Book List

<h2 style="text-align: center;">ပညာရှင်ဧကရာဇ်</h2> <h2 style="text-align: center;">(စာစဉ်-၁၄)</h2> <h2 style="text-align: center;"> </h2> <h2 style="text-align: center;">အခန်း (၁၃၁)</h2> <h2 style="text-align: center;">ကောင်းကင်အလောင်း ဒိုင်းမေးရှင်း</h2> <h2 style="text-align: center;">*</h2> <p> </p> <p> </p> <p>‘ဒါဆို ဒီသွေးအိုင်တွေထဲမှာ မိစ္ဆာတွေ မွေးဖွားတာပေါ့... ဒီ အခြား ဒိုင်းမေးရှင်းက တကယ်ကို ဆန်းကြယ်လွန်းတာပဲ... ငါ အနက်ပိုင်းထဲ အတင်းဝင်သွားလို့ မဖြစ်ဘူး... ဝင်ပေါက်နားမှာပဲ နေပြီးတော့ အသက်ဓာတ်စမ်းရေနဲ့ ပတ်သက်တဲ့ အချက်အလက်တွေကို စုစည်းရမယ်... ဒီနေရာက သတင်းတွေကို ကျောင်းတော်က တင်းတင်းကျပ်ကျပ် ထိန်းချုပ်ထားတာ ဆိုးတာပဲ... လုပ်ဆောင်မှတ် အများကြီး ရှိရင်တောင် သတင်း မရနိုင်လောက်ဘူး ...’</p> <p>သူက သွေးအိုင်များနှင့် မိစ္ဆာများ မွေးဖွားလာသည့် သွေးပူဖောင်းလုံးများကို ကြည့်ရှုစစ်ဆေးလိုက်သည်။ ထို့နောက် သူက မြူဆိုင်းနေသော နေရာဘက်ကို ကြည့်ကာ အနက်ပိုင်းမှာ ဘာတွေရှိနေမလဲ စိတ်ဝင်စားလာတော့သည်။</p> <p>ကောင်းကင်အလောင်း ဒိုင်းမေးရှင်းက ကြောက်မက်ဖွယ် အန္တရာယ်နယ်မြေအဖြစ် အတော်ကလေးကို ကျော်ကြားလှသည်။</p> <p>အင်မော်တယ်ခြေနင်း ကျောင်းတော်က ထိုနေရာနှင့်ပတ်သက်၍ နှံ့နှံ့စပ်စပ် စုံစမ်းစစ်ဆေးခဲ့ သော်လည်း အသက်ဓာတ်စမ်းရေနှင့် ပတ်သက်သော ကိစ္စအားလုံးကို လျှို့ဝှက်ထားကာ တင်းတင်းကျပ်ကျပ် ထိန်းချုပ်ထားကြသည်။</p> <p>ဝှစ်... ဝှစ်... ဝှစ်...</p> <p>ရန်ချီတစ်ယောက် ဒိုင်းမေးရှင်းကူး လမ်းကြောင်းမှ ထွက်လာပြီး မကြာခင်မှာပင် ထိုနေရာ တစ်ဝိုက်ရှိ များစွာသော မိစ္ဆာတစ္ဆေများက သူ့သွေးနံ့ကို ရရှိကာ ပိုးဖလံများ မီးအတွင်း တိုးဝင်သကဲ့သို့ လှုပ်လှုပ်ရှားရှား ဖြစ်လာကြတော့သည်။</p> <p>‘ငရဲလေပွေ မြင့်မြတ်မီးလျှံမီးပြင်းဖို...’