Book List

<h2 style="text-align: center;">အခန်း ၄၅+၄၆</h2> <h2 style="text-align: center;">မုရုံချင်းရွှယ်၏ ကြိုတင်ခန့်မှန်းချက်နှင့် သိုင်းပညာစဥ်စစ်ဆေးမှုမတိုင်မီ အစည်းအဝေး</h2> <h2 style="text-align: center;">*</h2> <p> </p> <p> </p> <p>​   ဆေးရုံကုတင်ပေါ်တွင် မုရုံချင်းရွှယ်သည် သူမ၏ဆရာမ စကားကြောင့် စိတ်လှုပ်ရှားသွားသော်လည်း  တားဆီးလိုက်၏ ။</p> <p>​" မမယွင်... ကျွန်မရဲ့ အရည်အချင်းက နိမ့်ကျလို့ အဲဒီလူယုတ်မာကို ရှုံးခဲ့တာပါ.."</p> <p>​"သူ ဘာကြောင့်လဲမသိဘူး... ပြီးခဲ့တဲ့ အပတ်ကတင် ပထမအဆင့် အထွက်အထိပ်မှာပဲ ရှိသေးတာ.. အခု တတိယအဆင့် ကို ဒီလောက်မြန်မြန် ဘယ်လိုရောက်သွားတာလဲ မသိဘူး.."</p> <p>​"ပြီးတော့... အဟွတ် အဟွတ်... ဂူမိသားစုဆိုတာ ချင်းဟယ်မြို့ရဲ့ အင်အားအကြီးဆုံး အာဏာရှင်တွေပါ..မမ တစ်ယောက်တည်းဆိုရင် အန္တရာယ်များလွန်းပါတယ်.."</p> <p>​   မုရုံးချင်းရွှယ်သည် မူလက ဂူချန်ကို အပြင်းအထန် ရိုက်နှက်ဆုံးမပြီးနောက် လျိုလုံတက္ကသိုလ်၏ အရှိန်အဝါကို အသုံးပြုကာ ဂူမိသားစု၏ လက်စားချေမှုကို တားဆီးရန် စီစဉ်ထားခဲ့ခြင်း ဖြစ်သည်။ သို့သော် ပထမဆုံးခြေလှမ်းမှာပင် ဤမျှ ပြင်းထန်သော အမှားအယွင်း ဖြစ်သွားလိမ့်မည်ဟု သူမ ထင်မထားခဲ့ပေ။ ဂူချန်ကို ဆုံးမရမည့်အစား သူမကိုယ်တိုင်သာ အပြင်းအထန် အရိုက်ခံခဲ့ရသည်။</p> <p>​   ဂူချန် နောက်ဆုံးတွင် ထုတ်ပြသွားသော စစ်မှန်သောချီ အစအနကို တွေးမိတိုင်း မုရုံချင်းရွှယ်သည် သူမ၏ ဘဝကိုပင် သံသယဝင်လာမိ၏။ သူမ နှစ်ပေါင်းများစွာ ကြိုးစားအားထုတ်ခဲ့ရသော ရလဒ်များကို ပြိုင်ဘက်က တစ်ပတ်အတွင်း ကျော်ဖြတ်သွားသည်မှာ မည်သို့ ဖြစ်နိုင်မည်နည်း။</p> <p>​"ဟင်းဟင်း..."</p> <p>​   ယွင်ယန်က ထီမထင်ဟန် ရယ်လိုက်ပြီး လက်ကာပြကာ...</p> <p>"ငါက လျိုလုံတက္ကသိုလ်ရဲ့ အထူးတန်းပြ ဆရာမတစ်ယောက်ပါ.. ကျန်းနန်ပြည်နယ် တစ်ခုလုံးမှာ ငါ့ရဲ့ အဆက်အသွယ်တွေ အများကြီး ရှိတယ်.."</p> <p>​" မင်းက သူ့ကို မယှဉ်နိုင်လို့ ရှုံးခဲ့တာ မှန်ပေမဲ့ အဲဒါကို ခဏဘေးဖယ်ထားလိုက်စမ်း.. သူ့မှာ အမှားမရှိဘူးလို့ မင်း ထင်လား.."