Book List

<h2 style="text-align: center;">အခန်း (၂၈)</h2> <h2 style="text-align: center;">သမုဒ္ဒရာထဲက ကျောက်မျက်ရတနာတောင်တန်း</h2> <h2 style="text-align: center;">*</h2> <p> </p> <p> </p> <p>Ansk နည်းပညာကုမ္ပဏီသည် အလွန်နာမည်ကြီးလှသည်။ ကမ္ဘာ့ live လွှင့်ခြင်း ပလက်ဖောင်းအများအပြား၏ ဆာဗာ များမှာ ၎င်းတို့ထံမှ လာခြင်းဖြစ်ပြီး ocean Live stream လည်း အပါအဝင်ဖြစ်သည်။</p> <p> </p> <p> </p> <p>လုလင်းဟွာထံမှ သတင်းစကားကို လက်ခံရရှိသောအခါ ၎င်းတို့ အနည်းငယ် ထိတ်လန့်သွားကြသည်။</p> <p> </p> <p> </p> <p>သို့သော်လည်း လူကြည့်နှုန်း အသင့်အတင့်သာရှိသော live ပလက်ဖောင်းတစ်ခုဖြစ်ကြောင်း သိလိုက်ရသောအခါ ၎င်းတို့၏ ပထမဆုံး တွေးမိသည်မှာ တစ်ဖက်လူသည် အခမဲ့ အဆင့်မြှင့်တင်မှုရရန် ကြိုးစားနေခြင်းသာ ဖြစ်လိမ့်မည်ဟူ၍ပင်။ ဆာဗာ တွေ ပျက်ကျတော့ခြင်း လိုင်းတွေ လေးနေခြင်းများသည် မဖြစ်နိုင်ပေ။</p> <p> </p> <p> </p> <p>တရုတ်နိုင်ငံ၏ အကြီးဆုံး live ပလက်ဖောင်းပင်လျှင် 02 version ကို အသုံးပြုနေခြင်းဖြစ်သည်။ ထို version သည် တစ်ချိန်တည်းတွင် တကယ့်အသုံးပြုသူ၅ သန်းကို ကောင်းကောင်း တောင့်ခံနိုင်သည်။</p> <p> </p> <p> </p> <p>လူ ၅ သန်းဆိုသည်မှာ ဘယ်လောက်တောင် များသနည်း။</p> <p> </p> <p> </p> <p>မနက်ခင်းတွင် ၎င်းတို့ ချက်ချင်းပင် အစည်းအဝေး ခေါ်ယူလိုက်ကြသည်။</p> <p> </p> <p> </p> <p>“တောက်... တရုတ်လူမျိုးတွေကတော့ ကြွားရတာ သိပ်ဝါသနာပါတာပဲ။ လိုင်းလေးတာတို့ ဆာဗာ ပျက်ကျတော့မယ်ဆိုတာတို့က ငါတို့ဆီကနေ အလကား အဆင့်မြှင့်ခိုင်းချင်လို့ ပြောတာပဲ ဖြစ်ရမယ်။”</p> <p> </p> <p> </p> <p>“ငါတို့ရဲ့ သဘောတူညီချက်အရ ဆာဗာ တစ်ခါ အဆင့်မြှင့်တိုင်း အမေရိကန်ဒေါ်လာ ၅ သိန်း ပေးရမှာလေ။ သူတို့က အဲဒီပိုက်ဆံကို မပေးချင်တော့ ငါတို့ ဆာဗာ တွေ မကောင်းဘူးလို့ အပြစ်ပုံချနေတာပေါ့။ ရယ်စရာပဲ ဘယ်နိုင်ငံက live ပလက်ဖောင်းမှာ အဲဒီလောက် လူအများကြီး ရှိနေလို့လဲ။”</p> <p> </p> <p> </p> <p>“ငါတို့ဆီမှာ အခု 03 နဲ့ 04 version တွေ ရှိနေပြီဆိုပေမဲ့ သူတို့ပြောတိုင်းတော့ အလကား အဆင့်မြှင့်ပေးလို့ မရဘူးလေ။”</p> <p> </p> <p> </p> <p>Ansker သည် နည်းပညာကုမ္ပဏီတစ်ခုဖြစ်ပြီး ရှယ်ယာရှင်အများစုမှာ နည်းပညာ လောက၏ထိပ်သီးများ ဖြစ်ကြရာ တစ်ယောက်ထက်တစ်ယောက်ကမာနကြီးကြသည်။ ၎င်းတို့၏ ဆာဗာ က လူကြည့်နှုန်းကို မတောင့်ခံနိုင်ဘူးဆိုသည်မှာ မည်သို့မျှ မဖြစ်နိုင်ဟု ယူဆကြသည်။</p> <p> </p> <p> </p> <p>ထို့အပြင် ၎င်းသည် ထိပ်တန်းပလက်ဖောင်းတစ်ခုပင် မဟုတ်ချေ။ အကယ်၍ လူကြည့်နှုန်း ထိုမျှအထိ မြင့်မားနေပါက အခြားပလက်ဖောင်းများကို ကျော်တက်သွားမည် မဟုတ်ပါလား။ဖြစ်နိုင်သည်မှာ သူတို့၏ နည်းပညာရှင်များက အပျော်တမ်းအဆင့်သာ ရှိနေခြင်းကြောင့် ဖြစ်လိမ့်မည်။</p> <p> </p> <p> </p> <p>“ကျွန်တော်တို့ဘက်က စစ်ဆေးကြည့်တော့ တကယ်ပဲ ပုံမှန်မဟုတ်တဲ့ ဝန်ပိမှုတွေရှိနေတာ တွေ့ရတယ်။ ဒါပေမဲ့ ဒါက ဆာဗာ ပြဿနာပဲ ဖြစ်ရမယ်။ ဒီအရင်းရှင်တွေက အမြတ်ပဲ ကြည့်ကြတော့ ဆာဗာ ကို စနစ်တကျ ပြုပြင်ထိန်းသိမ်းမှုတောင် လုပ်ပုံမရဘူး။</p> <p> </p> <p> </p> <p>ဟက်ဒ်လေက စားပွဲကို ခေါက်လျက်</p> <p> </p> <p> </p> <p>“အန်နာဘဲလ် မင်း အဲဒီကို သွားလိုက်ပါ။ အကယ်၍ ငါတို့ဘက်က ပြဿနာဆိုရင်တော့ အခမဲ့ ပြုပြင်ပြီး အဆင့်မြှင့်ပေးလိုက်မယ်။ အကယ်၍ ငါတို့ဘက်က ပြဿနာမဟုတ်ရင်တော့ တစ်ပြားတစ်ချပ်မှ လျှော့ပေးစရာ မလိုဘူး။”</p> <p> </p> <p> </p> <p>၎င်းတို့ဘက်မှ စစ်ဆေးချက်များအရ ပြဿနာအချို့ ရှိနေသည်မှာတော့ အမှန်ပင်သို့သော်လည်း ဆာဗာ ပျက်ကျလောက်အောင်အထိ လူကြည့်နှုန်း မြင့်တက်နေသည်ဆိုသည်ကိုတော့ သူ မယုံကြည်ပေ။</p> <p> </p> <p> </p> <p>အန်နာဘဲလ်သည် ဆံပင်ရွှေရောင်နှင့် ပြာလဲ့သော မျက်ဝန်းများကို ပိုင်ဆိုင်ထားသည့် လှပသော အနောက်တိုင်းသူလေး တစ်ဦးဖြစ်သည်။ သူမ၏ ဆွဲဆောင်မှုရှိသော ကိုယ်လုံးကိုယ်ပေါက်ကြောင့် လူတိုင်း၏ အကြည့်ကို မရည်ရွယ်ဘဲ ဖမ်းစားထားလေ့ရှိသည်။</p> <p> </p> <p> </p> <p>“ကောင်းပါပြီ ဒါပေမဲ့ ကျွန်မ အဲဒီမှာ နောက်ထပ် လဝက်လောက်တော့ ပိုနေချင်ပါတယ်။” </p> <p> </p> <p> </p> <p>အန်နာဘဲလ်ကဟက်ဒ်လေကို သူမ၏ ညှို့ဓာတ်ပြင်းသော မျက်ဝန်းများဖြင့် ကြည့်ကာ ပြောလိုက်သည်။</p> <p> </p> <p> </p> <p>“တရုတ်ပြည်က ခရီးသွားလုပ်ငန်းက မင်းထင်သလောက် မကောင်းပါဘူး။ အချိန်တစ်ပတ်ပဲ ပေးမယ်။”</p> <p> </p> <p> </p> <p>“သဘောတူပါတယ်။”</p> <p> </p> <p> </p> <p>Ansker သည် လုလင်းဟွာထံသို့ ချက်ချင်း အကြောင်းပြန်လိုက်သည်။အကယ်၍ ၎င်းတို့၏ ဆာဗာ ပြဿနာဖြစ်ပါက အခမဲ့ အဆင့်မြှင့်တင်ပေးမည့်အပြင် ၎င်းတို့၏ နောက်ဆုံးပေါ် နည်းပညာများကိုလည်း ပံ့ပိုးပေးမည်ဖြစ်ပြီး နောင်တွင်လည်း အမြဲတမ်း အခမဲ့ အဆင့်မြှင့်တင်ပေးရန် ကတိပြုခဲ့သည်။သို့သော် အကယ်၍ ပြဿနာမှာ ocean Live stream ဘက်မှ ဖြစ်နေပါက အမေရိကန်ဒေါ်လာ ၅ သိန်း ပေးဆောင်ရမည့်အပြင် Ansker မှ လာရောက်သော ဝန်ထမ်းများအတွက် အစားအသောက် အဝတ်အထည် နေထိုင်ရေးနှင့် ခရီးစရိတ်အားလုံးကို အကုန်အကျခံရမည်ဖြစ်ပြီး တည်းခိုခန်းမှာ ကြယ်ငါးပွင့်ဟိုတယ် ဖြစ်ရမည်။</p> <p> </p> <p> </p> <p>“တောက် ဘာတွေလာပြောနေတာလဲ။”</p> <p> </p> <p> </p> <p>လူလင်းဟွာသည် Ansker နည်းပညာကုမ္ပဏီအပေါ် အစကတည်းကအမြင်မကြည်ဖြစ်နေခဲ့သည်။ ပိုက်ဆံလည်း ပေးရသေးသည်။မျက်နှာချိုလည်း သွေးရသေးသည်။ ယခုမူ သူတို့၏ ဆာဗာ များက လူကြည့်နှုန်းကို မတောင့်ခံနိုင်သည်ကိုပင် သူ့ကို လိမ်လည်သူတစ်ဦးကဲ့သို့ ဆက်ဆံနေကြသည် မဟုတ်ပါလား</p> <p> </p> <p> </p> <p>လုလင်းဟွာသည် ဒေါသတကြီးဖြင့် တိုက်ရိုက် သဘောတူလိုက်သည်။ သဘောတူပြီးနောက်တွင်မူ သူ အနည်းငယ် စိုးရိမ်လာသည်။ အကယ်၍ အချိန်တန်မှ လူကြည့်နှုန်းက မရှိဘဲ ဖြစ်နေရင် ဘယ်လိုလုပ်မလဲ။</p> <p> </p> <p> </p> <p>သို့သော် လုပေါင်ကို သတိရသွားပြီးနောက် သူသည် လုပေါင်ထံသို့ ချက်ချင်း ဖုန်းဆက်လိုက်သည်။</p> <p> </p> <p> </p> <p>လုလင်းဟွာက အခြေအနေအားလုံးကို ဘာမှမဖုံးကွယ်ဘဲ ရှင်းပြသောအခါ လုပေါင်မှာ စိတ်ဓာတ်ကျမည့်အစား ပို၍ တက်ကြွလာတော့သည်။ သူလုပ်ရမည့်အလုပ်မှာ စိတ်လှုပ်ရှားဖွယ် live တစ်ခုကို ပြသရန်သာ ဖြစ်ပြီး ကျန်တာကိုမူ လုလင်းဟွာနှင့် ၎င်းတို့၏ လုပ်ငန်ဝန်ထမ်းအဖွဲ့က တာဝန်ယူရမည်ဖြစ်သည်။</p> <p> </p> <p> </p> <p>လုပေါင် သဘောတူလိုက်သည်။ သူ့တွင် တစ်ရက်သာ အချိန်ရသဖြင့် စိတ်လှုပ်ရှားဖွယ် live ခေါင်းစဉ်တစ်ခုကို ရှာဖွေရန် လိုအပ်သည်။</p> <p> </p> <p> </p> <p>“နှင်းလုံးလေးငါတို့ ဘာလုပ်ကြရင်ကောင်းမလဲ။”</p> <p> </p> <p> </p> <p>လုပေါင်သည်ကုတင်ပေါ်တွင် လှဲလျက် နားနားတွင် နားနေသော ကြက်တူရွေးကြီးကို လက်ဖြင့် တို့ထိရင်း စဉ်းစားနေမိသည်။</p> <p> </p> <p> </p> <p>“ဂူး...”