</p> <p>ရန်ချီက တွန့်ဆုတ်မနေဘဲ အစစ်အမှန် စွမ်းအင်လေပွေကို ထုတ်ဖော်ကာ မိစ္ဆာတစ္ဆေများကို စုပ်ယူပြီး အသက်ဓာတ်အနှစ်သာရအဖြစ် ပြောင်းလဲပစ်လိုက်သည်။ ဝမ်းနည်းစရာက ထိုမိစ္ဆာတစ္ဆေများက အားနည်းလွန်းကာ အဆင့်ချိုးဖောက် တက်လှမ်းဖို့အတွက် သူ့အတွက် အနည်းငယ်သာ အထောက်အပံ့ ဖြစ်စေသည်။ သူက လောကအုပ်ချုပ်သူ အဆင့် မိစ္ဆာတစ္ဆေများနှင့် စိတ်ဝိညာဉ် ခန္ဓာကိုယ်များကို လိုအပ်သည်။ ထိုအရာများက သူ့အတွက် ပိုမိုမြင့်မားသော ဉာဏ်အလင်း ရရှိစေရန် တွန်းအား ပေးနိုင်ပေသည်။</p> <p>သူက သွေးအိုင်များကို ဖြတ်သန်းရင်း ရှာတွေ့သမျှ မိစ္ဆာတစ္ဆေတိုင်းကို သတ်ဖြတ်ကာ သူတို့ကို စုပ်ယူသည်။</p> <p>သူက ငရဲချေမှုန်း နတ်ဆင်စွမ်းအားကို ကျင့်ကြံထားသည့် အချက်ကို စဉ်းစားကြည့်ပါက ကောင်းကင်အလောင်း ဒိုင်းမေးရှင်းက သူ့အတွက်တော့ ဧကရာဇ်များ၏ တာအိုစွမ်းအင် အစီအရင်နှင့် ယန်ကိုးပါး အင်မော်တယ် စွမ်းအင်တို့ထက် ပိုမို အကျိုးရှိသည်။</p> <p>သူ့စွမ်းအား ပင်လယ်မှာတော့ သူက မိစ္ဆာတစ္ဆေ တစ်သောင်းခန့် စုပ်ယူထားခြင်းကြောင့် ငရဲပြည်တစ်ခုနှင့်ပင် တူညီနေ၏။</p> <p>အမြဲတမ်း လောင်ကျွမ်းနေသော ရွှေဖြူရောင် မြင့်မြတ်မီးလျှံများက တစ္ဆေများအတွက်တော့ ငရဲနှင့် တူညီစေကာ လွတ်မြောက်နိုင်ဖို့အတွက် ရုန်းကန် အော်ဟစ်နေကြသည်။</p> <p>သူ့မြင့်မြတ်မီးလျှံက သွေးအိုင်အနီးရှိ သွေးများကို ပျစ်ခဲစေကာ ခြောက်သွေ့စေခဲ့၏။</p> <p>အားနည်းသော ရန်သူများကို အချိန်ခဏအတွင်း ဖျက်ဆီးပြီးသည့်နောက်တွင် ရုတ်တရက် သူက ကြီးမားသော မိစ္ဆာတစ္ဆေတစ်ကောင်၏ ဟိန်းသံတစ်ခုကို အဝေးမှ ကြားလိုက်ရသည်။</p> <p>ထိုအရာက စိတ်ဝိညာဉ်ခန္ဓာ တစ်ခုဖြစ်သော်လည်း အစိမ်းပုတ်ရောင် မီးလျှံ အမျိုးအစား မဟုတ်ချေ။ ထိုအစား ထိုမီးလျှံက သွေးကဲ့သို့ ရဲရဲတောက် နီနေသည်။ မျက်စိတစ်မှိတ် အတွင်းမှာပင် ကြီးမားသော ထိုအရာကြီးက လူသားအရွယ်ခန့် သေးငယ်သည့်အထိ ကျုံ့သွားသည်။ ထို့နောက် ရန်ချီကို စူးစိုက်ကြည့်ကာ</p> <p>"ကျင့်ကြံသူ... မင်းက ဘယ်ကလဲ... မင်းက အနက်ရောင်အလောင်း ဒိုင်းမေးရှင်းကို လာပြီး မိစ္ဆာတစ္ဆေတွေကို သတ်ဖြတ်ရဲလောက်အောင် သတ္တိရှိနေပါလား... မင်း ဖမ်းဆီးခံရပြီး ယစ်ပူဇော်ခံရမှာ မကြောက်ဘူးလား..."