Book List

<h2 style="text-align: center;">အခန်း ၃၂၃</h2> <h2 style="text-align: center;">မရဏ အင်ပါယာ</h2> <h2 style="text-align: center;">*</h2> <p> </p> <p> </p> <p>"သတ်ဖြတ်ခြင်း ကို ဓားအခြေခံ အဖြစ် သုံးပြီး နတ်ဘုရား အဆောင် ၅ မျိုးစီက နေရာ တစ်ခုစီကို ထိန်းချုပ်ထားမယ် ဆိုရင် အဲဒီကနေ ဖန်တီးလိုက်တဲ့ အဆောင်လက်ဖွဲ့ လက်နက် ရဲ့ စွမ်းအား က တကယ်ကို ဆိုးမှာ မဟုတ်ဘူး... ဒါပေမဲ့ မင်းရဲ့ လက်ရှိ ခွန်အား က ဒီလို အင်မော်တယ် ပစ္စည်း မျိုးကို ဖန်တီးနိုင်စွမ်း မရှိသေးဘူး... နည်းနည်းလေး ပေါ့ဆလိုက်တာနဲ့ သတ်ဖြတ်ခြင်း တာအို ဉာဏ်အလင်း တွေ ယိုစိမ့်ထွက်လာပြီး ဒုက္ခရောက်သွားနိုင်တယ်... ထားလိုက်ပါတော့... ငါပဲ မင်းကို ကူညီပေးလိုက်ပါ့မယ်..." </p> <p>ထိုသို့ ပြောရင်းနှင့် တိမ်တိုက် သင်္ကေတများ ပါဝင်သော ရွှေရောင် နတ်ဘုရား အလင်းတန်း တစ်ခုသည် ကျီယု ၏ ညာဘက်လက်ပေါ်တွင် ရုတ်တရက် ထွက်ပေါ်လာပြီး အဆောင်လက်ဖွဲ့ သင်္ကေတများ တဖျပ်ဖျပ် လင်းလက်ကာ အဟုန်ဖြင့် ထွက်ပေါ်လာစဉ် တာအို ဂါထာ ရွတ်ဆိုသံများလည်း ထွက်ပေါ်လာသည်။ အဝေးမှ ကြည့်လိုက်လျှင် တိမ်တိုက်များ အတွင်းမှ နတ်ဘုရား တစ်ပါးက မရေမတွက်နိုင်သော တာအို အမှတ်အသားများ ပါဝင်သည့် လက်ကြီး တစ်ဖက်ကို ဆန့်ထုတ်လိုက်သကဲ့သို့ ဖြစ်နေပြီး သတ်ဖြတ်ခြင်း တံစဉ် ၏ မျက်နှာပြင်မှာ လောင်ကျွမ်းနေသော ရွှေရောင် နတ်ဘုရား အလင်းတန်း အလွှာ တစ်ခုဖြင့် ချက်ချင်း ဖုံးလွှမ်းသွားတော့သည်။</p> <p>ချန်ရှီ မျက်လုံးများ ပြူးကျယ်သွားပြီး သတ်ဖြတ်ခြင်း တံစဉ် မှာ အရည်ပျော်ကျလာကာ အနက်ရောင် တန်ဖိုးကြီး ပုလဲများနှင့် တူသော အလွန် နက်မှောင်ပြီး အပြစ်အနာအဆာ ကင်းသည့် ရေပုလဲလုံး များစွာ အဖြစ်သို့ ပြောင်းလဲသွားသည်ကို ရှင်းရှင်းလင်းလင်း မြင်လိုက်ရသည်။</p> <p>"စုစည်းစမ်း..." </p> <p>ကျီယု ၏ ညာဘက်လက်က သူ့ ရှေ့ရှိ လေဟာနယ်ကို လှမ်းဆုပ်လိုက်ရာ ထို အနက်ရောင် ရေပုလဲလုံး များသည် တစ်လုံးပြီး တစ်လုံး