</p> <p>​"ဒါက သာမန် ပြိုင်ပွဲ တစ်ခုပဲလေ..  ဒါပေမဲ့ မင်းကို ဒီလောက်အထိ ဒဏ်ရာအပြင်းအထန် ရအောင် လုပ်တယ်ဆိုတော့ အဲဒီကောင်လေးရဲ့ စိတ်ဓာတ်က ဘယ်လောက်တောင် ယုတ်မာညစ်ပတ် အောက်တန်းကျနေသလဲဆိုတာ သိသာနေတာပဲ.."</p> <p>​   ယွင်ယန်သည် မုရုံချင်းရွှယ်၏ နူးညံ့သော လက်ကလေးများကို ဆုပ်ကိုင်ကာ ယုံကြည်ချက်ရှိရှိ ပြောလိုက်သည်။</p> <p>​"ချင်းရွှယ်.. စိတ်မပူပါနဲ့.. ငါ သူ့ကို အပြစ်ပေးရုံလောက်ပဲ လုပ်မှာပါ.. လျိုလုံတက္ကသိုလ်ရဲ့ အထူးတန်းပြ ဆရာမတစ်ယောက်အနေနဲ့ ငါ့ရဲ့ အဆင့်အတန်းနဲ့ အစွမ်းကို ချင်းဟယ် ဂူမိသားစုက နားလည်ပါလိမ့်မယ်.."</p> <p>​   ကျန်းနန်ပြည်နယ်ရှိ ထိပ်တန်း သိုင်းတက္ကသိုလ် သုံးခုအနက် တစ်ခုဖြစ်သော လျိုလုံတက္ကသိုလ်သည် ဆရာအင်အား၊ နောက်ခံနှင့် အရင်းအမြစ်များတွင် အလွန် အထင်ကြီးစရာ ကောင်းလှသည်။ ထို့ကြောင့် သာမန်အင်အားစုများအနေဖြင့် လျိုလုံတက္ကသိုလ်မှ အထူးတန်းပြ ဆရာမတစ်ဦးနှင့် တွေ့ဆုံပါက မျက်နှာသာပေးရစမြဲ ဖြစ်သည်။</p> <p>​"ဟုတ်ကဲ့ပါ.."</p> <p>   ​မုရုံချင်းရွှယ်သည် သူမ၏ဆရာမ ယုံကြည်ချက်ရှိနေသည်ကို မြင်သောအခါ  ခေါင်းညိတ်လိုက်ရုံသာ တက်နိုင်တော့သည်။ အမှန်အတိုင်းပြောရလျှင် သူမသည်လည်း ဂူချန် တစ်ပတ်အတွင်း ဤမျှ သန်မာလာခြင်းမှာ မရိုးသားသော နည်းလမ်းတစ်ခုခုကို အသုံးပြုထားခြင်းဖြစ်မည်ဟု ခံစားနေရ၏။</p> <p>​ရက်အနည်းငယ်အကြာ၊ ချင်းဟယ် အမှတ် (၁) အထက်တန်းကျောင်း အစည်းအဝေးခန်းမ၌...</p> <p>​   သိုင်းပညာ စစ်ဆေးမှု  ပုံစံတူ စစ်ဆေးခြင်းကို မနက်ဖြန်တွင် စတင်တော့မည် ဖြစ်သည်။ အစည်းအဝေးတွင် ကျောင်း၏ ဒါရိုက်တာ လီကျဲ နှင့်အတူ ခြေစစ်ပွဲတွင် ထိပ်ဆုံး ၁၀ ယောက် စာရင်းဝင်ခဲ့သော ကျောင်းသားများ တက်ရောက်နေကြသည်။</p> <p>​   မုရုံချင်းရွှယ်မှာ ဒဏ်ရာပြင်းထန်သဖြင့် ပါဝင်နိုင်ခြင်း မရှိဘဲ သူမ၏နေရာတွင် လီကျီရန် က အစားထိုး ဝင်ရောက်လာခဲ့သည်။ ထိုသို့ လီကျီရန်ကို ရွေးချယ်ခဲ့ခြင်းမှာ ဂူချန်က သူ့ကို သဘောကျပြီး အလုပ်အကိုင် ကျွမ်းကျင်သည်ဟု ယူဆသောကြောင့်ပင်။</p> <p>​   ဂူချန်သည် ကုလားထိုင်ပေါ်တွင် ခြေပစ်လက်ပစ် ထိုင်နေပြီး သူ၏ ခြေထောက်များကို ရှေ့ရှိ စားပွဲပေါ်သို့ တင်ထား၏။ သူ၏ အမူအရာမှာ အလွန်ပင် မောက်မာလွန်းလှသော်လည်း မည်သူမှ မပြောရဲကြပေ။</p> <p>​   ဒါရိုက်တာ လီကျဲက စင်မြင့်ပေါ်သို့ တက်လာပြီး ကျောင်းသားများကို တည်ငြိမ်သော မျက်နှာဖြင့် ကြည့်ကာ ...