</p> <p>ရန်ချီက သွေးနီရောင် မိစ္ဆာတစ္ဆေကို ကြည့်ကာ ပြန်မေးလိုက်သည်။</p> <p>"မင်းက..."</p> <p>"ငါက ကောင်းကင်အလောင်း နိုင်ငံက သွေးအလောင်း နတ်ဆိုးဘုရင်ပဲ"</p> <p>ထိုသက်ရှိက ပြန်ဖြေလိုက်သည်။ သူက ရန်ချီကို နီးနီးကပ်ကပ် ကြည့်လိုက်ပြီးနောက် သေဆုံးနတ်ဆိုး မျက်လုံးဆိုသည့် အဝေးမှ နေရာကို လှမ်းကြည့်လိုက်သည်။</p> <p>"နှစ်ပေါင်းရာနဲ့ချီပြီးတော့ အနက်ရောင်အလောင်း တောင်တန်းက သေဆုံးနတ်ဆိုး မျက်လုံးကို စောင့်ကြည့်နေရတာ ငါ ငြီးငွေ့လာခဲ့ပြီ... တစ်စုံတစ်ယောက်က အဲ့ဒီလမ်းကနေ လာလိမ့်မယ်လို့ ဘယ်သူ ထင်မိမှာလဲ... များသောအားဖြင့် အင်မော်တယ်ခြေနင်း ကျောင်းတော် အနီးမှာရှိတဲ့ မကောင်းဆိုးဝါးတောင်တန်းကနေပဲ လူတွေ ရောက်လာကြတများတယ်... အဲ့ဒီမှာ စောင့်နေတဲ့ ကောင်တွေက တကယ် ကံကောင်းတယ်... သူတို့က လတ်ဆတ်ပြီး အရသာရှိတဲ့ သွေးတွေကို စားကြရတယ်... ကြည့်ရတာ ငါတော့ ဒီနေ့ ကံကောင်းပြီ ထင်ပါတယ်..."</p> <p>သွေးအလောင်း နတ်ဆိုးဘုရင်က သူ့ကို စားသောက်ပွဲတစ်ခု တည်ခင်းထားသည့် ပုံစံမျိုးဖြင့် ကြည့်နေသည်။</p> <p>ရုတ်တရက် သူက ရှည်လျားသည့် သွေးနီရောင် ကြာပွတ်တစ်ခုကို ဆင့်ခေါ်ကာ ရန်ချီကို ၎င်းနှင့် ရိုက်လိုက်သည်။ ထိုအရာက ရန်ချီ အရင်က မြင်တွေ့ဖူးသည့် သွေးအရိပ် နတ်ဘုရား ကြာပွတ် ဆိုသည့် သွေးမိစ္ဆာစွမ်းအင် ပညာရပ်ပင်။</p> <p>သွေးအမျိုးအစား စွမ်းအင်ပညာရပ် အားလုံးက သွေးအင်ပါယာ၏ မိစ္ဆာဆုဒြာအမည်ရှိသည့် အင်ပါယာ အမျိုးအစား စွမ်းအင်ပညာရပ်မှ ဆင်းသက်လာခြင်းဖြစ်သည်။ သွေးစုတ်ဖုတ်ကောင် ဓားပြ ကျွမ်းကျင်သူများက သွေးအရိပ် နတ်ဘုရား ကြာပွတ်ကို အသုံးပြုကြသော်လည်း သူတို့ အသုံးပြုသော ပုံစံက အရမ်းကြီး