Book List

<h2 style="text-align: center;">အခန်း (၁၅၂)</h2> <h2 style="text-align: center;">အသိဝင်စေသော ရိုက်နှက်မှု</h2> <h2 style="text-align: center;">*</h2> <h2 style="text-align: center;"> </h2> <p> </p> <p>လုဝေ့၏ မျက်လုံးများမှာ အနည်းငယ် ကျဉ်းမြောင်းသွားသည်။ လင်းဖုန်း၏ အရှိန်မှာ ခုနက အလွန်ပင် မြန်ဆန်လှသည်။ ထိုအရှိန်သည် တစ္ဆေတစ်ကောင်ကဲ့သို့ပင်။ လုဝေ့ကိုယ်တိုင်ပင်လျှင် လင်းဖုန်း၏ ပုံရိပ်ကို သေသေချာချာ မမြင်လိုက်ရပေ။ လင်းဖုန်း၏ပုံရိပ်ဝေဝါးသွားပြီးနောက် လင်းဖုန်းက ချန်ရွှယ်ကို ပါးနှစ်ချက် ရိုက်လိုက်ခြင်း ဖြစ်သည်။</p> <p>လင်းဖုန်း ပြသလိုက်သော ခွန်အားမှာ အလွန်ပင် တုန်လှုပ်စရာ ကောင်းလှသည်။</p> <p>ချန်ရွှယ်သည် အသွင်ပြောင်းနယ်ပယ် ပထမအဆင့် သိုင်းသမားတစ်ဦးသာ ဖြစ်သော်လည်း ကြယ်တာရာစွမ်းအားမျှင် ၉၉ ခုကို စုစည်းထားသူ ဖြစ်သည်။ လင်းဖုန်း မည်မျှပင် မြန်ပါစေ သူမအနေဖြင့် တုံ့ပြန်နိုင်စွမ်း ရှိသင့်သည်။ သို့သော် လင်းဖုန်း၏ ရှေ့တွင်မူ ချန်ရွှယ်သည် ထိုရိုက်ချက်နှစ်ချက်ကို လုံးဝမခုခံနိုင်ခဲ့ပေ။</p> <p>ဤအချိန်တွင် လုဝေ့အပါအဝင် အခြေစိုက်စခန်းရှိ သာလွန်လူသား ကျွမ်းကျင်သူ အားလုံးသည် လင်းဖုန်း၏ ခွန်အားကို သူတို့၏ စိတ်ထဲတွင် အသစ်တစ်ဖန် ပြန်လည် တန်ဖိုးဖြတ်လိုက်ကြသည်။ နဂါးကျောက်တုံးမြို့မှ ဗီဒီယိုအချို့နှင့် ကျောက်တုံးမြို့မှ သတင်းအချက်အလက်အချို့ကိုသာ ကြည့်ပြီး သူတို့သည် လင်းဖုန်းကို အထင်သေးခဲ့မိပုံရသည်။</p> <p>လက်တွေ့တွင် လင်းဖုန်း၏ အရှိန်မှာလည်း အလွန် မြန်ဆန်လှသည်။ သူ၏ ခွန်အားနှင့် နှိုင်းယှဉ်လျှင် အရှိန်မှာ အနည်းငယ် နိမ့်ပါးနေသော်လည်း သာမန် အသွင်ပြောင်းနယ်ပယ် သိုင်းသမားများနှင့် နှိုင်းယှဉ်လျှင်မူ များစွာ ကျော်လွန်နေပြီ ဖြစ်သည်။ ခုနက သူ၏ ကြယ်တာရာစွမ်းအားကို ထုတ်လွှတ်လိုက်သည့် အချိန်မှာဆိုလျှင် ပို၍ပင် ပြောနေစရာ မလိုတော့ပေ။</p> <p>လင်းဖုန်းသည် ချန်ရွှယ်ကို ဆက်ပြီး သည်းမခံနိုင်တော့ပေ။ ဤရူးသွပ်နေသော မိန်းမမှာ အသွင်ပြောင်းနယ်ပယ် သိုင်းသမားတစ်ဦးထက် အရူးတစ်ယောက်နှင့် ပိုတူနေသည်။ ကျိုးယွင် သေဆုံးသွားကတည်းက ချန်ရွှယ်မှာ ရူးသွားခဲ့ခြင်း ဖြစ်နိုင်ပေသည်။ သူမကိုယ်တိုင် သေချင်နေသည်မှာ ကိစ္စမရှိသော်လည်း တောင်ပိုင်းတောင်တန်း အခြေစိုက်စခန်းရှိ လူတိုင်းကို ဆွဲခေါ်ပြီး အသေခံခိုင်းရန် ကြိုးစားနေခြင်းမှာမူ မတူကွဲပြားသောကိစ္စတစ်ရပ်ပင် ဖြစ်သည်။</p> <p>ထို့ကြောင့် လင်းဖုန်း ချန်ရွှယ်ကို ပါးနှစ်ချက် ရိုက်လိုက်ခြင်း ဖြစ်သည်။ အင်အားသုံးပြီး မလုပ်လျှင် သူမကို အသိဝင်အောင် လုပ်ရန်မှာ မဖြစ်နိုင်ပေ။</p> <p>ပါးနှစ်ချက် ဆက်တိုက် အရိုက်ခံလိုက်ရပြီးနောက် ချန်ရွှယ်၏ မျက်နှာမှာ တွန့်လိမ်သွားသည်။ သူမသည် လူပုံအလယ်တွင် ဤကဲ့သို့ အရှက်ခွဲမှုမျိုးကို တစ်ခါမျှ မခံခဲ့ဖူးပေ။ ထို့ပြင် သူမကိုယ်တိုင်မှာလည်း ဂုဏ်သိက္ခာရှိသော သာလွန်လူသား ကျွမ်းကျင်သူတစ်ဦး မဟုတ်ပါလား။</p> <p>ဝုန်း...</p> <p>ကြယ်တာရာစွမ်းအားမျှင် ၉၉ ခု ပေါက်ကွဲထွက်လာသည်။ ချန်ရွှယ်သည် သူမ၏ စွမ်းအားအားလုံးကို အသုံးချကာ ထုတ်လွှတ်လိုက်သည်။ သူမ နိုးထလာသော မွေးရာပါစွမ်းရည်မှာလည်း အလွန် သာမန်ဆန်သော မီးဒြပ်စင် မွေးရာပါစွမ်းရည် ဖြစ်သည်။ လက်တွေ့တွင် မီး၊ ရေ၊ လေ စသည့် စွမ်းရည်များမှာ အတွေ့ရအများဆုံးနှင့် နိုးထရန် အလွယ်ကူဆုံး စွမ်းရည်များ ဖြစ်သည်။</p> <p>ချန်ရွှယ်၏ တစ်ကိုယ်လုံးတွင် မီးတောက်များ ဖုံးလွှမ်းသွားသည်။ ထို့ပြင် သူမ၏ ခန္ဓာကိုယ်ထဲရှိ ကြယ်တာရာစွမ်းအားများ ပေါက်ကွဲထွက်လာမှုမှာလည်း အမှန်တကယ်ပင် တုန်လှုပ်စရာ ကောင်းလှသည်။ သူမသည် စိတ်လွတ်သွားခဲ့ပြီဖြစ်ရာ လင်းဖုန်းအပေါ်တွင်ပင် သတ်ဖြတ်လိုစိတ်များ ပေါ်ပေါက်နေခဲ့သည်။</p> <p>မည်သို့ပင်ဆိုစေကာမူ မည်သည့် အသွင်ပြောင်းနယ်ပယ် သိုင်းသမားမျှ ပါးရိုက်ခံရသည့် အရှက်ခွဲမှုကို သည်းခံနိုင်လိမ့်မည် မဟုတ်ပေ။</p> <p>"တော်စမ်း... ချန်ရွှယ်။ မင်း ရူးနေလား"</p> <p>ချန်ရွှယ်၏ စွမ်းအားများ ပေါက်ကွဲထွက်လာသည်ကို မြင်သောအခါ လုဝေ့၏ ရင်ထဲတွင် တုန်သွားသည်။ သူသည် ချန်ရွှယ်က လင်းဖုန်းကို သတ်ပစ်မည်ကို