Book List

<h2 style="text-align: center;">အခန်း ၃၂၇</h2> <h2 style="text-align: center;">နတ်ဘုရား အဆောင်လက်ဖွဲ့များကို ဖန်တီးခြင်း</h2> <h2 style="text-align: center;">*</h2> <p> </p> <p> </p> <p>ချန်ရှီသည် ကြယ်တာရာ ကမ္ဘာ အတွင်း တင်ပလ္လင်ခွေ ထိုင်နေသည်။ ဤနေရာရှိ ကောင်းကင်မှာ အလွန် မှော်ဆန်ပြီး ကောင်းကင်ယံတွင် မမြင်ရသော မြေပြင် တစ်လွှာ ခင်းကျင်းထားသကဲ့သို့ ဖြစ်နေကာ ၎င်းပေါ်တွင် ထိုင်ရသည်မှာ အနည်းငယ်မျှပင် သက်သောင့်သက်သာ မဖြစ်ခြင်း မရှိပေ။</p> <p>သူ့ရှေ့တွင်တော့ ရှေးကျပြီး ရိုးရှင်းသော ဓားအခြေခံ တစ်ခု ရှိနေသည်။</p> <p>အချိန်အတော်ကြာပြီးနောက် သူ့ ခေါင်းထဲတွင် အနှောင့်အယှက် ဖြစ်စေသော အတွေးများ အရိပ်အယောင်မျှပင် မရှိတော့သည့် အချိန်တွင် ချန်ရှီ၏ လက်များမှာ ရုတ်တရက် လှုပ်ရှားသွားသည်။ သူ၏ လက်ချောင်းလေးများမှာ လေထဲတွင် အထပ်ထပ် အလွှာလွှာသော ပုံရိပ်ယောင်များ အဖြစ် ပြောင်းလဲကာ တဖျပ်ဖျပ် လှုပ်ရှားနေပြီး ပန်းများ အကြား ဖြတ်သန်း ပျံသန်းသွားသော လိပ်ပြာများ အလား ပြိုင်ဘက်ကင်းသော အမြန်နှုန်းကို ပိုင်ဆိုင်ထားပေသည်။</p> <p>ဝီ... ဝီ... ဝီ...</p> <p>ပျားအုပ်ကြီး တစ်အုပ် အတောင်ပံ ခတ်နေသည့် အလား အသံများ ထွက်ပေါ်လာပြီး ချန်ရှီ၏ လက်ချောင်းများတွင်တော့ မြူခိုးရောင် အလင်းတန်းများ အထပ်ထပ် ရစ်ပတ်နေသည်။ ၎င်းတို့မှာ ရေကန် တစ်ခု အတွင်း ပေါ်လာသော စက်ဝိုင်းပုံ ရေလှိုင်းလေးများ အထပ်ထပ် အလွှာလွှာ အလား ဖြစ်နေပြီး အလွန် လှပလွန်းလှသည်။</p> <p>ဤသည်မှာ ကျီယု သူ့ထံ လက်ဆင့်ကမ်းပေးခဲ့သော လက်နက် ဖန်တီးခြင်း နည်းစနစ် ဖြစ်ပြီး ၎င်း၏ အာနိသင်မှာ အလွန် ရိုးရှင်းလှသည်။ ၎င်းသည် ဓားအခြေခံ အတွင်း နတ်ဘုရား အဆောင် တစ်ခုကို ဖန်တီးရန် လုံလောက်သော နေရာလွတ် တစ်ခုကို ဖွင့်ပေးလိမ့်မည်။</p> <p>နက်နဲသော တံဆိပ် အမှတ်အသား မြောက်မြားစွာသည် ဓားအခြေခံ အတွင်းသို့ ရိုက်နှိပ် ဝင်ရောက်သွားပြီး ဓားအခြေခံ အတွင်း နေရာလွတ် တစ်ခုကို တဖြည်းဖြည်းချင်း ဖွင့်ပေးလိုက်သည်။ အကယ်၍ လူတစ်ယောက်၏ စိတ်အာရုံကို ဤ နေရာလွတ် အတွင်း နှစ်မြှုပ်လိုက်မည် ဆိုပါက ဤ နေရာလွတ် မှာ ၃ ကီလိုမီတာ ကျယ်ဝန်းပြီး လုံးဝ အလွတ်ကြီး ဖြစ်နေသည်ကို သတိပြုမိပေလိမ့်မည်။ သို့သော် အပြင်ဘက်မှ ကြည့်လိုက်လျှင်မူ ဓားအခြေခံ မှာ ၁ မီတာသာ ရှည်လျားနေဆဲပင်။</p> <p>၎င်း၏ သဘောတရားမှာ သေးငယ်သော အရာများ အတွင်း ကြီးမားသော အရာများကို ထည့်သွင်းခြင်းနှင့် ဆင်တူသည်။ သိုလှောင်ရေး မှော်ရတနာ များကို ဖန်တီးရာတွင် အသုံးပြုသော နည်းစနစ် နှင့် ဆင်တူပြီး ၎င်းတို့ အားလုံးသည် သေးငယ်သော ဧရိယာ တစ်ခု အတွင်း ကြီးမားသော နေရာလွတ် တစ်ခုကို ဖွင့်လှစ်ပေးခြင်း ဖြစ်သည်။</p> <p>' အပြာရောင် သစ်သား နတ်ဘုရား အဆောင် က ဓားအခြေခံ အတွင်းမှာ ရှိနေရင် ဓားသွား ရဲ့ အသိဉာဏ် ကို ပျိုးထောင်ပေးနိုင်စွမ်း ရှိတယ် ဆိုတော့ ဒီကနေပဲ စလိုက်မယ်... ' </p> <p>ချန်ရှီသည် အပြာရောင် သစ်သား နတ်ဘုရား အဆောင် တွင် ပါဝင်သော အဆောင်လက်ဖွဲ့ သင်္ကေတ အမျိုးမျိုး၏ ဖွဲ့စည်းပုံကို နောက်တစ်ကြိမ် ပြန်လည် စဉ်းစား သတိရလိုက်ပြီးနောက် သူ၏ ဝိညာဉ် အာရုံ ကို လှည့်ပတ်ကာ ဓားအခြေခံ အတွင်း ဖွင့်လှစ်ထားသော နေရာလွတ် ထဲသို့ အဟုန်ဖြင့် ဝင်ရောက်စေလိုက်သည်။</p> <p>ဤသည်မှာ လုံးဝ အလွတ် ဖြစ်နေသော နေရာလွတ် တစ်ခုပင်။ ချန်ရှီ ၎င်းကို ခဏမျှ အကဲခတ်ကြည့်လိုက်ပြီးနောက် သူ၏ ခန္ဓာကိုယ် အတွင်းရှိ  ချီစွမ်းအင် ကို လှည့်ပတ်ကာ နွားမွေးမျှင်လေး တစ်မျှင် အလား သေးငယ်သော မျဉ်းကြောင်းလေး တစ်ကြောင်း အဖြစ် စုစည်းလိုက်သည်။ ထို့နောက် သူ၏ ဝိညာဉ် အာရုံ၏ ထိန်းချုပ်မှု အောက်တွင် ဤ မျဉ်းကြောင်းလေးသည် ဤ နေရာလွတ် ကို ဖန်တီးရန် ဖြည်းဖြည်းချင်း ရွေ့လျားသွားလေသည်။</p> <p>ဤကဲ့သို့ အဆောင်လက်ဖွဲ့ သင်္ကေတများကို ဖန်တီးသည့် နည်းလမ်းမှာ တကယ်တမ်းတွင် အဆောင်လက်ဖွဲ့ စက္ကူ နှင့် စုတ်တံ ကို အသုံးပြုကာ အဆောင်လက်ဖွဲ့ တစ်ခု ရေးဆွဲခြင်းနှင့် လုံးဝ ဆင်တူပေသည်။ သို့သော် ဝိညာဉ် အာရုံ က သူ၏ လက်များကို အစားထိုးထားပြီး  ချီစွမ်းအင် က မင်ရည်ကို အစားထိုးထားကာ နေရာလွတ် ကတော့ အဆောင်လက်ဖွဲ့ စက္ကူ ကို အစားထိုးထားခြင်းသာ ကွာခြားပေသည်။</p> <p>ရွှီး... ရွှီး... ရွှီး... ရွှီး...