနေကို သတိရသွားပြီး ကြက်သီးများပင် ထသွားသည် ။</p> <p>​   သူက  ခေါင်းကို အသာအယာ ပွတ်လိုက်ရင်း ...</p> <p>      " ကျွန်တော်က ဒီတိုင်း ပြောကြည့်တာပါ.. ဘာမကောင်းတဲ့ စိတ်မှ မရှိပါဘူး.."</p> <p>​   ပြောပြီးသည်နှင့် သူသည် အိတ်ထဲမှ စာရင်းမှတ်ထားသော ဝေစုများကို ထုတ်ကာ မူလပိုင်ရှင်များထံသို့ လျင်မြန်စွာ ပြန်ပေးတော့သည် ။</p> <p>​   ပစ္စည်းများ ပြန်ရရှိပြီးနောက် ရွှေရောင်ဆံပင်နှင့် လူငယ်များကို ကြောက်လန့်နေသော ကျောင်းသားတစ်ဦးမှာ ချက်ချင်းပင် လှည့်ထွက်သွားရန် ပြင်လိုက်၏ ။</p> <p>​      " နေဦး..."</p> <p>   လီကျိရန်က မျက်မှောင်ကြုတ်ကာ တားလိုက်သည်။</p> <p>​      " ကျေးဇူးတင်စကားတောင် မပြောဘူးလား.. ဒီတိုင်း ထွက်သွားတော့မလို့လား.."</p> <p>      ​" ကျေးဇူးတင်ပါတယ်.. ကျေးဇူးတင်ပါတယ်..ကျေးဇူးတင်ပါတယ်.."</p> <p>   ထိုလူက ချက်ချင်း တုံ့ပြန်လိုက်ပြီး နောက်သို့ လှည့်ကာ သုံးကြိမ်တိုင်တိုင် ဦးညွှတ်ကျေးဇူးတင်ပြီးနောက် အမြန်ဆုံး ပြေးထွက်သွားတော့သည် ။</p> <p>   ​ထိုကျောင်းသားက ကျေးဇူးတင်ပါတယ် ဟု ပြောပြီးသည့်အချိန်မှာပင် အိမ်သို့ ရောက်ရှိနေပြီဖြစ်သော ဂူချန်၏ ရှေ့မှောက်တွင် အလင်းမျက်နှာပြင်တစ်ခု ပြန်လည် ပေါ်ထွက်လာသည် ။</p> <p>​[ အိမ်ရှင် ကူညီပေးခဲ့သော ကျောင်းသားတစ်ဦးသည် အိမ်ရှင်အပေါ် ကျေးဇူးတင်စိတ် ရှိနေသည်ကို တွေ့ရှိရသည်။ မိုင်ပေါင်း ထောင်ချီဝေးကွာနေသော်လည်း သူတို့သည် အိမ်ရှင်၏ အကူအညီကို သတိရနေဆဲ ဖြစ်သည်။ စေတနာတန်ဖိုး +၁ ]</p> <p>​[ ရှာဖွေတွေ့ရှိသည်...]</p> <p>      ​" အရမ်းကောင်းတယ်.."</p> <p>    ဂူချန်က  ခပ်ဖွဖွ ပြုံးလိုက်မိသည်။</p> <p>   ​သူ မျှော်လင့်ထားသည့်အတိုင်းပင် နောက်ထပ် အမြတ်အစွန်းလေးတစ်ခု ထပ်ရပြန်လေပြီ ။</p> <p>​   ထို့ပြင် လီကျိရန်က လုယူထားသော ပစ္စည်းအားလုံးကို ပြန်ပေးလိုက်သရွေ့ ထိုကျောင်းသားများသည် အပြင်တွင် ဘာမှ သိပ်ပြောနိုင်တော့မည် မဟုတ်ပေ ။</p> <p>​   ထိုအချိန်က သူ၏ လုပ်ရပ်မှာ ဓားပြတိုက်သလို ဖြစ်နေသော်လည်း အဆင့်မြင့် သိုင်းလောကဖြစ်သောဤကမ္ဘာတွင် အနည်းငယ် ခိုက်ရန်ဖြစ်ပွားခြင်းမှာ သာမန်ကိစ္စသာ ဖြစ်သည် ။</p> <p>​   နောက်ဆုံးတွင် သူပြောသည့်အတိုင်း အားလုံးကို ပြန်ပေးခဲ့သည် မဟုတ်ပါလော ။ ဤသည်က ကိစ္စကြီး မဟုတ်တော့ပေ ။</p> <p>​   သူ့အတွက်ကတော့ စေတနာတန်ဖိုး တစ်သောင်းကျော်ကို အလကား ရလိုက်ခြင်း ဖြစ်သည် ။</p> <p>​   စိတ်လှုပ်ရှားမှုများကို ထိန်းချုပ်လိုက်ပြီး ဂူချန်သည် စနစ်မျက်နှာပြင်ကို ထပ်မံ ဖွင့်လိုက်သည် ။</p> <p>​   သို့သော် သူ၏ ကျင့်စဉ်အဆင့်ကို ထပ်တိုးရန် ပြင်လိုက်စဉ်မှာပင် သူ၏ ရှေ့မှ အလင်းမျက်နှာပြင်မှာ ပြောင်းလဲသွားပြန်သည် ။</p> <p>​      [ ဒင်...]</p> <p>​[ ဂုဏ်ယူပါသည်..သင်၏ ကမ္မအဆင့်  မြင့်တက်သွားပါပြီ ]</p> <p>​[ကမ္မအဆင့်: အဆင့်နိမ့် - အလယ်အလတ်အဆင့်]</p> <p>​[သင်၏ ကမ္မလက်ဆောင်ထုတ် ကို ကျပန်းမဲနှိုက်ပေးနေသည်...]</p> <p>​[ ရွှေရောင် ဒဏ္ဍာရီလာပစ္စည်း ရရှိပါသည် ]</p> <p>​[ အောက်ပါ ရွှေရောင်ကမ္မလက်ဆောင်ထုတ် ၃ မျိုးထဲမှ တစ်ခုကို ရွေးချယ်ပါ</p> <p>​၁။ သိုင်းပညာပါရမီ</p> <p>၂။ ကောင်းကင်နှင့်မြေကမ္ဘာ၏ ရတနာ</p> <p>၃။ အခြားလောကမှ ပစ္စည်း ]</p> <p>​(လက်ဆောင်ထုတ် တစ်မျိုးချင်းစီ၏ တန်ဖိုးနှင့် သက်ရောက်မှုမှာ အတူတူပင်ဖြစ်ပြီး ကဏ္ဍအမျိုးမျိုးကိုသာ ထောက်ပံ့ပေးမည် ဖြစ်သည်။)</p> <p>​[ ဂုဏ်ယူပါသည်၊ သင်သည် ကြီးမြတ်သောကမ္မဧကရာဇ် ၏ စစ်မှန်သော အနှစ်သာရကို နားလည်သဘောပေါက်သွားပါပြီ။ ကမ္ဘာလောကတစ်ခွင်သို့ မေတ္တာတရားများကို ဆက်လက် ဖြန့်ဝေပေးပါဦး ]​</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save