Book List

<h2 style="text-align: center;">အခန်း (၁၅၀)</h2> <h2 style="text-align: center;">အသွင်ပြောင်းနယ်ပယ် ဒုတိယအဆင့်</h2> <h2 style="text-align: center;">*</h2> <p> </p> <p> </p> <p>"လုဝေ့... ရှင်လာတာနဲ့ အတော်ပဲ။ ဒီသင်းခွေချပ်သားရဲကို သယ်ဖို့ ကူညီပေးပါဦး။"</p> <p>ချန်ရွှယ်ကတော့ ဘာကိုမှ ဂရုမစိုက်သည့် ပုံစံမျိုးဖြင့် ပြောလိုက်သည်။</p> <p>လုဝေ့ ရှေ့သို့ တက်သွားပြီး သင်းခွေချပ်သားရဲ၏ အလောင်းကို ဆွဲယူကာ မြေပြင်ပေါ်သို့ ပစ်‌ပေါက်ချလိုက်သည်။</p> <p>"ချန်ရွှယ်... မင်း တကယ်ပဲ ဘာတွေ လုပ်နေတာတုန်းကွ"</p> <p>ချန်ရွှယ်က နှာမှုတ်လိုက်ပြီး "ရှင်တို့အားလုံး အစ်ကိုကျိုးအတွက် လက်စားမချေပေးရင် ကျွန်မကိုယ်တိုင် လုပ်မယ်။ ဒီသင်းခွေချပ်သားရဲက တစ်ကောင်တည်း ရှိနေတာ။ သူ့ကို သတ်ဖို့ ကျွန်မ အတော်လေး အားစိုက်ခဲ့ရတယ်"</p> <p>"တစ်ကောင်တည်းလား"</p> <p>"ဟုတ်တယ်။ ကျွန်မက သင်းခွေချပ်သားရဲတွေရဲ့ အသိုက်ထဲကို ဝင်တိုက်ပြီး အသေခံမယ့်သူလို့ ရှင်ထင်နေတာလား။"</p> <p>"ဒါပေမဲ့ တစ်ကောင်တည်း ဖြစ်နေရင်တောင် သင်းခွေချပ်သားရဲတွေက အုပ်စုလိုက် နေတတ်တာ မင်းမသိဘူးလား။ တစ်ကောင်တည်း ရှိနေတဲ့ သားရဲက နတ်ဆိုးတစ်ကောင် ဖြစ်နေတာဟာ တိုက်ဆိုင်မှုလို့ မင်းထင်နေတာလား။ အဲဒါ ကင်းလှည့်နေတဲ့ နတ်ဆိုးလည်း ဖြစ်နိုင်တာပဲ"</p> <p>တောင်ပိုင်းတောင်တန်း အခြေစိုက်စခန်းတွင် နှစ်အတော်ကြာ နေထိုင်ခဲ့သဖြင့် လုဝေ့သည် သင်းခွေချပ်သားရဲများအကြောင်းကို ကောင်းကောင်း သိထားသည်။ ဤသားရဲများသည် နယ်မြေစွဲ အလွန်ကြီးမားကြသည်။ သူတို့၏ နယ်မြေအတွင်းတွင် လူသားများကဲ့သို့ပင် ကင်းလှည့်ရန်အတွက် သားရဲများကို စေလွှတ်လေ့ရှိသည်။</p> <p>အကယ်၍ ကင်းလှည့်နေသော နတ်ဆိုးတစ်ကောင် ပျောက်ကွယ်သွားပါက ပြဿနာတက်ပေလိမ့်မည်။ ထိုသင်းခွေချပ်သားရဲများ သေချာပေါက် ရုတ်ရုတ်သဲသဲ ဖြစ်လာကြပေလိမ့်မည်။</p> <p>"ဒီလောက်အထိတော့ မတိုက်ဆိုင်နိုင်ပါဘူး။ ကျွန်မ အသိုက်နားကိုတောင် မရောက်သေးဘူး။ အခြေစိုက်စခန်းနဲ့ မလှမ်းမကမ်းမှာပဲ ဒီကောင်ကို တွေ့လိုက်တာ"</p> <p>ချန်ရွှယ် အလွန်ပျော်ရွှင်နေပုံရသည်။ သင်းခွေချပ်သားရဲတစ်ကောင်ကို သတ်လိုက်ရသဖြင့် သူမ၏ ဒေါသများ အတော်လေး လျော့ပါးသွားခဲ့ပြီ ဖြစ်သည်။</p> <p>"ချန်ရွှယ်... မင်း တကယ်ကို မဆင်မခြင် လုပ်တာပဲ။ ဒီကိစ္စကို ငါ စစ်သေနာပတိချုပ်ဆီ သတင်းပို့ရလိမ့်မယ်။ အဲဒီအချိန်ကျရင် စစ်သေနာပတိချုပ်က မင်းကို အပြစ်ပေးမပေးဆိုတာတော့ ငါ မသိဘူး"</p> <p>"ပေးချင်သလို ပေးပါစေ"</p> <p>ချန်ရွှယ်သည် သင်းခွေချပ်သားရဲကို သယ်ပြီး ထွက်သွားတော့သည်။ နတ်ဆိုးအဆင့်ရှိသော သင်းခွေချပ်သားရဲတစ်ကောင်မှာ အလွန် တန်ဖိုးရှိပြီး အထူးသဖြင့် အကျိုးပြုမှတ် နှင့် လဲလှယ်၍ ရနိုင်သည်။</p> <p>တောင်ပိုင်းတောင်တန်း အခြေစိုက်စခန်းတွင် သာလွန်လူသား ကျွမ်းကျင်သူတစ်ဦးသည် ကာကွယ်ရေးတာဝန် တစ်ကြိမ်အတွက် ရရှိသော အကျိုးပြုမှတ်မှာ အလွန်ပင် နည်းပါးလှသည်။ ဥပမာအားဖြင့် စစ်သေနာပတိချုပ် လင်းဖုန်းပင်လျှင် ကာကွယ်ရေးတာဝန်အတွက် တစ်နှစ်လျှင် အကျိုးပြုမှတ် ၁၀ မှတ်သာ ရရှိသည်။ သာမန်သာလွန်လူသားများမှာမူ ၅ မှတ်သာ ရရှိကြသည်။</p> <p>အကယ်၍ ထိုအကျိုးပြုမှတ် ၅ မှတ်ပေါ်မှာသာ မှီခိုနေရပါက သိုင်းပညာရပ်များ၊ ကျင့်စဉ်များနှင့် လိုအပ်သော လက်နက်ကိရိယာများကို သိုင်းနယ်မြေကွန်ရက်၏ အွန်လိုင်းအရောင်းဆိုင်မှ ဝယ်ယူနိုင်ရန်အတွက် အချိန်အတော်ကြာ စောင့်ဆိုင်းရပေလိမ့်မည်။</p> <p>သိုင်းပညာရပ်နှင့် သိုင်းကျင့်စဉ်များမှာ အလွန် ဈေးကြီးလှသည်။</p> <p>ထို့ကြောင့် အကျိုးပြုမှတ်ရရှိရန် အကောင်းဆုံးနည်းလမ်းမှာ ထိုသားရဲရိုင်းများ သို့မဟုတ် နတ်ဆိုးများကို အမဲလိုက်ခြင်းပင် ဖြစ်သည်။ ဥပမာအားဖြင့် သင်းခွေချပ်သားရဲများထဲမှ သားရဲဘုရင်တစ်ကောင်သည် ဂုဏ်ပြုမှတ် အနည်းငယ်သာ တန်ဖိုးရှိသော်လည်း သာမန်သားရဲရိုင်းများမှာမူ ဂုဏ်ပြုမှတ် လုံးဝ မရရှိပေ။</p> <p>သာမန် နတ်ဆိုးတစ်ကောင်ကို