</p> <p> </p> <p> </p> <p>နှင်းလုံးလေးက သူ့ကို ပြန်ဆိတ်လိုက်ပြီးနောက် ကုတင်ပေါ်တွင် ကွေးကွေးလေး လှဲကာ ပြန်အိပ်ပျော်သွားတော့သည်။</p> <p> </p> <p> </p> <p>အောက်ဘက်တွင် လှဲနေသော ဒါပေါင် ကလည်း သူ့ကို ခေါ်သည်မှတ်၍ ချက်ချင်း ခေါင်းထောင်ကြည့်သော်လည်း မဟုတ်ကြောင်း သိရသဖြင့် ပြန်လှဲနေလိုက်တော့သည်။</p> <p> </p> <p> </p> <p>“ဒါပေါင်ကို ဝံပုလွေဂူထဲ ခေါ်သွားပြီး မိတ်လိုက်တာကို live လွှင့်ရမလား။”</p> <p> </p> <p> </p> <p>ဒါမှမဟုတ် ရွှေရောင်ကျားကြီးရဲ့ ဂူထဲကို ကိုယ်တိုင်သွားပြီး ကျားကို ထပ်ပွတ်ရမလား။ဒါမှမဟုတ် မျောက်ဘုရင်ကြီးဆီ သွားပြီး လက်ဝှေ့ ဆက်ကျင့်ရမလား။</p> <p> </p> <p> </p> <p>ဘယ်အရာက အစိတ်ဝင်စားဆုံး ဖြစ်မလဲ။</p> <p> </p> <p> </p> <p>ရုတ်တရက် သူသည် စာအုပ်စင်ပေါ်တွင် တင်ထားသော ရွှေတုံးနှင့် မျောက်ဝိုင်ဘူးကို မြင်လိုက်ရသောအခါ အတွေးတစ်ခု ရသွားသည်။ရတနာရှာဖွေရန်ဖြစ်သည်။</p> <p> </p> <p> </p> <p>လူတိုင်းတွင် အဖိုးတန်ပစ္စည်းရှာ လိုသော စိတ်ဆန္ဒ ရှိကြပြီး ရတနာရှာရန် အကောင်းဆုံးနေရာမှာ သမုဒ္ဒရာကြမ်းပြင်ပင် ဖြစ်သည်။ ထိုနေရာမှာ မှောင်အတိကျနေသော်လည်း စူပါ live ကင်မရာက အလွန်ကြည်လင်စွာ မြင်ရအောင် လုပ်ပေးနိုင်သည်။</p> <p> </p> <p> </p> <p>ပင်လယ်ကြမ်းပြင်မှာ သင့်တော်တဲ့ live လွှင့်မယ့်နေရာတစ်ခုကို သေချာရှာမှ ဖြစ်တော့မယ်။</p> <p> </p> <p> </p> <p>ညဉ့်နက်သောအခါတွင် တိမ်တိုက်များက လမင်းကို ဖုံးအုပ်ထားသည်။</p> <p> </p> <p> </p> <p>လုပေါင်သည် ကုတင်ပေါ်တွင် ဟိုလှည့်ဒီလှည့်ဖြင့် အိပ်မပျော်နိုင် ဖြစ်နေသည်။</p> <p> </p> <p> </p> <p>“ဂူး...”