ပေါင်းစပ်သွားကာ ကြိုးတစ်ချောင်း အဖြစ် ပြောင်းလဲသွားပြီးနောက် တစ်တန်းပြီး တစ်တန်း ရွေ့လျားကာ ဓားအခြေခံ တစ်ခု၏ ပုံသဏ္ဍာန်ကို ရေးဆွဲ ပုံဖော်လိုက်လေသည်။</p> <p>ဤ ဓားအခြေခံ သည် တစ်မီတာ ကျော်ကျော်ခန့် ရှည်လျားပြီး မင်ရည် အလား လုံးဝ နက်မှောင်နေသည်။ ဓား၏ မျက်နှာပြင်မှာ တောင်ကြီး တစ်လုံး အလား၊ ဓားသွားမှာ ပုစဉ်းတောင်ပံ အလား ဖြစ်ပြီး ဓားရိုးမှာ လခြမ်းကွေး တစ်ခု အလား ဖြစ်နေသည်။ ဓားအခြေခံ တစ်ခုလုံး၏ ပုံစံမှာ ရိုးရှင်းပြီး ရှေးကျသော လက္ခဏာရပ် တစ်ခုကို ထုတ်ဖော် ပြသနေ၏။</p> <p>ဝီ...</p> <p>ကျီယု လက်ချောင်းက ဓားကိုယ်ထည် ကို ခပ်ဖွဖွ တစ်ချက် တောက်လိုက်ရာ ကြည်လင် သာယာသော ဓားမြည်ဟည်းသံ တစ်သံ ထွက်ပေါ်လာသည်။ ထို့နောက် ကြမ်းတမ်းပြီး သန့်စင်သော သတ်ဖြတ်ခြင်း စွမ်းအင်များ ဓားကိုယ်ထည် မှ အဟုန်ဖြင့် ထွက်ပေါ်လာကာ '殺' (သတ်ဖြတ်ခြင်း) စာလုံး အမှတ်အသား များစွာ အဖြစ်သို့ ပြောင်းလဲသွားပြီး ဓားအခြေခံ ၏ ပတ်လည်တွင် အဆက်မပြတ် လှည့်ပတ် ပျံသန်းနေကြသည်။ ထိုအခါ ပတ်ဝန်းကျင်ရှိ လေဟာနယ်မှာ အပိုင်းပိုင်း ပြတ်တောက်သွားပြီး ကွဲအက်နေသော ဒီရေလှိုင်းများ အလား အဆုံးအစမဲ့ ထွက်ပေါ်လာသော အက်ကွဲကြောင်းများ ပေါ်ထွက်လာတော့သည်။</p> <p>ဓားအခြေခံ တစ်ခုတည်းမှ ထွက်ပေါ်လာသော အရှိန်အဝါ တစ်စွန်းတစ်စ ကပင် လေဟာနယ်ကို ဆုတ်ဖြဲပစ်လိုက်နိုင်သည်ပါလား။ အကယ်၍ ၎င်းကို အစစ်အမှန် အဆောင်လက်ဖွဲ့ လက်နက် တစ်ခု အဖြစ် ဖန်တီးလိုက်မည် ဆိုပါက ၎င်း၏ စွမ်းအားမှာ မည်မျှ ကြောက်မက်ဖွယ် ကောင်းလိမ့်မည်နည်း။ ဓားအခြေခံ ၏ စွမ်းအားကြောင့် ချန်ရှီ တုန်လှုပ်သွားသည်နှင့် တစ်ချိန်တည်းမှာပင် ကျီယု ၏ စွမ်းရည် ကြောင့်လည်း အလွန် မှင်သက်သွားရသည်။ လက်တစ်ချက် ဆန့်ထုတ်လိုက်ရုံဖြင့် ကျီယု သည် အင်မော်တယ် မှော်ရတနာ တစ်ခု ဖြစ်သော သတ်ဖြတ်ခြင်း တံစဉ် ကို အရည်ကျိုကာ ဓားအခြေခံ တစ်ခု အဖြစ် ပြောင်းလဲပစ်လိုက်ခြင်းမှာ သာမန် အရာတစ်ခုကို အံ့ဖွယ် အရာတစ်ခု အဖြစ်သို့ ပြောင်းလဲပစ်လိုက်သည့် လုပ်ရပ် တစ်ခုပင် ဖြစ်နေလေပြီ။</p> <p>"ကဲ... ဓားအခြေခံ ကတော့ ပြီးသွားပြီ... မင်း အချိန်ကို အကောင်းဆုံး အသုံးချပြီး နတ်ဘုရား အဆောင် တွေကို စပြီး ထွင်းထုတော့..." </p> <p>ကျီယု က ပေါ့ပေါ့ပါးပါး ညွှန်ကြားရင်း ဓားအခြေခံ ကို ချန်ရှီ ထံ ပစ်ပေးလိုက်ပြီးနောက် ထွက်ခွာရန် ရည်ရွယ်ချက်ဖြင့် လှည့်ထွက်သွားလိုက်သည်။</p> <p>"စီနီယာ ကျီ... ခဏစောင့်ပါဦး... ကျွန်တော် မေးစရာ တစ်ခု ရှိသေးတယ်..." </p> <p>ချန်ရှီ ရုတ်တရက် တစ်ခုခုကို တွေးမိသွားပြီး မဟာယန ဗုဒ္ဓ စေတီတော်၊ မရဏ မှတ်တမ်း နှင့် အပြစ်စီရင်ရေး စုတ်တံ တို့ကို ကမန်းကတန်း ထုတ်ယူလိုက်သည်။ ထို့နောက် သူ၏ ရှာမန် သင်္ကေတ များကို လှည့်ပတ်ကာ အမည်မသိ နတ်ဘုရား သစ်သား၊ မီး သလင်းကျောက်၊ ရေ ပုလဲ နှင့် သတ္တု ကျောက်တုံး တို့ကိုပါ လေထဲတွင် လွင့်မျော ထွက်ပေါ်လာစေလိုက်သည်။</p> <p>ဤ ရတနာများမှာ ကံကောင်းမှသာ တွေ့ကြုံနိုင်မည့် အလွန် အံ့ဖွယ်ကောင်းသော တည်ရှိမှုများ ဟု ဆိုနိုင်ပေသည်။ သို့သော် ချန်ရှီ ၏ လက်ထဲ ရောက်နေချိန်တွင်တော့ ၎င်းတို့မှာ ဖုံးကွယ်ခံထားရသော တောက်ပသည့် ပုလဲလုံးများ အလား ဖြစ်နေ၏။ အဘယ်ကြောင့်ဆိုသော် ဤ ရတနာများ၏ စစ်မှန်သော အသုံးဝင်ပုံနှင့် ဇာစ်မြစ်ကို သူ လုံးဝ မသိသောကြောင့်ပင်။</p> <p>ဥပမာအားဖြင့် မဟာယန ဗုဒ္ဓ စေတီတော် မှာ မူလက အင်မော်တယ် မှော်ရတနာ တစ်ခု ဖြစ်သော်လည်း ယခုအချိန်တွင်မူ ပြင်းထန်စွာ ပျက်စီးနေပြီး ၎င်း၏ မှော်ရတနာ ဝိညာဉ် မှာလည်း ပျောက်ဆုံးနေသည်။ ချန်ရှီ သည် ၎င်းကို ပြင်ဆင်ချင်သော်လည်း မည်သို့ လုပ်ရမည်ကို မသိပေ။</p> <p>နောက်ထပ် ဥပမာ ပေးရလျှင် မရဏ မှတ်တမ်း နှင့် အပြစ်စီရင်ရေး စုတ်တံ တို့မှာ ပို၍ပင် လျှို့ဝှက်ဆန်းကြယ်သေးသည်။ ထို့အပြင် ၎င်းတို့သည် ချန်ရှီ ၏ ထိန်းချုပ်မှုကို ငြင်းဆန်ကြပြီး အခွင့်အရေး ရသည်နှင့် ထွက်ပြေးချင်နေကြသဖြင့် ချန်ရှီ ကို အလွန် ခေါင်းကိုက်စေလေသည်။</p> <p>အခြား တစ်ဖက်တွင်လည်း