</p> <p>နက်နဲပြီး ရှင်းလင်း ထင်ရှားသော အဆောင်လက်ဖွဲ့ သင်္ကေတ များ ဤ နေရာလွတ် အတွင်း ထွက်ပေါ်လာသည့် ခဏတွင် ၎င်းတို့သည် စိမ်းလန်းစိုပြေသော အလင်းတန်း တစ်ခုဖြင့် စွန်းထင်းသွားပြီး အဆောင်လက်ဖွဲ့ သင်္ကေတ နှင့် အတူ တဖြည်းဖြည်းချင်း ပုန်းကွယ်သွားကြသည်။ ပေါ်ထွက်လာသော ဤ အပြာရောင် အဆောင်လက်ဖွဲ့ သင်္ကေတ မျဉ်းကြောင်း များသည် ကွဲပြားသော ဖွဲ့စည်းပုံ များ အဖြစ်သို့ စတင် လိမ်ယှက် ပေါင်းစပ်သွားကြသော်လည်း အနည်းငယ်မျှပင် ရှုပ်ထွေးမှု မရှိဘဲ စည်းစနစ်ကျသော အလှတရား တစ်ခုကိုသာ ဖော်ထုတ်ပြသနေ၏။</p> <p>အဝေးမှ ကြည့်လိုက်လျှင် နေရာလွတ် အတွင်း တဖြည်းဖြည်းချင်း ဖန်တီးနေသော အဆောင်လက်ဖွဲ့ သင်္ကေတ မှာ သေးငယ်သော သစ်ပင်ပေါက်လေး တစ်ပင် အလား ဖြစ်နေပြီး ၎င်း၏ ရှည်လျား သေးသွယ်ကာ သိပ်သည်းသော သစ်ကိုင်းများကို ဆန့်ထုတ်ရင်း ပတ်ဝန်းကျင်သို့ ပြန့်နှံ့သွားရန် အစွမ်းကုန် ကြိုးစားနေပုံရသည်။ ထို့နောက် အရွက်များ အခိုင်လိုက် ထွက်ပေါ်လာပြီး အပြာရောင် ပန်းပွင့်များစွာလည်း ပွင့်လန်းလာကြသည်။ လုပ်ငန်းစဉ် တစ်ခုလုံးမှာ အလွန် သဘာဝကျပြီး နက်နဲကာ ကျက်သရေ ရှိလှပြီး လူလုပ်ထားသည့် အရိပ်အယောင် အနည်းငယ်မျှပင် မပါဝင်ပေ။</p> <p>ဤသည်မှာ အပြာရောင် သစ်သား နတ်ဘုရား အဆောင် အတွင်းရှိ အဆောင်လက်ဖွဲ့ သင်္ကေတ ဖွဲ့စည်းပုံ တစ်ခုတည်းသာ ရှိသေးသည်။ အပြာရောင် သစ်သား နတ်ဘုရား အဆောင် တစ်ခုလုံး အတွင်း ဤကဲ့သို့ ဖွဲ့စည်းပုံ မျိုး ရှိသော အဆောင်လက်ဖွဲ့ သင်္ကေတ အနည်းဆုံး သိန်းဂဏန်း အနည်းငယ်ခန့် ပါဝင်ပြီး ၎င်းမှာ အလွန် သိပ်သည်း၊ ရှုပ်ထွေးကာ သမုဒ္ဒရာကြီး အလား ကျယ်ပြောလှပေသည်။</p> <p>ကံကောင်းထောက်မစွာပင် သောင်းချီ ပေါင်းစည်းခြင်း ဓားသိုင်းကျမ်း ကို ဖြတ်သန်းပြီးနောက် ချန်ရှီ၏ ဆင်ခြင်တွေးတောနိုင်စွမ်း မှာ အလွန် ကြောက်မက်ဖွယ်ကောင်းသော အတိုင်းအတာ တစ်ခုသို့ ရောက်ရှိနေပြီ ဖြစ်သည်။ ထို့အပြင် သူသည် အဆောင်လက်ဖွဲ့ ဖန်တီးခြင်း တွင် အလွန် မြင့်မားသော ကျွမ်းကျင်မှုကို ပိုင်ဆိုင်ထားသည်။ သို့မဟုတ်ပါက ဤ အဆောင်လက်ဖွဲ့ သင်္ကေတ များကို ကြည့်လိုက်ရုံဖြင့်ပင် လူတစ်ယောက်၏ အမြင်အာရုံမှာ မှုန်ဝါးသွားစေမည် ဖြစ်ရာ ၎င်းတို့ တစ်ခုချင်းစီ၏ ကွာခြားချက်နှင့် အသုံးဝင်ပုံကို ခွဲခြား သိမြင်နိုင်ရန် မဆိုထားနှင့်။</p> <p>သို့သော် ထိုသို့ဖြစ်လျှင်တောင်မှ ချန်ရှီ သတိထားရမည် ဖြစ်ပြီး သူ၏ စိတ်မှာ ယခင်ကထက် ပိုမို စူးစိုက်နေရသည်။ သူသည် အပြာရောင် သစ်သား နတ်ဘုရား အဆောင်၏ အဆောင်လက်ဖွဲ့ သင်္ကေတ ဖွဲ့စည်းပုံ များကိုသာ ဖန်တီးနေခြင်း ဖြစ်သော်လည်း အနည်းငယ်သော အမှားအယွင်း တစ်ခု ဖြစ်ပေါ်လာသည်နှင့် သူသည် အစကနေ ပြန်လည် ဖန်တီးရမည် ဖြစ်ရာ ထိုကဲ့သို့သော ရလဒ်မျိုးကို သူ လုံးဝ လက်ခံနိုင်မည် မဟုတ်ပေ။</p> <p>စဉ်းစားကြည့်လိုက်ပါ၊ အပြာရောင် သစ်သား နတ်ဘုရား အဆောင် တစ်ခုတည်း၏ သင်္ကေတ ဖွဲ့စည်းပုံ များကို ဖန်တီးရန် ၅ နှစ် အချိန်ယူရမည် ဖြစ်သည်။ အကယ်၍ အမှားများသာ ဆက်တိုက် ဖြစ်ပေါ်လာပါက အချိန်မည်မျှ ဖြုန်းတီးရာ ကျသွားမည်နည်း။</p> <p>ထို့ကြောင့် ချန်ရှီသည် အစကတည်းက အောင်မြင်မှုသာ ရရှိရမည် ဖြစ်ပြီး ကျရှုံးမှုကို လုံးဝ ခွင့်ပြုမည် မဟုတ်ကြောင်း စိတ်ပိုင်းဖြတ်ထားခဲ့သည်။</p> <p>ဤ ဖိအား ရှိနေခြင်းကြောင့်ပင် သူ၏ စိတ်တစ်ခုလုံး အလွန်အမင်း စူးစိုက်နေပြီး သူ့ ခေါင်းထဲတွင် အနှောင့်အယှက် ဖြစ်စေသော အတွေးများ တစ်စက်ကလေးမျှပင် မရှိတော့ပေ။ ကျက်သရေရှိသော လမ်းကြောင်းများ အတိုင်း ရွေ့လျားနေသည့် နက်နဲသော အဆောင်လက်ဖွဲ့ သင်္ကေတ ဖွဲ့စည်းပုံ များစွာသာ သူ၏ မျက်လုံးထဲတွင် ကျန်ရှိနေတော့သည်။ ယခုအချိန်တွင် သာမန် လူတစ်ယောက် ချန်ရှီ အနားသို့ ချဉ်းကပ်လာလျှင်ပင် ထိုလူ ရောက်လာသည်ကို သူ လုံးဝ သတိပြုမိမည် မဟုတ်ပေ။</p> <p>"ဟင်..." </p> <p>၆ နာရီ ကြာပြီးနောက် ဓားအခြေခံ၏ အတွင်း နေရာလွတ် တွင် သူ ဖန်တီးထားသော အဆောင်လက်ဖွဲ့ သင်္ကေတ ပုံစံ ကို ကြည့်လိုက်သောအခါ သူ့ ရင်ထဲတွင် ရင်းနှီးကျွမ်းဝင်နေသည့် ခံစားချက် တစ်ခု