အစွမ်းမထက်ကြချေ။ ဆန့်ကျင်ဘက်အားဖြင့် သွေးအလောင်း နတ်ဆိုးဘုရင် အသုံးပြုသည့်ပုံစံက အလွန်အမင်း အစွမ်းထက်လှသည်။ သွေးရောင် ကြာပွတ်က သွေးပင်လယ်၌ အရှိန်ပြင်းစွာ ပျံသန်းနေသည့် ကြက်သွေးရောင် နဂါးကြီးတစ်ကောင်နှင့် ဆင်တူနေ၏။</p> <p>ထိုပြိုင်ဘက်က အရင်က မိစ္ဆာတစ္ဆေများထက် များစွာ အစွမ်းထက်ကြောင်း သိသာလှသည်။ သူက အစွမ်းထက်သည့် လက်ရင်းကျောင်းသားတစ်ယောက်ဖြစ်သည့် အင်မော်တယ်ခြေနင်း ကျောင်းတော်မှ လောကအုပ်ချုပ်သူ အဆင့် (၇) တစ်ယောက်ကဲ့သို့ အစွမ်းထက်သည်။</p> <p>ထိုအခြင်းအရာကို ကြည့်ခြင်းဖြင့် ကျွမ်းကျင်သူများ ကောင်းကင်အလောင်း ဒိုင်းမေးရှင်းသို့ ဝင်ရောက်ခြင်းကို ကာကွယ်ရန်အတွက် အစွမ်းထက်သည့် အစောင့်အရှောက်များကို ထိုနေရာ၌ ချထားခြင်းဖြစ်ကြောင်း ပေါ်လွင်သည်။</p> <p>"ပျက်စီးလိုက်စမ်း..."</p> <p>ရန်ချီက ကြုံးဝါးကာ သူ့မီးတောက်နေသည့် လှံတံဖြင့် လှမ်းထိုးလိုက်သည်။ တစ်ချိန်တည်းမှာပင် သူက နေမင်း၏ အဖြူရောင် ရောင်ခြည်စက်ဝန်းကိုသုံးကာ သွေးအလောင်း နတ်ဆိုးဘုရင်၏ ဦးခေါင်းကို တိုက်ခိုက်လိုက်သည်။</p> <p>သို့သော်လည်း သွေးအလောင်း နတ်ဆိုးဘုရင်က လွယ်ကူသော ပြိုင်ဘက်တစ်ယောက် မဟုတ်ချေ။ သူက ကောက်ကျစ်ကာ အလွန်အမင်း အစွမ်းထက်သဖြင့် သူ့ကို ထိခိုက်စေနိုင်ဖို့က ခဲယဉ်းလွန်းလှသည်။</p> <p>"လူသားကမ္ဘာကို သွေးဖုံးလွှမ်းစေ..."</p> <p>သူက ရန်ချီ၏ စွမ်းဆောင်ရည်ကြောင့် တုန်လှုပ်ကာ ရေရွတ်လိုက်သည်။ နောက်ဆုံးမှာတော့ သူက လောကအုပ်ချုပ်သူ အဆင့် (၄) တစ်ယောက်သာဖြစ်သဖြင့် လောကအုပ်ချုပ်သူ အဆင့် (၇) ကို မယှဉ်ပြိုင်နိုင်ချေ။</p> <p>သွေးအလောင်းနတ်ဆိုးဘုရင်က မည်သည့်သွေးအမျိုးအစား စွမ်းအင်ပညာရပ်ကို အသုံးပြုသည်ဖြစ်စေ ကိစ္စမရှိပေ။ ရန်ချီ၏ ရွှေဖြူရောင် လှံရှည်က သူတို့ကို အမှန်တကယ် ပျောက်ကွယ်သွားစေနိုင်သည်။</p> <p>လှံရှည်က လမ်းကြောင်းတစ်လျှောက် အရာရာတိုင်းကို သတ်ဖြတ်နိုင်ကာ မကောင်းဆိုးဝါးမျိုးစုံကို