သတ်နိုင်လျှင် သို့မဟုတ် အရှင်ဖမ်းမိလျှင် ဂုဏ်ပြုမှတ် ၅ မှတ် ရရှိမည် ဖြစ်သည်။ အကယ်၍ နတ်ဆိုးဗိုလ်ချုပ်သာ ဖြစ်ပါက တစ်မျိုးတစ်မည် ဖြစ်သွားပေလိမ့်မည်။ ဂုဏ်ပြုမှတ် ၅၀ ကို တစ်ပြိုင်နက်တည်း ရရှိနိုင်သည်။</p> <p>အမှန်ပင်။ နတ်ဆိုးဗိုလ်ချုပ်တစ်ကောင်ကို သတ်ရန်မှာ အလွန် ခက်ခဲလှသည်။ သာမန်နတ်ဆိုးများပင်လျှင် သတ်ရန် မလွယ်ကူပေ။ ချန်ရွှယ်က လွယ်ကူသည်ဟု ပြောသော်လည်း နောက်ဆုံးတွင် သတ်နိုင်ရန်အတွက် ထိုနတ်ဆိုးနှင့် ပြင်းထန်သော တိုက်ပွဲတစ်ခုကို ဆင်နွှဲခဲ့ရမည်မှာ အသေအချာပင်။</p> <p>ချန်ရွှယ် ဥပေက္ခာပြုကာ ထွက်သွားသည်ကို ကြည့်ရင်း လုဝေ့ ပါးစပ်ဟလိုက်သော်လည်း ဘာပြောရမှန်း မသိတော့ပေ။</p> <p>"တကယ်လို့ ချန်ရွှယ်သာ ဒီလိုပဲ ဆက်ပြီး စိတ်ထင်သလို လုပ်နေမယ်ဆိုရင် အနှေးနဲ့အမြန်ဆိုသလို သူမကိုယ်တိုင်ရော အခြေစိုက်စခန်းတစ်ခုလုံးပါ ပျက်စီးသွားလိမ့်မယ်။ သူမကို ဒီမှာ ဆက်ထားလို့ မဖြစ်တော့ဘူးပဲ"</p> <p>လုဝေ့ ခဏမျှ တွေးတောပြီးနောက် ဆုံးဖြတ်ချက် တစ်ခု ချလိုက်ကာ လင်းဖုန်း၏ နေအိမ်သို့ အပြေးအလွှား သွားတော့သည်။</p> <p>"အောင်မြင်ပြီ"</p> <p>လျှို့ဝှက်ခန်းထဲတွင် လင်းဖုန်းသည် သူ၏ ခန္ဓာကိုယ်ထဲရှိ တိုးလျှံနေသော ကြယ်တာရာစွမ်းအားများကို အာရုံခံမိလိုက်သည်။ လက်ရှိလင်းဖုန်းတွင် ရှိသောစွမ်းအားမျှင်အရေအတွကိမှာ တစ်ခု နှစ်ခု မဟုတ်သလို မူလကရှိသော ၅၂၃ ခုလည်း မဟုတ်တော့ပေ။</p> <p>စုစုပေါင်း ကြယ်တာရာစွမ်းအားမျှင် ၂၆၀၀ ပင်။</p> <p>ပုံမှန်အားဖြင့် သိုင်းသမားများ အသွင်ပြောင်းနယ်ပယ် ပထမအဆင့်မှ ဒုတိယအဆင့်သို့ တက်လှမ်းသည့်အခါ ကြယ်တာရာစွမ်းအားမှာ တစ်ခဏအတွင်း အဆမတန် တိုးပွားလာလေ့ရှိသည်။ လင်းဖုန်းအတွက်လည်း ထိုနည်းတူပင်။ မူလက ၅၀၀ ကျော်သာရှိသော စွမ်းအားမျှင်မှာ ယခုအခါ ၂,၆၀၀ အထိ တဟုန်ထိုး တိုးတက်လာခဲ့သည်။ ဤသည်မှာ အမှန်တကယ်ပင် အံ့ဩစရာ ကောင်းလှသည်။</p> <p>ပုံမှန်အားဖြင့် အသွင်ပြောင်းနယ်ပယ် ဒုတိယအဆင့် သိုင်းသမားတစ်ဦး၏ အကန့်အသတ်မှာ စွမ်းအားမျှင် ၉၉၉ ခုသာ ရှိသည်။ သို့သော် လင်းဖုန်းမှာမူ သာမန် ဒုတိယအဆင့် သိုင်းသမားတစ်ဦး၏ အကန့်အသတ်ကို ကျော်လွန်သွားရုံသာမက ထိပ်တန်း ဒုတိယအဆင့် သိုင်းသမားတစ်ဦးထက် နှစ်ဆကျော်ပိုလွန်သော ခွန်အားကိုပင် ပိုင်ဆိုင်ထားပြီ ဖြစ်သည်။</p> <p>ထို့ပြင် ဤသည်မှာ လင်းဖုန်း၏ အကန့်အသတ် မဟုတ်သေးပေ။ သူ၏ ကြယ်တာရာစွမ်းအားမှာ ဆက်လက် တိုးပွားနိုင်သေးပြီး နောက်ဆုံးတွင် ၅၀၀၀ ကျော်အထိပင် ရောက်ရှိနိုင်ပေသည်။</p> <p>လင်းဖုန်းအနေဖြင့် များပြားလှသော စွမ်းအားများကို မျှော်လင့်ထားသော်လည်း ဤမျှလောက်သော စွမ်းအားများ တစ်ပြိုင်နက်တည်း ပေါ်ထွက်လာမှုအတွက် အနည်းငယ် တုန်လှုပ်မိဆဲပင်။</p> <p>ကြယ်တာရာစွမ်းအားမျှင် ၂၆၀၀ နှင့်ဆိုလျှင် ဟင်းလင်းပြင်ပူဖောင်းကို အားကုန်သုံးမည်ဆိုပါက တစ်ပြိုင်နက်တည်းတွင် ပူဖောင်းခြောက်ခုအထိ အသုံးပြုနိုင်ပေလိမ့်မည်။ ရန်သူအများအပြားကို ရင်ဆိုင်ရလျှင်ပင် လင်းဖုန်း ကြောက်နေစရာ မလိုတော့ပေ။</p> <p>ထို့ပြင် ဟင်းလင်းပြင်ပူဖောင်း၏ စွမ်းအားမှာလည်း ကြယ်တာရာစွမ်းအားပေါ်မူတည်၍ တိုးလာနိုင်သည်။ ဥပမာအားဖြင့် အခြေခံအကျဆုံး ပူဖောင်းတစ်ခုအတွက် စွမ်းအားမျှင် ၄၀၀ ကုန်ကျသည်။ သို့သော် အကယ်၍ စွမ်းအားမျှင် ၂၆၀၀ စလုံးကို အသုံးပြုပြီး ပူဖောင်းတစ်ခုတည်းကို ဖန်တီးမည်ဆိုပါက ၎င်းသည် မည်မျှလောက်အထိ အစွမ်းထက်လိုက်မည်နည်း။</p> <p>လင်းဖုန်း တစ်ခါမျှ မစမ်းသပ်ဖူးသော်လည်း အသွင်ပြောင်းနယ်ပယ် ဒုတိယအဆင့် သိုင်းသမားတစ်ဦးမှာမူ သေချာပေါက် ခုခံနိုင်လိမ့်မည် မဟုတ်ကြောင်း ခန့်မှန်းနိုင်သည်။ အကြောင်းမှာ ကြယ်တာရာစွမ်းအား ကွာခြားချက်ကပင် အလွန်ကြီးမားနေသောကြောင့်ပင်။</p> <p>လက်ရှိတွင် လင်းဖုန်းသည် အသွင်ပြောင်းနယ်ပယ် ဒုတိယအဆင့်သို့ အောင်မြင်စွာ တက်လှမ်းနိုင်ခဲ့ပြီ ဖြစ်သဖြင့် စိတ်အခြေအနေ ကောင်းမွန်နေသည်။ နောင်တွင် ဤကြယ်တာရာစွမ်းအားများကို ဖြည်းဖြည်းချင်း စုစည်းသွားရန်သာ ရှိတော့ပြီး အလျင်စလို လုပ်စရာ မလိုတော့ပေ။</p> <p>အသွင်ပြောင်းနယ်ပယ် တတိယအဆင့်အတွက်မူ... လင်းဖုန်းသည် ယခုတစ်ကြိမ်တွင် အလွန် အန္တရာယ်များသော အဆင့်တက်ခြင်းကို ကြုံတွေ့ခဲ့ရသဖြင့် နောက်တစ်ကြိမ်အတွက်မူ လုံးဝဥဿုံ ယုံကြည်မှု မရှိဘဲ မဆင်မခြင် အဆင့်တက်ရန် မကြိုးစားဝံ့တော့ပေ။</p> <p>နောက်လာမည့် အချိန်များတွင် ကြယ်တာရာစွမ်းအားများကို စုစည်းပြီး ခွန်အားမြှင့်တင်ခြင်းအပြင် စိတ်ဆန္ဒကို လေ့ကျင့်ရန်အတွက်လည်း အာရုံစိုက်ရပေလိမ့်မည်။ သို့မဟုတ်ပါက နောက်တစ်ကြိမ် အဆင့်တက်ရန် ကြိုးစားသည့်အခါ စွမ်းအားမျှင် ၅၀၀ မဟုတ်ဘဲ ၅၀၀၀ ကျော်ကို ရင်ဆိုင်ရမည် ဖြစ်သည်။</p> <p>အကယ်၍ စိတ်ဆန္ဒ မလုံလောက်ပါက အဆင့်မတက်နိုင်ရုံသာမက ကျရှုံးသွားပါက အသက်အန္တရာယ်ပင် ရှိနိုင်ပေသည်။</p> <p>"စစ်သေနာပတိချုပ်... ခေါင်းဆောင်လုဝေ့ လာတွေ့ပါတယ်ဗျ။ အရေးကြီးကိစ္စ တင်ပြစရာ ရှိတယ်လို့ ပြောပါတယ်"</p> <p>အပြင်ဘက်ရှိ ကင်းစောင့်က လာရောက် သတင်းပို့ပြန်သည်။ လင်းဖုန်း၏ ရင်ထဲတွင် တစ်ချက် တုန်သွားသည်။ လုဝေ့ ဘာလို့ ရောက်လာတာလဲ။</p> <p>လုဝေ့ ရောက်လာသည်ကို ကြားလိုက်ရသောအခါ လင်းဖုန်းသည် လွန်ခဲ့သည့် ရက်အနည်းငယ်က သူ့ကို ခဏခဏ လာရှာတတ်သော ချန်ရွှယ်ကို သတိရလိုက်သည်။ ဘာလို့ ရုတ်တရက် ဘာသံမှ မကြားရတော့တာလဲ။ သူမ သူ့ကို လာပြီးမနှောင့်ယှက်တာ ရက်အနည်းငယ် ရှိပြီ ဖြစ်သည်။</p> <p>ဒါက အတော်လေး ထူးဆန်းသည်။ ချန်ရွှယ်သည် အလွန် ဇွဲနပဲကြီးသူဖြစ်ပြီး အလွယ်တကူ လက်လျှော့မည့်သူ မဟုတ်ပေ။ သို့သော် သူမ ရက်အတော်ကြာအောင် ပေါ်မလာခဲ့ပေ။ အခြေစိုက်စခန်းမှာ တစ်ခုခု ဖြစ်လို့လား။</p> <p>ထိုသို့တွေးရင်း လင်းဖုန်းသည် မတ်တတ်ရပ်ကာ လျှို့ဝှက်ခန်းတံခါးကို ဖွင့်လိုက်ပြီး လုဝေ့ကို တွေ့ရန် ပြင်လိုက်သည်။</p> <p>ဧည့်ခန်းသို့ ရောက်သောအခါ လုဝေ့မှာ စောင့်ဆိုင်းနေပြီး ဖြစ်သည်။</p> <p>"ခေါင်းဆောင်လု... ဘာအရေးပေါ်ကိစ္စ ရှိလို့လဲ။"</p> <p>လင်းဖုန်းက တည်ငြိမ်စွာ မေးလိုက်သည်။</p> <p>"စစ်သေနာပတိချုပ်... ခေါင်းဆောင်ချန်ရွှယ်ကို