စိုးရိမ်နေခြင်း မဟုတ်ပေ။ လင်းဖုန်း ပြသလိုက်သော ခွန်အားကို ကြည့်ခြင်းအားဖြင့် သူသည် ချန်ရွှယ်ထက် အဆပေါင်းများစွာ ပို၍ သာလွန်နေသည်။ သို့သော် ချန်ရွှယ်၏ ရူးသွပ်မှုကြောင့် လင်းဖုန်း တကယ် ဒေါသထွက်သွားပြီး ချန်ရွှယ်ကို မတော်တဆ ထိခိုက်ဒဏ်ရာရအောင် လုပ်မိမည်ကိုသာ သူ စိုးရိမ်နေခြင်း ဖြစ်သည်။</p> <p>သို့သော် လုဝေ့ မလှုပ်ရှားရသေးမီမှာပင် ချန်ရွှယ်၏ ခန္ဓာကိုယ်မှ ထွက်ပေါ်နေသော အရှိန်အဝါမှာ ရုတ်တရက် ရပ်တန့်သွားသည်။</p> <p>ဘုန်း...</p> <p>လင်းဖုန်း၏ မျက်နှာမှာ တည်တင်းနေသည်။ သူသည် ခြေထောက်ကို မြှောက်ကာ ချန်ရွှယ်ကို တိုက်ရိုက် ကန်လိုက်ခြင်း ဖြစ်သည်။ ချန်ရွှယ် ခုနက ထုတ်လွှတ်လိုက်သော ကြယ်တာရာစွမ်းအားမှာ လင်းဖုန်း၏ ကန်ချက်ကို လုံးဝ ခုခံနိုင်စွမ်း မရှိပေ။</p> <p>ချန်ရွှယ်မှာ လွင့်ထွက်သွားပြီး မြေပြင်ပေါ်သို့ ပြင်းထန်စွာ ကျရောက်သွားတော့သည်။</p> <p>သို့သော် ဤသည်မှာ မပြီးသေးပေ။ လင်းဖုန်းသည် ချန်ရွှယ်ဆီသို့ ဆက်လက် လိုက်သွားပြီး သူမ၏ မျက်နှာကို နောက်ထပ်တစ်ချက် ပြင်းထန်စွာ ရိုက်လိုက်ပြန်သည်။</p> <p>ဖြောင်း...</p> <p>ကြည်လင်သော အသံမှာ အဆက်မပြတ် ထွက်ပေါ်နေသည်။ ပါးရိုက်ချက် တစ်ချက်တိုင်းအတွက် လင်းဖုန်းက အဘယ့်ကြောင့်ရိုက်ရသည်ကိုလည်း တမင်တကာအသိဝင်အောင် ပြောဆိုကြိမ်းမောင်းနေသည်။</p> <p>"ချန်ရွှယ်... တောင်ပိုင်းတောင်တန်း အခြေစိုက်စခန်းကို စောင့်ရှောက်နေတဲ့ သာလွန်လူသား ကျွမ်းကျင်သူတစ်ယောက်အနေနဲ့ မင်းက အခြေစိုက်စခန်းရဲ့ အမိန့်ကို လျစ်လျူရှု စိတ်ထင်ရာလုပ်ပြီး အပြင်ထွက်သွားခဲ့တယ်။ ဒါကြောင့် အခုက မင်းနဲ့ထိုက်လို့ အရိုက်ခံရတာပဲ"</p> <p>"ချန်ရွှယ်... မင်းက အထက်လူကြီးရဲ့ အမိန့်ကို ဖီဆန်ပြီး စစ်သေနာပတိချုပ်ကို ပြန်ပြီး တိုက်ခိုက်ခဲ့တယ်။ ဒါကြောင့် ဒီတစ်ချက်က မင်းနဲ့ထိုက်လို့ အရိုက်ခံရတာပဲ"</p> <p>"ချန်ရွှယ်... မင်းက အခြေစိုက်စခန်းက သိုင်းသမားတွေကို သွေးထိုးလှုံ့ဆော်ပြီး အခြေစိုက်စခန်းရဲ့ ညီညွတ်မှုကို ပျက်ပြားအောင် လုပ်ခဲ့တယ်။ ဒါကြောင့် ဒီတစ်ချက်ကလည်း