</p> <p>​"သိုင်းပညာ စစ်ဆေးမှု ပုံစံတူကို မနက်ဖြန် စတင်ပါမယ်.. မင်းတို့အတွက် ဒါက တကယ့် လက်တွေ့ တိုက်ပွဲတစ်ခုကို ပထမဆုံးအကြိမ် ဆင်နွှဲရတာ ဖြစ်ပါလိမ့်မယ်.."</p> <p>​"အရင်က မင်းတို့ သားရဲတွေအကြောင်းကို တီဗီမှာပဲ မြင်ဖူးကြလိမ့်မယ်.. တောထဲကိုလည်း မရောက်ဖူးကြဘူး.. ဒါကြောင့် ဒီပုံစံတူ စစ်ဆေးမှုဟာ ရှားပါးတဲ့ အခွင့်အရေးတစ်ခုမို့ အားလုံးက အလေးအနက်ထားဖို့ မျှော်လင့်ပါတယ်.."</p> <p>​   လီကျဲသည် ခလုတ်တစ်ခုကို နှိပ်လိုက်ရာ သူ၏ နောက်ကွယ်ရှိ စခရင်ကြီးပေါ်တွင် နေရာတစ်ခု၏ ဓာတ်ပုံ ပေါ်လာသည်။</p> <p>​"ဒီပုံစံတူ စစ်ဆေးမှုမှာ မင်းတို့က သားရဲတွေကို သတ်ပြီး ရမှတ်တွေ စုဆောင်းရမယ်.. ရမှတ်များလေလေ..ရမယ့် ဆုလာဘ်က ပိုကြီးလေလေပဲ.."</p> <p>​"စစ်ဆေးမှုအတွင်းမှာ တက္ကသိုလ်တွေက ဆရာတွေနဲ့ အင်အားကြီးအဖွဲ့အစည်းတွေက လာပြီး စောင့်ကြည့်နေကြမှာဆိုတော့.. မင်းတို့သာ ကောင်းကောင်းလုပ်နိုင်မယ်ဆိုရင် .. သူတို့သဘောကျမှုသွားရင် ..တက္ကသိုလ်ဝင်ခွင့်ကို ကြိုပြီးရနိုင်မှာ.."</p> <p>​"ဆရာကြီး... ကျွန်တော်တို့ တခြားလူတွေကိုရော တိုက်ခိုက်လို့ ရမလား.."</p> <p>   ကျောင်းသားတစ်ဦးက မေးလိုက်သည်။</p> <p>​"ရတယ်.."</p> <p>   လီကျဲက ခေါင်းညိတ်ပြလိုက်သည်။</p> <p>"ဒါပေမဲ့ အဆင့်သတ်မှတ်ချက်ကို မထိခိုက်စေဖို့တော့ လိုတယ်..မင်းတို့ကို အကာအကွယ် လက်စွပ်တွေ ပေးထားလိမ့်မယ်..ဒါပေမဲ့ အဲဒါကို အသုံးပြုလိုက်ရင် မင်းတို့အတွက် စစ်ဆေးမှုက စောစောစီးစီး ပြီးဆုံးသွားမှာ .."</p> <p>​   သိုင်းပညာ ထွန်းကားသော ဤကမ္ဘာတွင် သိုင်းပညာရှင်တိုင်း၏ သွေးထဲ၌ တိုက်ခိုက်လိုစိတ်များ ကိန်းအောင်းနေကြသည်။ ထို့ကြောင့် စစ်ဆေးမှုအတွင်း အချင်းချင်း တိုက်ခိုက်ခြင်းကိုလည်း ခွင့်ပြုထားခြင်း ဖြစ်ပေသည်။</p> <p>​   ဒါရိုက်တာ လီကျဲသည် နောက်ထပ် ဓာတ်ပုံတစ်ပုံကို ပြောင်းလဲလိုက်၏။ ထိုသည်က သပ်ရပ်သော လူငယ်လေးတစ်ဦး၏ ပုံဖြစ်သည်။</p> <p>​"ဒါကတော့ လင်းထျန်းမြို့ အမှတ် (၁) အထက်တန်းကျောင်းရဲ့ ထိပ်ဆုံးကျောင်းသား အိုးရန်ပုကျန်း ..