ထို အမည်မသိ နတ်ဘုရား သစ်သား၊ မီး သလင်းကျောက်၊ ရေ ပုလဲ နှင့် သတ္တု ကျောက်တုံး တို့မှာလည်း အလားတူပင် ဖြစ်သည်။ ယနေ့တိုင်အောင် ၎င်းတို့၏ စစ်မှန်သော အသုံးဝင်ပုံနှင့် ဇာစ်မြစ်ကို ချန်ရှီ ရှာမတွေ့သေးပေ။</p> <p>ဤအချက်ကြောင့်ပင် နှစ်သန်းပေါင်းများစွာ အသက်ရှင်နေထိုင်ခဲ့သော စံအိမ်တော် ၏ ဝိညာဉ် ထံမှ ဤ ရတနာများနှင့် ပတ်သက်သည့် သတင်းအချက်အလက် အချို့ကို သိရှိနိုင်ရန် မျှော်လင့်ချက်ဖြင့် ကျီယု ကို ချန်ရှီ တားလိုက်ခြင်း ဖြစ်သည်။</p> <p>"ဒါက..." </p> <p>ကျီယု ၏ စိတ်နေသဘောထား နှင့် မရေမတွက်နိုင်သော နှစ်ပေါင်းများစွာ အတွေ့အကြုံများ ရှိသော်လည်း ဤ ရတနာများကို မြင်လိုက်ရသောအခါ သူ မနေနိုင်ဘဲ အသက်ရှိုက်မိသွားပြီး ၎င်းတို့ကြောင့် လုံးဝနီးပါး ကြောင်အသွားရလေသည်။</p> <p>"မရဏ အင်ပါယာ ရဲ့ မရဏ မှတ်တမ်း နဲ့ အပြစ်စီရင်ရေး စုတ်တံ ပါလား... မဟာယန ဗုဒ္ဓ ကမ္ဘာ ရဲ့ အမွေအနှစ် ဖြစ်တဲ့ မဟာယန ဗုဒ္ဓ စေတီတော်... အပြာရောင် နတ်ဘုရား သစ်သား... နေမင်းစွမ်းအား သတ္တု... မီးတောက် နတ်ဘုရား သလင်းကျောက်... ပေါင်းစည်းခြင်း အနက်ရောင်ရေ..." </p> <p>ကျီယု က နာမည်များကို တစ်ခုပြီး တစ်ခု ရွတ်ဆိုလိုက်ပြီး သူ၏ မျက်နှာပေါ်ရှိ အံ့ဩမှင်သက်မှုများက တဖြည်းဖြည်း ပိုမို သိပ်သည်းလာသည်။ နောက်ဆုံးတွင် သူသည် ချန်ရှီ ကို ထူးဆန်းသော အကြည့်များဖြင့် ရုတ်တရက် စိုက်ကြည့်လိုက်၏။</p> <p>ထိုသို့ စိုက်ကြည့်ခံလိုက်ရသဖြင့် ချန်ရှီ ရင်ထဲတွင် နေရခက်သွားပြီး ချောင်းဟန့်လိုက်ကာ ပြောလိုက်သည်။ </p> <p>"လွန်ခဲ့တဲ့ နှစ်အနည်းငယ် အတွင်း ဒီ ရတနာတွေ အကုန်လုံးကို ကံကောင်းထောက်မစွာနဲ့ ကျွန်တော် ရခဲ့တာပါ... ဒါပေမဲ့ သူတို့ရဲ့ ဇာစ်မြစ် နဲ့ အသုံးဝင်ပုံကို မသိလို့ စီနီယာ လမ်းညွှန်ပေးနိုင်မလား လို့ မျှော်လင့်မိပါတယ်..."