ဖျက်ဆီးနိုင်သဖြင့် သွေးအလောင်း နတ်ဆိုးဘုရင်၏ အစစ်အမှန် စွမ်းအင်များကို အလွယ်တကူ ဆန့်ကျင်နိုင်သည်။</p> <p>သွေးအလောင်းနတ်ဆိုးဘုရင်၏ နဖူးမှ ရုတ်တရက် သွေးရောင် ဖြာထွက်လာကာ မကောင်းဆိုးဝါး အလင်းတန်းက ကောင်းကင်သို့ မြင့်တက်သွားပြီးနောက် ပေါက်ကွဲသွားတော့သည်။ အနီးဝန်းကျင်ရှိ သွေးအိုင်များက ဆူပွက်ကာ မြင့်တက်လာပြီး ကြီးမားသော သွေးလုံးကြီး အသွင်ဖြင့် ရန်ချီကို ဝန်းရံလိုက်ကြ၏။</p> <p>"သွေးကိုးစက် နတ်ဘုရားများ... အကန့်အသတ်မဲ့ သွေးပင်လယ်..."</p> <p>သွေးအလောင်း နတ်ဆိုးဘုရင်၏ ခန္ဓာကိုယ်က ရုတ်တရက် ကိုးပိုင်းကွဲသွားကာ သွေးလုံး၏ နေရာကိုးခုသို့ ရောက်ရှိသွားကြသည်။ အမျိုးမျိုးသော လက်ဟန်များကို ထုတ်ဖော်လိုက်သောအခါ သွေးလုံးကြီးက မီးလျှံများ တောက်လောင်လာသည်။</p> <p>ထိုအရာက လူတစ်ယောက်ကို ထောင်ချောက်ဆင်ဖို့အတွက် ထိုနေရာတစ်ဝိုက်ရှိ သွေးအိုင်များမှ စွမ်းအားကို ထုတ်ဖော်သည့် ကြီးမားသော မှော်အစီအရင် တစ်ခုဖြစ်ကာ ထိုအစီအရင်ကို အစွမ်းထက်သည့် လူတစ်ယောက်က ထိန်းချုပ်နိုင်သည်။</p> <p>ရန်ချီက သူ့အပေါ် သက်ဆင်းလာသော လေးလံလွန်းသည့် ဖိအားကို ခံစားလိုက်ရသည်။</p> <p>‘ငါ အထဲမရောက်ခင် အစွမ်းမြင့်ခဲ့တာ တော်သေးတယ်... ငါသာ လောကအုပ်ချုပ်သူ အဆင့် (၃) အနေနဲ့သာလာရင် ဒီသွေးအစီအရင်ကို ရင်ဆိုင်နိုင်ဖို့ တော်တော်လေးကို ခက်ခဲလွန်းနေမှာပဲ...’</p> <p>သူ့အပေါ် သက်ရောက်လာသော သွေးမီးလျှံများကို သူ့မြင့်မြတ်မီးလျှံများက အတိုင်းအတာ တစ်ခုထိ သက်ရောက်နိုင်နေသေးသည်။ သူက တော်တော်လေးကို ဂရုစိုက်ဖို့ လိုအပ်နေ၏။ သို့မဟုတ်ပါက သူက ထိုနေရာမှာ ဆိုးဆိုးဝါးဝါး သေဆုံးသွားပေလိမ့်မည်။</p> <p>သူပြုလုပ်နေသည့် အရာက အစွန်းရောက်လုနီးနီး ကြောက်မက်ဖွယ် ကောင်းလွန်းနေသည်။ အကယ်၍ အင်မော်တယ်ခြေနင်း ကျောင်းတော်မှာသာ ထိုကိစ္စ ပျံ့နှံ့သွားပါက ပွက်လောရိုက် သွားနိုင်သည်။</p> <p>ကောင်းကင်အလောင်း