Book List

<h2 style="text-align: center;">အခန်း ၃၅+၃၆</h2> <h2 style="text-align: center;">ပါရမီရှင်နှင့် သာမန်လူကြားမှ ကွာဟချက်</h2> <h2 style="text-align: center;">*</h2> <p> </p> <p> </p> <p>​ဘုန်း...</p> <p>​   မီးခိုးရောင် ချီစွမ်းအင် မြူတိမ်ကြီး တစ်ခု ပေါက်ကွဲထွက်သွားပြီးနောက် ပြင်းထန်သော ရိုက်ခတ်မှုလှိုင်းများက ပတ်ဝန်းကျင် လေထုကိုပါ ပုံပျက်ရှုံ့တွသွားစေသည်။</p> <p>​"မလုပ်နဲ့.."</p> <p>​   မုရုံချင်းရွှယ်၏ မျက်နှာမှာ ထိတ်လန့်တုန်လှုပ်မှုများဖြင့် ပြည့်နှက်သွားသည်။ မီးခိုးရောင် လက်ဝါးကြီးက သူမ၏ ခန္ဓာကိုယ်ကို ဖမ်းဆုပ်လိုက်ချိန်တွင် သူမ၏ အမြင်အာရုံများ အမှောင်အတိကျသွားပြီး ဖော်ပြ၍မရသော ကြီးမားသည့် ခွန်အားများက ခန္ဓာကိုယ် အစိတ်အပိုင်းတိုင်းသို့ စီးဝင်လာသည်။</p> <p>   ​သွယ်လျသော သူမ၏ ခန္ဓာကိုယ်မှာ ပြင်းထန်စွာ တုန်ခါသွား၏ ။ ခန္ဓာကိုယ်အတွင်းရှိ အရိုးများမှာ ထိုကြီးမားသော အားအောက်တွင် လိမ်ဖည်ကာ ပုံပျက်သွားတော့သည်။ သူမ သွေးတစ်လုပ် အန်လိုက်ရပြီး တစ်ကိုယ်လုံးမှာ ရွှံ့စေးရုပ်တစ်ခုကဲ့သို့ ထူးဆန်းသော ပုံစံဖြင့် ကွေးညွတ်သွားလေသည်။</p> <p>​</p> <p>​    ကျိုးကြေနေသော အဖြူရောင် အရိုးစအချို့မှာ ကြွက်သားများကို ထိုးဖောက်ပြီး အရေပြားအပြင်ဘက်သို့ပင် ပေါက်ထွက်လာသည် ။  အနီရောင်တောက်ပနေသော သွေးများသည် ကောင်းကင်ယံသို့ ပန်းထွက်သွားပြီး ထူးဆန်းစွာ လှပနေသော မြင်ကွင်းတစ်ခုကို ဖန်တီးလိုက်သည် ။</p> <p>​" ဗုန်း.."</p> <p>​   မုရုံချင်းရွှယ်သည် မြေပြင်ပေါ်သို့ ပုံလျက်သား လဲကျသွားသည် ။ သူမ၏ မျက်နှာမှာ ဖူးရောင်နေပြီး မျက်လုံး၊ နား၊ နှာခေါင်း၊ ပါးစပ် ဟူသော အပေါက်ခုနစ်ပေါက်မှ သွေးများ စီးကျနေသလို မျက်ရည်များကလည်း ပါးပြင်ပေါ်တွင် စီးဆင်းနေသည်။ တစ်ကိုယ်လုံးရှိ ကြွက်သားများမှာလည်း သူမ ထိန်းချုပ်၍မရဘဲ တဆတ်ဆတ် တုန်ရင်နေပြီး အနည်းငယ် လှုပ်ရှားလိုက်ရုံဖြင့်ပင် စူးရှသော နာကျင်မှုကို ခံစားနေရသည် ။</p> <p>​   သူမ၏ဖြူဖွေးသော အရေပြားပေါ်တွင်လည်း ပြတ်ရှဒဏ်ရာများစွာဖြင့် ကြည့်မကောင်းအောင် ဖြစ်နေတော့သည်။ ကျန်ရှိနေသေးသော သတိလေးဖြင့် သူမသည် မျက်လုံးကို အနိုင်နိုင် ဖွင့်ကြည့်လိုက်ရာ အဝေးမှ အနက်ရောင်ဝတ် လူငယ်လေး ဖြည်းဖြည်းချင်း လျှောက်လာသည်ကို မြင်လိုက်ရသည်။</p> <p>​   သူမအနေဖြင့် သူမ၏ ပုံရိပ်ကို ဂရုမစိုက်နိုင်တော့ပေ။ ယခုအချိန်တွင် ဂူချန်အပေါ် ထားရှိသော မုန်းတီးမှုမှာ အမြင့်ဆုံးသို့ ရောက်ရှိနေလေပြီ။ ငယ်စဉ်ကတည်းက သက်တောင့်သက်သာ ကြီးပြင်းလာခဲ့ရသူပီပီ ဤမျှ ပြင်းထန်သော ဒဏ်ရာမျိုးကို သူမ တစ်ခါမှ မရရှိခဲ့ဖူးချေ။ လူတိုင်းက သူမကို အမြဲ အရေးပေးကာ မြှောက်ပင့်ခဲ့ကြ၏။</p> <p>   ​သူမ၏ ကျင့်ကြံမှု လမ်းကြောင်းမှာလည်း အမြဲ ချောမွေ့ခဲ့သည်။ A-အဆင့် တိုက်ခိုက်ရေးပါရမီ ရှိသည့်အပြင် နားလည်သဘောပေါက်မှုနှင့် အရည်အချင်းမှာလည်း ထူးချွန်လှသည် ။ အသက် ၁၈ နှစ်နှင့် ဒုတိယအဆင့် ၇သို့ ရောက်ရှိကာ ရှားပါးသိုင်းပညာကို ပြီးပြည့်စုံသောအဆင့် အထိ တတ်မြောက်ခဲ့ပြီး ချင်းဟယ် အမှတ် (၁) အထက်တန်းကျောင်း တစ်ခုလုံးကို စိုးမိုးခဲ့သူဖြစ်၏ ။ ထို့ပြင် လျိုလုံတက္ကသိုလ်သို့ တက်ရောက်ရန် အာမခံချက်လည်း ရရှိထားပြီးဖြစ်သဖြင့် သူမ၏ အနာဂတ်မှာ တောက်ပနေမည်မှာ မြေကြီးလက်ခတ်မလွဲပေ ။</p> <p>​   သို့သော် ယနေ့တွင် သူမ အမြဲ အထင်သေးခဲ့သော အသုံးမကျသည့် လူချမ်းသာ မိသားစုမှ သား တစ်ဦး၏ လက်ထဲတွင် ဤကဲ့သို့သော အခြေအနေသို့ ရောက်ရှိသွားရသည်ကို သူမ မည်သို့မှ လက်မခံနိုင်ချေ။ သူမ ဂုဏ်ယူခဲ့သော ခွန်အားနှင့် သိုင်းပညာများသည် ပြိုင်ဘက်၏ လက်ထဲတွင် စက္ကူကဲ့သို့ နုနယ်လွန်းပြီး အလွယ်တကူ ချိုးဖျက်ခံလိုက်ရသည်။</p> <p>​' သူ ငါ့ကို သုံးကွက်တည်းနဲ့ အနိုင်ယူလိုက်တာလား..'</p> <p>'ဘာလို့လဲ..'