မင်းနဲ့ထိုက်လို့ အရိုက်ခံရတာပဲ"</p> <p>"ချန်ရွှယ်... ငါ နောက်ထပ် ဘာကြောင့်ရိုက်ရတယ်ဆိုတာ ပြောမနေတော့ဘူး။ အခုချက်ချင်း အသိဝင်စမ်း"</p> <p>လင်းဖုန်းသည် ချန်ရွှယ်အပေါ်တွင် လုံးဝ သနားညှာတာခြင်း မရှိပေ။ ရိုက်ချက် တစ်ချက်ပြီးတစ်ချက်ကြောင့် ချန်ရွှယ်၏ ခန္ဓာကိုယ်တွင် ခုခံရန်အတွက် ကြယ်တာရာစွမ်းအားများ မရှိတော့ပေ။ ထို့ကြောင့် သူမ၏ မျက်နှာမှာ ဖူးယောင်လာပြီး အတော်လေးကို ကြည့်မကောင်းရှုမကောင်းအောင် ဖြစ်သွားသည်။</p> <p>"ရှင် ဒီလောက်တောင် အစွမ်းထက်နေရင် သင်းခွေချပ်သားရဲတွေကို သွားသတ်လေ။ ကျွန်မလို မိန်းမတစ်ယောက်ကိုပဲ ရှင် နိုင်တာလား"</p> <p>"အခုကျမှ မင်းကိုယ်မင်း မိန်းမတစ်ယောက်ဆိုတာ သတိရနေတာလား။ ခုနက ခွင့်ပြုချက်မရှိဘဲ အခြေစိုက်စခန်းကနေ ထွက်သွားတုန်းကရော မင်းကိုယ်မင်း မိန်းမတစ်ယောက်ဆိုတာ သတိရခဲ့ရဲ့လား။ သိုင်းသမားတွေ အားလုံးကို သင်းခွေချပ်သားရဲတွေ သွားသတ်ဖို့ လှုံ့ဆော်နေတုန်းကရော အဲဒီသိုင်းသမားတွေထဲမှာ မိန်းမတွေ ပါနေတယ်ဆိုတာကို မင်း သတိရခဲ့ရဲ့လား"</p> <p>"ငါ မင်းကို ရှင်းရှင်းလင်းလင်း ပြောလိုက်မယ်၊ မင်း တကယ်ကို အသိဉာဏ် မရှိတာပဲ။ မင်း လုပ်ခဲ့တဲ့ လုပ်ရပ်တွေက တောင်ပိုင်းတောင်တန်း အခြေစိုက်စခန်းအတွက် ပျက်စီးခြင်း အကျိုးဆက်တွေကို ယူဆောင်လာလိမ့်မယ်"</p> <p>"မင်းရှေ့မှာ ကျိုးယွင်အကြောင်းကို ဘယ်သူမှ မပြောရဲခဲ့ကြဘူး ထင်တယ်။ ဒါဆိုရင် ဒီနေ့ ငါ ပြောပြမယ်။ မင်းရဲ့ အစ်ကိုကျိုး... တောင်ပိုင်းတောင်တန်း အခြေစိုက်စခန်းရဲ့ စစ်သေနာပတိချုပ်ဟောင်း ကျိုးယွင်သာ တိုက်ပွဲမှာ မသေခဲ့ရင် သူ စစ်ခုံရုံးမှာ တရားရင်ဆိုင်ရမှာပဲ"</p> <p>"သူ့ရဲ့ အစွန်းရောက်မှု၊ သူ့ရဲ့ မဆင်မခြင် လုပ်ရပ်တွေနဲ့ သူ့ရဲ့ ရူးသွပ်မှုတွေကြောင့် တောင်ပိုင်းတောင်တန်း အခြေစိုက်စခန်းမှာ ကြီးမားတဲ့ ဆုံးရှုံးမှုတွေ ကြုံခဲ့ရတာ။ သာလွန်လူသား ကျွမ်းကျင်သူ ၁၅ ယောက်နဲ့ ရေတွက်လို့မရတဲ့ သာမန်သိုင်းသမားတွေ အသတ်ခံခဲ့ရပြီး အခြေစိုက်စခန်းကိုယ်တိုင်တောင် ကျဆုံးလုနီးပါး ဖြစ်ခဲ့ရတယ်။ ကျိုးယွင်က လုံးဝကို သောက်သောက်လဲ ကျရှုံးခဲ့တဲ့သူပဲ။ သူက တောင်ပိုင်းတောင်တန်း အခြေစိုက်စခန်းကို ပျက်စီးအောင် လုပ်ခဲ့တဲ့သူပဲ။ သူဟာ အပြစ်သားပဲကွ။ နားလည်လား"</p> <p>လင်းဖုန်း၏ နောက်ဆုံး စကားလုံးမှာ ချန်ရွှယ်ကို အရူးတစ်ယောက်ကဲ့သို့ အော်ဟစ်လာစေသည်။</p> <p>"မဟုတ်ဘူး... မဟုတ်ဘူး... အစ်ကိုကျိုးက သူရဲကောင်းတစ်ယောက်ပဲ။ သူက ဘယ်လိုလုပ် အပြစ်ရှိမှာလဲ။ အစ်ကိုကျိုးကို စွပ်စွဲတာကို ကျွန်မ ခွင့်မပြုဘူး။ ရှင့်မှာ အဲဒီလို ပြောပိုင်ခွင့် မရှိဘူး"</p> <p>ချန်ရွှယ်၏ သွားများမှာ အလွန်အမင်း ကြိတ်ထားသဖြင့် သွေးထွက်လုနီးပါးပင် ဖြစ်နေသည်။ သူမသည် လင်းဖုန်းကို အရှင်လတ်လတ် ဝါးစားပစ်ချင်သည့်အလား သွားများကို ကြိတ်ထားသည်။ ကျိုးယွင်ကို စွပ်စွဲပြောဆိုသည်ကို သူမ လုံးဝ ခွင့်မပြုနိုင်ပေ။</p> <p>"ငါက ကျိုးယွင်ကို စွပ်စွဲနေတာလား။ ကောင်းပြီလေ... ဒီနေ့ ငါ မင်းကို အမှန်တရားကို ပြပေးမယ်။ မင်းရဲ့ ပတ်ဝန်းကျင်က လူတွေကို ကြည့်လိုက်စမ်း။ သူတို့အားလုံးက တောင်ပိုင်းတောင်တန်း အခြေစိုက်စခန်းက သိုင်းသမားတွေပဲ။ ကျိုးယွင်က သူရဲကောင်းတစ်ယောက်လို့ သူတို့ ထင်သလားဆိုတာ မင်း ကြည့်လိုက်စမ်း"</p> <p>လင်းဖုန်းက ချန်ရွှယ်ကို ဆွဲမလိုက်ပြီး မြေပြင်ပေါ်သို့ ပစ်ချလိုက်သည်။</p> <p>ချန်ရွှယ် ခေါင်းမော့လိုက်သည်။ သူမ၏ ဖရိုဖရဲ ဖြစ်နေသော ပုံစံမှာ အလွန်ပင် ရက်စက်ပုံပေါက်နေသည်။ သူမသည် ပတ်ဝန်းကျင်ရှိ သိုင်းသမားများကို ကြည့်ကာ အော်ပြောလိုက်သည်။</p> <p>"ရှင်တို့ အားလုံး အမှန်အတိုင်း ပြောကြစမ်းပါ။ အစ်ကိုကျိုးမှာ အပြစ်မရှိဘူး မဟုတ်လား... မရှိဘူးနော်"</p> <p>ပတ်ဝန်းကျင် တစ်ခုလုံးမှာ ရုတ်တရက် တိတ်ဆိတ်သွားသည်။ မည်သူမျှ ရှေ့ထွက်ပြီး စကားမပြောရဲကြပေ။ သို့သော် လင်းဖုန်းက ဝင်ရောက် မနှောင့်ယှက်ဘဲ ချန်ရွှယ်ကို အေးစက်စက်သာ ကြည့်နေခဲ့သည်။</p> <p>ချန်ရွှယ်၏ အကြည့်များမှာ ပို၍ပင် ရူးသွပ်လာခဲ့သည်။ သူမမျက်လုံးထဲတွင် တောင်းပန်တိုးလျှိုးသည့် အရိပ်အယောင်များပင် ရှိနေသည်။</p> <p>"ရှင်တို့ လင်းဖုန်းကို