တခြားနေရာကို ပြောင်းရွှေ့ပေးဖို့ အထက်ကို တင်ပြပေးပါဦး။"</p> <p>လုဝေ့က လင်းဖုန်းကို မြင်သည်နှင့် တိုက်ရိုက်ပင် ပြောလိုက်သည်။ သူ၏ လေယူလေသိမ်းနှင့် အမူအရာမှာ အလွန် လေးနက်နေသည်။</p> <p>"ချန်ရွှယ်ကို ပြောင်းရွှေ့ခိုင်းချင်တာလား။"</p> <p>လင်းဖုန်း အနည်းငယ် အံ့ဩသွားသည်။ လုဝေ့သည် တောင်ပိုင်းတောင်တန်း အခြေစိုက်စခန်းတွင် ချန်ရွှယ်ကို အမှန်တကယ် ဂရုစိုက်ပြီး သူမနှင့် အရင်းနှီးဆုံးသူ ဖြစ်ကြောင်း သူ သိထားသည်။ သို့သော် ဘာကြောင့် လုဝေ့က ချန်ရွှယ်ကို ပြောင်းရွှေ့ခိုင်းရတာလဲ။</p> <p>"စစ်သေနာပတိချုပ်... ချန်ရွှယ်က အရမ်းကို မဆင်မခြင် လုပ်တတ်လွန်းပါတယ်။ သူမက ကျွန်တော် အရင်က ထုတ်ပြန်ထားတဲ့ အမိန့်ကို ဖီဆန်ပြီး အခြေစိုက်စခန်းကနေ ခွင့်ပြုချက်မရှိဘဲ သင်းခွေချပ်သားရဲတွေကို အမဲလိုက်ဖို့ ထွက်သွားခဲ့ပါတယ်။ တကယ်လို့ သူမသာ ဒီအတိုင်း ဆက်ပြီး ထိန်းမနိုင်သိမ်းမရ ဖြစ်နေဦးမယ်ဆိုရင် သူမကိုယ်တိုင်တင် မဟုတ်ဘဲ အခြေစိုက်စခန်းတစ်ခုလုံး ဘေးဒုက္ခ ရောက်နိုင်ပါတယ်"</p> <p>လုဝေ့က ချန်ရွှယ် မည်သို့ ခွင့်ပြုချက်မရှိဘဲ ထွက်သွားကြောင်းကို အကျဉ်းချုပ် ရှင်းပြလိုက်သည်။ လင်းဖုန်းလည်း ချန်ရွှယ်၏ လုပ်ရပ်က အခြေစိုက်စခန်းအတွက် မည်မျှ အန္တရာယ်များကြောင်း တဖြည်းဖြည်း နားလည်လာသည်။</p> <p>လင်းဖုန်း မျက်မှောင်ကြုတ်လိုက်သည်။ လုဝေ့ကလည်း သူ့ကို အလောတကြီး မတိုက်တွန်းဘဲ ငြိမ်သက်စွာ စောင့်နေသည်။</p> <p>အတော်ကြာမှ လင်းဖုန်း မတ်တတ်ရပ်လိုက်ပြီး တည်ငြိမ်စွာ ပြောလိုက်သည်။</p> <p>"သွားကြစို့... ခေါင်းဆောင်ချန်ရွှယ်ကို သွားတွေ့ကြတာပေါ့"</p> <p>လုဝေ့၏ မျက်လုံးများမှာ အနည်းငယ် ဇဝေဇဝါ ဖြစ်သွားသည်။ လင်းဖုန်းက ဘာကြောင့် ချန်ရွှယ်ကို အခုအချိန်မှာ သွားတွေ့ချင်ရတာလဲဆိုတာ သူ မသိပေမဲ့ ခေါင်းညိတ်လိုက်ပြီး လင်းဖုန်းကို လမ်းပြပေးလိုက်တော့သည်။</p> <p> </p> <p> </p> <p> </p> <p style="text-align: center;">***</p>


Save