သူက ဒုတိယအဆင့် အထွက်အထိပ်မှာ ရှိနေပြီး Aအဆင့် သိုင်းပါရမီ ဝိညာဉ်ခြေလှမ်း ကို ပိုင်ဆိုင်ထားတယ်.. သူနဲ့တွေ့ရင် သတိထားကြပါ ..အရမ်း မလောနဲ့.. "</p> <p>​   လီကျဲသည် အခြားသော မြို့အသီးသီးမှ ထူးချွန်သည့် ကျောင်းသားများ၏ ဓာတ်ပုံများကို တစ်ခုပြီးတစ်ခု ပြသရင်း မိတ်ဆက်ပေးနေသည်။ ဂူချန်သည်လည်း ထိုသူများကို စိတ်ဝင်တစား ကြည့်နေ၏။</p> <p>​' ငါ့ အကူအညီ လိုအပ်နေတဲ့ သနားစရာ သတ္တဝါလေးတွေ.. '</p> <p>​   ဂူချန်သည် စိတ်ထဲမှ သက်ပြင်းချလိုက်သည်။ ကျန်းနန်ပြည်နယ် တစ်ခုလုံးတွင် ဤမျှများပြားသော ပါရမီရှင် များ ရှိနေသည်မှာ သူ့အတွက်တော့ စေတနာတန်ဖိုးများ ရှာဖွေရန် မဟာအခွင့်အရေးကြီးပင် ဖြစ်သည်။</p> <p>​"ကဲ... အားလုံးပဲ ပစ္စည်းတွေကို ပြန်စစ်ဆေးကြပါ.. ငါတို့ အခု ပြည်နယ်မြို့တော်ကို ဘတ်စ်ကားနဲ့ သွားကြမယ်.."</p> <p>​   လီကျဲ၏ စကားအဆုံးတွင် အားလုံးက ပစ္စည်းများကို သိမ်းဆည်းကာ ကျောင်းပြင်သို့ ထွက်လာခဲ့ကြသည်။ ကျောင်းသားများ ကျောင်းဂိတ်ဝမှ ထွက်ကာ ကျောင်းမှ စီစဉ်ပေးထားသော ဘတ်စ်ကားပေါ်သို့ တက်ရန် ပြင်နေစဉ်မှာပင် အရပ်ရှည်ရှည်နှင့် ပုံရိပ်တစ်ခုက သူတို့၏ လမ်းကို ပိတ်ဆို့လိုက်သည်။</p> <p>​   အားလုံးစိတ်ရှုပ်ထွေးသွားသော်လည်း ထိုအမျိုးသမီးက ဂူချန်၏ ရှေ့သို့ လျင်မြန်စွာ လျှောက်လာပြီး ဘစကား မပြောဘဲ ဂူချန်၏ မျက်နှာကို လက်ဝါးဖြင့် ရိုက်လိုက်၏။</p> <p>​   သူမက အလွန်လျင်မြန်လှသဖြင့် စတုတ္ထအဆင့် သိုင်းပညာရှင် ဖြစ်သော ဒါရိုက်တာ လီကျဲပင် ရှင်းရှင်းလင်းလင်း မမြင်လိုက်ရပေ။ သူ သတိဝင်လာချိန်တွင်မူ ထိုအမျိုးသမီး၏ လက်ဝါးသည် ဂူချန်၏ ပါးပြင်နှင့် ၀.၀၁ စင်တီမီတာမျှသာ ကွာဝေးတော့သည်။</p> <p>​   လီကျဲ၏ ရင်ထဲတွင် ဗလောင်ဆူသွားလေသည် ။</p> <p>​'သွားပြီ..'</p> <p>​ဖြန်း...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save