Book List

<h2 style="text-align: center;">အခန်း (၂၂)</h2> <h2 style="text-align: center;">လိပ်ကြီးကမ်းပေါ်တက်လာခြင်းနှင့် ဖားသလိပ်ဝေလငါးများ ပေါ်လာခြင်း</h2> <h2 style="text-align: center;">*</h2> <p> </p> <p> </p> <p>​မြေကွက်အမှတ် (၂) သည် မြို့၏အချက်အချာ အကျဆုံးနေရာတွင် တည်ရှိသည်။ ထို့ကြောင့်လည်း ဈေးနှုန်းအမြောက်အမြားဖြင့် ရောင်းချနိုင်ခြင်းဖြစ်သည်။</p> <p> </p> <p> </p> <p>​စုန့်ခွန်လင်းသည် ထိုမြေကွက်ကို လေလံပွဲတွင် သန်း ၉၅၀ ဖြင့် ဝယ်ယူခဲ့သော်လည်း ယခုပြန်ရောင်းရသော ဈေးနှုန်းမှာ သန်း ၇၀၀ အထိ ကျဆင်းသွားခဲ့ပြီဖြစ်သည်။ သို့သော်လည်း မည်သူမျှ ဝယ်ယူရန် အရိပ်အယောင်မပြကြချေ။ သန်း ၅၀၀ နှင့်ဆိုလျှင်တောင် ဝယ်မည့်သူ ရှိမည်မဟုတ်ပေ။</p> <p> </p> <p> </p> <p> </p> <p>လုပေါင်အိပ်ခါနီးအချိန်တွင် တင်းလင်ထံမှ ဖုန်းလာခဲ့သည်။</p> <p> </p> <p> </p> <p>​ထိုအခါမှသာ နာမည်ကြီး CEO အချို့သည် မြေကွက်အမှတ် (၁) ၏ ပိုင်ရှင်ဖြစ်သူကိုတွေ့ဆုံရန် တင်းလင်မှတစ်ဆင့်ဆက်သွယ်လာကြကြောင်း သူသိလိုက်ရသည်။ လူအများအပြားသည် ထိုမြေကွက်ကို စိတ်ဝင်စားနေပုံရသည်။</p> <p> </p> <p> </p> <p>​"တခြားသူတွေနဲ့ မတွေ့နဲ့ဦး။ ငါ့မိဘတွေ ဆက်သွယ်လာရင်တော့ တွေ့လိုက်ပါ။ သူတို့က ဝယ်ချင်တယ်ဆိုရင် ကူညီပေးလိုက်ပါ။"</p> <p> </p> <p> </p> <p>​လုပေါင် စဉ်းစားကြည့်သည်။ တခြားသူတွေကို သူဂရုမစိုက်သော်လည်း  ထိုမြေကွက်ကို သူ့မိဘတွေကိုသာ ပေးလိုက်သည်က ပိုကောင်းလိမ့်မည်။ သူကိုယ်တိုင်တော့ လူလုံးထွက်ပြမည်မဟုတ်ပေ။</p> <p> </p> <p> </p> <p>​သူ့မိဘတွေကို မြေကွက်အမှတ် (၁) အတွက် ပိုက်ဆံသုံးခိုင်းလိုက်ဦးမည်။တင်းလင်မှာ ရယ်ရခက် ငိုရခက် ဖြစ်သွားရသည်။ သူမ၏ သူဌေးလေးသည် မည်သည့်ကစားကွက်မျိုး ကစားနေသည်ကို သူမ တကယ်ပင် နားမလည်နိုင်တော့ချေ။ သူ့မိသားစုကို သူကိုယ်တိုင် ပြောပြလိုက်ရင်လော။</p> <p> </p> <p> </p> <p>​သူမ၏သူဌေးသည် တစ်မူထူးခြားလွန်းလှသည်။</p> <p> </p> <p> </p> <p>​လုပေါင် ဖုန်းချလိုက်သောအခါ မျောက်ဘုရင်ထည့်ပေးလိုက်သော မျောက်အရက်အိုးပေါ်တွင် နားနေသည့် နှင်းလုံးလေး ကို မြင်လိုက်ရသဖြင့် အနားသို့သွားကြည့်လိုက်သည်။ လွန်ခဲ့သော ရက်အနည်းငယ်အတွင်း