ဒိုင်းမေးရှင်းက အင်မော်တယ်ခြေနင်း ကျောင်းတော်မှာပင် တားမြစ်ထားသော နေရာတစ်ခုဖြစ်ကာ လက်ရင်းကျောင်းသားများသာ ထိုနေရာသို့ ဝင်ရောက်ခွင့် ရှိကြသည်။</p> <p>လက်ရွေးစင် ကျောင်းသားများကိုပင် ထိုနေရာသို့ ဝင်ရောက်ခွင့် မပြုထားချေ။ ထိုနေရာက သူတို့အတွက် အလွန်အန္တရာယ်များလွန်းလှသည်။ လက်ရင်းကျောင်းသားများကသာ အမျိုးမျိုးသော တိုက်ပွဲဝင် အစီအရင်များကို အသုံးပြုနိုင်ကြသဖြင့် ထိုနေရာရှိ မိစ္ဆာများနှင့် မကောင်းဆိုးဝါးများကို သတ်ဖြတ်ကာ ထိုနေရာ၏ ကောင်းကင်နှင့် မြေပြင်အကြားတွင် တည်ရှိနေသော အဖိုးတန်ပစ္စည်းများကို ရယူနိုင်ကြသည်။</p> <p>သို့သော်လည်း ရန်ချီက လက်ရွေးစင်ကျောင်းသားတစ်ယောက် ဖြစ်သော်လည်း သွေးအလောင်း နတ်ဆိုးဘုရင်နှင့် ထိုနေရာ၌ ရင်ဆိုင်နေရသည်။ ထိုအရာကပင် တော်တော်လေး ခမ်းနားကြီးကျယ်လွန်းလှ၏။</p> <p>အကယ်၍ သွေးအလောင်းနတ်ဆိုးဘုရင်သာ ချမ်းသာကြွယ်ဝတိုက်ကြီးသို့ လွတ်မြောက်လာပါက ကပ်ဘေးကြီးတစ်ခုပင် ဖြစ်လာနိုင်သည်။ သူ့ကို အနိုင်ယူ တိုက်ခိုက်နိုင်ဖို့အတွက် ဒဏ္ဍာရီအဆင့် ပညာရှင်များကိုပင် စေလွှတ်ရပေလိမ့်မည်။</p> <p>သို့သော် ရန်ချီက တစ်ယောက်တည်းဖြင့်ပင် ယှဉ်ပြိုင် တိုက်ခိုက်နေသည်။</p> <p>အကယ်၍ ကျောင်းတော်မှ အကြီးအကဲတစ်ယောက်သာ ထိုကိစ္စကို သိရှိသွားပါက စုံစမ်းစစ်ဆေးပေလိမ့်မည်။ သို့သော်လည်း ရန်ချီက ထင်ပေါ်ကျော်ကြားခြင်း မရှိသေးချေ။ သူက ကျော်ကြားလိုသော ဆန္ဒမရှိသော်လည်း အချို့အံ့ဖွယ်များကို လျှို့ဝှက် လုပ်ဆောင်နေသည်။</p> <p>သူက လောင်ကျွမ်းနေသော သွေးမီးလျှံများ အလယ်၌ သူ့စွမ်းအားများကို ချွေတာထားကာ နဂါးတစ်ကောင် အိပ်ပျော်နေပြီး ငါးတစ်ကောင် ဖြစ်နေသည့် ပုံစံမျိုးနှင့် တူညီနေသည်။ သူက စောင့်ဆိုင်းနေခဲ့သည်။ အကြီးအကျယ် ပျက်စီးစေနိုင်သည့် တိုက်ခိုက်မှုကို ထုတ်ဖော်ဖို့အတွက် လုပ်ကြံသတ်ဖြတ်ခြင်း တာအို၏ လျင်မြန်စွာ သတ်ဖြတ်သည့် ထုံးစံအတိုင်း စွမ်းအင်များကို