ရုတ်တရက် ဖြစ်ပေါ်လာသည်။</p> <p>ဤ အဆောင်လက်ဖွဲ့ သင်္ကေတ ပုံစံသည် အဆောင်လက်ဖွဲ့ သင်္ကေတ ဖွဲ့စည်းပုံ အမျိုးအစား ၁၀၀ ကို ပေါင်းစပ်ထားခြင်း ဖြစ်သည်။ အဝေးမှ ကြည့်လိုက်လျှင် လေနှင့်အတူ ယိမ်းနွဲ့နေသော စိမ်းလန်းစိုပြေသည့် သစ်ရွက် တစ်ရွက် အလား ဖြစ်နေပြီး ၎င်း၏ မျက်နှာပြင်ပေါ်ရှိ အကြောများမှာ အလွန် အသေးစိတ်ကျကာ လျှံကျနေသော တက်ကြွမှု အငွေ့အသက် တစ်ခုကို ဖော်ထုတ်ပြသနေ၏။</p> <p>' ဒါကို ငါ ဘယ်နေရာမှာ မြင်ဖူးတာလဲ... '</p> <p>ချန်ရှီ မျက်မှောင် အလွန် ကြုံ့သွားသည်။ သူ့ ခေါင်းထဲတွင် မှတ်ဉာဏ် တစ်ချက် လျှပ်တစ်ပြက် ပေါ်လာပြီး သူ့ကို ချက်ချင်း သတိရသွားစေသည်။ </p> <p>' ငါ့ ကျောပေါ်က သစ်သား ရှာမန် သင်္ကေတ က အတိအကျ ဒီ သစ်ရွက် ပုံစံမျိုး မဟုတ်ဘူးလား... '</p> <p>' ရင်းနှီးနေတာ မဆန်းပါဘူးလေ... ဒီ သစ်သား ရှာမန် သင်္ကေတက တကယ်တော့ အဆောင်လက်ဖွဲ့ သင်္ကေတ ပုံစံ တစ်မျိုးပဲ... ပြီးတော့ အဲဒါက အပြာရောင် သစ်သား နတ်ဘုရား အဆောင် ထဲမှာ ပါဝင်နေတယ်... စီနီယာ ဖူရှီးက ဒီ နတ်ဘုရား အဆောင် ကို ရည်ညွှန်းပြီး စကြဝဠာ ကြယ်တာရာ သတ်ဖြတ်ခြင်း ခန္ဓာကိုယ် ကျင့်ကြံခြင်း သိုင်းကျမ်း ကို ဖန်တီးခဲ့တာများလား... ဒါမှမဟုတ် စီနီယာ ဖူရှီး က သစ်သား ရှာမန် သင်္ကေတ ကြောင့် အပြာရောင် သစ်သား နတ်ဘုရား အဆောင် ကို နားလည် သဘောပေါက်ခဲ့တာများလား... ' </p> <p>အပြာရောင် သစ်သား နတ်ဘုရား အဆောင် တစ်ခုတည်းသာမက အခြားသော နတ်ဘုရား အဆောင် ၄ မျိုး ကလည်း စကြဝဠာ ကြယ်တာရာ သတ်ဖြတ်ခြင်း ခန္ဓာကိုယ် ကျင့်ကြံခြင်း သိုင်းကျမ်း နှင့် ကြီးမားသော ပတ်သက်မှု ရှိနိုင်ကြောင်း ချန်ရှီ ဝိုးတဝါး ခံစားလိုက်ရသည်။</p> <p>' ဒီ နတ်ဘုရား အဆောင် ၅ မျိုး ရဲ့ အနှစ်သာရ ကို ငါ ကျွမ်းကျင်ထားပြီးပြီ ဆိုတော့ ငါ့ရဲ့ ခန္ဓာကိုယ် ကျင့်ကြံခြင်း အတွက် မမျှော်လင့်ထားတဲ့ ကောင်းကျိုး တွေကို ပေးစွမ်းနိုင်လောက်တယ် ထင်တယ်... ' </p> <p>ချန်ရှီ ဆက်မတွေးတော့ဘဲ အဆောင်လက်ဖွဲ့ သင်္ကေတများ ဖန်တီးခြင်း တွင် မိမိကိုယ်ကို