</p> <p>​   မကြာသေးမီက ပထမအဆင့် နောက်လိုက်ခွေးလေး တစ်ကောင် ဖြစ်ခဲ့သူမှာ ရက်အနည်းငယ်အတွင်း မည်သို့ကြောင့် ဤမျှ ပြောင်းလဲသွားပြီး သူမကို အလွယ်တကူ အနိုင်ယူနိုင်သည့် စွမ်းအားမျိုး ရရှိသွားပါသနည်း ။ အကယ်၍ သူမတွင် ရေခဲကြွက်သားနှင့် ကျောက်စိမ်းအရိုး မရှိပါက နောက်ဆုံးတစ်ကွက်တွင် သေဆုံးသွားနိုင်ပေသည် ။</p> <p>​   မုရုံချင်းရွှယ်၏ ရင်ထဲတွင် အတိုင်းအဆမရှိသော နာကျည်းမှုများ ပြည့်နှက်နေသော်လည်း ဘာမှ မတတ်နိုင် ။ သူမ အမုန်းဆုံး လူသားက သူမဆီသို့ လျှောက်လာသည်ကိုသာ ငေးကြည့်နေမိသည် ။</p> <p>​   ထိုအချိန်တွင် ဖုံးလွှမ်းနေသော မြူတိမ်များ ကွယ်ပျောက်သွားသဖြင့် ပွဲကြည့်စင်ပေါ်မှ လူများမှာ ကွင်းအတွင်း အခြေအနေကို ရှင်းရှင်းလင်းလင်း မြင်လိုက်ရသည် ။ မုရုံချင်းရွှယ်မှာ သွေးများဖြင့် ရွှဲနစ်ကာ ခေါင်းငိုက်စိုက်ကျလျက် ဒူးထောက်နေပြီး သူမ၏ ခြေထောက်များမှာလည်း ကြည့်မကောင်းအောင် လိမ်ဖည်နေသည် ။</p> <p>   ​သူမ၏ ရှေ့တွင်မူ အနက်ရောင်ဝတ် လူငယ်လေးက လေတွင် လွင့်နေသော ဝတ်ရုံနှင့်အတူ ရပ်နေသည် ။ သူ၏ ခရမ်းရောင် မျက်ဝန်းများက အေးစက်စွာ တောက်ပနေပြီး သူမကို အထက်စီးမှ ငုံ့ကြည့်နေသည် ။</p> <p>​   ရလဒ်သည်တော့ ရှင်းလင်းနေပြီ ဖြစ်သည် ။</p> <p>​   ဤမြင်ကွင်းကို မြင်လိုက်ရသော ပွဲကြည့်စင်ပေါ်မှ လူများမှာ မှင်တက်သွားကြပြီး အချို့သော နောက်လိုက်ခွေးများမှာမူ အော်ဟစ်ဆဲဆိုကုန်ကြသည် ။</p> <p>​" မဖြစ်နိုင်တာ... ငါ့ နတ်သမီးလေး ဘာဖြစ်သွားတာလဲ.."</p> <p>" ချီးပဲ... နတ်သမီးမုရုံ တောင့်ခံထားပါ မကောင်းဆိုးဝါးဘုရင် ဂူချန်ကို အနိုင်ယူလိုက်.."</p> <p>" ဂူချန်.. မင်း ငါ့ရဲ့ နတ်သမီးလေးကို ဒီလိုလုပ်ရဲတယ်ပေါ့ .."</p> <p>​   မုရုံချင်းရွှယ်၏ နောက်လိုက်များမှာ ရူးမတတ် ဖြစ်နေကြ၏ ။ သို့သော် သူတို့မှာ တိုးတိုးတိတ်တိတ်သာ ဆဲရဲကြပြီး ဂူချန်၏ လူယုံများ ကြားသွားမည်ကိုလည်း ကြောက်နေကြသေးသည် ။ နောက်ဆုံးတော့ နောက်လိုက်ခွေး လုပ်နေသူများသည် ကိုယ်တိုင် သန်မာသူများ မဟုတ်ကြပေ ။</p> <p>​   တစ်ဖက်တွင်မူ ဝူကျန်းသည် ဂူချန်ကို တန်ဖိုးကြီး ရတနာတစ်ခု မြင်လိုက်ရသကဲ့သို့ မျက်လုံးများ တောက်ပစွာ ကြည့်နေသည် ။ မုရုံချင်းရွှယ်ကို သုံးကွက်တည်းနှင့် အနိုင်ယူနိုင်ခြင်း၏ အဓိပ္ပာယ်မှာ ရှင်းလင်းလှသည် ။ ထို့ပြင် ဂူချန်၏ အနေအထားအရ သူသည် အစွမ်းကုန် မထုတ်ရသေးသည်မှာ သိသာလှ၏ ။</p> <p>​" ဆိုလိုတာက သူ ခုနက ကစားနေရုံတင်လား.. အကြောလျှော့နေရုံတင်လား.."