စုဆောင်းနေသည်။</p> <p>သွေးအလောင်း နတ်ဆိုးဘုရင်က အရူးတစ်ယောက်ကဲ့သို့ ရယ်မောကာ ပြောလိုက်သည်။</p> <p>"ကောင်းပြီ ကောင်စုတ်လေး... မင်း သန်မာတယ် ဆိုတာ ငါ ဝန်ခံတယ်... မင်းက ငါ့ရဲ့ လူသားကမ္ဘာကို သွေးဖုံးလွှမ်းစေအကွက်ကို ထုတ်သုံးဖို့ တကယ်ဖိအားပေးနိုင်ခဲ့တယ်... သွေးငရဲမီးလျှံက မင်းရဲ့ အရိုးတွေကို အရည်ပျော်အောင် လောင်ကျွမ်းပေးနိုင်လိမ့်မယ်... အခု မင်း အရည်ပျော်တာကို ငါ စောင့်နေဖို့တော့ လိုတော့တယ်ကွ..."</p> <p>ထို့ပြင် သွေးအလောင်း နတ်ဆိုးဘုရင်က အစီအရင်ကို ပိုမို ထိန်းချုပ်ကာ ရန်ချီကို တတ်နိုင်သမျှ အမြန်ဆုံး ရှုံးနိမ့်နိုင်အောင် ပြုလုပ်လိုက်သည်။</p> <p>‘အခု ငါ့ရဲ့ အခွင့်အရေးပဲ...’</p> <p>မျက်စိတစ်မှိတ်အတွင်း ရန်ချီက ထိန်းချုပ်ထားသည့် စွမ်းအင်များကို ထုတ်လွှတ်လိုက်လေရာ ရွှေဖြူရောင် မြင့်မြတ်သော အလင်းများက သူ့ကိုယ်တွင်းမှ ထွက်ပေါ်လာတော့သည်။</p> <p>မြင့်မြတ်မီးလျှံများက သူ့အနီး၌ ညင်သာစွာ မဟုတ်ဘဲ ရက်စက်ကြမ်းတမ်းစွာ ကခုန်လာကြသည်။</p> <p>ဝှစ်...</p> <p>အဖြူရောင် အလင်းတန်းက သွေးမီးလျှံများထံ တိုးဝင်သွားကာ သွေးအလောင်း နတ်ဆိုးဘုရင် ပုံရိပ်ကိုးခုကို တစ်ဝက်ခန့် ပိုင်းဖြတ်သွားလေတော့သည်။</p> <p>"ဒါ ဘာစွမ်းအင် ပညာရပ်လဲ..."</p> <p>သူက အံ့အားသင့်ကာ တုန်လှုပ်ကြောက်ရွံ့သွားသည်။ ထိုရွှေဖြူရောင် မြင့်မြတ်မီးလျှံများက သူ့စိတ်ဝိညာဉ် ခန္ဓာကိုယ်အတွင်း ဝင်ရောက်သွားသည်နှင့် သူ့စိတ်ဝိညာဉ်ပါ နာကျင်လာ၏။</p> <p>"သွေး-နတ်ဆိုး ဖျက်ဆီးခြင်း... သက်စောင့်စွမ်းအင် လောင်ကျွမ်းခြင်း..."</p> <p>သူ့ပုံရိပ်အားလုံးက ပြန်လည် ပေါင်းစည်းသွားကာ သွေးနီရောင် အလင်းတန်း ဖြာထွက်လျက် ရွှေဖြူရောင် မြင့်မြတ်မီးလျှံကို ဆန့်ကျင်နေသည်။</p> <p>သို့သော်လည်း ရန်ချီက ထိုကဲ့သို့ ဖြစ်ခွင့်မပေးဘဲ လက်ဦးမှု ရယူဖို့ ပြင်လိုက်သည်။ အရိပ်တစ်ခုကဲ့သို့ သူက သွေးအလောင်း နတ်ဆိုးဘုရင်၏ ရှေ့၌ ပေါ်ထွက်လာကာ ကမ္ဘာဦး ဆင်ရိုင်း (၇၂) ကောင် စွမ်းအားကို ထုတ်ဖော်လိုက်သည်။ သူ့အစစ်အမှန်စွမ်းအင်များဖြင့် ငရဲမီးတောက်မီးပြင်းဖိုကို ဖွဲ့စည်းကာ ထိုအရာမှ များပြားလွန်းသည့် မြင့်မြတ်မီးလျှံများ ထုတ်ဖော်လိုက်သည်။</p> <p>"မင်းရဲ့ သွေးမီးလျှံလေးကိုသုံးပြီး ငါ့ကို သတ်ချင်နေတာလား... မင်းအတွက် ကံဆိုးချင်တော့ ငါက နတ်ဆိုး ပညာရပ်တွေကို မကြောက်ဘူးကွ... ငါကျင့်ကြံတဲ့ စွမ်းအင် ပညာရပ်က မင်းတို့ မကောင်းဆိုးဝါး မိစ္ဆာတွေကို ဖျက်ဆီးနိုင်တယ်... အခု အဲ့ဒါက ဘာနဲ့တူလဲဆိုတာ မင်း တကယ် မြင်တွေ့ဖို့ အခွင့်အရေးပေါ်လာပြီ... ဒီနည်းစနစ်က နတ်ဘုရားနယ်မြေက ဂုဏ်ကျက်သရေကို ကိုယ်စားပြုပြီး ကောင်းကင်ကနေ ဆင်းသက်လာတာပဲ... မြင့်မြတ်မီးလျှံက အရာရာတိုင်းကို သန့်စင်ပစ်နိုင်တယ်..."</p> <p>သူက တွန့်ဆုတ်မနေဘဲ လက်ကို ဝှေ့ယမ်းကာ လောင်ကျွမ်းနေသော သူတော်စင် မီးလျှံကို ထုတ်ဖော်လိုက်သည်။ ထိုအရာက ကြီးမားလာကာ သွေးမီးလျှံ အစီအရင်ကို ဖုံးလွှမ်းသွားလေတော့သည်။</p> <p>သွေးအလောင်း နတ်ဆိုးဘုရင်က ထိုနေရာ၏ အလယ်၌ ပိတ်မိနေကာ နောက်ထပ် တိုက်ကွက် မထုတ်ဖော်နိုင်သေးမီမှာပင် ဆီပူထဲ လောင်ကျွမ်းသံနှင့်အတူ သူ့သွေးစွမ်းအင်ပညာရပ်က ပျောက်ကွယ်သွားသည်။ ထိုအရာက ကြွက်တစ်ကောင်က ကြောင်တစ်ကောင်နှင့် ယှဉ်ဆိုင်နေရသည်နှင့် တူညီကာ ထွက်ပြေးလွတ်မြောက်ဖို့ အခွင့်အရေး မရှိကြတော့ချေ။</p> <p>"ဒါက ဘယ်လိုလုပ် ဒီလောက် သန်မာနေရတာလဲ..."</p> <p>သွေးအလောင်း နတ်ဆိုးဘုရင်က ဒေါသတကြီး အော်ဟစ်လိုက်တော့သည်။</p> <p>"မင်းက လောကအုပ်ချုပ်သူ အဆင့် (၄) တစ်ယောက်ပဲလေ... ငါက သွေးအလောင်း နတ်ဆိုးဘုရင်ပဲ... ငါက နှစ်ရာချီ ကျော်ကြားခဲ့တဲ့သူပဲ... ငါ့ရဲ့နာမည်က ချမ်းသာကြွယ်ဝ တိုက်ကြီး တစ်ခုလုံးကိုတောင် ကြောက်ရွံ့အောင် လုပ်နိုင်တယ်..."</p> <p> </p> <p> </p> <p style="text-align: center;">End</p> <p style="text-align: center;">***</p>


Save