ဤမျောက်ဘုရင်၏ မျောက်အရက်သည် မည်မျှဈေးကြီးကြောင်း သူသိထားပြီးဖြစ်သည်။</p> <p> </p> <p> </p> <p>​နောက်ရက်အနည်းငယ်ဆိုလျှင် မျက်နှာဝိုင်းလေး ၏ မွေးနေ့ရောက်တော့မည် ဖြစ်ရာ မိသားစုတစ်ခုလုံး အတူတူ သောက်ကြလျှင် ကောင်းမည်ဟုစဥ်းစားမိသည်။ရောင်းဖို့ကတော့ သူစိတ်မကူးချေ။ဤအရာသည် တန်ဖိုးဖြတ်မရနိုင်လောက်အောင် ရှားပါးပြီး အကယ်၍ ရောင်းမည်ဆိုလျှင်တောင် ဝယ်မည့်သူရှာရန် မလွယ်ကူလှပေ။</p> <p> </p> <p> </p> <p>​ထိုအချိန်တွင် သမုဒ္ဒရာထဲ၌ လိပ်ကြီးတစ်ကောင်သည် အဆက်မပြတ် ကူးခတ်နေသည်။ ၎င်း၏နောက်တွင် ကြီးမားသော အရိပ်မည်းကြီးတစ်ခုက ထပ်ကြပ်မကွာ လိုက်ပါလာပြီး ရွှေကမ်းခြေ သို့ တဖြည်းဖြည်း ချဉ်းကပ်လာနေသည်။</p> <p> </p> <p> </p> <p>​နောက်တစ်နေ့ နံနက်တွင်အချက်ပေးများကြောင့်လု‌‌ပေါင်နိုးလာသည်။</p> <p> </p> <p> </p> <p>စနစ် ထံမှ တာဝန်ပေးချက် မဟုတ်ပေ။ စနစ်ကို စစ်ဆေးကြည့်လိုက်သောအခါ လိပ်ကြီးပေါ်တွင် သူတပ်ဆင်ထားသော တည်နေရာပြကိရိယာ လင်းနေခြင်း ဖြစ်ကြောင်း သိလိုက်ရသည်။ရွှေကမ်းခြေကိုညွှန်ပြ‌နေသည်။</p> <p> </p> <p> </p> <p>လိပ်ကြီးသည် လုပေါင်ကိုလာရှာခြင်းဖြစ်သည်။</p> <p> </p> <p> </p> <p>​လုပေါင် လန့်သွားပြီး ချက်ချင်းပင် ထ၍ မျက်နှာသစ်အဝတ်အစားလဲလိုက်သည်။ သူသည် ရေငုပ်မျက်မှန်နှင့် ကျောပိုးအိတ်ကို ဆွဲကာ အိမ်ပြင်သို့ အပြေးထွက်ခဲ့တော့သည် ။</p> <p> </p> <p> </p> <p>​"အပေါင်...သား ထမင်းစားမသွားတော့ဘူးလား။"</p> <p> </p> <p> </p> <p>​လုပေါင် အပြေးအလွှား ထွက်သွားသည်ကို မြင်သောအခါ အိမ်အကူဒေါ်ကြီးက လှမ်းခေါ်လိုက်သည်။</p> <p> </p> <p> </p> <p>​"အန်တီ...အန်တီပဲ များများစားလိုက်တော့ညကျွန်တော် မစားတော့ပါဘူး။" </p> <p> </p> <p> </p> <p>လုပေါင်အလောတကြီး ပြေးထွက်သွားသည်။ ထိုလိပ်ကြီးသည် ကမ်းခြေနှင့် တဖြည်းဖြည်း နီးကပ်လာနေပြီဖြစ်သည်။ ၎င်းက ကုန်းပေါ်နှင့်အတော်နီနေပြီဖြစ်သည်။</p> <p> </p> <p> </p> <p>​ရွှေကမ်းခြေ သို့ရောက်ရှိပြီဖြစ်သည်။</p> <p> </p> <p> </p> <p>​နံနက်စောစောအချိန်ဖြစ်သော်လည်း ကမ်းခြေတွင် ခရီးသွားများဖြင့် ပြည့်နှက်နေပြီး ဇင်ယော်ငှက်များ၏ အော်မြည်သံက လန်းဆန်းမှုကို ပေးစွမ်းနေသည်။</p> <p> </p> <p> </p> <p>​လိပ်ကြီးသည် ကုန်းပေါ်သို့ ရောက်ရှိနေပြီဖြစ်သည်။ လုပေါင် ရောက်လာချိန်တွင် လူပေါင်းတစ်ထောင်ကျော် ဝိုင်းအုံကြည့်နေကြပြီး ရဲများပင် ရောက်ရှိနေပြီဖြစ်သည်။</p> <p> </p> <p> </p> <p>​"မေမေ...