</p> <p>   ဝူကျန်း တကယ့်ကို အံ့သြသွားရသည် ။ သူ၏ ရွေးချယ်မှု မှန်ကန်ခဲ့သဖြင့် သူ စိတ်အေးသွားရသည် ။ ဂူချန်ကဲ့သို့ အနာဂတ်ကြယ်ပွင့်တစ်ဦးရှိလျှင် ချင်းဟယ် ဂူမိသားစုမှာ ဆုတ်ယုတ်သွားမည်မဟုတ်ဘဲ ပိုမို တောက်ပြောင်လာပေလိမ့်မည် ။</p> <p>​စင်မြင့်ပေါ်တွင်...</p> <p>​[အိမ်ရှင်သည် နှစ်နှစ်ခွဲလုံးလုံး စွဲလမ်းခဲ့ရသော နတ်သမီးလေးကို သိုင်းပညာ တိုးတက်စေရန် ကူညီပေးခဲ့သည်။ သူမက သင့်ကို နှိမ်ချခဲ့သော်လည်း သင်ကမူ စေတနာအပြည့်ဖြင့် ကူညီပေးခဲ့ကာ မကောင်းမှုကို ကောင်းမှုဖြင့် တုံ့ပြန်ခဲ့သည်။ စေတနာတန်ဖိုး +၃၀၀ ]</p> <p>​[ အိမ်ရှင်သည် နတ်သမီးလေး၏ ကြွက်သားများကို နှိပ်နယ်ပေးခဲ့သဖြင့် သူမ၏ ပင်ပန်းနွမ်းနယ်မှုများကို လျှော့ချပေးခဲ့သည်။ စေတနာတန်ဖိုး +၁၀၀ ]</p> <p>​[ အိမ်ရှင်သည် နတ်သမီးလေး၏ အမြင်မှားများကို ဖျက်ဆီးပေးခဲ့ပြီး သူမကိုယ်သူမ ပြန်လည်သုံးသပ်ကာ အားနည်းချက်များကို သိမြင်စေခဲ့သည်။ စေတနာတန်ဖိုး +၃၀၀ ]</p> <p>​[ အိမ်ရှင်၏ ဆက်တိုက် တိုက်ခိုက်မှုကြောင့် နတ်သမီးလေးသည် ဝမ်းသာအားရ မျက်ရည်ကျခဲ့သည်။ စေတနာတန်ဖိုး +၂၅၀]</p> <p>​[လက်ရှိ စေတနာတန်ဖိုး: ၁၄၂၀]</p> <p>​"တကယ် တန်တာပဲ..."</p> <p>    ဂူချန်၏ မျက်ဝန်း၌ အရောင်တစ်ချက် လက်သွားသည်။</p> <p>​   လူတစ်ယောက်တည်းက စေတနာတန်ဖိုး ၉၅၀ အထိ ပေးနိုင်ခဲ့သဖြင့် လုဖန်၏ စံချိန်ကို ကျော်ဖြတ်သွားခဲ့လေပြီ  ။ နတ်သမီးလေးပီပီ သူမကို နင်းခြေရသည်မှာ အမှန်ပင် အရသာရှိလှသည် ။</p> <p>​   ဘေးပတ်ဝန်းကျင်မှ မနာလိုသော အကြည့်များကို ဂရုမစိုက်ဘဲ ဂူချန်က အောက်သို့ ငုံ့ကြည့်လိုက်ကာ လူရုပ်မပေါက်အောင် ဖြစ်နေသော မိန်းကလေးကို ခြေဖြင့်နင်း၍ လှောင်ပြောင်ဟန်ဖြင့် ပြောလိုက်သည် ။</p> <p>​"ဒါက ပါရမီရှင်နဲ့ သာမန်လူကြားက ကွာဟချက်လား.."