ပြောပြလိုက်ကြပါ၊ အစ်ကိုကျိုးမှာ အပြစ်မရှိဘူးလို့ ပြောပြလိုက်ကြပါ။ အစ်ကိုကျိုးက သူရဲကောင်းတစ်ယောက်လေ။ ရှင်တို့ အားလုံး မေ့သွားကြပြီလား။ အစ်ကိုကျိုးက ရှင်တို့ကို ဦးဆောင်ပြီး သင်းခွေချပ်သားရဲတွေကို တိုက်ခိုက်ခဲ့တာလေ။ အစ်ကိုကျိုးက တိုက်ပွဲမှာတောင် သေဆုံးခဲ့ရတာ။ သူက လုံးဝအပြစ်မရှိဘူး"</p> <p>ချန်ရွှယ်သည် စိတ်ဂယောက်ဂယက်ဖြင့် အော်ဟစ်နေသည်။ သူမအသံပင် ဝင်နေပြီ ဖြစ်သော်လည်း မည်သူမျှ စကားမပြောကြပေ။ တိတ်ဆိတ်မှု... ကြောက်စရာကောင်းသော တိတ်ဆိတ်မှုသာ ကြီးစိုးနေသည်။ ချန်ရွှယ်သည် ပတ်ဝန်းကျင်ရှိ သိုင်းသမားများ၏ အကြည့်များထဲမှ အမှန်တရားကို မြင်တွေ့လိုက်ရသည်။</p> <p>သူမ ရှိုက်ကြီးတငင် ငိုကြွေးလိုက်သည်။ သူမ အားရပါးရ ငိုကြွေးနေမိသည်။ အင်အားကြီးမားသော သာလွန်လူသားအဆင့် ကျွမ်းကျင်သူတစ်ဦး ငိုကြွေးနေခြင်း ဖြစ်သည်။ သူမ၏ ရင်ထဲတွင် အရာအားလုံးထက် သာလွန်ပြီး ပြီးပြည့်စုံနေသော အစ်ကိုကျိုးသည် သူမ တစ်ယောက်တည်းအတွက်သာ သူရဲကောင်း ဖြစ်နေခဲ့သည်။ တောင်ပိုင်းတောင်တန်း အခြေစိုက်စခန်းရှိ သိုင်းသမားများသည် ကျိုးယွင်ကို မမုန်းတီးကြလျှင်ပင် မည်သူမျှ သူ့ကို သူရဲကောင်းတစ်ယောက်ဟု မသတ်မှတ်ကြပေ။</p> <p>ကျိုးယွင်ကြောင့် သိုင်းသမား အများအပြား သေဆုံးခဲ့ရပြီး အခြေစိုက်စခန်း တစ်ခုလုံး ကျဆုံးလုနီးပါး ဖြစ်ခဲ့ရသည်။ အခြေစိုက်စခန်းရှိ သိုင်းသမားများက ကျိုးယွင်ကို သူရဲကောင်းတစ်ဦးဟု မည်သို့ ထင်မြင်နိုင်ပါမည်နည်း။</p> <p>ထိုဘေးဒုက္ခမှာ လုံးဝ ရှောင်လွှဲ၍ ရနိုင်သော ကိစ္စဖြစ်ပြီး ကျိုးယွင်၏ ခေါင်းမာမှုကြောင့် ဖြစ်ပေါ်လာသည့် ပြင်းထန်သော အကျိုးဆက်များသာ ဖြစ်သည်။</p> <p>သို့သော် ဤအရာကို ချန်ရွှယ်အား မည်သူမျှ မပြောရက်ခဲ့ကြပေ။ လုဝေ့ပင်လျှင် မပြောခဲ့ပေ။</p> <p>ယနေ့တွင် လင်းဖုန်းက ပြောလိုက်ပြီ ဖြစ်သည်။ သူသည် တောင်ပိုင်းတောင်တန်း အခြေစိုက်စခန်းသို့ ရောက်ရှိလာသည်မှာ မကြာသေးသလို ပထမဆုံး သုံးရက်အတွင်း စစ်ဆေးမှုများ ပြုလုပ်သည်မှလွဲ၍ များသောအားဖြင့် သီးသန့်သာ နေထိုင်လေ့ရှိသည်။ သို့သော် ထိုသုံးရက်အတွင်း စစ်ဆေးမှုများမှတစ်ဆင့် ဆုံးရှုံးမှု အများဆုံး ကြုံတွေ့ခဲ့ရသော တပ်ရင်း ၁၅ ခုမှာ ကျိုးယွင်အပေါ် မကျေမနပ် ဖြစ်နေကြကြောင်း လင်းဖုန်း တွေ့ရှိခဲ့ရသည်။</p> <p>ထိုတပ်ရင်း ၁၅ ခုမှာ လုံးဝ ပျက်စီးလုနီးပါး ဖြစ်ခဲ့ရသည်။ သူတို့၏ ခေါင်းဆောင်များပင် တိုက်ပွဲတွင် ကျဆုံးခဲ့ရသည်။ ဤအရာအားလုံးမှာ ကျိုးယွင်၏ မဆင်မခြင် လုပ်ရပ်များကြောင့်ပင် ဖြစ်သည်။ ကျိုးယွင် သေဆုံးသွားခဲ့သဖြင့်သာ မည်သူမျှ ဤကိစ္စကို ထပ်ပြီး မပြောကြတော့ခြင်း ဖြစ်သည်။</p> <p>"ချန်ရွှယ်... အခု အသိဝင်ဖို့ အချိန်တန်ပြီ..."</p> <p>လုဝေ့ ရှေ့သို့ တက်သွားပြီး ချန်ရွှယ်ကို တွဲထူလိုက်သည်။ ချန်ရွှယ်သည် ယနေ့တွင် လင်းဖုန်း၏ ပြင်းထန်သော သင်ခန်းစာပေးမှုကို ခံခဲ့ရပြီး သူမ၏ ဂုဏ်သိက္ခာအားလုံး ဆုံးရှုံးသွားခဲ့ပြီ ဖြစ်သည်။ သို့သော် လင်းဖုန်း ခုနက ပြောခဲ့သော စကားများကို ချန်ရွှယ် ပို၍ စိုးရိမ်နေမည်ကို သူ သိထားသည်။</p> <p>လင်းဖုန်း၏ စကားများက ချန်ရွှယ်၏ ရင်ထဲရှိ ဂုဏ်ယူမှုကို ဖြိုခွင်းလိုက်ပြီး သူမ၏ ယုံကြည်ချက်ကိုလည်း ဖျက်ဆီးလိုက်သည်။ ချန်ရွှယ်အနေဖြင့် ဤအခြေအနေမှ ပြန်လည် နာလန်ထူရန်ပင် မဖြစ်နိုင်တော့ခြင်းလည်း ဖြစ်နိုင်သည်။</p> <p>သို့သော် လုဝေ့အနေဖြင့် လင်းဖုန်းကို အပြစ်မတင်နိုင်ပေ။ မည်သို့ပင်ဆိုစေကာမူ လင်းဖုန်းကသာ ချန်ရွှယ်ကို အသိဝင်အောင် ရိုက်နှက်ခြင်းမပြုခဲ့ပါက သူမ၏လုပ်ရပ်များသည် တောင်ပိုင်းတောင်တန်း အခြေစိုက်စခန်းအတွက် အကြီးမားဆုံးသော လျှို့ဝှက်အန္တရာယ်တစ်ခု ဖြစ်လာနိုင်သောကြောင့်ပင်။</p> <p>"မကောင်းတော့ဘူး... သင်းခွေချပ်သားရဲတွေ လာနေပြီ။ အများ...အများကြီးပဲ"</p> <p>ရုတ်တရက် အခြေစိုက်စခန်းကို စောင့်ကြပ်နေသော သိုင်းသမားတစ်ဦးသည် လင်းဖုန်းနှင့် အခြားသော တပ်ရင်းမှူးများ၏ ရှေ့သို့ အပြေးအလွှား ရောက်လာပြီး သတင်းပို့လိုက်သည်။</p> <p>သင်းခွေချပ်သားရဲများ နောက်တစ်ကြိမ် ရောက်လာပြန်ပြီလား…</p> <p> </p> <p> </p> <p> </p> <p style="text-align: center;">***</p>


Save