ဟိုမှာ လိပ်ကြီ လိပ်ကြီး ကုန်းပေါ်တတ်လာတာလားမသိဘူး။"</p> <p> </p> <p> </p> <p>​"ဘုရားရေ...လိပ်ကြီးက ဘယ်လိုဖြစ်လို့ ဒီလောက်တောင် ကြီးနေရတာလဲ။"</p> <p> </p> <p> </p> <p>​"သူက တွားသွားနေတာပဲ သူ့ဘာသာသူ တက်လာတာလား။သူ့ကိုယ်ပေါ်မှာ အမှတ်အသားတွေ အများကြီးပဲ။ ဘယ်လိုဖြစ်တာလဲ။တစ်ယောက်ယောက်က သူ့ကိုယ်ပေါ်က ခရုကပ်ပါးတွေကို ရှင်းပေးထားတဲ့အတိုင်းပဲ။ ဟင်...ဘာလို့ မြင်ဖူးသလိုလို ရှိနေတာလဲ။"</p> <p> </p> <p> </p> <p>​"ဟေ့လူတို့... ဒါ ရတနာနတ်ဘုရားကယ်ထားတဲ့ လိပ်ကြီးပဲ။ သူ တကယ်ပဲ ကမ်းပေါ်တက်လာတာဟ။"</p> <p> </p> <p> </p> <p>​"ရတနာနတ်ဘုရား ဆိုတာ ဘယ်သူလဲ။"</p> <p> </p> <p> </p> <p>​"ဒီလိပ်ကြီးကိုယ်ပေါ်က ခရုကပ်ပါးတွေကို ရှင်းပေးခဲ့တဲ့ streamer လေ။ သူ ဒီကို တကယ်ရောက်လာလိမ့်မယ်လို့မထင်ထားဘူး မယုံနိုင်စရာပဲ။ အံ့ဩဖို့ကောင်းလိုက်တာ။"</p> <p> </p> <p> </p> <p>​လိပ်ကြီးသည် ပတ်ဝန်းကျင်ကို ဝေ့ကြည့်လိုက်သည်။ လုပေါင်သည် ဤနေရာမှ ကုန်းပေါ်တက်သွားခဲ့သည်ကို ၎င်းမှတ်မိနေသည်။</p> <p> </p> <p> </p> <p>​ကယ်ဆယ်ရေးအဖွဲ့က ၎င်းကို ရေထဲပြန်ဆင်းရန် ကြိုးစားသော်လည်း ၎င်းက ခေါင်းခါပြပြီး ပါးစပ်ကိုဖွင့်ကာ ထူးဆန်းသောအသံများ ပြုလုပ်နေသည်။</p> <p> </p> <p> </p> <p>​"သူက အဲဒီ streamer ကို ရှာနေတာလား။"</p> <p> </p> <p> </p> <p>ရဲအရာရှိတစ်ဦးသည် ဤကဲ့သို့သော အလုပ်မျိုးကို ပထမဆုံးအကြိမ် ကိုင်တွယ်ဖူးခြင်းဖြစ်သည်။ သူရောက်လာပြီးနောက် ဘာလုပ်ရမှန်းမသိ ဖြစ်နေသည်။ လူတစ်စုလုံး ဝိုင်းတွန်းသော်လည်း ဤကောင်ကြီးကို ရွှေ့၍မရချေ။</p> <p> </p> <p> </p> <p>​ထို့အပြင် ၎င်းက ကမ်းပေါ်သို့သာ ဆက်လက်တွားသွားနေသည်။</p> <p> </p> <p> </p> <p>​"သူနေမကောင်းလို့ အကူအညီလာတောင်းတာလား။လိပ်တွေအတွက် ဆရာဝန်ရှိလား။"</p> <p> </p> <p> </p> <p>​ရဲအရာရှိကြီးက ကယ်ဆယ်ရေးအဖွဲ့ကို လှမ်းကြည့်လိုက်သည်။</p> <p> </p> <p> </p> <p>​ကယ်ဆယ်ရေးအဖွဲ့ခေါင်းဆောင်က ခေါင်းခါလျက်</p> <p> </p> <p> </p> <p> "ကျွန်တော်တို့ စစ်ဆေးပြီးပါပြီ ပြင်ပဒဏ်ရာမရှိပါဘူး။ ပါးစပ်ထဲကိုလည်း ကြည့်ပြီးပြီ ဘာပြဿနာမှ မရှိဘူး။ အတွင်းပိုင်းကိုတော့ မစစ်ဆေးနိုင်ပေမဲ့ တစ်ခုခုဖြစ်နေတယ်ဆိုရင်တောင် သူ့အသက်ကို ကယ်ခဲ့တဲ့ streamer ကို လာရှာတာပဲ ဖြစ်ရမယ်။"</p> <p> </p> <p> </p> <p>​ရဲများမှာ ဆွံ့အသွားကြသည်။ သူတို့ ဘာလုပ်ရမည်နည်း။</p> <p> </p> <p> </p> <p>​အဓိကအချက်မှာ လူတစ်စုလုံး တားသော်လည်း တားမရခြင်းဖြစ်သည်။ ၎င်းက အလွန်ကြီးမားပြီး အင်အားသန်လွန်းလှသည်။</p> <p> </p> <p> </p> <p>​ထိုစဉ် လုပေါင်သည်လည်း သူ့အထက်လူကြီးထံမှ ဖုန်းလက်ခံရရှိလိုက်သည်။</p> <p> </p> <p> </p> <p>​"ရတနာနတ်ဘုရားရေ... မင်းကယ်ခဲ့တဲ့ လိပ်ကြီးက မင်းကိုလာရှာတာ ရွှေကမ်းခြေကို ရောက်နေပြီ။မြန်မြန် live လွှင့်တော့။ဒါက လူစိတ်ဝင်စားမှု အကြီးအကျယ် ရမှာ။ အခု လူတိုင်းက မင်းကို လိုက်ရှာနေကြတယ်။"</p> <p> </p> <p> </p> <p>​လုလင်းဟွာသည် သတင်းကို ကြားကြားချင်း စိတ်လှုပ်ရှားလွန်း၍ မူးလဲမတတ် ဖြစ်သွားသည်။ ဒါက တကယ့်ကို နတ်ဘုရားက ကူညီလိုက်သလိုပါပဲ။</p> <p> </p> <p> </p> <p>​ထိုနှစ်တစ်ထောင်သက်တမ်းရှိ လိပ်ကြီးသည် လုပေါင်ကိုရှာရန် တကယ်ပင် ကမ်းပေါ်တက်လာခဲ့ချေပြီ။</p> <p> </p> <p> </p> <p>​"ကျွန်တော် ရောက်နေပြီ..."</p> <p> </p> <p> </p> <p>​လုပေါင်လည်း ဆွံ့အသွားရသည်။ သတင်းက ဒီလောက်တောင် မြန်မြန်ပြန့်သွားတာလား။</p> <p> </p> <p> </p> <p>Ocean Live Streamမှ လူများမှာ လှုပ်လှုပ်ရှားရှား ဖြစ်နေကြသည်။ လုလင်းဟွာသည် ပိုက်ဆံ တစ်သန်းကို ချက်ချင်းထုတ်သုံးကာ ခရီးသွားတွေကို ဤအကြောင်းအရာအား အဆက်မပြတ် မျှ‌‌ဝေရန် ခိုင်းလိုက်သည်။ သတင်းခေါင်းကြီးပိုင်းများ Weibo သို့မဟုတ် trending ဖြစ်နေသော အကြောင်းအရာများ အားလုံးတွင် ocean Live stream ကိုသာ အာရုံစိုက် ကြော်ငြာခိုင်းလိုက်သည်။</p> <p> </p> <p> </p> <p>သတင်းခေါင်းစဉ်များမှာ</p> <p> </p> <p> </p> <p>​နှစ်တစ်ထောင်သက်တမ်းရှိ လိပ်ကြီးသည် ကျေးဇူးရှင်ကိုရှာရန် မိုင်ပေါင်းထောင်ချီ ခရီးနှင်လာခဲ့ပြီ။</p> <p> </p> <p> </p> <p>​ကျေးဇူးသိတတ်သော လိပ်ကြီး လူ့လောကထဲသို့ ဝင်ရောက်လာခြင်း။</p> <p> </p> <p> </p> <p>ocean Live