</p> <p>"အိုးး..ကွာဟချက်ကြီးက ကြီးလိုက်တာနော်.."</p> <p>​   ပြောပြီးနောက် ဂူချန်သည် တတိယအဆင့် သိုင်းပညာရှင်များသာ ပိုင်ဆိုင်သော စစ်မှန်သောချီ အစအနတစ်ခုကို သူမ၏ ရှေ့တွင် တမင်တကာ ထုတ်ပြလိုက်ပြီးနောက် လှည့်ထွက်သွားတော့သည်။</p> <p>​မုရုံချင်းရွှယ်၏ ခန္ဓာကိုယ်မှာ တောင့်တင်းသွား၏ ။ တုန်ရင်နေသော သူမ၏ ကြွက်သားများမှာ ထိုခဏ၌ အေးခဲသွားသည် ။ သူမသည် ဝေဝါးနေသော ဂူချန်၏ ခြေထောက်ကို ကြည့်ရင်း  ညည်းတွားလိုက်ပြီး  လက်ကိုဆန့်ကာ သူ၏ ဝတ်ရုံစကို ဖမ်းဆုပ်ရန် ကြိုးစားသော်လည်း သူက အဝေးသို့ ရောက်ရှိသွားပြီ ဖြစ်သည်။</p> <p>​[ အိမ်ရှင် စွဲလမ်းခဲ့ရသော နတ်သမီးလေးသည် သင်၏ ချစ်ခြင်းတရားကြောင့် စိတ်လှုပ်ရှားသွားရသည်။ သင် ထွက်ခွာသွားချိန်တွင် သူမက ငေးကြည့်ကျန်ရစ်ခဲ့သည်။ စေတနာတန်ဖိုး +၂၀၀]</p> <p>​"ပြိုင်ပွဲ ပြီးဆုံးပါပြီ.."</p> <p>"ဒီခြေစစ်ပွဲမှာ ပထမဆု ရရှိသွားသူကတော့ အတန်း (၁) မှ ဂူချန် ဖြစ်ပါတယ်.."</p> <p>​   ဒိုင်လူကြီး၏ အသံ ထွက်ပေါ်လာသော်လည်း မည်သူမှ ဂရုမစိုက်ကြ။ လူတိုင်း၏ မျက်လုံးများက ထွက်ခွာသွားသော လူငယ်လေးထံ၌သာ ရှိနေသည်။</p> <p>​   မုရုံချင်းရွှယ်ကို သုံးကွက်တည်းနှင့် အနိုင်ယူခဲ့သူ...</p> <p>ကျောင်း၏ လူမိုက်မှ အတော်ဆုံးကျောင်းသား ဖြစ်လာသူ...</p> <p>   ချင်းဟယ် အမှတ် (၁) ကျောင်း၏ သမိုင်းစာမျက်နှာမှာ ထာဝရ ပြောင်းလဲသွားခဲ့ပြီ ဖြစ်သည်။</p> <p>​   ကျောင်းမှ ထွက်လာပြီးနောက် ဂူချန်သည် အိမ်သို့ပြန်ကာ လျှို့ဝှက် မြေအောက်ခန်းသို့ ဝင်လာခဲ့သည်။ သူသည် အခန်းတစ်ခုထဲသို့ ဝင်ကာ တံခါးပိတ်လိုက်ပြီး ခလုတ်ကို နှိပ်လိုက်သည်။</p> <p>   ​မီးချောင်းများ လင်းလက်လာသည်နှင့် သစ်သားစင်တစ်ခုတွင် ချည်နှောင်ခံထားရသော လူငယ်တစ်ဦး၏ ရုပ်သွင် ပေါ်လာလေသည် ။ ဂူချန်က သူ၏ ရှေ့သို့ လျှောက်သွားကာ ပြုံးလျက် နှုတ်ဆက်လိုက်သည် ။</p> <p>​"နေကောင်းတယ်နော် လုဖန်.."</p> <p>"မတွေ့ရတာ ကြာပြီ.."</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save