နောက်တစ်ကြိမ် နှစ်မြှုပ်လိုက်ပြန်သည်။</p> <p>အချိန်များ တဖြည်းဖြည်း ကုန်ဆုံးသွားပြီး မသိလိုက်မသိဘာသာဖြင့် ၇ ရက်တိတိ ကုန်လွန်သွားခဲ့လေပြီ။</p> <p>ဤ ၇ ရက် အချိန် အတွင်း ချန်ရှီသည် ပြင်ပ ကမ္ဘာ နှင့် ပတ်သက်၍ အနည်းငယ်မျှပင် သိရှိခြင်း မရှိသော ကျောက်တုံး တစ်တုံး အလား ဖြစ်နေပြီး အဆောင်လက်ဖွဲ့ သင်္ကေတများ ဖန်တီးခြင်း အပေါ် အာရုံစိုက်ကာ လုံးဝ မမောမပန်းနိုင်ဘဲ အလုပ်လုပ်နေခဲ့သည်။ သူ၏ အသိစိတ် ပင်လယ် အတွင်းရှိ ဝိညာဉ် အာရုံ ခမ်းခြောက်သွားပြီး သူ၏ ဒန်တျန် အတွင်းရှိ  ချီစွမ်းအင် ခမ်းခြောက်သွားမှသာ သူ၏ စူးစိုက်နေသော အခြေအနေမှ ချက်ချင်း နိုးထလာခဲ့သည်။</p> <p>အနည်းငယ်မျှပင် အချိန်ဆွဲမနေဘဲ သူ၏ ခွန်အားများကို ပြန်လည် ပြည့်ဖြိုးစေရန် တင်ပလ္လင်ခွေ ထိုင်ကာ စတင် ကျင့်ကြံလိုက်သည်။ ကံကောင်းထောက်မစွာပင် ဗုဒ္ဓ စေတီတော် အတွင်း ဝိညာဉ် အရည် များ လုံလောက်စွာ ရှိနေသဖြင့် အချိန်တို အတွင်း သူ၏  ချီစွမ်းအင် ကို ပြန်လည် ပြည့်ဖြိုးစေရန် လုံလောက်ပေသည်။ ဝိညာဉ် ခွန်အား ပြန်လည် ပြည့်ဖြိုးစေရန် အတွက်မူ ဖူရှီး နတ်ဘုရား ရုပ်တု ကို တရားထိုင်ကာ အာရုံပြုရန်သာ လိုအပ်ပေသည်။</p> <p>' ၇ ရက် အချိန် အတွင်းမှာ ငါ အဆောင်လက်ဖွဲ့ သင်္ကေတ ဖွဲ့စည်းပုံ အမျိုးအစား ၂၀၀၀ မပြည့်တပြည့်ပဲ ဖန်တီးနိုင်သေးတယ်... ဒီ အမြန်နှုန်း အရ ဆိုရင် မမျှော်လင့်ထားတဲ့ ကိစ္စ ဘာမှ မဖြစ်ဘူး ဆိုရင်တော့ ၅ နှစ် အတွင်း အပြာရောင် သစ်သား နတ်ဘုရား အဆောင်ကို အောင်အောင်မြင်မြင် ဖန်တီးနိုင်မှာ သေချာတယ်... ' </p> <p>နာရီ အနည်းငယ် ကြာပြီးနောက် ချန်ရှီသည် တရားထိုင်ရာမှ နိုးထလာပြီး သူ၏ ဝိညာဉ် ခွန်အား နှင့်  ချီစွမ်းအင် များမှာ အကောင်းဆုံး အခြေအနေ သို့ ပြန်လည် ရောက်ရှိသွားပြီ ဖြစ်ကြောင်း ခံစားလိုက်ရသည်။ သူ၏ ခန္ဓာကိုယ် နှင့် စိတ်ပိုင်းဆိုင်ရာ တွင် မသက်မသာ ဖြစ်မှုများ မရှိတော့သဖြင့် အဆောင်လက်ဖွဲ့ သင်္ကေတများ ဖန်တီးခြင်းတွင် နောက်တစ်ဖန် စိတ်နစ်မြှုပ်ဝင်စားသွားပြန်သည်။</p> <p> </p> <p> </p> <p style="text-align: center;">***</p>


Save