stream ၏ ရတနာနတ်ဘုရား သမုဒ္ဒရာ၏ သားတော်။</p> <p> </p> <p> </p> <p>​ခေါင်းစဉ်အမျိုးမျိုး ထွက်ပေါ်လာပြီး လူအများ၏ စိတ်ဝင်စားမှုမှာ အထွတ်အထိပ်သို့ ရောက်ရှိသွားတော့သည်။</p> <p> </p> <p> </p> <p>​ရဲများနှင့် ကယ်ဆယ်ရေးအဖွဲ့များ ခေါင်းခဲနေစဉ် လုပေါင်သည် ရေငုပ်မျက်မှန်ကြီးကို တပ်ကာ ပြေးဝင်သွားသည်။</p> <p> </p> <p> </p> <p>​"ဖယ်ပေးကြပါ ဖယ်ပေးကြပါ"</p> <p> </p> <p> </p> <p>​လုပေါင် အတွင်းထဲသို့ ရောက်သွားသောအခါ လိပ်ကြီးကို ချက်ချင်းအော်ဟစ်နှုတ်ဆက်ပြီး ပင်လယ်ဘက်သို့ လက်ပြလိုက်သည်။</p> <p> </p> <p> </p> <p>​တွားသွားနေသော လိပ်ကြီးသည် ချက်ချင်း ခေါင်းမော့ကြည့်လိုက်ပြီး အပြုံးကြီးဖြင့် ပြုံးပြလိုက်သည်။ ၎င်းသည် ချက်ချင်းပင် လှည့်လိုက်ပြီး ခြေလက်များကို ပျော်ရွှင်စွာ လှုပ်ရှားကာ အမြီးကိုပင် ခါယမ်းပြနေသည်။ ၎င်းသည် ယခင်ကထက် ပို၍ ဖျတ်လတ်နေပုံရသည်။</p> <p> </p> <p> </p> <p>​"မင်း ဘာလို့ တက်လာတာလဲ။"</p> <p> </p> <p> </p> <p>​လုပေါင်မှာ ရယ်ရမလို ငိုရမလို ဖြစ်သွားသည်။ ဒီလောက်ကြီးနေတာတောင် ကလေးလေးတစ်ယောက်လို စိတ်ပူနေရတုန်းပဲ။</p> <p> </p> <p> </p> <p>​"ဟူးးး"</p> <p> </p> <p> </p> <p>​လိပ်ကြီးက အသံပြုကာ တုန့်ပြန်လိုက်ပြီး လုပေါင်နောက်သို့ အလွန်မြန်သောနှုန်းဖြင့် လိုက်လာသည်။</p> <p> </p> <p> </p> <p>​"ဟား... ကြည့်စမ်း ဒါရတနာနတ်ဘုရားပဲ။"</p> <p> </p> <p> </p> <p>​"ဒါ ဘယ်သူလဲ မင်းတို့ပြောတဲ့ လိပ်ကိုကယ်ခဲ့တဲ့ streamer လား။ဘုရားရေ... လိပ်ကြီးက ပြုံးပြနေတာပဲ။တကယ်ကြီး ပြုံးပြနေတာ။"</p> <p> </p> <p> </p> <p>​"အား... ရတနာနတ်ဘုရား live လွှင့်တော့လေ live လွှင့်တော့။"</p> <p> </p> <p> </p> <p>​"သက်ရှိမှန်သမျှမှာ အသိရှိကြတာပဲ။"</p> <p> </p> <p> </p> <p>​"အရမ်းချစ်ဖို့ကောင်းတာပဲသူက ကလေးလေးတစ်ယောက်လို ပြုံးပြနေတာကြည့်စမ်း ဘယ်လောက်တောင် ပျော်နေလဲ။"</p> <p> </p> <p> </p> <p>​"ဒီရတနာနတ်ဘုရား live ကို ဘယ်မှာကြည့်လို့ရလဲ။ App ကို ဘယ်လို download ဆွဲရမလဲ။တစ်ယောက်ယောက် ကူညီပေးကြပါဦး။"</p> <p> </p> <p> </p> <p>​"Ocean Live Stream မှာTreasure Godလို့ ရှာကြည့်လိုက်ပါ။ ရတနာနတ်ဘုရား‌ရေ live