</p> <p>ကျီယု အသက်ပြင်းပြင်း ရှူသွင်းလိုက်ပြီး သူ၏ စိတ်အခြေအနေကို တည်ငြိမ်စေလိုက်ကာ မရဏ မှတ်တမ်း နှင့် အပြစ်စီရင်ရေး စုတ်တံ တို့ကို ကောက်ယူရန် လက်ကို မြှောက်လိုက်သည်။ ၎င်းတို့ကို အကြမ်းဖျင်း အကဲခတ်ကြည့်ပြီးနောက် သူ၏ မျက်လုံးများတွင် လွမ်းဆွတ်တသမှုများ ပြည့်နှက်လာပြီး ခံစားချက်ပါပါ သက်ပြင်းချလိုက်၏။ </p> <p>"ဒီ ရတနာ နှစ်ခု ကို ရှေးဟောင်း ခေတ်ဦး ကာလ တုန်းက ဝင်္ကပါ ခြောက်သွယ် လူဝင်စားခြင်း လမ်းစဉ် တွေထဲက တတိယမြောက် မရဏ အင်ပါယာ က ပိုင်ဆိုင်ခဲ့တာပဲ... အဲဒီလူက အံ့မခန်း ပါရမီရှင် တစ်ယောက် ဖြစ်ပြီး ကမ္ဘာတစ်ဝှမ်းလုံးမှာ နာမည်ကြီးခဲ့တယ်... သူက အရမ်းကို ကြောက်စရာကောင်းတဲ့ ပုဂ္ဂိုလ် တစ်ယောက် ဖြစ်ပြီး ငါ့ သခင် နဲ့ ၁၀ နှစ်တိုင်တိုင် တာအို အကြောင်း ဆွေးနွေးခဲ့တာတောင် မရှုံးနိမ့်ခဲ့ဘူး... ဒါပေမဲ့ ကံမကောင်းစွာနဲ့ပဲ ကိစ္စရပ် အချို့ ကြောင့် ကမ္ဘာအသီးသီး က မရေမတွက်နိုင်တဲ့ အထွတ်အထိပ် ပုဂ္ဂိုလ်ကြီး တွေကို သူ စော်ကားမိသွားပြီး ဝိုင်းဝန်း သတ်ဖြတ်ခံရလို့ ရင်ထဲမှာ နာကျည်းချက်တွေ နဲ့ အတူ သေဆုံးသွားခဲ့ရတယ်..."</p> <p>' ဝင်္ကပါ ခြောက်သွယ် လူဝင်စားခြင်း လမ်းစဉ် ကို ထိန်းချုပ်ခဲ့တဲ့ မရဏ အင်ပါယာ ဟုတ်လား... '</p> <p>' ဒီလို ကမ္ဘာကို တုန်လှုပ်စေနိုင်တဲ့ ပုဂ္ဂိုလ်ကြီး တစ်ယောက် က စံအိမ်တော် သခင်၊ စီနီယာ ဖူရှီ နဲ့ ၁၀ နှစ်တိုင်တိုင် တာအို အကြောင်း ဆွေးနွေးခဲ့ဖူးတာလား... သူက ငါ့ကို မိတ်ဆွေဟောင်း ရဲ့ တပည့် လို့ ခေါ်တာ မဆန်းပါဘူးလေ... သူက စီနီယာ ဖူရှီ နဲ့ အနီးကပ် ပတ်သက်နေတာကိုး... '</p> <p>ချန်ရှီ ၏ နှလုံးသားမှာ အတော်လေး ဂနာမငြိမ် ဖြစ်နေမိသည်။ သူ့ကို ကူညီပေးခဲ့ပြီး ပါရာမီတာ နှင့် မေ့လျော့ခြင်း မဟာ တာအို များ၏ နက်နဲမှုများကို သူ့ထံ လက်ဆင့်ကမ်းပေးခဲ့သော အဘိုးအိုမှာ မည်သူမည်ဝါ ဖြစ်ကြောင်း နောက်ဆုံးတွင် သူ နားလည်သွားခဲ့လေပြီ။</p> <p>"မရဏ အင်ပါယာက အဆုံးသတ်ခြင်း တာအို ဉာဏ်အလင်း ကြောင့် သတ်ဖြတ်ခံလိုက်ရတာလား..." </p> <p>ချန်ရှီ ရုတ်တရက် မေးလိုက်သည်။</p> <p> </p> <p> </p> <p style="text-align: center;">***</p>


Save