</p> <p> </p> <p> </p> <p>နှင်းလုံးလေးမှာ လုပေါင်ကြောင့် ခဏခဏ နိုးနေသဖြင့် စိတ်တိုကာ သူ့ကို အချက်အနည်းငယ် ဆိတ်လိုက်ပြီးနောက် ကုတင်အစွန်းဘက်သို့ တိုး၍ ဆက်အိပ်တော့သည်။</p> <p> </p> <p> </p> <p>“အိပ်လို့မရဘူး။ ပင်လယ်ကြမ်းပြင်မှာ ရတနာသွားရှာမှပဲ။”</p> <p> </p> <p> </p> <p>လုပေါင်သည် တကယ်ပင် အိပ်မပျော်နိုင်တော့ချေ။ သူသည် အဝတ်အစားများကို တိတ်တဆိတ် ဝတ်လိုက်ပြီး ပြတင်းပေါက်ကို ဖွင့်ကာ အပြင်သို့ ခုန်ထွက်ခဲ့ပြီး ညမှောင်မှောင်ထဲတွင် ပျောက်ကွယ်သွားတော့သည်။</p> <p> </p> <p> </p> <p>ညဘက်တွင် သမုဒ္ဒရာ၏ ဖိအားများကာ အလွန်များနေပြီး လှိုင်းလုံးများကလည်း ပြင်းထန်နေသည်။ တစ်ခါတစ်ရံတွင် လရောင် အနည်းငယ် ကျလာတတ်သော်လည်း မကြာမီမှာပင် တိမ်တိုက်များက ပြန်လည်ဖုံးအုပ်သွားတတ်သည်။</p> <p> </p> <p> </p> <p>သို့သော်လည်း သူ၏ အမြင်အာရုံမှာ အံ့ဩစရာကောင်းလှပြီး အရာအားလုံးကို ရှင်းလင်းစွာ မြင်နေရသည်။</p> <p> </p> <p> </p> <p>ပင်လယ်ထဲသို့ ရောက်သည်နှင့် သူ၏ ပင်လယ်ဘုရင် ခန္ဓာကိုယ် မှာ ချက်ချင်း နိုးကြားလာသည်။ လုပေါင်သည် မျက်လုံးများကို အသာအယာ မှိတ်ထားပြီး သမုဒ္ဒရာ၏ အေးချမ်းမှုကို ခံစားလိုက်သည်။ သူ၏ ခန္ဓာကိုယ်မှာ ပင်လယ်ရေထဲတွင် အသက်ရှူနိုင်နေသကဲ့သို့ပင်ဖြစ်နေသည်။</p> <p> </p> <p> </p> <p>“နစ်မြုပ်နေတဲ့ သင်္ဘောတစ်စင်း ရှာတွေ့ရင်တော့ အကောင်းဆုံးပဲ။”</p> <p> </p> <p> </p> <p> </p> <p>လုပေါင်သည် ရေအောက် ရတနာရှာဖွေမှုကို စတင်လိုက်သည်ာ</p> <p> </p> <p> </p> <p>Live တစ်ခုကို ပရိသတ်တွေ အသည်းအသန် အားပေးလာအောင် လုပ်ဖို့ဆိုရင် ရတနာရှာတာထက် ကောင်းတာ ဘာရှိဦးမလဲ။</p> <p> </p> <p> </p> <p>ကျောက်တန်းတွေ သန္တာကျောက်တန်းတွေပင်လယ်မျှော့တွေ အဘလုံတွေ ငါးတွေ့ကမာတွေ... ဒါတွေ တစ်ခုမှ လုပေါင်ကို စိတ်ကျေနပ်မှု မပေးနိုင်ပေ။ သူရှာနေသည်မှာ လူတိုင်းကို စိတ်လှုပ်ရှားသွားစေမည့် ဧရာမရတနာကြီး အနည်းဆုံးတော့ မြင်ရုံနဲ့တင် အံ့ဩသွားစေမယ့် အရာမျိုး ဖြစ်သည်။”</p> <p> </p> <p> </p> <p>မီတာ ၂၀၀... မီတာ ၃၀၀... အချိန်များ ကုန်ဆုံးလာသည်။ ပင်လယ်ဘုရင် ခန္ဓာကိုယ်၏ အစွမ်းကြောင့် လုပေါင်သည် ပင်လယ်ထဲတွင် လွတ်လပ်စွာ ဆော့ကစားနေသော ငါးတစ်ကောင်ကဲ့သို့ ခံစားနေရသည်။</p> <p> </p> <p> </p> <p>“ပင်လယ်ကြမ်းပြင်မှာ မရေမတွက်နိုင်တဲ့ ရတနာတွေ ရှိနေရမှာ မဟုတ်ဘူးလား “</p> <p> </p> <p> </p> <p>နာရီဝက်ခန့် ရှာဖွေပြီးနောက်တွင် လုပေါင်သည် ဘာမှ ရှာမတွေ့သေးပေ။</p> <p> </p> <p> </p> <p>သူသည် ပင်လယ်ကြမ်းပြင် မီတာ တစ်ထောင်ခန့်အထိ ရောက်ရှိနေသော်လည်း လက်ဗလာသာ ဖြစ်နေသည်။ ထိုအစား ထူးဆန်းပြီး အရုပ်ဆိုးသော ပင်လယ်သတ္တဝါအချို့ကိုသာ တွေ့ရ၍ သူက လှည့်ပင်မကြည့်ဘဲ လျစ်လျူရှုထားလိုက်သည်။</p> <p> </p> <p> </p> <p>သမုဒ္ဒရာထဲတွင် သူသည် ဟိုဘက်ဒီဘက် ကင်းလှည့်သကဲ့သို့ လိုက်ရှာနေသည်။</p> <p> </p> <p> </p> <p>ရုတ်တရက် သူ၏ အမြင်အာရုံထဲတွင် တလက်လက် တောက်ပနေသော အပြာရောင် အမှတ်အသား များပေါ်လာသည်။ ယခင်ကလည်း ထိုကဲ့သို့ အလင်းတန်းများကို တွေ့ဖူးသော်လည်း ၎င်းတို့မှာ ပင်လယ်သတ္တဝါများ၏ သားကောင်ဖမ်းသည့် နည်းဗျူဟာများသာ ဖြစ်တတ်ကြသည်။ သို့သော် ယခုတစ်ကြိမ်တွင်မူ ဤအရာများသည် အဖိုးတန်အရာများ ဖြစ်လိမ့်မည်ဟု သူ ခံစားလိုက်ရသည်။</p> <p> </p> <p> </p> <p>“ချောက်ကမ်းပါး တစ်ခုလား။”</p> <p> </p> <p> </p> <p>သူ အနားသို့ တိုးသွားသောအခါမှ ဤအရာသည် အမှန်တကယ်တော့ ပင်လယ်အောက်ခြေရှိ ရေလက်ကြားတစ်ခု ဖြစ်ကြောင်း တွေ့လိုက်ရသည်။ ကျဉ်းသော နေရာများမှာ တစ်မီတာ နှစ်မီတာခန့်သာ ရှိပြီး ကျယ်သော နေရာများမှာ ၁၀ မီတာကျော်အထိ ရှိသည်။ လုပေါင် ထိုနေရာသို့ ရောက်သွားသောအခါ မျက်စိရှေ့က မြင်ကွင်းကြောင့် မှင်သက်သွားရတော့သည်။</p> <p> </p> <p> </p> <p>“ဘုရားရေ..”</p> <p> </p> <p> </p> <p>ပင်လယ်နက် ကျောက်ဆောင်တန်းကြီး တစ်ခုဖြစ်ပြီး ထိုကျောက်ဆောင်များကြားတွင် ကျောက်မျက်ရတနာများက ဆွဲဆောင်မှုရှိသော အရောင်အသွေးများဖြင့် တောက်ပနေကြသည်။အချို့မှာ တောက်ပသော အပြာရောင် အချို့မှာ မှိန်ပျပျ အပြာရောင်များ ဖြစ်ကြသည်။</p> <p> </p> <p> </p> <p>“ကျောက်မျက်ရတနာတွေလား။ဒါမှမဟုတ် သလင်းကျောက်တွေလား။”</p> <p> </p> <p> </p> <p>လုပေါင်သည် ထိုရေလက်ကြားထဲသို့ အမြန်တိုးဝင်သွားပြီး တလက်လက် တောက်ပနေသော ကျောက်တုံးတစ်ခု၏ အနားသို့ ချဉ်းကပ်လိုက်သည်။</p> <p> </p> <p>“ဒါက... နီလာလား။”</p> <p> </p> <p style="text-align: center;">***</p>


Save