လွှင့်ပါတော့။"</p> <p> </p> <p> </p> <p>​လူအများအပြား နောက်ကလိုက်လာကြသည်။ လုပေါင်သည် ပင်လယ်ရေထဲသို့ အမြန်ပြေးဝင်သွားသည်။ လိပ်ကြီးက ကုန်းပေါ်တွင် အနည်းငယ် နှေးသော်လည်း ရဲများနှင့် ကယ်ဆယ်ရေးအဖွဲ့များ၏ စောင့်ရှောက်မှုကြောင့်ရေထဲသို့ အမြန်ဆင်းသွားနိုင်ခဲ့သည်။</p> <p> </p> <p> </p> <p>​"မင်း ဒီကို ဘာလာလုပ်တာလဲ။ ငါ့ကို တကယ်လာရှာတာတော့ မဟုတ်ပါဘူးနော်။"</p> <p> </p> <p> </p> <p>​လုပေါင်က လိပ်ကြီး၏ ခေါင်းကို ပုတ်လိုက်သည်။</p> <p> </p> <p> </p> <p>​လိပ်ကြီးသည် ၎င်း၏ခေါင်းကို ပင်လယ်ပြင်ဘက်သို့ အမြန်လှည့်ပြကာ ထူးဆန်းသောအသံများပြုလုပ်သည်။ ၎င်း၏အပြုံးမှာ အလွန်ပင် ချစ်စရာကောင်းလှသည်။</p> <p> </p> <p> </p> <p>​ဒါက... ၎င်းက သူ့အတွက် ရတနာသိုက်တစ်ခု ရှာတွေ့ထားလို့များလား။</p> <p> </p> <p> </p> <p>​လုပေါင် စဉ်းစားကြည့်ရင်း ရုတ်တရက် စိတ်လှုပ်ရှားသွားသည်။ သူသည် လိပ်ကြီး၏ ကျောပေါ်သို့ အမြန်တက်လိုက်ပြီး မတ်တပ်ရပ်လျက် ပြောလိုက်သည်။</p> <p> </p> <p>"ကဲ... သွားကြစို့‌ဟေး"</p> <p> </p> <p> </p> <p>​မိနစ်အနည်းငယ်ကြာပြီးနောက် လုပေါင်သည် ကြီးမားသော ဝေလငါးကြီးများကို ကြည့်ရင်း အတွေးလွန်သွားသည်။</p> <p> </p> <p> </p> <p>​"ပေါင်ရေ... မင်း ငါ့ကို ဝေလငါးတွေအတွက် အစာကျွေးဖို့ ခေါ်လာတာလား။"</p> <p> </p> <p> </p> <p>​ဝေလငါးအကြီး အသေး ပေါင်း ၁၀ ကောင်ကျော်တောင်။</p> <p> </p> <p> </p> <p>​ထိုအခါမှ လိပ်ကြီး၏ ရည်ရွယ်ချက်ကို သူနားလည်သွားတော့သည်။ ဤဝေလငါးများ၏ ကိုယ်ပေါ်တွင် ခရုကပ်ပါးများ အလွန်အမင်း ကပ်နေကြခြင်းဖြစ်သည်။ လိပ်ကြီးသည် သူ့ကို ခရုကပ်ပါးများကို ရှင်းပေးရန် တောင်းဆိုနေခြင်းဖြစ်သည်။လိပ်ကြီးသည် ဝေလငါးအုပ်စုကြားတွင် ပျော်ရွှင်စွာ ကူးခတ်နေပြီး ကြီးမားသော အရိပ်မည်းကြီးများက လုပေါင်ကို တစ်ကောင်ပြီးတစ်ကောင် ဝိုင်းရံထားကြသည်။</p> <p> </p> <p> </p> <p>​ဖားသလိပ်ဝေလငါး တွေဖြစ်သည်။</p> <p> </p> <p> </p> <p>​လုပေါင် ထိုဝေလငါးများကို သေချာကြည့်လိုက်သောအခါ အလွန်အံ့ဩသွားရသည်။ ၎င်းတို့သည် အမှန်တကယ်ပင် ရှားပါးသော ဖားသလိပ်ဝေလငါးများ ဖြစ်နေကြသောကြောင့်ပင်။</p> <p> </p> <p> </p> <p style="text-align: center;">***</p>


Save